Yangiliklar

Portugaliya Millatlar ligasi A4 guruhida Krishtianu Ronaldusiz Norvegiyani 2:1 hisobida mag‘lub etdi. Portugaliya shu tariqa guruhdagi barcha uchrashuvlarda g‘alaba qozonib, peshqadamlikni saqlab qoldi.

Uchrashuv Ronaldu va bosh murabbiy Xorxe Jezus o‘rtasida kelishmovchilik yuzaga kelgani haqidagi xabarlar fonida o‘tdi.

Norvegiya hisobni ochdi

Shuningdek, o‘qing: Portugaliyada Ronaldu o‘rniga yangi «7» paydo bo‘ldi

Portodagi uchrashuvning dastlabki qismida Norvegiya faolroq o‘ynadi. Martin Edegor yarim himoyada hujumlarni tashkil qilgan bo‘lsa, Erling Holand Portugaliya himoyasiga bosim o‘tkazdi.

36-daqiqada Edegorning uzatmasidan so‘ng Kristoffer Ayer hisobni ochdi. Biroq Portugaliya atigi ikki daqiqadan keyin javob qaytardi. Joau Kanselu gol urib...

iQOO 16 smartfonining dastlabki to‘rt kunlik savdosi avvalgi iQOO 15 modeliga nisbatan qariyb ikki baravar past bo‘ldi. Shu bilan birga, yangi model natijasi iQOO 13 ko‘rsatkichiga yaqinlashgan.

Taqqoslashda uchala model uchun bir xil davr – sotuv boshlangan kun va undan keyingi uch kun hisobga olingan.

Sotuvning pasayishiga nima sabab bo‘lishi mumkin

Manbaga ko‘ra, iQOO 16’ning startdagi savdosi pasayishiga ikki omil ta’sir qilgan bo‘lishi mumkin.

Birinchisi, xotira komponentlari qimmatlashgani sabab smartfon narxining oshishi. Ikkinchisi esa foydalanuvchilarning har yili yangi flagmanga o‘tishga qiziqishi kamaygani bilan izohlanmoqda.

165 Hz Samsung ekran

iQOO 16 6,85 dyuymli Samsung Everest displeyi bilan jihozlangan...

Fransiyada talabalar noroziliklari va politsiya bilan to‘qnashuvlar ortidan 5-oktabr, dushanba kuni 400 – 500 ta litseyda darslar to‘liq yoki qisman to‘xtatiladi. Bu haqda Fransiya ta’lim vaziri Eduar Jeffre ma’lum qildi.

Uning aytishicha, ayrim ta’lim muassasalarida xavfsizlik uchun zarur sharoitlar ta’minlanmagan. Noroziliklar boshlanganidan buyon 24 ta maktab yoqib yuborilgan yoki talon-toroj qilingan.

Namoyishlar boshqa shaharlarga ham tarqaldi

Talabalar namoyishlari dastlab Parijda boshlangan, keyinchalik Monpelye, Nant, Marsel va boshqa shaharlarga yoyilgan.

Shuningdek, o‘qing: Fransiyada minglab o‘quvchilar namoyishga chiqdi

O‘quvchilar, asosan, o‘qituvchilar yetishmasligi, sinflarning haddan tashqari to‘lib ketgani va maktab binolarining yomon holatidan norozi.

Fransiya...

Qashqadaryo viloyatida soliq to‘lovchilardan olingan 122,6 mln so‘m mablag‘ni talon-toroj qilish bilan bog‘liq holat aniqlandi. Bu haqda Bosh prokuratura huzuridagi Departament ma’lum qildi.

Departamentning Qarshi shahri bo‘limi tomonidan o‘tkazilgan tergovga qadar tekshiruvda Qarshi shahar soliq inspeksiyasining davlat soliq bosh inspektorlari va boshqa shaxslarning harakatlari o‘rganilgan.

97 nafar soliq to‘lovchidan pul olingan

Tekshiruv ma’lumotlariga ko‘ra, mansabdorlar 97 nafar soliq to‘lovchidan go‘yoki ularning soliq qarzdorligini so‘ndirish maqsadida jami 122,6 mln so‘m olgan.

