Yangiliklar

O‘zbekistonda 14 yoshga to‘lmagan bolalarga nisbatan ayrim o‘ta og‘ir jinsiy jinoyatlar uchun 25 yilgacha yoki umrbod ozodlikdan mahrum qilish jazosini belgilash nazarda tutilmoqda. Tegishli qonun loyihasi Oliy Majlis Qonunchilik palatasida ikkinchi o‘qishda qabul qilindi.

Qonun loyihasi «Adolat» SDP fraksiyasi tashabbusi bilan kiritilgan bo‘lib, bolalarni zo‘ravonlikning barcha shakllaridan himoya qilish tizimini kuchaytirishga qaratilgan.

14 yoshga to‘lmagan bolalarga qarshi jinoyatlar uchun jazo kuchayadi

Loyihaga ko‘ra, 14 yoshga to‘lmagan bolaga nisbatan nomusga tegish yoki jinsiy ehtiyojni zo‘rlik ishlatib g‘ayritabiiy usulda qondirish jinoyatlari uchun 25 yilgacha ozodlikdan mahrum qilish yoki umrbod qamoq jazosi belgilanishi nazarda tutilgan.

Shuningdek, bolaning o‘limiga sabab bo‘lgan qasddan...

30-sentabr kuni prezident Shavkat Mirziyoyev o‘qituvchilar bilan uchrashuvda ta’limning barcha bo‘g‘inlarida faoliyat yuritayotgan ilg‘or pedagoglarni rag‘batlantirish uchun jadid Abdulla Avloniy nomidagi alohida davlat mukofotini ta’sis etish taklif qildi.

Uning ilk sohiblarini 2027-yilgi «1-oktabr – O‘qituvchi va murabbiylar kuni» arafasida e’lon qilish va taqdirlash ko‘zda tutilmoqda.

Shuningdek, Prezident ta’lim va ilm-fan fidoyilarining bir guruhini davlat mukofotlari bilan taqdirlash to‘g‘risidagi farmonni imzolaganini ma’lum qildi. Mukofotlar pedagoglar bilan birga ta’lim rivojiga hissa qo‘shayotgan tadbirkorlar va xorijlik hamkorlarga ham topshirildi.

«O‘qituvchi — ma’rifat quyoshi»

Davlat rahbari barcha ustoz va murabbiylarni kasb bayrami bilan tabriklab, o‘qituvchilik kasbining jamiyatdagi o‘rniga alohida to‘xtaldi.

Apple 2026-yilda qariyb 6 mln dona buklanadigan iPhone Duo smartfonini sotishi mumkin. Bu haqda Counterpoint Research tahliliy kompaniyasi prognoziga tayanib «Interfaks-Qozog‘iston» xabar berdi.

Sotuvlar 23-oktabrda boshlanadi

Apple o‘zining ilk buklanadigan iPhone Duo smartfonini 9-sentabr kuni taqdim etdi. Qurilma savdosi 23-oktabrdan boshlanishi rejalashtirilgan.

Smartfon narxi $1 999 dan boshlanadi.

iPhone Duo Apple smartfonlari orasidagi eng katta displeylardan biriga ega bo‘ladi. Qurilma kitob shaklida ochiladi: ochilgan holatda ekran diagonali 7,6 dyuymni, buklanganida esa tashqi displey 5,4 dyuymni tashkil etadi.

Shuningdek, kompaniya modelni iPhone’lar orasidagi eng yupqa korpuslardan biri bilan jihozlagan.

Buklanadigan smartfonlar bozori o‘sishi kutilmoqda

IDC hisob-kitoblariga ko‘ra, 2026-yilda...

Kelasi yil 1-yanvardan 2 – 3 yoshli farzandini oilaviy bog‘chaga bergan ishlaydigan onalarning bog‘cha badali budjet hisobidan qoplanadi. Bu haqda prezident Shavkat Mirziyoyev «1-oktabr – O‘qituvchi va murabbiylar kuni» arafasida ustoz va murabbiylar bilan uchrashuvda ma’lum qildi. 

