Yangiliklar

Raqobat qo‘mitasi tomonidan yengil avtomobillarni xarid qilish va servis xizmatlaridan noroziligi yuzasidan iste’molchilardan kelib tushgan murojaatlar o‘rganildi. Bu haqda qo‘mita matbuot xizmati xabar berdi.

Joriy yilning dastlabki ikki oyi davomida ushbu yo‘nalishda 154 ta murojaat kelib tushgan bo‘lib, ularning 106 tasi (68,8%) qanoatlantirilgan, 36 tasiga (23,4%) tushuntirish berilgan va 11 tasi vakolatli organlarga yuborilgan.

Natijasida iste’molchilarga 705,3 mln so‘m pullari qaytarib berildi. Bundan tashqari, sifatsiz deb topilgan 6 ta avtomobil yangisiga almashtirildi.

Jumladan, Toshkent shahridagi Pronto Motor Trade avtosalonidan fuqaro Tracker-2 TRK Redline avtomobilini sotib olgan, biroq mashinada nuqsonlar aniqlangan. Qo‘mita aralashuvi bilan 253,4 mln so‘mlik avtomobil yangi va...

BYD kompaniyasi o‘zining elektr flagmani Yangwang U7 modeli uchun ilg‘or YunNian-Z osma tizimini taqdim etdi. Bu haqda CarNewsChina You Tube kanalida flagman videoroligini joylashtirdi.

Videosida jang san’ati ustasi Vin Chun uslubidagi harakatlarni bajaradi. Avtomobil notekis yo‘lda harakatlanayotgan bo‘lsa-da, uning kuzovi mutlaqo barqarorligicha qoladi.

YunNian-Z osma tizimida suyuqlikdan foydalanilmaydi va to‘g‘ridan to‘g‘ri elektromotorlar orqali boshqariladi. Tizim atigi 10 millisekund ichida yo‘l sharoitlariga moslashishi mumkin, bu esa an’anaviy moslashuvchan amortizatorlardan ancha tezkorligini anglatadi.

Yangwang U7 nafaqat YunNian-Z, balki YiSiFang deb nomlangan ilg‘or harakat boshqaruv tizimi bilan ham jihozlangan. Bu uni butunlay raqamli kuzov stabilizatsiyasi bilan jihozlangan dunyodagi birinchi seriyali elektromobilga aylantiradi.

Oʻzbekiston va Rossiya katta quvvatga ega atom elektr stansiyasini qurish istiqbollarini muhokama qildi. Bu haqda «Oʻzatom» agentligi yozmoqda.

Elektr stansiyasi masalasini Toshkentda «Oʻzatom» rahbari Azim Axmedxadjaev va «Rosatom» bosh direktorining birinchi oʻrinbosari Andrey Petrov muhokama qildi.

Tomonlar Oʻzbekistondagi kichik atom elektr stansiyasi loyihasiga ham toʻxtalib oʻtdi. Uni yonilgʻi bilan taʼminlash va elektr stansiyasi uchun ishchilarni tayyorlash masalasini ham ko‘rib chiqildi.

Shuningdek, «Oʻzatom» kichik atom elektr stansiyasi qurilishi hozirda loyiha bosqichida ekanini ma’lum qildi.

Eslatib oʻtamiz, «Kursiv» Oʻzbekiston va Fransiya atom energetika sohasida hamkorlik qilishi haqida yozgan edi.

O‘zbekiston futzal federatsiyasi sport kiyimlari va aksessuarlari ishlab chiqaruvchi dunyoga mashhur Kelme brendi bilan bir yillik shartnoma imzolab, hamkorlikni yo‘lga qo‘ydi.

Kelishuv shartlariga ko‘ra, tomonlar kelajakda hamkorlik muddatini uzaytirish imkoniyatini ham ko‘rib chiqadi. Shu tariqa O‘zbekistonning barcha futzal terma jamoalari endilikda ispan brendi tomonidan yetkazib beriladigan liboslarda maydonga tushadi.

Ma’lumot uchun, Kelme Osiyo futbol konfederatsiyasi (OFK)ning rasmiy hamkori hisoblanadi va dunyoning ko‘plab futzal klublari ushbu brend kiyimlaridan foydalanadi.

Avvalroq Kursiv Uzbekistan futzal bo‘yicha O‘zbekiston Kubogi sovrindorlariga 400 mln so‘m mukofot puli ajratilishi haqida xabar bergan edi.

