Yangiliklar

Geely yangi Geely Preface i-HEV modeli uchun oldindan buyurtmalarni ochdi. CarNewsChina xabariga ko‘ra, Avtomobil uchta komplektatsiyada taqdim etilgan.

Model narxi 107,7 ming yuandan boshlanadi. Bu taxminan $15,6 mingga teng. Eng qimmat versiya esa 119,7 ming yuan yoki $17,3 ming atrofida baholangan. Yangi sedan dizayni avvalgi benzinli versiyaga o‘xshash. Old qismida katta radiator panjarasi va keskin chiziqlar ishlatilgan. Kuzov uzunligi 4,8 metrga yaqin bo‘lib, g‘ildirak bazasi 2,8 metrni tashkil etadi.

Salon zamonaviy texnologiyalar bilan jihozlangan. Unda 10,2 dyuymli raqamli panel va 14,6 dyuymli markaziy ekran mavjud. Tizim Snapdragon 8155 chipi asosida ishlaydi. Shuningdek, 16 ta dinamikli audio tizim va...

Hormuz bo‘g‘ozidagi vaziyat keskinlashgani fonida Yevropada gaz va neft narxi keskin oshdi. Bu haqda Oneinvest.com nashri xabar bermoqda.

Ma’lum qilinishicha, savdo boshida gaz fyucherslari qariyb 10 foizga qimmatlashgan. Shu bilan birga, brent neft narxi ham ko‘tarildi. Iyun oyiga yetkazib beriladigan neft fyucherslari 7 foizdan ortiq oshib, bir barrel uchun $96,8 ga yetdi.

Bozorlarda xavotir kuchayishi fonida AQSh fond indekslari fyucherslari pasaydi. S&P 500, Dow Jones Industrial Average va Nasdaq Composite 0,9 foiz atrofida tushdi.

Mintaqadan suyultirilgan gaz eksporti to‘xtab qolmoqda. Qatardan kelgan tankerlar bo‘g‘oz yaqinida to‘plangan, biroq ularning aksariyati o‘tishga jur’at qilmayapti. Mojaro tez orada yakunlanishiga bo‘lgan umidlar susaygan...

Zeekr kompaniyasining yangi Zeekr 8X modeli taqdimotdan so‘ng 30 daqiqa ichida 10 mingta buyurtma yig‘di. Bu haqda CarNewsChina nashri xabar bermoqda.

Kompaniya ma’lumotiga ko‘ra, buyurtmalarning 95 foizdan ortig‘i yuqori komplektatsiyalarga to‘g‘ri kelgan. O‘rtacha xarid narxi esa 400 ming yuan, ya’ni taxminan $58 mingdan oshgan. Model narxi 356,8 ming yuandan 426,8 ming yuangacha belgilangan. Cheklangan muddat uchun boshlang‘ich narx 329,8 ming yuan, ya’ni qariyb $48 mingni tashkil etadi.

Geely rahbari Gan Jiayue yangi model tez orada global bozorlarga chiqishini aytdi. Rejaga ko‘ra, Zeekr 8X va Zeekr 9X 2026-yil uchinchi choragidayoq xorijda sotuvga chiqadi. Texnik jihatdan model tri-motor gibrid tizim bilan...

O‘zbekiston xokkey terma jamoasi «IIHF World Championship Division III B – 2026» turnirida oltin medalni qo‘lga kiritdi. Hal qiluvchi o‘yinda jamoa Gonkong terma jamoasi ustidan ishonchli g‘alabaga erishdi.

Musobaqa davomida O‘zbekiston terma jamoasi barcha raqiblaridan ancha ustun o‘ynadi. Jamoa Mo‘g‘ulistonni 26:1 hisobida mag‘lub etdi. Shuningdek, terma jamoamizga Filippin 28:3, Shimoliy Koreya 20:3 va Lyuksemburg 14:0 hisoblarida yengildi.

