Yangiliklar

2025-yilgi Xalqaro matematika olimpiadasi (IMO)da OpenAI kompaniyasining yangi LLM modeli mustaqil ravishda qatnashib oltin medal darajasidagi natijani qayd etdi. Bu haqda kompaniya tadqiqotchisi Aleksandr Vey ma’lum qildi.

Tajriba doirasida model IMO’ning rasmiy savollariga javob bergan. Umumiy oltita murakkab masaladan beshtasini to‘liq yechib, 42 balldan 35 ball to‘pladi. Model tabiiy til orqali izohlangan, tushunarli va to‘liq javoblar taqdim etgan, bunda internet yoki tashqi vositalardan foydalanilmagan.

Bu natija IMO tarixida sun’iy intellekt tomonidan erishilgan eng yuqori ko‘rsatkich bo‘ldi.

OpenAI vakillarining so‘zlariga ko‘ra, model IMO savollariga maxsus tayyorlanmagan. Boshqa tadqiqotchi Noam Braun bu yutuqni sun’iy intellektning yangi bosqichi sifatida ta’kidladi.

Avvalroq...

Ikki karra Olimpiya chempioni Hasanboy Do‘stmatov Bishkekda o‘tgan boks kechasida filippinlik Mark Antonio bilan jang qildi. Ochkolar hisobiga ko‘ra Do‘stmatov g‘alaba qozonib, professional boksdagi yettinchi g‘alabasini qo‘lga kiritdi.

Sakkiz raundga mo‘ljallangan bellashuv yakunida hakamlar bir ovozdan g‘alabani Do‘stmatovga berdi. Bu Hasanboyning professional boksdagi ketma-ket yettinchi g‘alabasi bo‘ldi.

Avvalroq Kursiv Uzbekistan Usik Dyuba ustidan nokaut bilan g‘alaba qozonib, uch karra jahon chempioniga aylangani haqida xabar bergan edi.

19-iyul kuni Londondagi «Uembli» stadionida ukrainalik bokschi Aleksandr Usik britaniyalik raqibi Daniel Dyubani beshinchi raundda nokautga uchratib, professional boksda uchinchi bor mutlaq jahon chempioni bo‘ldi.

Bugun, 21-iyul kuni tongda Toshkent shahrining Olmazor tumanida joylashgan omborxonalardan biridan havoga o‘tkir oltingugurt hidi tarqalgan. Bu haqda Favqulodda vaziyatlar vazirligi (FVV)ga xabar qilingan.

So‘ng vazirlikning Radiatsion, kimyoviy va tibbiy-biologik himoya bo‘limlari zudlik bilan voqea joyiga yetib borgan. Aniqlanishicha, omborxonada saqlanayotgan sig‘imlardan biri orqali perekis vodorod moddasi ochiq havoga sizib chiqqan.

Tegishli xizmatlar tomonidan favqulodda vaziyat soat 04:00 ga kelib to‘liq bartaraf etilgan. FVV holat to‘liq nazoratga olinganini ma’lum qildi. Hozirda mutasaddilar tomonidan surishtiruv ishlari olib borilmoqda.

Avvalroq Kursiv Uzbekistan Navoiyda havo ifloslanishi bo‘yicha tekshiruv boshlangani haqida yozgandi.

19-iyul kuni ertalab «Navoiyazot» AJ atrofida o‘tkazilgan tahlillarda havoda...

Centrum Air aviakompaniyasi o‘zining navbatdagi o‘rta masofali Airbus A321neo samolyotini qabul qilib oldi. Bu haqda kompaniya Kursiv Uzbekistan’ga ma’lum qildi.

Yangi samolyot xaridi bilan kompaniya aviaparki 11 taga yetdi, ulardan beshtasi zamonaviy NEO oilasiga mansub.

UK32132 raqamli yangi A321-253NX samolyoti Germaniyaning Gamburg shahridagi Airbus zavodida ishlab chiqarilgan. U barcha zavod va uchuv sinovlaridan muvaffaqiyatli o‘tgan. Bundan tashqari, joriy yilning 8-iyul kuni samolyot 2 soat 25 daqiqa davomida sinov parvozini amalga oshirgan.

Shuningdek, u CFMI LEAP-1A33 rusumidagi zamonaviy dvigatellarga ega bo‘lib, ular yonilg‘ini tejaydi va shovqin darajasini kamaytiradi. Yangi layner kompaniyaning brend ranglarida bo‘yalgan va tez orada xalqaro hamda mintaqaviy...