O‘zbekistonlik shaxmat grossmeysteri Javohir Sindarov nufuzli Titled Tuesday onlayn turnirida g‘alaba qozondi.

Har hafta seshanba kuni o‘tkaziladigan ushbu musobaqada dunyoning eng kuchli shaxmatchilari ishtirok etadi.

Javohir Sindarov kecha bo‘lib o‘tgan navbatdagi turnirda 11 ta partiyadan 9,5 ochko jamg‘arib, qo‘shimcha ko‘rsatkichlar bo‘yicha 1-o‘rinni egalladi. Ikkinchi o‘rinni Hindistonning amaldagi jahon chempioni Gukesh Dommaradju, uchinchi pog‘onani esa amerikalik Hikaru Nakamura egalladi.

Sindarov turnir davomida shaxmat afsonasi Magnus Karlsenni yana bir bor mag‘lubiyatga uchratishga muvaffaq bo‘ldi. G‘alaba unga $1000 miqdoridagi mukofotni taqdim etdi.

Avvalroq Kursiv Uzbekistan Javohir Sindarov shaxmat bo‘yicha Fisher nomidagi turnirning chorak finaliga chiqqani haqida xabar bergan edi.

Germaniyaning Mercedes-Benz kompaniyasi xodimlarga ixtiyoriy ravishda ishdan bo‘shash evaziga 500 ming yevro(qariyb $543 mingga yaqin) kompensatsiya taklif qilmoqda. Bu haqda DPA nashri xabar berdi.

Dastur ishlab chiqarish bilan bevosita bog‘liq bo‘lmagan taxminan 30 ming xodimni qamrab oladi. Shaxsiy takliflar yaqin haftalarda yuborilib, qaror shu yilning 31-iyulgacha qabul qilinadi.

Kompaniyaning maqsadi xarajatlarni qisqartirish va 2027-yilgacha besh mlrd yevro tejashdan iborat. Buning uchun rahbariyat majburiy qisqartirishlar o‘rniga moliyaviy rag‘batlantirish strategiyasini tanladi. Dastur asosan ma’muriy xodimlarga qaratilgan bo‘lib, to‘lov miqdori ish staji va maoshga bog‘liq.

Maksimal 500 ming yevro kompensatsiyani kompaniyada uzoq yillik tajribaga ega bo‘lgan xodimlar olishlari mumkin. Masalan, 55 yoshli...

O‘zbekistonda kibersport bo‘yicha eng yirik musobaqalardan biri – «IESF World Esports Championship – 2025» (WEC 2025) milliy saralash bosqichiga start berildi.

Ushbu nufuzli turnirni Xalqaro kibersport federatsiyasi (IESF) tashkillashtiradi va O‘zbekistonning eng kuchli kibersportchilari unda ishtirok etish imkoniyatiga ega bo‘ladi.

Musobaqada PUBG Mobile, Mobile Legends: Bang Bang (MLBB) erkaklar va ayollar jamoalari hamda eFootball yo‘nalishlarida qatnashish mumkin. Ishtirokchilar 26-martdan 10-aprelgacha ro‘yxatdan o‘tishlari talab etiladi.

Ro‘yxatdan o‘tish havolalari:
🔹 PUBG Mobile – Ro‘yxatdan o‘tish
🔹 MLBB Ayollar – Ro‘yxatdan o‘tish
🔹 MLBB Erkaklar – Ro‘yxatdan o‘tish
🔹 eFootball – Ro‘yxatdan o‘tish

Turnir reglamenti bilan quyidagi havola orqali tanishish mumkin...

Iordaniyaning Amman shahrida start olgan kattalar o‘rtasidagi sport kurashlari bo‘yicha Osiyo chempionatida O‘zbekiston terma jamoasi vakili Layloxon Sobirova (57 kg) ishtirok eta olmasligi ma’lum bo‘ldi. Bu haqda Olamsport nashri ma’lum qildi.

Terma jamoa katta murabbiyi Abdurauf Bozorboyevning so‘zlariga ko‘ra, Sobirova musobaqa oldidan shamollab qolgan va shifokorlar barcha zarur chora-tadbirlarni ko‘rgan bo‘lsa-da, uning sog‘lig‘i musobaqada qatnashish uchun yetarlicha tiklanmagan. Shu sababli sportchini turnirga olib bormaslik qarori qabul qilingan.