Yakuniy natijalarga ko‘ra, O‘zbekiston birinchi o‘rinni egallab, kelasi yili kuchliroq guruh – Division III A’da ishtirok etish huquqini qo‘lga kiritdi.

Mazkur g‘alaba o‘zbek xokkeyi uchun muhim natija bo‘ldi. Bundan bir oy oldin yoshlar terma jamoasi ham o‘z divizionida jahon chempionligini qo‘lga kiritgan...

Urbanizatsiya va uy-joy bozorini barqaror rivojlantirish milliy qo‘mitasi raisi Sherzod Kudbiyev $50 minglik soat haqidagi gaplarga izoh berdi. U aksessuar otasi, marhum Davlat Kudbiyevdan meros bo‘lib qolganini tasdiqlagan.

«Birinchi navbatda, juda to‘g‘ri, bu soat menga juda qadrli, ko‘p narsani eslatadi. Lekin qanday bo‘lishidan qat’iy nazar, davlat xizmatchisi avvalambor kamtar bo‘lishi kerak. Shuning uchun, ayniqsa, yig‘ilishlarda, bunday uchrashuvlarda o‘zini mana shu davlat xizmatchisining etikasiga qat’iy rioya qilishi kerak», – degan qo‘mita raisi.

Ijtimoiy tarmoqlarda Sherzod Kudbiyevning qimmatbaho soat bilan ko‘ringani keng muhokamaga sabab bo‘ldi. Foydalanuvchilar uning qo‘lidagi aksessuar narxini o‘n minglab dollarga baholagan. Xususan, jurnalist Ilyos...

Namangan shahrida Hajga yuborishni va’da qilib $26 ming talab qilgan shaxs ushlandi. Bu haqda Davlat xavfsizlik xizmati (DXX) ma’lum qildi.

Qayd etilishicha, Namangan shahrida yashovchi 1984-yilda tug‘ilgan shaxs Chust tumanida istiqomat qiluvchi 4 nafar fuqaroni «Haj – 2026» mavsumida Saudiya Arabistoniga yuborishni va’da qilgan. U buning evaziga jami $26 ming talab qilgan.

DXX va boshqa tegishli idoralar hamkorligida o‘tkazilgan tezkor tadbir davomida gumonlanuvchi so‘ralgan pulning $6 mingini olayotgan vaqtda qo‘lga olindi.

Mazkur holat yuzasidan unga nisbatan Jinoyat kodeksining 168-moddasi bilan jinoyat ishi qo‘zg‘atildi. Hozirda tergov harakatlari davom etmoqda.

Eslatib o‘tamiz, Kursiv Uzbekistan nashri fuqarolar Haj safariga «tezkor jo‘natish» haqidagi...

Angliya Premyer-ligasining 33-turida «Manchester Siti» o‘z maydonida peshqadam «Arsenal»ni qabul qilib, 2:1 hisobida g‘alaba qozondi. Natijada mezbonlar turnir jadvalidagi ochkolar farqini qisqartirishga erishdi.

O‘yinning 16-daqiqasida Mateush Nuneshning uzatmasidan so‘ng Rayan Sherki himoyachilarni birin-ketin aldab o‘tib, hisobni ochdi. Oradan ikki daqiqa o‘tib, 18-daqiqada darvozabonning qo‘pol xatosidan keyin Kay Xaverts hisobni tenglashtirdi. Birinchi bo‘lim 1:1 hisobidagi durang bilan yakunlandi.

Ikkinchi bo‘limning 65-daqiqasida Erling Xoland mezbonlarning ikkinchi golini kiritdi. Uchrashuv davomida Kristian Moskera, Mark Gexi, Erling Xoland va Gabriel kabi futbolchilar sariq kartochka bilan ogohlantirildi.

Ushbu natijadan so‘ng «Arsenal» 70 ochko bilan peshqadamlikni saqlab qolmoqda. «Manchester Siti» esa ochkolarini 67 taga yetkazdi...

