Yangiliklar

6-oktabr uchun valyutalar kursi yangilandi. Dollar 5,5 so‘mga oshib, 11 778,45 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

26-sentabr kuni esa 5,47 so‘mga tushib, 11 825,40 so‘mga, 29-sentabr kuni 18,43 so‘mga tushib, 11 806,97 so‘mga, 30-sentabr kuni 14,21 so‘mga oshib, 11 821,18 so‘mga tenglashdi. 1-oktabr kuni esa 12,42 so‘mga tushib, 11 808,76 so‘m bo‘lgan edi. 3-oktabr kuni 35,81 so‘mga tushib, 11 772,95 so‘mni tashkil etdi.

Shuningdek, o‘qing: Dollar valyutasida pul saqlash qanchalik to‘g‘ri

Yevro kursida tushish kuzatildi. Yevropa valyutasi 25,62 so‘mga tushib, 13 198,93 so‘m bo‘ldi. Rossiya...

O‘zbekiston milliy terma jamoasi bosh murabbiyi Fabio Kannavaro «JCh – 2026» dan keyin jamoaning o‘yin uslubiga o‘zgartirish kiritishga qaror qilganini aytdi. Italiyalik mutaxassis Janubiy Koreyaga qarshi o‘yin oldidan o‘tgan matbuot anjumanida endilikda jamoaga yangi tamoyillarni singdirayotganini ma’lum qildi.

O‘yin uslubini o‘zgartirish vaqti kelganini his qildim

Kannavaro O‘zbekiston terma jamoasiga tayinlanganidan keyin dastlab avvalgi taktik yondashuvni saqlab qolishga qaror qilganini aytdi.

«O‘zbekiston milliy jamoasiga tayinlangan paytimdan keyin taktikaga ko‘p o‘zgartirish qilmaslikka qaror qilgandim. Avvalgi himoyaviy uslubni qoldirishga qaror qilgandim», – dedi u.

Murabbiyga ko‘ra, JChdan keyin vaziyatga boshqacha qarash zarurati paydo...

Portugaliya futbol federatsiyasi prezidenti Pedro Proensa Krishtianu Ronaldu hamon terma jamoa rejalarida ekanini bildirdi. Uning RTP’ga bergan intervyusida aytishicha, futbolchining jamoani tark etishi bilan bog‘liq vaziyat tushunmovchilik bo‘lgan va masala jamoa ichida hal qilinishi kerak.

U terma jamoada sportdagi xizmatlari tufayli

Proensa Ronalduning Portugaliya terma jamoasidagi o‘rniga shubha bo‘lmasligi kerakligini ta’kidladi.

«U terma jamoada sportdagi xizmatlari tufayli va bu shubhasiz bo‘lishi kerak. Biz Krishtianu Ronalduga hurmat ko‘rsatishimiz kerak», – dedi federatsiya prezidenti.

Avvalroq 41 yoshli futbolchi Norvegiyaga qarshi o‘yinda zaxirada qolganidan va Daniyaga qarshi uchrashuvni ham asosiy tarkibda boshlamasligini bilgach, Portugaliya terma jamoasi...

2026-yilgi Fiziologiya yoki tibbiyot bo‘yicha Nobel mukofoti amerikalik olim Karl Deisserot hamda germaniyalik olimlar Peter Hegemann va Georg Nagelga berildi. Ular asab hujayralari faoliyatini yorug‘lik yordamida boshqarish imkonini bergan kashfiyotlari va optogenetika usulini rivojlantirgani uchun taqdirlandi. Bu haqda Nobel mukofotining rasmiy sayti xabar berdi.

Olimlar asab hujayralarini «yorug‘lik bilan yoqish» usulini yaratdi

Mukofotga sabab bo‘lgan tadqiqotlar miyaning xotira, hissiyot va xatti-harakatlarni qanday boshqarishini o‘rganishda yangi imkoniyatlar yaratdi.

Peter Hegemann va Georg Nagel bir hujayrali Chlamydomonas suvo‘tida yorug‘likka sezgir channelrhodopsin oqsilini aniqlagan. Mazkur oqsil ko‘k yorug‘lik ta’sirida ochilib, ionlarning hujayra ichiga kirishiga imkon beradi va elektr impulsini yuzaga...