«Ayollar ishli bo‘lsa, oilaga qo‘shimcha daromad kiradi, bolalarning bilim olishiga ko‘proq sharoit yaratiladi», – dedi prezident.

Bog‘chalarda o‘yin orqali ta’lim beriladi

Uchrashuvda maktabgacha ta’lim tizimidagi yangi yondashuvlar ham taqdim etildi. Italiya, Buyuk Britaniya, Germaniya, Singapur va Xitoy tajribasi asosida milliy qadriyatlarga mos dastur ishlab chiqilgan.

Hozir 180 ming tarbiyachi va pedagog yangi metodika bo‘yicha o‘qitilmoqda. O‘yin...

Shavkat Mirziyoyev O‘zbekistonning kelajagi va yoshlarning yutuqlarida o‘qituvchi hamda murabbiylarning mehnati hal qiluvchi ahamiyatga ega ekanini ta’kidladi. Davlat rahbari pedagoglarni bayram bilan tabriklab, ularni qo‘llab-quvvatlash davom etishini bildirdi.

Prezidentning so‘zlariga ko‘ra, yoshlarning bugungi natijalari ortida ularga bilim va tarbiya bergan ustozlarning katta mehnati turibdi.

«Sizlar hal qiluvchi kuchsizlar»

Shavkat Mirziyoyev o‘qituvchilarning mamlakat kelajagini shakllantirishdagi o‘rniga alohida to‘xtaldi.

«Sizlar hal qiluvchi kuchsizlar. Sizlar O‘zbekistonimizning buyuk kelajagi poydevorini qo‘yyapsizlar», – dedi prezident.

«Butun kuchimizni sizlarning kelajagingiz uchun safarbar qilamiz»

Prezident pedagoglarni «O‘qituvchi va murabbiylar kuni» bilan tabriklab, ularning kayfiyati hamda mehnat sharoitlariga e’tibor qaratilishini...

Prezident Shavkat Mirziyoyev O‘qituvchi va murabbiylar kuni arafasida «Yangi O‘zbekiston» universitetiga tashrif buyurdi. Bu haqda prezident matbuot xizmati xabar berdi.

Ta’lim bosqichlaridagi islohotlar ko‘rsatildi

Prezidentga mamlakatda ta’limning uzviyligini ta’minlash bo‘yicha amalga oshirilayotgan ishlar, erishilgan natijalar va keyingi rejalar taqdim etildi.

Ko‘rgazmada maktabgacha ta’lim, maktab ta’limi, iqtidorli o‘quvchilar, professional va oliy ta’lim yo‘nalishlaridagi o‘zgarishlar namoyish qilindi.

Ilmiy laboratoriyalar faoliyati bilan tanishdi

Davlat rahbari universitetning o‘quv va ilmiy infratuzilmasini ham ko‘zdan kechirdi.

Unga «Kelajak muhandislari» maydoni, Bloomberg laboratoriyasi, fizika o‘quv laboratoriyasi, muhandislik fanlari o‘quv zali hamda Apple Training Center’da talabalar uchun yaratilgan imkoniyatlar haqida ma’lumot berildi.

Shuningdek, Idrock sun’iy...

Honor kompaniyasi Honor Magic 9 seriyasidagi smartfonlar «haqiqiy sun’iy intellektli smartfonlar» sifatida tegishli sertifikat olganini ma’lum qildi. Kompaniya bu qurilmalarni ushbu maqomga ega bo‘lgan ilk Honor smartfonlari sifatida taqdim etmoqda.

Honor «haqiqiy AI-smartfon» deganda nimani nazarda tutmoqda

Honor bosh direktori Li Szyanning aytishicha, smartfonga bir nechta sun’iy intellekt ilovalarini o‘rnatishning o‘zi yetarli emas.

