Yangiliklar

18-avgust uchun valyutalar kursi yangilandi. Unga ko‘ra, dollar kursi 33,83 so‘mga tushib, 11 891,18 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 10-avgust kuni 36,46 so‘mga oshib, 11 952,10 so‘mni, 11-avgust kuni esa 17,49 so‘mga tushib, 11 934,61 so‘mni tashkil etdi. 12-avgust kuni dollar 44,66 so‘mga tushib, 11 889,95 so‘m, 13-avgust kuni 58,63 so‘mga oshib, 11 948,58 so‘m, 14-avgust kuni 10,69 so‘mga tushib, 11 937,39 so‘m bo‘ldi. 17-avgust kuni 46,71 so‘mga tushib, 11 891,18 so‘mni tashkil etdi.

Yevro kursida ham pasayish kuzatildi. Yevropa valyutasi 7,11 so‘mga...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 7-avgustdan 14-avgustgacha bo‘lgan davrda ijobiy dinamikani ko‘rsatib, UCI fond indeksi 19,12 foizga oshdi.

Ushbu davr mobaynida «Buxoroneftgazparmalash» aksiyalari eng katta o‘sishga erishib, 123,56 foizga qimmatlashdi. Shuningdek, «Trastbank» (+48,06%) va «Uzbekinvest» aksiyalarida (+15,79%) ham o‘sish qayd etildi.

O‘z navbatida, «Turonbank» aksiyalari 9,97 foizga arzonlashib, haftaning eng katta pasayishini qayd etdi. Bundan tashqari, «Ipoteka-bank»ning imtiyozli aksiyalari (-6,37%) va «Garantbank» (-4,51%) aksiyalari ham pasayish bilan ajralib turdi. Faqatgina «Kapital sug‘urta», «O‘zmetkombinat» aksiyalari va «Ipoteka-bank»ning oddiy aksiyalari narxida o‘zgarish kuzatilmadi.

Bitimlar soni bo‘yicha UzNIF (8 790 ta), «O‘zbektelekom» (5 595 ta) va «Hamkorbank...

Qozog‘istonning Jambil viloyatida 19 yoshli O‘zbekiston fuqarosi vafoti yuzasidan tergov boshlandi. Qiz o‘limidan oldin dugonasiga turmush o‘rtog‘i bilan kelishmovchiliklar va ehtimoliy zo‘ravonlik haqida gapirgan. Bu haqda Qumash.kz xabar berdi.

Nashr xabariga ko‘ra, ayol qariyb ikki yil davomida eri bilan birga yashagan. U dugonasiga yuborgan yozishmalarida oilasidagi vaziyat haqida ma’lumot bergan.

Mojaro biskvit sabab boshlangan

Yozishmalarga ko‘ra, so‘nggi kelishmovchiliklardan biri farzandi uchun xarid qilingan biskvit sabab qaynonasi bilan yuzaga kelgan janjaldan keyin boshlangan.

Ayol erining onasi bilan qanday gaplashganidan norozi bo‘lganini, janjal vaqtida esa eri uni boshidan urganini aytgan. Qiz dugonasiga uydan ketib, ajrashish uchun...

Disney mashhur Zootopia («Hayvonlar shahri») animatsion franshizasining uchinchi qismi ustida ish olib borilayotganini ma’lum qildi. Yangi film loyihasi Zootopia 2’ning katta muvaffaqiyatidan so‘ng ishga tushirilgan, deya xabar berdi Variety nashri.

Zootopia 2 rekord o‘rnatgan

2025-yilda namoyish etilgan Zootopia 2 dunyo prokatida $1,8 milliard daromad keltirib, Disney tarixidagi eng ko‘p daromad qilgan animatsion filmga aylangan.

Film premyerasi dastlabki dam olish kunidayoq katta natija qayd etib, o‘sha paytda animatsion filmlar orasidagi eng yirik global startlardan birini namoyish qilgan.

Jyudi va Nik qaytadi

Zootopia franshizasi 2016-yilda boshlangan. Birinchi filmda quyon-politsiyachi Jyudi Hops va tulki Nik Uayld qahramonlari tomoshabinlarga tanishtirilgan.

Zootopia...

O‘zbekistonda tadbirkorlik faoliyatiga qo‘yiladigan barcha majburiy talablar yagona Majburiy talablar reyestriga kiritiladi. Reyestrga kiritilmagan talabni bajarmagan tadbirkor javobgarlikka tortilmaydi.

