Yangiliklar

Chevrolet Silverado 1500’ning yangi avlodi – 2027-yil modeli rasman taqdim etildi. Bu haqda kompaniya rasmiy sahifasida ma’lum qildi.

Kompaniya uni tarixidagi eng kuchli va eng zamonaviy Silverado sifatida ta’riflamoqda.

Yangi modelda 5.7L va 6.6L hajmdagi yangi avlod V8 dvigatellari, shuningdek 2.7L TurboMax va 3.0L turbo-dizel kabi variantlar taklif etiladi. Ishlab chiqaruvchiga ko‘ra, bu motorlar yuqori quvvat, mustahkamlik va tortish kuchi bilan ajralib turadi.

Dizayn va ichki qism yangilandi

2027 Silverado butunlay yangilangan tashqi ko‘rinishga ega bo‘lib, yanada agressiv old qism, yangi LED chiroqlar va trimga qarab farqlanadigan dizayn elementlari bilan taqdim etilgan.

Salon qismida esa katta raqamli ekranlar...

Germaniya Respublikasi prezidenti Frank-Valter Shtaynmayer Osiyo bo‘ylab rasmiy safari doirasida Toshkentga tashrif buyurdi. Prezident samolyoti Toshkent-Humo aeroportida ko‘rinish berdi.

Davlat rahbari bilan birga uning rafiqasi hamda biznes doiralari vakillaridan iborat delegatsiya ham kelgan. Tashrif davomida O‘zbekiston va Germaniya o‘rtasidagi siyosiy, iqtisodiy hamda investitsiyaviy hamkorlik masalalari muhokama qilinishi kutilmoqda.

Avvalroq «Kursiv» nashri Albaniya prezidenti O‘zbekistonda qanday kutib olingani haqida yozgandi.

AQSh va Eron o‘rtasidagi urushni yakunlash bo‘yicha muzokaralar doirasida $300 mlrdlik xususiy investitsiya mexanizmini yaratish rejalashtirilmoqda. Bu haqda Reuters agentligi xabar berdi.

Rekonstruksiya va rivojlanish jamg‘armasi deb nomlanishi kutilayotgan mazkur mexanizm urushni yakunlash bo‘yicha yakuniy kelishuvga erishish uchun tomonlarga iqtisodiy rag‘bat yaratishga xizmat qiladi. Jamg‘arma davlat mablag‘lari yoki grantlar hisobidan emas, balki xususiy sektor investitsiyalari asosida shakllantiriladi. Mablag‘larni AQSh, Fors ko‘rfazi mamlakatlari, Osiyo, Janubiy Amerika va Afrika kompaniyalari ajratishi rejalashtirilgan.

Manbaga ko‘ra, investitsiyalar energetika, logistika, ishlab chiqarish va transport sohalariga yo‘naltiriladi. Eron tomoni dastlab urush oqibatida yetkazilgan zarar uchun AQShdan $400 mlrd miqdorida kompensatsiya talab qilgan, biroq Vashington...

O‘zbekiston va Xitoy «yashil» energetika loyihalarini tezlashtirishga kelishdi. Bu haqda Shavkat Mirziyoyev va Xitoy Xalq Respublikasi Milliy energetika boshqarmasi rahbari Van Xunchji boshchiligidagi delegatsiya uchrashuvida qayd etildi.

Muloqotda energetika va geologiya sohalarida o‘zaro manfaatli yuqori texnologik loyihalarni ilgari surish, shuningdek, bank-moliya yo‘nalishida amaliy hamkorlikni kengaytirish masalalari muhokama qilindi.

Uchrashuvda «China Energy Engineering Corporation», «China Datang», «Sinoma Energy Conservation», «China Southern Power Grid», «CAMCE», «CNNC», «State Nuclear Uranium Resource Development» kompaniyalari rahbarlari, shuningdek, «The Export-Import Bank of China» va «Bank of China» vakillari qatnashdi.

Prezident Shavkat Mirziyoyev O‘zbekiston va Xitoy o‘rtasidagi hamkorlik savdo-iqtisodiy va investitsiyaviy yo‘nalishlarda jadal rivojlanayotganini mamnuniyat bilan...

Qozog‘iston 1-iyuldan boshlab ayrim davlatlardan pomidor importini vaqtincha cheklashni rejalashtirmoqda. Bu haqda East-Fruit nashri xabar berdi.