Uning ta’kidlashicha, bunday qurilma foydalanuvchining niyat va odatlarini tizim darajasida aniqlashi, turli ilovalar o‘rtasida vazifalarni mustaqil bajarishi hamda tegishli sanoat standartlariga javob berishi kerak.

Kompaniya Magic 9 seriyasidagi imkoniyatlarni ko‘p yillik apparat ishlanmalari, tizimli sun’iy intellekt va MagicOS rivoji bilan bog‘lamoqda.

YOYO tizim darajasidagi...

O‘zbekiston terma jamoasining ikki sportchisi – aralash yakkakurash vakili Nodirbek Shavkatov va kanoechi Pavel Eygelning doping namunalarida taqiqlangan moddalar aniqlangan. Xalqaro test agentligi (ITA) ularni «Aichi-Nagoya – 2026» Osiyo o‘yinlari davrida vaqtincha chetlatdi.

ITA ma’lumotiga ko‘ra, hozircha har ikki sportchiga nisbatan ehtimoliy antidoping qoidabuzarligi bo‘yicha ish davom etmoqda. Yakuniy qaror hali chiqarilmagan.

Shavkatov namunasida meldoniy aniqlandi

Nodirbek Shavkatovdan 22-sentabr kuni Yaponiyada musobaqadan tashqari doping nazorati vaqtida namuna olingan.

Laboratoriya tekshiruvida uning namunasida meldoniy aniqlangan. Ushbu modda WADA taqiqlangan moddalar ro‘yxatiga kiritilgan va musobaqa vaqtida ham, undan tashqarida ham qo‘llash taqiqlanadi.

Pavel Eygel namunasida trimetazidin topildi

Kanoe bo‘yicha...

Prezident Shavkat Mirziyoyev «1-oktabr – O‘qituvchi va murabbiylar kuni» arafasida «Yangi O‘zbekiston» universitetida ustoz va murabbiylar bilan uchrashdi. Davlat rahbari ta’lim sohasidagi islohotlar, pedagoglarning jamiyatdagi o‘rni va kelgusidagi vazifalar haqida gapirdi.

Paxta dalasidan maktab partasiga

Prezident ta’lim tizimidagi islohotlarning eng katta natijalaridan biri sifatida bolalar va o‘qituvchilarni ta’lim jarayoniga qaytarilganini ta’kidladi.

«Biz bolalarimizni paxta dalasidan maktab partasiga, o‘qituvchilarni ta’lim jarayoniga qaytardik», – dedi Shavkat Mirziyoyev.

Uning qayd etishicha, so‘nggi o‘n yilda 1,8 mln o‘rinli bog‘chalar va 1,5 mln o‘rinli maktablar barpo etilgan. Shuningdek, 10 mingdan ortiq bog‘cha va maktab zamonaviy ko‘rinishga keltirilgan.

Bolgariyaning Plovdiv shahrida «Botev» futbol klubi prezidenti Iliyan Filipov otib o‘ldirildi. Bu haqda Nova nashri xabar berdi.

Hodisa uyi yaqinida yuz bergan

Dastlabki ma’lumotlarga ko‘ra, hodisa Filipovning uyi yaqinida sodir bo‘lgan. Noma’lum shaxs unga bir marta bosh qismidan o‘q uzgan.

Politsiya gumondorni qidirmoqda. Shuningdek, hodisa guvohlarini aniqlash ishlari olib borilmoqda.

Shahardan chiqish yo‘llarida tekshiruv kuchaytirildi

Huquq-tartibot idoralari Plovdivdan chiqish yo‘llarida nazorat punktlarini tashkil qilgan. Shubhali avtomobillar tekshiruvdan o‘tkazilmoqda. Filipov 2025-yil iyunida «Botev» prezidenti bo‘lgan. U, shuningdek, qurilish va transport kompaniyalariga egalik qilgan.

«Botev» Bolgariya oliy divizionida ishtirok etadi. Jamoa 10 turdan so‘ng turnir jadvalida to‘qqizinchi o‘rinda bormoqda.

