Yangiliklar

Braziliyada ishlab chiqarilishi to‘xtatilgan Chevrolet Cobalt va Prisma 2026-yilda ham ikkilamchi bozorda kundalik foydalanish uchun maqbul avtomobillar qatoriga kiritildi. NaPista ekspertlari Cobalt’da keng salon va katta yukxonani, Prisma’da esa sodda tuzilish va xizmat ko‘rsatish qulayligini asosiy ustunlik sifatida qayd etdi.

NaPista ishlab chiqarilishi to‘xtatilgan, biroq ikkilamchi bozorda hali ham amaliy tanlov bo‘lib qolayotgan 10 ta avtomobil ro‘yxatini tuzdi. Unda Chevrolet’ning ikki modeli — Cobalt va Prisma ham bor.

Cobalt — keng salon va katta yukxona uchun

Nashr Chevrolet Cobalt’ni ko‘proq joy talab qiladigan xaridorlar uchun oqilona tanlov deb atadi.

Modelning asosiy ustunligi sifatida keng salon, katta yukxona hamda...

2026-yil yanvar – iyun oylarida O‘zbekistonda o‘rtacha oylik ish haqi 7,1 mln so‘mni tashkil etdi. Nominal ish haqi bir yil ichida 18,4 foizga, inflyatsiya hisobga olingan real ish haqi esa 10,9 foizga oshdi. Bu haqda Markaziy bankning 2026-yil II chorak uchun mehnat bozori sharhida ma’lum qilindi.

Ish izlovchilar o‘rtasida raqobat kuchaydi

II chorakda biznes subyektlari e’lon qilgan bo‘sh ish o‘rinlari soni o‘tgan yilning shu davriga nisbatan 9,8 foizga kamaydi. Pasayish asosan chakana savdo, ishlab chiqarish va boshqa yo‘nalishlar hissasiga to‘g‘ri kelgan.

Shu bilan birga, hh.uz ma’lumotlari asosidagi hisob-kitoblarga ko‘ra, faol rezyumelar soni yillik hisobda 17,6 foizga oshgan...

O‘zbekistonda banklar kredit reklamasida qarzni o‘z vaqtida to‘lamaslik oqibatlari haqida majburiy ogohlantirish berishi kerak bo‘ladi. Shuningdek, bunday ogohlantirish kredit shartnomasining birinchi sahifasida ham joylashtiriladi. Markaziy bank boshqaruvining tegishli qarori Adliya vazirligida 2026-yil 30-sentabrda 3948-son bilan davlat ro‘yxatidan o‘tkazildi. Hujjat rasmiy e’lon qilingan kundan bir oy o‘tib kuchga kiradi.

Kredit reklamasining kamida 10 foizi ogohlantirishga ajratiladi

Yangi talablarga ko‘ra, bank kredit reklamasida qarz majburiyatlarini o‘z vaqtida bajarmaslik moliyaviy xatarlarga olib kelishi mumkinligi haqida ogohlantirish berishi kerak.

Ogohlantirish reklamaning asosiy maydoni yoki davomiyligining kamida 10 foizini egallashi lozim. Talab bosma va internet reklamalaridan tashqari video hamda audio reklamalarga ham...

Farg‘ona viloyatining Uchko‘prik tumanida avtomobillarga gaz to‘ldirish kompressor shoxobchasida tabiiy gazdan noqonuniy foydalanish holati aniqlandi. Bu haqda «O‘zenergoinspeksiya» ma’lum qildi.

Nazorat tadbiri «O‘zenergoinspeksiya» va «Hududgaz Farg‘ona» gaz ta’minoti filiali hamkorligida o‘tkazilgan.

Hisoblagich gaz sarfini qayd etmagan

Tekshiruv davomida «R. P.» MCHJga qarashli avtomobillarga gaz to‘ldirish kompressor shoxobchasidagi hisoblash uskunasi tabiiy gaz sarfini hisoblamayotgani aniqlangan.

Gaz ta’minoti korxonasining dastlabki hisob-kitoblariga ko‘ra, ushbu qoidabuzarlik natijasida 9 mlrd 187 mln so‘mlik zarar yetkazilgan.

Holat yuzasidan tegishli tartibda choralar ko‘rilmoqda.

Avvalroq Kursiv Uzbekistan nashri Farg‘onada ETK muhandisi 3 mln so‘m bilan ushlangani haqida yozgan edi.

