Yangiliklar

AQSh sobiq prezidenti Jo Baydenning o‘g‘li Xanter Bayden Donald Trampning katta o‘g‘illari bilan jangda to‘qnash kelishga tayyorligini bildirdi. Bu haqda u mashhur bloger Endryu Kallagan bilan suhbatda aytib o‘tgan.

Xanter Baydenning so‘zlariga ko‘ra, Kallagan uni kichik Don Tramp yoki Erik Tramp bilan jang qilish uchun tashkil etilayotgan loyihaga taklif qilgan. U bu taklifni qabul qilishga tayyor ekanini ochiq aytgan.

«Agar bu jangni tashkil qilishsa, men rozi bo‘laman», – degan u.

Hozircha Tramp oilasi bu chaqiriqqa rasmiy munosabat bildirmagan. Kichik Don Tramp va Erik Tramp tomonidan hech qanday izoh berilmagan.

Ma’lum qilinishicha, Xanter Bayden hozirda...

O‘zbekistonda iqtisodiyotda davlat ulushini qisqartirish maqsadida keng ko‘lamli xususiylashtirish dasturi amalga oshiriladi. Bu haqda Davlat aktivlarini boshqarish agentligi rahbari Sohibjon Murodov ma’lum qildi.

Rejaga ko‘ra, yil yakunigacha umumiy qiymati 35 trillion so‘mlik davlat mulklari xususiy sektorga taklif etiladi. Dastur doirasida yana 67 ta yirik korxona xususiylashtiriladi, shuningdek, mingga yaqin ko‘chmas mulk obyekti sotuvga chiqariladi. Bundan tashqari, tadbirkorlar uchun 3,5 ming gektar yer maydoni auksion orqali taqdim etiladi.

Mazkur choralar orqali iqtisodiyotda davlat ulushini 15 foizgacha kamaytirish ko‘zda tutilgan. Shu bilan birga, yil oxirigacha xususiylashtirishdan 13,5 trillion so‘m daromad olish rejalashtirilgan bo‘lib, uning asosiy qismi Davlat budjetiga yo‘naltiriladi.

Bundan tashqari...

Xitoyning Chery kompaniyasiga qarashli Jetour brendi Traveller model qatorini kengaytirib, yangi Jetour Traveller Plus va C-DM versiyalarini sotuvga chiqardi. Yangi modellar 9-apreldan boshlab sotuvga taklif qilinmoqda va narxlar $27,5 mingdan boshlanadi.

Har ikkala model ham 5 yoki 7 o‘rindiqli variantlarda taklif qilinmoqda. Yangi model tashqi dizayn jihatidan avvalgi Traveller uslubini saqlab qolgan. Old qismida yirik radiator panjarasi va zamonaviy LED faralar mavjud. Kuzov uzunligi 5 034 mmga yetkazilgan, bu esa oldingi modeldan ancha katta. Avtomobil 20 dyuymli g‘ildiraklar bilan jihozlangan.

Yo‘ltanlamas xususiyatlari ham e’tiborga molik. Mashinaning yer balandligi 220 mmni tashkil etadi, suv kechish chuqurligi esa 700 mmga yetadi...

«ToshkentboshplanLTI» bosh loyiha instituti Qurilish va uy-joy kommunal xo‘jaligi vazirligi tarkibidan chiqarilib, Toshkent shahar hokimligi tuzilmasiga o‘tkazildi. Bu haqda poytaxt hokimining tegishli qarori qabul qilindi.

Muassasaning yangi ustaviga ko‘ra, uning faoliyati shahar hududlarini tizimli rivojlantirish, infratuzilmani takomillashtirish va zamonaviy qurilish loyihalarini ishlab chiqishga qaratilgan.

Muassasa, eng avvalo, shahar kesimida hududlarni rivojlantirish hujjatlarini ishlab chiqadi. Bunda bosh sxemalar, shaharlarning bosh rejalari va aglomeratsiyalar strategiyalari tayyorlanadi. Shuningdek, transport, muhandislik ta’minoti, kommunal xizmatlar, ko‘kalamzorlashtirish va chiqindilarni qayta ishlash tizimlari bo‘yicha ham rivojlanish loyihalari ishlab chiqiladi.

Faoliyatning muhim yo‘nalishlaridan biri bu loyiha hujjatlarini ishlab chiqish va ularning ijrosini nazorat qilishdir. U turarjoy, sanoat...