UzAuto Motors aksiyadorlari 2025-yil yakunida olingan 4,27 trln so‘m sof foydaning 50,6 mlrd so‘mini dividendga yo‘naltirishga qaror qildi. Qolgan 4,22 trln so‘m kompaniyaning taqsimlanmagan foydasi sifatida qoldiriladi.

Kompaniyaning 2026-yil 30-sentabr kuni o‘tkazilgan yillik umumiy yig‘ilishida 2025-yil yakunlari va foydani taqsimlash masalasi ko‘rib chiqildi. Yig‘ilish kvorumi 99,71 foizni tashkil etdi.

Bir aksiya uchun 187 so‘m dividend

Qarorga ko‘ra, 2025-yil 31-dekabr holatidagi 4,27 trln so‘m sof foydaning 50,6 mlrd so‘mi aksiyadorlarga dividend sifatida to‘lanadi.

Bir dona joylashtirilgan aksiya uchun dividend miqdori 187 so‘m etib belgilandi. Dividendlar Qimmatli qog‘ozlar markaziy depozitariysi orqali to‘lanadi.

Foydaning qolgan 4,22 trln so‘mi UzAuto Motorsning taqsimlanmagan...

Joriy yilning 4-oktabr kuni soat 19:37 da Toshkent viloyatining Ohangaron tumani Chinor mahallasi hududidagi tog‘larda besh nafar fuqaro adashib qolgani haqida «112» tizimiga xabar kelib tushgan. Favqulodda vaziyatlar vazirligining xabar berishicha, shundan so‘ng «Qamchiq» maxsus qutqaruv boshqarmasining «Beshqul» navbatchilik qismi xodimlari tomonidan qidiruv-qutqaruv ishlari boshlangan.

Qidiruv qariyb besh soat davom etdi

Qutqaruvchilar besh nafar fuqaroni 5-oktabr kuni soat 00:31 da topib, xavfsiz hududga olib tushgan. Fuqarolar keyin yashash manzillariga qaytarilib yuborilgan.

Avvalroq «Kursiv»  Chorvoq suv omborida uch nafar fuqaro – ota va uning ikki o‘g‘li suvga tushib, cho‘kib ketgani haqida xabar bergan edi.

Xorazm viloyatida Xitoyning Lyaoning pedagogika universiteti filiali tashkil etiladi. Bu haqda Adliya vazirligi xabar bermoqda. Filialda ta’lim jarayoni 2026/2027-o‘quv yilidan boshlanadi.

Ta’lim uch tilda olib boriladi

Filialda o‘qitish o‘zbek, xitoy yoki ingliz tillarida tashkil etiladi. Talabalar kunduzgi va muqobil ta’lim shakllarida tahsil olishi mumkin bo‘ladi.

Dastlab barcha talabalar grant asosida o‘qiydi

2030/2031-o‘quv yiliga qadar o‘qishga qabul qilingan talabalar butun ta’lim davri davomida to‘liq davlat granti asosida o‘qitiladi.

2030/2031-o‘quv yilidan boshlab esa qabul parametrlarining 30%i davlat granti asosida shakllantiriladi.

Amaliyot dual ta’lim asosida tashkil etiladi

Filial talabalari o‘quv rejalariga muvofiq hududdagi ishlab chiqarish va xizmat ko‘rsatish korxonalarida...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 25-sentabrdan 2-oktabrgacha bo‘lgan davrda ijobiy dinamikani ko‘rsatib, UCI fond indeksi 8,39 foizga oshdi.

Ushbu davr mobaynida «Garant bank» aksiyalari eng katta o‘sishga erishib, 30,24 foizga qimmatlashdi. Shuningdek, «O‘zbektelekom» (imtiyozli +25,07) va «Portlatishsanoat» aksiyalarida (+15,38%) ham o‘sish qayd etildi.