Samarqand shahrida umra ziyoratini tashkil etish vakolatiga ega bo‘lmagan shaxs fuqarolarni Saudiya Arabistoniga yuborishni va’da qilib, pul olayotgan vaqtida ushlandi. Bu haqda Davlat xavfsizlik xizmati ma’lum qildi.

To‘rt nafar fuqaroga umra safarini va’da qilgan

Ma’lumotlarga ko‘ra, 1956-yilda tug‘ilgan va avval firibgarlik bilan bog‘liq jinoyat uchun sudlangan shaxs Oqdaryo tumanida yashovchi to‘rt nafar fuqaroga umra ziyoratini tashkil etib berishni va’da qilgan.

U buning evaziga jami $4,8 ming talab qilgani aytilmoqda.

Davlat xavfsizlik xizmati hamda Samarqand viloyati Ichki ishlar boshqarmasi xodimlari hamkorligida o‘tkazilgan tezkor tadbir davomida shaxs oldindan $3 ming olayotgan vaqtida ashyoviy dalillar bilan ushlangan.

Jinoyat ishi qo‘zg‘atildi

Samsung kompaniyasi Yevropada Samsung Galaxy S26 turkumidagi smartfonlarning rasmiy narxlarini oshirdi. Bu haqda GSMArena nashri xabar bermoqda.

Galaxy S26, Galaxy S26+ va Galaxy S26 Ultra modellari odatda sotuv boshlanganidan bir necha oy o‘tib arzonlashishi kutiladigan davrda aksincha qimmatlashdi.

Galaxy S26 100 yevroga qimmatlashdi

Galaxy S26’ning 256 Gb xotirali versiyasi 1 000 yevrodan 1 100 yevroga qimmatlashdi. 512 Gb xotirali variant narxi esa 1 200 yevrodan 1 300 yevroga oshdi.

Galaxy S26+ narxi ham oshdi

Galaxy S26+’ning 256 Gb xotirali versiyasi endi 1 350 yevro turadi. 512 Gb xotirali variant narxi esa 1 550 yevroga yetdi. Har ikki...

Centrum Air aviakompaniyasi 28-sentabrdan Toshkent – Haydarobod – Toshkent yo‘nalishida muntazam parvozlarni boshladi. Reyslar haftasiga ikki marta Airbus A320neo samolyotlarida amalga oshirilmoqda. Bu Janubiy Hindiston va Markaziy Osiyo o‘rtasidagi ilk to‘g‘ridan to‘g‘ri havo yo‘nalishi bo‘ldi. Bu haqda «Dunyo» AA xabar berdi.

Yangi yo‘nalish O‘zbekiston va Hindiston o‘rtasidagi turizm, biznes va boshqa sohalardagi aloqalarni kengaytirish imkoniyatlarini oshirishi kutilmoqda.

Haydarobod Centrum Air’ning Hindistondagi ikkinchi yo‘nalishiga aylandi

Haydarobod Centrum Air uchun Hindistondagi Dehlidan keyingi ikkinchi yo‘nalish bo‘ldi.

Yangi reys nafaqat Janubiy Hindiston aholisi uchun O‘zbekistonga to‘g‘ridan to‘g‘ri borish imkonini beradi, balki Toshkent orqali Markaziy Osiyo, MDH, Yaqin...

Farg‘ona viloyatining Qo‘shtepa tumanida elektr ta’minoti korxonasi muhandisi 3 mln so‘m olayotgan vaqtda ushlangan. Bu haqda Bosh prokuratura huzuridagi Departament ma’lum qildi.

Tezkor tadbir Departamentning Qo‘shtepa tumani bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan.

Dalolatnomani yo‘q qilish uchun pul so‘ragan

Tergov ma’lumotlariga ko‘ra, Qo‘shtepa tumani ETK muhandisi Xumdon mahallasidagi issiqxonaning umumiy foydalanishdagi elektr tarmog‘iga hisoblagichdan tashqari ulanganligi yuzasidan tuzilgan dalolatnomani yo‘q qilib berishni va’da qilgan.

Buning evaziga u 3 mln so‘m olgan vaqtida ashyoviy dalillar bilan ushlangan.

Jinoyat ishi qo‘zg‘atildi

Holat yuzasidan Jinoyat kodeksining 25 va 168-moddalari bilan jinoyat ishi qo‘zg‘atilgan. Hozirda tergov harakatlari...

