Yangiliklar

2025-yil 2-iyuldan boshlab O‘zbekiston aholisi uchun kredit turlari bo‘yicha banklarning o‘rtacha foiz stavkalari muntazam e’lon qilib boriladi. Bu yangilik Markaziy bank tomonidan sinov tariqasida joriy etilgan bo‘lib, kredit axboroti davlat reyestri bazasi asosida tayyorlanadi.

Ushbu amaliyotning joriy etilishi fuqarolar uchun bir nechta muhim qulayliklarni yaratadi. Endi har bir fuqaro turli banklar tomonidan taklif etilayotgan kredit shartlarini solishtirib, o‘ziga eng ma’qul variantni tanlash imkoniyatiga ega bo‘ladi. Shu bilan birga, bozordagi ma’lumotlar noaniqligi kamayadi, shaffoflik oshadi va raqobat muhitida tanlov imkoniyatlari kengayadi.

2025-yil 1-iyul holatiga ko‘ra, O‘zbekiston Respublikasi Markaziy banki ma’lumotlariga asoslanib, mikroqarzlar va avtokreditlar bo‘yicha tijorat banklarining o‘rtacha foiz stavkalari...

Aviatsiya sohasida global yo‘lovchi tashish hajmi 5 foizga yuqoriladi. Bu haqda Xalqaro havo transporti assotsiatsiyasi (IATA) «Kursiv» nashriga ma’lum qildi.

IATA bosh direktori Ville Valhening ta’kidlashicha, yo‘lovchi oqimi sog‘lom sur’atlarda ortib bormoqda.

Yo‘lovchi tashishda umumiy ko‘rsatkichlar

Shu yilning may oyida global yo‘lovchi tashish hajmi o‘tgan yilning shu davriga nisbatan 5 foizga oshdi. Bu o‘sish asosan xalqaro qatnovlar hisobiga yuzaga keldi. Xalqaro yo‘nalishlarda o‘sish darajasi 14,6 foizni tashkil etgan. Ichki qatnovlar borasida bu ko‘rsatkich 2,1 foiz bo‘ldi.

Joylardan foydalanish koeffitsiyenti (PLF – Passenger Load Factor) 83,4 foizga yetib, bu boradagi tarixiy eng yuqori natijaga yaqinlashdi. Xalqaro qatnovlarda bu ko‘rsatkich...

AnTuTu iyun oyidagi eng kuchli Android smartfonlari reytingini e’lon qildi. Unda birinchi o‘rinni Red Magic 10S Pro+ egalladi. Ushbu model 2 907 137 ball to‘plab, raqobatchilaridan o‘zib ketdi. Bu haqda Mydrivers xabar bermoqda.

Red Magic 10S Pro+ yuqori natijaga Snapdragon 8 Extreme protsessori yordamida erishdi. Unda markaziy yadroning chastotasi 4,47 GHz gacha oshirilgan, grafik protsessor esa 1,2 GHz da ishlaydi. Bu, ayniqsa, o‘yinlarda yuqori samaradorlikni ta’minlaydi.

Smartfon yuqori tezlikda ishlaydigan sovitish ventilyatori bilan jihozlangan. Bu kuchli ilovalar ishga tushirilganda chipni sovitib turadi va barqaror ishlashni ta’minlaydi.

Ikkinchi o‘rinda Vivo X200 Ultra (2 885 215 ball), uchinchi o‘rinda esa Oppo Find X...

Xitoy past narxlar orqali raqobatchilardan mijozlarni tortib olish siyosatidan voz kechishni rejalashtirmoqda. Bu haqda Xitoy Kommunistik partiyasi Markaziy qo‘mitasining moliya va iqtisod masalalari bo‘yicha yig‘ilishida XXR raisi Si Szinpin topshiriq berdi, deb xabar qildi SCMP nashri.

«Kompaniyalarning past narxlar uchun tartibsiz raqobatni qonuniy tartibga solib, ularni mahsulot sifatini oshirishga yo‘naltirish va eskirgan ishlab chiqarish quvvatlarini bosqichma-bosqich chiqarib tashlashga yordam berish zarur», – deydi XXR raisi.

Pekin kompaniyalar tomonidan narx orqali olib borilayotgan qattiq raqobat dunyodagi ikkinchi yirik iqtisodiyotga salbiy ta’sir qilmoqda deb hisoblaydi. Bu innovatsiyalarni sustlashtiradi, samaradorlikni pasaytiradi va mahsulot sifatini oshirishga to‘sqinlik qiladi.

