Yangiliklar

O‘zbekistonning bir qator hududlarida qiymati 438,7 mln so‘mlik noqonuniy tamaki mahsulotlari aniqlangan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Toshkentda 65,7 mln so‘mlik tamaki mahsulotlari olib qo‘yildi

Departamentning Yunusobod tumani bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbirda bir fuqaro Mirzo Ulug‘bek tumanidagi Qori Niyoziy ko‘chasida joylashgan savdo do‘konida xorijda ishlab chiqarilgan aksiz markasiz tamaki mahsulotlarini sotuvga qo‘ygani aniqlangan.

Do‘kondan 55 turdagi 2 668 quti tamaki mahsuloti olib qo‘yilgan. Ularning umumiy qiymati 65,7 mln so‘m deb baholangan.

Beshariqda 82,6 mln so‘mlik mahsulot saqlangan

Farg‘ona viloyatining Beshariq tumanida o‘tkazilgan tezkor...

Vivo kompaniyasi yangi Vivo Y31T smartfonini taqdim etishga tayyorlanmoqda. Bu haqda Gizmochina texnologiyalar nashri xabar bermoqda.

Qurilmaning asosiy texnik xususiyatlari rasmiy taqdimotdan avval internetda paydo bo‘ldi. Sizib chiqqan ma’lumotlarga ko‘ra, model katta sig‘imli batareya, 50 MP kamera hamda IP68 darajasidagi himoya bilan jihozlanishi mumkin.

Yangi smartfon, avvalo, uzoq avtonom ishlash va nisbatan mustahkam korpusga urg‘u berilgan model sifatida bozorga chiqishi kutilmoqda.

Vivo Y31T 6,75 dyuymli ekran oladi

Ma’lumotlarga ko‘ra, Vivo Y31T 6,75 dyuymli LCD-displey bilan jihozlanadi. Ekran HD+ aniqlikka ega bo‘lib, uning maksimal yorqinligi 1250 nitgacha yetishi mumkin.

Smartfonning ishlashi uchun Qualcomm Snapdragon 4 Gen 2 protsessori javob...

O‘zbekistonda muddatli to‘lov xizmatlarini ko‘rsatish bo‘yicha shartnomalarga yangi talablar belgilandi. Unga ko‘ra, muddatli to‘lov asosida xarid qilinadigan tovar, ish yoki xizmat qiymati BHMning 250 baravaridan oshmasligi, shartnoma muddati esa 12 oydan ko‘p bo‘lmasligi kerak.

Shuningdek, operatorlar komissiya, ustama va yakuniy narxga qo‘shiladigan boshqa to‘lovlarni mijozga alohida ko‘rsatishi shart bo‘ladi.

Muddatli to‘lovning maksimal miqdori cheklanadi

Qarorga ko‘ra, muddatli to‘lov xizmati orqali sotib olinadigan tovar, ish yoki xizmatning qiymati bazaviy hisoblash miqdorining 250 baravari (103 000 000 so‘m)dan oshishi mumkin emas. 1-sentabrdan bu qiymat 110 mln so‘mni tashkil etadi.

Bundan tashqari, muddatli to‘lov operatorining komissiyasi, ustamasi hamda tovar yoki xizmatning...

Bugun, 17-avgust kuni prezident Shavkat Mirziyoyev Xorazm viloyatiga tashrif buyuradi. Bu haqda prezident matbuot kotibi Sherzod Asadov xabar berdi.  

Tashrif davomida davlat rahbari hududda sanoat, ta’lim, transport va turizm yo‘nalishlarida amalga oshirilayotgan loyihalar bilan tanishadi. Shuningdek, viloyatda yaratilgan infratuzilma obyektlari ko‘zdan kechiriladi.

Tashrif doirasida bir qator yangi loyihalarni ishga tushirish hamda yangi qurilishlarga start berish rejalashtirilgan.

Tadbirkorlar bilan ochiq muloqot

18-avgust kuni prezidentning Xorazm viloyatidagi tadbirkorlar bilan navbatdagi ochiq muloqoti o‘tkaziladi.

Unda hududdagi biznes vakillarining taklif va muammolari muhokama qilinishi kutilmoqda.

Avvalroq Shavkat Mirziyoyevning 13-avgustdagi farmoni bilan Tadbirkorlar kuni munosabati bilan soha rivojiga munosib hissa qo‘shgan bir...

