Yangiliklar

AQSh prezidenti Donald Tramp Eron bilan davom etayotgan urush 3-noyabrda bo‘lib o‘tadigan oraliq saylovlardan oldin yakunlanmasligi mumkinligini aytdi. Uning fikricha, mojaro saylovlardan so‘ng tezda tugashi, shundan keyin neft narxlari ham pasayishi mumkin.

Tramp bu fikrlarni Texasga, Respublikachilar partiyasining oraliq saylovlar oldidan o‘tkazilayotgan anjumaniga yo‘l olayotganida bildirdi. AQSh prezidenti ayni paytda so‘rovnomalardagi reytingi pasayishi va Eron bilan urushni tezroq yakunlash bo‘yicha o‘z partiyasi ichidagi bosimga duch kelmoqda.

Tramp urush saylovlardan keyin tugashini kutmoqda

Trampning aytishicha, Eron hozirgi vaziyatni uzoq davom ettira olmaydi va urush oraliq saylovlardan so‘ng yakunlanishi mumkin.

«Menimcha, urush saylovlardan keyin darhol tugaydi...

Xiaomi Xitoyda yangi buklanuvchi Xiaomi 18 Fold smartfoni savdosini boshladi. Qurilma 200 megapikselli Leica kamerasi, 6000 mA/soat batareya va yangi Xring O3 protsessori bilan jihozlangan, narxi esa 11 ming yuandan, ya’ni taxminan $1,6 mingdan boshlanadi.

Xiaomi 18 Fold kompaniyaning yangi Xring O3 protsessori bilan jihozlangan ilk smartfon bo‘ldi. Xiaomi rahbari Lu Veybingning ta’kidlashicha, bu sun’iy intellekt imkoniyatlariga ega flagman chip bo‘lib, AnTuTu testida 5 mln balldan yuqori natija qayd etgan.

Smartfonning tashqi ekrani 5,38 dyuymni tashkil qiladi. Qurilmaning qalinligi ochilgan holatda taxminan 5 mm.

Asosiy kamera 200 MP

Xiaomi 18 Fold Leica kamera tizimiga ega. Asosiy kamera...

Apple’ning ilk buklanuvchi smartfoni iPhone Duo’da qurilma ochilganda ekran tasviri silliq tarzda o‘zgarib, xiralashish effekti bilan 7,6 dyuymli ichki displeyga o‘tadi. Yangi animatsiya qurilma taqdimotidan keyin e’tibor tortdi.

iPhone Duo 9-sentabr kuni taqdim etildi. Smartfonning boshlang‘ich narxi $2 mingni tashkil qiladi.

Ekran ochilganda tasvir silliq o‘zgaradi

Love the iPhone Duo animation/screen blur effect. It's as if you're opening and closing a transparent piece of glass. pic.twitter.com/rFCUHTItDO

— Sawyer Merritt (@SawyerMerritt) September 9, 2026

Qurilma ochilganda bloklangan ekran asta-sekin fokusini va xiralik darajasini o‘zgartiradi. Natijada tasvir ichki 7,6 dyuymli ekranga uzluksiz tarzda o‘tadi.

Manbada...

UzAuto Motors O‘zbekistonda Chevrolet brendining ilk gibrid avtomobili – Chevrolet Equinox PHEV krossoveri sotuvga chiqarilishini e’lon qildi. Model xaridorlarga Activ 80KM va Activ 120KM komplektatsiyalarida taklif etiladi.

Kompaniya ma’lumotiga ko‘ra, yangi krossover kundalik qatnovlarda, asosan, elektr energiyasidan foydalanish, uzoq masofalarga safarlarda esa benzin dvigatelini ishga tushirish imkonini beruvchi PHEV – tashqi manbadan quvvatlanadigan gibrid tizim bilan jihozlangan.

Elektrda 120 kmgacha yuradi

Chevrolet Equinox PHEV komplektatsiyasiga qarab litiy-temir-fosfat batareyasi bilan jihozlanadi. Activ 80KM versiyasi faqat elektr quvvatida 80 kmgacha, Activ 120KM esa 120 kmgacha masofani bosib o‘tishi mumkin.

UzAuto Motors ma’lumotiga ko‘ra, batareya to‘liq quvvatlangan va yonilg‘i baki to‘ldirilgan...

