Yangiliklar

Lionel Messi Argentina terma jamoasi safidagi so‘nggi uchrashuvini o‘tkazdi. Buenos-Ayresdagi o‘rtoqlik o‘yinida Argentina Beninni 3:0 hisobida mag‘lub etdi.

Bu Messi uchun milliy terma jamoadagi 208-o‘yin bo‘ldi. U uchrashuvda o‘zining 126-golini ham urdi.

So‘nggi golini penaltidan urdi

Messi 71-daqiqada penaltini aniq amalga oshirib, Argentina safidagi so‘nggi goliga mualliflik qildi.

Bungacha u Nikolas Otamendi va Niko Pasning gollariga assist bergan. Otamendi uchun ham bu terma jamoadagi so‘nggi uchrashuv bo‘ldi.

O‘zbekiston terma jamoasi bokschisi Abdumalik Xalokov Yaponiyada o‘tkazilgan 2026-yilgi Osiyo o‘yinlarida oltin medalni qo‘lga kiritdi. Bu uning faoliyatidagi ikkinchi Osiyo o‘yinlari chempionligi bo‘ldi.

60 kg gacha vazn toifasi finalida Xaloqov Janubiy Koreya vakili Chan Donxvanni mag‘lub etdi.

Bu bilan to‘xtab qolmaydi

G‘alabadan so‘ng bokschi ijtimoiy tarmoqlardagi sahifasida natijaga munosabat bildirdi.

«Bugun yildan-yilga yozib kelayotgan tariximda yangi sahifa ochdik. Bunda g‘alabaga bo‘lgan cheksiz irodam, murabbiylar shtabining...

Toshkent shahri va Andijon viloyatida o‘tkazilgan tezkor tadbirda uy sharoitida qalbaki pullar tayyorlash va ularni muomalaga kiritish bilan shug‘ullangan shaxs aniqlangan. Bu haqda Davlat xavfsizlik xizmati ma’lum qildi.

DXX ma’lumotiga ko‘ra, Asaka tumanida yashovchi shaxs jami 297 mln so‘mlik qalbaki banknotlarni 148 mln so‘mga sotayotgan vaqtida ushlangan.

100 va 200 ming so‘mlik banknotlar bo‘lgan

Tezkor tadbir davomida 100 ming va 200 ming so‘mlik soxta banknotlardan iborat 297 mln so‘m ashyoviy dalil sifatida olingan.

DXX ma’lumotiga ko‘ra, gumonlanuvchi ilgari firibgarlik bilan bog‘liq jinoyat uchun sudlangan.

Uyidan printer va yarim tayyor kupyuralar topilgan

Tezkor tadbir davom ettirilib, gumonlanuvchining yashash...

UzAuto Motors 7-oktabrdan Chevrolet Cobalt va Damas avtomobillarini to‘g‘ridan to‘g‘ri, bank ishtirokisiz bo‘lib to‘lash sharti bilan xarid qilish imkoniyatini taqdim etadi. Bu haqda kompaniya ma’lum qildi.

Taklif doirasida xaridor avtomobil uchun boshlang‘ich to‘lovni amalga oshirib, qolgan summani oyma-oy to‘lashi mumkin bo‘ladi.

Cobalt uchun 50% boshlang‘ich to‘lov

Chevrolet Cobalt xaridida boshlang‘ich to‘lov avtomobil qiymatining 50%ini tashkil etadi. Qolgan summa 24 oy davomida bo‘lib to‘lanadi. Boshlang‘ich komplektatsiya uchun oylik to‘lov 3 mln 252 ming so‘mdan boshlanadi.

Damas uchun muddat 30 oy

Chevrolet Damas uchun boshlang‘ich to‘lov 30% etib belgilangan. Qolgan mablag‘ni 30 oy davomida to‘lash mumkin. Boshlang‘ich komplektatsiya bo‘yicha...

Chevrolet Cobalt 6 ming dollardan boshlanadi, Husanov va Fayzullayev Janubiy Koreyaga qarshi asosiy tarkibda — 6-oktabr yangiliklari Kursiv Uzbekistan dayjestida.

Yetti soatlik konsert va o‘nlab yulduzlar: Qirg‘izistonda «Bishkek Arena» qanday ochildi

Qirg‘izistonda yangi «Bishkek Arena» stadionining rasmiy ochilish marosimi bo‘lib o‘tdi. Kursiv Kazakhstan ma’lumotiga ko‘ra, tadbirga 60 mingdan ortiq tomoshabinlar tashrif buyurgan.

Konsert dasturi qariyb yetti soat davom etgan va unda turli davlatlardan o‘nlab san’atkorlar qatnashgan.

Namanganda 1,3 mlrd so‘mlik budjet puli talon-toroj qilindi

Namangan viloyatining Uchqo‘rg‘on tumanida 1,3 mlrd so‘mlik budjet mablag‘larini talon-toroj qilish holati aniqlangan. Bu haqda Bosh prokuratura huzuridagi Departament ma’lum qildi.

Departamentning...

Mercedes-Benz Tayvanning ProLogium kompaniyasi bilan yangi avlod qattiq elektrolitli akkumulyatorlarini sinovdan o‘tkazish bo‘yicha kelishuv tuzdi. Germaniya kompaniyasi ProLogium’ning yangi Gen4 batareyalarini sinovdan o‘tkazishda ustuvor huquqqa ega bo‘ladi. Bu haqda ProLogium kompaniyasi xabar berdi.

Batareyalar elektr va xavfsizlik sinovlaridan o‘tadi

Kelishuvga ko‘ra, Mercedes-Benz Gen4 batareyalarining elektr, issiqlik va xavfsizlik ko‘rsatkichlarini o‘z laboratoriyalarida hamda ixtisoslashtirilgan tashqi markazlarda tekshiradi.

Sinovlarning asosiy maqsadi ushbu texnologiyaning kelajakdagi Mercedes elektromobillarida foydalanish uchun qanchalik mosligini aniqlashdan iborat.

ProLogium yangi batareyalarda yonmaydigan noorganik elektrolit va keramika separatoridan foydalanishini bildirgan. Kompaniya texnologiya yuqori energiya zichligi, tez quvvatlanish, katta quvvat chiqishi va past haroratlarda ishlash samaradorligini ta’minlashini ta’kidlamoqda.

Birlashgan Arab Amirliklaridan xalqaro qidiruvda bo‘lgan O‘zbekistonning olti nafar fuqarosi mamlakatga ekstraditsiya qilindi. Ular turli og‘irlikdagi jinoyatlarni sodir etishda gumonlanib, Interpol kanallari orqali qidiruvga berilgan. Bu haqda O‘zbekiston Ichki ishlar vazirligi xabar berdi.

Yil boshidan 16 kishi O‘zbekistonga qaytarildi

Ekstraditsiya Interpolning O‘zbekistondagi Milliy markaziy byurosi va BAAning tegishli byurosi hamda ikki davlat vakolatli organlari o‘rtasidagi hamkorlik doirasida amalga oshirilgan.

IIV ma’lumotlariga ko‘ra, joriy yil boshidan buyon Interpolning O‘zbekistondagi Milliy markaziy byurosi tashabbusi bilan xalqaro qidiruvda bo‘lgan 16 nafar shaxs BAA hududidan O‘zbekistonga ekstraditsiya qilingan.

Ikki davlat organlari o‘rtasidagi hamkorlik kuchaytirilmoqda

IIV ushbu natijaga ikki davlat...

Osiyo futbol konfederatsiyasi (AFC) 2030-yildan boshlab Millatlar ligasini ishga tushirishni rejalashtirmoqda. Taklif qilinayotgan yangi tizim Osiyo kubogi va Jahon chempionati saralashini ham Millatlar ligasi natijalari bilan bog‘laydi. Shu sababli O‘zbekiston 2034-yilgi Jahon chempionatiga chiqish uchun yangi imkoniyatga ega bo‘lishi mumkin. Bu haqda The Asian Game xabar berdi.

Osiyoning 47 ta terma jamoasi uch divizionga bo‘linadi

Taklifga ko‘ra, AFC tarkibidagi 47 ta terma jamoa kuchiga qarab uchta divizionga ajratiladi. Birinchi va ikkinchi divizionda 18 tadan jamoa qatnashadi, qolgan 11 ta terma jamoa esa uchinchi divizionga joylashtiriladi.

O‘zbekiston 2026-yilgi Jahon chempionatiga tarixida ilk bor yo‘llanma olgani sababli yangi...

Isitish mavsumida gazlashmagan hududlarda elektr energiyasi bo‘yicha bazaviy me’yor 200 kilovatt-soatdan 350 kilovatt-soatgacha oshirilishi taklif qilindi. Shuningdek, ehtiyojmand oilalarga dekabr oyida bir martalik moddiy yordam ajratish masalasi ko‘rib chiqiladi. Prezident Shavkat Mirziyoyev kuz-qish mavsumida aholini, xususan, ehtiyojmand oilalarni ijtimoiy himoya qilish bo‘yicha takliflar taqdimoti bilan tanishdi.

Taqdimotda elektr energiyasi, gaz, ko‘mir va kommunal xizmatlar uchun to‘lovlar bo‘yicha amaldagi qo‘llab-quvvatlash mexanizmlarini kengaytirish masalalari ko‘rib chiqildi.

Shuningdek, Ijtimoiy reyestrga kirmagan ehtiyojmand oilalarning xarajatlarini qoplashda oilaning har bir a’zosiga qo‘llaniladigan daromad mezonini 1 million 430 ming so‘mgacha oshirish taklif qilindi. Bu orqali qo‘llab-quvvatlash qamrovi yana 166 ming oilaga kengayadi.

Elektr...

Isroil Flydubai’ning Dubaydan Tel-Avivga uchayotgan FZ1073 reysi bortidagi uchuvchiga hujumdan so‘ng samolyotni urib tushirish ehtimoliga tayyorlangan. Bortda 150 nafardan ortiq isroillik yo‘lovchi bo‘lgan. Bu haqda CBS News Isroil vaziyatidan xabardor ikki manbaga tayanib xabar berdi.

Isroil qiruvchi samolyotlarni havoga ko‘targan

30-sentabr kuni FZ1073 reysi Dubaydan Tel-Avivga uchayotgan paytda ikkinchi uchuvchi kapitan kabinasida unga hujum qilgan. Samolyot qisqa vaqt ichida qariyb 14 ming futga pasaygan va ekipajning aloqaga chiqmagani Isroil tomonida xavotir uyg‘otgan.

CBS manbalariga ko‘ra, Isroil harbiy-havo kuchlari qiruvchi samolyotlarni havoga ko‘targan va mamlakat havo hududi yopilgan. Vaziyat bo‘yicha oldindan belgilangan favqulodda qo‘mita ham ishga tushirilgan.

O‘zbekiston prezidenti Shavkat Mirziyoyev 6-oktabr kuni «Lukoyl» kompaniyasi asoschisi Vagit Alekperovni qabul qildi. Uchrashuvda kompaniyaning O‘zbekiston energetika sohasidagi loyihalari va faoliyatini kengaytirish rejalari muhokama qilindi. Bu haqda prezident matbuot xizmati xabar berdi.

Geologiya-qidiruv va yangi konlar muhokama qilindi

Vagit Alekperov davlat rahbariga «Lukoyl» tomonidan O‘zbekiston energetika tarmog‘ida amalga oshirilayotgan loyihalarning joriy holati haqida ma’lumot berdi.

Ular qatoridan geologiya-qidiruv ishlarini olib borish va istiqbolli uglevodorod konlarini o‘zlashtirish loyihalari o‘rin olgan.

Shuningdek, neft mahsulotlarini chakana sotish tarmog‘ini rivojlantirish masalalari ham ko‘rib chiqildi.

Kompaniya faoliyatini kengaytirmoqchi

Uchrashuvda «Lukoyl»ning O‘zbekistondagi faoliyatini yanada kengaytirish bo‘yicha rejalar ham muhokama qilindi.

Tomonlar energetika sohasidagi...

Quyoshda so‘nggi bir oy ichidagi eng kuchli chaqnash kuzatildi. 5-oktabr kuni yulduz yuzasidagi faol hududlardan birida M1.0 darajasidagi chaqnash kuzatilgan. Bu 5-sentabrdan beri qayd etilgan eng kuchli quyosh chaqnashi bo‘ldi. Bu haqda Avstraliya kosmik ob-havo xizmati ma’lum qildi.

Quyoshdagi faollik yana kuchaymoqda

M1.0 darajasidagi chaqnash 5-oktabr kuni soat 18:48 UTC da, ya’ni Toshkent vaqti bilan 23:48 da maksimal darajaga yetgan. U AR4545 faol hududida yuz bergan va R1 darajasidagi radioaloqa buzilishiga sabab bo‘lgan.

Mutaxassislar ayni paytda Quyoshning ko‘rinib turgan qismida bir nechta faol dog‘lar guruhi shakllanayotganini qayd etmoqda. NOAA ma’lumotlariga ko‘ra, AR4545 bilan birga AR4549 ham...

O‘zbekiston milliy terma jamoasi 6-oktabr kuni Janubiy Koreyaga qarshi xalqaro o‘rtoqlik uchrashuvida 0:2 hisobida mag‘lub bo‘ldi. Gollarni Son Hyon Min va O Se-hun urdi. Uchrashuv Yongin Mireu stadionida o‘tkazildi.

Son Hyon Min 6-daqiqada hisobni ochdi

Janubiy Koreya uchrashuvni faol boshladi. Mezbonlar sardori Son Hyon Min 6-daqiqada O‘zbekiston darvozasini ishg‘ol qilib, jamoasini oldinga olib chiqdi. Bu uning terma jamoadagi 59-goli bo‘ldi.

O‘zbekiston birinchi bo‘limda hisobni tenglashtirishga harakat qilgan bo‘lsa-da, tanaffusgacha mezbonlar ustunligini saqlab qoldi.

O Se-hun ikkinchi golni urdi

Ikkinchi bo‘limning 60-daqiqasida Janubiy Koreya hisobni 2:0 ga yetkazdi. Mezbonlar hujumchisi O Se-hun jamoasining ikkinchi goliga mualliflik qildi.

69-daqiqada...

O‘zbekistonda bolalar saratonini erta bosqichda aniqlash holatlari ulushi 65 foizgacha yetkaziladi. O‘zbekistonda onkologik va gematologik kasalliklarga chalingan bolalar va o‘smirlarga tibbiy yordam ko‘rsatish bo‘yicha 2035-yilgacha mo‘ljallangan Milliy reja tasdiqlandi. Bu haqda Sog‘liqni saqlash vazirligi ma’lum qildi.

Hujjat 2025 – 2030-yillarda bolalar saratoniga qarshi kurashish bo‘yicha milliy dastur doirasida ishlab chiqilgan va Jahon sog‘liqni saqlash tashkilotining Bolalar saratoniga qarshi kurash global tashabbusi bilan uyg‘unlashtirilgan.

Har bir bolaga tashxis va davolanish imkoniyati beriladi

Milliy reja bo‘yicha bolalar saratonini erta bosqichda aniqlash holatlari ulushini 65 foizgacha yetkazish rejalashtirilgan. Onkologik kasallikka chalingan bolalarni esa 100% ixtisoslashtirilgan tibbiy yordam bilan qamrab olish maqsad...

7-oktabr uchun valyutalar kursi yangilandi. Dollar 12,34 so‘mga oshib, 11 790,79 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

26-sentabr kuni esa 5,47 so‘mga tushib, 11 825,40 so‘mga, 29-sentabr kuni 18,43 so‘mga tushib, 11 806,97 so‘mga, 30-sentabr kuni 14,21 so‘mga oshib, 11 821,18 so‘mga tenglashdi. 1-oktabr kuni esa 12,42 so‘mga tushib, 11 808,76 so‘m bo‘lgan edi. 3-oktabr kuni 35,81 so‘mga tushib, 11 772,95 so‘mni, 4-oktabr kuni 5,5 so‘mga oshib, 11 778,45 so‘mni tashkil etdi.

Shuningdek, o‘qing: Dollar valyutasida pul saqlash qanchalik to‘g‘ri

Yevro kursida oshish kuzatildi. Yevropa valyutasi...

Fransiya 6-oktabr kuni yangi avlod M51.3 strategik ballistik raketasini atom suvosti kemasidan muvaffaqiyatli sinovdan o‘tkazdi. Raketa yadro kallagisiz uchirilgan va Shimoliy Atlantikadagi belgilangan hududga tushgan. Bu haqda Fransiya mudofaa vazirligi ma’lum qildi. 

Raketa atom suvosti kemasidan uchirildi

M51.3 raketasi Fransiyaning Le Vigilant strategik atom suvosti kemasidan Bretan qirg‘oqlari yaqinida uchirilgan. Sinov raketani ishlab chiqishdan ko‘ra, uzoq muddatli texnik xizmat va ta’mirdan chiqqan suvosti kemasining ushbu qurol tizimidan foydalanishga tayyorligini tekshirishga qaratilgan.

Fransiya Mudofaa vazirligi raketa yadro zaryadisiz uchirilganini va sinov xalqaro majburiyatlarga to‘liq rioya qilingan holda o‘tkazilganini bildirdi. Raketaning parvozi DGA sinov vositalari, jumladan, Monge o‘lchov...

O‘zbekistonda 2026-yil sentabr oyida oylik inflyatsiya 0,7 foizni tashkil etdi. Avgustda bu ko‘rsatkich 0,2% edi. Yillik inflyatsiya esa 6,2 foizdan 6,4 foizgacha ko‘tarildi.

Milliy statistika qo‘mitasi ma’lumotlariga ko‘ra, sentabr oyida oziq-ovqat mahsulotlari 1%, nooziq-ovqat mahsulotlari 0,3%, xizmatlar esa 0,9%ga qimmatlashdi. Yillik hisobda oziq-ovqat narxlari 6,3%, nooziq-ovqat mahsulotlari 5,8%, xizmatlar 7%ga oshgan.

Pomidor va sabzi sezilarli qimmatlashdi

Sentabr oyida ayrim oziq-ovqat mahsulotlari narxida sezilarli o‘sish kuzatildi. Xususan:

Janubiy Koreya prezidenti Li Je Myon 6-oktabr kuni hukumat yig‘ilishida banklarga qilingan so‘nggi kiberhujumlar yuzasidan bayonot berdi. U ayrim hujumlarda sun’iy intellekt vositalaridan foydalanilgan bo‘lishi mumkinligini aytdi. Bu haqda Yonhap News Agency xabar berdi.

Prezident bu holat jamoatchilik orasida jiddiy xavotir uyg‘otganini aytib, hujumlar tafsilotlarini tezda aniqlash va zararni kamaytirish uchun zarur kuch va resurslarni safarbar etishni topshirdi.

Koreyadagi bir nechta yirik bank kiberhujumga uchradi

Janubiy Koreya politsiyasi tijorat banklariga qarshi kiberhujumlar bo‘yicha keng ko‘lamli tergov boshlagan. Hodisalar Shinhan Bank, KB Kookmin Bank, Hana Bank va Woori Bank kabi yirik moliya tashkilotlariga ta’sir qilgan.

Hana Bankdagi holatda...

Changan’ning Deepal S07 PHEV krossoveri Yevropa bozorida ilk bor namoyish etildi. Model Gretsiyada o‘tayotgan Auto Athina 2026 ko‘rgazmasida taqdim qilindi.

Yangi versiyaning to‘liq nomi Deepal S07 Ultra PHEV bo‘lib, uning Gretsiyadagi boshlang‘ich narxi 36 ming yevro ($40 280) etib belgilangan.

254 ot kuchli gibrid tizim

Deepal S07 Ultra PHEV 1,5 litrli benzin dvigateli va elektromotor bilan jihozlangan. Ularning umumiy quvvati 190 kVt, ya’ni 254 ot kuchini tashkil etadi. Energiya 18,4 kVt/soat sig‘imli LFP batareyadan olinadi.

100 km elektrda yuradi

Model faqat elektr energiyasida 100 km gacha masofani bosib o‘ta oladi. Batareya 55 kVtgacha bo‘lgan tezkor DC quvvatlashni qo‘llab-quvvatlaydi.

O‘zbekiston Prezidenti Shavkat Mirziyoyevga BMTning Oziq-ovqat va qishloq xo‘jaligi tashkiloti (FAO)ning oliy mukofoti — «Agricola» medali topshirildi. Mukofot davlat rahbarining oziq-ovqat xavfsizligi, qishloq va suv xo‘jaligini rivojlantirish borasidagi tashabbuslari uchun berilgan. Bu haqda O‘zbekiston prezidenti matbuot xizmati xabar berdi.

FAO bilan 27 ta qo‘shma loyiha amalga oshirilmoqda

Shavkat Mirziyoyev 6-oktabr kuni FAO bosh direktori Syuy Dunyuni qabul qildi. U O‘zbekistonda Butunjahon paxta kuniga bag‘ishlangan xalqaro konferensiya hamda dengizga chiqish imkoniyati bo‘lmagan rivojlanayotgan mamlakatlarning agrar va oziq-ovqat tizimlarini rivojlantirishga bag‘ishlangan ikkinchi forumda ishtirok etmoqda.

Uchrashuvda O‘zbekiston va FAO o‘rtasidagi oziq-ovqat xavfsizligi hamda qishloq xo‘jaligini rivojlantirish bo‘yicha strategik hamkorlikni yanada...

Honor Power 3 smartfoni haqida yangi ma’lumotlar paydo bo‘ldi. Bu haqda Huaweicentral texnologiysalar nashri xabar bermoqda.

Qurilma avvalgi avlodga nisbatan kattaroq ekran va yuqori sig‘imli batareyaga ega bo‘lishi mumkin. Hozircha smartfonning taqdimot sanasi rasman e’lon qilinmagan.

7 dyuymli OLED ekran

Dastlabki ma’lumotlarga ko‘ra, Honor Power 3 7 dyuymli tekis OLED displey bilan jihozlanadi. Taqqoslash uchun, Honor Power 2 modeli 6,79 dyuymli tekis LTPS OLED ekran bilan taqdim etilgan edi.

Yangi Dimensity 8600 protsessori

Honor Power 3’ning apparat platformasi sifatida MediaTek Dimensity 8600 chipi qo‘llanishi kutilmoqda.

Manbaga ko‘ra, yangi chip 3 nm texnologik jarayon asosida ishlab chiqarilishi...

O‘zbekiston milliy terma jamoasi Janubiy Koreyaga qarshi o‘rtoqlik uchrashuvida maydonga tushadigan asosiy tarkibni e’lon qildi. Bahs Toshkent vaqti bilan soat 16:00 da boshlanadi. Bu haqda O‘zbekiston futbol assotsiatsiyasi xabar berdi. 

Husanov, Shomurodov va Fayzullayev asosiy tarkibda

Bosh murabbiy Fabio Kannavaro Janubiy Koreyaga qarshi bahsda Abduqodir Husanov, Eldor Shomurodov va Abbosbek Fayzullayevni asosiy tarkibga kiritdi.

O‘zbekistonning boshlang‘ich tarkibi quyidagicha:

O‘zbekiston: Ne’matov, Husanov, Karimov, Urozov, Mozgovoy, Hamrobekov, G‘aniyev, Nasrullayev, Shomurodov, Hamdamov, Fayzullayev.

Zaxira o‘rindig‘idan Nazarov, Nemanov, Alijonov, Rahmonaliyev, Holmurodov, Abdumajidov, Amonov, Norchayev, Esanov, Holmatov, Maxamadjonov va Hakimov joy olgan.

Bahs Koreyada o‘tkaziladi

O‘zbekiston va Janubiy Koreya o‘rtasidagi...

4-oktabr kuni Andijon mashina bozorida Chevrolet Cobalt’larning narxi ishlab chiqarilgan yili, bosib o‘tgan masofasi va holatiga qarab taxminan $6 mingdan $11,5 minggacha bo‘ldi. 2026-yilgi Cobalt uchun $11,5 ming so‘ralgan bo‘lsa, ayrim eski modellar $6–8,5 ming oralig‘ida taklif qilindi.

Bozorda 2026-yilda ishlab chiqarilgan, 4,2 ming km yurgan Cobalt $11,5 mingga taklif qilindi. Sotuvchining aytishicha, avtomobilda ABS, kruiz-kontrol va monitor mavjud. Kuzovida kichik bo‘yoq izi borligi ham qayd etilgan.

2023-yilda ishlab chiqarilgan, 28 ming km yurgan Cobalt esa $10 mingga sotilgan. Yana bir 2024-yilgi, 72 ming km yurgan avtomobil $10,45 mingga xaridor topgan.

2022-yilgi Cobalt $8,7 mingga sotildi

2022-yilda ishlab...

Buxoro viloyatida 2009-yilda tug‘ilgan voyaga yetmagan bolaning kaltaklangani bo‘yicha jinoyat ishi qo‘zg‘atildi. Holat Bolalar ombudsmani nazoratiga olingan.

Ma’lumotlarga ko‘ra, 2026-yil 28-avgust kuni E.R. qizi bilan ko‘rishish uchun kelgan voyaga yetmagan E.O.ni uning erkiga qarshi avtomobilga o‘tqazib, qarindoshi F.F.ning uyiga olib borgan. U yerda bola boshqa shaxslar ishtirokida kaltaklangan.

Bolaning tanasida jarohatlar aniqlangan

Tergovga qadar tekshiruv doirasida o‘tkazilgan sud-tibbiy ekspertizasi E.O. tanasining turli qismlarida jarohatlar borligini aniqlagan.

Joriy yilning 7-sentyabr kuni E.R. va F.F.ga nisbatan Jinoyat kodeksining 137-moddasi 2-qismi «a» va «v» bandlari hamda 105-moddasi 2-qismi bilan jinoyat ishi qo‘zg‘atilgan.

Hozirda dastlabki tergov tuman prokuraturasi tomonidan olib borilmoqda.

Avvalroq...