Yangiliklar

Samsung Galaxy smartfonlaridagi Always On Display (AOD) funksiyasi uchun yangi yangilanishni tarqata boshladi. Bu haqda Sammobile nashri xabar bermoqda.

Always On Display ilovasining 8.9.55.2 versiyasi ayrim til sozlamalarida bloklash ekranidagi soat bilan bog‘liq grafik xatoni bartaraf etadi.

Yangilanish hozircha One UI 9.0 va One UI 8.5 operatsion interfeyslarida ishlayotgan Galaxy qurilmalari uchun taqdim etilayotgani aytilmoqda.

Bloklash ekranidagi soat bilan bog‘liq xato tuzatildi

Samsung ma’lumotiga ko‘ra, yangi versiyadagi asosiy o‘zgarish ayrim tillar tanlanganda bloklash ekranidagi soat interfeysida yuzaga keladigan grafik muammolarni bartaraf etishdan iborat.

SamMobile tahririyati ushbu nosozlikni o‘z qurilmalarida kuzatmaganini qayd etdi. Shunga qaramay, yangilanish tavsifidan kelib chiqib...

Chevrolet kompaniyasi 2027-yilgi Chevrolet Equinox EV elektromobili uchun rasmiy onlayn konfiguratorni ishga tushirdi. Bu haqda GMAutority nashri xabar bermoqda.

Endilikda xaridorlar kompaniya saytida avtomobilning kerakli komplektatsiyasi va jihozlarini tanlab, uning yakuniy narxini hisoblashlari mumkin.

Yangi model avvalgi yilgi Equinox EV’dan keskin farq qilmaydi, biroq quvvatlash tizimi, salon jihozlari va ayrim qo‘shimcha imkoniyatlarda muhim o‘zgarishlar amalga oshirilgan.

NACS quvvatlash portiga o‘tildi

2027 Chevrolet Equinox EV’dagi asosiy yangiliklardan biri Shimoliy Amerika quvvatlash standarti – NACS portining o‘rnatilishi. Avvalgi modelda CCS turidagi ulagichdan foydalanilgan.

Ushbu o‘zgarish Equinox EV’ni General Motors’ning boshqa yangi elektromobillari bilan bir xil quvvatlash standartiga o‘tkazadi. Chevrolet...

Vengriya parlamenti mamlakat Oliy sudining sobiq raisi, 73 yoshli Andrash Bakani prezident etib sayladi. Uning nomzodi prezidentlik uchun ko‘rsatilgan yagona nomzod bo‘lib, hukmron «Tisa» partiyasi tomonidan ilgari surilgan. Bu haqda Euronews xabar berdi.

Mamlakatdagi eng yirik muxolif partiya – «Fides» esa prezident saylovini qonuniy deb hisoblamasligini bildirdi. Partiya avvalgi prezident Tamash Shuyokni davlat rahbari sifatida tan olishda davom etishini ma’lum qilgan.

Yangi prezident siyosiy xilma-xillikni himoya qilishga chaqirdi

Saylovdan so‘ng Andrash Baka mamlakatdagi siyosiy va institutsional muammolarga bag‘ishlangan ilk nutqini so‘zladi. Uning ta’kidlashicha, respublika prezidenti jamiyatdagi siyosiy xilma-xillikni ifodalashi, qarama-qarshi fikrlarni erkin bildirish huquqini kafolatlashi hamda kelishmovchiliklarning kuch...

Krishtianu Ronaldu va Jorjina Rodriges qariyb o‘n yillik munosabatlardan so‘ng rasman turmush qurdi. Juftlik 11-avgust kuni Portugaliyaning Kashkays shahrida yaqinlari davrasida fuqarolik nikohidan o‘tgan. Marosimda ularning besh nafar farzandi ham qatnashgan, deb yozmoqda Marca.

Hozircha Ronaldu va Rodriges nikoh marosimi aynan qayerda o‘tkazilganini oshkor qilmagan. Shu sababli marosim joyi borasida turli taxminlar paydo bo‘lmoqda.

To‘y Ronaldu qarorgohida o‘tgan bo‘lishi mumkin

Marca nashrining yozishicha, ehtimollardan biri – nikoh marosimi futbolchining Kashkaysdagi shaxsiy qarorgohida tashkil etilgan bo‘lishi mumkin. Biroq bu ma’lumot hozircha juftlik tomonidan tasdiqlanmagan.