Xiaomi kompaniyasi Redmi Turbo 5 nomli yangi o‘rta toifa smartfoni ustida ishlamoqda. Smartfon haqda bir qator ma’lumotlar paydo bo‘ldi.

Smartfon MediaTek’ning hali taqdim etilmagan Dimensity 8500 Ultra chipida ishlaydi. Bu esa uni avvalgi model – Dimensity 8400 Ultra bazasidagi Redmi Turbo 4’dan kuchliroq qiladi.

Tarqalgan ma’lumotlarga ko‘ra, Redmi Turbo 5 6,6 dyuymli, 1,5K aniqlikdagi ekran, metall ramka va yupqa, katta sig‘imli batareyaga ega bo‘ladi.

Rasmiy taqdimot sanasi hali noma’lum. Biroq taxminlarga ko‘ra, Redmi Turbo 5 2025-yil oxirigacha taqdim etilishi mumkin.

Eslatib o‘tamiz, Kursiv Uzbekistan Xiaomi 15T Pro smartfoni qanday xususiyatlarga egaligi haqida yozgan edi.

Davlat xavfsizlik xizmati va Ichki ishlar vazirligi hamkorligida o‘tkazilgan tezkor tadbirlar davomida ikki nafar ishsiz fuqaro tomonidan noqonuniy diniy o‘quv mashg‘ulotlari tashkil etilgani fosh bo‘ldi. Bu haqda DXX matbuot xizmati ma’lum qildi.

Zangiota tumanida 21 yoshli shaxs 31 nafar bolaga, Toshkent tumanida esa 43 yoshli fuqaro 12 nafar voyaga yetmagan bolaga noqonuniy diniy saboq bergani aniqlangan.

Mazkur qonunbuzarliklar yuzasidan gumonlanuvchilarga hamda bolalarning ota-onalariga nisbatan qonun doirasida tegishli choralar ko‘rildi.

Eslatib o‘tamiz, avvalroq Qo‘qonda «Hizb ut-Tahrir»ning yashirin guruhi fosh etilgan edi.

Volvo kompaniyasi EX30 elektromobilining har xil yo‘l sharoitlariga moslashtirilgan yangi Volvo EX30 Cross Country versiyasini taqdim etdi. Yangi model yo‘ldan tashqari harakatlanish uchun mo‘ljallangan maxsus obves bilan jihozlangan.

Ma’lum qilinishicha, avtomobilning rasmiy narxi 263 800 yuanni ($36,7 ming) tashkil etadi. EX30 Cross Country ikki elektromotorga ega bo‘lib, umumiy quvvati 428 ot kuchiga teng. Batareya sig‘imi 66 kVt/soat, bir quvvat bilan 540 km masofani bosib o‘tadi (CLTC mezoni bo‘yicha).

Model Volvo’ning klassik skandinav uslubida tayyorlangan. Old panjarasida Shvetsiyadagi eng baland nuqta – Kebne tog‘ining koordinatalari o‘yib yozilgan. Panjara suv va chizilishga chidamli materialdan tayyorlangan.

Mashina 19 dyuymli g‘ildiraklar, qora bagaj...

Navoiy viloyatida atmosfera havosining ifloslanishi bilan bog‘liq holat viloyat Ekologiya boshqarmasi tomonidan o‘rganildi. Bu haqda Ekologiya vazirligi ma’lum qildi.

19-iyul kuni ertalab «Navoiyazot» AJ atrofida o‘tkazilgan tahlillarda havoda ammiak miqdori 1,4 barobar, vodorod sulfidi esa 16,8 barobar me’yordan yuqori ekani aniqlandi.

Shuningdek, Gidrometeorologiya boshqarmasi tomonidan shahar ichidagi kuzatuv postlarida ham ammiak va uglerod ikki oksidi miqdori belgilangan me’yordan oshgani kuzatildi.

Hozirda «Navoiyazot» hududida aniqlangan kamchiliklarni o‘rganish uchun biznes-ombudsman bilan hamkorlikda hujjatlar tayyorlanmoqda. O‘rganish yakunlari bo‘yicha qo‘shimcha ma’lumot berilishi rejalashtirilgan.

Eslatib o‘tamiz, avvalroq vazirlik daraxt kesishga moratoriy saqlanib qolishi haqida bayonot bergan edi.