Dubaydan Tel-Avivga parvoz qilayotgan Flydubai samolyoti havoda kutilmaganda garovga olish holatlarida ishlatiladigan maxsus kodni yuborib, o‘z yo‘nalishini keskin o‘zgartirdi. Bu haqda Ynet va Times of Israel nashrlari xabar berdi.

Parvoz va xavotirli signallar

FlightStats ma’lumotlariga ko‘ra, Boeing 737 MAX 8 rusumli samolyotda amalga oshirilayotgan FZ1073 reysi mahalliy vaqt bilan soat 06:45 da Dubaydan parvoz qilgan va 09:10 da Isroilning Ben-Gurion aeroportiga yetib borishi kerak edi. Dastlab layner xalqaro favqulodda vaziyatni bildiruvchi 7 700 kodini, ko‘p o‘tmay esa kema o‘g‘irlanishi yoki noqonuniy aralashuv holatlarida ishlatiladigan 7 500 kodini uzatgan. Shundan so‘ng kema bir muddat parvoz kuzatuv tizimlaridan...

Huawei Mate 90 Pro Max Collector’s Edition smartfoni rasmiy taqdimotdan bir kun oldin jonli suratlarda namoyish etildi. Xitoyning Mydrivers nashri qurilmaning dizayni va kamerasi yordamida olingan namunaviy suratlarni e’lon qildi.

Korpus elementlarini almashtirish mumkin

Smartfonning namoyish etilgan versiyasi Florence Jade uslubidagi zumrad-yashil korpusga ega. Yorug‘likka qarab uning rangi o‘zgarib turadi, oltinsimon-yashil ramka esa dumaloq Mate Star Ring kamera bloki bilan uyg‘unlashtirilgan.

Collector’s Edition uchun modulli g‘ilof ham tayyorlangan. Unda orqa panel, kamera atrofidagi halqa va pastki funksional qismlarni alohida almashtirish mumkin.

Qo‘shimcha modullar orasida aromatizator, ko‘zgu va portret suratga olish uchun yoritish elementi ham bor.

Kamera...

Migratsiya agentligi va «Proud Partners» kompaniyasi Yaponiyada haydovchi bo‘lib ishlash istagidagi o‘zbekistonliklar uchun navbatdagi bepul tayyorlov dasturiga qabul boshladi.

Nomzodlar 21 – 35 yoshda bo‘lishi, B va C toifadagi haydovchilik guvohnomasiga ega bo‘lishi va C toifadagi guvohnomani kamida ikki yil oldin olgan bo‘lishi kerak. Yapon tilini biladiganlarga ustunlik beriladi.

Tayyorlov kursi sakkiz oygacha davom etadi

Dastur doirasida ishtirokchilar yapon tili va haydovchilik sohasi bo‘yicha sakkiz oygacha bepul intensiv tayyorgarlikdan o‘tadi. Kurslar Toshkent viloyatining Angren shahrida tashkil etiladi. Ishtirokchilarga bepul yotoqxona beriladi, yashash xarajatlarining 90% gacha bo‘lgan qismi Migratsiya agentligi tomonidan qoplanadi. Yangi guruh uchun o‘qish oktabr oyida boshlanadi...

Samarqanddagi 46-Butunjahon shaxmat olimpiadasida qatnashgan Afg‘oniston delegatsiyasining uch a’zosi mamlakatga qaytgach, Kobulda uy qamog‘iga olindi. El País ma’lumotiga ko‘ra, Xaybar Faroziy, Habibulloh Guldust va Habibulloh Aminiy 28-sentabr kuni chegarada ushlangan.

Nashr ushbu shaxmatchilar bilan bevosita bog‘langanini va ularni hibsga olish bo‘yicha rasmiy buyruqlarni ko‘rganini yozmoqda. Ularning pasportlari olib qo‘yilgan, keyinchalik esa Kobulga qaytarilib, uy qamog‘iga joylashtirilgan.

