Yangiliklar

Oppo K14 Plus 5G smartfoni Hindistonda sotuvga chiqdi. Qurilmaning asosiy xususiyatlari orasida 8000 mA/soat sig‘imli batareya, 144 Hz ekran va IP69K himoya darajasi bor.

Smartfon uchta xotira konfiguratsiyasida taklif qilinmoqda, narxlar $310 dan boshlanadi. Oppo K14 Plus 5G 2772×1272 piksel aniqlikdagi AMOLED displey bilan jihozlangan. Ekran 144 Hz yangilanish tezligini qo‘llab-quvvatlaydi. Barmoq izi skaneri displey ostiga o‘rnatilgan.

Dimensity 7360 Max protsessori

Smartfon MediaTek Dimensity 7360 Max platformasida ishlaydi. Qurilma Android 16 asosidagi ColorOS 16 operatsion tizimiga ega.

50 Mp kamera va OIS

Asosiy kamera 50 Mp sensor, f/1.8 diafragma va ikki o‘qli optik tasvir barqarorlashtirish tizimiga ega.

Shuningdek...

Amway — 1959-yilda AQShning Michigan shtatida maktabdosh do‘stlar — Rich DeVos va Jay Van Andel tomonidan asos solingan xalqaro to‘g‘ridan-to‘g‘ri savdo kompaniyasi. Ular faoliyatini o‘z biznesiga va uy uchun moʻljallangan bir dona mahsulotga ega bo‘lish istagidan boshlashdi. Bugun Amway 100 dan ortiq mamlakat va hududda faoliyat yuritadi.

Kompaniya nomi ham aynan shu g‘oyadan kelib chiqqan: Amway — American Way iborasining qisqartmasi. Asoschilar uchun bu, avvalo, o‘z yo‘nalishini mustaqil tanlash, tashabbus ko‘rsatish va o‘z ishini qurish imkoniyatini anglatgan. O‘sha paytda ular boshlagan hikoya Amerika chegaralaridan ancha uzoqqa chiqib, qariyb yetmish yil o‘tib O‘zbekistonda davom etishini tasavvur ham qilishmagan bo‘lishsa kerak.

Xiaomi Auto yangi Xiaomi Skynomad avtomobillar seriyasi sotuvga chiqqanidan keyingi birinchi oy yakunlarini e’lon qildi. Kompaniya ma’lumotiga ko‘ra, 7-sentabrdan 7-oktabrgacha yangi liniyaga 70 mingdan ortiq tasdiqlangan buyurtma kelib tushgan.

Skynomad seriyasiga N90 Max, N90 Max Explorer Edition, N70 Pro va N70 Max modellari kiradi.

Birinchi oyda 10 mingdan ortiq avtomobil yetkazildi

Xiaomi Auto sentabr oyida jami 40 mingdan ortiq avtomobil yetkazib bergan. Kompaniya asoschisi, raisi va bosh direktori Ley Junning aytishicha, shundan 10 mingdan ortig‘i Skynomad seriyasi hissasiga to‘g‘ri kelgan.

Yangi seriya sentabr oyida rasman sotuvga chiqarilgan va yetkazib berish ham shu oyda boshlangan.

N70 va N...

O‘zbekiston prezidenti Shavkat Mirziyoyev 8-oktabr kuni Avazada Armaniston Bosh vaziri Nikol Pashinyan bilan uchrashdi. Muzokaralarda O‘zbekiston va Armaniston o‘rtasidagi ko‘p qirrali munosabatlarni yanada rivojlantirish masalalari muhokama qilindi.

Uchrashuv Prezident Mirziyoyevning Turkmanistonga amaliy tashrifi doirasida bo‘lib o‘tdi. Davlat rahbari 8-oktabr kuni Avazada Markaziy Osiyo va Ozarbayjon davlat rahbarlarining sakkizinchi Maslahat uchrashuvida ishtirok etdi.

Armaniston sarmoyasi ishtirokida 80 ta korxona ishlamoqda

Tomonlar turli darajalarda faol aloqalar yo‘lga qo‘yilgani va yaqinda ikki mamlakat o‘rtasida siyosiy maslahatlashuvlar o‘tkazilganini qayd etdi.

O‘zaro savdo hajmi ham oshib bormoqda. O‘zbekistonda Armaniston sarmoyasi ishtirokida 80 ta korxona faoliyat yuritmoqda. Shuningdek, Toshkent va Yerevan o‘rtasida to‘g‘ridan-to‘g‘ri aviaqatnov...

