Yangiliklar

Bahor – sayohat qilish uchun eng yaxshi vaqt. Bundan tashqari, bahorda ko’pincha turli festivallar, yarmarkalar va madaniy tadbirlar o’tkaziladi, bu sayohatni yanada qiziqarli qiladi. «Kursiv» nashri xorijdagi tadbirlar dasturini tuzdi, ular aprel va may oylarida O‘zbekiston fuqarolari orasida eng mashhur yo‘nalishlarda bo‘lib o‘tadi.

Tailandda «ho’l» Yangi yil

Songkran o‘zining asosiy an’anasi – suv sepish tufayli dunyoga mashhur bo‘ldi. Dastlab, marosimning asosiy maqsadi yomg‘irni chaqirish edi, bu guruch hosilini kafolatladi. Buddizm ta’siri ostida suv yomon ishlardan poklanish ramzini anglatadi.

Ushbu bahorda Janubi-Sharqiy Osiyoga sayohat qilishni rejalashtirayotgan plyaj ishqibozlari Yangi yilni ikkinchi marta nishonlash imkoniyatiga ega bo‘lishadi. 13-14 aprel kunlari bayram Tailand...

31-mart kuni Avtomototransport vositalari va ularning tirkamalarini (yarim tirkamalarini) davlat roʻyxatidan oʻtkazish va qayta roʻyxatga olish uchun toʻlov stavkalari oshirilish haqida qonun hujjati tasdiqlandi.

Hujjatga koʻra, 1-apreldan elektromobillar, mototransport vositalari va tirkamalarni roʻyxatdan oʻtkazish va qayta roʻyxatdan olish uchun toʻlovlar stavkasi bazaviy hisoblash miqdorining (BHM) 1,5 baravari, yaʼni 510 ming soʻmga oshirildi.

Boshqa qolgan barcha transport vositalarini roʻyxatdan oʻtkazish va qayta roʻyxatga olish BHMning 6,84 baravariga, yaʼni 2,32 mln soʻmga oshdi. Ilgari bu BHMning 10 foizi — 34 ming soʻmni tashkil qilgan edi.

Yangi tasdiqlangan qonunga ko‘ra, «Kursiv» nashri birlamchi va ikkilamchi bozordan avtomobilni rasmiylashtirish bugungi kunda necha...

Ayrim yoqilgʻi quyish shoxobchalarida metan gazining har kub metri uchun belgilangan 3,3 ming soʻmdan yuqori narxda sotilgan, deb xabar qildi Energetika vazirligi.

Bunday holatlar Fargʻona, Surxondaryo va Andijon viloyatlarida ham qayd etilgan. Boshqarma maʼlumotlariga koʻra, «Oʻzenergoinspeksiya» hududiy boshqarmalari xodimlari yoqilgʻini oshirilgan narxlarda sotishni toʻxtatgan.

Oʻzbekiston hukumati joriy yilning iyun oyi boshiga qadar metan narxini 3,3 ming soʻm darajasida muzlatib qoʻygan edi. Keyinroq ijtimoiy tarmoqlarda ayrim yoqilgʻi quyish shoxobchalarida yoqilgʻi 1 kubometri 3,8 ming soʻmdan sotilayotgani haqida xabarlar paydo boʻldi.

Energetika vazirligining eslatishicha, Oʻzbekiston fuqarolari metan narxining asossiz oshirilgani haqida Bosh prokuratura, Oʻzenergoinspeksiyasi Telegram botlari yoki ishonch telefonlari...

2024-yilning dastlabki ikki oyida O‘zbekiston rekord miqdorda $85,7 mlnga 3,5 mingta elektromobil import qildi. Bu haqda O‘zbekiston Statistika agentligi xabar berdi.

Joriy yilning yanvar va fevral oylarida O‘zbekiston yetti davlatdan elektromobil import qilgan.

Bu natija o’tgan yilga nisbatan 4 barobar ko’pdir. Yetkazib berish bo‘yicha yetakchilar Xitoy (3479), BAA (8) va Gonkong (5) bo‘ldi.

Eslatib o‘tamiz, Xitoyning Zeekr elektromobil brendi yaqinda O‘zbekiston bozoriga kirib keldi. O‘zbekistonda eng mashhur Zeekr modellari, jumladan, Zeekr X urban krossoveri va Zeekr 001 modeli taqdim etilgan. BYD brendi respublikada ham faol sotilmoqda.

