Yangiliklar

Honor Win 2 smartfoni rasmiy taqdimotdan oldin namoyish etildi. Qurilmaning tashqi ko‘rinishi va ayrim texnik xususiyatlari haqida ma’lumot berildi.

2K ekran va ingichka ramkalar

Honor Win 2 tekis 2K displey bilan jihozlanishi mumkin. Ekran atrofi bir xil darajada ingichka ramkalarga ega bo‘lishi kutilmoqda.

Buning uchun Honor o‘zining Skyline displey qadoqlash texnologiyasidan foydalanadi. Ushbu yechim ekran chetlaridagi qora zonalarni kamaytirishga xizmat qiladi.

RGB yoritish va katta kamera bloki

Smartfonning orqa panelida yirik gorizontal kamera bloki joylashadi.

Unga halqa ko‘rinishidagi RGB yoritish tizimi o‘rnatilishi kutilmoqda. Korpusda qizil dekorativ chiziq ham bo‘ladi.

Honor Win 2 qizil-ko‘k ranglar uyg‘unligida targ‘ib qilinishi...

Amerikalik mashhur bloger Jimmi Donaldson – MrBeast Samarqandga tashrifi davomida muxlislar tomonidan katta qiziqish bilan kutib olindi. Bloger Instagram sahifasida shahar ko‘chalari va mehmonxona atrofida uni kutib olgan odamlar aks etgan videolarni ulashdi.

O‘zbekistondagi muxlislar aql bovar qilmas

MrBeast videolardan birida O‘zbekistondagi muxlislarning faolligidan hayratlanganini aytdi.

«Rostini aytsam, O‘zbekiston men ko‘rgan eng ashaddiy muxlislar bazasiga ega bo‘lishi mumkin. Bu aql bovar qilmas holat», – dedi u.

Blogerning aytishicha, ayrim paytlarda ko‘chada erkin harakatlanish ham qiyinlashgan. U mashina ortidan ko‘plab muxlislar ergashib kelganini ko‘rsatgan.

Ar-Riyod shahridagi Podshoh Xolid xalqaro aeroportining 3-terminaliga uyushtirilgan raketa hujumi oqibatida ikki nafar O‘zbekiston fuqarosi yengil jarohat oldi. Bu haqda O‘zbekiston Respublikasi Tashqi ishlar vaziri matbuot kotibi Omonulla Fayziyev ma’lum qildi.

Jabrlanganlar haqida ma’lumot

10-oktabr kungi hujumda jarohatlangan O‘zbekiston fuqarolari 1977-yilda tug‘ilgan va 1997-yilda tug‘ilgan shaxslar ekani ma’lum qilindi. Ularga darhol dastlabki tibbiy yordam ko‘rsatilgan va «Diriyah Hospital» shifoxonasiga olib borilgan. Tibbiy ko‘rik va zaruriy muolajalardan so‘ng har ikki fuqaroga shifoxonadan javob berilgan.

Boshqa fuqarolar xavfsizligi

Dastlabki ma’lumotlarga ko‘ra, hodisa vaqtida aeroport hududida 20 nafarga yaqin boshqa O‘zbekiston fuqarolari ham bo‘lgan. Ularning hech biri jabrlanmagan.

Elchixona...

Yangi Toshkent shahriga $2 mlrddan ortiq investitsiya kiritildi. Bu haqda Shavkat Mirziyoyev investor va tadbirkorlar bilan uchrashuvda ma’lum qildi.

Davlat rahbari so‘nggi oyda investor va tadbirkorlar bilan o‘tkazilgan uchrashuvlarda bildirilgan takliflar, yer ajratish, ruxsat olish hamda to‘lovlar bilan bog‘liq muammolar o‘rganilganini ta’kidladi.

Yangi Toshkentga $2 mlrddan ortiq mablag‘ kiritildi

Prezidentning qayd etishicha, uch yil avval boshlangan loyiha doirasida davlat infratuzilma, stadion, universitet va kutubxona kabi yirik obyektlarga katta mablag‘ yo‘naltirmoqda.

Hozirga qadar Yangi Toshkentga $2 mlrddan ortiq investitsiya kiritilgan.