Odam savdosida gumonlanib, xalqaro qidiruvga berilgan O‘zbekiston fuqarosi Turkiyaning Istanbul shahrida qo‘lga olindi. 1981-yilda tug‘ilgan N.E. O‘zbekiston va Turkiya huquqni muhofaza qiluvchi organlarining hamkorligidagi tezkor-qidiruv tadbirlari davomida aniqlangan. Bu haqda O‘zbekiston Respublikasining Istanbul shahridagi Bosh konsulxonasi xabar berdi.

Huquqni muhofaza qiluvchi organlar ma’lumotiga ko‘ra, N.E. O‘zbekiston Jinoyat kodeksining 135-moddasi 3-qismi (odam savdosi) bilan ayblanib, xalqaro qidiruvda bo‘lgan.

Yosh qizlarni ish va’dasi bilan Turkiyaga olib kelgani aytilmoqda

Tergov ma’lumotlariga ko‘ra, N.E. yosh qizlarni yuqori maoshli ish bilan ta’minlashni va’da qilib, ularni Turkiyaga olib kelgan. Shundan so‘ng qizlarning pasportlarini olib qo‘yib, ularni ekspluatatsiya qilganlikda gumon qilinmoqda. Uzoq vaqt davomida qidiruvda...

O‘zbekistonning jami tashqi qarzi 2026-yilning birinchi yarmida 1,9 mlrd dollarga oshib, 84,1 mlrd dollarga yetdi. Bir yil ichida tashqi qarz qariyb 12 mlrd dollarga yoki 16,5 foizga ko‘paygan. Bu haqda Markaziy bankning to‘lov balansi va tashqi qarz bo‘yicha hisobotida ma’lum qilindi.

Jami tashqi qarzning 41,7 mlrd dollari davlat sektori, 42,4 mlrd dollari esa korporativ sektor hissasiga to‘g‘ri keladi.

Savdo defitsiti 13,4 mlrd dollarga yetdi

2026-yilning birinchi yarmida tashqi savdoda 13,4 mlrd dollarlik manfiy saldo qayd etilgan. Natijada joriy operatsiyalar hisobidagi defitsit 6,2 mlrd dollarni tashkil qilgan.

Hisobot davrida umumiy eksport 8,6 foizga kamayib, 15,4 mlrd dollarga...

O‘zbekistonlik grossmeyster Javohir Sindarov shaxmat bo‘yicha Jahon olimpiadasidagi g‘alabadan so‘ng kelajakdagi rejalari haqida gapirdi. U to‘y haqidagi savolga hazil aralash javob berib, avval jahon tojini qo‘lga kiritishni maqsad qilganini aytdi.

«To‘y oldidan jahon tojini olish kerak», – dedi Sindarov.

Boshim osmonga yetdi — Sindarov

Grossmeyster taqdirlash marosimidan keyingi taassurotlari bilan ham o‘rtoqlashdi.

«Juda xursandman. Bugun boshim osmonga yetdi. To‘g‘risi, bunday taqdirlashni kutmagandik. Taassurotlarimni hatto so‘z bilan ifodalash qiyin», – dedi u.

Sindarov: Dunyodagi eng kuchli jamoalarni yengdik

Sindarovning aytishicha, Olimpiada oson kechmagan. Musobaqada dunyoning eng kuchli terma...

2027/2028-o‘quv yili uchun Amir Temur nomidagi O‘zbekiston Davlat xavfsizlik xizmati akademiyasiga bakalavriatning kunduzgi ta’lim shakli bo‘yicha nomzodlarni dastlabki saralash uchun ro‘yxatdan o‘tish boshlandi.

Bilim va malakalarni baholash agentligiga ko‘ra, talabgorlar saralash test sinovlarida qatnashish uchun 1-oktabrdan 20-oktabrgacha onlayn ariza topshirishi mumkin.

Ro‘yxatdan o‘tish my.uzbmb.uz orqali

DXX akademiyasiga kirish istagidagi nomzodlar my.uzbmb.uz sayti orqali ro‘yxatdan o‘tadi.

Arizalar 20-oktabr kuni ham qabul qilinadi.

Shuningdek, o‘qing: Oliy ta’limdan keyingi ta’lim uchun qabul boshlandi

Nomzodlarga qo‘yiladigan talablar

Nomzodlarni saralash Vazirlar Mahkamasining 2021-yil 27-apreldagi 241-son qaroriga muvofiq amalga oshiriladi.

