Yangiliklar

Samsung smartfon ishlab chiqarish hajmini 20 – 30 foizga kamaytirishga tayyorlanmoqda. Bunga xotira chiplarining keskin qimmatlashishi sabab bo‘layotgani aytilmoqda. Natijada kompaniyaning smartfon biznesi rentabelligi pasaygan.

Money Today ma’lumotiga ko‘ra, Samsung’ning mobil qurilmalar uchun mas’ul MX bo‘linmasi ishlab chiqarishni qisqartirish jarayonini boshlab yuborgan.

Kompaniya hamkorlaridan yetkazib berish hajmini 20 – 30 foizga kamaytirishni so‘ragan. To‘rtinchi chorak yakunida Samsung smartfonlari ishlab chiqarishi 30 foizgacha qisqarishi mumkin.

Xotira narxi smartfon biznesiga bosim qilmoqda

Samsung uchun vaziyatning o‘ziga xos tomoni shundaki, xotira chiplarining qimmatlashishi kompaniyaning yarimo‘tkazgich biznesiga katta foyda keltirmoqda.

Biroq ayni shu omil smartfon ishlab chiqarish xarajatlarini oshirib, ayrim modellarni chiqarishni...

Toshkent viloyatida oqova suv tozalash inshooti qurilishida 13,9 mlrd so‘mlik budjet mablag‘lari o‘zlashtirish yoki rastrata yo‘li bilan talon-toroj qilingani aniqlandi. Bu haqda Bosh prokuratura huzuridagi Departament ma’lum qildi.

Holat Departamentning Zangiota tumani bo‘limi tomonidan o‘tkazilgan tergovga qadar tekshiruv davomida aniqlangan.

73,3 mlrd so‘mlik ish 87,2 mlrd deb ko‘rsatilgan

Ma’lumotga ko‘ra, «Suv ta’minot va oqova suv obyektlari qurilishi bo‘yicha injiniring kompaniyasi» DUK Toshkent hududiy boshqarmasi hamda Toshkent viloyati «Suvoqova» DUK o‘rtasida shartnoma tuzilgan.

Unga asosan Nurafshon shahrida oqova suv tozalash inshooti qurilgan.

Departament ma’lumotiga ko‘ra, amalda 73,3 mlrd so‘mlik qurilish ishlari bajarilgan bo‘lsa-da, hujjatlarda ishlar 87,2 mlrd so‘mga bajarilgani...

Fitch Ratings O‘zbekistonda joriy etilayotgan banklarni sog‘lomlashtirish va tugatishning yangi tartibi davlat banklariga ko‘rsatiladigan hukumat yordamini kamaytirmaydi, deb hisoblamoqda.

Fitch barcha O‘zbekiston davlat banklarining uzoq muddatli emitent defolti reytinglarida davlat yordamini hisobga olishda davom etishini bildirdi. Xususiy banklar uchun esa davlat tomonidan qo‘llab-quvvatlash reytingi «no support», ya’ni hukumat yordamiga tayanib bo‘lmaydigan darajada qolmoqda.

«Yangi tartib davlat banklariga tatbiq etilishi ehtimoli past. Biz ularning favqulodda hukumat yordamini olish imkoniyatini o‘rtacha deb baholaymiz», – deyiladi Fitch hisobotida.

Agentlikning fikricha, davlat banklarining aksariyati davlatga tegishli ekani, iqtisodiy va ijtimoiy siyosatni amalga oshirishdagi roli hamda O‘zbekistonning moliyaviy...

Samsung kompaniyasi Samsung Galaxy S26 FE smartfoni uchun vaqtinchalik chegirma e’lon qildi. Bu haqda Sammobile nashri xabar bermoqda.

OCTSALE promo-kodi orqali qurilma narxini CA$150 ga, ya’ni 9-oktabr kursi bo‘yicha qariyb $106 ga kamaytirish mumkin.

Trade-in orqali yana $436 gacha tejash mumkin

Samsung eski qurilmani trade-in dasturi orqali topshirgan xaridorlarga CA$620 gacha qo‘shimcha chegirma taklif qilmoqda. Bu 9-oktabr kursi bo‘yicha qariyb $436 ga teng.