Namangan va Andijon viloyatlarida kuchli ta’sir qiluvchi dori vositalarining noqonuniy savdosi bilan shug‘ullangan shaxslar aniqlandi. Tezkor tadbirlar davomida jami 3 094 dona «Regapen» ashyoviy dalil sifatida olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

938 dona dori $7,7 mingga sotilayotgan paytda ushlandi

Departamentning Pop tumani bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbirda fuqaro 938 dona «Regapen» nomli kuchli ta’sir qiluvchi dori vositasini boshqa fuqaroga $7,7 mingga sotayotgan vaqtida ashyoviy dalillar bilan ushlandi.

Shundan so‘ng undan yana 1 848 dona kuchli ta’sir qiluvchi dori vositasi topilib, ashyoviy dalil sifatida olindi.

Toshkent shahrida jamoat transportida yo‘lkira haqini to‘lamasdan harakatlanayotgan yo‘lovchilarga qarshi nazorat reydlari kuchaytirildi. Transport vazirligiga ko‘ra, sentabr oyining dastlabki sakkiz kunida 4,7 ming nafar yo‘lovchiga nisbatan ma’muriy bayonnoma rasmiylashtirilgan.

Toshkent shahar yo‘lovchi tashishni monitoring va nazorat qilish davlat muassasasi ma’lumotiga ko‘ra, avgust oyida yo‘lkira haqini to‘lamasdan harakatlangan 10,8 ming nafar yo‘lovchiga nisbatan ma’muriy bayonnoma tuzilgan.

Bu kuniga o‘rtacha 350 ta holatga to‘g‘ri keladi.

Shuningdek, o‘qing: 1-sentabrdan avtobusga chiqqan zahoti yo‘lkira haqini to‘lash kerak bo‘ladi

Sentabrda kunlik holatlar soni 68 foizga oshgan

Sentabr oyining 8-sanasiga qadar esa yo‘lkira haqini to‘lamagan 4,7 ming nafar...

Tijorat banklari tomonidan 10-sentabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 10-sentabr uchun valyutalar kursi e’lon qilingani haqida yozgan edi.

Oʻzbekiston va Serbiya oʻzaro savdoda barcha turdagi tovarlarga nol boj stavkasini joriy etishni nazarda tutishi mumkin boʻlgan erkin savdo toʻgʻrisidagi bitim ustida ish boshladi. Bu haqda Oʻzbekiston investitsiyalar, sanoat va savdo vaziri Laziz Qudratov ma’lum qildi.

Vazirning soʻzlariga koʻra, tomonlar kelishuv loyihasi ustidagi ishlarni yaqin vaqt ichida yakunlab, hujjatni imzolashni rejalashtirmoqda.

Barcha tovarlarga nol boj stavkasi koʻrib chiqiladi

Qudratovning ta’kidlashicha, erkin savdo toʻgʻrisidagi kelishuv Oʻzbekiston mahsulotlarining Serbiya bozoriga yanada qulay shartlarda kirib borishiga imkon yaratishi mumkin.

«Biz erkin savdo toʻgʻrisidagi kelishuv ustida ish boshladik. Yaqin vaqt ichida loyiha ustidagi ishlarni yakunlab, uni imzolaymiz...

Filippinning Palavan provinsiyasi yaqinida yo‘lovchi paromida yong‘in chiqishi oqibatida kamida besh kishi halok bo‘ldi, 87 kishi esa bedarak yo‘qolgan. Bu haqda mamlakat Sohil qo‘riqlash xizmati ma’lum qildi.

Hodisa MV June Aster paromida chorshanba kuni kechqurun sodir bo‘lgan. Kema Maniladagi Baseco hududidan yo‘lga chiqqan va Koron munitsipalitetiga qarab ketayotgan bo‘lgan.

Parom qirg‘oqdan 2,2 km uzoqlikda yonib ketgan

Ma’lumotlarga ko‘ra, yong‘in Koron qirg‘og‘idan taxminan 2,2 km uzoqlikda chiqqan. Sohil qo‘riqlash xizmati tarqatgan videolarda paromning kuchli alangaga o‘ralgani ko‘rinadi.