Pedagoglarga ayrim davlat xizmatlarida 50 foizlik chegirma beriladi

Mehnat shartnomasi asosida faoliyat yuritayotgan pedagoglar uchun bir qator davlat xizmatlari narxida 50 foiz chegirma beriladi. Bu haqda Adliya vazirligi ma’lum qildi.

Unga ko‘ra, ta’lim tashkilotlarida mehnat shartnomasi asosida faoliyat yuritayotgan pedagoglar uchun bir qator davlat xizmatlari narxi umumiy qiymatning 50 foizi etib belgilandi.

Davomi…

Dollar kursi hafta davomida qanchaga oshdi

Dollar kursi hafta davomida turlicha dinamiklarni ko‘rsatdi. Kursiv Uzbekistan AQSh valyutasining haftalik o‘zgarishlarini tahlil qiladi.

13-aprel kuni dollar 9,69 so‘mga arzonlab, 12 158,59 so‘mni tashkil etdi. Ertasi kuni pasayish yanada kuchaydi. 14-aprel kuni kurs 32,49 so‘mga tushib, 12 126,10 so‘mgacha kamaydi. 15-apreldan...

Toshkent shahrining Yangihayot tumanida joylashgan ishlab chiqarish korxonasida yong‘in chiqdi. Bu haqda Favqulodda vaziyatlar vazirligi ma’lum qildi.

Favqulodda vaziyatlar vazirligi ma’lumotiga ko‘ra, yong‘in haqida xabar 19-aprel kuni soat 15:23 da kelib tushgan. Hodisa Daryo bo‘yi ko‘chasida joylashgan korxonada sodir bo‘lgan.

Qutqaruv ekipajlari voqea joyiga soat 15:35 da yetib borgan va yong‘inni o‘chirish ishlari darhol boshlangan. Vaziyat Favqulodda vaziyatlar vazirligi hamda Toshkent shahar Favqulodda vaziyatlar boshqarmasi tomonidan to‘liq nazoratga olingan.

Yong‘in soat 16:01 da to‘liq bartaraf etildi. Dastlabki ma’lumotlarga ko‘ra, hodisa oqibatida tan jarohati olganlar qayd etilmagan. Hozirda hodisa yuzasidan qo‘shimcha ma’lumotlar aniqlashtirilmoqda.

Eslatib o‘tamiz, avvalroq Surxondaryo viloyatining Denov...

O‘zbekiston Ruanda davlati bilan rasmiy diplomatik munosabatlarni yo‘lga qo‘ydi. Bu haqda Tashqi ishlar vaziri Baxtiyor Saidov ma’lum qildi.

Vazirning ma’lum qilishicha, Ruanda bilan diplomatik aloqalar o‘rnatish to‘g‘risidagi qo‘shma kommyunike Ruanda tashqi ishlar vaziri Olivye Nduhungirehe bilan birgalikda imzolandi.

Shuningdek, ikki davlat tashqi ishlar vazirliklari o‘rtasida siyosiy maslahatlashuvlar mexanizmini yo‘lga qo‘yish bo‘yicha Anglashuv memorandumi ham qabul qilindi. Uchrashuv Antaliya diplomatik forumi doirasida bo‘lib o‘tdi.

Qayd etilishicha, Ruanda O‘zbekiston bilan diplomatik aloqalar o‘rnatgan 167-davlatga aylandi. Vazir Baxtiyor Saidov bu jarayonni O‘zbekistonning Afrika davlatlari bilan hamkorligini kengaytirish yo‘lidagi muhim qadam sifatida baholadi.

Ma’lumot uchun, Ruanda so‘nggi yillarda xalqaro maydonda faol tashqi...

Pekinda o‘tkazilgan yarim marafon doirasida Unitree kompaniyasining H1 nomli gumanoid roboti rekord natija qayd etdi. Bu haqda ITHome nashri ma’lum qildi.