O‘zbekistonda patent vakilligi instituti faoliyati yangilanadi. Bu haqda Adliya vazirligi xabar bermoqda.

Yangi tartibga ko‘ra, patent vakillari har uch yilda o‘z malakasini oshirib borishi kerak bo‘ladi. Shu bilan birga, ular uchun attestatsiyadan o‘tish talabi bekor qilindi.

Guvohnomalarni hududiy adliya organlari beradi

Endilikda patent vakili sifatida ro‘yxatdan o‘tganlik to‘g‘risidagi guvohnoma Qoraqalpog‘iston Respublikasi Adliya vazirligi, viloyatlar hamda Toshkent shahar adliya boshqarmalari tomonidan beriladi.

Guvohnoma olgan jismoniy shaxs O‘zbekistonda patent vakili sifatida faoliyat yuritishi mumkin.

Patent vakili unga murojaat qilgan shaxsning intellektual mulk masalalari bo‘yicha manfaatlarini ifoda etish huquqiga ega bo‘ladi.

Faqat ko‘rsatilgan ixtisoslik bo‘yicha ishlaydi

Patent vakili guvohnomada...

Chevrolet Trax 2027 model yili uchun yangilandi. GM Authority ma’lumotiga ko‘ra, model yangi dizayn elementlari va kengaytirilgan haydovchiga yordamchi funksiyalar bilan chiqadi.

Endi Trax uchta komplektatsiyada taklif qilinadi: bazaviy versiya, RS va Activ. 2026-yilgi model esa LS, 1RS, LT, 2RS va Activ variantlarida sotilgan edi.

Tashqi dizayn o‘zgardi

Chevrolet Trax 2027 yangi radiator panjarasini oldi. Oldingi xromli X shaklidagi element o‘rniga kuzov rangidagi gorizontal panel qo‘llanilgan.

LED kunduzgi chiroqlar kapot ostida joylashgan, asosiy faralar esa radiator panjarasining ikki tomoniga o‘rnatilgan.

Barcha komplektatsiyalar yangi dizayndagi yengil qotishmali disklar bilan jihozlanadi. RS versiyasida 19 dyuymli g‘ildiraklar saqlanib qoladi.

Orqa qismda...

O‘zbekistonda rieltorlik bozorini tartibga soluvchi yangi qoidalar joriy etiladi. Bu haqda 8-oktabr kuni Davlat aktivlarini boshqarish agentligi matbuot anjumanida Kursiv Uzbekistan muxbiriga ma’lum qilindi.

2026-yil 7-avgustda qabul qilingan «Rieltorlik faoliyati to‘g‘risida»gi qonunga ko‘ra, Davlat aktivlarini boshqarish agentligi sohadagi vakolatli davlat organi etib belgilangan. Qonun rasmiy e’lon qilinganidan uch oy o‘tib, ya’ni 8-noyabrdan kuchga kiradi.

Agentlik direktori Sohibjon Murodovning aytishicha, yangi tartib rieltorlik bozorida shaffoflikni oshirish va professional xizmatlar sifatini yaxshilashga qaratilgan.

«Rieltorlar, rieltorlik tashkilotlari va ko‘chmas mulk agentlarining yagona ochiq reyestri shakllantiriladi. Shuningdek, malaka sertifikati, kasbiy tayyorgarlik talablari va rieltorlik xizmatlarining milliy standartlari joriy etiladi...

2026-yil Adabiyot bo‘yicha Nobel mukofoti kanadalik shoir, esseist va tarjimon Anne Karsonga berildi. U qadimgi klassik an’analar bilan ijodiy muloqotga kirishib, zamonaviy adabiyot uchun yangi shakllar yaratgani uchun mukofotlandi. Bu haqda Shvetsiya akademiyasi ma’lum qildi.

Anne Karson kim

Anne Karson 1950-yilda Kanadaning Toronto shahrida tug‘ilgan. 76 yoshli yozuvchi ijodida she’riyat, nasr, esse, tarjima va dramaturgiya unsurlarini birlashtiradi. Uning asarlarida qadimgi yunon va rim adabiyoti hamda mifologiyasi muhim o‘rin tutadi.

Karson klassik yunon tilidan qilgan tarjimalari bilan ham tanilgan. U Sapfo she’rlari, Sofoklning «Elektra» va «Antigona», Evripidning «Bakkhay» kabi asarlarini tarjima qilgan. Akademiya uning tarjimalarini oddiy tarjima...

