Yangiliklar

Toshkent viloyatining Zangiota tumanida 175 MVt quvvatga ega elektr energiyasini saqlash tizimi tarmoqqa ulandi. Energetika vazirligi ma’lumotiga ko‘ra, yangi obyekt $85 mlnlik xorijiy investitsiya hisobiga barpo etilgan.

Tizim sentabr oxirigacha to‘liq quvvatda ishlaydi

Energetika vaziri Sherzod Xodjayev 4-sentabr kuni mazkur obyektga tashrif buyurib, energiya saqlash tizimini ishga tushirish va elektr tarmog‘iga ulash jarayoni bilan tanishdi.

Hozirda tizim tarmoqqa ulangan. Uni sentyabr oyi yakuniga qadar to‘liq quvvatda ishlatish rejalashtirilgan.

Elektr tarmog‘ini tig‘iz vaqtlarda barqarorlashtiradi

Yangi energiya saqlash tizimining asosiy vazifasi elektr energiyasiga talab yuqori bo‘ladigan tig‘iz soatlarda tarmoq yuklamasini barqarorlashtirishdan iborat.

Tizim elektr energiyasini oldindan zaxiralab, talab oshgan...

Nufuzli BoxRec portali havaskor erkak bokschilar o‘rtasidagi yangilangan pound-for-pound reytingini e’lon qildi. Unda O‘zbekistonning to‘rt nafar vakili dunyoning eng kuchli o‘n nafar havaskor bokschisi qatoridan joy oldi.

Reytingning eng yuqori pog‘onasini o‘zbekistonlik Abdumalik Xalokov egalladi. Shuningdek, Fazliddin Erkinboyev beshinchi, To‘rabek Habibullayev sakkizinchi, Asadxo‘ja Mo‘ydinxo‘jayev esa o‘ninchi o‘rindan joy oldi.

Abdumalik Xalokov reyting yetakchisi

26 yoshli Abdumalik Xalokov BoxRec’ning erkak havaskor bokschilar o‘rtasidagi umumiy reytingida birinchi o‘rinni egallab turibdi.

Toshkentlik bokschi yengil vazn toifasida jang qiladi. BoxRec ma’lumotlariga ko‘ra, uning havaskor boksdagi rekordi 101 ta g‘alaba, 11 ta mag‘lubiyat va durangsiz natijani tashkil etadi.

Xalokovning so‘nggi oltita jangidagi natijalari...

Toyota Avstraliyada Toyota Land Cruiser 250 va Land Cruiser 300 yo‘ltanlamaslari uchun qo‘shimcha o‘g‘irlikka qarshi himoya tizimini taqdim etdi. Bu haqda Carcoops nashri xabar bermoqda.

Yangi elektron immobilayzer avtomobilning standart xavfsizlik tizimidan mustaqil ishlaydi va mashinani olib qochishni qiyinlashtirishga mo‘ljallangan.

Biroq bunday qo‘shimcha himoya arzon emas. Toyota yangi tizimni o‘rnatish bilan birga 1260 dollarga taklif qilmoqda.

Dvigatel maxsus breloksiz ishga tushmaydi

Yangi tizim avtomobilning zavod immobilayzeridan alohida ishlaydi. Agar qo‘shimcha tizimning elektron breloki avtomobil yaqinida bo‘lmasa, dvigatelni ishga tushirishning imkoni bo‘lmaydi.

Bu shuni anglatadiki, avtomobilni o‘g‘irlashga uringan shaxs faqat zavod xavfsizlik tizimini chetlab o‘tish bilan cheklanib qolmaydi. U...

AQSh prezidenti Donald Tramp Kanada bilan savdo ziddiyatlari kuchayib borayotgan bir paytda mamlakatdan olib kiriladigan ayrim mahsulotlarga 50 foizlik boj va bir qator tovarlarga import taqiqini joriy etishini e’lon qildi. Bu qaror Kanada AQSh mahsulotlariga javob tariflarini kuchga kiritganidan bir kun o‘tib qabul qilindi.

Yangi cheklovlar Kanada sut mahsulotlari, mototsikllar va alkogolli ichimliklarini AQSh bozoriga olib kirishni taqiqlashni, ayrim boshqa mahsulotlarga esa 50 foizlik boj qo‘llashni nazarda tutadi.