Bunday taxminga asosiy sabab marosimning yopiq va oilaviy shaklda o‘tkazilganidir. Shaxsiy hududda tashkil etilgan marosim...

Rodriges mish-mishlarga nuqta qo‘ydi, Husanov «Manchester Siti» safiga qaytadimi — 11-avgust kuni e’lon qilingan yangiliklar Kursiv uzbekistan dayjestida.

Jorjina Rodriges Ronaldu bilan yashirin to‘y haqidagi mish-mishlarga nuqta qo‘ydi

Jorjina Rodriges va Krishtianu Ronaldu yaqin kunlarda yashirincha turmush qurishi mumkinligi haqidagi xabarlar yana tasdiqlanmadi. Portugaliyada juftlikning ehtimoliy to‘yi kutilayotgan bir paytda, Jorjina farzandlari bilan Italiyaning Kapri oroliga yo‘l oldi.

Marca ma’lumotiga ko‘ra, avvalroq ijtimoiy tarmoqlar va ko‘ngilochar nashrlarda Ronaldu va Jorjina avgust boshida Portugaliyaning Madeyra orolidagi Funshal soborida nikohdan o‘tishi mumkinligi haqida mish-mishlar tarqalgan edi. Biroq bunday marosim bo‘lib o‘tmadi.

YouTube monetizatsiya talablarini ikki baravar oshiradi

YouTube 2027-yil 1-fevraldan hamkorlik dasturi...

Germaniya diplomatik missiyasiga Mattias Follert rahbar etib tayinlandi. Bu haqda Tashqi ishlar vaziri Baxtiyor Saidov Telegram kanalida ma’lum qildi.

Yangi elchi O‘zbekistondagi faoliyatini rasman boshlash oldidan ishonch yorlig‘i nusxasini mamlakat tashqi ishlar vaziriga topshirdi.

Tashqi ishlar vaziri Mattias Follert bilan uchrashib, ikki davlat o‘rtasidagi hamkorlikning asosiy yo‘nalishlarini muhokama qildi.

Suhbat davomida O‘zbekiston va Germaniya o‘rtasidagi siyosiy aloqalar, yuqori darajadagi uchrashuvlarda erishilgan kelishuvlarni amalga oshirish masalalariga e’tibor qaratildi.

Tomonlar so‘nggi yillarda ikki davlat o‘rtasidagi aloqalar muntazam muloqot va oliy darajadagi tashriflar hisobiga yanada faollashganini qayd etdi.

Baxtiyor Saidov yangi elchiga O‘zbekistondagi diplomatik missiyasi davomida muvaffaqiyat tiladi.

Avvalroq «Kursiv» nashri Pokistonning...

12-avgust kuni O‘zbekistonning aksariyat hududlarida yog‘ingarchilik kutilmaydi. Kunduzi havo harorati ayrim joylarda 42 darajagacha ko‘tariladi.

Toshkent shahrida havo biroz bulutli bo‘ladi, yomg‘ir yog‘ishi kutilmaydi. Kechasi 24–26 daraja, kunduzi esa 39–41 daraja issiq bo‘ladi. Shamol sharqdan 3–8 m/s tezlikda esadi, ayrim paytlarda 10–12 m/s gacha kuchayishi va chang-to‘zon ko‘tarilishi mumkin.

Qoraqalpog‘iston Respublikasi, Xorazm, Buxoro va Navoiy viloyatlarida kunduzi harorat 37–42 daraja atrofida bo‘ladi. Ushbu hududlarda ham ayrim joylarda shamol kuchayib, chang-to‘zon kuzatilishi mumkin.

Toshkent, Samarqand, Jizzax va Sirdaryo viloyatlarida havo 37–42 darajagacha, Qashqadaryo va Surxondaryoda 37–42 darajagacha isiydi.

Andijon, Namangan va Farg‘ona viloyatlarida esa kunduzi 35–40 daraja issiq bo‘lishi prognoz...

Xiaomi Redmi K100 seriyasining yangi flagman smartfonlari — K100 Pro va K100 Pro Max’ni namoyish qildi. Bu haqda ITHome nashri xabar berdi.

Qurilmalar Snapdragon 8 Elite Gen 5 protsessori, 200 megapikselli kamera va katta sig‘imli akkumulyatorlar bilan jihozlangan.