O‘zbekistonda sotilmay qolayotgan davlat aktivlarini realizatsiya qilish uchun yangi mexanizmlar joriy etilmoqda. Bu haqda 8-oktabr kuni Davlat aktivlarini boshqarish agentligi matbuot anjumanida Kursiv Uzbekistan muxbiriga ma’lum qilindi.

Yangi tartibga ko‘ra, savdoga qo‘yilgan davlat aktivlari uzoq vaqt xaridorsiz qolsa, ularning narxini pasaytirish mexanizmi qo‘llanadi. Xususan, aktiv ochiq elektron auksion yoki birja savdosida uch oy davomida sotilmasa, uning boshlang‘ich narxi bosqichma-bosqich 10%gacha kamaytiriladi.

Bundan tashqari, ikki oy davomida xaridor topilmagan aktivlarni Davlat aktivlarini boshqarish agentligi alohida lotlarga ajratishi yoki aksincha, bir nechta obyektni bir lotga birlashtirib qayta savdoga chiqarishi mumkin. Bu mexanizm sotilmay qolayotgan aktivlarni bozorga mosroq shartlarda taklif qilish imkonini...

9-oktabr uchun valyutalar kursi yangilandi. Dollar 37,38 so‘mga oshib, 11 846,57 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

1-oktabr kuni esa 12,42 so‘mga tushib, 11 808,76 so‘m bo‘lgan edi. 3-oktabr kuni 35,81 so‘mga tushib, 11 772,95 so‘mni, 6-oktabr kuni 5,5 so‘mga oshib, 11 778,45 so‘mni, 7-oktabr kuni 12,34 so‘mga oshib, 11 790,79 so‘mni tashkil qildi. 8-oktabr kuni 18,40 so‘mga oshib, 11 809,19 so‘mga tenglashdi.

Shuningdek, o‘qing: Dollar valyutasining kelajagi qanday — ekspert sharhi

Yevro kursida o‘sish kuzatildi. Yevropa valyutasi 34,69 so‘mga oshib, 13 240,91 so‘m bo‘ldi. Rossiya rubli ham...

Chevrolet Ecglobal kompaniyasi o‘tkazgan «Brazil Most Loved Brands 2026» tadqiqotida avtomobil brendlari orasida birinchi o‘rinni egalladi. General Motors ma’lumotiga ko‘ra, kompaniyaning mamlakatdagi savdosi 2026-yilning yanvar – sentabr oylarida qariyb 20 foizga oshgan.

Chevrolet savdosi qariyb 20 foizga oshdi

GM South America prezidenti Tomas Ovsyanskining aytishicha, Chevrolet uchun bu e’tirof kompaniya savdolari o‘sayotgan bir paytga to‘g‘ri kelgan.

2026-yilning dastlabki to‘qqiz oyida Chevrolet Braziliyada o‘tgan yilning shu davriga nisbatan 30 mingdan ortiq qo‘shimcha avtomobil sotgan. Natijada savdo hajmi qariyb 20 foizga oshgan.

«Biz modellar qatorini yangilayapmiz, texnologiyalarni kengaytiryapmiz va mijozlar tajribasini yaxshilayapmiz. Shu bilan birga, avlodlar...

O‘zbekistonda qizlar ko‘pincha mahrga oltin, kvartira yoki xorijiy avtomobil so‘raydi. Men esa Chevrolet Damas so‘radim. Buning beshta sababi bor.

Damas — biznes uchun qulay avtomobil

Mahrning ma’nosi – turmushga chiqqan ayolga ma’lum darajada moliyaviy mustaqillikni ta’minlash. Oltinni sotish mumkin, Damas bilan esa katta sarmoyalarsiz kichik biznesni boshlab yuborish osonroq.

O‘zbekiston, Qozog‘iston, Tojikiston va Turkmaniston 2026 – 2027-yillardagi vegetatsiyalararo davr uchun suv olish limitlari va suv omborlarining ishlash rejimlarini kelishib oldi. Bu haqda Qozog‘iston suv resurslari vazirligi xabar berdi.

Kelishuv Turkmanboshi shahrida o‘tkazilgan Markaziy Osiyo Davlatlararo suv xo‘jaligini muvofiqlashtirish komissiyasining 95-yig‘ilishida erishildi.