Barcha majburiy talablar bitta reyestrda jamlanadi

Yangi tartibga ko‘ra, tadbirkorlik faoliyatini amalga oshirish uchun normativ-huquqiy va normativ-texnik hujjatlarda belgilangan barcha majburiy talablar davlat tomonidan maxsus reyestrga kiritiladi.

Reyestrga ma’lumotlarni tegishli soha bo‘yicha vakolatli davlat organlari va tashkilotlari joylashtiradi.

Adliya vazirligi esa Majburiy talablar reyestrining operatori hisoblanadi.

Eng muhim o‘zgarishlardan biri – tadbirkorlik subyekti reyestrda mavjud bo‘lmagan talabni bajarmagani uchun javobgarlikka tortilmaydi.

Bu mexanizm tadbirkor uchun qaysi talablar majburiy ekanini oldindan aniq bilish imkonini yaratishi va nazorat organlari tomonidan qo‘shimcha...

O‘zbekiston terma jamoasi a’zosi Eldor Shomurodov faoliyatini AQShning MLS chempionatida davom ettirishi mumkin. Turkiyalik jurnalist O‘g‘uz O‘ruchning ma’lum qilishicha, «Sent-Luis Siti» klubi «Istanbul Bashakshehir» hujumchisiga qiziqish bildirmoqda.

Amerika klubi 31 yoshli o‘zbekistonlik futbolchini o‘z safiga qo‘shib olishni istamoqda. Biroq hozircha «Sent-Luis Siti» va «Bashakshehir» o‘rtasida transfer bo‘yicha kelishuvga erishilgani yoki AQSh klubi rasmiy taklif yuborgani haqida ma’lumot yo‘q.

Shomurodov Turkiyada to‘purar bo‘lgan

Shomurodov 2025/26-yilgi mavsumni «Bashakshehir» safida ijara asosida o‘tkazdi. U Turkiya Superligasida 32 ta uchrashuvda 22 ta gol urib, yana 4 ta golli uzatmani amalga oshirdi. O‘zbekistonlik hujumchi shu natija bilan chempionatning eng yaxshi to‘purari bo‘lgan...

Rossiyadagi Wildberries omborlariga uyushtirilgan dron hujumlari oqibatida qariyb 11 mln dona kitob yo‘q qilingan. Zarar ko‘lamiga Rossiya Kitob ittifoqi, Rossiya kitob nashriyotchilari assotsiatsiyasi va kitob tarqatuvchilar assotsiatsiyasi vakillari baho berdi.

Yonib ketgan mahsulotlar orasida ommabop adabiyotlar bilan birga yangi o‘quv yiliga tayyorlangan darslik va qo‘llanmalar ham bo‘lgan.

11 mln nusxa kitob yo‘q qilingan

Tashkilotlarning qo‘shma bahosiga ko‘ra, yong‘in oqibatida Wildberries omborlarida saqlanayotgan jami 11 mln nusxaga yaqin kitob yo‘q qilingan.

Zarar ko‘rgan mahsulotlar qatoriga badiiy adabiyot, bolalar kitoblari, o‘quv qo‘llanmalari, imtihonlarga tayyorgarlik materiallari va boshqa nashrlar kiradi.

Nashriyotlar, ayniqsa, yangi o‘quv yili oldidan tayyorlangan kitoblarning yo‘q qilinishini jiddiy...

17-iyul kuni o‘tkazilgan Prezident maktablariga kirish imtihonlarining asosiy natijalari e’lon qilinmoqda. Bu haqda Ixtisoslashtirilgan ta’lim muassasalari agentligi xabar berdi.

Natijalarni qayerdan ko‘rish mumkin

Imtihon natijalari Cambridge Assessment International Education xalqaro ta’lim tashkiloti tomonidan e’lon qilinmoqda.

Talabgorlar o‘z natijalarini Cambridge Assessment International Education rasmiy sahifasi orqali tekshirishi mumkin.

Natijalarni, shuningdek, Ixtisoslashtirilgan ta’lim muassasalari agentligining rasmiy platformasi orqali ham ko‘rish mumkin.

Imtihon 17-iyul kuni o‘tkazilgan

Prezident maktablariga kirish imtihonlarining asosiy bosqichi joriy yilning 17-iyul kuni o‘tkazilgan. Natijalar xalqaro tashkilot tomonidan baholanib, talabgorlarga taqdim etilmoqda.

Avvalroq Kursiv Uzbekistan xorijiy va nodavlat OTMlardan o‘qishni ko‘chirish testlari qachon bo‘lishi haqida...