Qutqaruvchilar hozirgacha 42 kishini qutqarishga muvaffaq bo‘lgan. Ularning 38 nafari yo‘lovchi, to‘rt nafari esa ekipaj a’zosi.

Qirg‘oqqa olib chiqilgan jasadlar maxsus qoplarga...

Samsung Buyuk Britaniyada Samsung Galaxy S26 FE xaridorlari uchun yangi aksiya boshladi. Bu haqda Sammobile nashri xabar bermoqda. Smartfonni 6-oktabrgacha sotib olgan mijozlar Samsung Wallet orqali taxminan $271 miqdoridagi bonus olishlari mumkin.

Bundan tashqari, PayPal orqali xarid qilganda qariyb $68 chegirma beriladi. Eski smartfonini yangi qurilmaga almashtiradigan xaridorlar esa trade-in dasturi orqali qo‘shimcha chegirmaga ega bo‘lishlari mumkin.

$271 bonus qanday olinadi

Galaxy S26 FE’ni aksiya muddati davomida xarid qilgan foydalanuvchi bonusni olish uchun xariddan keyin 30 kun ichida ariza topshirishi kerak.

Ariza qabul qilingach, Samsung yetti ish kuni ichida foydalanuvchiga tasdiqlovchi bildirishnoma yuboradi. Taklifdan foydalanish uchun Galaxy S...

Xiaomi Skynomad N90 Max Explorer Edition modelining savdosini boshladi. Uzunligi 5,3 metr bo‘lgan oilaviy krossover elektr yordamida ko‘tariladigan tomga ega bo‘lib, to‘xtab turgan paytda ikki qavatli yotoq joyga aylanishi mumkin.

Modelning Xitoydagi narxi 300 ming yuan etib belgilangan. Oddiy yetti o‘rinli N90 Max esa 270 ming yuandan sotiladi.

Tom qismi yotoqxonaga aylanadi

Explorer Edition versiyasining asosiy xususiyati elektr yordamida ko‘tariladigan tom hisoblanadi. Avtomobil to‘xtatilgach, tugma bosilishi bilan tomning yuqori qismi ko‘tariladi va salon balandligi 2 294 mmgacha yetadi.

Yuqori qavatda 2 110 × 985 mm o‘lchamdagi yotoq joyi hosil bo‘ladi. U 200 kg gacha yukni ko‘tara oladi.

Ushbu qism...

Apple yangi iPhone’lar taqdimotidan so‘ng avvalgi avlod smartfonlari narxini pasaytirish o‘rniga ayrim modellar qiymatini oshirdi. iPhone 17, iPhone 17e va iPhone Air narxlari ko‘tarildi, kompaniya esa buning sabablarini hozircha rasman izohlamadi.

Aksariyat konfiguratsiyalar $100 ga qimmatlashdi. iPhone Air’ning 1 TB xotirali eng yuqori konfiguratsiyasi esa birdaniga $300 ga qimmatlagan.

iPhone 17 endi $900 dan boshlanadi

256 GB xotirali bazaviy iPhone 17 narxi $100 ga oshib, $900 ga yetdi. 512 GB xotirali versiya uchun esa endilikda $1100 to‘lash kerak bo‘ladi.

Nisbatan hamyonbop iPhone 17e ham qimmatlashgan. Uning 256 GB xotirali varianti $700, 512 GB xotirali modeli esa $900 dan...

Google Finlyandiyada sun’iy intellekt infratuzilmasini kengaytirish uchun 13 mlrd yevro ($15,1 mlrd) sarmoya kiritishini ma’lum qildi. Bu haqda DW xabar bermoqda.

Kompaniya, shuningdek, mamlakatdagi atom elektr stansiyasida ishlab chiqariladigan energiyaning bir qismini uzoq muddat davomida sotib olish bo‘yicha kelishuv tuzdi.

Mazkur loyiha Google’ning Yevropa Ittifoqidagi hozirgacha e’lon qilgan eng katta bir martalik investitsiyasi hisoblanadi. Alphabet 2026-yilda sun’iy intellekt sohasidagi raqobat kuchayishi fonida global investitsiyalarini qariyb $200 mlrdgacha oshirgan.

