Yangiliklar

Geely kompaniyasi yangilangan Geely Icon Chocolate 2026 krossoveri uchun oldindan buyurtmalarni qabul qilishni boshladi. Narxlar 90 800 dan 96 800 yuangacha (taxminan $12,5 ming – $13,3 ming) belgilangan. Rasmiy taqdimot 11-iyulga rejalashtirilgan.

Tashqi ko‘rinishi

Mashina old tomonda U shaklidagi panjara va ingichka kunduzgi chiroqlarga ega. Orqa bamperga kuzov rangidagi bezaklar o‘rnatilgan. Eski modeldagi eshik tutqichlari saqlangan.

Salon va texnologiyalar

Ichki qismda 8,8 dyuymli raqamli panel va 14,6 dyuymli Flyme Auto tizimidagi multimedia ekrani mavjud. Uch spikali ikki rangli rul va markaziy panel ostida oddiy tugmalar joylashgan.

Texnik xususiyatlari

Avtomobil 1,5 litrli turbomotor bilan jihozlanadi. Quvvati...

GSMArena nashrining yozishicha, iPhone 17 Pro Max smartfoni 5 000 mA/soat sig‘imli batareyaga ega bo‘ladi. Bu Apple tarixida ilk bor bunday katta batareya bo‘ladi.

Oldingi model – iPhone 16 Pro Max’da batareya hajmi 4 685 mA/soat edi. Yangi avlod esa ko‘proq zaryad sig‘imini taklif qiladi.

Bu Android flagmanlari orasida odatiy sig‘im bo‘lib, Samsung va Google ham 5 000 mA/soatdan ortiqcha chiqmagan. Xitoy brendlari esa endi silikon-uglerodli (Si/C) batareyalar bilan bu chegarani oshirib bormoqda.

Apple har yili Pro Max liniyasida batareyani biroz kattalashtirib kelgan. Faqatgina iPhone 14 Pro Max modelida batareya biroz kichikroq edi.

iPhone smartfonlarining batareyasi boshqa ko‘plab...

Moskvada telefoni uch kun o‘chib qolgan migrantlar ro‘yxatdan chiqariladi. Bu haqda TASS xabar berdi.

2025-yil 1-sentabrdan boshlab Moskva va Moskva viloyatida migrantlarni maxsus ilova orqali hisobga olishning yangi tizimi ishga tushiriladi. Ushbu tizimga ko‘ra, migrantning telefon geolokatsiyasi uch ish kuni davomida aniqlanmasa, u avtomatik ravishda ro‘yxatdan chiqariladi.

Ya’ni agar kishi telefonni o‘chirsa, boshqa joyga ketsa yoki ilovadan foydalanmasa, bu ro‘yxatdan chiqarilishiga sabab bo‘lishi mumkin.

Shuningdek, migrant Rossiyadan chiqib ketsa, vafot etsa yoki ushbu tajriba o‘tkazilmayotgan boshqa hududda ro‘yxatdan o‘tsa, ro‘yxatdan chiqariladi. Yangi qoidalar 2029-yil 1-sentabrgacha amal qiladi.

Avvalroq Rossiyaga ruID ilovasi orqali kirish arizasi ixtiyoriy bo‘lishi haqida yozgandik...

So‘nggi yillarda elektromobillar keng ommalashmoqda. Biroq ko‘pchilik ularda harakatlanayotganda o‘zini noqulay his qilmoqda. Kursiv Media e’lon qilgan maqolada elektromobilda harakatlanishdagi muammolar haqida so‘z boradi.

Ko‘ngil aynishi va bosh aylanishi

Elektromobilga chiqqanda bosh aylanishi, ko‘ngil aynishi kuzatilmoqda. Bu haqda foydalanuvchilar ijtimoiy tarmoqlarda tez-tez shikoyat qilmoqda.

Mutaxassislar nima deydi?

Fransiyadagi texnologik universitet tadqiqotchisi Uilyam Emondning aytishicha, bu holat miyaning yangi tajribaga moslasha olmasligidan kelib chiqadi. Odamlar oddiy mashinalardagi tovush va harakatlarga o‘rganib qolgan.