Eronning oliy rahbari Mojtaba Xomanaiy AQSh va Isroil bilan bo‘lgan urushda Tehron g‘alabaga erishganini ta’kidladi. Bu haqda Al Jazeera xabar bermoqda.

Mojtaba Xomanaiyning ushbu bayonoti uning otasi Oyatulloh Ali Xomanaiy AQSh va Isroil hujumi oqibatida halok bo‘lganining 40 kunligiga to‘g‘ri keldi. Eron telekanali orqali o‘qib eshittirilgan murojaatda mamlakat urush boshlamagani, biroq tajovuzkorlarni jazosiz qoldirmasligi aytilgan.

«Biz barcha zararlar, shuningdek, shahidlar va yaradorlarning qoni uchun tovon puli talab qilamiz», – deyiladi rasmiy bayonotda.

Chorshanba kuni Pokiston vositachiligida AQSh va Eron o‘rtasida ikki haftalik otishmalarni to‘xtatish bo‘yicha kelishuvga erishildi. Sulh doirasida Eron 28-fevraldan beri to‘sib qo‘yilgan...

Qozog‘iston Astana Ballet teatri Asel Isabayeva (Nursulton Nazarboyevning o‘zi uni ikkinchi oilasi deb atagan) bilan bog‘liq savollarga to‘liq javob bermadi. Kursiv Media so‘roviga javoban muassasa faqat uning ish faoliyati haqida qisqa ma’lumot bilan cheklangan.

Lavozim bor, ammo maosh sir qolmoqda

Teatr rasmiy ravishda Asel Isabayeva muassasada art-menejer lavozimida ishlashini tasdiqlagan. Biroq uning ish haqi, qo‘shimcha to‘lovlar va mehnat shartnomasi muddati haqida ma’lumot berishdan bosh tortgan. Muassasa bunga shaxsiy ma’lumotlarni himoya qilish to‘g‘risidagi qonunchilikni sabab qilib ko‘rsatdi. Teatrga ko‘ra, Isabayevaning yozma roziligi bo‘lmagani uchun bu ma’lumotlarni oshkor qilish imkonsiz.

Shu bilan birga, Isabayeva davlat budjeti hisobidan moliyalashtiriladigan muassasada ishlayotgani...

Tesla kompaniyasi yangi, nisbatan arzon elektromobil ishlab chiqmoqda. Reuters ma’lumotiga ko‘ra, kompaniya bu safar mavjud modellarning soddalashtirilgan versiyasini emas, balki butunlay yangi kompakt krossover yaratishni rejalashtirmoqda.

Manbalarga ko‘ra, loyiha hali dastlabki bosqichda. So‘nggi haftalarda Tesla yetkazib beruvchilar bilan yangi modelning texnik yechimlari va ishlab chiqarish jarayonlarini muhokama qilgan. Kompaniya bu borada rasmiy izoh bermagan, biroq yangi avtomobilning seriyali ishlab chiqarilishi hali tasdiqlanmagan.

Dastlabki ma’lumotlarga ko‘ra, yangi model hajman kichikroq va yengilroq bo‘ladi. Avtomobil uzunligi taxminan 4,28 metrni tashkil etadi, bu esa Model Y’dan kichikroq degani. Og‘irligi 1,5 tonna atrofida bo‘lishi kutilmoqda. Xarajatlarni kamaytirish uchun bitta elektr motor va kichikroq...

So‘nggi sutka davomida o‘zbek sportida chinakam qiziqarli voqealar «qaynadi». Kimdir Yevropa yashil maydonlarida ulkan e’tirofga sazovor bo‘lsa, yana kimdir aql gimnastikasi va shaxsiy hayotda o‘ziga xos yutuqlarga erishmoqda.

Husanov — «Manchester Siti»da oy futbolchisi

Angliyaning «Manchester Siti» klubi sharafini himoya qilayotgan Abduqodir Husanov «shaharliklar»ning mart oyidagi eng yaxshi futbolchisi sovrinini qabul qilib oldi va savollariga javob qaytardi. U bo‘sh vaqtlarida FIFA video o‘yinini o‘ynab turishini va jamoasi bilan dastlabki sovrinni yutish o‘zgacha zavq berganini ta’kidladi. Shuningdek, u jamoadoshi Jeremi Doku undan tezroq yugurishini ham tan oldi.