Shu bilan birga, xususiy sektorni qurilishga jalb etish sur’atlari mavjud imkoniyatlarga mos emasligi ta’kidlandi.

Birinchi bosqichda $50 mlrdlik...

Yangi Toshkentda yer uchastkalariga talab keskin ortmoqda. Prezident Shavkat Mirziyoyev 2024-yilda yer uchastkasi narxi 10 mlrd so‘mga yetmagan bo‘lsa, hozir 19 mlrd so‘mgacha ko‘tarilganini qayd etdi.

Davlat rahbari Yangi Toshkent qurilishini jadallashtirish masalalari yuzasidan investor va tadbirkorlar bilan ochiq muloqot davomida shaharda yerga talab yildan-yilga oshib borayotganini aytdi.

«2024-yilda shaharda yer uchastkasining narxi 10 milliard so‘mga yetmagan bo‘lsa, hozir bu ko‘rsatkich 19 milliard so‘mgacha oshgan», – dedi prezident.

Prezident yana yaqinda 66 sotixli yer uchastkasi 6,7 mlrd so‘m boshlang‘ich narxda savdoga qo‘yilib, yakunda 40 mlrd so‘mga sotilganini ma’lum qildi. Bu boshlang‘ich narxdan qariyb olti...

Buxoro shahar sudi raisining xizmat xonasiga kirish qismidagi shkafdan $40 ming, u yerda bo‘lgan advokat yonidan esa yana $10 ming topilgani haqida xabarlar tarqaldi. Sudyalar oliy kengashi hozircha sudya pul so‘ragani yoki olganini tasdiqlovchi dalillar aniqlanmaganini bildirdi.

Sudyaga nisbatan xizmat tekshiruvi o‘tkazilmoqda

Sudyalar oliy kengashining rasmiy munosabatiga ko‘ra, holat yuzasidan advokatga nisbatan tergov harakatlari, sudyaga nisbatan esa xizmat tekshiruvi olib borilmoqda.

«Ayni paytga qadar xizmat tekshiruvi va tergov jarayonida sudyaning advokatdan pul so‘ragani yoki olganini tasdiqlovchi biror-bir dalil aniqlanmagan», – deyiladi kengash xabarida.

Kengashning aniqlik kiritishicha, pul mablag‘lari advokatning yonidan hamda sudyaning xizmat...

Samsung kompaniyasi 2027-yilda taqdim etishi kutilayotgan yangi Samsung Galaxy S27 seriyasi narxlarini $75 – 100 ga oshirishi mumkin. Bu haqda Janubiy Koreya OAVga tayanib SamMobile xabar berdi.

Manbaga ko‘ra, narx oshishining asosiy sababi xotira chiplari tannarxining keskin ko‘tarilishi va bu Samsung mobil biznesining rentabelligiga bosim o‘tkazayotganidir.

Galaxy S27 yana qimmatlashishi mumkin

Samsung joriy Galaxy S26 seriyasining narxlarini ham bir qator bozorlarda oshirgan. Hatto kompaniyaning ichki bozori – Janubiy Koreyada ayrim flagmanlar $200 gacha qimmatlashgan.

Endilikda Galaxy S27 oilasi ham qo‘shimcha $75 – 100 ga qimmatlashishi mumkin. Biroq bu o‘sish Galaxy S26’ning dastlabki narxlariga nisbatanmi yoki keyinchalik yangilangan narxlarga...

Tijorat banklari tomonidan 12-oktabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Shuningdek, o‘qing: Dollar valyutasining kelajagi qanday — ekspert sharhi

Valyuta sotish uchun eng qulay banklar

Avvalroq Kursiv Uzbekistan 10-oktabr uchun valyuta kurslari e’lon qilingani haqida yozgan edi.

O‘zbekistonlik grossmeyster Nodirbek Abdusattorov hamyurti Javohir Sindarovni shaxmat tarixidagi eng iste’dodli besh shaxmatchidan biri deb hisoblashini aytdi.

Abdusattorovning ta’kidlashicha, Sindarov uzoq vaqt davomida o‘z imkoniyatlarini to‘liq namoyon eta olmagan bo‘lsa-da, uning salohiyati juda yuqori.