Unda O‘zbekiston suv xo‘jaligi vaziri Shavkat Hamroyev, Qozog‘iston suv resurslari va irrigatsiya vaziri Nurjan Nurjigitov, Tojikiston hamda Turkmanistonning suv sohasi vakillari ishtirok etdi.

Tomonlar Sirdaryo va Amudaryo havzalarida 2026-yilgi vegetatsiya davri yakunlarini muhokama qilib, 2026 – 2027-yillardagi vegetatsiyalararo davr uchun suv olish limitlari va suv omborlarining prognoz ish rejimlarini tasdiqladi.

Ma’lumotga ko‘ra, 2026-yilgi vegetatsiya davrida Shardara suv...

O‘zbekistonda xususiylashtirishning yangi bosqichida umumiy qiymati qariyb 100 trln so‘mlik davlat aktivlari va yer uchastkalarini sotuvga chiqarish rejalashtirilmoqda. Bu haqda 8-oktabr kuni Davlat aktivlarini boshqarish agentligi o‘tkazgan matbuot anjumanida ma’lum qilindi, deya xabar bermoqda Kursiv Uzbekistan muxbiri.

Agentlik direktori Sohibjon Murodovning aytishicha, 2026-yilda 84 ta kompaniyadagi davlat ulushini xususiylashtirish rejalashtirilgan.

«2026-yil 84 ta kompaniyadagi davlat ulushini xususiylashtirish ko‘zda tutilgan. Savdolar natijasida Davlat budjeti va tegishli jamg‘armalarga kamida 14 trln so‘m tushum olish rejalashtirilmoqda», – dedi Murodov.

8 ming gektarga yaqin yer uchastkalari sotuvga chiqariladi

Prezidentning 2026-yil 28-avgustdagi PF-177-son farmoniga muvofiq, yangi bosqichda...

Turkiyada uzoq yillardan beri xalqaro qidiruvda bo‘lgan O‘zbekiston fuqarosi M.X. qo‘lga olinib, mamlakatga qaytarildi. U odam savdosi va noqonuniy ravishda chet elga chiqish bilan bog‘liq jinoyatlarda ayblanmoqda. Bu haqda O‘zbekistonning Istanbuldagi Bosh konsulxonasi xabar berdi.

M.X. Jinoyat kodeksining 135-moddasi – odam savdosi hamda 223-moddasi – qonunga xilof ravishda chet elga chiqish bilan bog‘liq jinoyatlarni sodir etganlikda ayblanib, xalqaro qidiruvga berilgan edi.

O‘zbekiston va Turkiya huquqni muhofaza qiluvchi organlari hamkorligida uning turgan joyi aniqlanib, qo‘lga olingan.

Fuqarolarni xorijga olib chiqishda ayblanmoqda

Tergov materiallariga ko‘ra, M.X. boshqa shaxslar bilan oldindan til biriktirib, fuqarolarni aldov yo‘li bilan Qozog‘iston orqali Tailand va...

O‘zbekiston va Turkmaniston o‘rtasida Oliy darajadagi strategik sheriklik kengashini tuzish to‘g‘risida bitim imzolandi. Yangi kengash ikki davlat o‘rtasidagi siyosiy muloqot hamda ustuvor yo‘nalishlardagi hamkorlikni yanada kuchaytirishi kutilmoqda. Bu haqda O‘zbekiston prezidenti matbuot xizmati xabar berdi.

Yangi kengash nima beradi

8-oktabr kuni O‘zbekiston prezidenti Shavkat Mirziyoyev va Turkmaniston prezidenti Serdar Berdimuhamedov uchrashdi. Suhbat davomida O‘zbekiston – Turkmaniston strategik sheriklik munosabatlarini yanada chuqurlashtirish masalalari muhokama qilindi.

Uchrashuv yakunida Oliy darajadagi strategik sheriklik kengashini tuzish to‘g‘risidagi bitim imzolandi. Mazkur hujjat ikki davlat o‘rtasidagi siyosiy muloqotni tizimli ravishda rivojlantirish va ustuvor yo‘nalishlarda amaliy hamkorlikni kengaytirish uchun institutsional asos yaratadi.

Savdo...

O‘zbekiston prezidenti Shavkat Mirziyoyev Markaziy Osiyo davlatlari Afg‘onistondagi vaziyat bo‘yicha muloqotni davom ettirishi va mamlakatning tinch yo‘l bilan rivojlanishiga ko‘maklashishi zarurligini ta’kidladi. Bu haqda O‘zbekiston yetakchisining matbuot xizmati xabar berdi.