Investitsiya 2027/2028-yillarda amalga oshiriladi

Google ma’lumotlariga ko‘ra, 13 mlrd yevrolik sarmoya 2027 va 2028-yillarda yo‘naltiriladi. Mablag‘lar ma’lumotlar markazlarini rivojlantirish, elektr tarmoqlarini takomillashtirish, toza energiya hamda batareya loyihalariga sarflanishi rejalashtirilgan.

Ushbu...

Davlat xavfsizlik xizmatining Toshkent shahar bo‘yicha boshqarmasi xodimlari qalbaki xorijiy valyutani muomalaga kiritishga uringan ikki shaxsni qo‘lga oldi. Tezkor tadbir davomida jami 8,4 ming qalbaki AQSh dollarining muomalaga kiritilishiga chek qo‘yildi.

Qalbaki pullar Turkiyadan olib kelingan

Ma’lum qilinishicha, Qibray tumanida yashovchi, 1999-yilda tug‘ilgan shaxs Turkiyadan yetkazib berilgan qalbaki $8,4 mingni foyda olish maqsadida sotishni rejalashtirgan.

U Yunusobod tumanida istiqomat qiluvchi, 1997-yilda tug‘ilgan sherigi bilan oldindan til biriktirgan.

Tezkor tadbir vaqtida gumonlanuvchilar qalbaki pullarni shartli xaridorga haqiqiy $3,8 ming evaziga sotayotgan paytda ashyoviy dalillar bilan ushlangan.

Jinoyat ishi qo‘zg‘atildi

Mazkur holat yuzasidan jinoyat ishi qo‘zg‘atilib, hozirda tergov harakatlari...

Xitoyning Li Auto kompaniyasi yangi flagman elektr krossoveri – Li Auto i9 modelini 16-sentabr kuni rasman taqdim etadi. Bu haqda CarNewsChina nashri xabar bermoqda.

Avtomobil brendning «Home» seriyasidagi ikkinchi model bo‘lib, Li Auto Mega Home’dan keyin bozorga chiqadi. Kompaniya bosh direktori Li Syan avtomobil salonining ilk tasvirlarini ham namoyish etdi. Unda o‘rindiqlarni aylantirib, yo‘lovchilarni bir-biriga yuzma-yuz joylashtirish imkoniyati ko‘zda tutilgan.

Olti o‘rinli yirik elektr krossover

Xitoy Sanoat va axborot texnologiyalari vazirligi ma’lumotlariga ko‘ra, Li i9 olti o‘rinli to‘liq elektr krossover hisoblanadi.

Modelning uzunligi 5 225 mm, kengligi 1 970 mm, balandligi esa 1 752 mmni tashkil qiladi. G‘ildirak...

Apple kompaniyasi o‘z tarixidagi ilk buklanadigan smartfon – iPhone Duo modelini rasman taqdim etdi. Yangi model ikkita ekran, Apple A20 Pro protsessori, ikkita batareya va 48 MP kameralar tizimi bilan jihozlangan.

iPhone Duo ikkita ekran oldi

iPhone Duo’ning tashqi displeyi 5,4 dyuym, ichki buklanadigan ekrani esa 7,6 dyuymni tashkil qiladi. Apple ma’lumotiga ko‘ra, ichki displey maydoni iPhone 18 Pro Max ekranidan 50 foiz, iPhone 18 Pro ekranidan esa 80 foiz kattaroq.

Har ikkala ekran Apple Pencil USB-C bilan ishlaydi. Touch ID barmoq izi skaneri esa smartfonning yon tugmasiga joylashtirilgan.

Buklangan holatda qurilma odatiy smartfon sifatida ishlaydi, ochilganda esa...

Apple kompaniyasi iPhone 18 Pro va iPhone 18 Pro Max flagman smartfonlarini rasman taqdim etdi. Yangi avlod A20 Pro protsessori, sun’iy intellekt imkoniyatlari kengaytirilgan Siri, yangilangan kamera tizimi va tezroq quvvatlash texnologiyasiga ega bo‘ldi.

iPhone 18 Pro narxi $1200 dan, iPhone 18 Pro Max esa $1300 dan boshlanadi. Qurilmalar orasida 2 TB ichki xotiraga ega versiyalar ham mavjud.