Shuningdek, talabalar, o‘qituvchilar, keksalar, ayrim kompaniya xodimlari va favqulodda xizmat vakillari uchun qo‘shimcha chegirmalar va maxsus narxlar mavjud.

Ikki xotira va uch rang

Galaxy S26 FE Kanadada 128 GB va 256 GB ichki xotirali...

Tijorat banklari tomonidan 9-oktabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Shuningdek, o‘qing: Dollar valyutasining kelajagi qanday — ekspert sharhi

Valyuta sotish uchun eng qulay banklar

Avvalroq Kursiv Uzbekistan 9-oktabr uchun valyuta kurslari e’lon qilingani haqida yozgan edi.

Vivo’ning hali taqdim etilmagan yangi smartfoni Geekbench ma’lumotlar bazasida paydo bo‘ldi. V2618A model raqamiga ega qurilma Android 17 operatsion tizimida ishlaydi va 16 GB tezkor xotira bilan jihozlangan.

Sinov natijalariga ko‘ra, smartfon bir yadroli testda 3621 ball, ko‘p yadroli testda esa 11 078 ball to‘plagan.

Snapdragon 8 Elite Gen 5 chipi kutilmoqda

Geekbench yozuvida qurilmaning tizim platasi canoe kod nomi bilan ko‘rsatilgan. Platforma esa Qualcomm SM8850 bo‘lib, u Snapdragon 8 Elite Gen 5 chipiga mos keladi.

Ma’lumotlarga ko‘ra, protsessor sakkiz yadrodan iborat. Oltita yadro 3,63 GHz gacha, ikkita yuqori unumdor yadro esa 4,61 GHz gacha chastotada ishlaydi.

AQSh hukumati Microsoft va yana yetti texnologiya kompaniyasining xorijlik malakali xodimlar uchun Permanent Labor Certification Program (PERM) dasturi orqali yangi va ko‘rib chiqilayotgan arizalarini qayta ishlashni to‘xtatdi. Bu haqda BBC xabar berdi.

PERM ko‘plab mehnat asosidagi Green card jarayonlarida asosiy bosqichlardan biri bo‘lib, ish beruvchi xorijlik xodimni doimiy ishga jalb qilishdan oldin AQSh Mehnat vazirligidan tegishli sertifikat olishi kerak.

Microsoft va yana yetti kompaniya cheklovga tushdi

Cheklov Microsoft’dan tashqari Adobe, Cognizant, Infosys, Tata Consultancy Services, Wipro, HCL va Capgemini kompaniyalariga ham tatbiq etildi. AQSh Mehnat vazirligi ushbu kompaniyalarning yangi va hali ko‘rib chiqilayotgan PERM arizalarini qayta ishlamasligini ma’lum...

SpaceX Starlink sun’iy yo‘ldosh aloqa tizimini kengaytirish uchun 800 MHz diapazonidagi radiochastotalarni sotib oldi. Kompaniya ushbu chastotalardan AQSh hududining deyarli barchasini mobil aloqa bilan qamrab olish uchun foydalanishni rejalashtirmoqda.

Ilon Maskning aytishicha, bu kelishuv SpaceX’ning mamlakat bo‘ylab keng qamrovli mobil tarmoq yaratishi uchun zarur bo‘lgan asosiy bosqichlardan biri hisoblanadi.

«Bu SpaceX’ga Amerikada to‘liq mobil aloqa qamrovini ta’minlash uchun zarur bo‘lgan chastota spektridagi so‘nggi va eng muhim element», – deb yozdi Mask X ijtimoiy tarmog‘ida.

Nega aynan 800 MHz diapazoni muhim

800 MHz diapazonidagi radiosignallar yuqori chastotalarga qaraganda devorlar va boshqa to‘siqlardan yaxshiroq o‘tadi.

RedMagic 12 Pro+ smartfonining yangi sovitish tizimi namoyish etildi. Kompaniya ma’lumotiga ko‘ra, bu RGB yoritgichli suvli sovitish tizimiga ega ilk smartfon bo‘ladi.

RedMagic Gaming Phones bosh menejeri Jiang Chao qurilmaning yangilangan sovitish tizimi qanday ishlashini tushuntirdi. Smartfon Xitoyda 15-oktabr kuni taqdim etiladi, oldindan buyurtmalar esa allaqachon boshlangan.