Oddiy avtomobil va elektromobilning farqli jihatlari

Boeing kompaniyasi AQSh hukumatidan ikki sun’iy yo‘ldoshni loyihalash va ishlab chiqarish uchun $2,8 milliardlik shartnoma oldi. Bu haqda Reuters axborot agentligi ma’lum qildi.

Ushbu Evolved Strategic Satellite Communications (ESS) dasturi AQSh prezidenti va strategik kuchlar uchun kosmosda xavfsiz aloqa va boshqaruv tizimini ta’minlaydi. Boeing birinchi sun’iy yo‘ldoshni 2031-yilgacha yetkazib berishni rejalashtirmoqda. ESS sun’iy yo‘ldoshlari geostatsionar orbitada doimiy qamrovni taqdim etadi, bu esa strategik harbiy operatsiyalar uchun muhim hisoblanadi.

Eslatib o‘tamiz, avvalroq AQShda Boeing’ga raqobatchi JetZero Z4 laynerlari ishlab chiqarilishi haqida yozgan edik.

Realme kompaniyasi Android 16 asosidagi Realme UI 7 operatsion tizimini qabul qiladigan smartfonlar ro‘yxatini rasman e’lon qildi. Bu haqda Lifehacker xabar bermoqda.

Yangi tizim Material You 3 dizayniga asoslangan bo‘ladi. Yangilanishlar orasida – ekran shaxsiylashtirish, SI asosida o‘g‘rilikni aniqlash, iOS uslubidagi blok ekran effektlari va boshqalar mavjud.

Dastlabki bo‘lib yangilanish Realme GT 7 modeliga taqdim etiladi. So‘ngra u boshqa flagman, o‘rta va budjet modellarga ham tarqatiladi.

Realme UI 7 oladigan modellar ro‘yxati:

Realme hozircha yangilanish sanasini aniq ko‘rsatmagan. Ammo Realme GT 7 uchun beta-versiya dasturi tez orada Xitoyda boshlanishi kutilmoqda.

Avvalroq Realme GT 7 seriyasi Android 16 yangilanishini...

Britaniyalik avtomobil mutaxassislari tomonidan Xitoy va Janubiy Koreya avtomobillari testdan o‘tkazildi. Ular avtomobillarning yurish sifati, saloni va texnologiyalarini solishtirdi. Bu haqda Kursiv Media xabar bermoqda.

Xitoy avtomobillarining afzalliklari

Xitoy brendlari – BYD, Omoda, Jaecoo, Leapmotor va boshqalar Yevropa hamda Markaziy Osiyoda tobora ommalashmoqda. Ularning narxi arzon, lekin qulayliklari ko‘p. Elektr mashinalar zamonaviy texnologiyalarga ega.

Ularda qanday kamchiliklar bor

Xitoy avtomobillari zamonaviy bo‘lsa ham bir qator kamchiliklarga ega. Raqamli boshqaruv, avtomatik qulflash va bildirishnomalar ovozlarida bir qator muammolar kuzatilgan. Masalan, Leapmotor C10’da oddiy tugmalar yo‘q – hammasi sensorli. Biroq menyular chuqur joylashgan bo‘lib, ishlatish noqulay. Apple CarPlay yoki Android Auto...

«Tashabbusli budjet» jarayonlarining ikkinchi mavsumi 15-iyuldan 31-avgustgacha davom etadi. Bu haqda Iqtisodiyot va moliya vazirligi xabar berdi.

Bosqichlar quyidagicha belgilangan:

Ikkinchi mavsum g‘oliblari Mustaqillik bayrami kuni – 1-sentabrda e’lon qilinadi.

Avvalroq «Tashabbusli budjet»ning 2025-yilgi 2-mavsumida 826 ta mahalla tanaffusga chiqishi haqida yozgandik.

Unga ko‘ra, mazkur mahallalar 2024-yilgi 2-mavsumda g‘olib deb topilgan va joriy mavsumda ham takroran g‘oliblikni qo‘lga kiritgan. Shu sababli ular 2025-yilgi 2-mavsum hamda 2026-yilgi 1-mavsumda ishtirok eta olmaydi.

2025-yilning 1-mavsum yakunlariga ko‘ra, 2 011 ta mahalla...