O‘z navbatida, «Buxoroneftgazparmalash» aksiyalari 14,63 foizga arzonlashib, haftaning eng katta pasayishini ko‘rsatdi. Bundan tashqari, «Universal bank» (-11,38%) va «Kvarts» (-7,27%) aksiyalari ham pasayish bilan ajralib turdi. Faqat «Agrobank», «Ipoteka-bank», «Aloqabank», «Biokimyo» va «Kapital sug‘urta» aksiyalari narxida o‘zgarish kuzatilmadi.

Bitimlar soni bo‘yicha UzNIF (4 502 ta), «Uzbekinvest» (3 213 ta) va «Hamkorbank...

Yaman hukumati mamlakatning husiylar nazoratidagi hududlarini qaytarib olish uchun keng ko‘lamli harbiy operatsiya boshlanganini e’lon qildi. Saudiya Arabistoni hukumat kuchlariga havodan yordam beradi. Bu haqda Reuters xabar berdi.

100 mingdan ziyod harbiylar jalb qilinishi mumkin

Yaman prezidentlik boshqaruv kengashi raisi Rashad al-Alimiy 4-oktabr kuni hukumat kuchlari husiylar nazoratidagi hududlarni qaytarib olguncha hujumni davom ettirishini ma’lum qildi.

Reuters manbalariga ko‘ra, operatsiyada 100 mingdan ortiq yamanlik harbiylar ishtirok etishi mumkin. Saudiya Arabistoni havo operatsiyalarini qo‘llab-quvvatlashi, Yaman hukumat kuchlari esa quruqlikdagi harakatlarni amalga oshirishi kutilmoqda.

Al-Alimiy operatsiyani boshlash qarori mojaroni yumshatish bo‘yicha boshqa imkoniyatlar tugaganidan so‘ng qabul qilinganini aytgan.

AQSh prezidentining global hamkorlik bo‘yicha maxsus vakili Paolo Zampolli prezident Donald Tramp O‘zbekistonga tashrif buyurishni istayotganini aytdi.

U bu haqda O‘zbekistonga tashrifi davomida «O‘zbekiston 24» telekanalining «Tahlilnoma» dasturiga bergan intervyusida ma’lum qildi.

U O‘zbekistonga kelishni istaydi — elchi

Zampollining so‘zlariga ko‘ra, AQSh prezidentining ish jadvali juda tig‘iz bo‘lsa-da, Tramp O‘zbekistonga borish istagini shaxsan bildirgan.

«Uning O‘zbekistonga kelishni istashini bilaman. Prezidentning ish jadvali nihoyatda tig‘iz. Ammo u menga O‘zbekistonga tashrif buyurish istagi borligini aytgan. Men ham bu masalani doimo ilgari suraman. Demak, bir kun kelib O‘zbekistonga, albatta, tashrif buyuradi. Umid qilamizki, bu tashrif imkon qadar tezroq...

Kanada terma jamoasi bosh murabbiyi va «Lids»ning sobiq ustozi Jessi Marsh «Manchester Siti» klubiga moliyaviy qoidabuzarliklar bo‘yicha keskin jazo berilishi kerakligini bildirdi. Bu haqda u The Guardian nashriga bergan intervyusida gapirdi.

Marshning fikricha, klubga nisbatan jiddiy sanksiyalar qo‘llanishi, hatto uni quyi ligaga tushirish ham kerak.

«Ular quyi ligaga tushirilishi kerak»

«Menimcha, «Manchester Siti» keskin jazolanishi kerak. Ular quyi ligaga tushirilishi kerak. Aytgancha, buni hamma bilardi», – dedi Marsh.

Reuters ham uning bayonotini yoritib, kanadalik murabbiy «Manchester Siti» uchun jiddiy jazo tarafdori ekanini qayd etdi.

Honda avtomobil harakatlanayotgan paytda elektromobillarni simsiz quvvatlash imkonini beruvchi yangi tizim ishlab chiqdi. Loyiha Taisei Construction va Taisei Road Technology kompaniyalari bilan hamkorlikda amalga oshirilmoqda.

Texnologiya magnit aloqa tamoyiliga asoslangan bo‘lib, quvvatlash modullari to‘g‘ridan to‘g‘ri yo‘l qoplamasi ostiga joylashtiriladi.

