Yangiliklar

Portugaliyalik hujumchi Krishtianu Ronaldu Saudiya Arabistoni chempionatining sakkizinchi turida «Al-Nassr» safida gol urib, faoliyatidagi gollar sonini 980 taga yetkazdi. Uning jamoasi «Al-Diriyah»ni 3:0 hisobida mag‘lub etdi. Bu haqda Sky Sports xabar berdi.

Ronaldu hisobni ochdi

Riyoddagi «Al-Awwal Park» stadionida o‘tgan uchrashuvning 23-daqiqasida Ronaldu raqib darvozaboni Kingsli Koman zarbasidan keyin qaytgan to‘pni darvozaga yo‘lladi. Shu tariqa portugaliyalik futbolchi o‘z hisobiga yana bir gol yozib qo‘ydi.

35-daqiqada Samu Kosta hisobni 2:0 ko‘rinishiga keltirdi. U Joau Feliks uzatgan to‘pni bosh bilan darvozaga kiritdi. Uchrashuvning 77-daqiqasida esa Koman uchinchi golni urib, jamoasining g‘alabasini mustahkamladi.

Mingta gol marrasiga 20 ta gol qoldi

Toshkent metrosida Qozog‘iston fuqarosi yo‘qotgan 10 ming dollarni ichki ishlar xodimi emas, yo‘lovchi ayol topib, metro xavfsizlik xizmati xodimlariga topshirgan. Bu haqda «Toshkent metropoliteni» axborot xizmati xabar berdi.

Avvalroq Ichki ishlar vazirligi tarqatgan videoda pulni ichki ishlar xodimlari topib olgani aytilgan edi. Keyinchalik vazirlik matbuot kotibi Shoxruh G‘iyosov «topib oldi» iborasi majoziy ma’noda ishlatilganini tushuntirdi.

Pulni yo‘lovchi ayol topib, metro xodimlariga topshirgan

Metropoliten e’lon qilgan videoda erkak yo‘lovchining yon sumkasidan pul tushib qolishi aks etgan. Erkak buni sezmay, yo‘lida davom etgan.

Birozdan so‘ng boshqa bir yo‘lovchi ayol pulni ko‘rib, uni metroda xizmat qilayotgan Metropolitenda xavfsizlikni ta’minlash boshqarmasi xodimlariga...

O‘zbekistonlik grossmeyster Javohir Sindarov FIDE’ning amaldagi reytingida hindistonlik jahon chempioni Gukesh Dommarajudan 72 ochko oldinda bormoqda. Sindarovning reytingi 2 782 ochkoni, Gukeshniki esa 2 710 ochkoni tashkil etadi.

Jahon chempionligi uchun match Jenevada o‘tkaziladi

Javohir Sindarov va Gukesh Dommaraju o‘rtasidagi shaxmat toji uchun bahs 2026-yil noyabr – dekabr oylarida Shveysariyaning Jeneva shahrida bo‘lib o‘tadi.

Uchrashuv vaqtida har ikki grossmeyster 20 yoshda bo‘ladi. Shu sababli ularning qarama-qarshiligi shaxmat bo‘yicha jahon chempionligi tarixidagi eng yosh matchlardan biri bo‘lishi kutilmoqda.

Sindarov «Da’vogarlar turnirida»gi ishonchli g‘alabasi orqali jahon chempioni unvoni uchun kurashish huquqini qo‘lga kiritgan. Kiprda o‘tkazilgan musobaqada o‘zbekistonlik shaxmatchi dunyoning kuchli...

O‘zbekiston milliy futzal terma jamoasi bosh murabbiyi, ispaniyalik mutaxassis Xose Mariya Mendes sog‘lig‘i bilan bog‘liq jiddiy muammolar sabab lavozimini tark etdi. Bu haqda O‘zbekiston futzal federatsiyasi rasmiy sahifasi xabar berdi.