Afg‘oniston masalasi alohida e’tiborda

8-oktabr kuni Turkmanistonning «Avaza» milliy sayyohlik zonasida Markaziy Osiyo va Ozarbayjon davlat rahbarlarining sakkizinchi Maslahat uchrashuvida mintaqaviy xavfsizlik va barqarorlik masalalari ham muhokama qilindi. Shavkat Mirziyoyev Afg‘oniston bilan bog‘liq vaziyat Markaziy Osiyo uchun muhim ekanini qayd etdi.

Prezident Afg‘oniston masalasida muloqotni davom ettirish, mamlakatdagi vaziyatni tinch yo‘l bilan barqarorlashtirish hamda uning iqtisodiy rivojlanishiga ko‘maklashish muhimligini ta’kidladi.

O‘zbekiston Afg‘oniston bilan hamkorlikni davom...

O‘zbekiston prezidenti Shavkat Mirziyoyev Markaziy Osiyo davlatlari imkoniyatlarini birlashtirib, o‘zaro bog‘langan milliy ma’lumotlar markazlari asosida umumiy hisoblash infratuzilmasini yaratishni taklif qildi. Bu haqda O‘zbekiston yetakchisining matbuot xizmati xabar berdi.

Markaziy Osiyo uchun yagona hisoblash infratuzilmasi

8-oktabr kuni Turkmanistonning «Avaza» milliy sayyohlik zonasida Markaziy Osiyo va Ozarbayjon davlat rahbarlarining sakkizinchi Maslahat uchrashuvi bo‘lib o‘tdi. Shavkat Mirziyoyev sammitda sun’iy intellekt va katta hajmdagi ma’lumotlar allaqachon sanoat, transport, energetika, qishloq xo‘jaligi, ta’lim va davlat boshqaruvini o‘zgartirayotganini ta’kidladi.

«Iqtisodiyotlarimizning unumdorligi va kelajakda raqobatlasha olishi ko‘p jihatdan shu texnologiyalarga bog‘liq bo‘ladi», – dedi prezident.

Shu sababli u...

Klian Mbappe «Real Madrid» rahbariyatidan ranjigani va klub uning «Oltin to‘p» uchun kurashini yetarlicha qo‘llab-quvvatlamagani haqidagi xabarlarni masxara qildi. Fransiyalik futbolchining javobini Mundodeportivo nashri keltirdi. 

Mbappe klubdan xafa bo‘lgani haqida xabar tarqaldi

Madrid derbisi oldidan «Real»dan uning «Oltin to‘p» kampaniyasini qo‘llab-quvvatlashni so‘ragani, biroq klub bunga rozi bo‘lmagani haqida xabar bergan.

Jurnalist Javier Tintoning aytishicha, aynan shu holat futbolchining derbidagi kayfiyatiga ta’sir qilgan bo‘lishi mumkin. Shuningdek, Mbappe shu masalada Zineddin Zidandan ham yordam so‘ragani haqida da’volar tarqalgan.

Futbolchi mish-mishni kulgi bilan rad etdi

U «Real Madrid»dan ranjigani haqidagi postga kinoya bilan: «Ha, ha, buvimdan ham ranjidim...

O‘zbekiston prezidenti Shavkat Mirziyoyev Markaziy Osiyo va Ozarbayjon davlatlari oddiy savdo bilan cheklanmasdan, qo‘shma mahsulotlar yaratishga o‘tishi kerakligini ta’kidladi. U mintaqaviy hamkorlikning savdo, transport, energetika, suv, muhim minerallar va sun’iy intellekt kabi ustuvor yo‘nalishlarini belgilab berdi. Bu haqda O‘zbekiston prezidentining rasmiy saytida xabar berildi.

«Olti iqtisodiyot – bitta mahsulot»

8-oktabr kuni Turkmanistonning «Avaza» milliy sayyohlik zonasida Markaziy Osiyo va Ozarbayjon davlat rahbarlarining sakkizinchi Maslahat uchrashuvi bo‘lib o‘tdi.

Sammitda Ozarbayjon, Qozog‘iston, Qirg‘iziston, Tojikiston, Turkmaniston va O‘zbekiston rahbarlari qatnashdi. Shavkat Mirziyoyev o‘z nutqida mintaqadagi davlatlar o‘rtasidagi iqtisodiy hamkorlikni yangi bosqichga olib chiqish zarurligini qayd etdi.