Qaror Yevrosiyo iqtisodiy ittifoqiga a’zo bo‘lmagan mamlakatlardan olib kiriladigan yangi va sovitilgan pomidorlarga tegishli bo‘ladi.

Rasmiy ma’lumotlarga ko‘ra, cheklov barcha transport turlari orqali amalga oshiriladigan yetkazib berishlarga tatbiq etiladi. Shu bilan birga, YOII davlatlaridan import hamda Qozog‘iston hududi orqali tranzit tashuvlar ushbu taqiqdan mustasno bo‘ladi.

Tegishli tashabbus 5-iyun kuni o‘tkazilgan idoralararo komissiya yig‘ilishida ma’qullangan. Shundan so‘ng Qishloq xo‘jaligi vazirligi import tartiblarini belgilovchi hujjat loyihasini tayyorlagan.

Avvalroq «Kursiv» nashri O‘zbekistonda yiliga bitta avtomobil import qilish cheklovi bekor qilingani haqida yozgandi.

O‘zbekiston Respublikasi Istiqbolli loyihalar milliy agentligi (ILMA) «Agat Credit» MMT AJ hamda «Freedom Finance» MCHJ XKni kapital bozori sohasida «Tartibga solish qumdoni» maxsus huquqiy rejimi ishtirokchilari sifatida ro‘yxatdan o‘tkazdi.

«Agat Credit» MMT AJ korporativ obligatsiyalar emitentlari faoliyati bo‘yicha mazkur rejim ishtirokchisi sifatida ro‘yxatdan o‘tdi. Kompaniya O‘zbekistonda ushbu maqomga ega bo‘lgan birinchi emitent bo‘ldi.

«Tartibga solish qumdoni» doirasida «Agat Credit» mamlakat ichki fond bozorida xorijiy valyutada nominallashtirilgan korporativ obligatsiyalarni chiqarishni amalga oshiradi. Bu O‘zbekiston kapital bozori uchun yangi moliyaviy vosita hisoblanadi. Chunki shu paytgacha «Toshkent» Respublika fond birjasida korporativ obligatsiyalar faqat milliy valyutada joylashtirilgan.

Ushbu obligatsiyalar chakana va institutsional investorlar...

Toshkent xalqaro investitsiya forumi doirasida Markaziy Osiyodagi birinchi lyuks poyezd – «Samarkand Express» loyihasini muvofiqlashtirish bo‘yicha uch tomonlama hadli bitim imzolandi. Bu haqda Madaniyat va san’atni rivojlantirish jamg’armasi ma’lum qildi.

Hujjatni «Arsenale International» bosh direktori Raffael Breski, O‘zbekiston Madaniyat va san’atni rivojlantirish jamg‘armasi raisi Gayane Umerova hamda «O‘zbekiston temir yo‘llari» AJ boshqaruvi raisining birinchi o‘rinbosari Hikmatulla Raxmetov imzoladi.

Bitim «Samarkand Express» loyihasini muvofiqlashtirish va amalga oshirish mexanizmlarini belgilab beradi. Loyiha O‘zbekistonning madaniy va turizm salohiyatini rivojlantirishga qaratilgan.

Yangi hashamatli poyezd Toshkent, Samarqand, Buxoro va Xiva shaharlarini bog‘laydi. Mazkur yo‘nalish xalqaro sayyohlarga O‘zbekistonning tarixiy merosi hamda Buyuk Ipak yo‘li...

O‘zbekiston uchun UNCITRAL namunaviy qonuniga to‘liq mos keladigan yagona Arbitraj kodeksi ishlab chiqilishi mumkin. Bu V Toshkent xalqaro investitsiya forumi doirasida bo‘lgan «O‘zbekistonda nizolarni jahon darajada hal etuvchi tizimini yaratish» mavzuidagi panel sessiyada taklif qilindi.

Tadbirda xalqaro huquqshunoslar Toshkent xalqaro arbitraj markazi faoliyati, uning mintaqadagi o‘rni va investorlar uchun ahamiyatini muhokama qildi.

Shuningdek, nizolarning oldini olish protokoli, ingliz huquqi tamoyillari va xalqaro arbitraj mexanizmlarini joriy etish masalalari ko‘rib chiqildi.

Mutaxassislarning fikricha, investorlar uchun faqat imtiyozlar yoki iqtisodiy imkoniyatlar yetarli emas. Ular nizo yuzaga kelgan taqdirda, o‘z huquqlarini ishonchli va xolis tizim orqali himoya qila olishiga ham ishonishi kerak.