Import taqiqi 29-sentabrdan kuchga kiradi

Oq uy ma’lumotiga ko‘ra, Kanada sut mahsulotlari, mototsikllari va alkogolli ichimliklarini import qilishga qo‘yiladigan taqiq 29-sentabrdan kuchga kirishi rejalashtirilgan.

Bundan tashqari, Tramp Kanadadan olib kelinadigan...

Honor Xitoyda yangi Magic 9 flagman smartfonlari uchun oldindan buyurtmalarni ochdi. IT Home’ga ko‘ra, eng kuchli Magic 9 Pro Max modeli ikkita 200 megapikselli kamera va 500 mm ekvivalent fokus masofasiga ega telekonverter bilan jihozlanadi.

Smartfonlarning to‘liq taqdimoti 28-sentabr kuni Pekinda bo‘lib o‘tadi. Hozircha kompaniya, asosan, Magic 9 Pro Max’ning kamera imkoniyatlarini oshkor qilgan.

Magic 9 Pro Max’ning asosiy kamerasi 200 megapikselli 1/1,28 dyuymli sensor bilan jihozlanadi. Obyektiv diafragmasi f/1,57 bo‘ladi. Shuningdek, harakat paytida va uzoq ekspozitsiyada suratga olish sifatini yaxshilash uchun kuchli stabilizatsiya tizimi qo‘llanadi.

Periskop kamera ham 200 MP

Ikkinchi 200 megapikselli kamera periskop teleobyektiv bilan...

Sirdaryo viloyatida obodonlashtirish boshqarmasi mas’ul shaxslari tomonidan 1 mlrd so‘mlik budjet mablag‘lari talon-toroj qilingani aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Fuqarolar ishchi sifatida rasmiylashtirilgan

Departamentning Sirdaryo viloyati boshqarmasi tomonidan o‘tkazilgan tergovga qadar tekshiruvda Guliston shahar obodonlashtirish boshqarmasi mas’ul shaxslari ayrim fuqarolarni ishchi sifatida rasmiylashtirgani aniqlangan.

Tekshiruv ma’lumotlariga ko‘ra, ushbu fuqarolar amalda tashkilotda ishlamagan. Shunga qaramay, ular nomiga jami 1 mlrd so‘m miqdorida ish haqi hisoblangan.

Mas’ul shaxslar mazkur mablag‘larni o‘z ehtiyojlari uchun sarflab, budjet pullarini o‘zlashtirish yoki rastrata yo‘li bilan talon-toroj etganlikda gumon qilinmoqda.

Jinoyat ishi qo‘zg‘atildi

Mazkur holat yuzasidan...

10-sentabr uchun valyutalar kursi yangilandi. Unga ko‘ra, dollar kursi 15,29 so‘mga tushib, 11 797,92 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

3-sentabrdan pasayish tendensiyasi davom etib, dollar 7,39 so‘mga tushib, 11 813,09 so‘m, 4-sentabrda 18,09 so‘mga tushib, 11 795 so‘mni va 7-sentabrda yana 9,70 so‘mga tushib, 11 785,30 so‘mni tashkil qildi. 8-sentabrda 4,03 so‘mga oshib, 11 789,33 so‘m, 9-sentabrda esa 23,88 so‘mga oshib, 11 813,21 so‘m bo‘lgan edi.

Yevro kursida oshish kuzatildi. Yevropa valyutasi 20 so‘mga oshib, 13 739,86 so‘m bo‘ldi. Rossiya rubli ham...

Infinix kompaniyasi tomonidan Hindistonda yangi Infinix Hot 70 Pro smartfoni taqdim etildi. Bu haqda Gizchina nashri xabar bermoqda.

Model 144 Hz yangilanish chastotasiga ega ekran, 6000 mA/soat batareya va qurilmaning orqa qismiga o‘rnatilgan Active Matrix Cube mini-displeyi bilan ajralib turadi.

Smartfonning boshlang‘ich narxi maxsus start taklifi doirasida 22 999 rupiy etib belgilangan. Bu taxminan 245 dollarga teng.

Orqa qismida Active Matrix Cube joylashgan

Hot 70 Pro’ning eng noodatiy jihati uning orqa panelidagi Active Matrix Cube hisoblanadi. Mazkur kichik displey qo‘ng‘iroqlar, xabarlar, quvvatlanish holati va batareya quvvati kamaygani haqidagi bildirishnomalarni ko‘rsatishi mumkin.

Unda ob-havo ma’lumotlari, taymerlar va kamera bilan...