U hatto mendan ham iste’dodliroq — Abdusattorov

Abdusattorov Sindarovning iste’dodini yuqori baholab, uni shaxmat tarixidagi buyuk nomlar bilan bir qatorda tilga oldi.

«Biz uning salohiyatini yaxshi bilamiz. Javohir nihoyatda iste’dodli, hatto mendan ham iste’dodliroq. 2021 – 2022-yillargacha u shaxmatga unchalik ko‘p vaqt ajratmasdi, boshqa ishlar bilan ham shug‘ullanardi», – dedi Abdusattorov.

Uning fikricha, Sindarov iste’dod jihatidan tarixdagi eng kuchli...

«Manchester Siti» Angliya Premyer-ligasining oltinchi turida safarda «Liverpul»ni 3:0 hisobida mag‘lub etdi. O‘zbekiston terma jamoasi himoyachisi Abduqodir Husanov uchrashuv qaydnomasiga kiritildi, biroq butun o‘yinni zaxira o‘rindig‘ida o‘tkazdi. Klubning rasmiy qaydnomasida ham Husanov foydalanilmagan zaxira futbolchilar qatorida ko‘rsatilgan.

«Siti» barcha gollarni ikkinchi bo‘limda urdi

Uchrashuvdagi hisob 65-daqiqada Erling Holand tomonidan ochildi. Oradan uch daqiqa o‘tib Jeremi Doku ustunlikni ikki baravar oshirdi. 78-daqiqada esa Rayan Sherki yakuniy hisobni o‘rnatdi.

«Liverpul...

Rim papasi Leo XIV yaqin kunlarda o‘pkasida aniqlangan tugunni olib tashlash uchun jarrohlik amaliyotini boshdan kechiradi. Bu haqda u Vatikandagi Avliyo Pyotr maydonida yakshanba kungi murojaatida ma’lum qildi.

Papa shifokorlar tekshiruvi vaqtida o‘pkasida kichik tugun aniqlanganini, u juda erta bosqichda va cheklangan hududda ekanini aytdi.

Operatsiya yaqin kunlarda o‘tkaziladi

«So‘nggi tibbiy tekshiruvlar vaqtida o‘pkamda tugun aniqlandi. U juda erta bosqichda va juda mahalliy holatda topildi», – dedi Leo XIV.

Uning aytishicha, shifokorlar jarrohlik aralashuvini ma’qul deb hisoblagan.

«Shifokorlar maslahati bilan uni olib tashlash bo‘yicha operatsiya qilishga qaror qildim. Amaliyot...

Portugaliya terma jamoasi sardori Krishtianu Ronaldu milliy jamoa yig‘inini ruxsatsiz tark etgani sabab intizomiy jazoga duch kelishi mumkin. MARCA ma’lumotiga ko‘ra, voqea Portugaliyaning Norvegiya ustidan qozongan g‘alabasidan keyin yuz bergan.

Ronaldu ikkinchi bo‘lim davomida maydon chetida qizish mashqlarini bajargan, biroq uchrashuvda maydonga tushirilmagan. Shundan keyin 41 yoshli hujumchi jamoadan norozi bo‘lib, Kopengagendagi yig‘inni tark etgan.

Nizo bosh murabbiy bilan suhbatdan keyin kuchaygan

Manbaga ko‘ra, Ronaldu va bosh murabbiy...

Saudiya Arabistonining Ar-Riyod shahridagi Podshoh Xolid xalqaro aeroportiga 11-oktabr kuni yana hujum qilindi. Oqibatda bir kishi halok bo‘ldi, 11 kishi jarohatlandi. Halok bo‘lgan shaxs Pokiston fuqarosi bo‘lgan.

Bu aeroportga ketma-ket ikkinchi kun amalga oshirilgan hujum bo‘ldi. Bir kun avvalgi zarbada kamida 12 kishi halok bo‘lgan va 300 dan ortiq odamlar jarohatlangan. Keyingi ma’lumotlarda qurbonlar soni 13 nafarga yetgani ham xabar qilindi.

