Yangiliklar

Daniya milliy reyestri xakerlik hujumiga uchrashi oqibatida qariyb 8,8 mln ro‘yxatdan o‘tgan shaxsga tegishli ma’lumotlar buzib kirilish oqibatida oshkor bo‘lgan. Bu haqda mamlakat Raqamli ishlar vazirligi ma’lum qildi.

O‘g‘irlangan ma’lumotlar orasida ism-sharif, yashash manzili va Daniyada milliy reyestr raqami sifatida qo‘llanadigan ijtimoiy xavfsizlik raqamlari bor.

Nega raqam Daniya aholisidan ko‘p

Daniya aholisi qariyb 6 mln kishini tashkil etadi. Biroq mamlakatning milliy reyestrida 11 mln ga yaqin shaxsga oid ma’lumotlar saqlanadi.

Bunga vafot etgan yoki mamlakatdan ko‘chib ketgan fuqarolar haqidagi yozuvlar ham kiradi. Shu sabab hujum ta’sir qilgan 8,8 mln kishi ko‘rsatkichi Daniyaning amaldagi aholisi sonidan yuqori.

Xakerlar...

2026 – 2027-yillarda mycoal.uz portali yoki uning mobil ilovasi orqali ko‘mir xarid qilgan va Ijtimoiy reyestrga kiritilgan oilalarga kompensatsiya to‘lanadi. Har bir tonna ko‘mir uchun 300 ming so‘m beriladi. Bu haqda Ijtimoiy himoya milliy agentligi xabar berdi.

Bir kalendar yil davomida bir oilaga beriladigan kompensatsiyaning umumiy miqdori 600 ming so‘mdan oshmaydi.

Kompensatsiya qanday tayinlanadi

Ko‘mir mycoal.uz orqali xarid qilingani haqidagi ma’lumotlar tegishli axborot tizimiga yuboriladi.

Shundan so‘ng Ijtimoiy himoya milliy agentligi ko‘mir xarid qilgan oilaning Ijtimoiy reyestrga kiritilgan yoki kiritilmaganini tekshiradi.

Talablarga mos oilalar bo‘yicha to‘lov ro‘yxati shakllantiriladi va kompensatsiya ijtimoiy karta yoki bank kartasiga o‘tkaziladi.

O‘zbekiston Tashqi ishlar vazirligi Latviyada mamlakatimiz fuqarolari uchun vizalar cheklanishi mumkinligi haqidagi taklifga munosabat bildirdi. Vazirlik matbuot kotibi Omonulla Fayziyev Kursiv Uzbekistan’ga ma’lum qilishicha, ushbu masala boʻyicha diplomatik choralar ko‘rilgan.

Latviya vizalarni cheklash masalasini ko‘targan edi

Avvalroq Latviya Ichki ishlar vazirligi O‘zbekiston fuqarolariga viza berishni ma’lum muddatga to‘xtatishni taklif qilgan edi. Vazirlik bunga Latviyaga kelganidan ko‘p o‘tmay ayrim O‘zbekiston fuqarolari tomonidan jinoyatlar, jumladan, voyaga yetmaganlarga qarshi jinoyatlar sodir etilganini sabab qilib ko‘rsatgan. Taklif 29-sentabr kuni hukumat kun tartibiga kiritilmagan.

Shuningdek, o’qing: Latviya Ichki ishlar vazirligi O‘zbekiston fuqarolariga viza berishni ma’lum muddatga to‘xtatib turishni taklif qildi.

O‘zbekiston Latviya...

Skoda tarixda ilk bor Skoda Octavia modelining to‘liq gibrid versiyasini taqdim etdi. Yangi Octavia Full Hybrid 1,5 litrli benzin dvigateli, ikkita elektromotor, bir pog‘onali avtomatik transmissiya va mufta bilan jihozlangan.

Tizim ketma-ket va parallel gibrid sxemani birlashtiradi. Zarurat bo‘lganda mufta benzin dvigatelini old g‘ildiraklarga to‘g‘ridan to‘g‘ri ulaydi.

Ikki elektromotor ishlatiladi

Gibrid tizimdagi elektromotorlardan biri asosan generator va benzin dvigatelining starteri vazifasini bajaradi.