Vivo kompaniyasi Vivo X200 FE va X Fold5 smartfonlarini Hindistonda 14-iyul kuni rasman taqdim etishini e’lon qildi. Bu ikki model bir kunda, ya’ni yakshanbada namoyish etiladi, deya yozmoqda GSMArena nashri.

Unga ko‘ra, Vivo X Fold5 faqat Titanium Gray rangida taklif etiladi. X200 FE esa Luxe Black (qora) va Amber Yellow (sariq) ranglarda sotuvga chiqadi.

Ikkala smartfonning texnik xususiyatlari boshqa davlatlardagidek qoladi. X200 FE modeli Dimensity 9300+ protsessori, 6,31 dyuymli 120 Gs AMOLED displey, uchta 50 MP kamera va 6 500 mA/soat sig‘imli akkumulyator bilan jihozlangan. Uning korpusi suv va changdan IP68/69 darajada himoyalangan.

X Fold5 Snapdragon 8 Gen...

Adliya vazirligi va Samarqand viloyati adliya boshqarmasi hamda «Intellektual mulk markazi»ning koʻmagi bilan Samarqand no‘xat sho‘ragi geografik koʻrsatkich sifatida davlat ro‘yxatiga kiritildi. Bu haqda vazirlik ma’lum qildi.

Unga ko‘ra, «Geografik koʻrsatkichlar to‘g‘risida»gi qonunga muvofiq, bu belgi mahsulotning sifati va nom qozonganligi uning geografik joylashuviga bog‘liqligini bildiradi.

Samarqand viloyati adliya boshqarmasi boshlig‘i Salohiddin Sattarov «Samarqand no‘xat sho‘ragi» hujjatini viloyat hokimi vazifasini bajaruvchi Adiz Boboyevga topshirdi.

Geografik koʻrsatkich mahsulotning haqiqiyligini va noyobligini himoya qiladi. U mahsulotni boshqa hududlarda soxtalashtirishdan saqlaydi va iste’molchilarga asl sifatni kafolatlaydi. Shuningdek, mahalliy ishlab chiqaruvchilarga brend yaratishda yordam beradi, hududning madaniy merosini saqlaydi va iqtisodiy rivojlanishga turtki...

Xitoyda Xpeng G7 elektromobili savdoga chiqarildi. Uning boshlang‘ich narxi 195,8 ming yuan (taxminan $27,3 ming) etib belgilangan. Bu haqda CarNewsChina xabar bermoqda.

Model Xpeng brendining yettinchi avtomobili bo‘lib, Tesla Model Y va Xiaomi YU7 bilan raqobatlasha oladi. Dastlabki 46 daqiqa ichida 10 mingdan ortiq buyurtma qabul qilingan.

Xpeng G7 – besh o‘rinli, orqa g‘ildirakdan tortuvchi krossover. Uning dvigateli 292 ot kuchiga ega, maksimal tezligi 100 km/soatga 6,5 soniyada yetadi. To‘liq zaryad bilan 702 km masofa bosib o‘tadi. 5C tezkor zaryadlash texnologiyasi 10 daqiqada 436 km quvvat berishga imkon beradi. Ikkita LFP akkumulyator variantlari mavjud.

Avtomobil uzunligi 4892 mm...

Rossiya 2021-yilda hokimiyatga kelganidan beri Tolibon hukumatini rasmiy tanlagan birinchi davlatga aylandi. Bu haqda CNN axborot agentligi ma’lum qildi.

Rossiya Tashqi ishlar vazirligi bayonotida Tolibon hukumatini rasmiy tan olish ikki davlat o‘rtasida samarali hamkorlikka turtki berishi aytildi. Energetika, transport, qishloq xo‘jaligi va infratuzilma sohalarida hamkorlik imkoniyatlari katta ekani ta’kidlandi.

Shuningdek, Rossiya Tolibonga mintaqaviy xavfsizlikni mustahkamlash va terrorizm hamda narkotik jinoyatlariga qarshi kurashda yordam berishni davom ettiradi. Bu esa Afg‘oniston va uning qo‘shnilari uchun muhim ahamiyatga ega.