O‘zbekistonda Chevrolet Captiva avtomobillarini maxsus aksiya doirasida 264,9 mln so‘mdan xarid qilish mumkin. Taklif bo‘yicha chegirma miqdori komplektatsiyaga qarab 45 mln so‘mgacha yetadi.

Chevrolet rasmiy dilerlik markazlari va UzAuto Motors bilan hamkorlik qiluvchi ayrim banklar dam olish kunlari ham mijozlarga xizmat ko‘rsatadi. Shu sababli hafta davomida avtosalonga borishga ulgurmagan xaridorlar shanba va yakshanba kunlari ham dilerlik markazlariga murojaat qilishi mumkin.

Captiva narxi 264,9 mln so‘mdan boshlanadi

Maxsus taklif doirasida Chevrolet Captiva’ning chegirmadagi boshlang‘ich narxi 264,9 mln so‘mni tashkil etadi. Xaridor avtomobilning tanlangan versiyasiga qarab 45 mln so‘mgacha mablag‘ tejashi mumkin.

Aksiya 2026-yil 10-sentabrgacha, shu kunni ham qo‘shib hisoblaganda...

O‘zbekistonda muddatli to‘lov xizmatlarini ko‘rsatuvchi operatorlar mijozlarni axborot texnologiyalari orqali raqamli identifikatsiya va verifikatsiyadan o‘tkazishi kerak bo‘ladi. Shuningdek, ular mijozning qarz yukini hisobga olishi va kredit byurolari bilan ma’lumot almashishi shart etib belgilandi.

Muddatli to‘lov xizmatlarini ko‘rsatish bo‘yicha yangi talablarga ko‘ra, ushbu bozorda ishlayotgan operatorlar Markaziy bankning tartibga solish va nazorat qilish bo‘yicha prudensial normativ hamda talablariga rioya qilishi lozim.

Mijozning qarz yuki ham hisobga olinadi

Muddatli to‘lov berish to‘g‘risida qaror qabul qilinayotganda mijozning qarz yuki ko‘rsatkichi ham inobatga olinadi.

Operatorlar Markaziy bank tomonidan belgilanadigan qarz yukining eng yuqori miqdori bo‘yicha talablarga rioya qilishi shart bo‘ladi.

Ayrim...

Shavkat Mirziyoyev Xorazm viloyatining Urganch tumanidagi «Tillo domor» korxonasining yangi ishlab chiqarish majmuasida sutni qayta ishlash va tayyor mahsulot ishlab chiqarish jarayoni bilan tanishdi. Bu haqda prezident matbuot xizmati xabar berdi.

70 dan ortiq turdagi mahsulot ishlab chiqariladi

Mamlakatda chorvachilikni rivojlantirish, qishloq xo‘jaligi mahsulotlarini chuqur qayta ishlash hamda oziq-ovqat sanoatida qo‘shilgan qiymat zanjirini kengaytirishga alohida e’tibor qaratilmoqda.

Xorazm viloyatida ham sut yetishtirish salohiyatidan samarali foydalanib, chorvachilikni ixtisoslashtirish va sutni sanoat usulida qayta ishlash bo‘yicha loyihalar amalga oshirilmoqda.

«Tillo domor» korxonasining umumiy qiymati $11 millionni tashkil etadi. Korxona yiliga qariyb 100 milliard so‘mlik mahsulot ishlab chiqarish quvvatiga ega bo‘lib...

17-avgust kuni prezident Shavkat Mirziyoyev Xorazm viloyatiga tashrifini Urganch xalqaro aeroportidagi ta’mirlash ishlari bilan tanishishdan boshladi. Bu haqda davlat rahbari matbuot xizmati xabar berdi.

Aeroportga 264 mln dollar yo‘naltiriladi

Urganch xalqaro aeroportini rekonstruksiya qilish loyihasiga jami 264 mln dollar investitsiya kiritilmoqda. Loyiha davlat-xususiy sheriklik asosida amalga oshirilmoqda. Xususiy hamkor sifatida Janubiy Koreyaning «Incheon International Airport Corporation» kompaniyasi jalb etilgan.

Aeroport 1960-yilda foydalanishga topshirilgan, 1992-yilda esa xalqaro maqom olgan. Majmuaning umumiy maydoni 285 gektardan ortiq.

Joriy yilning o‘zida aeroport tomonidan 126 mlrd so‘mlik xizmatlar ko‘rsatilgan. Bu 2025-yilning mos davridagiga nisbatan 31 foizga ko‘p.