Toshkent...

16-iyun kuni AQShning Xalqaro taraqqiyot moliya korporatsiyasi (U.S. International Development Finance Corporation) O‘zbekiston bilan hamkorlikda yangi qo‘shma investitsiya platformasini ishga tushirdi. Bu haqda korporatsiyaning rasmiy sahifasida ma’lum qilindi.

Loyihaning rasmiy taqdimoti Toshkentda, O‘zbekiston prezidenti Shavkat Mirziyoyev ishtirokida o‘tkazildi. Tadbirda Ben Black, John Jovanovic, O‘zbekiston Investitsiyalar, sanoat va savdo vaziri Laziz Kudratov hamda Tiklanish va taraqqiyot jamg‘armasi ijrochi direktori Shuxrat Vafoyev qatnashdi.

Unga ko‘ra, yangi platforma O‘zbekistonda ustuvor investitsiya yo‘nalishlarini aniqlash va ularni xalqaro kapital hisobidan amalga oshirish imkonini beradi. Asosiy e’tibor energetika, infratuzilma, muhim minerallar, transport va logistika, ilg‘or ishlab chiqarish hamda raqamli texnologiyalar va farmatsevtika sohalariga qaratiladi.

Shuningdek, loyiha...

O‘zbekistonda islom moliyasini rivojlantirish doirasida Markaziy bank tomonidan 2026-yilda bir nechta yangi standartlarni qabul qilish ko‘zda tutilmoqda. Bu haqda Markaziy bank boshqaruvi raisi o‘rinbosari Sanjar Nosirov 16-iyun kuni Toshkent xalqaro investitsiya forumi doirasida o‘tkazilgan panel sessiyasida ma’lum qildi.

Ma’lum qilinishicha, islomiy bank faoliyatini yo‘lga qo‘yish to‘g‘risidagi qonunning kuchga kirishi bilan mamlakatda ikki model — to‘liq islomiy banklar hamda an’anaviy banklar tarkibidagi islomiy xizmatlar tizimi shakllanadi. Bu esa moliya sektorida dual tizimni joriy etishga xizmat qiladi.

Shuningdek, Markaziy bank huzurida Islom moliyasi kengashi tashkil etilib, u milliy standartlarni ishlab chiqish va banklar faoliyatini shariat talablariga muvofiqlashtirishni muvofiqlashtiradi. Har bir islomiy...

Vivo kompaniyasining yangi bukiluvchi flagmani – Vivo X Fold 6 rasmiy taqdimotdan oldin jonli suratlarda namoyish etildi. Bu haqda ITHome nashri xabar bermoqda.

Smartfon 26-iyun kuni taqdim qilinishi kutilmoqda. E’lon qilingan tasvirlarda qurilmaning o‘zi, uning dizayni va yetkazib berish to‘plami ko‘rinadi.

Vivo X Fold 6 texnik imkoniyatlari bo‘yicha brendning eng ilg‘or bukiluvchi smartfonlaridan biri sifatida baholanmoqda. Qurilmaning asosiy kamerasi 200 megapikselli sensor bilan jihozlanadi. Unga 50 megapikselli Zeiss APO periskop telefoto moduli hamda 50 megapikselli alohida ultra keng burchakli kamera qo‘shiladi. Tasvirlarni qayta ishlash uchun esa Blueprint V3+ tizimi qo‘llanadi.

Yana nimalarni kutish mumkin

Smartfon tashqi telekonverterni ham...

Milliy hunarmandchilik mahsulotlari bugun faqat an’anaviy bozorlar yoki ko‘rgazmalar orqali emas, balki onlayn savdo platformalari orqali ham xaridorga yetib bormoqda. Maqolada Chinor Ceramics kompaniyasi rahbari Obidjon Orifjonovning Uzum Market’dagi sotish tajribasi va uning muvaffaqiyatlari haqida so‘z yuritiladi.

Kompaniya rahbari Obidjon kulolchilik mahsulotlarini sotishni o‘z ishlab chiqarishidan boshlagan. Bugun Chinor Ceramics milliy uslubdagi kulolchilik buyumlari, bezakli idishlar va dasturxon madaniyatiga mos mahsulotlar ishlab chiqaradi. Obidjonning aytishicha, u 30 dan ortiq hunarmandlar bilan hamkorlik qiladi.U arning aksariyati o‘z idishlarini uyda bo‘yashadi.