Robot murakkab burilishlarga ega bo‘lgan 1,9 kilometr masofani mustaqil ravishda 4 daqiqa 13 soniyada bosib o‘tdi. Ishlab chiqaruvchi ma’lumotiga ko‘ra, bu 2023-yil namunasi asosida takomillashtirilgan versiya hisoblanadi.

Ta’kidlanishicha, saralash bosqichida robot harakatni operator aralashuvisiz, to‘liq avtonom tarzda amalga oshirgan. Bu esa texnologiyaning amaliy imkoniyatlarini namoyish etgan muhim jihatlardan biri sifatida baholanmoqda.

Natijaning o‘zi esa alohida e’tibor qozondi. Robotning ko‘rsatkichi 1500 metr standart masofaga proporsional tarzda qayta hisoblanganda, u insonlar o‘rtasidagi jahon rekordidan yuqori natijani ko‘rsatgan bo‘lib chiqadi...

2026-yil yanvar – mart oylarida 1 631 234 nafar O‘zbekiston fuqarolari chet elga turistik safarlarni amalga oshirdi. Bu haqda Milliy statistika qo‘mitasi ma’lum qildi.

Unga ko‘ra, mazkur ko‘rsatkich o‘tgan yilning shu davridagiga nisbatan qariyb 111,6 ming nafarga ko‘p ekani qayd etilgan.

Hisobot davrida O‘zbekiston fuqarolari eng ko‘p borgan davlatlar orasida Qirg‘iz Respublikasi yetakchilik qilgan, u yerga 660 579 nafar fuqaro safar qilgan. Keyingi o‘rinlarda Qozog‘iston (284 024 nafar) va Tojikiston (282 040 nafar) qayd etilgan.

Shuningdek, Saudiya Arabistoniga 136 060 nafar, Rossiyaga 88 267 nafar, Turkiyaga 52 199 nafar fuqaro safar qilgan. BAAga 28 125 nafar, Xitoyga...

O‘zbekistonda chorvachilik sohasida sanitariya-epidemiologik va gigiyenik talablarni kuchaytirishga qaratilgan maxsus oylik e’lon qilindi. Bu haqda Qishloq xo‘jaligi vazirligi va Fermerlar kengashi ma’lum qildi.

Ma’lum qilinishicha, joriy yilning 18-aprelidan 18-mayiga qadar O‘zbekistonda «Chorvachilikda sanitariya-epidemiya-gigiyena» oyligi o‘tkaziladi. Ushbu tashabbus chorva hayvonlari salomatligini muhofaza qilish va yuqumli kasalliklar tarqalishining oldini olishga qaratilgan.

Hozirgi kunda dunyoda ekologik muvozanatning buzilishi va iqlim o‘zgarishlari oqibatida chorva hayvonlari orasida yangi kasalliklar paydo bo‘layotgani qayd etilmoqda. Xususan, ayrim xorijiy davlatlarda oqsil (yashur) kasalligining tarqalish xavfi ortgani bildirilgan. Jahon hayvonlar sog‘ligi tashkiloti ma’lumotlariga ko‘ra, 2025 – 2026-yillarda 48 ta davlatda ushbu kasallikning yangi «SAT» tiplari aniqlangan bo‘lib...

Netflix yangi vertikal videolenta hamda sun’iy intellektga asoslangan funksiyalarni joriy etmoqda. Bu haqda Tech Crunch nashri ma’lum qildi.

Kompaniya ma’lumotiga ko‘ra, Netflix ilovalarida TikTok’ga o‘xshash vertikal videolenta shu oy ichida ishga tushiriladi. Ushbu funksiya o‘tgan yildan beri sinovdan o‘tkazilib kelinmoqda va foydalanuvchilarga videopodkastlar hamda filmlar va seriallarni tezroq topish imkonini berishi kutilmoqda.