Uzoq masofali reyslar...

Krishtianu Ronalduning onasi va aka-ukalari futbolchining Jorjina Rodriges bilan nikoh marosimi haqida deyarli tadbir boshlanishi arafasida xabar topgan bo‘lishi mumkin. Portugaliyalik teleboshlovchi Kristina Ferreyraning aytishicha, Ronalduning yaqinlari to‘y haqida «30 soniya oldin» bilgan yoki umuman oldindan xabardor qilinmagan. Bu haqda Marca yozdi.

Juftlik nikoh marosimini Portugaliyaning Kaskays shahridagi Quinta da Marinha hududida maksimal darajada yopiq tarzda o‘tkazgan. Tadbirga juda tor doiradagi mehmonlar taklif qilingan.

Marosimda faqat bolalar va guvohlar qatnashgan

Marca Portugaliyaning Jornal de Notícias nashriga tayanib yozishicha, Ronaldu va Rodrigesning nikohi rasman ro‘yxatdan o‘tkazilgan.

Apple’ning ilk buklanuvchi iPhone modeli sotuvga chiqqan dastlabki oylarida yetarli miqdorda ishlab chiqarilmasligi mumkin. Ma’lumotlarga ko‘ra, qurilma zaxirasini 10 mln donaga yetkazish uchun Foxconn’ga uch oydan besh oygacha vaqt kerak bo‘ladi.

Apple’ning birinchi buklanuvchi iPhone modeli bozorga chiqqach, taqchillikka duch kelishi mumkin. Bunga qurilmaning murakkab konstruksiyasi va ishlab chiqarish sur’atlarining dastlabki bosqichda past bo‘lishi sabab sifatida ko‘rsatilmoqda.

Ishlab chiqarish sekinroq bo‘ladi

Taqqoslash uchun, oddiy iPhone 17 modeli oyiga taxminan 5 mln dona ishlab chiqarilmoqda.

Buklanuvchi modelning dastlabki ishlab chiqarish sur’ati esa bundan 30 – 40% past bo‘lishi mumkin. Natijada Apple sotuvlar boshlanganidan keyin do‘konlarni yetarli miqdorda qurilmalar bilan...

AQSh prezidenti Donald Tramp Pentagon’ga Janubiy Koreya bilan o‘tkaziladigan qo‘shma harbiy mashg‘ulotlar ko‘lamini sezilarli darajada kamaytirishni buyurdi. Bu haqda DW xabar bermoqda.

Uning fikricha, bunday mashqlar katta xarajat talab qilishi bilan birga, Shimoliy Koreyaga nisbatan «noo‘rin va dushmanona signal» yubormoqda. Bu haqda Deutsche Welle AP va Reuters ma’lumotlariga tayanib xabar berdi.

Tramp mashg‘ulotlarni qisqartirishni buyurdi

Tramp Truth Social’dagi sahifasida AQSh va Janubiy Koreya o‘rtasidagi yirik qo‘shma harbiy mashg‘ulotlarni qisqartirish bo‘yicha topshiriq berganini ma’lum qildi.

AQSh prezidenti mashg‘ulotlarni to‘liq bekor qilish uchun vaqt kech bo‘lganini ta’kidlab, Pentagon rahbari Pit Hegsetga ularning ko‘lamini «sezilarli darajada kamaytirish»ni buyurganini yozdi.

Tramp, shuningdek...

O‘zbekistonga mobil telefon importi 2026-yilning yanvar – iyun oylarida sezilarli darajada oshdi. Milliy statistika qo‘mitasi ma’lumotlariga ko‘ra, olti oyda mamlakatga 2,35 mln dona mobil telefon olib kirilgan.

Import geografiyasida Xitoy va Vyetnam yetakchilikni saqlab qolgan. Biroq ayrim davlatlardan yetkazib berish sur’atlari sezilarli darajada farq qilgan.

Xitoydan import 27,6 foizga oshdi

2025-yil yanvar – iyun oylarida Xitoydan O‘zbekistonga 1,42 mln dona mobil telefon olib kelingan edi. 2026-yilning shu davrida bu ko‘rsatkich 1 812 938 donaga yetdi.

Shunday qilib, Xitoydan import qilingan telefonlar soni qariyb 392,2 ming donaga yoki 27,6 foizga oshgan.

Xitoyning umumiy importdagi ulushi ham yuqori...