Sindarov va Assaubayeva

Shaxmat bo‘yicha Nomzodlar turnirida rekord qayd etib, turnir jadvalida...

Olmaliq kon-metallurgiya kombinati (OKMK) faoliyatida aniqlangan ekologik kamchiliklar ortidan korxonaga yirik miqdorda tovon puli belgilandi. Bu haqda Ekologiya va iqlim o‘zgarishi milliy qo‘mitasi ma’lum qildi.

Tekshiruvlar davomida ishlab chiqarish jarayonida hosil bo‘ladigan xavfli chiqindilar ochiq hududlarda saqlanayotgani aniqlangan. Bu holat tuproq hamda yerosti suvlariga salbiy ta’sir ko‘rsatishi mumkin.

Bundan tashqari, Angren shahridagi ishlab chiqarish obyektlarida oqova suvlarni tozalash tizimi yetarli darajada ishlamayotgani ma’lum bo‘lgan. Natijada tozalashdan o‘tmagan suvlar Angren daryosiga oqizilayotgani qayd etilgan.

Aniqlangan qoidabuzarliklar yuzasidan korxonaga 48 milliard so‘m miqdorida kompensatsiya to‘lash majburiyati yuklatildi. Shu bilan birga, ekologik talablarga rioya etilishini ta’minlash uchun 20 ta majburiy ko‘rsatma berilgan.

Chirchiq shahrida 17 yoshli o‘smir temiryo‘l vagoniga chiqib suratga tushmoqchi bo‘lgan paytda yuqori kuchlanishli elektr toki zarbasiga uchradi. Bu haqda «Millar» dasturida ma’lum qilindi.

Hodisa Bo‘zsuv temiryo‘l stansiyasi hududida sodir bo‘lgan. Ma’lum qilinishicha, o‘smir do‘stlari bilan birga vagon ustiga chiqqan va aynan shu vaqtda elektr yoyi hosil bo‘lib, kuchli zarba bergan.

Shifokorlar ma’lumotiga ko‘ra, jabrlanuvchi tanasining 80 – 85 foizi og‘ir kuygan. Hozirda u og‘ir ahvolda reanimatsiya bo‘limida davolanmoqda.

Mas’ullar fuqarolarni, ayniqsa, yoshlarni bunday xavfli harakatlardan tiyilishga chaqirmoqda.

Xitoyning Leapmotor kompaniyasi yangi Leapmotor B05 Ultra modelini dilerlik markazlariga yetkazishni boshladi. Yangilangan elektromobilning savdosi aprel oyida start oladi.

Yangi B05 Ultra model qatoridagi eng yuqori komplektatsiya bo‘ladi. U 180 kW quvvatga ega elektr motor bilan jihozlangan bo‘lib, bu taxminan 241 ot kuchiga teng. Model sport uslubidagi tashqi ko‘rinish va yangilangan salon bilan ajralib turadi.

Salon ham qayta ishlangan. Old o‘rindiqlar sport uslubida tayyorlangan bo‘lib, ular massaj funksiyasi bilan jihozlangan. Ichki qismda sun’iy zamsh materiallari keng qo‘llangan, xavfsizlik kamarlarida esa modelga xos bezaklar mavjud.

Hozircha B05 Ultra narxi rasman e’lon qilinmagan. Ammo standart B05 modellari Xitoyda 97 800 yuandan...

Navoiy issiqlik elektr stansiyasida quvvati 650 MVt bo‘lgan zamonaviy bug‘-gaz qurilmasi barpo etilmoqda. Bu haqda Energetika vazirligi ma’lum qildi.

Mutaxassislar hisob-kitobiga ko‘ra, yangi qurilma yiliga 4,8 mlrd kVt/soat elektr energiyasi va 200 GKal issiqlik ishlab chiqaradi. Shu bilan birga, yiliga 870 mln kub metr tabiiy gaz tejalishiga erishiladi. Bu esa energiya samaradorligini sezilarli oshirishga xizmat qiladi.

Hozirgi kunda qurilish maydonida 2400 dan ziyod mutaxassislar faoliyat olib bormoqda. Ularning katta qismini mahalliy kadrlar tashkil etadi. Shu bilan birga, texnik jarayonlarga xorijiy muhandislar ham jalb qilingan. Obyektda 200 dan ortiq maxsus texnika vositalari ishlatilmoqda.