Shu bilan birga, Netflix tavsiyalar tizimini yanada takomillashtirish uchun sun’iy intellektdan foydalanishni kengaytirmoqda. SI ijodkorlar uchun yangi vositalar yaratadi, biroq sifatli san’at yaratishda inson ijodkorligi asosiy rolni saqlab qoladi. Shuningdek, Netflix yaqinda InterPositive nomli sun’iy intellekt kompaniyasini sotib olganini va bu texnologiya kino ishlab chiqarish...

AQSh va Eron o‘rtasidagi muzokaralar hamda Hormuz bo‘g‘ozi atrofidagi vaziyat bir kun ichida keskin o‘zgarib, mintaqadagi noaniqlikni yanada kuchaytirdi. Bu haqda CNN agentligi ma’lum qildi.

Dastlab Eron tomoni Hormuz bo‘g‘ozi to‘liq ochilgani va kemalar erkin o‘tishi mumkinligini bildirgan edi. AQSh prezidenti Donald Tramp bu bayonotni ijobiy qabul qilib, muzokaralardagi ijobiy kayfiyatni qayd etgan. Eron tashqi ishlar vaziri Abbos Aroqchi ham bo‘g‘oz ochiq ekanini, biroq kemalar harakati muvofiqlashtirilishini ta’kidlagan. Ushbu bayonot neft narxining qisqa vaqt ichida 10 foizga tushishiga sabab bo‘ldi.

Biroq oradan ko‘p o‘tmay, AQSh Eron portlariga qo‘yilgan blokada davom etishini ma’lum...

Xorijda mehnat qilish istagidagi fuqarolar uchun Slovakiyadagi yirik avtomobil ishlab chiqarish korxonasida yangi ish imkoniyatlari e’lon qilindi. Bu haqda Migratsiya agentligi ma’lum qildi.

Xususiy bandlik agentligi «GLOBALHR» tomonidan tashkil etilgan ushbu ish taklifi Slovakiya, Bratislava shahrida joylashgan Volkswagen zavodida ishlab chiqarish yo‘nalishida operator sifatida ishlashni nazarda tutadi.

Ma’lumotlarga ko‘ra, ish o‘rinlari soni 50 ta bo‘lib, mehnat shartnomasi kamida 1 yilga tuziladi. Ish rejimi haftasiga 5 kunni tashkil etadi, oylik maosh esa ish hajmiga qarab 1 ming yevrodan boshlanadi.

Mazkur ish o‘rniga 20 – 45 yosh oralig‘idagi, ishlab chiqarish sohasida tajribaga ega hamda rus tilida muloqot qila oladigan erkaklar...

Favqulodda vaziyatlar sohasida volontyorlar va ko‘ngilli qutqaruvchilarni jalb etish hamda ularni qo‘llab-quvvatlash bo‘yicha yangi tartib tasdiqlandi. Bu haqda Adliya vazirligi ma’lum qildi.

Hukumat qarori bilan «Volontyorlar va ko‘ngilli qutqaruvchilarni “Favqulodda vaziyatlar volontyori» jamoatchilik guruhlariga jalb etish va ijtimoiy qo‘llab-quvvatlash tartibi to‘g‘risida”gi nizom tasdiqlandi. Unga ko‘ra, jamoatchilik guruhlariga faqat 18 yoshdan katta bo‘lgan O‘zbekiston fuqarolari qabul qilinadi.

Nizomda belgilanishicha, volontyor bo‘lish istagidagi shaxslar avval volontyorlar elektron platformasi (volontyor.uz) orqali ro‘yxatdan o‘tadi, so‘ngra hududiy favqulodda vaziyatlar boshqarmalariga ariza bilan murojaat qiladi.

Shuningdek, jamoatchilik guruhlari a’zolari uchun bir qator imtiyozlar ham joriy etilgan. Jumladan, Favqulodda vaziyatlar vaziri tavsiyasiga asosan akademiyaning bakalavriat...

Yaqinda amalga oshirilgan NASAning Artemis II missiyasi nafaqat yangi kosmik rekordlarni o‘rnatdi, balki insoniyat tarixida ilgari kuzatilmagan masofa ko‘rsatkichini ham qayd etdi. Bu haqda Space nashri ma’lum qildi.

