Yangiliklar

BYD kompaniyasi tomonidan BYD M9 2026 avtomobili 4-noyabr kuni Xitoyda taqdim etiladi. Bu haqda CarNewsChina xabar bermoqda.

Yangilangan avtomobil tashqi ko‘rinishini asosan saqlab qolgan. LiDAR tizimi va 218 kilometrgacha elektrda yurish imkoniyati bilan jihozlangan. Bu M9 seriyasidagi eng yuqori natija hisoblanadi.

BYD M9 kompaniyaning eng yirik gibrid mikroavtobusi bo‘lib, Denza D9 va kichikroq oilaviy MPV modellari o‘rtasida joylashadi. U shaxsiy va korporativ mijozlar uchun mo‘ljallangan. Mazkur model yil boshida Meksikada ham M9 nomi ostida savdoga chiqarilgan edi.

Tashqi dizayn BYD’ning Loong Face (Dragon Face) uslubida yaratilgan. Keng xromli panjara va o‘tkir LED chiroqlar bilan. 2026-yilgi versiyada yangi Far Mountain...

Workmall xususiy bandlik agentligi Janubiy Koreyada joylashgan kemasozlik korxonasiga tajribali elektriklarni ishga taklif qilmoqda. Bu haqda Migratsiya agentligi xabar berdi.

Ish doimiy mehnat shartnomasi asosida taklif etiladi. Oyiga 264 soatlik ish uchun $1,7 ming maosh to‘lanadi. Qo‘shimcha ish soatlari uchun alohida haq belgilanadi. Ish beruvchi xodimlarni bepul turarjoy va bir mahal ovqat bilan ta’minlaydi.

Nomzodlar 22 yoshdan 35 yoshgacha bo‘lishi, bakalavr yoki undan yuqori darajadagi diplomga ega bo‘lishi, sohada kamida bir yillik ish tajribasiga ega bo‘lishi kerak. Shuningdek, sudlanmaganlik haqida ma’lumotnoma va xorijga chiqish pasporti talab etiladi. Saralashdan o‘tganlar koreys tili kurslarida qatnashishi mumkin.

Ro‘yxatdan o‘tish xorijda ish

Vivo kompaniyasi tomonidan Vivo X300 va X300 Pro smartfonlari Yevropada taqdim etildi. Bu haqda GSMArena xabar bermoqda.

Ma’lum qilinishicha, rasmiy taqdimot Avstriya poytaxti Venada o‘tkazilgan. Ikkala model ham 90 vattli simli va 40 vattli simsiz zaryadlash tizimlarini qo‘llab-quvvatlaydi. Vivo X300 6,31 dyuymli, X300 Pro esa 6,82 dyuymli OLED displey bilan jihozlangan. Har ikkisi 120 Hz yangilanish chastotasini ta’minlaydi.

Kamera tizimi

Vivo X300 modelida asosiy kameraga 200 megapikselli Samsung HPB sensori o‘rnatilgan. Unga 50 MP Sony LYT-602 (telefoto) va 50 MP ultra keng burchakli modul hamroh bo‘ladi.

Vivo X300 Pro esa teskari konfiguratsiyaga ega: asosiy modulda 50 MP...

30-oktabr kuni Nyu-Yorkda yoqqan kuchli yomg‘ir natijasida ikki kishi halok bo‘ldi. Bu haqda Reuters xabar berdi.

Kuchli yomg‘ir va shamol tufayli bir nechta reyslar bekor qilindi hamda ayrim hududlarda suv toshqinlari xavfi e’lon qilindi. Jon Kennedi, La-Guardiya va Nyuark aeroportlarida parvozlar jadvaliga o‘zgartirish kiritildi. Shahar ko‘chalarining bir qismi suv ostida qolgan.

«Bu bo‘ron yog‘ingarchilik miqdori bo‘yicha rekord o‘rnatdi. Bir necha soatda yog‘ishi kerak bo‘lgan yomg‘ir atigi 10 daqiqada yog‘di», – deb yozdi shahar meri Adams o‘zining X tarmog‘idagi sahifasida.

Meteorologlarga ko‘ra, 30-oktabr kuni Sentral Parkda 4,7 sm, La-Guardiya aeroportida 5,31 sm va Nyuark aeroportida...