Afg‘onistonning «Tolibon» harakati AQShni mamlakatga diplomatlarini qaytarish va investitsiyalarni tiklashga chaqirdi. Bu haqda Afg‘oniston tashqi ishlar vaziri Amir Xon Muttaqiy «The New York Times»ga bergan intervyusida ma’lum qildi. 

Muttaqiyga ko‘ra, Vashington Qobulda elchixonasini qayta ochishi va Afg‘oniston iqtisodiyotiga sarmoya kiritishni boshlashi mumkin. Xususan, gap foydali qazilmalarni o‘zlashtirish, suv omborlari va yo‘llar qurilishi kabi loyihalar haqida bormoqda.

AQSh harbiylari qaytishiga qarshi

Afg‘oniston tashqi ishlar vaziri mamlakatdagi urush davri yakunlanganini va endi ikki davlat o‘rtasidagi munosabatlarni o‘zaro hurmat asosida yangi bosqichga olib chiqish istagida ekanini aytdi.

Biroq u AQSh harbiylarining Afg‘onistonga qaytishini istisno qildi. Shuningdek, «Tolibon» AQShda o‘z...

O‘zbekistonning bir qator hududlarida qiymati 438,7 mln so‘mlik noqonuniy tamaki mahsulotlari aniqlangan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Toshkentda 65,7 mln so‘mlik tamaki mahsulotlari olib qo‘yildi

Departamentning Yunusobod tumani bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbirda bir fuqaro Mirzo Ulug‘bek tumanidagi Qori Niyoziy ko‘chasida joylashgan savdo do‘konida xorijda ishlab chiqarilgan aksiz markasiz tamaki mahsulotlarini sotuvga qo‘ygani aniqlangan.

Do‘kondan 55 turdagi 2 668 quti tamaki mahsuloti olib qo‘yilgan. Ularning umumiy qiymati 65,7 mln so‘m deb baholangan.

Beshariqda 82,6 mln so‘mlik mahsulot saqlangan

Farg‘ona viloyatining Beshariq tumanida o‘tkazilgan tezkor...

Vivo kompaniyasi yangi Vivo Y31T smartfonini taqdim etishga tayyorlanmoqda. Bu haqda Gizmochina texnologiyalar nashri xabar bermoqda.

Qurilmaning asosiy texnik xususiyatlari rasmiy taqdimotdan avval internetda paydo bo‘ldi. Sizib chiqqan ma’lumotlarga ko‘ra, model katta sig‘imli batareya, 50 MP kamera hamda IP68 darajasidagi himoya bilan jihozlanishi mumkin.

Yangi smartfon, avvalo, uzoq avtonom ishlash va nisbatan mustahkam korpusga urg‘u berilgan model sifatida bozorga chiqishi kutilmoqda.

Vivo Y31T 6,75 dyuymli ekran oladi

Ma’lumotlarga ko‘ra, Vivo Y31T 6,75 dyuymli LCD-displey bilan jihozlanadi. Ekran HD+ aniqlikka ega bo‘lib, uning maksimal yorqinligi 1250 nitgacha yetishi mumkin.

Smartfonning ishlashi uchun Qualcomm Snapdragon 4 Gen 2 protsessori javob...

O‘zbekistonda muddatli to‘lov xizmatlarini ko‘rsatish bo‘yicha shartnomalarga yangi talablar belgilandi. Unga ko‘ra, muddatli to‘lov asosida xarid qilinadigan tovar, ish yoki xizmat qiymati BHMning 250 baravaridan oshmasligi, shartnoma muddati esa 12 oydan ko‘p bo‘lmasligi kerak.

Shuningdek, operatorlar komissiya, ustama va yakuniy narxga qo‘shiladigan boshqa to‘lovlarni mijozga alohida ko‘rsatishi shart bo‘ladi.

Muddatli to‘lovning maksimal miqdori cheklanadi

Qarorga ko‘ra, muddatli to‘lov xizmati orqali sotib olinadigan tovar, ish yoki xizmatning qiymati bazaviy hisoblash miqdorining 250 baravari (103 000 000 so‘m)dan oshishi mumkin emas. 1-sentabrdan bu qiymat 110 mln so‘mni tashkil etadi.

Bundan tashqari, muddatli to‘lov operatorining komissiyasi, ustamasi hamda tovar yoki xizmatning...

Bugun, 17-avgust kuni prezident Shavkat Mirziyoyev Xorazm viloyatiga tashrif buyuradi. Bu haqda prezident matbuot kotibi Sherzod Asadov xabar berdi.  