Avvalroq Kursiv Uzbekistan Taxmina Ikromova Ispaniyadagi turnirda ikkita medalni qoʻlga kiritgani haqida xabar bergan edi.

AQShga tovar importi uchun boj toʻlovlari kutilayotgan bir paytda oltin narxi jahon bozorida barqarorlashdi, deb xabar bermoqda Reuters.

Ta’kidlanishicha, AQSh prezidenti Donald Tramp aprel oyi boshida tariflar toʻgʻrisidagi farmonni imzolashni va’da qildi. Bozor ishtirokchilari kelajakdagi savdo cheklovlarini turlicha baholamoqda.

Ba’zilar bojlarning tezkor joriy etilishi va Amerika rahbarining keskin ritorikasiga e’tibor qaratmoqda. Boshqalar esa cheklovlar tanlab qoʻllanilishi mumkin, deb hisoblamoqda.

Soʻnggi oʻn kun ichida oltin narxlari bir troya unsiya uchun $3 mingdan biroz yuqoriroq darajada barqarorlashdi. Koʻpchilik yirik tahlilchilar qimmatbaho metallar narxining oʻsish imkoniyatini koʻrishmoqda, biroq yengilroq savdo cheklovlari yoki Federal zaxira tizimining (FZT) qat’iy choralari tufayli narx tuzatilishidan xavotirda.

BYD kompaniyasining yangi elektr krossoveri Sealion 05 EV Xitoy bozorida $16,2 ming boshlang‘ich narxi bilan sotuvga qo‘yildi. Ushbu SUV 110 litr hajmdagi old bagaj, muzlatgich, ilg‘or haydashga yordam berish tizimi va 520 km masofani bosib o‘tish imkoniyati bilan e’tiborga molik. Bu haqda CarNewsChina nashri ma’lum qildi.

Modelning asosiy xususiyatlari

BYD Sealion 05 EV ixcham krossover bo‘lib, e-Platform 3.0 Evo arxitekturasiga asoslangan. Uning dizayni Ocean Aesthetics uslubida ishlab chiqilgan bo‘lib, old LED chiziqli faralar va minimalistik kapot shakliga ega. G‘ildirak arkalari atrofidagi plastik elementlar avtomobilga kuchliroq ko‘rinish beradi.

SUV’ning uzunligi 4520 mm, kengligi 1860 mm, balandligi 1630 mm, g‘ildiraklar...

Prezident farmoniga ko‘ra, kichik va o‘rta biznesni rivojlantirish choralari tasdiqlandi. 2025-yil 1-sentabrdan kichik biznesni ixtiyoriy tugatish soddalashtiriladi. 2025-yil 1-iyuldan o‘zini o‘zi band qilgan shaxslar faoliyati 106 tadan 72 taga qisqartiriladi.

Xonalarni tozalash, mebel yig‘ish, avtomobillarni ta’mirlash, kosmetologiya, pechka va kaminlar yasash, shisha puflash, ko‘zgu tayyorlash va soatsozlik sohalari qisqartiriladi.

2025-yil 1-maydan biznesini yiriklashtirgan tadbirkorlarga QQS summasi 7 kunda qaytariladi.

2025-yil 1-iyuldan 2028-yil 1-yanvargacha kichik biznes uchun yangi tartibga solish vositalari joriy etilmaydi. Birinchi yil huquqbuzarlik qilgan tadbirkorlar javobgarlikdan ozod qilinadi.

Fermer xo‘jaliklarining soliq qarzlari bo‘yicha penyalar hisobdan chiqariladi. Undirishga oid sud va ijro ishlari to‘xtatiladi.

Avvalroq Kursiv Uzbekistan...

«Tashabbusli budjet»ning birinchi mavsumida 964 ta yo‘llarni ta’mirlash uchun loyihalarga 1,4 mlrd so‘mga yaqin mablag‘ ajratildi. Bu haqda Iqtisodiyot va moliya vazirligi xabar berdi.

Bu yil «Tashabbusli budjet» loyihasining birinchi mavsumiga ovoz berish jarayoni 11-martdan 20-mart kunigacha davom etdi. Bu bosqichda butun respublika bo‘ylab fuqarolar tomonidan jami 10,45 mln ovoz berilgan. Yakuniy natijalarga ko‘ra, g‘olib deb topilganlarga 2,4 mingta loyihaga qariyb 3,2 trln so‘m mablag‘ ajratilgan.