 “Men o‘zimning kulolchilik buyumlarimni an’anaviy formatda sotishni boshladim. Dastlabki bosqichda asosiy qiyinchilik savdo edi. Har bir...

Exeed brendi Xitoyda yangi Exeed EX6 krossoverini namoyish etdi. Model amalda Omoda 9’ning yangilangan talqini hisoblanadi.

Exeed EX6 butunlay yangi model emas. U Xitoyda yaqinda yangilangan Exeed Yaoguang SUV-kupe modelining restayling versiyasi hisoblanadi. Ushbu avtomobil xorijiy bozorlarda Omoda 9, C9 yoki Exeed RX nomlari bilan sotiladi. Yangi EX6 Exeed’ning EX liniyasiga qo‘shiladi. Hozircha ushbu oilada elektron-mexanik tormoz tizimiga ega EX7 krossoveri mavjud.

Avtomobil tom chizig‘i, ustunlar va umumiy siluetni saqlab qolgan. Biroq old qism to‘liq qayta ishlangan. Model ramkasiz radiator panjarasi, ikki qavatli old chiroqlar va yirik havo kirish qismi bilan ajralib turadi.

Exeed EX6’ning uzunligi 4830 mm, eni...

O‘zbekiston Milliy investitsiya jamg‘armasi (UzNIF) Uzbekistan Airways kompaniyasini IPO’ga tayyorlash ishlarini boshlaydi. Bu haqda Bloomberg nashri Franklin Templeton Central Asia bosh direktori Marius Dan ma’lumotlariga tayanib xabar berdi.

IPO’ga tayyorgarlik doirasida jamg‘arma iyun oyida aviatashuvchi va o‘z portfelidagi boshqa kompaniyalar uchun aksiyadorlik kapitali bozorlari bo‘yicha maslahatchilarni tanlashni boshlaydi.

Joriy yil iyun o‘rtalarida Uzbekistan Airways aksiyalarining 20 foizigacha bo‘lgan qismini IPO’ga chiqarish rejalashtirilayotgani ma’lum bo‘lgandi.

Fond birjasiga chiqishga tayyorgarlik ko‘rish maqsadida aviakompaniya Franklin Templeton ko‘magida ishlab chiqilgan transformatsiya dasturini amalga oshirmoqda.

Dastur 115 ta bosqichni o‘z ichiga olgan bo‘lib, ular kompaniya boshqaruvini yanada samarali qilish, moliyaviy ko‘rsatkichlarni yaxshilash hamda...

O‘zbekistonda AQShning Amazon Leo kompaniyasi va UZ-SAT korxonasi hamkorligida sun’iy yo‘ldosh orqali internet xizmatlari yo‘lga qo‘yiladi. Bu haqda Raqamli texnologiyalar vazirligi ma’lum qildi.

Mazkur loyiha mamlakatning chekka va infratuzilma yetarli darajada rivojlanmagan hududlarini yuqori tezlikdagi internet bilan ta’minlashga qaratilgan. Natijada an’anaviy aloqa tarmoqlari yetib bormagan aholi punktlarida ham internetdan foydalanish imkoniyati paydo bo‘ladi.

Amazon Leo tizimi minglab past orbital sun’iy yo‘ldoshlardan tashkil topgan bo‘lib, ular zamonaviy aloqa texnologiyalari orqali o‘zaro bog‘langan. Tarmoq yerusti stansiyalari va optik aloqa infratuzilmasi bilan integratsiyalashgan holda ishlaydi.

Foydalanuvchilar maxsus terminallar yordamida xizmatga ulanadi. Loyiha ishga tushirilgach, O‘zbekistonning istalgan hududida barqaror va yuqori tezlikdagi internetdan...

O‘zbekistonda xorijiy investorlarga yer osti boyliklari bo‘yicha imkoniyatlarni ochiq taqdim etish maqsadida raqamli geologiya ma’lumotlar bazasi yaratiladi. Bu haqda Shavkat Mirziyoyev beshinchi Toshkent xalqaro investitsiya forumi yalpi majlisida ma’lum qildi.