Janubiy Koreyaning Shinhan banki Seul milliy universiteti stomatologiya shifoxonasida Oʻzbekistondagi bolalarga yordam berish uchun volontyorlar korpusini ochdi, deb xabar bermoqda Yonhap axborot agentligi.

Korpusda 19 kishi, jumladan, bank xodimlari va Seul milliy universiteti shifoxonasida stomatologlari bor.

15-23 aprel kunlari shifokorlar Oʻzbekiston Sogʻliqni saqlash vazirligi tomonidan tanlab olingan 25 nafar bolaning lab va tanglay yorigʻini tiklash boʻyicha operatsiyalarini oʻtkazadi. Bundan tashqari, volontyorlar OʻzRʼdan 130 nafar bolaga stomatologik yordam koʻrsatishadi.

Avvalroq «Kursiv» Janubiy Koreya va Oʻzbekiston tibbiyot sohasida hamkorlikni kuchaytirishi haqida yozgan edi.

1-aprel holatiga ko‘ra, O‘zbekiston terma jamoasi 2024-yilda Parijda bo‘lib o‘tadigan yozgi Olimpiya o‘yinlarida ishtirok etish uchun 26 ta litsenziyaga ega, deb xabar berdi Milliy olimpiya qo‘mitasi (MOQ).

MOQ maʼlumotlariga koʻra, qilichboz Zaynab Dayibekova 26-litsenziyani qoʻlga kiritdi. Sportchi uchun Fransiya poytaxtidagi Olimpiya o‘yinlari uning faoliyatidagi ikkinchisi bo‘ladi.

27-28 aprel kunlari Fujayra shahrida (BAA) bo‘lib o‘tadigan turnirda O‘zbekiston qilichbozlari ham Olimpiya o‘yinlari litsenziyalari uchun kurash olib borishadi.

Parijdagi XXXIII Olimpiya o’yinlari 26-iyul kuni boshlanadi va 11-avgustga qadar davom etadi. Parij Olimpiadasida ilk bor breykdans bo‘yicha musobaqalar o‘tkaziladi. Dastur shuningdek, serfing va skeytbordingni o‘z ichiga oladi.

Avvalroq «Kursiv» 2024-yilgi Olimpiya medallarida Eyfel...

«CE» kategoriyali haydovchilik guvohnomasiga ega furachilar Vengriyaga ishga taklif qilinmoqda. Bu haqda migratsiya agentligi matbuot kotibi xabar berdi.

Maʼlum qilinishicha, nomzodlarga quyidagi talablar qoʻyilgan:

− «CE» toifasidagi haydovchilik guvohnomasi;

− Taxograf karta va Code-95 mavjudligi ustunlik beradi;

− rus yoki ingliz tilini bilish;

− kamida bir yillik tajriba;

− uzoq masofaga yuk tashish;

− jismonan va ruhan sogʻlom;

− 21-45 yosh;

− sudlanmagan.

Aviachipta va tibbiy sugʻurta ish beruvchi tomonidan qoplab beriladi.

Vengriyada ishlashni xohlovchilar Tashqi mehnat migratsiyasi agentligi veb-saytidagi anketani to‘ldirishlari mumkin.

Avvalroq «Kursiv» Buyuk Britaniyada rasmiy mehnat faoliyatini olib borish uchun video qoʻllanma taqdim qilgan edi.

Ayni kunlarda firibgarlar fuqarolarga qo‘ng‘iroq qilib, o‘zlarini uyali aloqa operatori xodimlari sifatida ko‘rsatib, aloqani yaxshilash maqsadida odamlarni aldamoqda. Bu mavzu Potrebitel.uz telegram guruhida ko’tarildi.

Firibgarlar odamlarga qoʻngʻiroq qilib oila aʼzolari haqida va yashash manzilini bilib oladi, keyin esa bu maʼlumotlarni olishganidan soʻng, boshqa telefon raqamidan qo’ng’iroq qilib fuqaroga oila aʼzosi avariya uchragani yoki kasalxonaga tushgani haqida yolgʻon xabar berib pul undirmoqchi boʻlishadi.

Eslatib o‘tamiz, Oʻzbekiston fuqarolarining kartalaridan pullar qanday oʻgʻirlangani va ularning taqdiri nima boʻlishi ma’lum boʻlgan edi.