Meta kompaniyasi Yevropa Ittifoqining sun’iy intellekt bo‘yicha xulq-atvor kodeksini «ortiqcha va innovatsiyalarga xavf soluvchi» deb baholab, uni imzolamasligini bildirdi. Bu haqda TechCrunch ma’lum qildi.

Kompaniya vakili Joël Kaplan bu kodeks ishlab chiquvchilar uchun huquqiy noaniqliklar keltirib chiqarishini va AI Act doirasidan ortiqcha talablarni yuklashini ta’kidladi.

Yangi qoidalar 2-avgustdan kuchga kiradi va OpenAI, Meta, Google kabi kompaniyalarning umumiy maqsadli SI modellariga taalluqli bo‘ladi. Ular pirat kontentdan foydalanishni taqiqlaydi va shaffoflikni oshirishni talab qiladi. Meta bu yondashuv Yevropada ilg‘or texnologiyalar rivojiga to‘sqinlik qilishi mumkinligini bildirmoqda.

Eslatib o‘tamiz, avvalroq Meta rahbariyatiga qarshi $8 milliardlik sud jarayoni boshlangan edi.

NASA uzoq muddatli kosmik parvozlar uchun suyuq vodorod va kislorodni barqaror saqlash muammosini hal qilishga urinmoqda. Bu haqda kosmik tashkilot o‘z sahifasida ma’lum qildi.

Hozirda Alabama shtatida sinovdan o‘tkazilayotgan ikki bosqichli sovitish tizimi geliy yordamida yoqilg‘i haroratini −253°C darajada ushlab turadi. Ushbu tizim birinchi konturda tashqi issiqlikni to‘sadi, ikkinchisi esa yoqilg‘i bakini sovitadi.

Kriogenik texnologiyalar hozircha qisqa muddatli missiyalarda ishlatiladi, biroq Mars kabi uzoq masofalarga uchishda oylar davomida yonilg‘ini saqlash zarur. Yangi texnologiya bu yo‘qotishlarni kamaytiradi va missiyalar xavfsizligini oshiradi. NASA sentabrga qadar sinovlarni yakunlab, uni amaliyotga joriy etishni rejalashtirmoqda.

Eslatib o‘tamiz, avvalroq NASA va Yaponiya «sokin» parvozga moʻljallangan...

Kursiv Uzbekistan o‘tgan hafta davomida O‘zbekistonda yuz bergan voqealarning eng muhimlarini bir joyga to‘pladi.

Xorazmlik dehqonning qovun sirlari: 127 nav va o‘z seleksiyasi

San’at Qalandarov umrini qovunga bag‘ishlagan xorazmlik dehqon va olim.
Amudaryo sohillaridagi sho‘rxok yerlarda o‘nlab navlarni yetishtiradi. Noyob urug‘larni saqlaydi va bahorgacha saqlanishi mumkin bo‘lgan yangi navlarni yaratadi. Uning maqsadi Xorazm qovunini O‘zbekistonning taniqli eksport va sayyohlik brendiga aylantirishdir.

Kursiv Uzbekistan fermer bilan suhbatlashib, qovun shunchaki meva emasligiga ishonch hosil qildi. Bu ilm-fan, an’analar, biznes va serquyosh O‘zbekistonning ramzidir.

Chevrolet Damas avtomobili qanday kamchiliklarga ega

Chevrolet Damas o‘zbekistonliklar eng tanlaydigan ikkinchi avtoulov bo‘lib, u odatda odam va yuk tashishga...

Ford kompaniyasi Bronco Sport modelining yangi versiyasini taqdim etdi. Bu haqda Carcoops ma’lum qildi.

Ushbu yo‘ltanlamas faqat Xitoy bozoriga mo‘ljallangan bo‘lib, ikki xil ko‘rinishda ishlab chiqariladi: to‘liq elektr va gibrid.

Gibrid versiyasi 245 ot kuchiga ega bo‘lib, 1220 kmgacha yuradi. Elektr versiyasi esa 275 ot kuchiga ega va bir zaryad bilan 650 km bosib o‘tadi. Ikkala model ham faqat old g‘ildirakdan harakatlanadi, bu esa AQShdagi Bronco’dan farq qiladi.