Loyiha doirasida asosiy va yordamchi inshootlar barpo...

Poytaxtning «Askiya» dehqon bozori faoliyati vaqtincha to‘xtatildi. Bunga bozorda yong‘in xavfsizligi talablari jiddiy darajada buzilgani sabab bo‘lgan, deya xabar berdi Favqulodda vaziyatlar vazirligi.

Unga ko‘ra, Toshkent shahridagi bir qator savdo obyektlarida yong‘in nazorati tekshiruvlari o‘tkazilgan. Natijada bir nechta bozorlarda xavfsizlik qoidalariga rioya qilinmayotgani aniqlangan.

Xususan, Abu Saxiy bozori, Qo‘yliq qurilish bozori hamda O‘rikzor savdo kompleksining ayrim hududlarida kamchiliklar sabab elektr ta’minoti vaqtincha o‘chirildi. Shu bilan birga, boshqa bozorlarda ham xuddi shunday choralar ko‘rilgan.

«Askiya» bozorida esa aniqlangan muammolar jiddiy bo‘lgani bois, obyekt to‘liq elektr energiyasidan uzilgan va savdo jarayoni to‘xtatilgan.

Mas’ullar ta’kidlashicha, ushbu choralar tadbirkorlik faoliyatiga to‘sqinlik qilish uchun...

Honor kompaniyasi o‘zining yangi smartfonlari Honor 600 va Honor 600 Pro dizaynini ilk bor namoyish qildi. Qurilmalar tashqi ko‘rinishi bilan iPhone 17 Pro seriyasiga o‘xshashligi bilan e’tibor tortmoqda.

Yangi modellarda katta to‘rtburchak kamera bloki qo‘llanilgan bo‘lib, bu dizayn premium segmentga xos yechim sifatida baholanmoqda. Eng muhim jihatlardan biri – 200 megapikselli asosiy kamera mavjudligi tasdiqlangani bo‘ldi.

Shuningdek, kompaniya smartfonlarda sun’iy intellekt funksiyalariga alohida urg‘u bermoqda. Xususan, ular Google bilan hamkorlikda ishlab chiqilgan SI texnologiyalari, jumladan, tasvirlardan qisqa videolar yaratish imkonini beruvchi yechimlar bilan jihozlanishi kutilmoqda.

Texnik xususiyatlarga ko‘ra:

Markaziy bank tomonidan e’lon qilingan iste’mol kayfiyati sharhiga ko‘ra, milliy valyutadagi muddatli depozitlar hajmi bir yil ichida 37,1 foizga oshdi.

2025-yil IV chorak yakunlariga ko‘ra, O‘zbekistonda aholi jamg‘arishga bo‘lgan moyilligini saqlab qolmoqda. Markaziy bank kuzatuvlariga ko‘ra, jamg‘arish subindeksi 68,8 bandni tashkil etdi. Chorak davomida ko‘rsatkich 0,1 bandga biroz pasaygan bo‘lsa-da, o‘tgan yilning mos davridagiga nisbatan 0,7 bandga o‘sish qayd etildi.

So‘rov natijalari aholining moliyaviy kelajakka nisbatan ishonchi saqlanib qolayotganini ko‘rsatmoqda. Respondentlarning 62,6 foizi kelgusida jamg‘armalari oshishini kutmoqda. Shu bilan birga, jamg‘armalari o‘zgarishsiz qolishini bildirganlar ulushi 24,2 foizga yetdi. Jamg‘armalari kamayishini kutayotganlar esa 13,2 foizni tashkil etib, bu ko‘rsatkich biroz...

Mo‘g‘uliston poytaxtida boks bo‘yicha Osiyo chempionati o‘z nihoyasiga yetmoqda. Musobaqaning so‘nggi kunida O‘zbekiston terma jamoasining 5 nafar a’zosi oltin medal uchun ringga ko‘tariladi. Bu haqda MOQ xabar bermoqda.

Bugun musobaqaning ikkinchi final kuni bo‘lib, unda qit’aning eng kuchli bokschilari o‘zaro to‘qnash keladi. O‘zbekistonlik sportchilar turli vazn toifalarida Tailand, Qozog‘iston, Iordaniya va Tojikiston vakillariga qarshi chempionlik uchun kurash olib boradi.