To‘rtinchi shaxmatchi uyiga qaytgan

Samarqand Olimpiadasiga Afg‘onistondan kelgan to‘rt shaxmatchidan yana biri – Mirzaad Sayid Vahobiddin chegaradan muammosiz o‘tib, uyiga qaytishga muvaffaq bo‘lgan.

Avvalroq El País ushbu to‘rt nafar shaxmatchi Tolibon hukumati roziligisiz mamlakatdan chiqib, Samarqanddagi Olimpiadaga kelgani va qaytganidan keyin ehtimoliy...

O‘zbekistonda pensiya tizimini isloh qilish bo‘yicha farmon loyihasiga ko‘ra, 2027-yil yakuniga qadar xususiy va korporativ pensiya jamg‘armalarini tashkil etilishi rejalashtirilmoqda. Yangi tizim fuqarolarga davlat pensiyasidan tashqari ish beruvchi va shaxsiy jamg‘armalar hisobidan ham qo‘shimcha pensiya daromadini shakllantirish imkonini berishi ko‘zda tutilgan.

Taklifga ko‘ra, xususiy va korporativ pensiya tizimlari fuqarolarning keksalik davridagi daromad manbalarini ko‘paytirishga xizmat qilishi kerak.

Pensiya bir nechta manbadan shakllanishi mumkin

Shuningdek, o‘qing: Pensiya islohoti: odamlar qanday fikrda

Ko‘plab davlatlarda fuqaroning pensiya davridagi daromadi faqat davlat pensiyasi bilan cheklanmaydi. U davlat pensiyasi, ish beruvchi tomonidan shakllantiriladigan kasbiy pensiya va...

FIFA prezidenti Janni Infantino 29 – 30-sentabr kunlari rasmiy tashrif bilan O‘zbekistonda bo‘ladi. Uni O‘zbekiston sport vaziri Adham Ikramov hamda O‘zbekiston futbol assotsiatsiyasi birinchi vitse-prezidenti Ravshan Irmatov kutib oldi.

Futbol infratuzilmasi bilan tanishadi

Tashrif davomida FIFA delegatsiyasi O‘zbekistonda futbolni ommalashtirish, infratuzilmani rivojlantirish va xalqaro hamkorlikni kuchaytirishga qaratilgan qator loyiha hamda obyektlar bilan tanishadi.

Shuningdek, mamlakat futbolini rivojlantirishga doir istiqboldagi loyihalar muhokama qilinishi rejalashtirilgan.

Yosh futbolchilarga e’tibor qaratiladi

Tomonlar yosh iste’dodlarni qo‘llab-quvvatlash, futbolchilar uchun imkoniyatlarni kengaytirish va O‘zbekistonda futbolni yanada rivojlantirish bo‘yicha hamkorlik masalalarini ham ko‘rib chiqadi.

Avvalroq Kursiv Uzbekistan Infantino Toshkentga kelishi haqida yozgan edi.

Qoraqalpog‘istonda davlat xaridlari va tanlov savdolari bo‘yicha o‘tkazilgan o‘rganishlarda yuzlab qonunbuzilish holatlari aniqlandi. Bu haqda Raqobat qo‘mitasining Qoraqalpog‘iston Respublikasi hududiy boshqarmasi ma’lum qildi.

2026-yilning yanvar – iyun oylarida umumiy qiymati qariyb 41 mlrd so‘mlik 345 ta tanlov savdosi tahlil qilingan. Natijada 32,1 mlrd so‘mlik 317 ta davlat xaridida raqobat to‘g‘risidagi qonunchilik talablariga zid 842 ta holat aniqlangan. Qo‘mita 2025-yilda etender.uzex.uz platformasi orqali o‘tkazilgan yana 200 ta tanlovni ham o‘rgangan. Ularning boshlang‘ich qiymati 1,6 mlrd so‘mdan oshgan. Mazkur tenderlar yo‘l qurilishida foydalanilgan materiallar va bajarilgan ishlar sifatini laboratoriyada tekshirish, shuningdek, sinov bayonnomalari va laboratoriya xulosalarini tayyorlash xizmatlarini xarid qilish...