Yangi Bronco Sport kattaroq o‘lchamga ega: uzunligi 5025 mm, og‘irligi esa 2630 kg gacha yetadi. U 2025-yil oxirida Xitoyda JMC zavodida ishlab chiqariladi va narxi 300–400 ming yuan ($42–56 ming) atrofida...

FAW Audi kompaniyasi Xitoy bozorida yangi Audi A5L modeliga oldindan buyurtmalarni boshladi. Bu haqda ITHome ma’lum qildi.

Mashinaning eng yuqori toifali versiyasiga Huawei Qiankun Intelligent Driving – avtonom boshqaruv tizimi o‘rnatilgan.

Audi A5L 256,8 mingdan 289,8 ming yuangacha (taxminan $35,8 – 40,4 ming) narxda taklif etilmoqda. Avtomobil 2,0 litrli, 272 ot kuchiga ega dvigatelga ega. G‘ildirak bazasi 2969 mm bo‘lib, bu uni Yevropa modeliga qaraganda uzunroq qiladi.

Salon ichida esa uch ekranli Audi MMI tizimi mavjud: haydovchi, yo‘lovchi va markaziy boshqaruv uchun alohida displeylar o‘rnatilgan.

Eslatib o‘tamiz, avvalroq Audi A3 avtomobili taqdim etilgan edi.

Fransiya, Germaniya va Buyuk Britaniya Eronga ogohlantirish bilan murojaat qilib, agar yadro dasturi bo‘yicha muzokaralar zudlik bilan tiklanmasa va avgust oxirigacha aniq natijalar bo‘lmasa, BMT sanksiyalari qayta kuchga kirishini bildirdi. Bu haqda Reuters agentligi ma’lum qildi.

Eron Tashqi ishlar vaziri Abbos Aroqchi esa bu tahdidlarni rad etdi va AQShni muzokaralarni tark etishda aybladi. Unga ko‘ra, muzokaralar faqat adolatli va muvozanatli shartlar asosida qayta boshlanishi mumkin.

Agar Eron yadro bitimi shartlarini bajarmasa, Yevropa davlatlari BMT sanksiyalarini tiklovchi «snapback» mexanizmini ishga tushirishga tayyor. Ayni paytda esa xalqaro inspektorlar Eronni tark etgan va muzokaralarning tiklanishi noma’lumligicha qolmoqda.

Eslatib o‘tamiz, avvalroq Eron prezidenti...

20-iyul kuni Janubiy Koreyaning Gapyong shahrida kuchli yomg‘ir natijasida yuz bergan ko‘chki va suv toshqinlari oqibatida 2 kishi halok bo‘ldi, yana 2 kishi bedarak yo‘qoldi. Bu haqda Reuters nashri ma’lum qildi.

Mamlakat bo‘ylab yomg‘ir boshlanganidan beri jami 14 kishi halok bo‘lgan, 12 kishi hanuz topilmagan.

Hukumat ob-havo xizmati yomg‘ir to‘xtashi kutilayotganini va ortidan issiq to‘lqini boshlanishini bildirgan. Kuchli yomg‘ir janubdan shimolga qarab siljigan. Qutqaruv ishlariga harbiylar ham jalb etilgan.

Eslatib o‘tamiz, avvalroq Texasdagi toshqinlarda halok bo‘lganlar soni 43 nafarga yetgan edi.

Ozarbayjon prezidenti Ilhom Aliyev bayon qilishicha, mamlakat Rossiya rasmiylariga qarshi xalqaro sudga murojaat etishga tayyorlanmoqda. Bu haqda Aki Press nashri ma’lum qildi.

Bunga sabab 2024-yil 25-dekabrda Qozog‘istonning Aqtau shahrida «Azerbaijan Airlines» (AZAL) aviakompaniyasiga tegishli samolyotning halokatga uchragani bo‘ldi.

Aliyevning so‘zlariga ko‘ra, Boku yetti oy davomida Rossiyadan rasmiy javob ololmagan. U Moskva samolyotni urib tushirganini tan olib, javobgarlarga nisbatan chora ko‘rishni va halok bo‘lganlarning oilalari hamda AZAL aviakompaniyasiga tovon to‘lashni talab qilmoqda.

Halokatda 38 kishi halok bo‘lgan, 29 kishi esa omon qolgan. Samolyot Ukraina dron hujumi tufayli Qozog‘istonga yo‘naltirilgan edi. Ozarbayjon tomoni Rossiyaning tergov jarayonini kechiktirayotganidan norozi va ishni xalqaro...