Aytish joizki, Markaziy bank, Click va boshqa moliya tashkilotlari fuqarolarga qo‘ng‘iroq qilib oila a’zolar haqida va yashash manzili so‘rashmaydi.

Iqtisodiyot va moliya vazirligi maʼlumotlariga koʻra, 2024-yilning 1-martdan 29-martgacha Oʻzbekiston byudjeti taqchilligi 6,84 trillion soʻmdan ortiqni tashkil qildi.

Bu davrda davlat daromadlari hajmi 17,45 trillion so‘m, xarajatlari esa 24,3 trillion so‘mni tashkil etdi.

Joriy yilning fevral oyida O‘zbekiston byudjeti taqchilligi 7,22 trillion so‘mga yetgan edi. O’shanda davlat daromadlari 16,9 trillion so’mni, xarajatlari esa 24,13 trillion so’mni tashkil qilgan.

Avvalroq «Kursiv» 2023-yilda Google, Apple va boshqa yirik global kompaniyalardan O‘zbekiston davlat byudjeti qancha tushgani haqida yozgan edi.

Bugun, 2-aprel kuni oltin quymalari narxi o‘sishda to‘xtagani yo‘q. Besh grammlik oltin quyma narxi 4,72 million so‘mni tashkil etadi, deb xabar qildi Markaziy bank matbuot xizmati.

Oltin quymalarni sotib olish uchun Markaziy bank Telegram botidan foydalangan holda, o‘zi uchun yaqin bo‘lgan ro‘yxatdagi banklardan sotib olish mumkin bo‘ladi.

10 grammlik oltin quymaning narx i — 9,44 mln so‘m, 20 grammlik esa — 18,88 mln so‘mni tashkil etmoqda.

Avvalroq «Kursiv» O‘zbekistonning oltin-valyuta zaxiralari deyarli $2,4 mlrd kamayganini e’lon qilgan edi. Oltin zahiralarining qiymati $24 mlrd baholangan bo’lsa, yanvarda bu ko’rsatkich $24,6 mlrd , fevralda esa $24,9 mlrd tashkil qilgan.

«Muhtasham yuz yillik» serialida Hurram Sulton roli tufayli katta mashhurlikka erishgan nemis-turk aktrisasi va modelyeri Meryem Uzerli Toshkentga tashrif buyurdi. Bu haqda u oʻzining Instagram sahifasida maʼlum qildi.

«Meni Toshkent shahriga taklif qilganingiz uchun tashakkur. Biz ayollarning imkoniyatlarini kengaytirish va taʼlimni qanday qilib qiziqarli olib borish va koʻpriklar qurish haqida suhbatlashdik», — deb yozgan aktrisa.

Uning qoʻshimcha qilishicha, Toshkentga Central Asia University taklifiga binoan tashrif buyurgan.

ma’lumot uchun, Meryem Uzerli Kassel shahrida tavallud topgan. Onasi nemis, otasi turk millatiga mansub. Aktrisa Gamburgda tahsil olgan va 2008-yilda nemis seriallari va filmlarida, shuningdek, Berlin teatrida aktyorlik faoliyatini boshlagan. U Usmonlilar imperiyasi...

Isroil harbiy samolyotlari Eronning Suriyadagi elchixonasiga zarba berdi, bu Yaqin Sharqdagi mojaroning jiddiy kuchayganini ko‘rsatdi, deb xabar bermoqda Reuters.

Eron tomoniga ko‘ra, zarbada yetti nafar harbiy, jumladan, uch nafar yuqori martabali qo‘mondon halok bo‘lgan.

«Biz Eronning Damashqdagi elchixonasiga uyushtirilgan va bir necha begunoh insonlarning o‘limiga sabab bo‘lgan ushbu dahshatli terror hujumini keskin qoralaymiz», — dedi Suriya tashqi ishlar vaziri Faysal al-Miqdod.

Agentlikning qayd etishicha, Isroil uzoq vaqtdan beri Suriyadagi Eron harbiy obektlarini nishonga olib keladi, biroq joriy hujum elchixona majmuasiga birinchi marta qilingan.

Isroil tomoni 2023-yil oktabr oyida mamlakatga hujum qilgan Falastinning HAMAS guruhiga...