A20 Pro 2 nanometrli texprotsessda ishlab chiqarildi

Yangi flagmanlarning asosini Apple A20 Pro chipi tashkil qiladi. U 2 nanometrli texnologik jarayon asosida ishlab chiqarilgan.

Kompaniya yangi protsessor avvalgi avlodga nisbatan unumdorlik va energiya samaradorligini oshirishini ma’lum qildi. Apple qurilmalarning sovitish...

Avtomobil eksperti Komil Sulaymonov yangi haydovchilar uchun Cobalt va Nexia 3 ma’qulroq ekanini tushuntirdi. Uning so‘zlariga ko‘ra, birinchi mashinani tanlashda konstruksiyaning soddaligi, yaxshi ko‘rinish maydoni hamda texnik xizmat va ta’mirlashning qulayligiga e’tibor qaratish kerak.

Spark parkovka uchun, Cobalt esa soddaligi bilan qulay

Sulaymonovning fikricha, yangi haydovchi uchun eng oqilona variantlardan biri Chevrolet Cobalt bo‘lib qolmoqda. Ushbu model O‘zbekistonda keng tarqalgan, konstruksiyasi esa nisbatan sodda. Shu sababli avtomobilga texnik xizmat ko‘rsatish yoki uni ta’mirlashda odatda jiddiy qiyinchiliklar yuzaga kelmaydi.

Yangi haydovchilar uchun yana bir variant – Chevrolet Nexia 3. Model ko‘p miqdordagi murakkab elektronikaga ega emas va konstruksiyasi sodda. Avtomobil...

10-sentabr kuni O‘zbekistonning ayrim hududlarida yomg‘ir yog‘ishi, Buxoro va Navoiy viloyatlarida esa shamol kuchayib, chang-to‘zon kuzatilishi mumkin. Bu haqda «O‘zgidromet»ning prognozida ma’lum qilindi.

Respublikaning katta qismida yog‘ingarchilik kutilmaydi. Kunduzgi eng yuqori harorat ayrim janubiy hududlarda 38 darajagacha ko‘tarilishi mumkin.

Toshkentda havo 37 darajagacha isiydi

Toshkent shahrida havo biroz bulutli, vaqti-vaqti bilan o‘zgaruvchan bo‘ladi. Yog‘ingarchilik kutilmaydi. Sharqdan sekundiga 3 – 8 metr tezlikda shamol esadi. Kechasi havo harorati 18–20 daraja, kunduzi esa 35–37 daraja atrofida bo‘ladi.

Toshkent, Sirdaryo, Jizzax va Samarqand viloyatlarida ham yog‘ingarchilik prognoz qilinmagan. Bu hududlarda kechasi 15–20 daraja, kunduzi 32–37 daraja issiq bo‘lishi kutilmoqda.

Qoraqalpog‘iston...

Suriyaning shimoli-g‘arbidagi Idlib viloyatida qurol-yarog‘ va urushdan qolgan o‘q-dorilar vaqtincha saqlanayotgan hududda kuchli portlash yuz berdi. Hodisa oqibatida kamida 14 kishi halok bo‘ldi, yana 11 kishi jarohat oldi.

Portlash Sarmada shahri yaqinida sodir bo‘lgan. Suriya Mudofaa vazirligiga ko‘ra, mazkur joyda qurol-yarog‘ va urushdan qolgan xavfli buyumlar boshqa hududga ko‘chirilishidan oldin vaqtincha saqlangan.

Portlashdan keyin yana bir necha portlash yuz berdi

Asosiy portlashdan so‘ng hududda ikkilamchi portlashlar va yong‘inlar boshlangan. Bu favqulodda xizmatlar ishini qiyinlashtirgan va olovni nazoratga olish uchun bir necha soat talab etilgan.

Voqea joyiga qutqaruvchilar va Qizil Xoch xodimlari jalb qilingan. Ular vayronalar ostida qolganlarni qidirish...

O‘zbekistonda qishloq tumanlarida ehtiyojmand oila a’zosini ishga qabul qilgan korxonalar uchun ijtimoiy soliq stavkasi pasaytiriladi. Yangi tartib 1-oktabrdan kuchga kirishi belgilandi. Bu haqda prezident Shavkat Mirziyoyev raisligida aholi bandligi va daromadlarini oshirish bo‘yicha o‘tkazilgan yig‘ilishda ma’lum qilindi.