Sovitish maydoni kattalashtirildi

RedMagic 11 Pro+ bilan taqqoslaganda, yangi modelda suvli sovitish maydoni kattalashtirilgan va suyuqlik oqimi kanallari qalinlashtirilgan.

Tizim ikki halqali sxemaga ega bo‘lib, smartfondagi asosiy issiqlik manbalarini qamrab oladi.

Sovituvchi suyuqlik mikro-nasosdan chiqib, ikki yo‘nalishga bo‘linadi. Yuqori yo‘nalish chip ustidan, pastki yo‘nalish esa batareya ustidan o‘tadi. Keyin ikkala oqim...

Yamandagi husiylar Saudiya Arabistoni aeroportlariga uchinchi kun ketma-ket raketa hujumlari uyushtirganini ma’lum qildi. So‘nggi zarbalar fonida ayrim aviakompaniyalar Ar-Riyodga parvozlarni to‘xtatdi, deb xabar berdi Kursiv Kazakhstan Reuters ma’lumotlariga tayanib.

Husiylar yetakchilari Saudiya Arabistonini uzoq davom etishi mumkin bo‘lgan mojaro haqida ogohlantirgan.

Ar-Riyod aeroportiga raketa uchirilgani aytildi

Husiylar Ar-Riyoddagi Qirol Xolid xalqaro aeroportiga ballistik raketa bilan zarba berganini bildirdi.

Saudiya Arabistoni boshchiligidagi koalitsiya esa Ar-Riyod tomon yo‘nalgan ikkita raketa va Xamis-Mushayt tomon uchirilgan yana bir raketa tutib qolinganini ma’lum qildi.

Reuters manbalariga ko‘ra, Ar-Riyod aeroportida Saudia aviakompaniyasiga tegishli samolyot yonib, jiddiy shikastlangan. Bunga tutib qolingan raketa parchalari yoki boshqa...

9-oktabr kuni O‘zbekistonning aksariyat hududlarida yog‘ingarchilik kutilmaydi. O‘zgidromet prognoziga ko‘ra, faqat Andijon, Namangan va Farg‘ona viloyatlarining ayrim joylarida, shuningdek, tog‘li hududlarda yomg‘ir yog‘ishi mumkin.

Toshkentda 25–27° bo‘ladi

Toshkent shahrida havo o‘zgaruvchan bo‘lib, yog‘ingarchilik kutilmaydi. Kechasi harorat 12–14°, kunduzi 25–27° bo‘ladi. Shamol sharqdan 3–8 m/s tezlikda esadi.

Qoraqalpog‘iston va Xorazmda kechasi 8–13°, kunduzi 22–27°; Buxoro va Navoiyda 10–15° hamda 23–28° bo‘lishi kutilmoqda.

Shuningdek, o‘qing: 11 – 12-oktabrda 9 viloyatda sel xavfi kutilmoqda

Janubda 32° gacha issiq

Toshkent, Samarqand, Jizzax va Sirdaryo viloyatlarida kechasi 10–15°, kunduzi 22–27° bo‘ladi. Qashqadaryo va Surxondaryoda esa...

Surxondaryo viloyatida qariyb 42 kg narkotik modda musodara qilindi. Bu haqda Davlat xavfsizlik xizmati ma’lum qildi.

DXX va ichki ishlar organlari xodimlari hamkorligida o‘tkazilgan tezkor tadbir davomida Toshkent viloyatidan kelayotgan Chevrolet Cobalt avtomobili Denov tumanida to‘xtatilib, tekshirilgan.

Narkotik gaz balloni ichiga yashirilgan

Tekshiruvda avtomobil yukxonasiga o‘rnatilgan gaz balloni ichidan 43 ta o‘ram topilgan. Ularda jami 41 kg 904 gramm opiy moddasi bo‘lgani aniqlangan.

Shuningdek, o‘qing: Chirchiqda bank xodimi 1,3 mlrd so‘mni o‘zlashtirgani fosh etildi

Yana uch kishi ushlandi

Tezkor tadbir davom ettirilib, narkotikni olib ketish uchun kelgani aytilayotgan ikki nafar fuqaro...

2026-yil 1-noyabrdan boshlab O‘zbekiston fuqarolarining Misrga kirishi bo‘yicha yangi tartib joriy etiladi. Bu haqda O‘zbekistonning Qohiradagi elchixonasi xabar berdi.