Federatsiya ma’lumotiga ko‘ra, Mendes o‘z xohishiga ko‘ra iste’foga chiqish haqida murojaat qilgan. Rahbariyat uning sog‘lig‘i bilan bog‘liq vaziyatni inobatga olib, murojaatini qanoatlantirgan.

Mendes Madridda davolanishi kerak

Ispaniyalik mutaxassis avgust oyining oxiridan buyon yurak yetishmovchiligi bilan bog‘liq tibbiy ko‘rik va tekshiruvlardan o‘tayotgan edi. Dastlab Toshkentda tekshiruvdan o‘tgan Mendes keyinchalik chuqurlashtirilgan tibbiy tekshiruvlar uchun Madridga yuborilgan.

Federatsiya xabariga ko‘ra, ispaniyalik shifokorlar unga ma’lum muddat professional faoliyatidan chekinish hamda davolanish kursini...

O‘zbekiston 2026-yilda dunyoning eng qudratli va ta’sirli mamlakatlari reytingida 71-o‘rinni egalladi. Ro‘yxatga jami 100 ta davlat kiritilgan. Bu haqdagi ma’lumotlar World Population Review saytida e’lon qilindi.

Reytingda Markaziy Osiyo davlatlari orasida Qozog‘iston eng yuqori natijani qayd etdi. O‘zbekiston 71-pog‘onadan joy oldi. Qirg‘iziston, Tojikiston va Turkmaniston esa ro‘yxatga kiritilmagan.

Eng qudratli davlatlar o‘ntaligi

Reytingning birinchi o‘rnini Xitoy egalladi. Undan keyingi pog‘onalardan AQSH va Hindiston joy oldi. Dunyoning eng qudratli davlatlari o‘ntaligi quyidagicha:

Rossiya 11-o‘rinni egalladi. Reytingning so‘nggi pog‘onasida esa Seyshel orollari qayd etildi.

Davlatlar qanday mezonlar...

Toshkentda internet orqali faoliyat yuritgan narkodo‘konning «zakladchik»i gumonlanuvchi sifatida ushlandi. Undan va vaqtincha yashab turgan xonadonidan jami 1,2 kg dan ortiq sintetik narkotik moddalar olib qo‘yildi. Bu haqda Davlat xavfsizlik xizmati xabar berdi.

Tezkor tadbir Davlat xavfsizlik xizmati xodimlari tomonidan Toshkent shahar Ichki ishlar bosh boshqarmasi bilan hamkorlikda o‘tkazilgan.

Avtomobildan 365 gramm mefedron topildi

Yunusobod tumanidagi «Uch qahramon» YPX maskanida poytaxtga kirib kelayotgan «Spark» rusumli avtomobil to‘xtatilib, tekshirildi.

Tekshiruv davomida yo‘lovchi bo‘lib ketayotgan, 2004-yilda Surxondaryo viloyatida tug‘ilgan shaxsga tegishli sellofan paket ichidan 200 ta zip-paketga qadoqlangan jami 365 gramm mefedron sintetik narkotik moddasi aniqlandi.

Xonadondan yana uch...

O‘zbekiston prezidenti Shavkat Mirziyoyev Buyuk Britaniyaning savdo bo‘yicha davlat vaziri lord Anas Sarvar bilan savdo-iqtisodiy aloqalarni kengaytirish va yangi qo‘shma loyihalarni amalga oshirish masalalarini muhokama qildi. Uchrashuv 9-oktabr kuni bo‘lib o‘tdi. Bu haqda prezident matbuot xizmati xabar berdi.

Uchrashuv yakunida tomonlar ko‘p qirrali hamkorlikni rivojlantirish bo‘yicha qo‘shma «Yo‘l xaritasi»ni qabul qilishga kelishib oldi.

O‘zbekiston va Buyuk Britaniya o‘rtasidagi iqtisodiy aloqalar

Muzokaralarda ikki mamlakat o‘rtasidagi siyosiy muloqot faollashgani, barcha darajalardagi aloqalar kengayib borayotgani va xavfsizlik sohasida hamkorlik yo‘lga qo‘yilgani qayd etildi.