Snapdragon 8 Elite Gen 5 va 185 Gts ekran

Smartfonlarning ikkisi ham Snapdragon 8 Elite Gen 5 protsessorida ishlaydi. Qurilmalar 12 yoki 16 GB LPDDR5X tezkor xotira hamda 256 yoki 512 GB UFS 4.1 doimiy xotira bilan taklif etiladi. Pro Max versiyasida 1 TB xotira varianti ham mavjud.

Redmi K100 Pro 6,59 dyuymli, Pro Max esa 6,9 dyuymli OLED displey...

2026/2027-o‘quv yili uchun akademik litseylarga kirish test sinovi natijalaridan norozi bo‘lgan talabgorlarning apellyatsiya arizalarini ko‘rib chiqish jarayoni boshlandi. Bu haqda Oliy ta’lim, fan va innovatsiyalar vazirligi xabar berdi.

Apellyatsiya 14-avgustda o‘tkaziladi

Test natijasidan norozi bo‘lgan va belgilangan tartibda my.edu.uz platformasi orqali apellyatsiya shikoyati bergan talabgorlarning murojaatlari 14-avgust kuni ko‘rib chiqiladi.

Apellyatsiyada ishtirok etadigan har bir talabgor uchun kelish joyi, sana va aniq vaqt my.edu.uz platformasidagi shaxsiy kabinetida ko‘rsatilgan.

Qanday hujjatlar kerak

Apellyatsiyaga ariza bergan talabgorlar belgilangan vaqtda Bilimni baholash agentligiga borishi kerak.

Bunda ular o‘zi bilan:

Talabgorlar apellyatsiya...

Poytaxtdagi tibbiyot chiqindilarini utilizatsiya qilish tizimi to‘liq quvvatda ishlamayapti. Ayrim tibbiyot muassasalarida xavfli chiqindilar maishiy chiqindilarga qo‘shib tashlangani ham aniqlangan. Bu haqda Ekologiya qo‘mitasi xabar berdi.

Respublika maxsus komissiyasi Toshkentdagi tibbiyot chiqindilarini yig‘ish, olib chiqish va utilizatsiya qilish jarayonlarini o‘rgandi. Tekshiruvlarda ayrim muassasalar xavfli tibbiy chiqindilarni maishiy chiqindilar bilan aralashtirib yuborayotgani, shuningdek ularni poligonlar va buning uchun mo‘ljallanmagan joylarga tashlash holatlari qayd etildi.

Uskunalar 25 foiz quvvatda ishlamoqda

Tibbiyot chiqindilarini zararsizlantirish uchun AQShning Sayar LLC kompaniyasi ishtirokida Sayar green xorijiy korxonasi tashkil etilgan. Loyiha qiymati $115 mlnni tashkil qiladi.

Toshkentda o‘rnatilgan ikkita utilizatsiya uskunasi bir sutkada jami...

Qirg‘izistonning Botken viloyatida firibgarlikda gumon qilingan ikki nafar O‘zbekiston fuqarosi qo‘lga olindi. Bu haqda viloyat IIB matbuot xizmati ma’lumotiga tayanib 24.kg nashri xabar berdi.

Ular plastik rom tayyorlab berishni va’da qilib, mijozlardan pul olgan, biroq buyurtmani bajarmaganlikda gumon qilinmoqda.

Qadamjoy tumani huquq-tartibot idoralari uch yilga yaqin vaqt davomida qidiruvda bo‘lgan ikki erkakning manzilini aniqladi. Ular aka-uka bo‘lib, O‘zbekistonning Farg‘ona viloyatida yashagan.

Buyurtmani bajarmagan

Ish 2021-yilda Oq Turpoq qishlog‘ida yashovchi fuqarolarning murojaatidan so‘ng boshlangan. Ularning aytishicha, aka-ukalar plastik rom tayyorlab berishni va’da qilgan va buning uchun oldindan pul olgan. Biroq kelishilgan ish bajarilmagan.

Tergov natijasida jabrlanuvchilarga yetkazilgan moddiy zarar miqdori...

O‘zbekistonda shaharsozlik sohasidagi nazoratni kuchaytirish taklif etilmoqda. Qonunchilik palatasi bugun, 11-avgust kuni shaharsozlik sohasida nazoratni kuchaytirishga qaratilgan qonun loyihasini birinchi o‘qishda qabul qildi. Bu haqda Oliy Majlis Qonunchilik palatasi xabar berdi. 

Loyiha Shaharsozlik kodeksi hamda «Litsenziyalash, ruxsat berish va xabardor qilish tartib-taomillari to‘g‘risida»gi qonunga o‘zgartirishlar kiritishni nazarda tutadi.