«Biz bir-birimiz...

Fransiyada og‘ir vaziyatga tushib qolgan O‘zbekiston fuqarosi yurtga qaytarildi. Bu haqda «Dunyo» axborot agentligi xabar berdi.

Ma’lum qilinishicha, Sh.A. Yevropaga yuk avtomobili haydovchisi sifatida ishlash uchun borgan. Fransiyada bo‘lgan vaqtida uning sog‘lig‘i keskin yomonlashib, Tur shahridagi shifoxonaga yotqizilgan va u yerda uzoq vaqt davolangan.

Shuningdek, o’qing: Rossiyada og‘ir ijtimoiy va moddiy vaziyatga tushib qolgan to‘rt nafar O‘zbekiston fuqarosiga vatanga qaytishda yordam ko‘rsatildi

Elchixona va Migratsiya agentligi yordam ko‘rsatdi

Davolanish davrida O‘zbekistonning Fransiyadagi diplomatik missiyasi fuqaro va shifoxona bilan doimiy aloqada bo‘lib, zarur ko‘mak ko‘rsatgan.

Sog‘lig‘i yaxshilangach, u O‘zbekiston elchixonasi va Migratsiya agentligi hamkorligida yurtga olib kelindi...

Raqobat qo‘mitasi hududiy boshqarmalari Jizzax, Samarqand, Farg‘ona, Namangan va Sirdaryo viloyatlarida gaz, elektr hamda suv ta’minoti xizmatlarini o‘rgandi. Tekshiruvlarda asossiz hisoblangan to‘lovlar, sifatsiz ichimlik suvi yetkazib berish va xizmat ko‘rsatish tartibiga rioya qilmaslik holatlari aniqlangan.

Jizzaxda elektr va suv uchun pullar qayta hisoblandi

Jizzax viloyatida elektr ta’minoti korxonalari tomonidan sakkizta holatda qoidabuzarlik dalolatnomalarini rasmiylashtirishda qonunchilik talablariga rioya etilmagani aniqlandi.

Natijada dalolatnomalar bekor qilinib, 5,4 mln so‘m iste’molchilar foydasiga qayta hisob-kitob qilindi. Shuningdek, G‘allaorol tumanidagi Baxt va Samarqand mahallalarining 10 ta nuqtasida ichimlik suvining umumiy qattiqligi belgilangan me’yordan yuqori bo‘lgani aniqlangan.

17-apreldan 5-maygacha yetkazib berilgan 1 238 kub metr...

Sun’iy intellekt (SI) texnologiyalariga bo‘lgan talabning keskin ortishi fonida Samsung Electronics foydasi o‘tgan yilning mos davridagiga nisbatan to‘qqiz baravarga oshishini kutilayotganini ma’lum qildi.

Rekord ko‘rsatkichlar va moliyaviy o‘sish

​Koreya giganti sentabr oyida yakunlangan uch oylik davr uchun operatsion foyda 107,4 trillion vong (taxminan $80 milliard)ga yetishini taxmin qilmoqda. Bu kompaniya tarixidagi ketma-ket to‘rtinchi rekord choraklik daromad ko‘rsatkichi bo‘ldi. Samsung aksiyalarining bozor qiymati joriy yilda $1 trillionlik marrani zabt etdi. Kompaniyaning yakuniy va batafsil moliyaviy hisoboti shu oyning oxirida e’lon qilinadi.

Bozor drayverlari va SI infratuzilmasi

​Foydaning bunday shiddatli o‘sishiga asosiy sabab – SI ma’lumotlar markazlari uchun zarur...

O‘zbekiston milliy terma jamoasi va «Manchester Siti» himoyachisi Abduqodir Husanov Transfermarkt talqiniga ko‘ra, Angliya Premyer-ligasida o‘ynayotgan MDH davlatlari futbolchilari orasida eng qimmat futbolchi bo‘ldi. Uning qiymati 50 mln yevroga baholangan.

Husanov reytingda birinchi o‘rinda

Transfermarkt Angliya Premyer-ligasidagi futbolchilar qiymatini yangilagach, MDH davlatlaridan bo‘lgan eng qimmat besh futbolchi ro‘yxatini e’lon qildi.

22 yoshli Husanov 50 mln yevrolik qiymat bilan birinchi o‘rinni egalladi.

Undan keyingi o‘rinlarda «Brentford» futbolchisi Yegor Yarmolyuk...