Ikkinchi elektromotor esa avtomobilni harakatga keltiradi, old g‘ildiraklarga tortish kuchini uzatadi va tormozlanish vaqtida energiyani qayta tiklaydi. Elektronika harakat sharoitiga qarab tizimning uchta ish rejimidan birini avtomatik tanlaydi.

Faqat elektrda 2 km yuradi

Skoda Octavia...

Tijorat banklari tomonidan 6-oktabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 6-oktabr uchun valyuta ayirboshlash kurslari haqida yozgandi.

Toyota AQSH bozori uchun 2027-yilgi Toyota Corolla Cross krossoverini taqdim etdi. Bu haqda Carcoops nashri xabar bermoqda.

Avtomobil texnik jihatdan deyarli o‘zgarmagan, biroq ishlab chiqaruvchi komplektatsiyalar qatorini qayta ko‘rib chiqib, narxlarni oshirgan. Asosiy o‘zgarish gibrid versiyaga tegishli. Endilikda Corolla Cross Hybrid eng arzon S komplektatsiyasida taklif qilinmaydi. Xaridorlar faqat SE va XSE versiyalarini tanlashi mumkin.

Benzinli versiya 169 ot kuchiga ega

Toyota Corolla Cross 2027’ning benzinli versiyasi 2,0 litrli, to‘rt silindrli dvigatel bilan jihozlangan. Motor 169 ot kuchi ishlab chiqaradi.

Dvigatel mexanik birinchi uzatmaga ega variator bilan birgalikda ishlaydi. Avtomobil old yoki to‘liq uzatmali variantlarda taklif etiladi.

Chevrolet 2027-yilgi Chevrolet Express modelining narxlari va qo‘shimcha opsiyalarini e’lon qildi. Model yo‘lovchi tashishga mo‘ljallangan Passenger hamda yuk tashuvchi Cargo versiyalarida sotiladi.

2027-yilgi Chevrolet Express avvalgi modelga nisbatan katta o‘zgarishlarsiz taklif qilinadi.

Passenger versiyasi $50 945 dan boshlanadi

Chevrolet Express 2500 Passenger’ning LS komplektatsiyasi $50 945 dan, LT versiyasi esa $53 290 dan boshlanadi. 3500 Passenger LS narxi $52 145, LT esa $54 090 etib belgilangan.

Uzaytirilgan g‘ildirak bazasiga ega 3500 Passenger esa LS versiyasida $52 945, LT’da $54 890 dan sotiladi.

Cargo versiyasi arzonroq

Yuk tashishga mo‘ljallangan Chevrolet Express 2500 Cargo narxi $45 095 dan boshlanadi...

Prezident Administratsiyasi rahbari Saida Mirziyoyeva Toshkent arxitektura-qurilish universiteti faoliyati bilan tanishdi. Bu haqda u o‘z Telegram kanalida ma’lum qildi. Hozirda universitetda to‘rtta ta’lim yo‘nalishi bo‘yicha qariyb 10 ming talaba tahsil olmoqda.

Universitetda raqamlashtirish kuchaytirilmoqda

Mirziyoyeva ma’lumotiga ko‘ra, oliygohda ma’muriy boshqaruv, o‘quv va ilmiy jarayonlarga raqamli texnologiyalar faol joriy etilmoqda.

Shuningdek, dual ta’lim rivojlantirilmoqda, ilmiy ishlanmalarni tijorat loyihalariga aylantirish va talabalar shaharchasini ilg‘or innovatsion yechimlar maydoniga aylantirish bo‘yicha ishlar olib borilmoqda.

Yangi avlod mutaxassislarini tayyorlash muhim

Saida Mirziyoyeva zamonaviy va yashil shaharlarni rivojlantirish uchun yangi avlod arxitektorlari, loyihachilar va muhandislarni tayyorlash muhimligini ta’kidladi.

Uning fikricha, bunday mutaxassislar keng...

Honor X9e Pro smartfoni Rossiyada sotuvlar boshlanishidan oldin Barens dengizida suv osti sinovidan o‘tkazildi. Qurilma uchta nusxada 15,5 metrgacha chuqurlikka tushirilgan va sinovdan so‘ng ularning barchasi ishlashda davom etgan.

Sinov Kola yarimoroli yaqinida ikki kun davomida o‘tkazilgan. Smartfonlar yordamida suv ostida foto va video tasvirlar olingan.

Smartfonlar suv ostida 7 soatdan ortiq qolgan

Dengiz suvining harorati 7 darajadan oshmagan. Birinchi kuni fridiverlar Retinskoye tashlandiq posyolkasi yaqinidagi cho‘kib ketgan kemalar hududida 13 metrgacha chuqurlikka tushgan.

Ikkinchi kuni esa akvalangchilar Titovka hududidagi suv osti olamini tasvirga olgan. Ayrim sho‘ng‘ishlar 2,5 metrdan 15,5 metrgacha chuqurlikda bo‘lib, ularning davomiyligi 2 daqiqadan...

2027-yilgi Chevrolet Bolt elektromobili egalari harakat vaqtida old oyna yaqinidan keladigan taqillash yoki titrashga o‘xshash ovozni sezishi mumkin. General Motors ushbu muammoning ehtimoliy sababini tushuntirib, uni bartaraf etish bo‘yicha servis ko‘rsatmasini e’lon qildi.

Kompaniya ma’lumotiga ko‘ra, shovqin avtomobil notekis yo‘ldan o‘tayotganda paydo bo‘lishi va deyarli istalgan tezlikda eshitilishi mumkin.

Muammo orqa ko‘rish oynasi yaqinida bo‘lishi mumkin

GM mutaxassislarining fikricha, shovqinga orqa ko‘rish oynasi ortida joylashgan old oyna ko‘p funksiyali sensori kronshteyni qopqog‘idagi bo‘shashgan detal sabab bo‘lishi mumkin.

Agar Chevrolet Bolt’da shu turdagi shovqin kuzatilsa, servis mutaxassislari avvalo qopqoq ichidagi detalni va uni ushlab turuvchi mahkamlash qismlarini tekshirishi kerak.

6-oktabr kuni O‘zbekiston bo‘ylab yog‘ingarchilik kutilmaydi. Ayrim hududlarda tuman tushishi mumkin. Bu haqda «O‘zgidromet» ma’lum qildi.

Toshkent shahrida havo o‘zgaruvchan bo‘ladi, yog‘ingarchilik kutilmaydi. Kechasi harorat 7–9 daraja, kunduzi 18–20 darajani tashkil etadi. Shamol shimoli-sharqdan 3–8 m/s tezlikda esadi.

Qoraqalpog‘iston va Xorazmda 2 darajagacha soviydi

Qoraqalpog‘iston Respublikasi va Xorazm viloyatida yog‘ingarchilik kutilmaydi, ayrim joylarda tuman tushishi mumkin. Harorat kechasi 2–7 daraja iliq, kunduzi 15–20 daraja bo‘ladi. Shamol sharqdan 7–12 m/s tezlikda esadi.

Buxoro va Navoiy viloyatlarida kechasi 3–8 daraja, kunduzi 18–23 daraja iliq bo‘lishi kutilmoqda.

Markaziy hududlarda 23 darajagacha iliq

Toshkent, Sirdaryo, Jizzax va Samarqand viloyatlarida yog‘ingarchilik kutilmaydi...

O‘zbekistonlik grossmeyster Nodirbek Abdusattorov yosh bo‘lishiga qaramay, jahon shaxmatining eng kuchli vakillari qatoridan joy oldi. U rapid bo‘yicha jahon chempioni bo‘lgan, Magnus Karlsenni mag‘lub etgan va O‘zbekiston terma jamoasi bilan Shaxmat olimpiadasida tarixiy natijalarga erishgan. Quyida Abdusattorov haqida beshta qiziqarli faktni jamladik.

1. To‘qqiz yoshidayoq grossmeysterlarni yenggan

Abdusattorovning iste’dodi juda erta namoyon bo‘lgan. FIDE ma’lumotiga ko‘ra, u atigi to‘qqiz yoshida bir turnirning o‘zida ikki grossmeysterni mag‘lub etishga muvaffaq bo‘lgan.

Nodirbek Abdusattorov unashtirildi, Tramp O‘zbekistonga kelishi mumkin — 5-oktabrda e’lon qilingan yangiliklar «Kursiv» dayjestida.

Tibbiyot bo‘yicha Nobel mukofoti sovrindorlari e’lon qilindi

2026-yilgi Fiziologiya yoki tibbiyot bo‘yicha Nobel mukofoti amerikalik olim Karl Deisserot hamda germaniyalik olimlar Peter Hegemann va Georg Nagelga berildi. Ular asab hujayralari faoliyatini yorug‘lik yordamida boshqarish imkonini bergan kashfiyotlari va optogenetika usulini rivojlantirgani uchun taqdirlandi. Bu haqda Nobel mukofotining rasmiy sayti xabar berdi.

Xorazmda Xitoy universiteti filiali ochiladi

Xorazm viloyatida Xitoyning Lyaoning pedagogika universiteti filiali tashkil etiladi. Bu haqda Adliya vazirligi xabar bermoqda. Filialda ta’lim jarayoni 2026/2027-o‘quv yilidan boshlanadi.

Filialda o‘qitish o‘zbek, xitoy...

Tesla ikki yillik pasayishdan keyin yana yillik o‘sishga qaytish imkoniyatini kuchaytirdi. Kompaniya 2026-yilning III choragida 486,5 mingta avtomobil yetkazib, tahlilchilar prognozidan ancha yuqori natija qayd etdi. Bu haqda Reuters xabar berdi.

Tesla 486,5 mingta avtomobil yetkazdi

Tesla III chorakda 486 532 ta elektromobil yetkazgan. Tahlilchilar esa kompaniya taxminan 456,9 mingta avtomobil sotishini kutgandi. Shu tariqa Tesla prognozdan qariyb 30 mingta ko‘proq avtomobil yetkazib berdi. Kompaniya chorak davomida 464 391 ta avtomobil ishlab chiqargan.

Yetkazib berishlarning asosiy qismini Model 3 va Model Y tashkil etdi. Ushbu ikki modeldan jami 478 237 dona xaridorlarga topshirilgan. Qolgan modellar bo‘yicha...

O‘zbekistonda yil boshidan buyon 5 ta yangi gaz koni ochildi. Joriy yilda 6 ming metrgacha va undan ham chuqur bo‘lgan qatlamlarda 80 ta quduq burg‘ilandi. Bu haqda prezident Shavkat Mirziyoyevga neft va gaz tarmog‘idagi yirik loyihalar bo‘yicha taqdimotda ma’lum qilindi.

3D seysmik razvedka 5 barobar oshiriladi

Gaz zaxiralarini ko‘paytirish maqsadida geologiya-qidiruv ishlari kengaytirilmoqda. Joriy yilda 3D seysmik razvedka hajmini o‘tgan yildagiga nisbatan 5 barobarga oshirish rejalashtirilgan.

Yil boshidan 6 ming metrgacha va undan ortiq chuqurlikda 80 ta quduq burg‘ilandi. Yilning IV choragida yana 40 ta quduq burg‘ilash rejalashtirilgan.

Ayniqsa, Ustyurtning katta chuqurlikdagi qatlamlarini o‘rganish, yangi...

Abror Po‘latov prezident administratsiyasi rahbari kotibiyati mudiri o‘rinbosari lavozimiga tayinlandi. Tegishli farmoyish prezident administratsiyasi rahbari tomonidan imzolandi. Bu haqda prezident matbuot kotibi xabar berdi.

Abror Po‘latovning faoliyati

Abror Po‘latov 1986-yil 12-fevralda Farg‘ona viloyatida tug‘ilgan. U 2006-yilda Toshkent islom universitetining huquqshunoslik fakultetini, 2008-yilda O‘zbekiston Milliy universitetining Oliy jurnalistika kursini tamomlagan. Siyosiy fanlar bo‘yicha falsafa doktori.

Po‘latov mehnat faoliyati davomida IIV Transport IIBB, «Kamolot» yoshlar ijtimoiy harakati Markaziy kengashi, «Avtoradio media» xususiy korxonasi hamda Vazirlar Mahkamasi huzuridagi Din ishlari bo‘yicha qo‘mitada turli lavozimlarda ishlagan.

Milliy media assotsiatsiyasiga rahbarlik qilgan

Abror Po‘latov 2022-yil may oyida O‘zbekiston Milliy...

Samsung Electronics va kompaniyaning yana beshta sho‘basi AI infratuzilmasi bilan shug‘ullanuvchi Helix Digital Infrastructure kompaniyasiga jami $1 mlrd sarmoya kiritadi. Bu haqda Samsung ma’lum qildi.

Samsung Electronics $500 mln beradi

Umumiy investitsiyaning $500 mln bevosita Samsung Electronics tomonidan kiritiladi. Qolgan mablag‘ni Samsung C&T, Samsung SDS, Samsung SDI, Samsung Life Insurance va Samsung Fire & Marine Insurance taqdim etadi.

Helix kompaniyasi KKR tomonidan tashkil qilingan bo‘lib, AI uchun ma’lumotlar markazlari, elektr energiyasi va optik tarmoqlar infratuzilmasini rivojlantiradi.

NVIDIA ham loyihada ishtirok etmoqda

Helix’ning global infratuzilmasini kengaytirish loyihasida KKR, Kuvayt investitsiya boshqarmasi, NVIDIA va Vistra ham...

AQShning Michigan shtatidagi garaj savdosidan atigi 30 dollarga sotib olingan Gertruda Aberkrombi kartinasi Nyu-Yorkdagi auktsionda 1,3526 mln dollarga sotildi. 1951-yilda chizilgan «Alderman Merriam’s Shells» asari rassom ijodidagi auktsion rekordi bo‘ldi. Bu haqda auksion uyiga tayanib, UPI.com xabar berdi.

Rasm 75 yil davomida ko‘zdan yo‘qolgan

Chikagolik syurrealist rassom Gertruda Aberkrombi 1951-yilda yaratgan kichik kartinada dengiz chig‘anoqlari tasvirlangan. Asar 1952-yilda Kalamazu shahridagi shifokor Jon Reynoldsga tibbiy xizmat evaziga berilgan.

Shuningdek, o‘qing: Harry Potter and the Philosopher’s Stone kitobining birinchi nashrlaridan biri auksionda $23 mingga sotilgandi.

Keyinchalik rasm bir necha ko‘rgazmada namoyish etilgan, ammo qariyb 75 yil davomida omma...

AQSh ilgari global yuk oqimlari haqidagi ma’lumotlarni jamlashi mumkinligi sabab «savdo superquroli» deb baholagan Xitoyning LOGINK logistika platformasi xalqaro maydondagi faoliyatini deyarli to‘xtatgan. Bu haqda Reuters xabar berdi.

Platforma xalqaro hamkorlikdan chiqib ketdi

LOGINK bojxona, portlar va transport kompaniyalari ma’lumotlarini yagona tizimda birlashtirish uchun ishlab chiqilgan. Platforma Yaponiya va Janubiy Koreya bilan ma’lumot almashgan, Yevropadagi ayrim portlar bilan ham hamkorlik qilishga uringan.

Biroq 2024-yildan boshlab xalqaro loyihalardagi ishtiroki kamaygan. Platforma bilan bog‘liq xalqaro assotsiatsiyadagi a’zolik ham to‘xtatilgan.

Xitoydagi ofislar ham bo‘shab qolgan

Reuters jurnalistlari LOGINK’ning Xitoyning Venchjou shahridagi markaziga tashrif buyurganida binoda faoliyat alomatlari deyarli kuzatilmagan.

Platforma...

Britaniyaning Bentley kompaniyasi o‘zining ilk to‘liq elektr avtomobili – Torcal SUV’ni taqdim etdi. Model 2027-yildan ishlab chiqarilishi rejalashtirilgan bo‘lib, uning boshlang‘ich narxi qariyb 230 ming dollarni tashkil qiladi. Bu haqda Reuters xabar berdi.

600 kilometrgacha yuradi

Torcal Bentley’ning an’anaviy dizayn elementlarini saqlab qolgan. Kompaniya elektromobilda ham brendga xos ko‘rinishni saqlashga urg‘u bergan.

Avtomobil bir quvvat bilan 600 kilometrgacha masofani bosib o‘tishi mumkin. Bentley elektromobil orqali yangi, yoshroq xaridorlarni ham jalb etishni maqsad qilmoqda.

Zavodga 465 mln dollar investitsiya qilinadi

Bentley Torcal ishlab chiqarishini qo‘llab-quvvatlash uchun Buyuk Britaniyadagi Crewe zavodiga 350 mln funt sterling, ya’ni...

Jahon sog‘liqni saqlash tashkiloti (JSST) ma’lumotlariga ko‘ra, dunyoda tug‘ilishdagi o‘rtacha umr ko‘rish davomiyligi 2023-yilda 73,3 yoshga yetgan. Bu ko‘rsatkich COVID-19 pandemiyasi sabab yuzaga kelgan pasayishdan keyin 2019-yildagi darajaga deyarli qaytganini anglatadi. Bu haqda JSST xabar berdi. 

O‘rtacha umr ko‘rish pandemiyadan keyin tiklandi

JSSTning 2000 – 2023-yillarni qamrab olgan yangi Global Health Estimates hisobotida dunyo mamlakatlari va hududlaridagi umr ko‘rish davomiyligi, o‘lim sabablari hamda kasalliklar yuki tahlil qilingan.

2023-yilda dunyoda tug‘ilishdagi o‘rtacha umr ko‘rish 73,3 yoshni tashkil etgan. 2019-yilda bu ko‘rsatkich 73,4 yosh edi.

JSST pandemiya davrida yuzaga kelgan yo‘qotishlarning katta qismi qoplanganini qayd etgan. Biroq odamlarning...

O‘zbekistonda suyultirilgan gaz ta’minoti bo‘yicha yangi tizim joriy etiladi. Bu haqda «Hududgazta’minot» aksiyadorlik jamiyatining «Suyultirilgan gaz ta’minoti» departamenti boshlig‘i Akmal Jo‘rayev OAV uchun Kontent tayyorlash markazida o‘tkazilgan brifingda ma’lum qildi.

2026-yil 1-noyabrdan suyultirilgan gazni birjaning alohida savdo maydonchasi orqali xarid qilish va yetkazib berish tartibi ishga tushiriladi.

3,7 mln dan ortiq xonadon suyultirilgan gaz olmoqda

Joriy yilning yanvar – sentabr oylarida aholiga 398 ming tonnadan ortiq suyultirilgan gaz yetkazib berilgan. Hozirda 3,73 mln dan ortiq xonadonlar va qariyb 2 mingta ijtimoiy soha obyekti suyultirilgan gaz bilan ta’minlanmoqda.

2026/2027-yil kuz-qish mavsumida iste’molchilarga 325,7 ming tonna suyultirilgan gaz yetkazib berish...

Jinoyat ishlari bo‘yicha Mirzacho‘l tumani sudi «Sirojiddin Media» MChJ rahbari Sirojiddin Odilovni tovlamachilik va firibgarlikda aybli deb topib, 4 yilga ozodlikdan mahrum qildi. Sudga ko‘ra, u uch nafar fuqarodan jami 75 mln so‘mni noqonuniy yo‘l bilan qo‘lga kiritgan. Bu haqda Jizzax viloyati sudlari xabar berdi. 

75 mln so‘mlik zarar qoplangan

5-oktabr kuni chiqarilgan hukmga ko‘ra, Odilov bir fuqaroga nisbatan Jinoyat kodeksining 165-moddasi 1-qismida nazarda tutilgan tovlamachilik, yana ikki fuqaroga nisbatan esa 168-moddasi 3-qismining «b» va «v» bandlarida ko‘rsatilgan takroran firibgarlik jinoyatlarini sodir etganlikda aybli deb topilgan.

Sud muhokamasida Odilov D. Shamsiyevdan 12 mln so‘mni tovlamachilik yo‘li...

5 – 9-oktabr kunlari O‘zbekistonning katta qismida asosan quruq ob-havo kuzatiladi. 5-oktabr kuni ayrim hududlarda yomg‘ir yog‘ishi mumkin, 7 – 9-oktabrga kelib esa kunduzgi harorat 20–25 darajagacha ko‘tariladi. Bu haqda «O‘zgidromet» xabar berdi.

6 – 9-oktabrda yog‘ingarchilik kutilmaydi

6 – 9-oktabr kunlari respublika bo‘yicha, asosan, yog‘ingarchilik bo‘lmaydi. 6-oktabr kuni kechasi harorat 5–10 daraja, shimoliy hududlarda 2–7 daraja iliq, kunduzi esa 15–20 daraja bo‘ladi.

7 – 9-oktabrda havo asta-sekin isib, kechasi 10–15 darajagacha, kunduzi esa 20–25 darajagacha ko‘tariladi.

Tog‘larda qor yog‘ishi mumkin

5-oktabr kuni tog‘oldi va tog‘li hududlarning ayrim joylarida yomg‘ir yog‘ishi va sel-suv toshqinlari yuzaga kelishi mumkin.