Noqonuniy qurilish uchun jarima oshiriladi

Qonun loyihasida shaharsozlik talablarini qo‘pol ravishda buzganlik uchun javobgarlikni kuchaytirish taklif qilinmoqda.

Jumladan, quyidagi holatlar uchun javobgarlik belgilanishi ko‘zda tutilgan:

AQSh Davlat departamenti prezident Donald Tramp davrida xorijiy fuqarolarga berilgan 175 mingdan ortiq vizani bekor qildi, deya xabar berdi Al Jazeera. Idora ma’lumotiga ko‘ra, aksariyat holatlar jinoyat, viza qoidalarini buzish, firibgarlik va milliy xavfsizlikka tahdidlar bilan bog‘liq.

Vizalar doimiy tekshiruvlar natijasida bekor qilingan

Davlat departamenti vizalar «doimiy tekshiruv» jarayonlari doirasida bekor qilinganini bildirdi. Bu jarayon viza olgan shaxslar AQSh qoidalariga amal qilayotgani va mamlakat xavfsizligiga tahdid solmayotganini nazorat qilishga qaratilgan.

Idora bayonotida AQSh vizasi huquq emas, balki imtiyoz ekani ta’kidlandi.

Asosiy sabablar jinoyatlar va qoidabuzarliklar bo‘lgan

Bekor qilingan vizalarning katta qismi huquqni muhofaza qiluvchi organlar bilan bog‘liq...

Xivada o‘tkazilgan «Qovun sayli» festivali doirasida jahon rekordi o‘rnatildi. 9-avgust kuni 259 kishi bir vaqtning o‘zida 10 dan ortiq qovun navini tatib ko‘rib, ushbu natija Ginnes rekordlari kitobiga kiritildi.

Rekord qanday o‘rnatildi

Rekord «Eng katta qovun degustatsiyasi» nominatsiyasida qayd etilgan. Jarayonni Ginnes rekordlar kitobining Turkiya va Markaziy Osiyo bo‘yicha rasmiy hakami Sheyda Subashi Gemiji kuzatib bordi.

Rekord o‘rnatilganini tasdiqlovchi rasmiy sertifikat ham taqdim etilgan.

Festivalga 186 ming sayyoh tashrif buyurdi

7 – 9-avgust kunlari Xivaning «Ichan qal’a» tarixiy majmuasi va «Arda Xiva» sayyohlik markazida tashkil etilgan festivalga jami 150 ming nafar mahalliy va 36 ming xorijiy sayyoh...

Oliy Majlis Qonunchilik palatasining navbatdagi majlisida fuqarolarni yashash joyi va turgan joyi bo‘yicha ro‘yxatdan o‘tkazish tartibini soddalashtirishga qaratilgan qonun loyihasi ko‘rib chiqildi. Loyihaga ko‘ra, uy-joyga taqiq yoki xatlov qo‘yilgan bo‘lsa ham, mulkdor va uning yaqin qarindoshlarini ushbu manzilda ro‘yxatdan o‘tkazish uchun bank, sud yoki MIB roziligi talab etilmaydi.

Mulkdor o‘z uyida ro‘yxatdan o‘tishi mumkin bo‘ladi

Bugungi kunda ipoteka krediti yoki subsidiya asosida uy sotib olgan ayrim fuqarolar o‘z uyida ro‘yxatdan o‘tishda qiyinchiliklarga duch kelmoqda.

Bu esa farzandlarni maktab yoki bog‘chaga joylashtirish, poliklinikaga biriktirish, pensiya va boshqa ijtimoiy xizmatlardan foydalanishda muammo tug‘dirishi mumkin.

Qonun loyihasi ushbu amaliy muammolarni kamaytirishga...

O‘zbekistondagi musiqa va san’at ta’limi muassasalarida saqlanib qolayotgan tizimli muammolar yuzasidan Madaniyat vaziri Ozodbek Nazarbekovga parlament so‘rovi yuborildi. Bu haqda Oliy Majlis Qonunchilik palatasi xabar berdi. 

Deputatlar hududlardagi o‘rganishlar va ta’lim muassasalaridan kelib tushgan ma’lumotlarni tahlil qilib, qator san’at maktablari binolari kapital ta’mirga muhtojligi, ayrim muassasalarda o‘quvchilar soni loyiha quvvatidan oshib ketgani va malakali pedagoglar yetishmasligini aniqlagan.