Raqobat qo‘mitasi «Golden House Property Group» MChJga iste’molchilar huquqlarini cheklovchi shartlar bo‘yicha qonunbuzarliklarni ixtiyoriy ravishda bartaraf etish to‘g‘risida ko‘rsatma berdi.

Mazkur qaror ijtimoiy tarmoqlarda tarqalgan «Tanqid uchun jarima undirilishi qonuniymi?» degan murojaatdan keyin qabul qilindi. Unda iste’molchi o‘z tashabbusi bilan shartnomani bekor qilsa yoki kompaniya faoliyatidan norozi bo‘lib murojaat qilsa, qurilish tashkiloti shartnoma qiymatining 10 foizini jarima sifatida ushlab qolishi haqida so‘z yuritilgan.

Qo‘mita o‘rganishlarida Golden House bilan tuzilgan shartnomalarda bunday bandlar mavjudligi aniqlanib, ular iste’molchi huquqlarini cheklovchi shartlar sifatida baholandi.

Natijada kompaniyaga «Iste’molchilar huquqlarini himoya qilish to‘g‘risida»gi Qonun talablariga amal qilib, aniqlangan qonunbuzarliklarni bartaraf etish ko‘rsatmasi berildi.

Avvalroq...

Ayrim Xiaomi smartfonlari orqali Steam platformasidagi kompyuter o‘yinlarini bevosita telefon orqali ishga tushirish mumkin bo‘ladi. Bu haqda kompaniyaning o‘zi ma’lum qildi. Texnologiya hozircha cheklangan tarzda ishlamoqda.

Dastlab u Redmi K90 va Redmi K90 Pro Max modellari uchun taqdim etiladi. Keyinchalik boshqa Xiaomi smartfonlari ham ushbu tizimga qo‘shilishi kutilmoqda.

Hozircha faqat uchta o‘yin qo‘llab-quvvatlanadi – Stardew Valley, Hollow Knight va yaqinda chiqadigan Hollow Knight: Silksong. O‘yinlar Steam orqali ishga tushiriladi, biroq ular nativ (to‘g‘ridan to‘g‘ri) emas, balki Xiaomi’ning o‘z emulyatori orqali ishlaydi.

Yangi imkoniyat Xiaomi Game Center ilovasining PC o‘yinlari bo‘limida paydo bo‘ladi. Foydalanuvchilar Steam’dagi o‘yinlarni telefon orqali ishga tushirishdan...

«Yuventus» klubi rasman Italiya terma jamoasining sobiq ustozi Luchano Spalettini yangi bosh murabbiy sifatida taqdim etdi. 66 yoshli mutaxassis klub bilan 2026-yil 30-iyungacha mo‘ljallangan shartnomaga imzo chekdi.

Spalletti tajribali murabbiylardan biri bo‘lib, u faoliyati davomida «Roma», «Zenit», «Inter» kabi yirik jamoalarda ishlagan, 2022/23-yilgi mavsumda esa «Napoli»ni 33 yildan so‘ng Italiya chempioniga aylantirgan.

Turin klubi Spallettini Igor Tudor o‘rniga tayinladi. Tudor 2025-yil mart oyida «Yuventus» bosh murabbiyi bo‘lgan, ammo uning davrida jamoa kutilgan natijalarni qayd eta olmadi. «Keksa sinyora»ning so‘nggi o‘yinlarda samaradorligi pasaydi va o‘yin sifati tushdi. Shuningdek, sport direktori bilan strategik kelishmovchiliklar ham Tudor iste’fosiga sabab bo‘lgani aytilmoqda.

2025-yilning yanvar – sentabr oylarida O‘zbekistondan jami 7,6 ming kishi ko‘chib ketgan. Milliy statistika qo‘mitasi ma’lumotlariga ko‘ra, bu ko‘rsatkich 2024-yilning shu davriga nisbatan 9,4 foizga kam.

Ko‘chib ketishlar dinamikasiga ko‘ra, eng past ko‘rsatkich 2022-yilda qayd etilgan (3,1 ming), eng yuqori ko‘rsatkich esa 2023-yilda qayd etilgan (14,7 ming).