O‘zbekiston shaxmat vakillari FIDE tizimida muhim lavozimlarni egalladi. 2004-yil FIDE jahon chempioni, grossmeyster Rustam Qosimjonov FIDEning faxriy vitse-prezidenti, Hulkar Tohirjonova esa tashkilotning Markaziy Osiyoni qamrab oluvchi 3.4-zonasi prezidenti etib saylandi.

Rustam Qosimjonov faxriy vitse-prezident bo‘ldi

FIDE tizimiga yangi kiritilgan faxriy vitse-prezident lavozimiga to‘rt nafar mutaxassis saylangan bo‘lib, ular orasidan Rustam Qosimjonov ham joy oldi.

Qosimjonov 2004-yilda FIDE jahon chempioni bo‘lgan. U grossmeyster va murabbiy sifatida ham faoliyat yuritadi.

Hulkar Tohirjonova to‘rt ovoz bilan g‘alaba qozondi

FIDE arbitri va WFM unvoniga ega Hulkar Tohirjonova FIDEning 3.4-zonasi prezidenti etib saylandi. Ushbu zonaga O‘zbekiston, Qozog‘iston, Qirg‘iziston, Tojikiston, Turkmaniston...

Farg‘ona viloyatida tadbirkordan 2 mln so‘m olgan «Farg‘ona suv ta’minoti» AJ xodimiga nisbatan jinoyat ishi qo‘zg‘atildi. Bu haqda Bosh prokuratura huzuridagi Departament ma’lum qildi.

Dalolatnomani yo‘q qilishni va’da qilgan

Departamentning Furqat tumani bo‘limi o‘tkazgan tergovga qadar tekshiruvda «Farg‘ona suv ta’minoti» AJ Furqat tumani bo‘limi xodimi bilan bog‘liq holat aniqlangan.

Tergov ma’lumotlariga ko‘ra, xodim MChJ hududidagi sexda 8,4 mln so‘mlik ichimlik suvidan noqonuniy foydalanilganligi bo‘yicha dalolatnoma rasmiylashtirilganini aytgan.

U fuqaroga 2 mln so‘m bersa, ushbu dalolatnomani yo‘q qilib berishini va’da qilgan.

2 mln so‘m qaytarildi

Departament ma’lumotiga ko‘ra, u 2 mln so‘mni firibgarlik yo‘li bilan qo‘lga kiritgan. Keyinchalik...

O‘zbekistonlik grossmeyster Nodirbek Abdusattorov terma jamoa so‘nggi to‘rt yil ichida dunyoning kuchli 20 taligidan birinchi o‘ringa qadar ko‘tarilganini aytdi. Uning so‘zlariga ko‘ra, Samarqanddagi Olimpiadada g‘alaba qozonishda jamoaning birdamligi va katta bosimga tayyorgarlik muhim rol o‘ynagan. Bu haqda jurnalist Aziza Qurbonova ma’lum qildi.

Abdusattorovning aytishicha, o‘z yurtida o‘tkazilgan Olimpiada oldidan shaxmatchilar musobaqaga alohida mas’uliyat bilan tayyorlangan.

«Bu musobaqada yutmasak bo‘lmasligini his qildik»

Grossmeyster jamoa Olimpiada uchun bor imkoniyatini ishga solganini ta’kidladi.

«Musobaqadan oldin, to‘g‘risi, kechalari bilan shug‘ullanib, faqat shu musobaqa haqida o‘yladik. O‘zimizni katta bosimga ham tayyorladik», – dedi Abdusattorov.

Uning so‘zlariga ko‘ra, terma...