Eng ko‘p mablag‘ ichki yo‘llarni ta’mirlash bilan bog‘liq 964 ta loyihaga taqsimlandi – 1,4 mlrd so‘m. Shuningdek, maktablarni ta’mirlash va moddiy-texnika bazasini rivojlantirish uchun 699 ta loyihaga 875 mlrd so‘m, tibbiyot...

Hugging Face kompaniyasi LeRobot loyihasini kengaytirib, yangi arzon robototexnika qurilmalarini taqdim etdi. Bu haqda kompaniya rasmiy saytida ma’lum qildi.

Usbu SO-100 robotini $110 ga sotib olish mumkin. Bundan tashqari, kompaniya harakatlanuvchi baza ustiga joylashtirilgan LeKiwi modelini ham tayyorladi. Bu robot qo‘l xonada sochilib yotgan narsalarni yig‘ib, savatga tashlash funksiyasiga ega.

Hugging Face LeRobot’ga vazifalarini o‘rgatish jarayonini sezilarli darajada yaxshiladi. Ular chiqargan yangi dataset bilan robotni bir kecha ichida o‘z maqsadlaringizga mos ravishda o‘rgatish mumkin.

LeRobot loyihasi PyTorch platformasida real dunyo uchun robototexnika modellari, datasetlari va vositalarini taqdim etishga qaratilgan. Loyiha maqsadi robototexnikaga kirish imkoniyatlarini soddalashtirish, bu orqali har...

Xalqaro Islom savdo-moliya korporatsiyasi (ITFC) «Trastbank»ka tadbirkorlikni rivojlantirish uchun $20 million ajratadi. Bu haqda moliya instituti matbuot xizmati xabar berdi.

Ma’lum qilinishicha, mablagʻ kichik va oʻrta biznes uchun import va eksport shartnomalarini qoʻllab-quvvatlashga yoʻnaltiriladi. Shuningdek, yashil loyihalar, oziq-ovqat xavfsizligi boʻyicha tashabbuslar va xotin-qizlar rahbarlik qiladigan korxonalar imtiyozli moliyalashtirilishi mumkin.

2024-yilda ITFC va Oʻzbekiston oʻrtasida $600 millionlik bitim imzolangan. Shundan soʻng korporatsiya «Trastbank»ka uchta kredit liniyasini taqdim etdi. Soʻnggi besh yil ichida ITFC Oʻzbekistonda xususiy sektorni qoʻllab-quvvatlash uchun $168 million yoʻnaltirdi.

Ma’lumot uchun, ITFC – Islom taraqqiyot banki (ITB) tarkibidagi tashkilot hisoblanadi. U islom dunyosi mamlakatlarida savdo-sotiqni qoʻllab-quvvatlash, kichik...

«Oʻzgidromet» ma’lumotiga koʻra, 2025-yil 26 – 28-mart kunlari kuzatiladigan yogʻingarchilik va havo haroratining oʻzgarishi sababli Toshkent viloyatining ayrim togʻli hududlarida qor koʻchishi xavfi yuzaga kelishi mumkin.

Xususan, dengiz sathidan 2000 metr balandlikda joylashgan quyidagi hududlarda ehtiyot choralarini koʻrish tavsiya etiladi:

Mazkur hududlarda istiqomat qiluvchi fuqarolar, dam oluvchilar hamda togʻli yoʻllarda harakatlanuvchi haydovchilardan ehtiyotkorlik choralarini koʻrish soʻraladi.

Avvalroq «Kursiv» 26-mart kuni Oʻzbekiston hududida havo bulutli boʻlib, yomgʻir yogʻishi kutilayotgani haqida xabar bergan edi.

Prezident farmoniga ko‘ra, chiqindilarni qayta ishlash sohasi takomillashtiriladi. 2030-yilgacha qattiq maishiy chiqindi poligonlari 50 foizga kamaytiriladi. Yangi chiqindilar poligonlarga yo‘naltirilmaydi, qayta ishlanadi yoki kuydiriladi.