O‘zaro tovar ayirboshlash hajmi ortib bormoqda. O‘zbekistonda Buyuk Britaniya bilan hamkorlikda tashkil qilingan 260 ta qo‘shma korxona faoliyat...

2026-yil 10 – 11-oktabr, shanba va yakshanba kunlari O‘zbekistondagi bir qator banklarning ayrim shoxobchalari valyuta ayirboshlash va xalqaro pul o‘tkazmalari xizmatlarini ko‘rsatadi.

Qaysi banklar ishlaydi

Dam olish kunlari banklarning barcha filiallari odatdagi tartibda ishlamaydi. Shu sababli mijozlarga kerakli shoxobchaning manzili va ish vaqtini bankning rasmiy sahifasi orqali oldindan tekshirish tavsiya etiladi.

10 – 11-oktabr kunlari xizmat ko‘rsatadigan shoxobchalar haqida Agrobank, Asia Alliance bank, Apex bank, Biznesni rivojlantirish banki, Ipoteka-bank va O‘zmilliybank rasmiy sahifalarida ma’lumot berilgan.

Shuningdek, Orient Finans bank, Tenge bank, Trastbank, Hamkorbank, Anorbank va Garant...

Taniqli bloger MrBeast Toshkentga yetib keldi va muxlislari bilan uchrashdi, futbol qirollari Ronaldu va Messi bir jamoada o‘ynash ehtimoli bor — 9-oktabr yangiliklari Kursiv Uzbekistan dayjestida.

MrBeast Toshkentda: uni muxlislar kutib oldi

Amerikalik mashhur bloger Jimmi Donaldson, ya’ni MrBeast Toshkentga tashrif buyurdi. Ma’lumotlarga ko‘ra, u Qatar Executive kompaniyasiga tegishli Gulfstream G700 xususiy samolyotida Tokiodan uchib kelgan.

MrBeast kelgan samolyot «Toshkent-Humo» aeroportiga qo‘ngan. Aeroportda bloger muxlislar bilan uchrashib, ular bilan suratga tushgan.

Krishtianu Ronaldu va Messi bir jamoada birga o‘ynashi mumkin

Sobiq argentinalik futbolchi Karlos Teves 2026-yil oxirida Buenos-Ayresdagi La Bombonera stadionida xayrlashuv uchrashuvini o‘tkazishni rejalashtirmoqda. MARCA’ning...

Jahon bozorida neft narxi 9-oktabr kuni pasaydi. Bunga AQSh prezidenti Donald Trampning noyabr oyidagi oraliq saylovlargacha Eronga hujum uyushtirilmasligi haqidagi bayonoti va ikki davlat o‘rtasidagi muzokaralar borayotgani haqidagi ma’lumotlar ta’sir ko‘rsatdi. Bu haqda Reuters xabar berdi.

Brent va WTI narxi tushdi

Reuters ma’lumotiga ko‘ra, 9-oktabr kuni Grinvich vaqti bilan soat 04:50 holatida Brent markali neft fyucherslari bir barrel uchun 1,37 dollarga yoki 1,3 foizga arzonlab, 102,91 dollarni tashkil qilgan.

AQShning WTI markali nefti esa 1,09 dollarga yoki 1,2 foizga pasayib, bir barrel uchun 90,40 dollarga tushgan.

Biroq haftalik ko‘rsatkichlarda Brent narxi o‘sishda qolishi kutilgan. Bunga payshanba kuni narxning...

BMW kompaniyasi yangi to‘liq elektr quvvatida harakatlanadigan iX4 krossover-kupe modelini taqdim etdi. Avtomobilning BMW iX4 50 xDrive versiyasi WLTP sinov sikli bo‘yicha bir quvvatlanishda 828 km masofani bosib o‘tishi mumkin. Bu haqda BMW Group rasmiy sayti xabar berdi.