Shuningdek, hisobot davrida mamlakatga jami 1,1 ming ming kishi ko‘chib kelgan. Bu 2021-yildan buyon qayd etilgan eng past ko‘rsatkich.

Qaysi viloyatlardan ko‘chib ketayotganlar ko‘p

Statistika qo‘mitasi ma’lumotlariga ko‘ra, hududlar kesimida eng ko‘p ko‘chib ketishlar soni Toshkent shahri (59 ming) va Toshkent viloyatida (22 ming) qayd etilgan. Eng kam ko‘chib ketishlar...

30-oktabr kuni Superliganing 27-turida «Nasaf» va «Navbahor» (0:0) to‘qnash keldi. O‘yindan keyin qarshiliklar bosh murabbiyi Ro‘ziqul Berdiyev matbuot anjumanida qatnashib, savollarga javob berdi.

««Navbahor» bugun 5-4-1 sxemasida o‘ynab, yaxshi himoyalandi. Biz pozitsion hujumlarda vaziyatlar yaratdik, ammo imkoniyatlardan foydalana olmadik. Birinchi bo‘limda gol urganimizda yoki ikkinchi bo‘limda Cheranning zarbasi darvoza to‘siniga tegmaganida, o‘yin ssenariysi boshqacha bo‘lardi. Shunga qaramay, futbolchilarimga rahmat, ular maydonda oxirigacha kurashdi», – dedi tajribali mutaxassis.

Berdiyevning so‘zlariga ko‘ra, jamoa charchoq tufayli o‘zining maksimal o‘yinini ko‘rsata olmagan, ammo har bir futbolchida hali ham g‘alaba uchun ishtiyoq bor. U, shuningdek, chempionlik uchun kurash hali...

Samsung Galaxy S26 seriyasini Bluetooth 6.1 texnologiyasi bilan jihozlashga tayyorlanmoqda. Bu yangilik bilan u ushbu standartni qo‘llovchi birinchi smartfon bo‘lishi mumkin.

Bluetooth SIG ma’lumotlar bazasida paydo bo‘lgan yangi Exynos S6568 chipi ushbu funksiyani ta’minlaydi. U Exynos 2600 protsessori bilan birgalikda ishlaydi. Tizim Bluetooth 6.1 hamda Wi-Fi qo‘llab-quvvatlaydi. Bu chip aynan Galaxy S26 seriyasi uchun ishlab chiqilganini ko‘rsatadi.

Bluetooth 6.1 avvalgi versiyalarga nisbatan bir qator afzalliklarga ega. U barqarorroq ulanish, uzoqroq masofada ishlash va energiya sarfini kamaytirish imkonini beradi. Bu ayniqsa, naushniklar, aqlli soatlar va smart-uy qurilmalari bilan ishlaganda muhim ahamiyat kasb etadi.

Manbalarga ko‘ra, yangi texnologiya ulanish xavfsizligini ham...

2025-yilning yanvar – sentabr oylarida mobilraqam.uzex.uz savdo tizimi orqali 7,4 ming mobil va qisqa raqamlar sotilgan. Bu haqda O‘zbekiston respublika tovar-xomashyo birjasidagi matbuot anjumanida ma’lum qilindi.

Joriy yilda sotilgan mobil raqamlar soni o‘tgan yilning shu davriga nisbatan 47 foizga ko‘p. Ma’lum qilinishicha, mobil raqamlar bozoridagi faollik ortgani bilan bir qatorda, mobil reklama savdolari hajmi ham 800 mln so‘mni tashkil etgan.

O‘tgan davrda savdo ishtirokchilari uchun yanada qulayliklar yaratish va davlat xaridlari orqali yangi mijozlarni jalb qilish maqsadida yangi Xarid elektron davlat xaridlari mobil ilovasi ishga tushirilgandi.

Avvalroq nollardan iborat mobil raqam 850 million so‘mga sotilgani xabar qilingandi. Unga ko‘ra...

UzAuto Motors yangilangan Chevrolet Damas modellarini taqdim etishini ma’lum qilgan edi. Kursiv Uzbekistan muxbiri tomonidan avtomobillarning tasvirlari suratga olindi. Model Made in Uzbekistan ko‘rgasmasi doirasida yangilangan Cobalt yonida namoyish etildi.