Xitoyning premium elektromobil brendi Zeekr jiddiy mojaro markazida qoldi. Bu haqda Carnewchina nashri ma’lum qildi.

China Securities Journal tomonidan o‘tkazilgan surishtiruvga ko‘ra, kompaniya ilgari ro‘yxatdan o‘tgan va sug‘urtalangan avtomobillarni yangi mahsulot sifatida mijozlarga taklif qilgan.

Bunday holatlar Guýan, Chunsin va Guanchjou kabi shaharlarda aniqlangan. Xaridorlar sotib olgan avtomobillarning ilgari boshqa tashkilotlarga rasmiylashtirilgani yoki Xitoyda majburiy yo‘l sug‘urtasi borligini keyinchalik bilib qolishgan. Ba’zi holatlarda esa mijozlarga 2025-yilgi model o‘rniga 2024-yilda ishlab chiqarilgan avtomobillar yetkazib berilgan.

Shuningdek, ayrim savdolar Zeekr’ning hamkori – Xiamen Jianfa Auto orqali amalga oshirilgani aniqlangan. Ushbu kompaniya avtomobillarni sug‘urtalash va mulk huquqini o‘tkazishda vositachi sifatida qatnashgan.

Mutaxassislarning...

Saudiya Arabistoni shahzodasi Al-Valid bin Xolid Al-Saud 36 yoshida vafot etdi. Bu haqda New York Post nashri ma’lum qildi.

U 2005-yilda Londonda avtohalokatga uchrab, miya gemorragiyasi tufayli komaga tushgan edi. Oradan 20 yil o‘tib, u hushiga kelmasdan hayotdan ko‘z yumdi.

Al-Valid «Uyqudagi shahzoda» nomi bilan tanilgan. U Riyoddagi kasalxonada sun’iy nafas oldirish qurilmasida hayot kechirgan. Otasi, shahzoda Xolid bin Talal, har doim o‘g‘lining sog‘ayishiga umid qilgan va sun’iy hayotni uzishga qarshi chiqqan.

Ijtimoiy tarmoqlarda shahzodaning o‘limi katta aks sado berdi. «Uyqudagi shahzoda» xeshtegi trendga aylangan, foydalanuvchilar ta’ziya izhor qilmoqda. Janoza namozi bugun Riyoddagi Imom Turki bin Abdulloh masjidida o‘qiladi.

Xitoyning BYD kompaniyasi Leopard Titanium 7 modelini rasman tanishtirdi. Bu haqda IT Home nashri ma’lum qildi.

Bu avtomobil mustahkam kuzovli gibrid yo‘ltanlamas bo‘lib, shahar aholisi uchun mo‘ljallangan. Uning o‘lchami 5 metrdan oshadi, ichki saloni esa juda keng.

Yuqori toifadagi model 35,6 kVt·soatli batareyaga ega bo‘lib, 180 km masofani faqat elektrda bosib o‘ta oladi. Boshqa variantlari 135 km yurish zaxirasiga ega. Umumiy yurish masofasi 1300 kmdan ortiq. Leopard Titanium 7 faqat gibrid bo‘lib, to‘liq elektrli versiyasi chiqarilmaydi.

Eslatib o‘tamiz, avvalroq BYD Song L GT elektromobili taqdim etilgan edi.

21-iyul kuni Tesla kompaniyasi Los-Anjelesda noyob majmuani ochmoqda. Bu haqda Ilon Mask o‘zining X’dagi sahifasida ma’lum qildi.

Tesla’s Hollywood Diner and Supercharger nomli yangi kompleksda 80 ta V4 Supercharger tezkor quvvatlash stansiyasi, ikki yirik LED ekranli avtokinoteatr va avtomobildan turib buyurtma beriladigan tezkor restoran mavjud.

Haydovchilar avtomobillarini quvvatlash davomida kino tomosha qilishlari va taomlar buyurtma qilib, salonni tark etmasdan ovqatlanishlari mumkin. Bu loyiha Tesla’ning texnologiya va qulaylikni uyg‘unlashtirishga qaratilgan navbatdagi innovatsiyasi bo‘ldi.

Eslatib o‘tamiz, avvalroq Tesla rasman Hindiston avtobozoriga kirgani haqida yozgan edik.