6-aprel kuni Orion kosmik kemasi bortidagi astronavtlar hamda Xitoyning Tiangong orbital stansiyasi ekipaji qisqa vaqt davomida bir-biridan rekord darajada uzoq masofada bo‘ldi. Ushbu hisob-kitoblar astrofizik Jonatan Makdauell tomonidan olib borilgan.

Ma’lumotlarga ko‘ra, Oy orti tomoni bo‘ylab parvoz vaqtida Artemis II kapsulasi Tiangong stansiyasidan 419 643 kilometrgacha uzoqlashgan. Taqqoslash uchun, Orion va Xalqaro kosmik stansiya o‘rtasidagi maksimal masofa 419 581 kilometrni tashkil etgan. Shu tariqa, aynan Tiangongdagi taykonavtlar o‘sha vaqtda Artemis...

Qashqadaryo viloyatining Qarshi va Shahrisabz tumanlarida yer maydonlarining noqonuniy hujjatlashtirilishi bilan bog‘liq holatlar fosh etildi. Bu haqda Davlat xavfsizligi xizmati ma’lum qildi.

Unda Kadastr agentligining tuman bo‘limi yetakchi inspektori mansabdor tanishlari orqali fuqaro tomonidan noqonuniy egallangan 12 sotix yer maydoni uchun qo‘llangan 82 mln so‘mlik jarimani bekor qilib berish va yer uchastkasiga kadastr hujjatlarini rasmiylashtirish evaziga $2 ming olgan vaqtida ashyoviy dalillar bilan ushlandi.

Shuningdek, Shahrisabz tumanida ham shunga o‘xshash holat kuzatildi. Xususan, muqaddam firibgarlik jinoyati uchun sudlangan 59 yoshli shaxs hamda Davlat kadastrlari palatasining tuman filiali xodimi o‘zaro til biriktirib, mahalliy dehqon xo‘jaligiga tegishli 9 sotix yer...

Yangi rangda chiqishi kutilayotgan iPhone 18 Pro, Abdulla Qodiriy nomi berilgan samolyot. Kursiv Uzbekistan 18-aprel kuni e’lon qilingan muhim yangiliklarni bir joyga jamladi.

iPhone 18 Pro yangi ranglarda chiqishi mumkin

Apple iPhone 18 Pro uchun yangi ranglar ustida ishlamoqda. Insayderlarga koʻra, kompaniya bir nechta yangi rang variantlarini sinovdan oʻtkazmoqda.

Ular orasida och koʻk, siyoh rang va klassik toʻq kulrang mavjud. Ayrim manbalarda yana kumush rang ham saqlanib qolishi aytilmoqda. Ayniqsa, siyoh rang yangi modelning asosiy vizual belgisi boʻlishi mumkin. Bu rang Apple flagmanlari uchun yangi yoʻnalish sifatida koʻrilmoqda.

Freedom Holding Corp. ChessBase global shaxmat platformasini sotib oldi

Qashqadaryo viloyati Ko‘kdala tumanida bir guruh erkaklar lolazorni avtomobilda payhon qilgani aniqlandi. Holat Ekologiya va ichki ishlar organlari tomonidan o‘rganildi.

Ma’lum qilinishicha, huquqbuzarlar aniqlanib, ularga tegishli avtomobillar jarima maydonchasiga joylashtirilgan.

Hisob-kitobiga ko‘ra, ushbu harakatlar natijasida tabiatga 6,5 mln so‘m zarar yetkazilgan. Uch nafar shaxsning har biriga 20,6 mln so‘mdan jarima qo‘llanib, umumiy jarima miqdori 61,8 mln so‘mni tashkil etdi.

Huquqbuzarlar yetkazilgan zarar va jarimani to‘liq qoplashi belgilangan. Ekologiya qo‘mitasi fuqarolarni tabiatga ehtiyotkor munosabatda bo‘lishga chaqirdi.