Biroq ushbu mablag‘lar soliq to‘lovchilarning shaxsiy hisobvaraqlariga kirim qilinmagani aniqlangan. Tergov organi ma’lumotiga ko‘ra, pullar o‘zlashtirish yoki rastrata yo‘li bilan talon-toroj qilingan.

Jinoyat ishi qo‘zg‘atildi

Holat yuzasidan...

Rossiyaning Irkutsk viloyatida o‘latga qarshi institut xodimi o‘latdan vafot etgani haqidagi xabarlar tasdiqlanmadi. «Rospotrebnadzor» ma’lumotiga ko‘ra, ayolda kelib chiqishi aniqlanmagan pnevmoniya qayd etilgan, kengaytirilgan tekshiruvlarda esa uning kasbiy faoliyati bilan bog‘liq xavfli mikroorganizmlar topilmagan.

O‘zi nima bo‘lgandi

Avvalroq 28 yoshli Irkutsk vaboga qarshi instituti xodimi Darya Shipilova Shelexovdagi shifoxonada vafot etgani haqida xabarlar tarqalgan edi.

Ayrim OAV u laboratoriyada o‘lat qo‘zg‘atuvchisi bo‘lgan probirkani tasodifan sindirib yuborgani va o‘pka vabosi bilan kasallangan bo‘lishi mumkinligini yozgan. Shipilova 29-sentabr kuni shifoxonaga yotqizilgan va ikki kundan so‘ng vafot etgan.

Rospotrebnadzor o‘latni tasdiqlamadi

Rospotrebnadzor 4-oktabr kuni ayolga «kelib chiqishi aniqlanmagan pnevmoniya...

O‘zbekistondan ilk bor 40 nafar qishloq xo‘jaligi sohasi mutaxassisi Italiyaga mavsumiy ishga yuborildi. Bu haqda Migratsiya agentligi ma’lum qildi.

Loyiha pilot tartibda amalga oshirilmoqda. Ishtirokchilar ikki oy davomida italyan tilini o‘rgangan va ishga chiqishdan oldin zarur tayyorgarlikdan o‘tgan.

Fuqarolar 1-oktabrdan ish boshladi

Migratsiya agentligi ma’lumotiga ko‘ra, o‘zbekistonliklar 1-oktabrdan Italiyaning SALVI tashkilotida meva-sabzavotlarni qayta ishlash yo‘nalishida faoliyat boshlagan.

Agentlik mavsumiy ishning asosiy afzalligi sifatida fuqarolarning uzoq yillarga oilasidan ajralib qolmasligini qayd etdi. Ular belgilangan muddat davomida qonuniy ishlaydi, daromad va xalqaro tajriba orttiradi, keyin esa O‘zbekistonga qaytadi.

Italiyaga yuboriladiganlar soni oshiriladi

Pilot loyiha natijalariga qarab, Italiyaga tashkiliy tartibda...

Vivo kompaniyasi Xitoy bozori uchun yangi Vivo Y600k Turbo smartfonini rasman taqdim etdi. Bu haqda Gizmochina texnologiyalar nashri xabar bermoqda.

Model 9020 mA/soat sig‘imli katta batareya, Snapdragon 7s Gen 4 protsessori va 6,83 dyuymli AMOLED ekran bilan jihozlangan. Qurilma 12 Gb tezkor va 256 Gb ichki xotirali yagona konfiguratsiyada taklif etiladi. Narxi 2799 yuan yoki qariyb $420 ni tashkil etadi.

120 Hz AMOLED ekran

Vivo Y600k Turbo 6,83 dyuymli AMOLED displeyga ega. Ekran aniqligi 2800 × 1260 piksel, yangilanish tezligi esa 120 Hz.

Displey 10,7 mlrd rangni aks ettira oladi, 4320 Hz PWM xiralashtirish texnologiyasini qo‘llab-quvvatlaydi. Mahalliy maksimal...

Latviya Ichki ishlar vazirligi O‘zbekiston fuqarolariga viza berishni ma’lum muddatga to‘xtatib turishni taklif qildi. Ushbu xabar 2026-yilning 29-sentabrdagi Latviya hukumati yig‘ilishilida ma’lum qilindi. Bunga O‘zbekiston fuqarolari Latviyaga kelganidan ko‘p o‘tmay bir necha jinoyat, jumladan, voyaga yetmaganlarga qarshi jinoyatlar sodir etgani sabab qilib ko‘rsatilgan. Vazirlik bu masalani hukumat muhokamasiga kiritmoqchi.

«Latviyaga kelganidan qisqa vaqt o‘tib bir necha O‘zbekiston fuqarosi jinoyat, jumladan, voyaga yetmaganlarga qarshi jinoyatlar sodir etgan vaziyatda biz chora ko‘rishimiz shart. Shu sabab O‘zbekiston fuqarolariga viza berishni ma’lum muddatga to‘xtatishni taklif qilmoqdamiz. Bu davrdan O‘zbekiston tomoni bilan hamkorlik qilib, jamoat tartibi va xavfsizligiga tahdid tug‘dirishi...

AQSh va Rossiyaning Ukraina bo‘yicha muzokaralari Rossiyaning «Lukoyl» kompaniyasiga tegishli xorijdagi aktivlar taqdirini ham qamrab olgan. The New York Times ma’lumotiga ko‘ra, gap qiymati qariyb $20 mlrd bo‘lgan aktivlar haqida ketmoqda.

Masalani Putin ko‘targan

NYT manbalariga ko‘ra, Rossiya prezidenti Vladimir Putin 5-sentabr kuni Kremlda AQSh vakillari Stiv Uitkoff va Jared Kushner bilan uchrashuvda «Lukoyl» aktivlari masalasini ko‘targan.

Shuningdek, o‘qing: «Lukoyl» xorijdagi aktivlarini sotish bo‘yicha Amerika kompaniyasi bilan kelishuvga erishdi

Putin bitimni amalga oshirish Rossiya va AQSh o‘rtasida biznes aloqalari davom etishi mumkinligini ko‘rsatishini aytgan. AQSh vakillari esa mazkur masalani ko‘rib chiqishga rozi...

Qozog‘istonning bir qator hududlarida 4-oktabr kuni qor yog‘di. Oqto‘be viloyatining Xromtau shahri va Aqjar hududida ko‘chalar qor bilan qoplandi, Ostonada ham 5-oktabr kuni yomg‘ir qorga aylandi.

Oqto‘be viloyatida harorat nolgacha tushdi

Oqto‘be viloyatida 4-oktabr kuni mavsumning ilk qori kuzatildi. Xromtau va Aqjar aholisi qor bosgan ko‘chalar aks etgan videolarni ijtimoiy tarmoqlarda tarqatmoqda.

Ayrim joylarda tunda havo harorati 0 darajagacha pasaygan. Oqto‘be shahrida esa yomg‘ir 3-oktabrdan boshlab vaqti-vaqti bilan...

Tijorat banklari tomonidan 5-oktabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 4-oktabr uchun valyuta ayirboshlash kurslari haqida yozgandi.

O‘zbekistonga Afg‘onistondan katta miqdorda narkotik moddalarni noqonuniy olib kirishga urinishlar hamon davom etmoqda. Bu haqda Bojxona qo‘mitasi matbuot kotibi Husan Tangriyev ma’lum qildi.

«Haligacha Afg‘onistonda vaziyat yaxshilandi, deb ishonch bilan ayta olmaymiz», – dedi u.

Gashish qozonlar ichiga yashirilgan

Tangriyevning aytishicha, joriy yilda Afg‘onistondan olib kelinayotgan qozonlar ichiga yashirilgan bir necha yuz kilogramm gashishni O‘zbekistonga olib kirishga urinish aniqlangan.

Bojxona organlari narkotik moddalarni aniqlash va ularning noqonuniy aylanishining oldini olish bo‘yicha nazorat tadbirlarini davom ettirmoqda.

O‘tgan yili 612 kg narkotik aniqlangan

Bojxona qo‘mitasi vakili o‘tgan yili ham katta miqdordagi giyohvandlik vositalarini yashirincha...

Samsung keyingi avlod bukiluvchi flagmani Samsung Galaxy Z Fold 9 korpusini sezilarli darajada yupqalashtirishni rejalashtirayotgani aytilmoqda. ITHome ma’lumotiga ko‘ra, kompaniya qurilma ochilgan holatda 3,9 mm, yopilganda esa 7,9 mm qalinlikka erishishni maqsad qilgan.

Fold 8’dan yupqaroq bo‘lishi mumkin

Agar bu ko‘rsatkichlar tasdiqlansa, Galaxy Z Fold 9 yopilgan holatda Galaxy Z Fold 8’dan 1,8 mm, ochilgan holatda esa 0,6 mm yupqaroq bo‘ladi.

Bu Samsung’ning bukiluvchi smartfonlar segmentida korpus qalinligini kamaytirishga qaratilgan eng sezilarli yangilanishlardan biri bo‘lishi mumkin.

Ekran ostidagi kamera qaytishi ehtimoli bor

Galaxy Z Fold 9’da yana bir muhim yangilik sifatida ekran ostiga yashirilgan kamera tilga olinmoqda.

Krishtianu Ronalduning turmush o‘rtog‘i Jorjina Rodriges Portugaliya terma jamoasi bosh murabbiyi Jorje Jezusni tanqid qilgan izoh qoldirgani haqida xabarlar tarqaldi. Bu haqda Marca yozmoqda.

Nashrga ko‘ra, Rodrigesning reaksiyasi Ronaldu va Portugaliya terma jamoasi atrofidagi so‘nggi mojaro fonida yuz bergan. Keyinchalik u izohni o‘chirib tashlagani aytilmoqda.

Fergyuson nomidan tarqalgan gapga javob bergan

Xabarlarga ko‘ra, ijtimoiy tarmoqlarda Aleks Fergyusonga nisbat berilgan fikr tarqalgan. Unda, agar Jorje Jezus Ronalduni maydonga tushirish niyatida...

Chevrolet AQSh bozorida 2026-yilgi Trax modeli uchun oktabr oyidagi maxsus takliflarni e’lon qildi. Bu haqda GMAuthority nashri xabar bermoqda.

Takliflar orasida past foizli moliyalashtirish, keyingi yilgacha oylik to‘lovlarni boshlamaslik va maxsus lizing dasturlari bor. Shu bilan birga, bu oy avtomobilni naqd pulga xarid qiluvchilar uchun alohida chegirma taklif etilmaydi.

Kredit stavkasi 2,9% dan boshlanadi

2026-yilgi Chevrolet Trax uchun 36 oy muddatga yillik 2,9% stavkada moliyalashtirish taklif qilinmoqda.

GM Financial orqali kredit rasmiylashtirgan mijozlar uchun 92 kun davomida oylik to‘lovlarni amalga oshirmaslik imkoniyati ham mavjud. Ushbu taklif Pensilvaniya shtati rezidentlariga tatbiq etilmaydi.

Bundan tashqari, LS komplektatsiyasidan tashqari boshqa versiyalar...

City Xtra jurnalisti Edvard Bernett «Manchester Siti» himoyachisi Abduqodir Husanovning jamoadagi hozirgi holati haqida fikr bildirdi. Uning yozishicha, o‘zbekistonlik futbolchi jamoaga kelganidan buyon kuchli o‘yin ko‘rsatgan bo‘lsa-da, so‘nggi paytlarda muntazam ravishda asosiy tarkibdan joy olmayapti.

Bernett Husanovni «Manchester Siti»ning eng yaxshi himoyachilaridan biri deb baholagan.

U kamdan-kam holatda raqibga imkon beradi

Jurnalist Husanovning tezligi, jismoniy kuchi va to‘p olib qo‘yish qobiliyatini alohida qayd etdi.

«U 2025-yil yanvarida kelganidan beri, mening fikrimcha, jamoamizning eng yaxshi himoyachisi bo‘ldi. Juda tez, jismonan kuchli va to‘p olib qo‘yishda yaxshi. Uni yengib o‘tish oson emas», – deb yozdi Bernett.

5-oktabr kuni O‘zbekistonning bir qator hududlarida yomg‘ir yog‘ishi va havo harorati sezilarli pasayishi kutilmoqda. Qoraqalpog‘iston Respublikasi, Xorazm, Buxoro va Navoiy viloyatlarida esa yog‘ingarchilik kutilmaydi.

Toshkent, Jizzax, Samarqand va Sirdaryo viloyatlarining ayrim joylarida yomg‘ir yog‘adi. Kechasi harorat 5–10 daraja, kunduzi esa 15–20 daraja bo‘ladi.

Janubiy hududlarda ham yomg‘ir kutilmoqda

Qashqadaryo viloyatining ayrim joylarida 5-oktabr kuni yomg‘ir yog‘adi. Harorat kechasi 7–12 daraja, kunduzi 18–23 darajani tashkil etadi.

Surxondaryo viloyatida ham ayrim joylarda yomg‘ir yog‘ishi kutilmoqda. Bu hududda ham kechasi 7–12 daraja, kunduzi 18–23 daraja bo‘ladi.

Farg‘ona vodiysida havo 15–20 daraja bo‘ladi

Andijon, Namangan va Farg‘ona viloyatlarining ayrim joylarida yomg‘ir...

O‘zbekistonlik grossmeyster Nodirbek Abdusattorov unashtirildi. Bu haqda «Uzchess» loyihasi xabar bermoqda. Uning bo‘lajak turmush o‘rtog‘i Sevinch Mavlonova ekani ma’lum bo‘ldi.

ChessBase India ma’lumotiga ko‘ra, unashtiruv 4-oktabr kuni bo‘lib o‘tgan. Bu Samarqanddagi 46-Butunjahon shaxmat olimpiadasida O‘zbekiston erkaklar terma jamoasi oltin medalni qo‘lga kiritganidan bir hafta o‘tib yuz berdi.

To‘y 2027-yil mart oyiga rejalashtirilgan

ChessBase India ma’lumotiga ko‘ra, Nodirbek Abdusattorov va Sevinch Mavlonovaning to‘yi 2027-yil mart oyiga rejalashtirilgan.

UzChess...

Kursiv Uzbekistan mahalliy va xalqaro maydonda hafta davomida sodir bo‘lgan yangiliklarning eng muhimlarini bir joyga jamladi.

Javohir Sindarov Samarqanddagi olimpiadadan qancha pul ishlab topdi

O‘zbekiston terma jamoasi Samarqandda o‘tgan 46-Butunjahon shaxmat olimpiadasida oltin medalni qo‘lga kiritdi. Jamoa tarkibida ishtirok etgan Javohir Sindarov ushbu natija uchun $200 ming miqdorida bir martalik davlat mukofotiga ega bo‘ladi. Bu haqda 21-sentabrda qabul qilingan Prezidentning PQ–346-son qarorida so‘z boradi.

O‘zbekiston 27-sentabr kuni olimpiadaning so‘nggi turida Ukrainani 2,5:1,5 hisobida mag‘lub etib, ochiq turnir g‘olibiga aylandi. Bu O‘zbekiston terma jamoasining Butunjahon shaxmat olimpiadalaridagi ikkinchi chempionligi bo‘ldi. Birinchi oltin medal 2022-yilda Chennayda qo‘lga kiritilgan edi.

Elektr velosipedi musodara qilinganini aytgan kuryer transport vositasini 25 km/soatdan tez haydamasa va veloyo‘lakdan foydalansa ham A1 toifadagi haydovchilik guvohnomasi talab qilinayotganidan norozilik bildirdi. Iqtisodchi Otabek Bakirov esa amaldagi talablar kichik hajmdagi mototransport vositalari qatoriga ayrim e-velosipedlarni ham kiritib qo‘yganini ta’kidladi.

Kuryer ijtimoiy tarmoqdagi sahifasida e-velosipeddan foydalanish bo‘yicha yangi talablarni tushunmayotganini yozdi.

«E-velosipedimning tezligini 25 km/soatdan oshirmasam, katta yo‘lga chiqmay, veloyo‘lakda yursam ham A1 toifadagi guvohnomani olishim shart ekan», – deb yozdi u.

Uning aytishicha, bunday talablar, ayniqsa, yetkazib berish xizmatida ishlaydigan kuryerlar uchun qo‘shimcha muammo tug‘dirmoqda.

«Juda-juda g‘alati ishlar...

Senat O‘zbekiston va Pokiston o‘rtasida mahkumlarni topshirish to‘g‘risidagi bitimni ratifikatsiya qilish haqidagi qonunni ma’qulladi. Hujjat ikki davlat fuqarolariga jazoning qolgan qismini o‘z mamlakatida o‘tash imkonini beradi.

Bitim 2026-yil 5-fevral kuni Islomobod shahrida imzolangan. Unga ko‘ra, O‘zbekiston va Pokiston ozodlikdan mahrum etilgan mahkumlarni jazoning qolgan qismini fuqarosi bo‘lgan davlatda o‘tashi uchun o‘zaro topshirishi mumkin.