BMW iX4 qachon sotuvga chiqadi

Kompaniya ma’lumotiga ko‘ra, BMW iX4’ning dastlabki ikki versiyasini 2027-yil mart oyidan buyurtma qilish mumkin bo‘ladi. Keyinroq modelning eng kuchli M60 xDrive modifikatsiyasi ham qatorga qo‘shiladi.

BMW iX4 50 xDrive ikkita elektr motoriga ega bo‘lib, umumiy quvvati 469 ot kuchini tashkil etadi. Avtomobil 0 dan 100 km/soat tezlikka 4,9 soniyada erishadi. Uning batareyasining foydalanish mumkin bo‘lgan...

Xitoy hukumati iqtisodiy faollikni rag‘batlantirish maqsadida 550 mlrd yuan – taxminan 82 mlrd dollar miqdoridagi foydalanilmagan davlat qarzi limitlarini ishga solishga qaror qildi. Mablag‘lar mahalliy hukumatlarning kundalik xarajatlari va infratuzilma loyihalarini moliyalashtirishga yo‘naltiriladi. Bu chora ichki iste’mol sustligi va ko‘chmas mulk bozoridagi uzoq davom etayotgan pasayish fonida amalga oshirilmoqda. Bu haqda Reuters xabar berdi.

Mablag‘lar qayerga sarflanadi

Xitoy Moliya vazirligi ma’lumotiga ko‘ra, ajratilgan limitlarning 300 mlrd yuani tuman va okrug darajasidagi mahalliy hukumatlarning kundalik faoliyatini ta’minlashga sarflanadi. Qolgan mablag‘lar, asosan, amalga oshirilayotgan infratuzilma loyihalariga yo‘naltiriladi.

Hukumat bu orqali mahalliy boshqaruv organlarining moliyaviy imkoniyatlarini mustahkamlash va iqtisodiyotdagi faollikni oshirishni...

Xitoy avtomobil ishlab chiqaruvchilari Yevropa bozoridagi ishtirokini kengaytirmoqda. 2026-yilgi Parij avtosalonida Xitoyning 20 ta avtomobil brendi qatnashmoqda. Bu 2024-yildagi ko‘rsatkichga nisbatan qariyb ikki baravar ko‘p. Shu bilan birga, Yevropaning yirik ishlab chiqaruvchilari talabning sustligi va Xitoy elektromobillari bilan raqobat kuchayishi sabab bosim ostida qolmoqda. Bu haqda Reuters xabar berdi.

Xitoy kompaniyalari Yevropada o‘z o‘rnini kengaytirmoqda

Parij avtosalonida BYD va Chery kabi yirik kompaniyalar bilan birga Aito va Avatr singari brendlar ham qatnashmoqda. Xitoy ishlab chiqaruvchilari AQSh bozoriga kirishdagi cheklovlar va ichki bozordagi talabning pasayishi fonida Yevropada savdoni oshirishga intilmoqda.

Reuters ma’lumotiga ko‘ra, Xitoy elektromobillari Yevropa bozorining 10,7 foizini...

Erkinjon Turdimov Oliy Majlis Qonunchilik palatasi deputatlari tomonidan bosh vazirning birinchi o‘rinbosari – ta’lim va ilm-fan vaziri lavozimiga tasdiqlandi. Bu haqda O‘zbekiston Milliy axborot agentligi (O‘zA)ning rasmiy kanalida xabar berildi.

Turdimov ushbu lavozimga tayinlangunga qadar Sirdaryo viloyati hokimi bo‘lib ishlagan.

Erkinjon Turdimov kim

Erkinjon Oqbo‘tayevich Turdimov 1969-yil 10-iyulda Samarqand viloyatining Qo‘shrabot tumanida tug‘ilgan. U 1991-yilda Toshkent xalq xo‘jaligi institutini iqtisodchi mutaxassisligi bo‘yicha tamomlagan.