2026-yildan chiqindi poligonlari Vazirlar Mahkamasi qarori bilan tashkil etiladi. Chiqindilarni boshqarish agentligi chiqindi poligonlari hududida sanoat zonalarini yaratadi. Ular chiqindilarni qayta ishlash va utilizatsiya qilishga ixtisoslashtiriladi.

Namangan va Toshkent viloyatlarida chiqindilarni termik utilizatsiya qilish loyihalari amalga oshiriladi. 19,87 gektar qishloq xo‘jaligi yeri sanoat hududiga o‘tkaziladi.

Avvalroq Kursiv Uzbekistan fuqarolarning maishiy chiqindidan asossiz qarzlari bekor qilingani haqida xabar bergan edi.

IonQ kvant texnologiyalari kompaniyasi direktorlar kengashi raisi Piter Chapmanning ta’kidlashicha, kvant hisoblash sohasida texnologik yutuq yaqin yillarda yuz berishi mumkin. Bu haqda u Bloomberg Technology’ga bergan intervyusida ma’lum qildi.

Bu fikr Nvidia rahbari Jensen Huangning yanvar oyidagi prognoziga qarama-qarshi fikr sifatida bildirildi. Huang tijorat darajasidagi kvant yechimlarining rivojlanishi uchun 15 – 30-yil kerak bo‘lishi mumkinligini aytgandi.

IonQ rahbarining intervyusidan so‘ng kvant texnologiyalari bozorida aksiyalar o‘sishi kuzatildi:

Shu kuni GTC konferensiyasida so‘zga chiqqan Jensen Huang kvant texnologiyalariga bo‘lgan shubhalari ortiqcha...

We Global Football portali Jahon chempionati saralashining 8-turidan keyin jamoalar imkoniyatlarini baholab, Oʻzbekiston terma jamoasining final bosqichiga toʻgʻridan toʻgʻri chiqish ehtimolini 96 foiz deb baholadi.

Unga koʻra, Oʻzbekiston milliy terma jamoasining guruhda 1-oʻrinni egallash ehtimoli 3,1 foizni, ikkinchi oʻrin uchun imkoniyati esa 92,9 foizni tashkil qilmoqda. Saralashning 7-turidan keyin bu koʻrsatkich 92,6 foiz edi.

Shuningdek, portalning taxminlariga koʻra, Oʻzbekiston saralash yakuniga koʻra 21 ochko jamgʻarishi mumkin, BAA esa 15 ochko toʻplashi kutilmoqda. Bu esa Oʻzbekistonning BAA bilan durang oʻynashini va Qatarni oʻz maydonida magʻlub etishini anglatadi.

Eslatib oʻtamiz, Oʻzbekiston terma jamoasi «JCH – 2026» saralashining navbatdagi bahsini 5-iyun kuni...

Jahon chempionati 3-bosqich saralash o’yinlarining 8-turida Eron o‘z uyida O‘zbekiston milliy terma jamoasini qabul qildi va jangovar durang qayd etdi deb xabar berdi Kursiv Uzbekistan muxbiri.

Birinchi taymning 15-daqiqasida Hojimat Erkinov hisobni Oʻzbekiston foydasiga oʻzgartirdi. Birinchi taymda bir qator xavfli vaziyatlar va noaniq zarbalar har ikki tomon uchun ham sodir boʻldi. Ammo Erkinov tomonidan kiritilgan gol birinchi boʻlimning yagona goli boʻlib qoldi.

Ikkinchi taymda dastlab 52-daqiqada Taremi hisobni tenglashtirgan boʻlsa, ikki daqiqa oʻtib Abbosbek Fayzullayev oʻyinda jamoasini oldinga olib chiqdi.

Ikkinchi boʻlimning 83-daqiqasida Eronlik oʻyinchi Taremi yana gol urib, hisobni tenglashtirdi. Oʻzbekiston Eron bahsi shu tariqa 2:2 hisobida o‘z yakuniga...

«Yoshlar daftari» joriy etilganidan buyon 1,3 mln nafar ehtiyojmand yoshlarga 1,7 trillionlik ijtimoiy yordam ko‘rsatildi. Bu haqda Shavkat Mirziyoyevning «Ko‘ksaroy» qarorgohida o‘tkazilgan iftorlik marosimidagi nutqida ma’lum qilindi.