Talabgorlar ushbu qaror bilan tasdiqlangan...

O‘zbekistonning so‘mda ifodalangan suveren xalqaro obligatsiyalari 30-sentabrdan J.P. Morgan’ning Government Bond Index – Emerging Markets (GBI-EM) indeksiga kiritildi. Bu indeksdan $300 mlrddan ortiq aktivlarni boshqaradigan xalqaro investorlar foydalanadi. Shu sababli O‘zbekiston obligatsiyalarining indeksga qo‘shilishi so‘mdagi davlat qimmatli qog‘ozlarining xorijiy investorlar uchun ko‘rinishini oshirishi mumkin. Bu haqda Freedom Broker Uzbekistan xabar berdi.

O‘zbekiston shu tariqa MDH davlatlari orasida milliy valyutadagi suveren obligatsiyalari GBI-EM tarkibiga kiritilgan yagona mamlakatga aylandi.

Indeksga qaysi obligatsiyalar kiritildi

Gap 2026-yilda joylashtirilgan uch yillik suveren xalqaro obligatsiyalar haqida bormoqda. Ularning umumiy hajmi $1 mlrd yoki 12,2 trln so‘m, yillik foiz stavkasi esa 12,25 foizni...

Ugreen kompaniyasi iPhone 17 Pro va iPhone 18 Pro uchun yangi Magic Ink Case 8.0 g‘ilofini taqdim etdi. Bu haqda Mydrivers nashri xabar bermoqda.

Qurilmaning asosiy xususiyati – orqa panelga o‘rnatilgan 3,7 dyuymli rangli E Ink ekran. Modelning boshlang‘ich narxi 278,8 yuan yoki qariyb $40 ni tashkil qiladi.

Ekran olti rangni ko‘rsatadi

Magic Ink Case 8.0 E Ink Spectra 6 texnologiyasidan foydalanadi. Displey olti xil rangni, jumladan, ko‘k va yashil ranglarni ham aks ettira oladi.

Ishlab chiqaruvchiga ko‘ra, bu to‘rt rangli E Ink ekranlariga nisbatan rang o‘tishlarini 50% ga ko‘paytiradi.

Statik tasvir ekranda doimiy quvvat sarfisiz saqlanib qoladi...

O‘zbekistonda dual ta’lim shaklida kadrlar tayyorlashda korxonalar ishtirokini rag‘batlantirish bo‘yicha yangi imtiyozlar joriy etiladi. Bu haqda Adliya vazirligi xabar berdi.

2027-yil 1-yanvardan boshlab muhandislik, ishlab chiqarish va ishlov berish, arxitektura va qurilish hamda qishloq xo‘jaligi yo‘nalishlarida dual ta’limda tahsil olayotgan talabalar uchun korxonalar to‘lagan ish haqi xarajatlarining 50% o‘quv yili yakunida subsidiya shaklida qoplanadi.

Korxonalarga qo‘shimcha ball beriladi

Dual ta’limga talabalarni qabul qilgan korxonalarga ularning soniga mutanosib ravishda «Tadbirkorlik subyektlarining barqarorlik reytingi» platformasida qo‘shimcha ball beriladi.

Bu korxonalarni talabalarni amaliyotga jalb qilish va ularni bevosita ish jarayonida tayyorlashga rag‘batlantirishga qaratilgan.

Bojxona boji 1% etib belgilanadi

Korxonalar oliy...

Toyota 2027-yilgi Grand Highlander Hybrid modelining yangi Woodland Edition versiyasini taqdim etdi. U standart to‘liq uzatma, yo‘ltanlamas shinalar va oshirilgan klirens bilan jihozlangan.

Model Grand Highlander gibrid qatoriga qo‘shimcha versiya sifatida qo‘shiladi va yil oxirigacha dilerlik markazlariga yetib borishi kutilmoqda.

245 ot kuchiga ega gibrid tizim

Woodland Edition faqat 2,5 litrli gibrid kuch qurilmasi bilan taklif etiladi. Tizimning umumiy quvvati 245 ot kuchini tashkil qiladi.

Bu ko‘rsatkich 362 ot kuchiga ega Hybrid MAX versiyasidan past. Toyota yangi versiyada quvvatdan ko‘ra, yo‘ldan tashqarida foydalanish imkoniyatlarini oshirishga urg‘u bergan.

Woodland Edition 3 500 funtgacha, ya’ni qariyb 1,6 tonna yuk tirkash...