Jorjina Rodriges Krishtianu Ronalduning shaxsiy samolyotidan o‘z brendini reklama qilish uchun foydalangani aytilmoqda. Match TV ijtimoiy tarmoqdagi postida samolyot tashqi ko‘rinishidagi o‘zgarishga e’tibor qaratdi.

Avval samolyot korpusida Ronalduning CR7 belgisi ko‘rinib turgan bo‘lsa, keyingi tasvirlarda unda «mimoa» yozuvi paydo bo‘lgan.

Samolyotda yangi brend nomi paydo bo‘ldi

Match TV tarqatgan tasvirlarda samolyotning bir qismiga pushti rangda mimoa yozuvi tushirilgani ko‘rinadi.

Nashr buni Jorjina Rodrigesning o‘z brendini targ‘ib qilish uchun...

HMD kompaniyasi HMD Asha 305 nomli yangi ixcham smartfonni taqdim etdi. U iPhone 17 Pro modeliga juda o‘xshaydi, deya yozmoqda Palach nashri.

Asha nomi avval Nokia’ning arzon telefonlari bilan tanilgan bo‘lsa, yangi model sodda texnik xususiyatlar, plastik korpus va Android asosida yaratilgan Pulse OS operatsion tizimi bilan ajralib turadi.

Qurilmaning orqa qismidagi kamera bloki tashqi ko‘rinishi bilan zamonaviy iPhone modellarini eslatadi, biroq uning texnik imkoniyatlari boshlang‘ich segmentga mo‘ljallangan.

5 dyuymli ixcham ekran

HMD Asha 305 plastik korpusga ega. Smartfon 5 dyuymli IPS displey bilan jihozlangan bo‘lib, uning aniqligi 854 × 480 pikselni tashkil etadi.

Ekran atrofida, ayniqsa yuqori...

Great Wall Motor kompaniyasining uzaytirilgan bazaga ega yangi Tank 700 LWB modeli Xitoy Sanoat va axborot texnologiyalari vazirligi hujjatlarida paydo bo‘ldi. Bu haqda CarNewsChina nashri xabar berdi.

Yangi versiya 5 445 mm uzunlikka ega bo‘lib, olti o‘rindiqli salon bilan taklif etiladi. Model uchun 2,0 litrli gibrid va 3,0 litrli V6 dvigatel variantlari ko‘zda tutilgan.

Yangi Tank 700 LWB o‘lchamlari va uch qatorli salon konfiguratsiyasi bo‘yicha Xitoydagi eng yirik yo‘ltanlamaslar qatoriga kiradi. U, xususan, BYD’ning Yangwang U8L modeli bilan bir segmentda raqobatlashishi kutilmoqda.

Kuzov uzunligi 5,4 metrdan oshdi

Oddiy Tank 700’ning uzunligi 5 105 mm bo‘lsa, LWB versiyasida bu...

10-sentabrdan Toshkent – Andijon – Toshkent yo‘nalishida zamonaviy CRRC-Dalian elektropoyezdi qatnovi yo‘lga qo‘yiladi. Shu kundan boshlab Farg‘ona vodiysiga qatnovchi qator poyezdlarning harakat jadvali ham o‘zgaradi. Bu haqda «O‘ztemiryo‘lyo‘lovchi» AJ matbuot xizmati xabar berdi.

Toshkentdan Andijonga yangi elektropoyezd qatnaydi

730-sonli Toshkent – Andijon poyezdi Toshkent-yo‘lovchi bekatidan soat 09:20 da jo‘naydi. Poyezd Angrenga 10:25, Popga 12:00, Qo‘qonga 12:28, Marg‘ilonga 13:00 da yetib boradi va Andijonga 13:35 da kirib keladi.

729-sonli Andijon – Toshkent poyezdi esa Andijondan 15:38 da yo‘lga chiqadi. U Marg‘ilondan 16:11, Qo‘qondan 16:43, Popdan 17:11, Angrendan 18:50 da o‘tib, Toshkent-yo‘lovchiga 19:53 da yetib keladi.

Elektropoyezd tarkibida to‘rtta...

Serbiya prezidenti Aleksandar Vuchich parlamentni tarqatib yuborib, mamlakatda muddatidan oldin parlament saylovlarini o‘tkazish to‘g‘risidagi farmonni imzoladi. Ovoz berish 25-oktabr kuni bo‘lib o‘tadi.