Shuningdek, auksionga qo‘yiladigan konlar soni to‘rt barobarga oshiriladi. Davlat rahbariga ko‘ra, O‘zbekiston oltin, mis, uran, volfram, gaz va boshqa noyob tabiiy resurslarga ega. Strategik xomashyo hisoblangan yer osti boyliklarining umumiy qiymati $3 trln deb baholanmoqda.

Ushbu salohiyatdan samarali foydalanish uchun «qazib olishdan tayyor mahsulotgacha» bo‘lgan loyihalar qo‘llab-quvvatlanadi. Bu borada Toshkent va Samarqandda «Kelajak metallari» texnoparklari barpo etilmoqda. Ularga xorijiy sarmoyani keng jalb qilish rejalashtirilgan.

Shuningdek, mashinasozlik, robototexnika, yengil sanoat...

Xitoyning Leapmotor kompaniyasi C seriyasidagi yangilangan Leapmotor C10, C11 va C16 modellarini rasman taqdim etdi. Bu haqda CarNewsChina nashri xabar bermoqda.

Yangilangan Leapmotor C10 narxi Xitoy bozorida 125,8 ming yuandan 142,8 ming yuangacha belgilandi. Bu taxminan $18,5 – 21 ming degani. Leapmotor C11 esa 143,8 ming yuandan 159,8 ming yuangacha, ya’ni $21,1 – 23,5 mingga baholandi. Kattaroq C16 modelining narxi 145,8 ming yuandan 169,8 ming yuangacha bo‘lib, bu taxminan $21,4 – 24,9 mingga to‘g‘ri keladi.

Yangilangan Leapmotor C10 tashqi ko‘rinishida «Sky Light» deb nomlangan ajratilgan fara dizayni va faol radiator panjarasi bilan ajralib turadi. Salon Sandstone Brown rang sxemasi...

Yaponiya olimlari tomonidan o‘tkazilgan yangi tadqiqot Ebola virusi xalqaro aviaqatnovlar orqali boshqa mamlakatlarga tarqalish xavfi yuqoriligini ko‘rsatdi. Bu haqda «RIA Novosti» nashri xabar berdi.

Hisob-kitoblarga ko‘ra, virusning Yevropaga havo yo‘llari orqali kirib kelish ehtimoli eng yuqori davlatlardan biri Belgiya bo‘lib chiqdi.

Tadqiqot mualliflari xalqaro aviatsiya tarmoqlari, yo‘lovchilar oqimi va tranzit yo‘nalishlarini tahlil qilib, Kongo Demokratik Respublikasi hamda Ugandadagi Ebola o‘choqlaridan infeksiya tarqalishi ehtimolini baholagan. Natijalarga ko‘ra, Belgiya, Fransiya va Janubiy Afrika Respublikasi eng yuqori xavf guruhidan o‘rin olgan.

Olimlarning ta’kidlashicha, mazkur ko‘rsatkichlar virusning mamlakatga kirib kelish xavfini anglatadi, ammo bu uning mahalliy miqyosda keng tarqalishini anglatmaydi.

Eslatib o‘tamiz, may...

Shavkat Mirziyoyev beshinchi Toshkent xalqaro investitsiya forumi yalpi majlisida mamlakat yalpi ichki mahsuloti 2026-yilda $180 mlrddan oshishi kutilayotganini bildirdi.

Davlat rahbariga ko‘ra, bundan to‘rt yil avval ilk Toshkent xalqaro investitsiya forumida 2026-yil yakuniga qadar O‘zbekiston YIMini $100 mlrdga yetkazish maqsadi qo‘yilgan edi. Hozir esa iqtisodiyot bu ko‘rsatkichdan ancha yuqori natijaga yaqinlashmoqda.

O‘tgan yili O‘zbekiston yalpi ichki mahsuloti 7,7 foizga o‘sdi. Iqtisodiyotga $43 mlrd investitsiya jalb qilindi. Shuningdek, milliy valyuta barqarorligi ta’minlangani va xalqaro zaxiralar hajmi $70 mlrddan oshgani qayd etildi.

Prezidentning aytishicha, bugungi global iqtisodiy vaziyatda investorlar, avvalo, tadbirkorlarning huquq va erkinliklari himoya qilinadigan, iqtisodiyoti barqaror o‘sayotgan va...

JCh – 2026 guruh bosqichida Avstriya va Iordaniya terma jamoalari o‘rtasidagi uchrashuv keskin kurashlar ostida o‘tdi. AQShning Kaliforniya shtatidagi Santa-Klara shahrida joylashgan «Livaý» stadionida kechayotgan bahsda Avstriya Iordaniyani mag‘lub etdi.