OpenAI ro‘yxatdan o‘tmagan foydalanuvchilarga o‘zining asosiy mahsuloti – sun’iy intellekt (SI) ChatGPT chatbotiga kirishni ochdi, deya xabar beradi kompaniya blogida.

«Biz ushbu yangilikni bosqichma-bosqich joriy etmoqdamiz, bu uning imkoniyatlariga qiziqqan har bir kishi uchun sun’iy intellektdan foydalanish imkoniyatiga ega bo‘ladi», — deyiladi bayonotda. Shuningdek, ushbu funksiya 185 ta davlatda mavjud boʻlishi taʼkidlangan.

 Eslatib o‘tamiz, ChatGPT O‘zbekistonda 2023-yil kuzida paydo bo‘lgan.

OpenAI qo‘shimcha qilishicha, hatto ro‘yxatdan o‘tmagan foydalanuvchilar ham o‘z so‘rovlarini chatbot treninglarida qo‘llashdan bosh tortishlari mumkin.

OpenAI – bu avtomatik treningga asoslangan amerikalik texnologiyalar ishlab chiqaruvchisi. Kompaniya asoschilaridan biri biznesmen Ilon Mask.

OpenAI ishlanmalariga ChatGPT, ingliz tilidagi matn...

Bugun, 2-aprel kuni O‘zbekistonning ba’zi hududlarida yomg‘ir yog‘ishi, momaqaldiroq bo‘lishi mumkin. Havo harorati 15-20 daraja iliq bo‘ladi, deb xabar beradi O‘zgidromet.

Toshkent shahrida havo biroz bulutli bo‘ladi, yomg‘ir yog‘maydi. Havo harorati kunduzi 17-19 daraja iliq va kechasi 7-9 iliq bo‘ladi.

Respublikaning tog‘li hududlarida havo bulutli bo‘ladi. Yog‘ingarchilik (yomg‘ir-qor) ba‘zi joylarida bo‘ladi. Qor ko‘chishi xavfi bor. Havo kunduzi 5-10 iliq va kechasi 0-5 iliq bo‘ladi.        

O‘zbekiston fond bozorida mart oyining so‘nggi haftasi UCI indeksining 0,37 foizga o‘sishi bilan yakunlandi. Yuqori likvidli aksiyalardan 12 tasida o‘sish kuzatildi, 15 ta qimmatli qog‘ozlar arzonlashdi, «Ipoteka-bank»ning oddiy aksiyalari esa bir xil darajada qoldi. O‘zbekiston fond bozori mart oyi qanday yakunlanganini «Kursiv» maqolasida o‘qing.

Yuqori likvidli aksiyalardan «O‘zbektelekom» va «Qo‘qon mexanika zavodi» aksiyalari o‘tgan hafta keskin tushib ketdi. Birinchi emitentning oddiy aktsiyalari hafta davomida 10,26%, ikkinchisiniki esa 21,42% yo’qotdi.

Juma kuni «O‘zbektelekom» AK oddiy qimmatli qog‘ozlarining yopilish narxi 3,8 ming so‘mni tashkil qildi. O’tgan yili IPOda ular 6 ming so’mdan sotilgan edi.

Eslatib o’tamiz, birinchi emitent 2023-yil dekabr...

O‘zbekiston 2024-yilda 23-30-aprel kunlari xokkey bo‘yicha yirik xalqaro turnirga mezbonlik qiladi, deb xabar berdi «Kursiv»ga O‘zbekiston xokkey federatsiyasi.

O‘zbekiston o‘smirlar terma jamoasi 2023-yilgi Osiyo va Okeaniya chempionatidagi g‘alabasidan so‘ng mamlakatimiz Xalqaro xokkey federatsiyasi (IIHF) turnir o‘tkazish huquqini qo‘lga kiritdi.

Turnir qoidalariga ko‘ra, ishtirokchilar ikki guruhga bo‘lingan holda har bir jamoa to‘rtta raqibning har biri bilan o‘ynaydi. Poytaxtimizdagi «Humo Arena»da «A» guruhida O‘zbekiston, Tailand, Eron, Malayziya va Quvayt o‘smirlar terma jamoalari bahs olib boradi. Shu bilan birga, Samarqandda Mo‘g‘uliston, BAA, Hindiston, Makao va Indoneziya o‘smirlar terma jamoalari «B» guruhida bahs olib boradi. Guruhlardagi o‘yinlarni yakunlagan terma jamoalar Toshkentdagi arenada...