Stol tennisi bo‘yicha yoshlar o‘rtasidagi 29-Osiyo chempionati yakuniga yetdi. Yakuniy bahslarda yaponiyalik va xitoylik sportchilar oltin medallarga ega chiqdi. Bu haqda Kursiv Uzbekistan muxbiri ma’lum qildi.

26-iyundan 2-iyulgacha «Humo» arenada bo‘lib o‘tgan yoshlar o‘rtasidagi 29-Osiyo chempionati yakunlandi. Oxirgi kunning ikki final bahslari o‘tkazildi.

19 yoshgacha bo‘lgan qizlar o‘rtasidagi final o‘yinida yaponiyalik AOKI Sachi hamyurti OJIO Yunani yirik 4:0 hisobida mag‘luniyatga uchratdi va oltin medal sohibiga aylandi.

19 yoshgacha bo‘lgan o‘g‘il bolalar o‘rtasidagi yakkalik o‘yinida final juda shiddatli kurash ostida kechdi. Xitoy vakili WEN Ruibo dastlabki uch partiyani 11:5/11:7/11:8 hisobi bilan tabloga muhrlab qo‘ydi. Uning Xitoy taypeylik raqibi CHANG Yu-An

2025-yilning yanvar – may oylarida O‘zbekiston xorijdan qiymati $325,3 millionga teng bo‘lgan 18 387 dona yengil avtomobil import qilgan. Import qilingan mashinalarning 9 789 tasi elektromobillarni tashkil etadi. Bu haqda Milliy statistika qo‘mitasi xabar berdi.

Respublika avtomobil importida eng katta ulushni Xitoy egalladi. Bu davlatdan 15 873 ta avtomobil olib kelingan.

Koreya Respublikasi 1 882 dona avtomobil bilan ikkinchi o‘rinda turibdi. Hindistondan 168 ta, Yaponiyadan 122 ta, AQSHdan esa 82 ta avtomobil import qilingan. Yana 260 ta avtomobil boshqa davlatlardan keltirilgan.

Avvalroq «Kursiv» nashri shu yilning yanvar-fevral oylarida O‘zbekistonga 4,4 mingta yengil avtomobil import qilingani haqida yozgandi.

Yandex haydovchilar va kuryerlar uchun avtomatik soliq toʻlovlarini ishga tushirdi. Bu haqda Yandex Uzbekistan «Kursiv» nashriga ma’lum qildi.

Yandex Uzbekistan soliq tizimi bilan texnik integratsiyani yakunlaganini tasdiqladi. 2-iyuldan boshlab Yandex Go xizmatlari bilan hamkorlik qiluvchi haydovchilar va kuryerlarning daromad solig‘i avtomatik tarzda to‘lanadi. Ushbu summa belgilangan muddatlarda Soliq qo‘mitasiga o‘tkaziladi.

Soliqlar ushlab qolinishi kerak bo‘lgan shaxslar to‘g‘risidagi ma’lumotlar to‘g‘ridan to‘g‘ri soliq organlaridan olinadi. Barcha hisobdan chiqarishlar Yandex Pro ilovasida ko‘rsatiladi va bo‘lim soliq to‘lovchilarga ham ma’lumotlarni taqdim etadi.

Yangi tizim yakka tartibdagi tadbirkorlar uchun jarayonni soddalashtiradi va hisob-kitoblarda xatolik yuzaga kelishi xavfini kamaytiradi.

Eslatib o‘tamiz, Kursiv Uzbekistan nashri Yandex...

Stol tennisi bo‘yicha «Humo» arenada bo‘lib o’tayotgan yoshlar o‘rtasidagi 29-Osiyo chempionati o‘zining yakuniy pallasiga kirmoqda. Bugun 2-iyul kuni dastlab yarim final uchrashuvlari bo‘lib o‘tdi. Bu haqda Kursiv Uzbekistan muxbiri ma’lum qildi.

E’tiborlisi, O‘zbekiston terma jamoasi vakillari uchrashuvlarni ancha erta yakunladi.

19 yoshgacha bo‘lgan stol tennischilar o‘rtasidagi yarim final bahslariga faqatgina Yaponiya vakillari yetib keldi. Dastlabki yarim finalda Aoki Sachi hamyurti Mende Rinni 4:3 hisobida mag‘lubiyatga uchratdi va finalga yo‘llanmani qo‘lga kiritdi.