Yangi talablarga ko‘ra, O‘zbekiston fuqarolari Misrga safar qilishdan oldin kirish vizasini Misrning diplomatik vakolatxonalari orqali rasmiylashtirishi kerak bo‘ladi.

40 yoshgacha bo‘lganlar oila a’zolari bilan boradi

40 yoshgacha bo‘lgan sayyohlar Misrga faqat yaqin oila a’zolari – ota-ona, er yoki xotin yoxud farzandlari hamrohligida safar qilishi mumkin. Bunda oila tasarrufida safar davomida kamida $5000 naqd mablag‘ bo‘lishi talab etiladi.

40 yoshdan katta bo‘lgan va mustaqil sayohat qiluvchi fuqarolar esa kamida $3000 miqdorida naqd mablag‘ga ega bo‘lishi kerak.

Qirg‘iziston sobiq prezidenti Almazbek Atambayevning o‘g‘li Qodirbek Atambayev to‘rt yilga ozodlikdan mahrum qilindi. U ommaviy tartibsizliklarni tayyorlashda aybdor deb topilgan. Bu haqda KyrTAG xabar berdi.

Sud hukmi e’lon qilindi

Bishkek shahrining Pervomayskiy tumani sudi 8-oktabr kuni Qodirbek Atambayevga nisbatan hukm chiqardi. Unga to‘rt yil qamoq jazosi va mol-mulkini musodara qilish jazosi tayinlangan.

Sud ma’lumotlariga ko‘ra, ish 2025-yil noyabrida qo‘lga olingan bir guruh siyosatchilar va boshqa shaxslarga nisbatan qo‘zg‘atilgan.

Ish bo‘yicha yana bir siyosatchi jazolandi

«Sotsial-demokratlar» partiyasi rahbari Temirlan Sultonbekov ham ushbu ish bo‘yicha aybdor deb topildi. Unga to‘rt yil qamoq jazosi berildi, avvalgi hukmi hisobga olingach, yakuniy...

Abduqodir Husanov MDHda yetakchi, Shavkat Mirziyoyev Turkmanistonda — 8-oktabrda e’lon qilingan yangiliklar «Kursiv» dayjestida.

O‘zbekistonda 71,8 mingta kvartira foydalanishga topshirildi

2026-yil 1-oktabr holatiga ko‘ra, O‘zbekistonda jami 71 839 ta kvartira foydalanishga topshirildi. Bu o‘tgan yilning mos davridagiga nisbatan 30,5% ga ko‘p. Bu haqda Urbanizatsiya va uy-joy bozorini barqaror rivojlantirish milliy qo‘mitasi ma’lum qildi.

2025-yilning shu davrida mamlakat bo‘yicha 55 065 ta kvartira foydalanishga topshirilgan edi. Bir yil ichida ko‘rsatkich 16 774 taga oshgan.

Andijonda paypoq ichidan 64 ming dollar chiqdi

Andijonda fuqaro Qirg‘izistonga chiqib ketish vaqtida 64 ming AQSh dollarini paypoq qismiga yashirib, bojxona nazoratidan...

O‘zbekiston prezidenti Shavkat Mirziyoyev Mustaqil Davlatlar Hamdo‘stligi mamlakatlari delegatsiyalari rahbarlari bilan birgalikda Turkmanistonning «Avaza» milliy sayyohlik zonasida tashkil etilgan milliy taomlar festivaliga tashrif buyurdi.

Festivalda O‘zbekiston, Ozarbayjon, Armaniston, Belarus, Qozog‘iston, Qirg‘iziston, Rossiya, Tojikiston va Turkmanistonning milliy oshxonalari namoyish qilindi.

O‘zbekiston stendida milliy taomlar taqdim etildi

O‘zbekiston stendida mehmonlarga mamlakatning turli hududlariga xos non va pishiriqlar, qandolat mahsulotlari hamda quritilgan mevalar taqdim etildi.

Shuningdek, novvoylikning ko‘p asrlik an’analari haqida ma’lumot berildi.

Oshpazlar somsaning bir necha turini, shuningdek, shivit oshi va tuxumbarak kabi Xorazm taomlarini tayyorlash jarayonini namoyish etdi.