Prezidentning qarori mamlakatda bir necha oydan beri davom etayotgan siyosiy inqiroz va hukumatga qarshi ommaviy norozilik namoyishlari fonida qabul qilindi.

Saylov 25-oktabrga belgilandi

Aleksandar Vuchich televideniye orqali qilgan murojaatida muddatidan oldin saylov o‘tkazilishi mamlakatdagi siyosiy inqirozdan chiqishga yordam berishiga umid bildirdi.

Uning aytishicha, Serbiya so‘nggi davrda jiddiy siyosiy beqarorlikni boshdan kechirdi. Prezident saylov natijalari xalqning xohish-irodasi va mamlakat kelajakda qaysi yo‘nalishda rivojlanishini aniq ko‘rsatishi kerakligini ta’kidladi.

Noroziliklar 2024-yildan beri davom etmoqda

Serbiyada talabalar yetakchiligidagi norozilik...

Jahon bozorida Brent markali neft narxi chorshanba kuni bir barrel uchun 100 dollardan oshdi. Bu haqda BBC tonggi savdolar natijalariga tayanib xabar bermoqda.

Narxlarning keskin ko‘tarilishiga AQSh va Eron o‘rtasidagi yangi zarbalar, shuningdek, Yamandagi husiylarning Saudiya Arabistonidagi neft infratuzilmasiga hujumlarini davom ettirayotgani sabab bo‘ldi.

BBC ma’lumotiga ko‘ra, Brent narxi so‘nggi marta iyul oxirida, AQSh va Eron o‘rtasidagi o‘t ochishni to‘xtatish kelishuvi buzilgan paytda shunday darajada bo‘lgan. Keyinchalik kotirovkalar biroz pasayib, bir barrel uchun 99,90 dollar atrofida savdolangan, biroq Yaqin Sharqdagi yangi keskinlashuv narxlarni yana yuqoriga olib chiqishi mumkin.

AQSh Eronning beshta tankeriga zarba berdi

Neft narxlaridagi navbatdagi sakrash...

General Motors ayrim 2027-yilgi Chevrolet Bolt elektromobillarida batareya boshqaruv tizimi bilan bog‘liq dasturiy muammo aniqlangani sababli servis yangilanishini e’lon qildi. GM Authority’ga ko‘ra, muammo yuqori kuchlanishli asosiy batareya va 12 voltli akkumulyator quvvatining kutilmaganda kamayishiga olib kelishi mumkin.

Kompaniya dilerlarga zararlangan avtomobillarda Battery Energy Control Module boshqaruv modulini qayta dasturlash va batareyani to‘liq quvvatlash bo‘yicha ko‘rsatma berdi.

Muammo nimada

GM ma’lumotiga ko‘ra, ayrim Chevrolet Bolt avtomobillarida Rechargeable Energy Storage System, ya’ni asosiy yuqori kuchlanishli batareyani boshqaruvchi dasturiy ta’minot xato ishlashi mumkin.

Natijada nafaqat asosiy tortish batareyasi, balki avtomobilning past kuchlanishli 12 voltli akkumulyatori ham quvvatini yo‘qotishi ehtimoli bor.

Samsung Galaxy A37 va Galaxy A35 smartfonlari uchun yangi dasturiy ta’minot yangilanishini tarqata boshladi. Yangilanish hozircha ayrim bozorlarda mavjud bo‘lib, yaqin kunlarda boshqa mamlakatlardagi foydalanuvchilarga ham yetib borishi kutilmoqda.

Galaxy A37 uchun yangilanish tarqatilmoqda

Galaxy A37 uchun yangi dasturiy ta’minot A376EXXS5A2H5 yig‘ma raqami bilan chiqarildi. Yangilanish haqida insayder Tarun Vats ma’lum qilgan.

Mazkur proshivka Samsung’ning avgust oyiga mo‘ljallangan rejalashtirilgan dasturiy yangilanishlaridan biri hisoblanadi. Unda tizimdagi aniqlangan xatolarni bartaraf etishga qaratilgan tuzatishlar mavjud.

Samsung bu safar Galaxy A37 uchun yangi funksiyalar yoki sezilarli interfeys o‘zgarishlarini taqdim etmagan.

Galaxy A35 ham yangilanish oldi

Galaxy A37’dan so‘ng Galaxy A35 uchun...