Model haqida qisqacha

N400 Max 1,5 litrli DOHC, 16 klapanli, to‘rt silindrli dvigatel bilan jihozlangan bo‘lib, u 103 ot kuchi quvvat ishlab chiqaradi. Avtomobilning maksimal yuk ko‘tarish hajmi 720 kilogramm, yuk joyi esa 3,1 kub metrni tashkil etadi. Shu tufayli u oziq-ovqat yetkazib berish, texnik xizmat ko‘rsatish yoki kichik logistika kompaniyalari uchun eng mos variantlardan biri sifatida qaralmoqda.

Modelning g‘ildiraklar oralig‘i 2850 mm, umumiy uzunligi esa...

O‘zbekiston elchixonasida London moda kolleji (London College of Fashion, UAL) xalqaro hamkorlik bo‘yicha direktori Shabir Aslam bilan hamkorlik uchrashuvi bo‘lib o‘tdi. Bu haqda «Dunyo» AA ma’lum qildi.

Unda moda ta’limini rivojlantirish, kreativ industriya sohasida hamkorlikni kengaytirish va O‘zbekistonda yangi ta’lim dasturlarini yaratish masalalari muhokama qilindi.

Tomonlar O‘zbekistonning boy madaniy merosi, milliy liboslari va zamonaviy dizayn uyg‘unligini xalqaro miqyosda targ‘ib etish zarurligini ta’kidladi.

Shabir Aslam London moda kolleji o‘zbekistonlik dizaynerlar va talabalar uchun ilg‘or moda tajribalarini o‘rganish hamda malaka oshirish dasturlarida ko‘maklashishga tayyorligini bildirdi.

Eslatib o‘tamiz, avvalroq O‘zbekiston va BMT o‘rtasida 2030-yilgacha hamkorlik dasturi imzolangan edi.

Chery kompaniyasi tomonidan yangi Chery Fulwin T11 avtomobili taqdim etildi. Bu haqda ITHome xabar bermoda.

Ta’kidlanishicha, modelning narxi $26 mingdan boshlanadi. Fulwin T11 o‘z sinfidagi eng qulay interyerlardan biriga ega. Uning salonida 30 dyuymli 6K displey o‘rnatilgan bo‘lib, orqa o‘rindiqlar uchun alohida 17,3 dyuymli ekran mavjud. Dual IMAX Cinema Edition deb nomlangan versiyada 2880 vattli 7.5.4.2 audio tizim o‘rnatilgan bo‘lib, avtomobil ichini haqiqiy kinoteatrga aylantiradi.

Avtomobilning o‘lchamlari 5205×1998×1800 mm, g‘ildiraklar bazasi esa 3120 mmga teng. Fulwin T11 salonida haydovchi uchun oyoq suyanchig‘i, ikkinchi qator uchun 1022 mm joyga ega. Uchinchi qatorda esa to‘liq elektr boshqaruvli o‘rindiqlar mavjud. Eng...

2025-yilning yanvar – sentabr oylarida qayd etilgan tugʻilganlar soni 664,6 mingni, har ming aholiga nisbatan tugʻilish koeffitsiyenti 23,5 promilleni tashkil etdi. Milliy statistika qo‘mitasi ma’lumotlariga ko‘ra, bu 2021-yildan buyon qayd etilgan eng past ko‘rsatkich.

Jinslar bo‘yicha taqsimotga ko‘ra, o‘g‘il bolalar – 343,6 ming (51,7%), qiz bolalar – 321 mingni (48,3%) tashkil etdi. Hududlar kesimida shahar joylarda 319,3 ming (48%), qishloq joylarda esa 345,3 ming (52%) bola tug‘ilgan.

Respublikada joriy yilning to‘qqiz oyi mobaynida vafot etganlar soni 132,2 ming kishini, shundan erkaklar 72,7 ming (55%), ayollar 59,5 mingni (45%) tashkil etdi. Hududlar kesimida shahar joylarida 71,8 ming (54,3%), qishloq joylarida...