Hal qiluvchi janglarda 65 kg vazn toifasida Abdulloh Madaminov tailandlik Bundjong Sinsiriga, 75 kg vaznda esa Javohir Abdurahimov qozog‘istonlik Sabirjan Akkalykovga qarshi ringga chiqadi.

Shuningdek, 80 kg vazn toifasida Fazliddin Erkinboyev iordaniyalik Huseyn Ishaish bilan, 85 kg vaznda Jasurbek Yo‘ldoshev

Farg‘onada «Neftchi» klubining sodiq muxlisi Qahramon Ne’matov Onix avtomobili bilan rag‘batlantirildi. Bu haqda klub matbuot xizmati xabar bermoqda.

Ma’lum qilinishicha, Qahramon Ne’matov Yozyovondagi eng fidoyi muxlislardan biri hisoblanadi. U o‘tgan turda «Neftchi»ning Navoiyda «Qizilqum»ga qarshi o‘yinini tomosha qilish uchun Farg‘onadan Navoiygacha qariyb 800 kilometr yo‘l bosib borgan. Uzoq va mashaqqatli safarga qaramay, muxlis jamoani qo‘llab-quvvatlab, g‘alabani birga nishonlab ortga qaytgan.

E’tiborlisi, u bu safarni eski «Moskvich» avtomobilida amalga oshirgan. Qahramon Ne’matov 40 yildan buyon jamoaga sadoqat bilan muxlislik qilib kelmoqda. Unga 6-tur uchrashuvi oldidan «Istiqlol» stadionida Onix avtomobili topshirilgan.

Eslatib o‘tamiz, Kursiv Uzbekistan nashri «Neftchi» o‘z tarixida ilk bor...

2026-yilning yanvar-fevral oylarida 3 964 nafar O‘zbekiston fuqarosi ta’lim olish maqsadida xorijiy davlatlarga jo‘nab ketgan. Bu haqda Milliy statistika qo‘mitasi xabar berdi.

Fuqarolar ta’lim olish uchun eng ko‘p Rossiya va Koreya Respublikasi davlatlarini tanlagan. Ma’lumotlarga ko‘ra, ushbu davrda Rossiyaga 989 nafar, Koreya Respublikasiga esa 679 nafar talaba yo‘l olgan.

Shuningdek, talabgorlarning 639 nafari Qirg‘iziston, 300 nafari Turkiya, 276 nafari Tojikiston va 252 nafari Xitoy davlatlariga o‘qishga ketgan. Boshqa davlatlar hissasiga jami 829 kishi to‘g‘ri keladi.

Joriy yilning dastlabki ikki oyida o‘qish uchun xorijga ketganlar soni 2025-yilning mos davriga nisbatan sezilarli darajada qisqargan. Xususan, bu ko‘rsatkich 1,2 ming kishiga yoki...

Tijorat banklari tomonidan 10-aprel kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Kapitalbank o‘zining 25 yillik yubileyi munosabati bilan «Eco-Zone Kapitalbank» ijtimoiy-ekologik loyihasini yo‘lga qo‘ydi. Ushbu loyiha zamonaviy eko maskanlarni o‘z ichiga olgan bo‘lib, ular qulaylik, texnologiya va atrof-muhitga bo‘lgan ehtiyotkorona munosabatni uyg‘unlashtiradi. Ilk eko hudud «Lokomotiv» bog‘ida ochilib, poytaxt aholisi va mehmonlari uchun jozibador maskanlardan biriga aylandi.

Chorak asrlik yoshini nishonlash doirasida bank amaliy tashabbuslarga e’tibor qaratdi: an’anaviy bayram tadbirlari o‘rniga Kapitalbank shahar muhitini rivojlantirish va aholining turmush sifatini oshirishga qaratilgan ijtimoiy loyihalarni amalga oshirmoqda. Ushbu tashabbus doirasida «Eco-Zone Kapitalbank» loyihasi ishga tushirildi. U ekologik yondashuv hamda zamonaviy infratuzilmani o‘zida mujassam etgan bo‘lib, dam olish va ishlash uchun mo‘ljallangan ikki xil...

Qozog‘istonda ayollarning pensiya yoshini oshirish rejasi davom ettiriladi. Bu haqda mamlakat Mehnat va aholini ijtimoiy himoya qilish vazirligi vakili Viktoriya Shegay ma’lum qildi, deya xabar berdi Tengrinews nashri.