 «Toshkent» Respublika fond birjasi (RFB) boshqaruvi aprel oyi boshidan yettita emitentning aksiyalarini «Tranzit» toifasidan «Standart» toifasiga o‘tkazish to‘g‘risida qaror qabul qildi. Bu haqda savdo platformasi saytida aytilgan.

1-apreldan «Standart» toifasida Andijon biokimyo zavodi, «Biyokimyo» AJ , Ipoteka-bank, Namangan Dori Darmon, Ohangaron don, Oʻzagrolizing, Octobank kompaniyalarining qimmatli qogʻozlari o‘tkaziladi.

«Standart» toifasiga ijobiy moliyaviy ko‘rsatkichlarga ega bo‘lgan emitentlar va ma’lum bir free-float – kompaniya aksiyalarining bir qismi xususiy investorlar uchun mavjud bo‘ladi.

Eslatib oʻtamiz, oʻtgan yili «Toshkent» fond birjasida umumiy qiymati 2,7 trln soʻmlik 412 mingga yaqin oldi-sotdi shartnomalari amalga oshirilgan edi. Bundan tashqari, o’tgan yili savdo maydonchasi $2,7 mln...

Qashqadaryo viloyati Shahrisabz shahrida faxriylar oʻrtasida sambo boʻyicha jahon chempioni Toʻra Avlaqulov tanishi tomonidan otib ketildi. Bu haqda Bosh prokuratura matbuot xizmati xabar bermoqda.

Bildirilishicha, voqea 29-mart kuni ulfatlarning kafeda spirtli ichimlik isteʼmol qilib, mast holda bazm pulini toʻlash ustida tortishib qolgan. Shundan soʻng, fuqaro avtomobilidagi temir quvurdan qoʻlbola usulda yasalgan qurolni olib, sherigining boshiga bir marta oʻq uzgan.

Qoʻshimcha qilinishicha, sherigiga oʻq uzgan fuqaro hodisa joyidan qochmoqchi boʻlib, avtomobilida ketayotgan paytda voqea joyidan taxminan 500 metr uzoqlikda boʻlgan IIB tezkor xodimlari tomonidan ushlangan.

Tibbiy xulosaga natijalariga koʻra, Avloqulovga ogʻir bosh miya jarohati, bosh suyagi ichida metall va suyak...

O‘mon Qo‘qondan holvaning sinov partiyasini import qildi, deb xabar berdi «Dunyo» axborot agentligi.

Bu haqda O‘zbekiston Avvali kompaniyasi rahbari Abdulatif Xolmatov va O‘moning East Coast Jewels MChJ rahbari Yaser al-Nabhani o‘rtasidagi muzokaralar chog‘ida kelishuvga erishildi.

«Dunyo» nashrining yozishicha, sinov partiyasining hajmi 150 kg.

“Ta’mi va qadoqlarning did bilan bezatilgani nuqtai nazaridan ushbu mahsulotlar yuqori sifat darajasiga ega. Biz o’zbek holvasi tez orada O’monda xaridorgir mahsulotlar qatoridan o’zining munosib o’rnini egallashiga ishonamiz», – dedi Yaser al-Nabhani.

Avvalroq «Kursiv» O‘zbekiston Buyuk Britaniyaga mosh loviyasining sinov partiyasini eksport qilgani haqida yozgan edi.

Ma’lumotlarni qayta ishlash markazida profilaktik ishlar tufayli Oʻzbekiston fuqarolari elektr energiyasi uchun onlayn toʻlovlarni amalga oshirishda nosozliklar yuzaga kelishi mumkin. Bu haqda «Hududiy elektr tarmoqlari» xabar berdi.

Profilaktika 2 aprel seshanba kuni soat 00:00 dan 3 aprel chorshanba 22:00 gacha davom etadi.

«Ayni muddatda qarzdor iste’molchilarda elektr ta’minoti avtomatik tarzda o‘chirilmaydi», — deya aniqlik kiritdi kompaniya.

Avvalroq «Kursiv» O‘zbekistonda kuchli shamol tufayli Toshkent viloyatining 12,5 ming aholisi uchun elektr energiyasi uzilgani haqida yozgan edi.