Mehmonlarga o‘zbek palovining turli xillari va milliy oshxonaning boshqa taomlari ham...

Tadbirkor Timur Turlovning xususiy investitsiyalarini birlashtiruvchi Turlov Private Holding Ltd. (TPH) bir nechta tog‘-kon loyihalarini yagona guruhga birlashtirib, keyinchalik fond bozoriga olib chiqish imkoniyatini ko‘rib chiqmoqda. Bu haqda 8-oktabr kuni o‘tkazilgan matbuot nonushtasida holding bosh direktori Olga Baskakova ma’lum qildi.

Uning aytishicha, TPH portfelida kelajakda mustaqil ommaviy kompaniyalar guruhiga aylanishi mumkin bo‘lgan bir nechta loyiha mavjud. Biroq ehtimoliy IPOning aniq muddati hozircha belgilanmagan.

«Qachondir tog‘-kon yo‘nalishidagi loyihalarni bir guruhga birlashtirishni istardik. Bu bunday yirik guruh uchun tabiiy rivojlanish jarayoni. Lekin buning uchun avval kattaroq miqyosga chiqish kerak. Muayyan moliyaviy ko‘rsatkichlar, talablar va yetarli tarix bo‘lishi...

Mazda uchinchi avlod CX-5 krossoverini Malayziyada rasman taqdim etdi. Yangi modelning narxi taxminan 41,2 ming dollardan boshlanadi. Bu haqda Paultan xabar berdi.

Krossover kattalashdi

Yangi Mazda CX-5 avvalgi avlodga nisbatan kattaroq bo‘ldi. Uning uzunligi 4 690 mm, kengligi 1 860 mm, balandligi 1 695 mm, g‘ildirak bazasi esa 2 815 mmni tashkil etadi. G‘ildirak bazasi 115 mmga uzaygani salonda yo‘lovchilar uchun ko‘proq joy yaratgan.

Krossoverning dizayni ham yangilangan. Mazda old qismdagi panjara, faralar va bamperlarni qayta ishlab chiqqan. Salon esa zamonaviylashtirilib, fizik boshqaruv tugmalarining katta qismi olib tashlangan.

185 ot kuchiga ega

Malayziya bozori uchun...

Butunjahon boks assotsiatsiyasi (WBA) professional bokschilarning sentabr oyi uchun yangilangan reytingini e’lon qildi. Unda sakkiz nafar o‘zbekistonlik bokschi o‘rin oldi.

Eng katta o‘zgarish Hasanboy Do‘smatov bilan bog‘liq bo‘ldi. Ikki karra Olimpiada chempioni minimal vazn toifasi reytingidan chiqarildi. O‘tgan oy u ushbu vaznda 6-o‘rinni egallab turgan edi.

Ikki bokschi 1-o‘rinni saqlab qoldi

Muhammad Shexov birinchi yarim yengil vazn toifasida 1-o‘rinda qoldi. Ushbu vazn chempioni – Naoya Inoue. Bektemir Meliqo‘ziyev esa super o‘rta vazn toifasida 1-o‘rinni saqlab qoldi. Bu divizionda chempionlik Jeymi Mungiyaga tegishli.

Qozog‘iston Jahon banki bilan hamkorlikda Shimoliy Orol suv sathini Boltiq tizimi bo‘yicha 44 metrga yetkazishni rejalashtirmoqda. Loyiha Ko‘k-Orol to‘g‘onini rekonstruksiya qilishni nazarda tutadi. Bu haqda Qozog‘iston bosh vaziri matbuot xizmati xabar berdi.

Orolning hajmi 34 mlrd kub metrga oshiriladi

Qozog‘iston hukumatiga ko‘ra, so‘nggi 20 yildan ortiq vaqt ichida Shimoliy Orol maydoni 36 foizga kengaygan, undagi suv hajmi esa deyarli ikki barobar oshib, 23,4 mlrd kub metrga yetgan. Suvning minerallashuv darajasi ham ikki barobarga kamaygan. Endi Ko‘k-Orol to‘g‘onini rekonstruksiya qilish orqali suv sathini 44 metrga ko‘tarish rejalashtirilmoqda.

Loyiha amalga oshirilsa, 5-6 yil ichida Shimoliy Orol maydoni 3,9 ming...