Bahraynda o‘tayotgan III Osiyo yoshlar o‘yinlarida O‘zbekiston delegatsiyasi ishtirokini davom ettirmoqda. 30-oktabr kuni delegatsiya a’zolari 13 ta oltin, 6 ta kumush va 3 ta bronza medalini qo‘lga kiritdi.

Umumiy hisobda 147 medal bilan Xitoy yetakchilik qilmoqda. O‘zbek sportchilari esa 37 ta oltin, 16 ta kumush va 28 ta bronza medali bilan ikkinchi o‘rinni band etgan. Uchinchi o‘rinni 93 medal jamg‘argan Qozog‘iston egallab turibdi.

Musobaqaning 30-oktabr kungi boks bahslarida Abdug‘ani Yorqinjonov (-46 kg), Rushanabonu Isoyeva (-60 kg), Ibrohim Shokirjonov (-60 kg), Diyorbek Murodillayev (-75 kg) hamda Asadbek Sultonov (+80 kg) raqiblarini ishonchli tarzda mag‘lub etib, oltin medal sohibi bo‘lishdi.

Dzyudo...

Tsinghua universiteti olimlari OFE2 (Optical Feature Extraction Engine) nomli yangi optik chipni taqdim etdi. Bu haqda SPIE ma’lum qildi.

U yorug‘lik to‘lqinlari yordamida hisoblash ishlarini bajaradi va 12,5 gigagers tezlikda ma’lumotlarni qayta ishlay oladi. Bu avvalgi 10 gigagers chegarasidan yuqori natija.

OFE2 chipi elektr signaliga emas, balki yorug‘likning difraksiyasi orqali hisob-kitoblarni amalga oshiradi. Natijada u tasvirdagi obyekt chegaralarini, grafikdagi keskin o‘zgarishlarni va boshqa muhim belgilarni tezda aniqlay oladi.

Tadqiqotchilar chipni tibbiy tasvirlarni tahlil qilish va moliyaviy bozorlar prognozi kabi sohalarda sinovdan o‘tkazishdi. Sinovlar shuni ko‘rsatdiki, OFE2 nafaqat raqamlarni tanish aniqligini 95 foizgacha oshirdi, balki tezlik va energiya samaradorligi bo‘yicha...

Volkswagen konserniga qarashli Scout kompaniyasi yangi Terra pikapi va Traveler SUV modellarini taqdim etishga tayyorlanmoqda. Bu haqda ITHome nashri ma’lum qildi.

Kompaniya bosh direktori Skott Kio Bloomberg’ga bergan intervyusida aytishicha, Scout allaqachon 130 mingdan ortiq buyurtma olgan, ularning 80 foizdan ko‘prog‘i kengaytirilgan masofali versiyalar uchun berilgan.

Foto: Volkswagen

Kio so‘zlariga ko‘ra, bozorning o‘zi qaysi modelga talab yuqoriligini ko‘rsatgan.

«Buyurtmalarning katta qismi kengaytirilgan versiyaga to‘g‘ri kelmoqda. Bozor bizga yo‘nalish ko‘rsatmoqda», – dedi u.

Scout Terra va Traveler modellarining to‘liq elektr versiyalari 120 kVt/soatli uch elementli litiy batareyalar bilan jihozlanadi va taxminan 560 km masofa bosib...

Rossiyaning yonilg‘i eksporti 2022-yildan beri eng past darajaga tushdi. Bloombergga ko‘ra, bunga zavodlardagi nosozliklar va G‘arb sanksiyalarining kuchayishi sabab bo‘lmoqda.

Ma’lumotga ko‘ra, oktabr oyining dastlabki 26 kunida dengiz orqali eksport hajmi kuniga o‘rtacha 1,89 million barrelni tashkil etgan. Bu ko‘rsatkich 2022-yildan buyon eng past daraja.

Dizel eksporti biroz oshgan bo‘lsa-da, neft va mazut kamaygan. Ayniqsa, Ust-Luga portiga qilingan dron hujumlari va yomon ob-havo sharoitlari portlar orqali tashishni cheklagan. AQSh 21-noyabrdan kuchga kiradigan yangi sanksiyalarni e’lon qilganidan so‘ng, «Rosneft» va «Lukoyl» kompaniyalarining tashish va to‘lov jarayonlari ham murakkablashgan.