Ma’lumot uchun, Tolibon hozirgacha Xitoy va BAA bilan elchilar almashgan, Qatarda esa siyosiy vakolatxonasi bor. Lekin bu davlatlar uni rasmiy hukumat sifatida hali...

Toshkent viloyatining Ohangaron shahar hokimligida xizmat mavqeyidan foydalanib, firibgarlik qilgan mansabdor shaxs qo‘lga olindi. Bu haqda DXX matbuot xizmati ma’lum qildi.

Unga ko‘ra, mazkur shaxs 1958-yilda tug‘ilgan mahalliy fuqaroning ishonchiga kirib, hozirda hokimiyat balansiga o‘tkazilishi rejalashtirilayotgan uch xonali xonadonni sud tizimidagi tanishlari orqali uning nomiga rasmiylashtirib berishni va’da qiladi.

U uy narxini $15 mingga kelishib, sud organlaridagi tanishlari uchun $3,5 ming berishini aytib, jami $18,5 ming talab qiladi.

Ammo u oldindan $9,5 ming olayotgan vaqtida DXX Toshkent viloyati bo‘yicha boshqarmasi va IJQKD hududiy boshqarmasi xodimlari tomonidan ashyoviy dalillar bilan qo‘lga olindi.

Hozirda hokimiyat vakiliga nisbatan jinoyat ishi qo‘zg‘atilib, qamoq...

Honor kompaniyasi dunyodagi eng ingichka va eng yengil bukiladigan flagman smartfon — Magic V5 ni taqdim etdi. Bu haqda GSM Arena nashri ma’lum qildi.

Qurilma 7,95 dyuymli ichki va 6,43 dyuymli tashqi OLED ekranlarga ega bo‘lib, 120 Gts yangilanish tezligini, yuqori rang aniqligi va yorqinlikni ta’minlaydi. Snapdragon 8 Elite protsessori bilan ishlaydigan telefon 12/16 GB RAM va 256 GB dan 1 TB gacha ichki xotira variantlarida mavjud.

Magic V5 uch kamera bilan jihozlangan: 50 MP keng burchakli, 50 MP ultra keng burchakli va 64 MP periskopli, 3 barobar optik zum va 4K video yozishni qo‘llab-quvvatlaydi. Telefon 5820 mA/soatli batareya...

4-iyul kuni O‘zbekiston bo‘ylab yog‘ingarchilik kutilmaydi, ba’zi joylarda kuchli shamol va chang-to‘zonlar kuzatiladi, harorat kunduz kunlari 30–46 darajagacha ko‘tariladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev Xonkendi shahridagi Iqtisodiy hamkorlik tashkiloti sammiti doirasida Afg‘oniston bosh vazirining iqtisodiy masalalar bo‘yicha o‘rinbosari vazifasini bajaruvchi Mulla Abdul G‘ani Barodarni qabul qildi. Bu haqda davlat rahbari matbuot xizmati ma’lum qildi.

Unga ko‘ra, tomonlar o‘zaro manfaatli iqtisodiy aloqalarni rivojlantirish masalalarini muhokama qildilar.

Tovar ayirboshlash hajmi va qo‘shma korxonalar sonining ortib borayotgani qayd etildi. Kobul va Mozori Sharifda ochilgan savdo uylari, shuningdek, imzolangan imtiyozli savdo bitimi hamkorlikning amaliy natijasi sifatida e’tirof etildi.

Mirziyoyev qazib chiqarish, to‘qimachilik, farmatsevtika, qurilish materiallari ishlab chiqarish va qishloq xo‘jaligi mahsulotlarini qayta ishlash kabi sohalarda yangi kooperatsiya loyihalarini ilgari surish muhimligini ta’kidladi.

Uchrashuvda Transafg‘on temir...

Xitoyning China Eastern Airlines kompaniyasiga Sian – Toshkent – Sian yo‘nalishida muntazam aviaqatnovlarni amalga oshirish uchun ruxsatnoma berildi. Bu haqda Transport vazirligi ma’lum qildi.

Unga ko‘ra, parvozlar zamonaviy Airbus A320-251N rusumli samolyotlarda amalga oshiriladi.