Prezident Administratsiyasi rahbari Saida Mirziyoyeva AQSh prezidenti Donald Tramp bilan uchrashdi. U uchrashuv davomida O‘zbekiston prezidenti Shavkat Mirziyoyevning samimiy va ezgu tilaklarini yetkazganini ma’lum qildi.

«AQSh prezidenti Donald Tramp bilan uchrashish hamda O‘zbekiston prezidenti Shavkat Mirziyoyevning samimiy va ezgu tilaklarini yetkazish men uchun katta sharafdir», – dedi Mirziyoyeva.

O‘zbekiston va AQSh aloqalari faollashmoqda

So‘nggi oylarda O‘zbekiston va AQSh o‘rtasidagi siyosiy, savdo-iqtisodiy va investitsiyaviy hamkorlik sezilarli faollashdi.

2026-yil 7-avgust kuni Shavkat Mirziyoyev va Donald Tramp telefon orqali muloqot qilib, strategik sheriklikni yanada rivojlantirish istiqbollarini muhokama qilgan edi. Tomonlar uch yillik iqtisodiy hamkorlik dasturi, Amerika...

Turkiyalik aktrisa Afra Sarachog‘luning giyohvandlik moddalari bo‘yicha tekshiruv natijalari tergov materiallariga kiritildi. Uning soch tolasi tahlilida ijobiy natija qayd etilgan, biroq qon va siydik tahlillari toza chiqqan. Aktrisa buni tashqi ta’sir yoki tasodifiy kontakt bilan izohladi.

T24 ma’lumotiga ko‘ra, Sarachog‘lu giyohvand moddalar bilan bog‘liq tergov doirasida xorijdan qaytgach, Istanbul aeroportida ushlangan.

Aktrisa tergov haqida xabar topgach, xorijdagi safarini to‘xtatib, o‘z xohishi bilan Turkiyaga qaytganini bildirgan.

«Qon va siydik tahlilim toza chiqdi»

Shuningdek, o‘qing: «Chuqur» yulduzi narkotik ishi bo‘yicha qo‘lga olindi

Sarachog‘lu uyida o‘tkazilgan tintuv vaqtida noqonuniy modda yoki jinoyatga aloqador buyum topilmaganini...

O‘zbekistonda 2027/28-o‘quv yilidan boshlab ayrim abituriyentlar ish beruvchi korxonalar buyurtmasi asosida oliygohlarga testsiz, suhbat orqali qabul qilinadi. Yangi tizim dastlab 75 ta oliy ta’lim muassasasida joriy etiladi. Bu haqda prezident Shavkat Mirziyoyevning ustoz va murabbiylar bilan uchrashuvida ma’lum qilindi. 

Nomzodlarni korxonalar tanlaydi

Yangi tizimda korxonalar o‘zlariga zarur mutaxassislarni tayyorlash uchun oliygohlarga buyurtma beradi. Nomzodlar ish beruvchi tomonidan tanlab olinadi va suhbat asosida o‘qishga qabul qilinadi.

Dual ta’lim shaklida qabul qilinadigan bakalavriat yo‘nalishlari va o‘rinlar soni har yili 1-sentabrga qadar oliy ta’lim tashkilotlari tomonidan belgilanadi.

Qabul ish beruvchi korxonaning buyurtmasi asosida to‘lov-kontrakt shaklida amalga oshiriladi. O‘qish OTM...

Oliy Majlis Senati 2-oktabr kuni bolalarni zo‘ravonlikning barcha shakllaridan himoya qilishga qaratilgan qonunni ma’qulladi. Hujjat 14 yoshga to‘lmagan bolalarga nisbatan jinsiy jinoyatlar uchun 25 yilgacha yoki umrbod ozodlikdan mahrum qilish jazosini belgilashni nazarda tutadi. Qonun endilikda prezident imzosiga yuboriladi.

2022 – 2025-yillarda 14 yoshgacha bo‘lgan bolalarga qarshi 805 ta ish qo‘zg‘atilgan

Senat majlisida keltirilgan ma’lumotlarga ko‘ra, Jinoyat kodeksining 118-moddasi 4-qismi (14 yoshga to‘lmagan shaxsning nomusiga tegish) bo‘yicha 2022-yilda 85 ta, 2023-yilda 108 ta, 2024-yilda 129 ta va 2025-yilda 123 ta jinoyat ishi qo‘zg‘atilgan.