Uchrashuvning 21-daqiqasida Avstriya hisobni ochdi. Romano Shmid jarima maydoni tashqarisida to‘pni qabul qilib, chap tomonga harakatlandi va kuchli zarba bilan to‘pni yuqori burchakka yo‘lladi. Bu gol Avstriya terma jamoasining 1998-yildan buyon Jahon chempionatlaridagi ilk goli sifatida tarixga kirdi.

Birinchi bo‘lim davomida Avstriya to‘pga ko‘proq egalik qildi, ammo Iordaniya qarshi hujumlarda xavfli ko‘rindi. Ayniqsa, Muso at-Tamari bir necha bor Avstriya himoyasiga bosim o‘tkazdi. Ali Olvan ham hisobni tenglashtirish imkoniyatiga ega bo‘ldi...

Toshkent xalqaro moliya markazida investorlar uchun 50 yillik imtiyozlar beriladi. Prezident Shavkat Mirziyoyev beshinchi Toshkent xalqaro investitsiya forumining yalpi majlisida nutq so‘zladi.

Davlat rahbari birinchi navbatda investorlar uchun huquqiy kafolatlar tizimini yanada kuchaytirish masalasiga e’tibor qaratdi. Prezidentning ta’kidlashicha, investorlar huquqlarini kuchli institutlar va xalqaro miqyosda e’tirof etilgan mexanizmlar orqali ta’minlash hal qiluvchi ahamiyatga ega.

Shu maqsadda joriy yil mart oyidan Toshkent xalqaro moliya markazini tashkil etish bo‘yicha ishlar boshlangan. Ushbu markazning huquqiy asoslari Konstitutsiyaviy qonun bilan mustahkamlanadi. Markaz ishtirokchilari uchun jozibador soliq rejimi yaratiladi. Jumladan, foyda solig‘i, qo‘shilgan qiymat solig‘i, mol-mulk solig‘i va bojxona bojlari nol foiz etib belgilanadi.

Janubiy Koreya poytaxti Seulda noodatiy moda namoyishi bo‘lib o‘tdi. Unda oddiy modellar bilan birga odamga o‘xshash robotlar ham sahnaga chiqdi.

Euronews xabariga ko‘ra, tadbir Galaxy Corporation ko‘ngilochar kompaniyasi tomonidan tashkil etilgan.

Namoyish davomida dizaynerlik liboslarini kiygan robotlar tomoshabinlar oldida chiqish qildi. Ular sahnada raqsga tushdi va hatto o‘zaro jang sahnasini ham namoyish etdi.

Robotlar va insonlarning bir sahnada birga chiqish qilgani tomoshabinlar uchun kutilmagan holat bo‘ldi.

Tashkilotchilarning aytishicha, ushbu namoyishdan maqsad kelajakda odamlar va robotlar yanada yaqinroq yashashi mumkinligini ko‘rsatishdan iborat.

Galaxy Corporation bosh direktori Chxoy Yong Xo kelajakda moda insonlar va robotlar uchun umumiy yo‘nalishga aylanishini tasavvur qilishini...

Google Android 17 operatsion tizimining final versiyasini tarqata boshladi. Yangilanishni birinchi bo‘lib Google Pixel smartfonlari olmoqda. Keyinroq Android 17 boshqa ishlab chiqaruvchilarning qurilmalariga ham yetib boradi.

Yangi versiyadagi asosiy funksiyalardan biri Bubbles deb nomlanadi. Bu funksiya istalgan ilovani suzuvchi oynaga aylantirish imkonini beradi. Foydalanuvchi bir vaqtning o‘zida bir nechta dastur bilan ishlashi mumkin.

Buklanadigan smartfonlarda esa bunday oynalar uchun alohida tezkor almashish paneli ham qo‘shilgan.

Android 17’da buklanadigan smartfon egalari uchun maxsus o‘yin rejimi ham mavjud. U ekranini 50:50 nisbatda bo‘ladi: o‘yin yuqori qismda, virtual geympad esa pastki qismda ko‘rinadi.

Google xotira boshqaruvini ham yaxshilagan. Bu o‘yinlarda kechikishlar va...

Tijorat banklari tomonidan 17-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 17-iyun uchun valyutalar kursi e’lon qilingani haqida yozgan edi.