Mahkumlarni topshirish tartibi belgilanadi

Hujjatda mahkumni topshirish shartlari va bunga rad javobi berish asoslari belgilangan.

Shuningdek, so‘rovlarni yuborish tartibi, jazoni ijro etish jarayoni, mahkumlarni tranzit orqali olib o‘tish hamda xarajatlarni qoplash masalalari ham ko‘rsatib o‘tilgan.

Fuqarolarning huquqlarini himoya qilish ko‘zda tutilgan

Senatorlarning fikricha, bitim...

Toshkent viloyatining Zangiota tumanida «Sobir Rahimov – O‘rtaovul» bekatlari oralig‘ida yangi temir yo‘l o‘tkazgichi foydalanishga topshirildi. Bu haqda «O‘zbekiston temir yo‘llari» AJ xabar berdi.

Loyiha doirasida uzunligi 23,6 metr bo‘lgan ikki yo‘llik yangi temir yo‘l ko‘prigi qurildi.

Shuningdek, 1,2 km uzunlikdagi aylanma temir yo‘l va avtomobil yo‘li barpo etildi. 800 metr kontakt tarmog‘i ko‘chirildi, zamonaviy avtomobil va piyodalar yo‘laklari qurildi.

Qurilish davomida 60 ming kub metrga yaqin tuproq ishlari bajarilib, yomg‘ir va qor suvlarini xavfsiz chiqarish uchun maxsus suv o‘tkazgichlari ham o‘rnatildi.

Tirbandlik kamayishi kutilmoqda

«O‘zbekiston temir yo‘llari» ma’lumotiga ko‘ra, yangi o‘tkazgich Zangiota tumani aholisi va hududdan tranzit...

Qashqadaryo viloyati Kasbi tumanida 3 yoshli qizaloq vafot etganidan so‘ng oiladagi boshqa voyaga yetmagan bola yaqin qarindoshi vasiyligiga topshirildi. Ijtimoiy himoya milliy agentligi holatni alohida nazoratga olganini ma’lum qildi.

Dastlabki ma’lumotlarga ko‘ra, 26-sentabr kuni oiladagi kelishmovchilik ortidan 2022-yilda tug‘ilgan qizaloq og‘ir tan jarohati olgan va ko‘rsatilgan tibbiy yordamga qaramay, shu kuni vafot etgan.

Avvalroq Bolalar ombudsmani holat yuzasidan jinoyat ishi qo‘zg‘atilgani va gumon qilinuvchi ayol ushlanganini ma’lum qilgan edi. Hozirda dastlabki tergov Qashqadaryo viloyati prokuraturasi tomonidan olib borilmoqda.

Oiladagi boshqa bola qarindoshi qaramog‘iga berildi

Ijtimoiy himoya milliy agentligiga ko‘ra, oiladagi boshqa voyaga yetmagan bolaning xavfsizligi, huquq va...

Rossiyaning Irkutsk viloyatida o‘ta xavfli yuqumli kasallikka gumon qilingan holat qayd etilgani ortidan O‘zbekistonda tegishli xizmatlarning tayyorgarligi kuchaytirildi. Sanepid qo‘mitasi vaziyat Rossiya vakolatli idoralari va Jahon sog‘liqni saqlash tashkiloti manbalari orqali kuzatib borilayotganini ma’lum qildi.

Qo‘mita ma’lumotiga ko‘ra, ayni paytda kasallik tashxisi laboratoriyada tasdiqlangan yoki tasdiqlanmagani, ehtimoliy yuqish manbai, bemorning harakatlanish yo‘nalishi hamda u bilan aloqada bo‘lgan shaxslar haqidagi ma’lumotlar o‘rganilmoqda.

«Ayni vaqtda O‘zbekiston hududiga o‘ta xavfli yuqumli kasalliklarning kirib kelishi va tarqalishining oldini olish bo‘yicha tegishli xizmatlarning tayyorgarligi kuchaytirilgan», – deyiladi Sanepid qo‘mitasi xabarida.

Qo‘mita fuqarolardan tasdiqlanmagan xabarlarga ishonmaslik va ma’lumotlarni faqat rasmiy...