Qanotli raketa urib tushirilgan

Saudiya Arabistoni boshchiligidagi koalitsiya vakilining ma’lum qilishicha, havo hujumidan mudofaa tizimlari aeroport yaqinida qanotli raketani tutib qolgan.

Saudiya fuqaro aviatsiyasi bosh boshqarmasi Podshoh Xolid aeroporti yakshanba kuni tushdan keyin yangi hujumga uchraganini tasdiqladi.

JAC va Huawei hamkorligida ishlab chiqilgan Maextro V800 lyuks miniveni Toyota Alphard va Mercedes-Benz V-Class kabi premium minivenlarga raqobatchi sifatida ko‘rilmoqda.

Salonida charm va kristall bezaklar bor

Yetti o‘rinli salon qimmatbaho charm bilan qoplangan va kristall dekor elementlari bilan bezatilgan.

Avtomobil panoramali shisha tom, suriluvchi parda va «yulduzli osmon» effektiga ega atmosferali yoritish tizimi bilan jihozlangan.

Tashqi dizaynda esa minglab mayda LED elementlardan iborat orqa chiroqlar qo‘llangan. Ular batafsil tasvirlarni ham aks ettira olishi aytilmoqda.

530 ot kuchiga ega ikki elektromotor

Maextro V800 gibrid kuch qurilmasiga ega. 1,5 litrli benzin dvigateli asosan elektr energiyasi ishlab chiqarish va...

AnTuTu $670 dan qimmat premium smartfonlar orasida narx va unumdorlik nisbati bo‘yicha yangi reytingni e’lon qildi. Unda birinchi o‘rinni iQOO 16 egalladi.

Smartfon AnTuTu V12 testida 4 365 667 ball to‘plagan va narx-unumdorlik ko‘rsatkichi bo‘yicha 793,9 ball olgan.

iQOO 16 birinchi o‘rinni egalladi

iQOO 16 Snapdragon 8 Elite Extreme Gen 6 chipida ishlaydi. Qurilma 6,85 dyuymli AMOLED ekran, 3168 × 1440 piksel aniqlik va 165 Hz yangilanish chastotasiga ega.

Batareya sig‘imi 8400 mA/soat bo‘lib, 100 vattli simli va 40 vattli simsiz quvvatlashni qo‘llab-quvvatlaydi. Smartfonda uchta 50 MP kamera o‘rnatilgan. 12/256 GB versiya narxi $820 ni tashkil etadi.

MrBeast Toshkentda muxlislariga pul tarqatdi, bepul bo‘lgan Google Gemini AI Plus xizmati — hafta yangiliklari Kursiv Uzbekistan dayjestida.

Talabalar Google Gemini AI Plus’dan 1 yil bepul foydalanadi

O‘zbekistonlik talabalar Google Gemini AI Plus xizmatidan bir yil davomida bepul foydalanish imkoniyatiga ega bo‘ldi. Raqamli texnologiyalar vazirligi va Google hamkorligida SheerID O‘zbekistonni rasman qo‘llab-quvvatlanadigan davlatlar ro‘yxatiga kiritdi. Bir yillik obuna qiymati $60 ekani ma’lum qilindi. Bu haqda Oliy ta’lim, fan va innovatsiyalar vazirligi xabar berdi.

Talabalar Aileaders.uz platformasi orqali Google verifikatsiyasidan o‘tishi mumkin. Talabalik maqomi tasdiqlangach, Google Gemini AI Plus xizmatiga bir yillik bepul obuna taqdim etiladi.

Hindistonlik mashhur aktyor Shohrux Xonning O‘zbekistonga tashrifi bo‘yicha muzokaralar olib borilmoqda. Bu haqda madaniyat vaziri Ozodbek Nazarbekov Sevimli TV jurnalisti Jahongir Olimov bilan suhbatda ma’lum qildi.

Vazirning aytishicha, muzokaralar Shohrux Xon bilan bir qatorda mashhur hind kinoprodyuseri Karan Johar bilan ham davom etmoqda.

Shohrux Xon O‘zbekistonga kelishga qiziqish bildirgan

Nazarbekovning so‘zlariga ko‘ra, hind ijodkorlarining O‘zbekistonga kelishga qiziqishi yuqori.