Hozircha dizel eksporti nisbatan barqaror bo‘lib, asosan, Turkiya va Afrika bozorlariga yetkazilmoqda...

SpaceX kompaniyasi AQShliklarni yana Oyga olib chiqadigan Starship HLS raketasining batafsil ma’lumotlarini va yangi suratlarini taqdim etdi. Bu haqda kompaniya rasmiy sahifasida ma’lum qilindi.

Ushbu kosmik kemaning yashash moduli Xalqaro kosmik stansiyaning uchdan ikki qismiga teng bo‘lib, u bir safarda 100 tonnagacha yukni Oyga yetkazish imkoniga ega.

Starship HLS ikki havo eshigiga ega bo‘ladi, bu esa astronavtlarga ochiq fazoga chiqishni osonlashtiradi. Har bir eshikning hajmi taxminan 13 kub metr – bu «Apollon» modulidagi hajmdan ikki baravar katta.

Kema to‘liq qayta ishlatiladigan tizim sifatida yaratilmoqda. SpaceX loyihaning 90 foizini o‘z mablag‘i hisobidan moliyalamoqda. NASA bilan tuzilgan shartnomaga ko‘ra, kompaniya...

Realme kompaniyasi tomonidan taqdim etilishi kutilayotgan Realme C85 Pro smartfoni haqida ma’lumotlar paydo bo‘ldi. Internetda modelning rasmlari tarqalgan.

Yangi smartfon uch xil rangda – qora, yashil va binafsha tuslarda taqdim etiladi. U 7000 mA/soat sig‘imli akkumulyator bilan jihozlangan. 45 vatt quvvatli tezkor zaryadlash funksiyasini qo‘llab-quvvatlaydi. Ekran 6,8 dyuymli AMOLED panel bo‘lib, Full HD+ aniqligiga ega.

Realme C85 Pro‘da Snapdragon 685 protsessori o‘rnatilgan. U 8 GB tezkor xotira va 256 GB doimiy xotira bilan jihozlanadi. Asosiy kamera 50 megapiksel sensorga ega uch moduldan iborat tizim sifatida taqdim etiladi.

Smartfon IP69 himoya darajasiga ega bo‘lib, suv va changdan yuqori darajada himoyalangan...

Tijorat banklari 31-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi.

Geely kompaniyasi tomonidan Geely Galaxy Star 6 gibrid avtomobili atigi 68,8 ming yuan ($9,6 ming) narx bilan savdoga chiqdi. Bu haqda ITHome xabar bermoqda.

Model 100 km uchun atigi 2 litr sarf bilan ajralib turadi. U Geely’ning Thor AI Hybrid 2.0 tizimi bilan jihozlangan. Mashina uzunligi 4,8 metr, g‘ildirak bazasi esa 2,75 metrni tashkil etadi.

Avtomobil 60 yoki 125 km masofani faqat elektr energiyasi hisobiga bosib o‘ta oladigan versiyalarda taklif etiladi. Eng arzon 125 km elektr yurish zaxirasiga ega versiyaning narxi 79,8 ming yuan, eng to‘liq jihozlangan varianti esa 99,8 ming yuanga baholangan.

Tashqi ko‘rinish Ripple Aesthetics uslubida...

2024-2025-yillarda respublika bo‘ylab 42 chiqindi to‘plash poligoni faoliyati tugatilib, 47 ta maishiy chiqindi poligoni rekultivatsiya qilindi va tuproq bilan yopildi. Bu haqda Chiqindilarni boshqarish va sirkulyar iqtisodiyotni rivojlantirish agentligi ma’lum qildi.

Agentlik huzuridagi Chiqindi poligonlarini boshqarish direksiyasi ushbu ishlarni Qoraqalpog‘iston Respublikasi, Andijon, Buxoro, Qashqadaryo, Namangan, Samarqand, Toshkent, Farg‘ona va Xorazm viloyatlarida amalga oshirdi.

Ma’lumot uchun, direksiya nazoratiga jami 185 ta maishiy chiqindi poligoni o‘tkazilgan.

Eslatib o‘tamiz, avvalroq Toshkentda topilgan chiyabo‘ri hayvonot bog‘iga topshirilgan edi.