Uning so‘zlariga ko‘ra, ilgari pensiya yoshini oshirish vaqtincha to‘xtatilgan bo‘lsa-da, amaldagi qonunchilikka muvofiq bu jarayon bosqichma-bosqich qayta tiklanadi va yakunda 63 yoshga yetkaziladi. Bu esa erkaklar bilan tenglashtiriladi.

Hozirgi kunda Qozog‘istonda erkaklar uchun pensiya yoshi 63 yoshni, ayollar uchun esa 61 yoshni tashkil etadi. Ayollar uchun yoshni oshirish 2027-yil oxirigacha muzlatilgan.

Rejaga ko‘ra, 2028-yildan boshlab pensiya yoshi 61,5 yoshga yetib, keyingi yillarda har yili oshirib boriladi. 2031-yilga kelib ayollar uchun ham...

Turkiyaning Istanbul shahrida mashhur shaxslarga nisbatan olib borilayotgan giyohvandlik bo‘yicha tergov doirasida aktyor Burak Deniz qo‘lga olindi. Beykoz prokuraturasi tashabbusi bilan amalga oshirilgan operatsiya davomida 14 kishi fosh etilgan.

Ta’kidlanishicha, qo‘lga olinganlar orasida rep ijrochisi Norm Ender nomi bilan tanilgan Ender Ero‘g‘lu va boshqa mashhurlar ham ushbu ish bo‘yicha tergovga jalb qilingan.

Tergov doirasida Hafsanur Sancaktutan, Emir Jan Igrek, Somer Sivrio‘g‘lu, Serra Pirinch, O‘g‘un Alibosh, Utku Unsal, Sinem Ozench Unsal, Elif Bushra Pekin, Ahsen Ero‘g‘lu, Emre Ozturk hamda Enes Guler kabi shaxslar ham qo‘lga olingani bildirildi.

Mazkur operatsiya giyohvandlik moddalari bilan bog‘liq faoliyatni aniqlash va unga chek qo‘yish maqsadida...

11-iyundan 19-iyulga qadar AQSh, Kanada va Meksika davlatlarida bo‘lib o‘tadigan futbol bo‘yicha jahon chempionatida o‘zbekistonlik hakamlar guruhi faoliyat olib boradi. Bu haqda O‘zbekiston futbol assotsiatsiyasi (O‘FA) xabar bermoqda.

Ushbu yirik xalqaro musobaqada o‘zbekistonlik mutaxassis Ilgiz Tantashev bosh hakam sifatida o‘yinlarni boshqaradi. Unga qanotlarda Andrey Sapenko va Timur Gaynullin yordamchi hakam sifatida ko‘maklashishi belgilangan.

Ma’lumot uchun, joriy yilning 30-yanvar kuni O‘FA tomonidan Ilgiz Tantashev «Yilning eng yaxshi hakami» sifatida e’tirof etilgan edi. Tajribali hakam bungacha ham qator nufuzli turnirlarda, xususan, klublar o‘rtasidagi jahon chempionatida muhim uchrashuvlarni boshqargan va xalqaro maydonda faoliyat olib borgan.

Avvalroq Kursiv Uzbekistan FIFA 2026-yilgi jahon...

Markaziy bank tomonidan e’lon qilingan iste’mol kayfiyati sharhiga ko‘ra, O‘zbekistonda eng ko‘p kreditni 7 – 10 mln so‘m daromadlilar olmoqda. Daromadi 20 mln so‘mdan yuqori bo‘lgan respondentlar orasida esa kreditga ehtiyoj biroz kamaygan.

So‘rovda qatnashganlar kredit mablag‘larini asosan uy-joy ta’miri, ta’lim xarajatlari va avtomobil xaridiga yo‘naltirishni rejalashtirayotganini bildirgan. Bu esa kreditlarning kundalik ehtiyoj va yirik xaridlar bilan bog‘liqligini ko‘rsatadi.

2025-yil IV chorak yakunlariga ko‘ra, O‘zbekistonda kreditga bo‘lgan talab oshgani qayd etildi. Markaziy bank kuzatuvlariga ko‘ra, kredit subindeksi III chorakka nisbatan 1,1 bandga ko‘tarilib, 64,2 bandni tashkil etdi.

Regulyator ushbu o‘sishni aholining moliyaviy faolligi ortayotgani bilan izohlamoqda. So‘rov natijalariga ko‘ra...