U mehnat faoliyatini 1991-yilda «O‘zsanoatqurilishbank»ning Sirdaryo filialida boshlagan. Keyinchalik bank tizimida va davlat boshqaruvi organlarida turli lavozimlarda ishlagan.

Qaysi hududlarga hokimlik qilgan

Turdimov 2000 – 2008-yillarda Navoiy viloyatining Xatirchi tumani hokimi, 2008-yilda...

BMTning Savdo va taraqqiyot bo‘yicha konferensiyasi (UNCTAD) 2026-yilda jahon iqtisodiyoti o‘sishi 2,6 foizgacha sekinlashishini prognoz qildi. 2025-yilda mazkur ko‘rsatkich 2,9 foizni tashkil etgan. Tashkilot buni Yaqin Sharqdagi mojaro va energiya narxlarining oshishi bilan izohladi. Bu haqda Reuters xabar berdi.

Energiya narxlari iqtisodiyotga bosim o‘tkazmoqda

UNCTAD hisobotiga ko‘ra, Yaqin Sharqdagi inqiroz jahon iqtisodiyotiga ta’sir ko‘rsatmoqda. Energiya narxlarining ko‘tarilishi ishlab chiqarish va savdo xarajatlarini oshirib, iqtisodiy o‘sishni sekinlashtiruvchi omillardan biriga aylangan.

Tashkilot tashqi iqtisodiy zarbalarga nisbatan zaiflikni kamaytirish va iqtisodiy barqarorlikni kuchaytirish zarurligini ta’kidlagan.

Jahon savdosi o‘sishda davom etadi

Prognozga ko‘ra, 2026-yilda tovarlar va xizmatlar savdosi real hisobda...

O‘zbekistonda dollar kursi hafta davomida ketma-ket oshdi. Markaziy bank 10-oktabr uchun bir dollar kursini 51,33 so‘mga ko‘tarib, 11 897,90 so‘m etib belgiladi. Hafta davomida dollar milliy valyutaga nisbatan qariyb 120 so‘mga qimmatlashdi.

Dollar kursi ketma-ket oshdi

6-oktabr kuni dollar kursi 5,5 so‘mga oshib, 11 778,45 so‘mni tashkil etdi. 7-oktabrda kurs yana 12,34 so‘mga ko‘tarilib, 11 790,79 so‘mga yetdi. 8-oktabr kuni dollar 18,40 so‘mga qimmatlashib, 11 809,19 so‘mni tashkil qildi.

9-oktabrda o‘sish tezlashib, kurs 37,38 so‘mga ko‘tarildi va 11 846,57 so‘mga yetdi. 10-oktabr uchun esa dollar yana 51,33 so‘mga qimmatlashib, 11 897,90 so‘m etib...

Toshkent shahar IIBB Yo‘l harakati xavfsizligi boshqarmasi amerikalik bloger MrBeastning poytaxtda harakatlangan transport vositasi yo‘l-transport hodisasiga uchragani haqidagi xabarlarni rad etdi. Idora ma’lumotiga ko‘ra, avtomobil Toshkentda YTHga uchramagan. Bu haqda Toshkent shahar IIBB YHXB axborot xizmati ma’lum qildi.

Avtomobil Hindistonda shikastlangan

Idora xabarida aytilishicha, MrBeast Toshkentda bo‘lgan vaqtida u harakatlangan transport vositasi doimiy kuzatuv ostida bo‘lgan va hech qanday YTHga uchramagan.

Blogerning o‘zi transport vositasiga Hindistonning Dehli shahrida shikast yetganini bildirgan.

Asossiz ma’lumotlarni tarqatmaslik so‘raldi

Toshkent shahar IIBB YHXB ijtimoiy tarmoq foydalanuvchilaridan tekshirilmagan ma’lumotlarni tarqatmaslikni so‘radi.