19-iyul kuni Londondagi «Uembli» stadionida ukrainalik bokschi Aleksandr Usik britaniyalik raqibi Daniel Dyubani beshinchi raundda nokautga uchratib, professional boksda uchinchi bor mutlaq jahon chempioni bo‘ldi. Bu haqda BBC News ma’lum qildi.

Jang davomida Usik Dyubani ikki marta yerga yiqitdi. Ikkinchi yiqilishdan so‘ng Dyuba tiklana olmadi va hakam jangni to‘xtatdi.

Ushbu g‘alaba bilan Usik yana WBA, WBO, WBC va IBF chempionlik kamarlarini qo‘lga kiritdi. Bu natija uni zamonaviy boks tarixidagi eng muvaffaqiyatli bokschilardan biriga aylantirdi.

Eslatib o‘tamiz, avvalroq Ahmadaliyev va Inoue o‘rtasidagi super jang qachon bo‘lishi haqida yozgan edik.

AQShning Astronomer texnologik kompaniyasi bosh direktori Endi Bayron iste’foga chiqdi. Bu haqda CNN agentligi ma’lum qildi.

Bu qaror Bayronning Coldplay konsertida kompaniya xodimasi bilan «kiss cam»da quchoqlashayotgani aks etgan video tarqalganidan so‘ng qabul qilindi.

Kompaniya direktorlar kengashi Bayronning iste’fosini qabul qilib, yangi rahbar izlashni boshlagan. Hozircha vaqtincha bosh direktor lavozimini Astronomer hammuassisi Pit DeJoy bajaradi.

Kompaniya rahbariyatdan yuqori axloqiy mezonlarga amal qilishni kutishini ta’kidlab, yuzaga kelgan vaziyat bu mezonlarga zid bo‘lganini ma’lum qildi. Bayronning LinkedIn profili o‘chirildi va u rahbariyat ro‘yxatidan chiqarilgan bo‘lsa-da, kompaniya saytida hanuz direktorlar kengashi a’zosi sifatida ko‘rsatilmoqda.

Eslatib o‘tamiz, avvalroq 16 mingdan ziyod qozog‘istonliklarning ma’lumotlari...

O‘zbekiston davlat san’at va madaniyat instituti nufuzli World University Rankings for Innovation 2025 (WURI) reytingida «Talabalarni qo‘llab-quvvatlash va jalb etish» (Student Support and Engagement) yo‘nalishi bo‘yicha 1350 ta universitet orasida 69-o‘rinni egalladi. Bu haqda Madaniyat vazirligi ma’lum qildi.

Bu yutuq bilan institut respublikadagi oliy ta’lim muassasalari orasida 2-o‘rinni egallab, innovatsion ta’lim sohasida sezilarli muvaffaqiyatga erishdi.

WURI reytingi dunyo universitetlarining jamiyat va sanoat bilan hamkorlikdagi amaliy yutuqlarini, startaplar, axloqiy qadriyatlar, talabalar harakatchanligi va ijtimoiy javobgarlik sohasidagi innovatsion loyihalarni baholaydi.

«WURI – 2025» reytingida eng yuqori o‘rinlarni Kaliforniya universiteti (AQSH), Putra Malayziya universiteti va Koreya katolik universiteti egallagan.

Eslatib o‘tamiz, avvalroq...

Ekologiya vazirligi daraxt kesishga moratoriyni bekor qilish bo‘yicha bildirilgan taklifga javoban rasmiy bayonot berdi. Tadbirkor Murad Nazarov tomonidan ilgari surilgan «kompensatsion ekish» va «daraxtlar banki» tizimi moratoriyga muqobil bo‘la olmaydi, deyiladi bayonotda.

Vazirlik O‘zbekiston iqlimi o‘ta nozik ekotizimga ega ekanini, hududning katta qismi cho‘l va yarim cho‘ldan iborat bo‘lib, yashil hududlar ekologik muvozanatni saqlashda muhim rol o‘ynashini ta’kidladi. Shuningdek, voyaga yetgan daraxtlarni oddiy ko‘chat bilan almashtirib bo‘lmasligi, daraxtlar banki esa korrupsion holatlarga yo‘l ochishi mumkinligi qayd etildi.

Xalqaro tajriba ham daraxtlarni kesishga qat’iy chora-tadbirlar zarurligini ko‘rsatmoqda. Vazirlik nazarida aynan shu sabab moratoriyni saqlash va kuchaytirish O‘zbekistonda ekologik barqarorlik uchun...