Qaysi muammolar aniqlangan?

Termiz, Farg‘ona, Urganch, Samarqand va Navoiy shaharlaridagi ixtisoslashtirilgan san’at maktablari, Andijondagi Sherali Jo‘rayev nomidagi musiqa va san’at oliy maktabi, Toshkentdagi R. Glier nomidagi Respublika ixtisoslashtirilgan san’at maktabi hamda boshqa muassasalar binolari kapital ta’mirga muhtoj ekani aniqlangan.

12-avgust uchun valyutalar kursi yangilandi. Unga ko‘ra, dollar kursi 44,66 so‘mga tushib, 11 889,95 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 5-avgustga kelib AQSh valyutasi pasaya boshladi, shu kuni 7,25 so‘mga tushib, 11 942,21 so‘m, 6-avgustda esa 55,49 so‘mga tushib, 11 886,72 so‘m bo‘ldi. 7-avgust kuni 28,92 so‘mga oshib, 11 915,64 so‘mni, 10-avgust kuni 36,46 so‘mga oshib, 11 952,10 so‘mni, 11-avgust kuni esa 17,49 so‘mga tushib, 11 934,61 so‘mni tashkil etdi. 

Yevro kursida ham tushish kuzatildi. Yevropa valyutasi70,61 so‘mga tushib, 13 717,44 so‘m bo‘ldi. Rossiya...

Eron prezidenti Mas’ud Pezeshkiyon mamlakat oliy rahbari Mojtaba Xomanaiy 9-avgust kuni bo‘lib o‘tgan uchrashuv vaqtida jismonan to‘liq sog‘lom bo‘lganini ma’lum qildi. Bu haqda Eron davlat televideniyesi IRIB xabar berdi. 

Xomanaiy bilan uchrashuv

Pezeshkiyonning so‘zlariga ko‘ra, u Xomanaiy bilan 9-avgust kuni uchrashgan va suhbat 7-8 soat davom etgan.

Uchrashuv davomida Eronning harbiy va iqtisodiy sohalaridagi vaziyat, mamlakat xavfsizligi hamda AQSh bilan bog‘liq masalalar muhokama qilingan.

Xomanaiy haqida mish-mishlar

Xomanaiyning Pezeshkiyon bilan uchrashuvi uning sog‘lig‘i haqidagi turli xabarlar fonida bo‘lib o‘tgan.

Avvalroq Mojtaba Xomanaiyning videosi tarqalgan edi. Keyinchalik ushbu tasvirlar eski ekani, video u...

Toshkentda Bunyodkor ko‘chasining qo‘shimcha yo‘l bo‘lagi vaqtincha yopildi. Shu sabab 41, 77, 116 va 118-sonli avtobuslar ta’mirlash ishlari yakunlangunga qadar o‘zgartirilgan yo‘nalish bo‘yicha harakatlanadi. Bu haqda Toshkent shahar transport bosh boshqarmasi xabar berdi.

Bunyodkor ko‘chasining Qatortol-2 ko‘chasidan So‘galli ota ko‘chasigacha bo‘lgan qo‘shimcha yo‘l bo‘lagi kommunal tarmoqlarda ta’mirlash ishlari sabab yopilgan. Yo‘l ta’mirlash ishlari yakunlangunga qadar yopiq bo‘ladi.

Avtobuslar yo‘nalishi

41 va 118-sonli avtobuslar «Chilonzor» buyum bozori tomon harakatlanganda Qatortol, Zargarlik, Qatortol-2 ko‘chalari hamda Bunyodkor ko‘chasining asosiy yo‘li orqali qatnaydi.

77-sonli avtobus «Chilonzor 25-dahasi» tomon Kichik halqa yo‘li, Qatortol, Zargarlik, Qatortol-2, Al-Xorazmiy va Katta Xirmontepa ko‘chalari orqali harakatlanadi.

116-sonli...

Toshkentdagi «Paxtakor» stadioni oldidagi yodgorlik va Botkin qabristonida 1979-yilda hayotdan ko‘z yumgan «Paxtakor» jamoasi vakillarini xotirlash tadbirlari o‘tkazildi.

Unda futbol jamoatchiligi, mutaxassislar, faxriylar, klub rahbariyati va asosiy tarkib vakillari, muxlislar hamda yosh futbolchilar ishtirok etdi. Tadbirlar davomida «Paxtakor-79» jamoasi vakillarining xotirasi yodga olindi.