«Manchester Siti» hujumchisi Erling Holandga futbol faoliyatidagi to‘rtta yirik natijasi uchun Ginnesning rekordlar kitobi sertifikatlari topshirildi. Norvegiyalik futbolchi Premyer-liga, UEFA Millatlar ligasi va Chempionlar ligasida rekord natijalarni qayd etgan.

Yangi futbol mavsumi boshlanishi arafasida Erling Holandga Guinness World Records tomonidan to‘rtta rekordni tasdiqlovchi sertifikat topshirildi. Taqdirlash «Manchester Siti»ning «Etihad» stadionida bo‘lib o‘tdi.

26 yoshli hujumchi Guinness World Records Football Edition 2027 nashri muqovasidan ham joy oldi.

Premyer-ligada 100 ta golga eng tez yetgan futbolchi

Holandning eng yangi rekordi 2025-yil 2-dekabr kuni qayd etilgan. U «Fulhem»ga qarshi uchrashuvda gol urib, Angliya Premyer-ligasida 100 ta golga eng tez yetgan futbolchiga...

O‘zbekiston terma jamoasi hujumchisi Eldor Shomurodov Turkiya Superligasining yangi mavsumidagi ilk uchrashuvida gol urdi. «Istanbul Bashakshehir» safida maydonga tushgan 31 yoshli futbolchi «Kojalispоr»ga qarshi bahsning 72-daqiqasida raqib darvozasini ishg‘ol qildi.

Shomurodov jamoadoshi tomonidan jarima maydoniga uzatilgan to‘pni bir tegishda darvozaga yo‘llab, hisobdagi farqni oshirdi. U 75-daqiqada zaxiraga olindi.

Fayzullayevdan assist

Uchrashuvda yana bir o‘zbekistonlik futbolchi – Abbosbek Fayzullayev ham faol ishtirok etdi. «Bashakshehir» yarim himoyachisi 14-daqiqada assist qayd etib, Kristofer Operiga hisobni ochish imkonini berdi.

Fayzullayev 63-daqiqada maydonni tark etdi. «Bashakshehir» esa uchrashuvni 2:0 hisobidagi g‘alaba bilan yakunladi.

Shomurodovning «Oltin butsa»dan keyingi ilk goli

Shomurodov...

O‘zbekistonning bir nechta hududida jami 2,46 mlrd so‘mlik elektr energiyasidan noqonuniy foydalanish holatlari aniqlandi. Bosh prokuratura huzuridagi Iqtisodiy jinoyatlarga qarshi kurashish departamenti ma’lumotiga ko‘ra, aniqlangan yettita holat yuzasidan jinoyat ishlari qo‘zg‘atilgan.

Sirdaryoda 1,1 mlrd so‘mlik elektr energiyasidan noqonuniy foydalanilgan

Departamentning Sirdaryo tumani bo‘limi tomonidan o‘tkazilgan tergovga qadar tekshiruvda fermer xo‘jaligi mas’ullari «Sindorobod» va «Xalqobod» suv iste’molchilari uyushmalari hududidagi yer maydonlarida suv nasoslarini elektr tarmog‘iga o‘zboshimchalik bilan to‘g‘ridan to‘g‘ri ulab olgani aniqlangan.

Tekshiruv ma’lumotlariga ko‘ra, elektr energiyasidan tijorat maqsadida noqonuniy foydalanish oqibatida 1,1 mlrd so‘mlik zarar yetkazilgan.

Davlatoboddagi savdo kompleksida 558,6 mln so‘mlik holat aniqlandi

Namangan viloyatining Davlatobod...

Ferrari’ning Luce dasturi doirasida ishlab chiqarilgan ilk avtomobil – Chassis 0 40 mln dollarga sotildi. Avtomobil 2026-yilgi Monterey auksionida RM Sotheby’s tomonidan savdoga qo‘yilgan.

Chassis 0 Ferrari Luce dasturining birinchi ishlab chiqarish nusxasi hisoblanadi. Avtomobil Ferrari’ning Tailor Made dasturi orqali maxsus konfiguratsiyada yaratilgan.