Samsung Electronics kompaniyasi yangi Samsung Galaxy A18 smartfonini taqdim etdi. Bu haqda kompaniya matbuot xizmati xabar bermoqda.

Qurilma 6,7 dyuymli Super AMOLED displey, 50 MP asosiy kamera, Exynos 1610 protsessori va sun’iy intellektga asoslangan funksiyalar bilan jihozlangan.

Galaxy A18 qanday imkoniyatlarga ega

Smartfon 6,7 dyuymli FHD+ Super AMOLED displey bilan jihozlangan. Qurilmaning qalinligi 7,7 mm bo‘lib, ekran Corning Gorilla Glass 3 himoya oynasi bilan qoplangan.

Galaxy A18 qora, kumushrang va havorang variantlarda taqdim etiladi.

Smartfonda 50 MP asosiy kameraga ega uch kamerali tizim o‘rnatilgan. U keng kadrlar, portretlar va yaqin masofadagi obyektlarni suratga olishga mo‘ljallangan.

Circle to...

Toshkentda avtobusda yo‘l haqini to‘lamagan va nazoratchiga qarshilik ko‘rsatgan yo‘lovchiga uch sutka ma’muriy qamoq jazosi tayinlandi. Bu haqda Transport vazirligi xabar berdi.

«Toshkent shahar yo‘lovchi tashishni monitoring va nazorat qilish» davlat muassasasi nazoratchilari avtobuslarda yo‘l haqini to‘lash bo‘yicha kuchaytirilgan reydlar o‘tkazmoqda.

Holat Chilonzor tumanida yuz bergan

2026-yilning 15-avgust kuni Chilonzor tumanidagi reyd vaqtida fuqaro M.M. avtobusdan tushganida nazoratchilar undan yo‘l haqi to‘langanini tasdiqlovchi hujjatni ko‘rsatishni so‘ragan. Transport vazirligi xabariga ko‘ra, yo‘lovchi turli vajlarni keltirib, nazoratchining talabini bajarmagan va qarshilik ko‘rsatgan. Uning shaxsini aniqlash jarayonida yo‘lovchi janjal chiqarib, nazoratchiga kuch ishlatishga uringan. Holat nazoratchining bodi-kamerasiga yozib olingan.

Sud...

O‘zbekistonlik grossmeyster Javohir Sindarov prezident Shavkat Mirziyoyev tomonidan sovg‘a qilingan Volkswagen Teramont Pro avtomobilini ko‘rsatdi.

Sindarov: Juda yoqdi

Videoda Sindarovdan avtomobil unga yoqqan-yoqmagani so‘raladi.

«Juda yoqdi, juda zo‘r. Katta rahmat», – dedi grossmeyster.

Shuningdek, u prezidentdan olgan sovg‘alari orasida uy, avtomobil va $200 ming pul mukofoti borligini aytdi.

«Uy, mashina va $200 ming. Katta rahmat», – deya ta’kidladi Sindarov.

UzAuto Motors Chevrolet Cobalt Style va Damas avtomobillari uchun chegirmalar dasturini qayta yo‘lga qo‘ydi. Cobalt Style narxi 10 mln so‘mga, Damas esa 15 mln so‘mga arzonlashtirildi.

Kompaniya ma’lumotiga ko‘ra, aksiya mijozlardan kelib tushgan murojaatlar hamda 1-oktabr – O‘qituvchi va murabbiylar kuni munosabati bilan qayta joriy etilgan.

Cobalt 146,1 mln so‘mga tushdi

Chevrolet Cobalt Style uchun 10 mln so‘mlik chegirma beriladi. Natijada avtomobil narxi 156,1 mln so‘mdan 146,1 mln so‘mga tushdi.

Damas uchun esa 15 mln so‘mlik chegirma belgilangan. Uning narxi 96,932 mln so‘mdan 81,932 mln so‘mga kamaydi.

Shuningdek, o‘qing: Braziliyada ishlab chiqarilgan Cobalt...