«Shohrux Xon ham, Karan Johar ham — bir jamoaning ijodkorlari. Hozir ular bilan kelishuvlar olib borilyapti. Ularning O‘zbekistonga kelishga qiziqishi juda yuqori», – dedi vazir.

Uning aytishicha, tashrif doirasida yosh kinoijodkorlar bilan uchrashuvlar va mahorat darslari...

Fitch Ratings xalqaro reyting agentligi Anor bank’ning xorijiy va milliy valyutadagi uzoq muddatli reytinglarini CCC+ darajasidan CCC darajasigacha pasaytirdi. Bankning o‘z moliyaviy barqarorligini aks ettiruvchi bahosi ham CCC+ darajasidan CCC darajasiga tushirildi.

Barcha reytinglar Rating Watch Negative ro‘yxatiga joylashtirildi. Bu Fitch kelgusida bank reytinglarini yana salbiy tomonga qayta ko‘rib chiqishi mumkinligini anglatadi.

Asosiy xatar aksiyador bilan bog‘liq

Fitch bahosiga ko‘ra, reyting pasayishining asosiy omillaridan biri bankning asosiy aksiyadori Qahramonjon Olimov bilan bog‘liq vaziyat bo‘lgan.

Agentlik Olimovning yaqinda Interpol yo‘nalishi bo‘yicha xalqaro qidiruvga berilgani haqidagi holat bank atrofidagi noaniqlikni kuchaytirganini qayd etdi.

Fitch fikricha, bu vaziyat kapital jalb qilish...

Amerikalik bloger MrBeast O‘zbekistondagi safarini yakunlab, aeroportga yo‘l oldi. Uning Xiva va Buxoroga ham borishi haqidagi ma’lumotlar tasdiqlanmadi.

Bloger faqat Toshkent va Samarqandga tashrif buyurdi. Buxoro hamda Xivada esa uning jamoasi suratga olish ishlarini olib boradi.

MrBeast Buxoroga bormagan

Buxoro viloyati IIB axborot xizmati boshlig‘i Ulug‘bek Shukurlayev MrBeast shaxsan Buxoroga kelmaganini tasdiqladi.

Uning so‘zlariga ko‘ra, shaharga blogerning suratga olish guruhi kelgan. Jamoa Buxorodagi tarixiy obidalar va boshqa...

Buyuk Britaniyaning Donkaster shahri yaqinidagi Yorkshire Wildlife Park’da yo‘lbars hujumidan bir kishi halok bo‘ldi. Bu haqda Janubiy Yorkshire politsiyasi ma’lum qildi.

Politsiyaga shanba kuni mahalliy vaqt bilan soat 13:35 atrofida murojaat kelib tushgan. Bungacha erkak yo‘lbars saqlanadigan hududga kirgani ko‘rilgan.

Erkak voqea joyida vafot etdi

Politsiya ma’lumotiga ko‘ra, yo‘lbars erkakka hujum qilgan va u olgan jarohatlari oqibatida voqea joyida vafot etgan.

Hayvon jarohatlanmagan va hodisadan keyin ham o‘z hududida qolgan.

Voqeadan so‘ng Yorkshire Wildlife Park yopilgan. Bog‘ ma’muriyati dam olish kunlarining qolgan qismida ham tashrif buyuruvchilar uchun ochilmasligini ma’lum qildi.

Bog‘ favqulodda tartibni ishga tushirgan

Yorkshire Wildlife...

Vivo X500E smartfoni Bluetooth SIG sertifikatidan o‘tdi. Bu qurilmaning taqdimoti yaqinlashayotganidan dalolat berishi mumkin.

Sertifikat ma’lumotlarida smartfon V2656 model raqami bilan ko‘rsatilgan. Bluetooth SIG ro‘yxatida texnik xususiyatlar ochiqlanmagan.

6,59 dyuymli OLED ekran kutilmoqda

Dastlabki ma’lumotlarga ko‘ra, Vivo X500E 6,59 dyuymli OLED displey bilan jihozlanishi mumkin. Ekran 1.5K aniqlikni qo‘llab-quvvatlashi kutilmoqda.