2023-yilda byudjetidan subsidiyalar uchun 29,2 trillion soʻm ajratildi, bu 2022-yilga nisbatan 2,3 baravar koʻpdir. Bu haqda Iqtisodiyot va moliya vazirligi matbuot xizmati xabar bermoqda.

Ajratilgan mablagʻning asosiy qismi – qariyb 18 trillion soʻm gazni xarid qilish va ichki bozorda sotishdagi farqni qoplashga yoʻnaltirildi.

Shuningdek, ortda qolgan yilda geologiya-qidiruv ishlariga 1,016 trillion soʻm, tadbirkorlikni rivojlantirishga 1,8 trillion soʻm, qishloq va suv xoʻjaligiga 1,1 trillion soʻm yoʻnaltirildi.

Eslatib oʻtamiz, 2023-yilda Oʻzbekiston Markaziy banki energetika sohasiga ajratiladigan subsidiyalar miqdorini 2024-2026-yilgacha qisqartirishni taklif qilgan edi. Regulyatorning fikricha, bunday tashabbus byudjet konsolidatsiyasiga ijobiy taʼsir koʻrsatadi.

Avvalroq «Kursiv» Toshkentda elektr energiyasini subsidiyasiga deyarli 2 trillion...

Oʻzbekiston prezidenti Shavkat Mirziyoyev Turkiya prezidenti Rajab Toyyib Erdoʻgʻonni munitsipal saylovlar oʻtkazilgani bilan telefon orqali tabrikladi. Bu haqda Turkiya prezidenti matbuot xizmati xabar bermoqda.

Shavkat Mirziyoyev saylovlar demokratik yetuklik bilan oʻtganini taʼkidladi. Shuningdek, tomonlar joriy qoʻshma loyihalar va mintaqaviy kun tartibini muhokama qildi.

Maʼlumot uchun, 31-mart kuni Turkiyada munitsipal saylovlar boʻlib oʻtdi. Muxolifatchi Respublika xalq partiyasi (CHP) 37,7 foiz ovoz bilan 81 viloyatning 36 tasida gʻalaba qozondi. Shu bilan birga, hukmron partiya 35,5 foizga ega boʻlib, Anqara, Istanbul va Izmir kabi yirik shaharlarda muxolifat gʻalaba qozondi.

Prezident Erdoʻgʻan partiyasi magʻlubiyatga uchraganini tan oldi va xalq irodasini eʼtiborsiz qoldirmaslikka vaʼda...

1-aprel kuni O‘zbekiston Respublika valyuta birjasida dollarning o‘rtacha tortilgan qiymati 16,95 so‘mga o‘sdi va 12 645,00 so‘mni tashkil qildi. Mamlakat banklarida AQSh valyutasining narxi 12 700 so‘mdan yuqoriga ko‘tarildi.

Moliya institutlari dollarni 12 565 – 12 600 so‘mdan xarid qilishmoqda va 12 640 – 12 710 so‘mdan sotishmoqda.

Eslatib o‘tamiz 29-mart kuni AQSh valyutasining o‘rtacha qiymati deyarli 8 so‘mga ko‘tarilgan edi.

O‘zbekiston talabalar va maktab o‘quvchilarini Yaponiyaning Gifu prefekturasidagi ta’lim muassasalariga qisqa muddatli kurslarga yuboradi, deb xabar bermoqda «Dunyo».

Bu borada O‘zR elchixonasi va Yaponiya prefekturasi rahbariyati o‘rtasida kelishuvga erishildi. Tomonlar o‘zbekistonlik o‘qituvchilar uchun Yaponiya universitetlarida malaka oshirish kurslarini ham boshlaydi.

Seki shahridagi pichoq ishlab chiqarish korxonalariga o‘zbekistonlik mutaxassislar jalb etiladi va Chust tumani bilan hamkorlikni yo‘lga qo‘yishdan prefekturalar ham manfaatdor.

Gifu prefekturasi Xonsyu orolida joylashgan, mintaqaning ma’muriy markazi – xuddi shu nomdagi shahar. Kawasaki Heavy Industries va Mitsubishi Heavy Industries shu hududda joylashgan.

Avvalroq «Kursiv» Yaponiya O‘zbekistonga iqtisodiy va ijtimoiy rivojlanish dasturlari uchun $246,2 mln ortiq mablag‘ ajratishini...