Jinoyat kodeksining 119-moddasi 4-qismi bo‘yicha esa shu davrda 144 ta, 163 ta, 170 ta...

O‘zbekiston Yevropa Ittifoqi bilan boshpana berish rad etilgan migrantlarni qabul qilish markazlarini ochish bo‘yicha muzokara olib bormayapti. Bu haqda Kursiv Uzbekistan’ga O‘zbekiston Tashqi ishlar vazirligi matbuot xizmati ma’lum qildi.

Joriy yil sentabr oyi oxirida Politico xabar berishicha, Gretsiya, Daniya, Avstriya, Germaniya va Niderlandiya («Asosiy guruh») Yevropa Ittifoqida boshpana berish rad etilgan migrantlarni ittifoq hududidan chiqarib yuborish tashabbusini qo‘llab-quvvatlamoqda. Loyihani tajriba tariqasida kelasi yilning birinchi yarmida ishga tushirish rejalashtirilgan.

«Agar sizga boshpana berish rad etilgan bo‘lsa, siz yoki o‘z mamlakatingizga qaytasiz, yoki Yevropa Ittifoqidan tashqaridagi uchinchi davlatga yuborilasiz», – dedi Gretsiya migratsiya vaziri Tanos Plevris.

O‘zbekistonda 2027/2028 o‘quv yilidan boshlab oliy ta’limda ish beruvchi korxonalar buyurtmasi asosida, bitiruvchini ishga qabul qilish sharti bilan dual ta’lim orqali kadrlar tayyorlash tizimi joriy etiladi. Talabalar o‘qish davrida korxonadan mehnatga haq to‘lashning eng kam miqdoridan kam bo‘lmagan ish haqi oladi. Bu prezidentning «Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari to‘g‘risida»gi farmonida belgilandi. Hujjat 2026-yil 29-sentabrda qabul qilingan.

Korxona bo‘lajak xodimiga buyurtma beradi

Yangi tizimda talabalarni tayyorlash OTM, ish beruvchi korxona va talaba o‘rtasida tuziladigan shartnoma asosida tashkil etiladi.

Dual ta’lim shaklida qaysi bakalavriat yo‘nalishlariga talabalar qabul qilinishi va qabul parametrlari Oliy ta’lim, fan...

O‘zbekistonda yil boshidan beri bir qator asosiy energetika resurslarini qazib olish kamaydi. Milliy statistika qo‘mitasi ma’lumotlariga ko‘ra, yanvar – avgust oylarida 24,2 mlrd kub metr tabiiy gaz qazib olindi. Bu o‘tgan yilning shu davridagiga nisbatan 16,3% kam.

Shuningdek, neft qazib olish 2,2% ga kamayib, 425 ming tonnani, gaz kondensati esa 14,8% ga qisqarib, 648,3 ming tonnani tashkil etdi. Ko‘mir qazib olish ham 10,2% ga tushib, 4,4 mln tonnaga yetdi.

Benzin va dizel ishlab chiqarish oshdi

Shu bilan birga, avtomobil benzini ishlab chiqarish 4,6% ga oshib, 811,3 ming tonnaga yetdi. Biroq bu ko‘rsatkich 2024-yil darajasidan 9,7% pastligicha qolmoqda. Dizel...

O‘zbekistonlik bokschi To‘rabek Habibullayev Aichi-Nagoyada o‘tkazilayotgan Osiyo o‘yinlarida oltin medalni qo‘lga kiritdi. U final jangida Xitoy vakili Xuejen Xanni mag‘lub etdi.

2-oktabr kuni boks bahslarida final bellashuvlari boshlandi. -90 kg vazn toifasida ringga ko‘tarilgan To‘rabek Habibullayev xitoylik Xuejen Xanniga qarshi jang o‘tkazdi.

O‘zbekiston vakili finalda raqibiga imkon qoldirmay, Osiyo o‘yinlari chempioniga aylandi. Ushbu oltin medal O‘zbekiston delegatsiyasi uchun musobaqadagi 17-oltin bo‘ldi.

O‘zbekistonning yana ikki bokschisi finalda

To‘rabek Habibullayevning g‘alabasidan so‘ng O‘zbekiston delegatsiyasi hisobidagi oltin medallar soni 17 taga yetdi. Mamlakat sharafini himoya qilayotgan yana ikki nafar bokschi ham Osiyo o‘yinlarining final bahslarida ishtirok etadi.

O‘zbekiston medallar...