«Paxtakor-79» fojiasi

1979-yil 11-avgust kuni «Paxtakor» futbol jamoasi Minsk yaqinida samolyot halokatiga uchragandi. «Paxtakor» futbolchilari Toshkentdan Minskka uchayotgan edi. Jamoa a’zolari bo‘lgan samolyot boshqa yo‘lovchi samolyoti bilan havoda to‘qnashib ketgan.

Halokat oqibatida «Paxtakor»ning asosiy tarkibidagi 17 nafar futbolchi, murabbiylar va klub vakillari bilan birga jami 178 kishi halok bo‘lgan.

Fojia o‘zbek futboli tarixidagi eng...

Telegram 2026-yil 10-avgust kuni 101 205 ta kanal va guruh faoliyatini chekladi. Bu haqda «RIA Novosti» xabar bermoqda.

Ushbu ko‘rsatkich 5-avgustdan beri bir sutka ichida bloklangan hamjamiyatlar soni yana 100 mingdan oshganini anglatadi. Telegram statistikasi bo‘yicha, 5-avgust kuni ham 102 278 ta kanal va guruh bloklangan edi.

Avgust boshidan 834 mingdan ortiq hamjamiyat bloklandi

2026-yil avgust oyi boshidan buyon Telegram jami 834 113 ta kanal va guruhni bloklagan. Platforma ma’lumotiga ko‘ra, shundan 4 608 tasi terrorizm bilan bog‘liq deb topilgan hamjamiyatlar hissasiga to‘g‘ri keladi.

Yil boshidan buyon esa Telegram tomonidan bloklangan kanal va guruhlar soni 22,59 mln taga...

OpenAI hozirgi va sobiq xodimlaridan qariyb $7 mlrdlik aksiyalarni qayta sotib oldi. Bloomberg ma’lumotiga ko‘ra, ushbu bitim doirasida kompaniya $852 mlrdga baholangan va bu ko‘rsatkich mart oyidagi moliyalashtirish raundidan beri o‘zgarmagan.

CNBC ma’lumotiga ko‘ra, OpenAI aksiyalarni qayta sotib olish taklifini 2026-yil mart oyida rekord darajadagi $122 mlrdlik moliyalashtirish raundidan keyin tayyorlay boshlagan.

Bu safar xaridor sifatida OpenAI’ning o‘zi qatnashgan. Kompaniya bitimga tashqi investorlarni jalb qilmagan.

Xodimlar IPOdan oldin aksiyalarini sotmoqda

Aksiyalarni sotish OpenAI’ning hozirgi va sobiq xodimlariga kompaniya birjaga chiqishidan oldin daromad olish imkonini beradi.

OpenAI avval ham shunday bitimlarni o‘tkazgan. 2024-yilda xodimlar $1,5 mlrdlik, 2025-yil...

AQSh prezidenti Donald Tramp Erondan so‘nggi 50 yil davomida urushlar, hujumlar va norozilik namoyishlari oqibatida yetkazilgan zarar hamda insonlar o‘limi uchun tovon to‘lashni talab qildi. Bu talab Tehron bilan Hormuz bo‘g‘ozini qayta ochish bo‘yicha muzokaralarni yanada murakkablashtirishi mumkin.

Trampning talabi Eronning AQShdan kompensatsiya to‘lash, sanksiyalarni bekor qilish va harbiy tahdidlarni to‘xtatish haqidagi shartlariga javoban ilgari surildi. Tehron bu talablar bajarilmaguncha Hormuz bo‘g‘ozini to‘liq ochmasligini bildirmoqda.

Norozilik namoyishlarida qariyb 52 ming kishi o‘ldirgani da’vo qilindi

Trampning so‘zlariga ko‘ra, tovon AQSh harbiylari va boshqa mojarolarda halok bo‘lgan yoki og‘ir jarohatlangan shaxslar bilan bog‘liq zararlarni ham qamrab olishi kerak.

AQSH prezidenti...

10-avgust holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,1 foizdan 21,3 foizga oshdi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 22,2 foizni, yuridik shaxslar ulushi ham 22,3 foizni ko‘rsatmoqda.

Bunda eng past avtokredit stavkasi «BRB» tomonidan taklif qilingan bo‘lib, 18,7 foizni tashkil etdi. Bungacha ham eng kam foiz «BRB» (18,1%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda: