Yangiliklar

«O‘zgidromet» ma’lumotiga ko‘ra, 14-iyun kuni mamlakat hududlari bo‘yicha ob-havo sharoiti turlicha bo‘ladi. Ayrim viloyatlarda qisqa muddatli yomg‘ir va momaqaldiroq kuzatilishi kutilayotgan bo‘lsa, janubiy hududlarda issiq va quruq ob-havo saqlanib qoladi.

Qoraqalpog‘iston Respublikasi va Xorazm viloyatida kechasi hamda ertalab ayrim joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamolning tezligi ayrim hududlarda 20–22 metr/soniyagacha kuchayib, chang-to‘zonlar kuzatilishi ehtimoli bor. Havo harorati kunduzi 32–37 darajani tashkil etadi.

Buxoro va Navoiy viloyatlarida kunning ikkinchi yarmida ayrim joylarda qisqa muddatli yomg‘ir va momaqaldiroq kuzatilishi mumkin. Shamol ba’zi hududlarda kuchayib, chang-to‘zonlarga sabab bo‘lishi ehtimoli mavjud. Kunduzi harorat 35–40 darajagacha ko‘tariladi.

Toshkent, Sirdaryo, Jizzax va...

Jahon chempionati guruh bosqichining 1-turidan o‘rin olgan Braziliya hamda Marokash terma jamoalari o‘rtasidagi uchrashuvda g‘olib aniqlanmadi.

Hisobni kutilmaganda afrikaliklar ochishdi. 21-daqiqada Brahim Diasning uzatmasidan so‘ng Ismael Saybari Braziliya darvozasini aniq nishonga olib, Marokashni oldinga olib chiqdi.

Biroq «Pentakampeonlar» javob golini uzoq kuttirishmadi. Oradan 11 daqiqa o‘tib, aniqrog‘i 32-daqiqada Bruno Gimaraynsning qulay pasidan keyin Vinisius Junior muvozanatni tikladi – 1:1.

Ma’lumot uchun, Jahon chempionati guruh bosqichi 2-turida Braziliya Gaiti bilan, Marokash esa Shotlandiya bilan to‘qnash keladi.

Avvalroq Kursiv nashri Qatar so‘nggi daqiqalarda mag‘lubiyatdan qutulib qolgani haqida xabar bergan edi.

Jahon chempionati guruh bosqichining 1-turi doirasida Qatar va Shveysariya terma jamoalari o‘rtasidagi uchrashuv o‘z nihoyasiga yetdi. Qiziqarli kechgan bahsda durang qayd etildi.

Uchrashuvning 17-daqiqasida Shveysariya terma jamoasi hujumchisi Brel Embolo belgilangan penaltini aniq amalga oshirib, hisobni ochishga muvaffaq bo‘ldi.

Birinchi bo‘limning o‘zidayoq maydonda qizg‘in va murosasiz kurash kechganini hakam tomonidan ko‘rsatilgan sariq kartochkalardan ham bilish mumkin. Xususan, Qatar safida 16-daqiqada Mahmud Abunada va 23-daqiqada Jassem Abdulsallam ogohlantirilgan bo‘lsa, Shveysariya tarkibida Denis Zakariya 42-daqiqada sariq kartochka ishlab oldi.

Qatarliklar asosiy vaqtga qo‘shib berilgan daqiqalarda hisobni tenglashtirishga muvaffaq bo‘ldi. Qanotdan uzatilgan to‘pni Bualem Xuxi darvozaga joylab qo‘ydi.

Ma’lumot uchun, 2026-yilgi Jahon...

Kursiv Uzbekistan 23-iyun kuni e’lon qilingan yangiliklarning muhimlarini bir joyga jamladi

Toshkentdagi ko‘p qavatli uyda yong‘in sodir bo‘ldi

Toshkent shahrining Yakkasaroy tumani Nukus ko‘chasida joylashgan ko‘p qavatli binoning tashqi qismida yong‘in kelib chiqdi. Bu haqda Favqulodda vaziyatlar vazirligi (FVV) xabar berdi. Yong‘in haqidagi xabar FVVga 13-iyun kuni soat 10:21 da kelib tushgan. Qutqaruv bo‘linmalari hodisa joyiga ikki daqiqada, soat 10:23 da yetib borgan. O‘t o‘chiruvchilar darhol ko‘p qavatli uydagi barcha fuqarolarni xavfsiz hududga evakuatsiya qilishga kirishgan.

AQSh Paragvay ustidan yirik g‘alabaga erishib, 3 ochkoni qo‘lga kiritdi

Futbol bo‘yicha Jahon chempionatining guruh bosqichi 1-turi doirasida...

Shahrisabz tumani hududida tez oqar kanalga ehtiyotsizlik oqibatida tushib ketgan fuqaro qutqaruvchilar tomonidan qirg‘oqqa tortib olindi. Bu haqda Favqulodda vaziyatlar vazirligi xabar berdi.

Hodisa 12-iyun kuni soat 14:40 lar atrofida yuz bergan. Fuqaro suv oqimi ta’sirida qariyb 100 metr masofaga oqib borib, kanal bo‘yidagi shox-shabbalarga ilinib qolgan.

Holatni «Zebiniso» bolalar oromgohida yong‘in xavfsizligini ta’minlash uchun biriktirilgan harbiy xizmatchi oddiy askar Sh. Boboyev payqab qolgan. U zudlik bilan Shahrisabz tumani Favqulodda vaziyatlar bo‘limiga xabar bergan.

Voqea joyiga yetib kelgan qutqaruvchilar maxsus anjomlar yordamida fuqaroni kanalning qarama-qarshi qirg‘og‘idan xavfsiz hududga olib o‘tgan va zarur amaliy yordam ko‘rsatgan. Tezkor harakatlar natijasida fuqaroning...

O‘zbekiston Respublikasi prezidenti Shavkat Mirziyoyev Armaniston bosh vaziri Nikol Pashinyanga yaqinda bo‘lib o‘tgan parlament saylovlarida uning partiyasi g‘alaba qozongani munosabati bilan qutlov yo‘lladi.

Tabrik matnida saylov natijalari arman xalqining Nikol Pashinyan yuritayotgan siyosatga bo‘lgan yuksak ishonchining ifodasi ekani ta’kidlangan. Xususan, Janubiy Kavkazda tinchlik va farovonlikni ta’minlash borasidagi sa’y-harakatlar e’tirof etilgan. Shuningdek, davlat rahbari o‘zaro manfaatli hamkorlikni yanada kengaytirishga ishonch bildirgan.

«Saylov natijalari arman xalqining siz yuritayotgan ichki va tashqi siyosatga, shu jumladan, Janubiy Kavkazda tinchlik va farovonlikni ta’minlash yo‘lidagi sa’y-harakatlaringizga bo‘lgan yuksak ishonchining amaliy ifodasidir», – deyiladi maktubda.

Eslatib o‘tamiz, joriy yilning 7-iyun kuni...

O‘zbekistonning birinchi prezidenti nabirasi Maryam Tillayeva mahalliy bloging sohasi uning xatti-harakatlari tufayli o‘zgarayotganini va xalq «ma’lum darajada qo‘rqitilganini» ma’lum qildi.

Maryam Tillayevaning ta’kidlashicha, u mamlakatga qaytganidan so‘ng mahalliy internet tarmog‘idagi muhit erkinlashgan va chegaralar kengaygan.

«O‘zbekistonda odamlar nimadir qilishdan, qandaydir ramkalardan chiqishdan juda qo‘rqishgan. Ehtimol, qandaydir ma’noda qo‘rqitilgandir. Agar xalqimiz qanday fikrlashi va boshqa ishlarga qaraydigan bo‘lsak, tarixan shunday bo‘lgan. Men O‘zbekistonga qaytib kelib, ushbu marjani oldinga surishni, qandaydir ramkalarni siljitishni boshlaganimda ko‘ryapmanki, hozirda ko‘plab bloger ayollar ikki yil oldingiga nisbatan o‘zlariga ko‘proq erkinlik bermoqda», – dedi u podkastlardan birida.

Ushbu so‘zlar jamoatchilik orasida...

Kanzas-Siti shahrida Jahon chempionati o‘yinlariga tayyorgarlik ko‘rayotgan Angliya terma jamoasining ko‘plab sport anjomlari o‘g‘irlab ketildi. Bu haqda jurnalist Fabritsio Romano xabar bermoqda.

Xabarlarga ko‘ra, o‘g‘irlangan buyumlar orasida futbolchilarning butsalari, mashg‘ulot liboslari, murabbiylar shtabi anjomlari, to‘plar va o‘yin kuni kiyiladigan formalar bor. Voqea jamoaning anjomlari tushirilgan furgondan yo‘qolgani aniqlangach fosh bo‘lgan.

«Keyingi tergov harakatlari yakunlangunga qadar ikki nafar gumondor shaxs hibsga olindi», – dedi Kanzas-Siti politsiyasi.

Bosh murabbiy Tomas Tuxel rahbarligidagi Angliya terma jamoasi xodimlari mahalliy politsiya bilan hamkorlikda yo‘qotilgan jihozlarni qaytarish ustida ishlamoqda. Shuningdek, belgilangan mashg‘ulotlarni o‘z vaqtida davom ettirish uchun ularning o‘rnini zudlik...

AQSh Adliya vazirligining monopoliyaga qarshi bo‘limi Paramount va Warner Bros. Discovery kompaniyalarining $111 mlrd lik birlashuvi raqobat hamda iste’molchilarga zarar yetkazmaydi degan xulosaga kelib, bitimni tasdiqladi. Bu haqda The Guardian xabar berdi.

Agar kelishuv barcha bosqichlardan o‘tsa, CBS News, CNN, HBO, Warner Bros., Paramount va boshqa yirik mediaaktivlar yagona «xolding» tarkibiga kiradi. Sanoat vakillari bu holat kinostudiyalar sonining qisqarishi, yangiliklar tahririyatlarining birlashishi va ommaviy ishdan bo‘shatishlarga olib kelishidan xavotirda.

Biroq bitimni to‘liq yakunlangan deb hisoblashga hali erta. Kelishuv Buyuk Britaniya va Yevropada hamon nazorat idoralari tomonidan tekshirilmoqda. Bundan tashqari, bir nechta Amerika shtatlarining bosh prokurorlari ushbu birlashuvga qarshi chiqishi...

O‘zbekistonga 2026-yilning yanvar – aprel oylarida 12 ta xorijiy davlatdan qiymati $313 ming bo‘lgan jami 155,8 tonna avokado import qilindi. Bu haqda Milliy statistika qo‘mitasi ma’lum qildi.

Mamlakatga avokado olib kirish hajmi 2025-yilning mos davri bilan solishtirilganda 49,5 tonnaga oshgan. Mazkur davrda O‘zbekistonga eng ko‘p avokado yetkazib bergan davlat Qozog‘iston bo‘lib, uning hissasi 74,8 tonnani tashkil etadi. Keyingi o‘rinlarni Xitoy (26,5 tonna) va Isroil (12,4 tonna) band etgan.

Shuningdek, Niderlandiyadan 10,5 tonna hamda Perudan 9 tonna mahsulot xarid qilingan. Qolgan 22,6 tonna avokado esa boshqa davlatlar hissasiga to‘g‘ri keladi.

Avvalroq Kursiv nashri O‘zbekistonning Rossiyadan gaz importi 15 foizga oshgani...

Toshkent shahrining Yakkasaroy tumani Nukus ko‘chasida joylashgan ko‘p qavatli binoning tashqi qismida yong‘in kelib chiqdi. Bu haqda Favqulodda vaziyatlar vazirligi (FVV) xabar berdi.

Yong‘in haqidagi xabar FVVga 13-iyun kuni soat 10:21 da kelib tushgan. Qutqaruv bo‘linmalari hodisa joyiga ikki daqiqada, soat 10:23 da yetib borgan. O‘t o‘chiruvchilar darhol ko‘p qavatli uydagi barcha fuqarolarni xavfsiz hududga evakuatsiya qilishga kirishgan.

Birlamchi ma’lumotlarga ko‘ra, yong‘in oqibatida hech kim tan jarohati olmagan. FVV qutqaruvchilari soat 11:00 da yong‘inni to‘liq qurshab olgan. 10 daqiqadan so‘ng, soat 11:10 da alanga butunlay o‘chirilgan. Vazirlik ma’lumotlariga ko‘ra, vaziyat to‘liq nazoratga olingan. Yong‘inning aniq sabablari va ko‘rilgan zararlar...

Germaniyaning BMW kompaniyasi yuqori unumdorlikka ega to‘liq elektrlashtirilgan BMW M Concept Neue Klasse avtomobilini ommaga namoyish etdi.

Konseptning asosiy g‘oyasi aerodinamika va funksionallikni birlashtirishga qaratilgan. Avtomobilning old qismida brendga xos «akulaburun» shakli qayta ishlangan bo‘lib, uch qismli bamper va sport uslubidagi sariq rangli faralar o‘rnatilgan. Shuningdek, havo qarshiligini kamaytirish maqsadida kapotda V shaklidagi havo qabul qilgich va avtosportdan ilhomlanib yaratilgan maxsus yon ko‘zgular qo‘llanilgan.

Salon qismi to‘liq haydovchiga moslashtirilgan bo‘lib, qizil rangli boshqaruv tugmalari va axborotni ortiqcha chalg‘itishlarsiz beruvchi qisqartirilgan raqamli displeylarni o‘z ichiga oladi. O‘rindiqlar qizil va ko‘k rangli tabiiy charmdan hamda ekologik toza tolalardan tayyorlangan.

«Yangi dizayn...

O‘zbekistonda 2025-yilda jismoniy mashg‘ulotlar bilan shug‘ullanuvchi ayollar ulushi 68,4 foizga, erkaklar ulushi esa 72,2 foizga yetdi. Bu haqda Milliy statistika qo‘mitasi xabar berdi.

Ma’lumotlarga ko‘ra, mamlakatda jismoniy faollik ko‘rsatkichlari yil sayin o‘sib bormoqda. Ayollar o‘rtasida bu ko‘rsatkich 2021-yildagi 55,7 foizdan 2025-yilda 68,4 foizgacha oshgan.

Erkaklar o‘rtasida ham ijobiy o‘sish kuzatilgan. Xususan, 2021-yilda sport bilan shug‘ullanuvchi erkaklar ulushi 66 foiz bo‘lgan bo‘lsa, 2025-yilga kelib bu ko‘rsatkich 72,2 foizni tashkil etgan. Sport bilan shug‘ullanuvchilar orasida erkaklar ulushi ayollarga nisbatan yuqoriroq darajada saqlanib qolmoqda.

Avvalroq Kursiv nashri O‘zbekiston aholisining o‘rtacha yoshi 29,5 ga yetgani haqida xabar bergan edi.

Andijon viloyatida davlatga yetkazilgan zararni kamaytirib berishni va yirik miqdorda kredit ajratishni va’da qilib, fuqarolardan pora talab qilgan qurilish inspeksiyasi va bank xodimlari ushlandi.

Andijon shahrida joylashgan savdo do‘koni tomonidan ichimlik suvidan noqonuniy foydalanilgani oqibatida davlatga qariyb 680 mln so‘m zarar yetkazilgan. Viloyat Qurilish va uy-joy kommunal xo‘jaligi inspeksiyasi sho‘ba boshlig‘i ushbu zararni qayta hisoblatib, kamaytirib berish evaziga 30 mln so‘m so‘ragan. U tezkor tadbirda pullarni olayotganida dalillar bilan ushlangan.

Boshqa bir holatda esa tijorat bankining Asaka tumani filiali bosh menejeri fuqaroga 3,65 mlrd so‘m kredit olishida yordam berish uchun $8 ming talab qilgani aniqlandi. Aprel va may oylarida...

Futbol bo‘yicha Jahon chempionatining guruh bosqichi 1-turi doirasida AQSh hamda Paragvay terma jamoalari o‘zaro bahs olib bordi. Uchrashuvda amerikaliklar ishonchli g‘alabani qo‘lga kiritdi.

O‘yin kutilmaganda Paragvay terma jamoasi uchun omadsiz ssenariy asosida boshlandi. Uchrashuvning 7-daqiqasidayoq paragvayliklar vakili Damyan Bobadilya o‘z darvozasiga to‘p kiritib qo‘ydi va hisob ochildi.

Shundan so‘ng ustunlikni o‘z qo‘liga olgan AQSh futbolchilari hujumkorlikni oshirdi. Natijada 31-daqiqada Folarin Balogun hisobni 2:0 ko‘rinishiga keltirgan bo‘lsa, birinchi bo‘limga qo‘shib berilgan 45+5-daqiqada u o‘zining ikkinchi, jamoasining uchinchi golini kiritib, dubl qayd etdi.

73-daqiqada Paragvay hisobni qisqartirdi. Tezkor qarshi hujumni Mauritsio golga aylantirdi. Asosiy vaqtga qo‘shib berilgan daqiqalarda Jovanni Reyna o‘yinga...

Jahon chempionati guruh bosqichining 1-turidan o‘rin olgan Kanada hamda Bosniya va Gersegovina terma jamoalari o‘rtasidagi uchrashuv o‘z nihoyasiga yetdi. Qiziqarli o‘tgan bahs 1:1 hisobidagi durang bilan yakunlandi.

O‘yindagi dastlabki gol birinchi bo‘limda kiritildi. 21-daqiqada Sead Kolashinatsning yetkazib bergan uzatmasidan so‘ng Jovo Lukich Kanada darvozasini aniq nishonga olib, o‘z jamoasini oldinga olib chiqdi.

Kanadaliklar safida Alister Jonston va Lyuk de Fujrol qoida buzganligi uchun ogohlantirildi. Bosniya va Gersegovina tarkibida esa birinchi bo‘lim oxirida asablar biroz pand berdi: 45-daqiqada Ermedin Demirovich, hakam tomonidan qo‘shib berilgan 45+1-daqiqada esa gol muallifi Jovo Lukich sariq kartochka bilan jazolandi.

79-daqiqada mezbonlar o‘z maqsadiga erishdi. Kayl...

Aholiga qulaylik yaratish maqsadida dam olish kunlari ham ayrim banklarning valyuta ayirboshlash va pul o‘tkazmalari shoxobchalari faoliyat yuritadi. Bu haqda Markaziy bank ma’lum qildi.

Quyidagi shoxobchalarda mijozlar xorijiy valyutani ayirboshlash hamda pul o‘tkazmalari bilan bog‘liq amaliyotlarni amalga oshirishlari mumkin:

O‘zbekistonda tibbiyot va farmatsevtika sohasidagi mutaxassislarni xalqaro standartlar asosida malakasini oshirish maqsadida ixtisoslashtirilgan ingliz tili markazi tashkil etiladi. Bu haqda «Dunyo» AA ma’lum qildi.

Samarqanddagi «Meros Pharm» kompaniyasi va Buyuk Britaniyaning «Specialist Language Courses» (SLC) tashkiloti o‘rtasida hamkorlik bitimi imzolandi. Kelishuv O‘zbekistonda tibbiyot va farmatsevtika sohalarida faoliyat yuritayotgan mutaxassislarning ingliz tili bo‘yicha bilim hamda ko‘nikmalarini rivojlantirishni nazarda tutadi.

Shuningdek, xalqaro standartlarga mos ta’lim dasturlarini joriy etish, malaka oshirish kurslari va maxsus treninglarni tashkil qilish rejalashtirilgan.

Tadbir doirasida Buyuk Britaniya Biznes va savdo vazirligining Sog‘liqni saqlash bo‘yicha hamkorlik boshqarmasi boshlig‘i o‘rinbosari Devid Sheppard bilan ikki tomonlama uchrashuv ham o‘tkazildi.

Sirdaryo viloyatida yer maydoni ajratib berish evaziga $50 ming miqdorda pora talab etganlikda gumon qilingan hokimlik xodimi ushlandi. Bu haqda DXX matbuot xizmati ma’lum qildi.

Xodim shaharning O‘zbekiston shoh ko‘chasida joylashgan, davlat zaxirasidagi 2 sotix yer maydonini oziq-ovqat do‘koni tashkil etish uchun mansabdor tanishlari orqali olib berishni va’da qilgan va buning evaziga $50 ming talab qilgan.

Aniqlanishicha, talab qilingan mablag‘ning bir qismi sifatida fuqaroning «Lasetti» avtomobili $12 mingga baholanib, boshqarish huquqini beruvchi ishonchnoma rasmiylashtirilgan holda olib qolingan. Keyinchalik o‘tkazilgan tezkor tadbirda hokimlik xodimi talab qilingan pulning yana $8 mingni olgan vaqtida ashyoviy dalillar bilan qo‘lga olingan.

Mazkur holat...

Sud-ekspertiza jarayonlarini tartibga solish maqsadida sud ekspertizasini o‘tkazish muddati 30 kalendar kun etib aniq belgilandi. Bu haqda Adliya vazirligi ma’lum qildi.

Unga ko‘ra, davlat va nodavlat sud eksperti lavozimini oliy ma’lumotga ega, tegishli ixtisoslik bo‘yicha tayyorgarlikdan o‘tgan hamda sud ekspertizasini o‘tkazish huquqini beruvchi sertifikatga ega O‘zbekiston fuqarolari egallashi mumkin. Sud ekspertlarining davlat reyestri Adliya vazirligi tomonidan yuritilishi belgilandi.

Sud-ekspertlik faoliyati davlat sud-ekspertiza muassasalari, nodavlat sud-ekspertiza tashkilotlari, sud-ekspertlik byurolari, ilmiy va oliy ta’lim tashkilotlari hamda boshqa tashkilotlar doirasida amalga oshirilishi mumkin. Shuningdek, ayrim hollarda boshqa tashkilot xodimi yoki jismoniy shaxs ham sud eksperti sifatida ishtirok etishi nazarda tutilgan.

Qonunda...

Foydalanuvchilar Meta kompaniyasiga tegishli ilovalarga, jumladan, Facebook, Instagram va Threads’ga kirishda muammolarga duch kelmoqda. Bu haqda ijtimoiy tarmoqlar hamda nosozliklarni kuzatib boruvchi saytlarda xabar berildi.

Xabarlarga ko‘ra, muammolar akkauntga kirishda xatoliklar, tizimdan kutilmaganda chiqib ketish, xatolik xabarlari paydo bo‘lishi va sahifalarning noto‘g‘ri yuklanishi bilan boshlangan. Ayrim foydalanuvchilar esa ilovalarga na mobil versiyada, na brauzer orqali kira olayotganliklarini bildirgan.

Hozircha Meta kompaniyasi keng ko‘lamli nosozlikni rasman tasdiqlamagan. Bunday xizmatlarni monitoring qiluvchi platformalar, asosan, foydalanuvchilar xabarlariga tayanadi.

Nosozliklar haqida xabarlar AQSh, Buyuk Britaniya, Kanada, Avstraliya va Filippin kabi turli mamlakatlardan kelib tushgan. Ko‘plab foydalanuvchilar akkauntdan avtomatik chiqib ketganini va qayta...

Uzbekistan Airways Rossiya Federatsiyasi shaharlariga amalga oshirilayotgan parvozlar jadvaliga o‘zgartirishlar kiritib, ayrim yo‘nalishlar bo‘yicha reyslar sonini qisqartirdi. Bu haqda aviakompaniya ma’lum qildi.

Aviatsiya yoqilg‘isi tanqisligi va uning narxi oshishi sababli O‘zbekiston shaharlaridan Rossiya Federatsiyasiga ayrim yo‘nalishlar bo‘yicha parvozlar soni qisqartirilishi ma’lum qilindi. Ushbu omil parvozlar jadvaliga o‘zgartirishlar kiritilishiga sabab bo‘lmoqda.

Bekor qilingan reyslar yo‘lovchilari uchun ikki imkoniyat taklif etiladi: marshrut bo‘yicha keyingi mavjud aviaqatnovlarga bepul qayta bronlash yoki chipta narxini 100 foiz jarimasiz qaytarish.

Pul mablag‘larini qaytarish chiptani xarid qilingan joyda amalga oshiriladi, agar chipta UzAirways saytida yoki mobil ilovada olingan bo‘lsa, murojaat offers@uzairways.com elektron manzili...

Telegram endi Apple Watch’dan tashqari Wear OS operatsion tizimida ishlovchi aqlli soatlar uchun ham taqdim etildi. Bu haqda messenjer asoschisi Pavel Durov o‘z sahifasida ma’lum qildi.

Qo‘llab-quvvatlanadigan qurilmalar qatoriga Samsung’ning Galaxy Watch, Google’ning Pixel Watch hamda Xiaomi Watch modellari kiradi. Ilovani Google Play orqali yuklab olish mumkin.

Platforma Google Play Store orqali turli ilovalarni, jumladan xaritalar, musiqa servislari, fitnes dasturlari va messenjerlarni o‘rnatishni qo‘llab-quvvatlaydi.

Shuningdek, Telegram’ning iOS va Android versiyalari ham yangilandi. Yangi funksiyalar qatorida botlar uchun matnni formatlash, so‘rovnomalarga havola qo‘shish, .md kengaytmali fayllarni qo‘llab-quvvatlash hamda havolalarni ichki yoki tashqi brauzer orqali ochish imkoniyati mavjud.

Wear OS...

Toshkent shahrining Yakkasaroy tumanida yo‘l harakati qoidalarini buzib, bir nechta transport vositalariga shikast yetkazgan haydovchi harakatiga chek qo‘yildi. Bu haqda poytaxt IIBB ma’lum qildi.

Unga ko‘ra, hodisa 11-iyun kuni soat 21:34 atrofida Shota Rustaveli ko‘chasida sodir bo‘lgan. 1982-yilda tug‘ilgan fuqaro o‘ziga tegishli Cobalt rusumli avtomashina boshqaruvida yo‘l harakati qoidalarini buzgan holda harakatlanib, atrofdagilarning hayotini xavf ostiga qo‘ygan.

Qayd etilishicha, hududda xizmat olib borayotgan ichki ishlar organlari xodimlarining transport vositasini to‘xtatish haqidagi qonuniy talabiga bo‘ysunmagan haydovchi harakatni davom ettirgan. Natijada u bir nechta avtomashinalarga texnik shikast yetkazgan.

Tezkor chora-tadbirlar davomida ushbu fuqaroning boshqa fuqarolarga zarar yetkazishining oldini olish maqsadida...