Ijtimoiy soliq stavkasi 2 foiz etib belgilanadi

Yangi mexanizmga ko‘ra, qishloq tumanlarida faoliyat yuritayotgan korxona ehtiyojmand oilaning bir a’zosini ish bilan ta’minlasa, aynan ushbu xodim uchun ijtimoiy soliq stavkasi 2 foiz miqdorida qo‘llanadi.

Mazkur imtiyoz 1-oktabrdan boshlab amal qilishi ko‘zda tutilgan. Tashabbusning asosiy maqsadi ehtiyojmand oilalarni faqat ijtimoiy yordam bilan qo‘llab-quvvatlash emas, balki ularni doimiy daromad manbaiga bog‘lashdan iborat.

Kambag‘allik...

O‘zbekistonda qarzdorlik hisobiga davlat banklari balansiga o‘tgan korxona va mol-mulklarni qayta ishga tushirish orqali 40 mingtagacha ish o‘rnini tiklash rejalashtirilmoqda. Bu masala prezident Shavkat Mirziyoyev raisligida 9-sentabr kuni o‘tkazilgan aholi bandligi va daromadlarini oshirishga bag‘ishlangan yig‘ilishda muhokama qilindi.

Hozirda davlat banklari balansida umumiy qiymati 10 trln so‘m bo‘lgan qariyb 2,5 mingta mol-mulk mavjud. Davlat rahbari ularni shunchaki sotish emas, balki ishlab chiqarish va bandlik manbaiga aylantirish zarurligini ta’kidladi.

124 ta korxonada 10 mingta ish o‘rni tiklanishi mumkin

Yig‘ilishda ayrim korxonalar katta ishlab chiqarish quvvatiga ega bo‘lsa-da, turli sabablar bilan faoliyat yuritmayotgani qayd etildi.

Xususan, Qo‘shko‘pir tumanida 43 mln...

Honor kompaniyasi hali taqdim etilmagan Honor Magic 9 Pro Max flagman smartfoni kamerasi yordamida olingan dastlabki suratlarni e’lon qildi. Bu haqda Gizmochina nashri xabar bermoqda.

Modelning asosiy xususiyatlaridan biri ikkita 200 MP kamera, kuchli optik yaqinlashtirish imkoniyati va professional video suratga olish funksiyalari bo‘ladi.

Honor mahsulotlar yo‘nalishi prezidenti Fan Fey e’lon qilgan namunalardan birida 100 mm, ikkinchisida esa 500 mm ekvivalent fokus masofasidan foydalanilgan.

500 mm fokus masofasida suratga olish mumkin

E’lon qilingan ikkinchi surat 500 mm ekvivalent fokus masofasida olingan. Manbaga ko‘ra, bunda Honor’ning G500 telekonverteridan foydalanilgan bo‘lishi mumkin.

G500 5,88 karra optik yaqinlashtirish imkonini beradi. Bundan...

Toshkent viloyatining Zangiota tumanida 175 MVt quvvatga ega elektr energiyasini saqlash tizimi tarmoqqa ulandi. Energetika vazirligi ma’lumotiga ko‘ra, yangi obyekt $85 mlnlik xorijiy investitsiya hisobiga barpo etilgan.

Tizim sentabr oxirigacha to‘liq quvvatda ishlaydi

Energetika vaziri Sherzod Xodjayev 4-sentabr kuni mazkur obyektga tashrif buyurib, energiya saqlash tizimini ishga tushirish va elektr tarmog‘iga ulash jarayoni bilan tanishdi.

Hozirda tizim tarmoqqa ulangan. Uni sentyabr oyi yakuniga qadar to‘liq quvvatda ishlatish rejalashtirilgan.

Elektr tarmog‘ini tig‘iz vaqtlarda barqarorlashtiradi

Yangi energiya saqlash tizimining asosiy vazifasi elektr energiyasiga talab yuqori bo‘ladigan tig‘iz soatlarda tarmoq yuklamasini barqarorlashtirishdan iborat.

Tizim elektr energiyasini oldindan zaxiralab, talab oshgan...