Tashrif davomida davlat rahbari hududda sanoat, ta’lim, transport va turizm yo‘nalishlarida amalga oshirilayotgan loyihalar bilan tanishadi. Shuningdek, viloyatda yaratilgan infratuzilma obyektlari ko‘zdan kechiriladi.

Tashrif doirasida bir qator yangi loyihalarni ishga tushirish hamda yangi qurilishlarga start berish rejalashtirilgan.

Tadbirkorlar bilan ochiq muloqot

18-avgust kuni prezidentning Xorazm viloyatidagi tadbirkorlar bilan navbatdagi ochiq muloqoti o‘tkaziladi.

Unda hududdagi biznes vakillarining taklif va muammolari muhokama qilinishi kutilmoqda.

Avvalroq Shavkat Mirziyoyevning 13-avgustdagi farmoni bilan Tadbirkorlar kuni munosabati bilan soha rivojiga munosib hissa qo‘shgan bir...

«Manchester Siti» hujumchisi Erling Holandga futbol faoliyatidagi to‘rtta yirik natijasi uchun Ginnesning rekordlar kitobi sertifikatlari topshirildi. Norvegiyalik futbolchi Premyer-liga, UEFA Millatlar ligasi va Chempionlar ligasida rekord natijalarni qayd etgan.

Yangi futbol mavsumi boshlanishi arafasida Erling Holandga Guinness World Records tomonidan to‘rtta rekordni tasdiqlovchi sertifikat topshirildi. Taqdirlash «Manchester Siti»ning «Etihad» stadionida bo‘lib o‘tdi.

26 yoshli hujumchi Guinness World Records Football Edition 2027 nashri muqovasidan ham joy oldi.

Premyer-ligada 100 ta golga eng tez yetgan futbolchi

Holandning eng yangi rekordi 2025-yil 2-dekabr kuni qayd etilgan. U «Fulhem»ga qarshi uchrashuvda gol urib, Angliya Premyer-ligasida 100 ta golga eng tez yetgan futbolchiga...

O‘zbekiston terma jamoasi hujumchisi Eldor Shomurodov Turkiya Superligasining yangi mavsumidagi ilk uchrashuvida gol urdi. «Istanbul Bashakshehir» safida maydonga tushgan 31 yoshli futbolchi «Kojalispоr»ga qarshi bahsning 72-daqiqasida raqib darvozasini ishg‘ol qildi.

Shomurodov jamoadoshi tomonidan jarima maydoniga uzatilgan to‘pni bir tegishda darvozaga yo‘llab, hisobdagi farqni oshirdi. U 75-daqiqada zaxiraga olindi.

Fayzullayevdan assist

Uchrashuvda yana bir o‘zbekistonlik futbolchi – Abbosbek Fayzullayev ham faol ishtirok etdi. «Bashakshehir» yarim himoyachisi 14-daqiqada assist qayd etib, Kristofer Operiga hisobni ochish imkonini berdi.

Fayzullayev 63-daqiqada maydonni tark etdi. «Bashakshehir» esa uchrashuvni 2:0 hisobidagi g‘alaba bilan yakunladi.

Shomurodovning «Oltin butsa»dan keyingi ilk goli

Shomurodov...

O‘zbekistonning bir nechta hududida jami 2,46 mlrd so‘mlik elektr energiyasidan noqonuniy foydalanish holatlari aniqlandi. Bosh prokuratura huzuridagi Iqtisodiy jinoyatlarga qarshi kurashish departamenti ma’lumotiga ko‘ra, aniqlangan yettita holat yuzasidan jinoyat ishlari qo‘zg‘atilgan.

Sirdaryoda 1,1 mlrd so‘mlik elektr energiyasidan noqonuniy foydalanilgan

Departamentning Sirdaryo tumani bo‘limi tomonidan o‘tkazilgan tergovga qadar tekshiruvda fermer xo‘jaligi mas’ullari «Sindorobod» va «Xalqobod» suv iste’molchilari uyushmalari hududidagi yer maydonlarida suv nasoslarini elektr tarmog‘iga o‘zboshimchalik bilan to‘g‘ridan to‘g‘ri ulab olgani aniqlangan.

Tekshiruv ma’lumotlariga ko‘ra, elektr energiyasidan tijorat maqsadida noqonuniy foydalanish oqibatida 1,1 mlrd so‘mlik zarar yetkazilgan.

Davlatoboddagi savdo kompleksida 558,6 mln so‘mlik holat aniqlandi

Namangan viloyatining Davlatobod...