Ikkinchi yarim finalda Takamori Mao vatandoshi Ojio Yunaga 1:4 hisobida mag‘lub bo‘ldi va final yo‘llanmasidan quruq qoldi.

19-yoshgacha bo‘lgan bolalar o‘rtasidagi yarim final bahslarining dastlabkisida...

O‘zbekiston valyuta birjasi (UZCE) ma’lumotlariga ko‘ra, 2-iyul kuni dollar kursi 84,4 so‘mga pasayib, 12 591,71 so‘m qilib belgilandi.

Iyun oyining ikkinchi yarmiga qaraydigan bo‘lsak, 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.  24-iyun kuni dollar kursi 12 456,25 so‘mga chiqdi.

Shuningdek, Markaziy bank ma’lumotlariga ko‘ra, yevro 153,86 so‘mga...

«Manchester Siti» va O‘zbekiston milliy terma jamoasi himoyachisi Abduqodir Husanov Puma kolleksiyasida ko‘rinish berdi. Bu haqda klub saytida ma’lum qilindi.

21 yoshli futbolchi «Shaharliklar» klubidagi faoliyatini qoyilmaqom davom ettirmoqda. U oxirgi marta klublar o‘rtasidagi jahon chempionatida «Al Ayn»ga qarshi o‘yinda maydonga tushgan edi.

Ma’lumot o‘rnida, Husanov ustidagi sport libosi Angliyada 70 funt sterlingdan ($95 dan) boshlanadi.

Eslatib o‘tamiz, Kursiv Uzbekistan FIFA Abduqodir Husanovni tabriklagani haqida yozgan edi.

Mazda kompaniyasi yangi avlod Mazda CX-5 avtomobili 2025-yil 10-iyul kuni rasmiy taqdim etilishini e’lon qildi. Kompaniya modelning ilk rasmlarini ham e’lon qildi. Bu haqda Autonews xabar bermoqda.

Yangi CX-5 oldingi modelga o‘xshash ko‘rinishda bo‘ladi, lekin dizayni biroz yangilanadi. Ayniqsa, faralar va ba’zi tashqi elementlar Mazda CX-90 va Xitoydagi EZ-60 gibrid modeliga o‘xshash bo‘ladi.

Salon ham yangilanadi. Unda katta multimedia ekrani va CX-90 modelidagi kabina tartibidan foydalaniladi. Texnik jihatdan esa mashina SkyActiv-Z avlodiga mansub benzin dvigatellari bilan jihozlanadi.

Shuningdek, gibrid versiyasi ham taqdim etilishi kutilmoqda. Uning tafsilotlari hali e’lon qilinmagan, ammo Xitoyda 1,5 litrli gibrid motor 1300 km gacha...

Eron prezidenti Mas’ud Pezeshkiyon Tehron va Xalqaro atom energiyasi agentligi (XAEA) o‘rtasidagi hamkorlikni to‘xtatish bo‘yicha qonunni imzoladi. Bu haqda Eron davlat televideniyesi xabar berdi.

Hujjat prezident tomonidan imzolangan paytdan boshlab qonun kuchga kirdi va bajarilishi majburiy hisoblanadi.

25-iyun kuni Eron parlamenti deputatlari Islom Respublikasi va XAEA o‘rtasidagi hamkorlikni to‘xtatish haqidagi qonun loyihasini ma’qullagan edi. 26-iyun kuni Eron Konstitutsiya qo‘riqchilari kengashi ushbu qonunni tasdiqladi.

Bundan oldin Eron Xurmuz bo‘g‘ozini minalashga tayyorgarlik ko‘rayotgani haqidagi AQSh razvedkasi xabarini bergandik. Unga ko‘ra, Eron harbiylari o‘tgan oy Fors ko‘rfazidagi kemalarga dengiz minalarini yuklagan.

Mazkur harakat Xurmuz bo‘g‘ozini yopish rejasining bir qismi bo‘lishi mumkinligi...

Bokuda O‘zbekiston elchixonasining yangi binosi ochiladi. Bu haqda prezident matbuot xizmati xabar berdi.

Prezident Shavkat Mirziyoyev Ozarbayjonga davlat tashrifini boshladi. Tashrif davomida O‘zbekiston rahbari Boku, Xonkandi, Shusha va Ag‘dam shaharlari bo‘ylab tashrif buyuradi.

Bugun ikki mamlakat yetakchilari Oliy davlatlararo kengashning ikkinchi yig‘ilishini o‘tkazadi. Bundan tashqari, «O‘zbekiston» bog‘iga tamal toshi qo‘yadi va O‘zbekistonning Bokudagi elchixonasining yangi binosini ochib beradi.

Ertaga, 3-iyun kuni esa prezidentlar Shavkat Mirziyoyev va Ilhom Aliyev muloqotni Ozarbayjonning Qorabog‘ tumanida davom ettirib, Xonkandidagi qo‘shma tikuvchilik fabrikasi va Ag‘dam shahridagi «Imorat» tarixiy-me’moriy majmuasi bilan tanishadi.

Tashrifga tayyorgarlik doirasida sanoat kooperatsiyasi bo‘yicha salmoqli kelishuvlar to‘plami shakllantirilgan.

Avvalroq Shavkat Mirziyoyev...

Amerikaning Chevrolet kompaniyasi Tracker krossoverining 2026-yilgi yangilangan versiyasini ishlab chiqarishni boshladi. Bu haqda CNN Brazil xabar berdi.

Avtomobil Braziliyaning San-Kaetano-du-Sul shahridagi zavodda yig‘ila boshladi. Yaqin orada mamlakat bo‘ylab dilerlar orqali sotuvga chiqariladi.

Tashqi ko‘rinish va dizayndagi yangiliklar

Yangilangan Tracker ikki qavatli old chiroqlar bilan jihozlangan. Yuqorida ingichka LED kunduzgi chiroqlar, pastroqda esa asosiy faralar joylashgan. Shuningdek, ixcham tumanga qarshi chiroqlar, yangilangan bamper va radiator panjarasi Chevrolet’ning Blazer va Equinox modellari uslubida bezatilgan.

Shuningdek, RS sport versiyasi saqlanib qolgan bo‘lib, qora rangdagi o‘ziga xos bezaklar — logotip, oynalar, g‘ildiraklar va o‘zgacha panjara dizayni bilan ajralib turadi.

Salondagi...

O‘zbekiston prezidenti Shavkat Mirziyoyev Ozarbayjon prezidenti Ilhom Aliyevning taklifiga binoan davlat tashrifi bilan Boku shahriga keldi. Bu haqda prezident matbuot kotibi xabar berdi.

Haydar Aliyev nomidagi aeroportda davlat rahbarini Ozarbayjon Bosh vazirining birinchi o‘rinbosari Yaqub Ayubov va boshqa rasmiy shaxslar kutib oldi.

Oliy martabali mehmon sharafiga ikki davlat bayroqlari ko‘tarildi, faxriy qorovul saf tortdi.

Dasturga muvofiq, bugun Oliy davlatlararo kengashning ikkinchi yig‘ilishi va boshqa tadbirlar bo‘lib o‘tadi.

Avvalroq Shavkat Mirzoyev Ozarbayjonga davlat tashrifi bilan jo‘nab ketgani haqida xabar bergandik.

Chevrolet kompaniyasi 2026-yilgi Chevrolet Equinox modelining xususiyatlari ochiqlandi. Bu benzin dvigatelli krossoverning to‘rtinchi avlodiga mansub ikkinchi yilgi modeli. U 2025-yilgi versiyadan uncha katta bo‘lmagan yangiliklar bilan farq qiladi. Bu haqda GMAutority xabar bermoqda.

Bu model uchta turda taqdim etiladi. Xaridorlar uchun turli tashqi ranglar mavjud. Ular orasida bepul ranglar ham, qo‘shimcha to‘lov evaziga beriladigan maxsus bo‘yoqlar ham bor. Asosiy ranglarga yashil, ko‘k, oq, kulrang va qora kiradi. Maxsus ranglar esa oq va qizil trikoat bo‘yoqlaridir. Bundan tashqari, avtomobilni ikki rangda tanlash imkoniyati ham bor. Bunday holatda, tom rangi tanadagi asosiy rangdan farq qiladi.

2026-yilgi Equinox 1,5 litrli turbo...

Xiaomi asoschisi va bosh direktori Lei Jun Tesla’ning FSD (to‘liq avtonom boshqaruv) texnologiyasini yuqori baholadi. U bu haqda Weibo’dagi sahifasida ma’lum qilgan.

«Tesla chindan ham hayratlanarli. U ko‘plab sohalarda sanoatga yo‘l ko‘rsatmoqda, ayniqsa FSD borasida. Bizda hali o‘rganadigan ko‘p narsa bor», – deb yozdi u.

Tesla’ning FSD (to‘liq avtonom boshqaruv) texnologiyasi kompaniya bosh direktori Ilon Mask tomonidan «birinchi to‘liq avtonom yetkazib berish» deb ataldi. Model Y avtomobili Texasdagi zavoddan mijoz uyigacha 24 km masofani haydovchisiz bosib o‘tdi.

Xitoyda raqobatchilar bir-birining mahsulotlarini maqtashi marketingning bir shakli sifatida qaraladi. Ilgari Nio va Xpeng rahbarlari ham bir-birining...

Bugun, 2-iyul kuni Shavkat Mirziyoyev Ozarbayjon Respublikasi prezidenti Ilhom Aliyevning taklifiga binoan davlat tashrifi bilan ushbu mamlakatga jo‘nab ketdi. Bu haqda prezident matbuot xizmati xabar qildi.

Davlat rahbari Boku shahrida o‘tkaziladigan Oliy davlatlararo kengashning ikkinchi majlisi va boshqa oliy darajadagi tadbirlarda ishtirok etadi.

Shuningdek, ikki davlat o‘rtasidagi do‘stlik, strategik sheriklik va ittifoqchilik munosabatlarini yanada mustahkamlash masalalari ko‘rib chiqiladi.

Shu bilan birga, Mirziyoyev Xonkendi shahrida o‘tkaziladigan Iqtisodiy hamkorlik tashkilotining navbatdagi sammitida ham qatnashadi.

Avvalroq Kursiv Uzbekistan Shavkat Mirziyoyev Minsk shahriga borgani haqida yozgandi.

Telegram Premium obunachilari endi ilova ichida to‘g‘ridan to‘g‘ri interaktiv vazifalar ro‘yxatini tuzish va ularning bajarilishini kuzatish imkoniga ega bo‘ladi. Ilova bir nechta yangilanishlarni e’lon qildi.

Ushbu ro‘yxatlar har qanday suhbatda yaratilishi mumkin bo‘lib, foydalanuvchi sozlamalari orqali boshqa ishtirokchilarga vazifalarni bajarganini belgilash yoki yangi vazifalar qo‘shish huquqini berish mumkin.

Shuningdek, Premium foydalanuvchilar endi kanallarda chop etilishi uchun post takliflarini yuborishlari mumkin. Bunda ular istalgan sanani va vaqtni ko‘rsatgan holda kanal egasiga ichki valyuta – «yulduzlar» yoki Toncoin kriptovalyutasi orqali to‘lov amalga oshiradi.

Post joylashtirilgach 24 soatdan so‘ng kanal egasiga pul mablag‘i beriladi. Agar post shu muddat ichida o‘chirib yuborilsa, mablag...

Yaber kompaniyasi arzon va funksional portativ proyektor – Yaber T1 Pro modelini rasman taqdim etdi. Bu haqda Gizmochina nashri ma’lum qildi.

Qurilma 1080p aniqlikda tasvir beradi, HDR10 formatini qo‘llab-quvvatlaydi. TurboSonic texnologiyasiga ega 8 Vt quvvatli karnay bilan jihozlangan. Bu proyektor oldindan o‘rnatilgan Netflix, YouTube va Prime Video ilovalari bilan birga keladi.

Proyektor 1,18:1 qisqa fokus nisbati orqali 2,4 metr masofadan 100 dyuymli tasvir hosil qiladi. Avtofokus, trapetsiya tuzatish, ekran tekislash va to‘siqlardan avtomatik chetlab o‘tish imkoniyatlari foydalanuvchiga tasvirni tez va aniq sozlashda yordam beradi.

Yaber T1 Pro Linux operatsion tizimi asosida ishlaydi. Bu esa ilovalarni bevosita proyektor orqali ishlatishni...

Google $314 million jarimaga tortildi. Kaliforniya sudi fuqarolarning ma’lumotlarini noqonuniy yig‘gani uchun kompaniyaga jarima soldi. Bu haqda Bloomberg nashri xabar berdi.

Nashrning ma’lumotiga ko‘ra, Google Android foydalanuvchilarining mobil ma’lumotlarini ularning roziligisiz to‘plagan. Ushbu qaror Kaliforniyaning San-Xose shahridagi hakamlar sudi tomonidan mijozlarning jamoaviy da’vosi asosida qabul qilingan.

Sud taqdim etgan ma’lumotlarga ko‘ra, Google Android qurilmalari foydalanuvchilaridan Wi-Fi tarmog‘iga ulanmagan vaqtda ham ma’lumotlarni yig‘ib kelgan. Ushbu ma’lumotlar kompaniya serverlariga yuborilgan. Ma’lumotlar yig‘ish jarayonida foydalanuvchilarning mobil internet trafiklari sarflangan. Ya’ni kompaniya mijozlarining pullari hisobidan ma’lumotlarni yig‘gan.

Bu ma’lumotlar qanday maqsadda ishlatilgan

Google ushbu ma’lumotlarni tijorat maqsadlarida foydalangan. Xususan, reklama xizmatlarini rivojlantirish...

2025-yilning birinchi yarmida Germaniyada 37,7 ming nafar xodimni qisqartirish rejalashtirilgan. Bu 2020-yil pandemiya davridan keyingi eng yirik qisqartirish hisoblanadi. Bu haqda «Ria Novosti» nashri xabar berdi.

So‘nggi uch yil ichida qisqartirilishi rejalashtirilgan xodimlar soni izchil ortib bormoqda. Masalan, 2022-yilda bu ko‘rsatkich atigi 9,6 ming nafarni tashkil etgan bo‘lsa, hozirgi raqam bu ko‘rsatkichdan to‘rt barobar yuqori.

Ayniqsa, sanoat tarmoqlari eng ko‘p qisqartirishlar e’lon qilgan. Avtomobil ishlab chiqaruvchilari, xususan, Porsche va Audi kabi kompaniyalar minglab ishchilarni ishdan bo‘shatmoqchi. Logistika, chakana savdo, bank va boshqa xizmat ko‘rsatish sohalarida ham o‘n minglab ishchilarni qisqartirish kutilmoqda.

Mazkur jarayonlar Germaniya iqtisodiyoti bosim ostida qolayotganini va...

RedMagic kompaniyasining kuchli xususiyatlarga ega o‘yin plansheti – Astra Gaming Tablet 16-iyuldan boshlab global bozorda sotuvga chiqadi. Narxi $499 dan boshlanadi. Bu haqda GSMArena xabar bermoqda.

Ushbu planshet avval Xitoyda Tablet 3 Pro nomi bilan taqdim etilgan edi. Endilikda u RedMagic Astra Gaming Tablet nomi bilan butun dunyo bozorlariga chiqmoqda.

Planshet 9,06 dyuymli LTPO OLED ekranga ega bo‘lib, 165 Hz yangilanish tezligi, HDR qo‘llab-quvvatlovi va 1600 nit yorqinlikni taklif etadi. Tovush uchun stereo dinamiklar va tebranish effektlari mavjud.

Ichki qismlarida esa Snapdragon 8 Elite chipi, suyuq metall bilan sovitish texnologiyasiga ega. Kompaniyaga ko‘ra, bu tizim 8 darajagacha issiqlikni pasaytiradi.

Astra...

Turkiya Qishloq va o‘rmon xo‘jaligi vazirligi mamlakat bo‘ylab barcha chorva bozorlarini vaqtincha yopishni e’lon qildi. Ushbu qaror chorva mollaridan tarqaladigan kasallik o‘choqlarining ko‘payib borayotgani sabab qabul qilingan.

Vazirlikning ma’lum qilishicha, kasallikning tarqalishi Qurbon hayiti davrida chorva mollarining ko‘chirilishi bilan bir vaqtda yuz bergan. Ayrim hududlarda allaqachon karantin joriy etilib, hayvonlar harakati cheklangan va emlash ishlari boshlangan. Biroq qisqa vaqt ichida barcha hayvonlarni emlashning imkoni yo‘q.

Mutaxassislarning fikricha, xavf zonalarida chorva harakatini cheklash emlashdan ko‘ra samaraliroq chora. Shu sabab mamlakat bo‘ylab hayvon savdosiga oid barcha bozorlar, yarmarkalar, birjalar va yig‘ish markazlarining faoliyati to‘xtatildi.

Taqiq maxsus buyruq berilgunga qadar amal...