AQSh Moliya vazirligi 8-sentabr kuni yangilangan sanksiyalar ro‘yxatiga Qozog‘istonda ro‘yxatdan o‘tgan Tour Invest LLC kompaniyasini ham kiritdi. Vashington kompaniyani Eronning Mahan Air aviakompaniyasi bilan aloqador deb hisoblamoqda.

Tour Invest Mahan Air’ning bosh agenti bo‘lgan

AQSh Moliya vazirligi ma’lumotlariga ko‘ra, Olmaotada ro‘yxatdan o‘tgan Tour Invest kompaniyasi Mahan Air’ning bosh savdo agenti sifatida faoliyat yuritgan.

Kompaniya 2014-yil mart oyida tashkil etilgan bo‘lib, Olmaotadagi Makataev ko‘chasi, 128-uy manzilida ro‘yxatdan o‘tgan. U xorijiy kapital ishtirokidagi qo‘shma korxona sifatida qayd etilgan.

Tour Invest AQSh Moliya vazirligining SDN (Specially Designated Nationals and Blocked Persons) ro‘yxatiga kiritildi. Natijada kompaniyaning AQSh yurisdiksiyasidagi aktivlari bloklanadi, amerikalik shaxs...

General Motors ayrim yangi Chevrolet Equinox avtomobillarida old osma qismidan noodatiy taqillash ovozi chiqishi mumkinligini ma’lum qildi. Bu haqda GMAutority nashri xabar bermoqda.

Hujjat Shimoliy Amerikada sotilgan 2025, 2026 va 2027-yilgi Chevrolet Equinox avtomobillarini qamrab oladi. Muammo dvigatel yoki transmissiyaning muayyan turiga bog‘lanmagan.

Ovoz qaysi holatlarda paydo bo‘ladi

GM ma’lumotiga ko‘ra, ayrim Equinox avtomobillarida mashina to‘liq to‘xtashidan biroz oldin old tomondan taqillash ovozi eshitilishi mumkin.

Xuddi shunday tovush avtomobil joyidan qo‘zg‘alayotganda yoki past tezlikda burilish vaqtida ham paydo bo‘lishi mumkin.

Kompaniyaning dastlabki xulosasiga ko‘ra, shovqinning manbai oldingi pastki richagning orqa vtulkasi bo‘lishi ehtimoli bor.

GM hozircha ta’mirlash...

Qozog‘iston Sog‘liqni saqlash vazirligi bolalar uchun qaratilgan fastfud, shirin ichimliklar hamda tarkibida shakar, tuz va to‘yingan yog‘lar ko‘p bo‘lgan oziq-ovqat mahsulotlari reklamasini cheklashni taklif qildi. Bu haqda NUR.KZ xabar berdi.

Reklama televideniye va ijtimoiy tarmoqlarda cheklanadi

Vazirlik bolalarning oziq-ovqat tanloviga marketing ta’sirini kamaytirish maqsadida qonunchilikka tegishli o‘zgartirishlar kiritishni taklif qilmoqda.

Taklif etilayotgan cheklovlar televideniye va radio kanallari, ijtimoiy tarmoqlar hamda tashqi reklama vositalarida tarkibida shakar, tuz, to‘yingan va transyog‘lar miqdori yuqori bo‘lgan mahsulotlarni targ‘ib qilishga taalluqli bo‘ladi.

Vazirlikning tibbiy yordamni tashkil etish departamenti direktori Gulnar Sarsembayevaning ta’kidlashicha, mazkur tashabbuslarni amalga oshirish uchun cheklovlarning tartibga solish ta’siri...

Chorvoq suv omborida cho‘kib ketgan ota va uning ikki o‘g‘lidan birining jasadi topildi. Qolgan ikki kishini qidirish ishlari davom etmoqda. Bu haqda Favqulodda vaziyatlar vazirligi ma’lum qildi.

Eslatib o‘tamiz, 2-sentabr kuni Toshkent viloyatining Bo‘stonliq tumani, «Burchmulla» MFY hududidagi Chorvoq suv omborida uch nafar fuqaro – ota va uning ikki o‘g‘li katerda sayrga chiqqan. Ular suvga tushish taqiqlangan hududda himoya nimchalarisiz suvga tushib, cho‘kib ketgan.

Qidiruv ishlariga qo‘shimcha kuchlar jalb qilindi

Xabar kelib tushgach, FVV g‘avvos-qutqaruvchilari hodisa joyiga yetib borib, qidiruv ishlarini boshlagan.

Suv omborining chuqurligi va qidiruv hududining kengligini hisobga olib, hodisa joyida maxsus shtab tashkil etilgan...