2026-yil 1-oktabr holatiga ko‘ra, O‘zbekistonda jami 71 839 ta kvartira foydalanishga topshirildi. Bu o‘tgan yilning mos davridagiga nisbatan 30,5% ga ko‘p. Bu haqda Urbanizatsiya va uy-joy bozorini barqaror rivojlantirish milliy qo‘mitasi ma’lum qildi.

2025-yilning shu davrida mamlakat bo‘yicha 55 065 ta kvartira foydalanishga topshirilgan edi. Bir yil ichida ko‘rsatkich 16 774 taga oshgan.

Eng ko‘p kvartira Toshkent shahrida topshirildi

Hududlar kesimida eng yuqori ko‘rsatkich Toshkent shahrida qayd etildi – 20 158 ta kvartira. Keyingi o‘rinlarda Toshkent viloyati 8 079 ta va Andijon viloyati 7 884 ta kvartira bilan turibdi.

Farg‘ona viloyatida 5 887 ta, Samarqandda 5 865 ta...

Andijonda fuqaro Qirg‘izistonga chiqib ketish vaqtida 64 ming AQSh dollarini paypoq qismiga yashirib, bojxona nazoratidan olib o‘tishga uringan. Valyuta deklaratsiyada ko‘rsatilmagan. Bu haqda Andijon viloyati Bojxona boshqarmasi xabar berdi.

64 ming dollar paypoqqa yashirilgan

Fuqaro «Do‘stlik» chegara bojxona postining «Chiqish piyoda» yo‘nalishidagi yashil yo‘lak orqali O‘zbekistondan Qirg‘izistonga chiqib ketayotgan bo‘lgan.

Bojxona nazorati va shaxsiy ko‘rik davomida fuqaroning deklaratsiyada ko‘rsatilmagan xorijiy valyutani yashirincha olib chiqayotgani aniqlangan.

Tekshiruvda jami 64 000 AQSh dollari fuqaroning paypoq qismiga yashirilgani ma’lum bo‘lgan.

Valyuta vaqtincha saqlovga olindi

Bojxona xodimlarining sinchkovligi natijasida aniqlangan 64 ming dollar belgilangan tartibda vaqtincha saqlovga olingan. Hozirda holat...

Migratsiya agentligi va RRG AG tashkiloti O‘zbekiston fuqarolarini Germaniyada qurilish sohasida ishlashga taklif qilmoqda. Dastur doirasida 200 ta ish o‘rni ajratilgan.

Nomzodlar haftasiga besh kun, jami 40 soat ishlaydi. Mehnat shartnomasi muddatsiz tuziladi va dastlabki olti oy sinov muddati hisoblanadi.

Maosh 2500 yevro

E’longa ko‘ra, xodimlarning qo‘liga tegadigan oylik ish haqi 2 500 yevroni tashkil etadi. Germaniyada turar joy uchun oyiga 300 yevro hamda oziq-ovqat xarajatlari nomzodning o‘zi tomonidan qoplanadi.

Mehnat sharoitlari, jumladan, ish haqi, ustamalar, sug‘urta va ta’til masalalari Germaniyadagi xodimlar bilan teng shartlarda belgilanadi.

Kimlar qatnashishi mumkin

Dasturda 18 – 39 yoshdagi, oliy yoki kasb-hunar...

Moskvada ikki yoshli qizaloq bir vaqtning o‘zida 250 dan ortiq magnit sharik yutib yubordi. Shifokorlar magnitlarni endoskopik usulda olib tashlab, bolaning hayotini saqlab qoldi. Bu haqda Morozov bolalar kasalxonasi xabar beri.

Qizaloq shifoxonaga kuchli yo‘tal bilan olib kelingan

Ota-onasi qizini Moskvadagi Morozov bolalar shifoxonasiga kuchli yo‘tal sabab olib kelgan. Rentgen tekshiruvida bolaning oshqozonida juda ko‘p begona jismlar borligi aniqlangan. Keyingi tekshiruvda ular 250 dan ortiq magnit sharik ekani ma’lum bo‘lgan.

Magnitlar ichakni teshib yuborishi mumkin

Bunday magnitlar bola uchun, ayniqsa, xavfli hisoblanadi. Ular oshqozondan ichakka o‘tib, ichak devorlarining turli qismlarini bir-biriga tortishi mumkin.

Natijada ichak devorida...