Avvalroq Kursiv Uzbekistan qurilish chiqindilarini noqonuniy tashlashga qarshi tekshiruvlar boshlangani haqida xabar bergan edi.

Qozog‘iston prezidenti Qosim-Jomart Toqayev «Yalla» ansambli badiiy rahbari Farrux Zokirovni 80 yoshi bilan tabrikladi. Bu haqda Qozog‘iston rahbari matbuot xizmati ma’lum qildi.

Davlat rahbari san’atkorni madaniyat va musiqa rivojiga qo‘shgan hissasi, shuningdek, xalqlar o‘rtasidagi do‘stlikni mustahkamlashdagi xizmatlari uchun II darajali «Do‘stlik» ordeni bilan mukofotladi.

Tabrikda ta’kidlanishicha, Farrux Zokirov o‘z iste’dodi, mehnatsevarligi va kuchli ijodiy salohiyati bilan millionlab muxlislar mehrini qozongan. Uning san’ati turli avlod va xalqlarni birlashtirib kelayotgani alohida qayd etilgan.

Shuningdek, Qozog‘istonda san’atkor «Yalla» ansambli ijrosidagi qo‘shiqlari va betakror ovozi bilan qadrlanishi aytib o‘tilgan.

Avvalroq O‘zbekiston prezidenti Shavkat Mirziyoyev Farrux Zokirovni yubileyi munosabati bilan «Buyuk xizmatlari uchun» ordeni...

Yevropada aviayonilgʻi yetishmovchiligi sabab yaqin haftalarda reyslar bekor qilinishi mumkin. Bu haqda Xalqaro havo transporti assotsiatsiyasi (IATA) maʼlum qildi.

Tashkilotga koʻra, may oxiriga borib ayrim aviakompaniyalar yonilgʻi tanqisligi tufayli parvozlarni qisqartirishga majbur boʻlishi mumkin. Bunday holat allaqachon Osiyoning ayrim hududlarida kuzatilmoqda.

IATA Yevropa hukumatlarini muqobil yetkazib berish yoʻllarini taʼminlashga chaqirdi. Shuningdek, zarurat tugʻilganda yonilgʻini meʼyorlash boʻyicha oldindan kelishilgan rejalar ishlab chiqilishi kerakligi taʼkidlandi.

Assotsiatsiya Xalqaro energetika agentligi (IEA) prognozlariga ham e’tibor qaratdi. Unga ko‘ra, aviayoqilg‘i bo‘yicha taqchillik yuzaga kelishi mumkin.

IATA rahbari Villi Uolshning aytishicha, hatto Hormuz boʻgʻozidagi vaziyat barqarorlashgan taqdirda ham yonilgʻi taʼminotini tiklash bir necha oy vaqt...

Hukumat qarori bilan xonadonlarni maishiy gaz ballonlari bilan ta’minlash boʻyicha davlat xizmatining ma’muriy reglamenti tasdiqlandi.

Yangi tartibga koʻra, xizmat Davlat xizmatlari markazlari yoki my.gov.uz portali orqali koʻrsatiladi. Arizalar vakolatli operator tomonidan qabul qilinadi va «E-gaz» tizimida roʻyxatdan oʻtkaziladi.

Maishiy gaz ballonlari tabiiy gaz bilan ta’minlanmagan hududlarda yashovchi fuqarolarga beriladi. Ariza kelib tushgan kuni ma’lumotlar tizimga kiritiladi va 1 ish kuni ichida tekshiriladi.

Shundan soʻng 3 ish kuni davomida murojaatchining holati joyiga chiqib oʻrganiladi. Natijalar boʻyicha dalolatnoma rasmiylashtiriladi.

Agar xulosa ijobiy boʻlsa, fuqaro bilan tegishli shartnomalar tuziladi. Shundan keyin Face ID orqali hisob ochiladi va suyultirilgan gaz yetkazib berish yoʻlga...