Avvalroq amerikalik mashhur bloger Jimmi Donaldson, ya’ni MrBeast Toshkentga kelib, muxlislari...

Toshkentda amerikalik mashhur bloger Jimmi Donaldson, ya’ni MrBeast ishtirokidagi tadbir boshlandi. Ijtimoiy tarmoqlarda tarqalgan videolarda u uch nafar muxlisiga 100 mln so‘mdan pul mukofoti topshirgani aks etgan.

Tarqalgan videolarga ko‘ra, MrBeast Toshkentdagi muxlislar bilan uchrashuv doirasida o‘tkazilgan o‘yinlarda uch nafar ishtirokchini pul mukofoti bilan taqdirlagan.

MrBeast Toshkentdan videolar joyladi

Blogerning o‘zi ham rasmiy Instagram sahifasida Toshkent ko‘chalari va muxlislar bilan uchrashuvdan lavhalar joyladi.

Videolarda uning...

10-oktabr uchun valyutalar kursi yangilandi. Dollar 51,33 so‘mga oshib, 11 897,90 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

1-oktabr kuni esa 12,42 so‘mga tushib, 11 808,76 so‘m bo‘lgan edi. 3-oktabr kuni 35,81 so‘mga tushib, 11 772,95 so‘mni, 6-oktabr kuni 5,5 so‘mga oshib, 11 778,45 so‘mni, 7-oktabr kuni 12,34 so‘mga oshib, 11 790,79 so‘mni tashkil qildi. 8-oktabr kuni 18,40 so‘mga oshib, 11 809,19 so‘mga, 9-oktabr kuni 37,38 so‘mga oshib, 11 846,57 so‘mga tenglashdi.

Shuningdek, o‘qing: Dollar valyutasining kelajagi qanday — ekspert sharhi

Yevro kursida o‘sish kuzatildi. Yevropa valyutasi 95,45 so‘mga...

O‘zbekistonda 2026-yil boshidan shu vaqtgacha bo‘lgan davrda 69 mingdan ortiq kiberjinoyatlar sodir etilgan. Fuqarolarga yetkazilgan zarar 1 trln so‘mdan oshgan, shundan 210 mlrd so‘mi jabrlanuvchilarga qaytarilgan. Bu haqda joriy yilning 9-oktabr kuni Ichki ishlar vazirligining «Qonun ustuvorligi va jamoat xavfsizligi: Ichki ishlar organlarining 9 oylik faoliyat yakunlari va ustuvor vazifalar» mavzuidagi matbuot anjumanida ma’lum qildi.

IIV Kiberjinoyatlarga qarshi kurashish departamenti boshlig‘i o‘rinbosari Jahongir Sagdullayevning aytishicha, kiberjinoyatchilar fuqarolarni aldash uchun tobora turli usullardan foydalanmoqda.

«Fuqarolar tomonidan yo‘qotilgan mablag‘lar 1 trln so‘mdan oshgan. Shundan 210 mlrd so‘mga yaqin mablag‘ jabrlanuvchilarga qaytarildi», – dedi Sagdullayev matbuot anjumanida.

O‘zbekistonlik talabalar Google Gemini AI Plus xizmatidan bir yil davomida bepul foydalanish imkoniyatiga ega bo‘ldi. Raqamli texnologiyalar vazirligi va Google hamkorligida SheerID O‘zbekistonni rasman qo‘llab-quvvatlanadigan davlatlar ro‘yxatiga kiritdi. Bir yillik obuna qiymati $60 ekani ma’lum qilindi. Bu haqda Oliy ta’lim, fan va innovatsiyalar vazirligi xabar berdi.

Talabalar SheerID orqali tasdiqlanadi

Talabalar Aileaders.uz platformasi orqali Google verifikatsiyasidan o‘tishi mumkin. Talabalik maqomi tasdiqlangach, Google Gemini AI Plus xizmatiga bir yillik bepul obuna taqdim etiladi.