«Ayollar daftari» doirasida 3,5 mln nafar ayolga 5,7 trillion so‘mlik yordam ajratilgan. «Yoshlar daftari» joriy etilganidan buyon 1,3 mln nafar ehtiyojmand yoshlarga 1,7 trillion milliard so‘mlik ijtimoiy yordam ko‘rsatilgan.

2024-yilning o’zida ko‘makka muhtoj insonlarga 16 trillion so‘mlik moddiy yordam va nafaqalar berilgani qayd etildi.

«Ulug‘ vatandoshimiz, hadis ilmining sultoni Imom Buxoriyning Samarqandda barpo qilinayotgan muazzam majmuasi qurilishi ham jadal davom ettirilmoqda. Bu yerda buyuk ajdodimiz hayoti va...

25-mart kuni soat 19:00 da Andijon viloyatida yer qimirladi. Seysmoprognostik monitoring respublika markazi xabar berishicha, zilzila epitsentri Andijon viloyatining Paxtaobod tumaniga to‘g‘ri kelgan.

Ushbu hudud Toshkentdan 263 km janubiy-sharqda joylashgan. Zilzila magnitudasi 3,8 ga teng. Epitsentrda sezilish kuchi: 2 ball.

Yer qimirlashi Paxtaobod (2 ball), Izboskan (2 ball) va Uchqo‘rg‘on (2 ball) tumanlarida ham sezilgan.

Eslatib oʻtamiz, Kursiv Uzbekistan nashri 12-mart kuni Oʻzbekiston hududida mahalliy vaqt bilan soat 06:16 da 2-3 ballik zilzila sodir boʻlgani haqida yozgan edi.

5-mart holatiga koʻra, Oʻzbekistonda soliq barqarorligi reytingi («AAA») eng yuqori boʻlgan 1,3 ming firma mavjud. Savdo-sanoat palatasi ma’lumotlariga koʻra, oʻtgan yilning dekabr oyidan buyon ularning soni 31,8 foizga kamaygan.

Yuqori reytingga ega kompaniyalarning umumiy soni («A» dan «AAA»ga) 8,2 mingtaga kamaydi, 2024-yil dekabr oyida oʻrtacha barqarorlik reytingiga ega kompaniyalar soni («B» dan «BBB»ga) 75,8 mingtaga kamaygan.

Shuningdek, respublikada barqarorlik reytingi qoniqarli boʻlgan 230,7 ming firma va past bahoga ega 212,6 ming firma mavjud.

Yuqori reytingga ega kompaniya va tadbirkorlarning aksariyati Toshkent, Fargʻona va Toshkent viloyatlarida faoliyat yuritmoqda. Reytingi yuqori boʻlgan firmalar QQSni qaytarishda imtiyozlarga ega boʻlishi mumkin.

Eslatib...

Bugun, 25-mart kuni Prezident an’anaga ko‘ra iftorlik tadbirida ishtirok etadi. Bu haqda prezident matbuot xizmati xabar berdi.

Ushbu tadbir barcha hududlarda tashkil etiladi. Unda 60 ming nafar nuroniylar, mehnat faxriylari, ulamolar va ziyolilar, turli din va konfessiyalar vakillari, nogironligi bor va ehtiyojmand fuqarolar qatnashadi.

Avvalroq Kursiv Uzbekistan prezident Samarqandga tashrifi doirasida Imom Buxoriy maqbarasini ziyorat qilgani haqida yozgandi.

22-mart, Navroʻz bayrami kuni Oqtovda qozoq milliy kiyimidagi 5 ming kishi yigʻilib, «Qozoq milliy kiyimidagi eng koʻp odam» nominatsiyasi boʻyicha Ginnesning yangi rekordini oʻrnatdi. Bu haqda CentralAsia.media xabar bermoqda.

«Best Fest Nauryz» tadbirida turli kasb va elat vakillari, keksa avlod vakillari hamda chekka qishloqlar aholisi ishtirok etib, jami 5,5 mingdan ortiq kishilarni jamladi.

Rekord oʻrnatish marosimi Kaspiy dengizi sohilida boʻlib oʻtgan. Ishtirokchilarni sanashga bir necha soat ketgan. Jarayonni Buyuk Britaniyadan Ginnes rekordlar kitobining rasmiy vakillari kuzatib borishgan.

Eslatib oʻtamiz, Kursiv Uzbekistan Nukusdagi oʻtov Ginnes rekordlari kitobidan joy olgani haqida yozgan edi.