Avtomobilning o‘ziga xos dizayni

Ferrari Luce tashqi ko‘rinishida aynan ushbu avtomobil uchun ishlab chiqilgan Madreperla Semi-Gloss qoplamasidan foydalanilgan. Yorug‘lik tushish burchagiga qarab ushbu rang yashildan binafshagacha o‘zgara oladi va bu uning noyob jihatlaridan biridir.

Salon esa Perla rangidagi Le Mans metallik terisi bilan bezatilgan. Ichki qismning ikkilamchi elementlarida odatiy qora rang o‘rniga Grigio...

Portugaliya terma jamoasi va Saudiya Arabistonining «Al-Nassr» klubi hujumchisi Krishtianu Ronaldu 2026/27-yilgi mavsum professional futbolchilik faoliyatidagi so‘nggisi bo‘lishi mumkinligini ma’lum qildi. 41 yoshli futbolchi bu haqda Vogue jurnaliga bergan intervyusida aytdi.

Besh karra «Oltin to‘p» sohibining so‘zlariga ko‘ra, u professional sportda qariyb 25 yil faoliyat olib bordi va futbolni tark etgandan keyingi hayoti haqida ham o‘ylab qo‘ygan.

Ronaldu futboldan keyingi rejalarini aytdi

Portugaliyalik futbolchi faoliyatini yakunlagach, ko‘proq sayohat qilish, oilasi bilan vaqt o‘tkazish hamda padel bilan faol shug‘ullanishni rejalashtirayotganini bildirdi.

Ronaldu uzoq yillar davom etgan professional faoliyatidan keyin hayotining yangi bosqichiga tayyor ekanini qayd etgan. Shu bilan birga...

Krishtianu Ronaldu va Jorjina Rodriges Portugaliyada o‘tgan to‘y marosimidan oldin tongni odatdagidek mashg‘ulot bilan boshladi. Juftlik to‘y kuni ertalab o‘z uyidagi sport zalida birga shug‘ullangan.

Krishtianu Ronaldu va Jorjina Rodriges nikoh marosimi kuni ham kundalik sport tartibini o‘zgartirmagan.

Vogue e’lon qilgan to‘y lavhalarida juftlik marosimdan oldin sport zalida mashq qilayotgani aks etgan. Ronaldu va Jorjina Portugaliyaning Kaskaysh shahridagi uyida ertalabki mashg‘ulotni birga o‘tkazgan.

Jorjina og‘irlik bilan mashq qilgan

Suratlarda Jorjina kettlebell bilan mashq qilayotgani ko‘rinadi. U sport mashg‘ulotini to‘yga tayyorgarlik jarayonining bir qismi sifatida odatdagi tartibda davom ettirgan.

Ronaldu ham to‘y kuni ertalab sport zalida bo‘lgan. Futbolchi faoliyati...

Jorjina Rodriges Krishtianu Ronaldu bilan Portugaliyada o‘tgan nikoh marosimida Chopard’ning Garden of Kalahari kolleksiyasiga mansub qimmatbaho taqinchoqlarni tanladi. Uning bo‘ynidagi marjonning asosiy qismi 50 karatli, yuqori sifatli olmosdan iborat bo‘lgan.

Jorjina Rodriges Krishtianu Ronaldu bilan 11-avgust kuni Portugaliyaning Kaskaysh shahridagi uyida o‘tgan nikoh marosimida hashamatli olmos taqinchoqlarda ko‘rindi.

Vogue ma’lumotiga ko‘ra, Jorjina to‘y uchun Chopard’ning Garden of Kalahari zargarlik to‘plamidan taqinchoqlar tanlagan.

Marjon markazida 50 karatli olmos bor

Jorjinaning asosiy taqinchoqlaridan biri Garden of Kalahari kolleksiyasidagi marjon bo‘lgan.

Uning markazida D rang toifasiga kiruvchi, nuqsonsiz deb baholangan 50 karatli brilliant shaklidagi olmos joylashtirilgan.

Jorjina to‘y arafasida va marosim...

O‘zbekiston terma jamoasi himoyachisi Abduqodir Husanov «Manchester Siti» safida «Arsenal»ga qarshi Angliya Superkubogi – Community Shield uchrashuvida asosiy tarkibda maydonga tushdi. «Sofascore» futbolchining o‘yindagi harakatlarini 6,9 ballga baholadi.

Husanov uchrashuv davomida 63 ta uzatmaning 58 tasini aniq amalga oshirdi. Uning paslar bo‘yicha aniqligi 92 foizni tashkil etdi.

«Arsenal» 23-soniyada hisobni ochdi

Uchrashuv «Manchester Siti» uchun omadsiz boshlandi. «Arsenal» futbolchisi Rikkardo Kalafori o‘yin boshlanganidan taxminan 23 soniya o‘tib hisobni ochdi. Bu Community Shield tarixidagi eng tezkor gollardan biri bo‘ldi.

28-daqiqada Kay Xavers londonliklarning ikkinchi golini urdi. Ikkinchi bo‘lim boshida esa jamoa sardori Martin Edegor hisobni 3:0 ko‘rinishiga keltirdi.

Tijorat banklari tomonidan 17-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 17-avgust uchun valyutalar kursi e’lon qilingani haqida yozgan edi.

Jorjina Rodriges Krishtianu Ronaldu bilan nikoh marosimida an’anaviy kelinlik libosidan voz kechib, Gucci brendining to‘liq oq rangdagi obrazini tanladi. Marosimning ilk rasmiy kadrlari Vogue tomonidan e’lon qilindi, deb yozmoqda Marca.

Juftlik 11-avgust kuni turmush qurganini ma’lum qilgan, biroq dastlab faqat nikoh uzuklari ko‘ringan suratni ulashgan edi. Shu sababli to‘y qanday o‘tgani va Jorjina qanday libos tanlagani bir necha kun davomida sir bo‘lib kelgan.

Jorjina klassik kelinlik ko‘ylagidan voz kechdi

Rodriges to‘y uchun uzun, to‘r va bezaklarga boy an’anaviy kelinlik ko‘ylagini emas, balki zamonaviy hamda minimalistik uslubdagi Gucci komplektini tanlagan.

Krishtianu Ronaldu va Jorjina Rodriges Portugaliyadagi uyida kam sonli yaqinlari davrasida turmush qurdi. Vogue juftlikning 11-avgust kuni o‘tgan to‘yidan suratlar va tafsilotlarni e’lon qildi.

Juftlik katta tantana o‘rniga Portugaliyaning Kaskaysh shahridagi yangi uyida, farzandlari bilan birga kichik va oilaviy marosim o‘tkazishni tanlagan. Jorjinaga ko‘ra, kelajakda qarindoshlar va do‘stlar ishtirokida katta to‘y ham o‘tkazilishi mumkin. Biroq bu safar ular uchun shaxsiy va sokin muhit muhimroq bo‘lgan.

To‘y ular tanishgan kunning 10 yilligida bo‘lib o‘tdi

Ronaldu va Jorjina 2016-yil 11-avgust kuni Madriddagi Gucci do‘konida tanishgan...

OnePlus’ning navbatdagi flagman smartfoni – OnePlus 16 sezilarli yangilangan displey bilan taqdim etilishi mumkin. Gizmochina’ning yozishicha, kompaniya BOE bilan birgalikda yangi X4 yorug‘lik chiqaruvchi material ustida ishlamoqda.

Hozircha OnePlus 16’ning yakuniy texnik xususiyatlari rasman e’lon qilinmagan, shu sababli ma’lumotlar dastlabki sizib chiqishlarga asoslanmoqda.

OnePlus va BOE yangi X4 materialini ishlab chiqdi

Taniqli insayder Digital Chat Station ma’lumotiga ko‘ra, OnePlus va BOE OnePlus 16 uchun maxsus X4 displey materialini birgalikda ishlab chiqqan.

Ichki sinovlarda ushbu material Samsung’ning M-seriyali panellaridan asosiy ko‘rsatkichlarning deyarli barchasi bo‘yicha yaxshiroq natija ko‘rsatgani aytilmoqda. Biroq taqqoslash bo‘yicha aniq raqamlar hozircha oshkor qilinmagan.

X4 materialining asosiy...

UzAuto Motors Chevrolet Cobalt MCM avtomobillari uchun maxsus chegirma taklif qilmoqda. Bu haqda kompaniya saytida xabar berildi.

Aksiya doirasida modelni 146,1 mln so‘mdan boshlab xarid qilish mumkin, chegirma miqdori esa komplektatsiyaga qarab 15 mln so‘mgacha yetadi.

Chevrolet rasmiy dilerlik markazlari va UzAuto Motors bilan hamkorlik qiluvchi ayrim banklar dam olish kunlari ham mijozlarga xizmat ko‘rsatmoqda. Shu sababli hafta davomida avtomobil xaridi uchun vaqt topa olmagan mijozlar shanba va yakshanba kunlari ham rasmiy dilerlarga murojaat qilishi mumkin.

Aksiya 10-sentabrgacha davom etadi

Maxsus taklif 2026-yil 10-sentabr kuni ham amal qilgan holda shu sanagacha davom etadi.

Chegirmadan foydalanish uchun avtomobil...

Samsung AQSh bozorida Samsung Galaxy A57 smartfoni uchun vaqtinchalik chegirma e’lon qildi. Aksiya doirasida qurilmaning har ikki xotira versiyasi odatdagi narxidan $100 arzonroq sotilmoqda. Buning uchun eski smartfonni trade-in dasturi orqali topshirish talab etilmaydi, deb yozmoqda SamMobile.

Natijada Galaxy A57’ning 128 GB xotirali versiyasi $549 o‘rniga $449, 256 GB xotirali modeli esa $609 o‘rniga $509 ga tushdi.

Chegirma trade-in’siz beriladi

Yangi taklifning asosiy sharti — xaridor Galaxy A57’ni Samsung‘ning AQShdagi rasmiy onlayn do‘koni orqali xarid qilishi mumkin va $100 chegirmadan foydalanish uchun eski qurilmasini topshirishi shart emas.

Aksiya Galaxy A57’ning 128 va 256 GB xotirali versiyalariga birdek tatbiq...

«Hududgaz Qoraqalpog‘iston» gaz ta’minoti filialida davlat va jamiyat manfaatlariga 251,5 mlrd so‘mlik zarar yetkazilgani aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Holat Departamentning Qoraqalpog‘iston Respublikasi boshqarmasi tomonidan o‘tkazilgan tergovga qadar tekshiruv davomida aniqlangan.

Gaz hajmidagi tafovut yo‘qotish sifatida ko‘rsatilgan

Tergovga qadar tekshiruv ma’lumotlariga ko‘ra, «Hududgaz Qoraqalpog‘iston» GTF mas’ul shaxslari korxona tomonidan qabul qilib olingan tabiiy gaz hajmi bilan iste’molchilarga yetkazib berilgan gaz miqdori o‘rtasida tafovut yuzaga kelganini aniqlagan.

Biroq Departamentga ko‘ra, mas’ullar ushbu tafovutning kelib chiqish sabablarini aniqlamasdan, uni hisobotlarda oddiy yo‘qotish sifatida aks ettirgan.

Huquqni muhofaza qiluvchi organ hisob-kitobiga ko‘ra, buning...

Belgiyaning High Fens tabiiy qo‘riqxonasida davom etayotgan yirik o‘rmon yong‘ini Germaniyaga yaqinlashdi. Olov hozir chegaradan bir necha kilometr uzoqlikda ekani aytilmoqda.

DW ma’lumotiga ko‘ra, yong‘in tarqalishi davom etayotgani sababli Belgiyaning chegara hududlarida aholini evakuatsiya qilish ishlari boshlangan.

Aholi evakuatsiya qilinmoqda

Belgiya hukumati Germaniyaning Kalterherberg hududidan g‘arbda joylashgan Küchelshayd aholi punktini evakuatsiya qilish bo‘yicha ko‘rsatma berdi.

Shuningdek, Sourbrodt va Bütgenbach hududlarida yashovchi qariyb 600 kishiga xavfsiz joyga ko‘chib o‘tish tavsiya qilindi.

Favqulodda xizmatlar yong‘inning Germaniya chegarasi tomon tarqalishini kuzatib bormoqda.

3 ming gektardan ortiq hudud yonib ketdi

Mahalliy hukumat ma’lumotlariga ko‘ra, High Fens hududidagi yong‘in allaqachon 3 ming...

Krishtianu Ronaldu va Jorjina Rodriges o‘rtasidagi nikoh shartnomasiga oid ayrim tafsilotlar OAVda paydo bo‘ldi. Marca nashrining yozishicha, hujjatda juftlik ajrashgan taqdirda mol-mulk va moliyaviy majburiyatlar qanday taqsimlanishi oldindan belgilab qo‘yilgan.

Nashr turli manbalarga tayanib, kelishuv Ronaldu aktivlarini himoya qilish bilan birga, Jorjina Rodriges va ularning farzandlarining moliyaviy barqarorligini ham kafolatlashga qaratilganini bildirgan. Mazkur ma’lumotlar rasman juftlik tomonidan tasdiqlanmagan.

Jorjina oyiga 100 ming yevro olishi mumkin

Marca ma’lumotiga ko‘ra, munosabatlar yakunlangan taqdirda Jorjina Rodrigesga umrbod oyiga qariyb 100 ming yevro to‘lab borilishi nazarda tutilgan.

Bu yiliga qariyb 1,2 mln yevro degani. Nashrning qayd etishicha, bunday to‘lov Rodrigesga Ronaldu bilan...

UzAuto Motors tomonidan Chevrolet Damas avtomobillari uchun maxsus chegirma aksiyasi e’lon qilindi. Bu haqda kompaniya saytida e’lon qilindi.

Aksiya doirasida modelni 78 156 000 so‘mdan xarid qilish mumkin, chegirma miqdori esa 15 mln so‘mgacha yetadi. Taklif 2026-yil 10-sentabr kuni ham amal qilgan holda shu sanagacha davom etadi. Chevrolet’ning rasmiy saytida ham Damas’ning eng arzon versiyasi ayni paytda 78,156 mln so‘mdan taklif etilmoqda.

Aksiya qanday ishlaydi

Maxsus narx avtomobil qiymati 100% miqdorida to‘langanda amal qiladi. Tijorat banklari orqali moliyalashtirilgan xaridlarga mazkur chegirma shartlari tatbiq etilmaydi. UzAuto Motors mijozlarga dam olish kunlari ishlaydigan rasmiy dilerlik markazlari va hamkor banklar...

Kursiv Uzbekistan mahalliy va xalqaro maydonda hafta davomida sodir bo‘lgan yangiliklarning eng muhimlarini bir joyga jamladi.

Xomanaiy uzoq vaqtdan keyin «katta sahnaga» qaytdi

Eron davlat agentligi – Mehr mamlakat oliy rahbari Mojtaba Xomanaiyning mart oyidan beri ommaga ko‘rsatilmagan ilk videosini e’lon qildi. Kadrlar qachon tasvirga olingani ma’lum qilinmagan.

Endi banklardan 500 dollargacha valyutani hujjatsiz sotib olish mumkin bo‘ldi

O‘zbekistonda banklardan $500 gacha naqd chet el valyutasini pasport yoki ID-kartasiz sotib olish tartibi kuchga kirdi. Avval hujjatsiz sotib olish mumkin bo‘lgan miqdor $100 edi.

Adliya vazirligi tashabbusi bilan qabul qilingan idoraviy hujjat 2026-yil 9-avgustdan kuchga kirdi. Unga ko‘ra, endilikda fuqarolardan...

Rossiyaning Omsk shahridagi qurilish maydonida yuz bergan yong‘inda ikki O‘zbekiston fuqarosi jabrlandi, deya xabar berdi «Moskovskiy Komsomolets» nashri.

Ma’lumotlarga ko‘ra, jabrlangan o‘zbekistonliklar qurilish maydonida pudrat shartnomasi asosida ishlagan. Ularning ayni paytdagi sog‘lig‘i haqida alohida ma’lumot berilmagan.

Yong‘inda 11 kishi jabrlangan

Hodisa 15-avgust kuni ertalab Omskdagi «Kvartali Draverta» turarjoy majmuasi qurilishida yuz bergan. Yong‘in oqibatida jami 11 nafar quruvchi shifoxonaga olib ketilgan. Ulardan biri keyinchalik vafot etgan.

So‘nggi ma’lumotlarga ko‘ra, yetti kishi reanimatsiyada qolmoqda, uch nafar jabrlanuvchi esa tibbiy ko‘rikdan so‘ng uyiga javob berilgan. Ayrim jabrlanganlar tanasining 20 foizidan 90 foizigacha kuyish jarohatlarini olgan.

Yong‘in payvandlash ishlari...