Xizmatdan foydalanish imkoniyati SheerID xalqaro verifikatsiya platformasi O‘zbekistonni qo‘llab-quvvatlanadigan davlatlar qatoriga kiritganidan keyin yaratildi.

Obunaga nimalar kiradi

Google AI Plus obunasi Gemini ilovasida...

O‘zbekiston prezidenti Shavkat Mirziyoyev Turkmanistonga amaliy tashrifini yakunlab, Toshkentga qaytib keldi. Tashrif doirasida Markaziy Osiyo va Ozarbayjon davlatlari rahbarlarining maslahat uchrashuvi hamda MDH Davlat rahbarlari kengashi majlisida ishtirok etildi. Bu haqda prezident matbuot xizmati xabar berdi.

Markaziy Osiyo va Ozarbayjon bilan hamkorlik muhokama qilindi

8-oktabr kuni Turkmanistonning «Avaza» milliy sayyohlik zonasida Markaziy Osiyo va Ozarbayjon davlatlari rahbarlarining sakkizinchi Maslahat uchrashuvi bo‘lib o‘tdi.

Unda Shavkat Mirziyoyev sanoat kooperatsiyasini rivojlantirish, transport bog‘liqligini mustahkamlash va yangi texnologiyalarni joriy etish bo‘yicha takliflarni ilgari surdi. Shuningdek, energetika, suv resurslari va ekologiya masalalarini birgalikda hal qilish zarurligini ta’kidladi.

Uchrashuv yakunida Qo‘shma bayonot qabul qilindi...

O‘zbekistonda ro‘yxatdan o‘tgan tadbirkorlar xorijda o‘zbek milliy restorani tashkil etish bilan bog‘liq xarajatlarining 50 foizigacha qismini subsidiya sifatida qaytarib olishlari mumkin. Xizmat Turizm qo‘mitasi tomonidan my.gov.uz portali orqali bepul ko‘rsatiladi.

Subsidiya xorijda o‘zbek milliy oshxonasi yoki restorani tashkil etgan tadbirkorlarga ajratiladi. Bunda restoran ochish bilan bog‘liq xarajatlarning 50 foizigacha bo‘lgan qismi davlat tomonidan qoplab berilishi mumkin.

Mazkur imkoniyatdan foydalanish uchun tadbirkor O‘zbekistonda ro‘yxatdan o‘tgan bo‘lishi kerak.

Qanday hujjatlar talab qilinadi

Arizaga restoranning xorijda ro‘yxatdan o‘tganini va bino bo‘yicha huquqni tasdiqlovchi hujjatlar, sanitariya hamda yong‘in xavfsizligi talablariga muvofiqlik ma’lumotlari ilova qilinadi.

Shuningdek, amalga oshirilgan xarajatlarni tasdiqlovchi hujjatlar, zarur...

«UzAuto Motors» aksiyadorlik jamiyati va UzAuto Powertrain’ni xususiylashtirish jarayoni ikki yil avval boshlangan. Bu haqda Davlat aktivlarini boshqarish agentligi direktori Sohibjon Murodov  matbuot anjumanida  Kursiv Uzbekistan muxbiriga ma’lum qildi.

Uning aytishicha, kompaniyalarni xususiylashtirishga tayyorlash uchun xalqaro Alvarez & Marsal xalqaro konsultanti tanlov asosida jalb qilingan. Hozirda «UzAuto Motors» AJ aktivlariga AQSh, Janubiy Koreya va Xitoy kompaniyalari qiziqish bildirmoqda.

«Bugungi kunda bizga AQSh, Janubiy Koreya va Xitoy kompaniyalaridan qiziqishlar kelib tushmoqda. Lekin bu qaysidir kompaniya UzAuto’ni sotib oladi, degani emas. Savdo ochiq va xalqaro bo‘ladi», — dedi Murodov.

Shuningdek, o‘qing: Xususiylashtirishning yangi bosqichida 84 ta kompaniyadagi...