Smartfon Snapdragon 8-seriyasiga mansub protsessorda ishlashi aytilmoqda. Shuningdek, qurilmaga 7500 mA/soat sig‘imli batareya o‘rnatilishi mumkin. Hozircha tezkor quvvatlash imkoniyati haqida ma’lumot berilmagan.

Periskop kamera ham bo‘lishi mumkin

Vivo X500E’ning orqa qismida kvadrat shakldagi kamera bloki joylashishi kutilmoqda.

Asosiy kamera 50 MP va 1/1,28 dyuymli sensor bilan jihozlanishi...

12-oktabr kuni O‘zbekistonning ko‘plab hududlarida yomg‘ir yog‘ishi kutilmoqda. Faqat Qoraqalpog‘iston Respublikasi va Xorazm viloyatida yog‘ingarchilik kuzatilmaydi.

Toshkent shahrida vaqti-vaqti bilan yomg‘ir yog‘adi. Harorat kechasi 13–15 daraja, kunduzi 19–21 daraja bo‘ladi.

Qoraqalpog‘iston va Xorazmda yog‘ingarchilik bo‘lmaydi

Qoraqalpog‘iston Respublikasi va Xorazm viloyatida havo o‘zgaruvchan bo‘ladi, yog‘ingarchilik kutilmaydi.

Harorat kechasi 8–13 daraja, kunduzi 21–26 daraja bo‘ladi. Shamol sharqdan 7–12 m/s tezlikda esadi.

Buxoro va Navoiyda yomg‘ir yog‘adi

Buxoro va Navoiy viloyatlarining ayrim joylarida yomg‘ir yog‘ishi kutilmoqda. Harorat kechasi 10–15 daraja, kunduzi 18–23 daraja bo‘ladi.

Toshkent va yana uch viloyatda biroz yomg‘ir kutiladi

Toshkent, Sirdaryo, Jizzax va Samarqand viloyatlarining ayrim...

World Chess portali o‘zbekistonlik grossmeyster Javohir Sindarov va amaldagi jahon chempioni Gukesh Dommarajuning jahon chempionligi uchun bo‘ladigan o‘yinga tayyorgarligini taqqosladi.

Nashrga ko‘ra, Sindarov hal qiluvchi bahs oldidan musobaqalardan butunlay voz kechmoqchi emas. U Sent-Luisda o‘tkaziladigan Clutch Chess turnirida qatnashadi. Unda Hikaru Nakamura, Fabiano Karuana va Praggnanandhaa kabi kuchli grossmeysterlar ham ishtirok etadi.

Sindarov kuchli raqiblar bilan o‘ynashda davom etadi

World Chess ta’kidlashicha, bu Sindarovga jahon chempionligi uchun birinchi partiyaga bir oydan kam vaqt qolganida yana yuqori darajadagi raqobat muhitida o‘ynash imkonini beradi.

«Bu da’vogar birinchi partiyaga bir oydan kam vaqt qolganida yana elita darajasidagi...

O‘zbekiston Tashqi ishlar vazirligi Ar-Riyod shahridagi Podshoh Xolid nomidagi xalqaro aeroportga husiylar tomonidan amalga oshirilgan hujumni qat’iy qoraladi. Bu haqda vazirlikning 11-oktabrdagi bayonotida ma’lum qilindi.

TIV hujum oqibatida insonlar halok bo‘lgani va tinch aholi vakillari jarohatlanganidan chuqur qayg‘uda ekanini bildirdi.

O‘zbekiston Saudiya Arabistonini qo‘llab-quvvatladi

Vazirlik halok bo‘lganlarning oila a’zolari va yaqinlariga ta’ziya bildirib, jarohatlanganlarning tezroq sog‘ayib ketishini tiladi.

«Saudiya Arabistoni Podshohligining suvereniteti, hududiy yaxlitligi va xavfsizligini qat’iy qo‘llab-quvvatlashimizni yana bir bor tasdiqlaymiz», – deyiladi TIV bayonotida.

TIV hujumlarni zudlik bilan to‘xtatishga chaqirdi

O‘zbekiston TIV tinch aholi va fuqarolik infratuzilmasiga hujumlarni xalqaro huquq...