«Bunyodkor» stadionining qariyb 2 mlrd so‘mlik elektr energiyasi qarzdor ekani aniqlandi. O’zbekiston Professional futbol ligasi 4-sentabrdan buyon elektr ta’minotisiz qolayotgan stadionga «svet»sni qaytarish uchun aksiya boshladi.

Professional futbol ligasi ma’lumotiga ko‘ra, «Bunyodkor» futbol klubi va stadion bir qator qarzdorliklarga duch kelgan. Klub FIFA tomonidan sobiq futbolchilari Rivaldo va Itsuki Urata oldidagi qarzdorlik sababli taqiq ostida qolgan.

Stadionning qarzlari ko‘paygan

Qayd etilishicha, stadion ishchilar, soliqlar va kommunal to‘lovlar bo‘yicha ham qarzdor.

2025-yilda stadionda o‘tkazilgan konsert dasturidan keyin maydon chimi qayta tiklangan. Biroq stadion chimni yotqizgan kompaniya oldidagi majburiyatlarini ham to‘liq bajarmagan. Oqibatda qarzdorlik yangi chimning holatiga ham...

Apple 9-sentabr kuni «Surprise and Shine» taqdimotini o‘tkazadi. Jonli translyatsiya Toshkent vaqti bilan 22:00 da boshlanadi, uni YouTube, Apple rasmiy sayti va Apple TV ilovasi orqali tomosha qilish mumkin.

Tadbirda iPhone 18 Pro va iPhone 18 Pro Max taqdim etilishi kutilmoqda. Shuningdek, Apple’ning ilk buklanuvchi smartfoni ham namoyish etilishi mumkin.

Xabarlarga ko‘ra, ular A20 Pro chipi, yaxshilangan kameralar, kattaroq avtonom ishlash va kichraytirilgan Dynamic Island bilan jihozlanadi.

Kameralarda o‘zgaruvchan diafragma tizimi, shuningdek, Apple’ning C2 modemidan foydalanilishi mumkin.

Buklanuvchi iPhone ham namoyish etilishi mumkin

Tadbirning asosiy kutilayotgan yangiliklaridan biri Apple’ning ilk buklanuvchi smartfoni bo‘lishi mumkin. Hozircha qurilma iPhone...

Pedagog va rahbar xodimlarga «1-oktabr – O‘qituvchi va murabbiylar kuni» munosabati bilan 1 mln 20 ming so‘mgacha bir martalik mukofot puli berilishi mumkin. Bu haqda Vazirlar Mahkamasining 2019-yil 30-sentabrdagi 823-sonli qarorida belgilangan.

Mukofot miqdori 75 foizgacha oshirildi

Vazirlar Mahkamasining 2019-yil 30-sentabrdagi 823-son qarori bilan tasdiqlangan nizomning 29-bandiga ko‘ra, umumta’lim muassasalari xodimlari, shu jumladan rahbarlar «1-oktabr – O‘qituvchi va murabbiylar kuni» munosabati bilan Jamg‘armaning mavjud mablag‘lari hisobidan mehnatga haq to‘lashning eng kam miqdorining 50 foizigacha mukofotlanishi mumkin edi.

O‘zbekiston Respublikasi Prezidentining tegishli 51-son farmoni bilan ushbu miqdor 75 foizgacha oshirildi.

Mukofot qanday hisoblanadi

Mukofot...

Apple’ning ilk buklanuvchi smartfoni iPhone Duo deb nomlanishi va uning eng qimmat versiyasi $3 ming turishi mumkin. Bu haqda Bloomberg nashri jurnalisti Mark Gurman ma’lum qildi.

Uning ma’lumotiga ko‘ra, yangi model Apple’ning eng qimmat smartfonlaridan biriga aylanadi.

iPhone Duo 2 TB xotira bilan chiqishi mumkin

Mark Gurmanning yozishicha, iPhone Duo’ning boshlang‘ich narxi taxminan $2 mingni tashkil etadi.

Shuningdek, o‘qing: Bugun yangi iPhone’lar taqdim etiladi: Apple’dan o‘zgacha model kutilmoqda

Smartfonning eng yuqori konfiguratsiyasi 2 TB ichki xotiraga ega bo‘ladi va uning narxi $3 minggacha yetishi mumkin. Hozircha Apple qurilmaning nomi, xususiyatlari va narxlarini...