Mazkur yo‘nalish ikki mamlakat o‘rtasidagi turizm, savdo va madaniy aloqalarni mustahkamlashda muhim ahamiyat kasb etadi. Parvozlar yo‘lovchilarga Sian kabi qadimiy shahar orqali Xitoyning boshqa hududlariga ham qulay ulanish imkonini yaratadi.

Ma’lumot uchun, China Eastern Airlines Xitoyning uchinchi yirik aviakompaniyasi bo‘lib, bosh ofisi Shanxayda joylashgan. Kompaniya 100 dan ortiq yo‘nalishda xalqaro va ichki parvozlarni amalga oshiradi hamda yiliga millionlab yo‘lovchilarga xizmat ko‘rsatadi.

Eslatib o‘tamiz, avvalroq O‘zbekistondan...

Qoraqalpog‘iston Respublikasi Qo‘ng‘irot tumanida o‘tkazilgan tezkor tadbir davomida Obodonlashtirish boshqarmasi xodimasi pora bilan ushlandi. Bu haqda Bosh prokuratura departamenti ma’lum qildi.

Unga ko‘ra, xodima bir fuqaroning ishonchiga kirib, uni Nukus shahar obodonlashtirish boshqarmasiga ishga joylashtirib qo‘yish evaziga 10 mln so‘m olgan vaqtda qo‘lga olindi.

Tadbir departament, DXX va IIV xodimlari hamkorligida tashkil etildi. Gumonlanuvchining harakati vaqtida olingan pullar ashyo dalil sifatida rasmiylashtirildi.

Mazkur holat yuzasidan Jinoyat kodeksining 168-moddasi (firibgarlik) hamda 28 va 211-moddalari (pora berish) bo‘yicha jinoyat ishi qo‘zg‘atilib, tergov ishlari olib borilmoqda.

Eslatib o‘tamiz, avvalroq Toshkentdagi bankdan 90 ming dollar oʻgʻirlagan guruh ushlangan edi.

Adliya vazirligida «Jasorat maktablari»ga o‘quvchilarni qabul qilish va o‘quv-tarbiyaviy jarayonni tashkil etish tartibi to‘g‘risidagi nizom ro‘yxatdan o‘tkazildi. Bu haqda vazirlik matbuot xizmati ma’lum qildi.

Unga ko‘ra, Jasorat sinflariga 5-sinfdan boshlab har biri 26 nafar o‘quvchidan iborat guruhlar shaklida qabul amalga oshiriladi.

Mazkur sinflarda o‘qish muddati 7 yilni tashkil etadi. Qabul jismoniy tayyorgarlik va tegishli fanlar bo‘yicha test sinovlari asosida amalga oshiriladi. Imtihonlar iyul oyida o‘tkaziladi.

Jasorat sinfini 9-sinf darajasida tamomlaganlarga tayanch o‘rta ta’lim, 11-sinfni bitirganlarga esa umumiy o‘rta ta’lim to‘g‘risidagi shahodatnoma beriladi.

Eslatib o‘tamiz, avvalroq Toshkent arxitektura-qurilish universitetida dual ta’lim tizimi joriy etilishi haqida yozgan edik.

Jinoyat ishlari bo‘yicha Yangiariq tumani sudi tergov sudyasi jinoyat ishini aybsizlik hukmi bilan yakunlab berish evaziga Urganchlik shaxsdan $15 ming talab qilgan. Bu haqda DXX matbuot xizmati ma’lum qildi.

Sudya dastlab $2 mingni naqd pulda, yana 24 mln so‘mni plastik karta orqali olgan. Ammo va’da bergan ishini bajarmagan va olgan pullarini qaytarayotgan vaqtida DXX, Oliy sud hamda Bosh prokuratura xodimlari tomonidan qo‘lga olingan.

Hozirda unga nisbatan Jinoyat kodeksining 168 va 211-moddalari bilan ish qo‘zg‘atilib, tergov ishlari olib borilmoqda.

Eslatib o‘tamiz, avvalroq Urganchda prokuratura tergovchisi pora bilan qo‘lga tushgan edi.

2025-yil 10-iyuldan boshlab O‘zbekistonda ipoteka kreditlari bo‘yicha subsidiya olish uchun arizalar qabul qilinadi. Bu haqda Iqtisodiyot va moliya vazirligi ma’lum qildi.

Fuqarolar arizalarni davlat xizmatlari markazlari orqali yoki my.gov.uz portali orqali elektron shaklda topshirishlari mumkin. Ariza topshirishda kamida 30 ball to‘plash talab etiladi. Ballar ariza beruvchining ijtimoiy holati va boshqa mezonlarga asoslangan holda hisoblanadi.

Daromad bo‘yicha ham aniq cheklovlar mavjud. Qoraqalpog‘iston Respublikasi va viloyatlar uchun o‘rtacha daromad MHTEKMning 2,7 baravaridan 8 baravarigacha, Toshkent shahrida esa 2,7 baravaridan 9,2 baravarigacha bo‘lishi lozim. Bunda ariza beruvchi va yaqin qarindoshlarining rasmiy daromadlari hisobga olinadi.

Shuningdek, subsidiya olish uchun ariza topshirgan shaxs va...

Fermеrlar uchun qo‘shimcha jarima va soliqqa tortish tartibi joriy etilishi mumkin. Bu haqdagi qonun loyihasi Oliy Majlis Qonunchilik palatasi tomonidan birinchi o‘qishda qabul qilindi.

Loyihaga ko‘ra, bundan buyon dala, ariqlar yoki zovur chetlariga ekin ekmagan fuqarolar bazaviy hisoblash miqdorining (BHM) beshdan yetti baravarigacha jarima to‘laydi. Agar bu holat mansabdor shaxslar tomonidan sodir etilsa, jarima miqdori 7 dan 10 BHMgacha yetadi.

Shuningdek, agar fermerlar bunday maydonlarga har yili 1-aprelga qadar maqbul ekin ekmasa, ular butun yer maydoni uchun uch karra yer solig‘ini to‘lashga majbur bo‘ladi.

Qonun loyihasi palatada qizg‘in muhokama qilindi. Xalq demokratik partiyasi (XDP) bu tartibga qarshi chiqqan bo‘lsa-da...

Vazirlar Mahkamasi tomonidan qabul qilingan qarorga ko‘ra, nodavlat oliy ta’lim muassasasi ochmoqchi bo‘lgan tashkilotchilar endi o‘z loyihalari uchun aniq va batafsil konsepsiya taqdim etishlari shart bo‘ladi.

Ushbu konsepsiyada ta’lim muassasasining nomi, maqomi, boshqaruv tuzilmasi, o‘qitish yo‘nalishlari, qabul qilish mezonlari, ta’lim sifati, to‘lov miqdori hamda besh yillik rivojlanish rejasi kiritilishi lozim.

Bundan tashqari, ular $2 million ekvivalentidagi ustav fondini shakllantirishi va $350 mingni depozitga joylashtirishi talab qilinadi. Ta’lim binosi kamida 5 ming kvadrat metr maydonda bo‘lishi yoki 5 yillik ijara shartnomasiga ega bo‘lishi kerak.

Shuningdek, tashkilot dastlabki besh yilda yillik daromadining 80 foizini, keyingi yillarda esa kamida...

O‘zbekiston IT-xizmatlarini eng ko‘p Amerikaga eksport qilmoqda. Bu haqda Iqtisodiy tadqiqotlar va islohotlar markazi (ITIM) Kursiv Uzbekistan’ga ma’lum qildi.

Markazga ko‘ra, IT-kompaniyalar eksport geografiyasi kengayib, eksport hajmining 46 foizi Shimoliy Amerikaga to‘g‘ri kelmoqda. Bundan tashqari, ekportning 21 foizi Yevropa Ittifoqi va Buyuk Britaniyaga, 27 foizi MDH va Osiyo – Tinch okeani mintaqasiga, 6 foizi esa Yaqin Sharqqa yo‘naltirilgan.

IT-Park rezidenti bo‘lgan xorijiy kompaniyalar soni ham 752 taga yetib, 2020-yilga nisbatan 54 barobar oshgan. Shu bilan birga, umumiy rezidentlar soni 411 tadan 2 846 taga ko‘paygan.

Ma’lumot uchun, IT-Park rezidentlari O‘zbekistonda korporativ soliq va majburiy ijtimoiy to‘lovlardan ozod etilgan, daromad...