Sinovlar 2027-yildan boshlanadi

Tizimni umumiy foydalanishdagi yo‘llarda sinash 2027-yil apreldan keyin boshlanishi rejalashtirilgan.

2026-yil oxirigacha esa maxsus poligonda asfalt ostiga o‘rnatilgan quvvatlash modullarining chidamliligi va uzoq muddat ishlashi tekshiriladi.

Honda quvvat uzatish tizimiga javob beradi

Loyihada texnologik vazifalar hamkorlar o‘rtasida taqsimlangan. Honda doimiy tok bilan ishlashga moslashtirilgan yuqori samarali quvvat uzatuvchi va qabul qiluvchi qurilmalarni ishlab chiqmoqda.

Taisei...

Prezident Shavkat Mirziyoyev Yaponiyaning Aichi-Nagoya shahrida o‘tgan XX yozgi Osiyo o‘yinlarida ishtirok etgan O‘zbekiston sport delegatsiyasi a’zolarini tabrikladi. Milliy terma jamoa 21 ta oltin, 25 ta kumush va 24 ta bronza medal bilan umumjamoa hisobida beshinchi o‘rinni egallagan. Bu haqda prezident matbuot xizmati xabar berdi.

O‘zbekiston 70 ta medal jamg‘ardi

Osiyo o‘yinlarida 45 davlatdan qariyb 11 ming sportchi ishtirok etdi. O‘zbekiston delegatsiyasi 21 ta oltin, 25 ta kumush va 24 ta bronza – jami 70 ta medalni qo‘lga kiritdi.

O‘zbekiston Xitoy, Yaponiya, Janubiy Koreya va Hindistondan keyin beshinchi o‘rinni egalladi. Shu bilan birga, mamlakat Markaziy...

Qoraqalpog‘istonning Mo‘ynoq tumanidagi Qoratau maydonida yangi gazkondensat koni aniqlandi. Geologiya-qidiruv ishlari davomida quyi yura qatlamlaridan sanoat ahamiyatiga ega tabiiy gaz va kondensat oqimi olindi. Bu haqda «O‘zbekneftgaz» AJ xabar berdi.

Quduq 4,8 km chuqurlikkacha burg‘ilandi

Qoratau maydonida 1-sonli izlov qudug‘i 4 860 metr chuqurlikkacha burg‘ilangan.

3-oktabr kuni sinov ishlari davomida 3 273 – 3 213 metr chuqurlik oralig‘idagi quyi yura qatlamlaridan tabiiy gaz va kondensat oqimi olingan. Natijada yangi Qoratau gazkondensat koni ochilgan.

Yana uchta quduqda ishlar davom ettiriladi

Rejaga ko‘ra, yil yakuniga qadar 2-sonli izlov qudug‘ini burg‘ilash ishlari yakunlanadi. Shuningdek, 3 va 4-sonli izlov-qidiruv quduqlarida ham...

Shvetsiyalik sobiq futbolchi Zlatan Ibragimovich yangi Ferrari F80 superkarini qabul qilib oldi. Qora mat rangdagi avtomobil sariq o‘rindiqlar va tormoz supportlari bilan maxsus konfiguratsiyada tayyorlangan. Bu haqda sportchi o‘z sahifasida yozgan.

Ferrari F80 atigi 799 dona ishlab chiqariladi

Ibragimovich 2025-yil 3-oktabrda Ferrari F80 avtomobilining konfiguratsiyasini namoyish qilgan edi. Oradan bir yil o‘tib, 2026-yil 3-oktabrda futbolchi avtomobilni qabul qilib olganini Instagram videosida ko‘rsatdi.

F80 Ferrari’ning eng noyob modellaridan biri bo‘lib, undan atigi 799 dona ishlab chiqariladi. Model 2024-yilda taqdim etilgan va Enzo hamda LaFerrari kabi avtomobillarning davomchisi hisoblanadi.

O‘zbekistonlik grossmeyster Nodirbek Abdusattorov faoliyati davomida yirik xalqaro musobaqalardagi natijalari uchun bir necha bor avtomobil, uy-joy va pul mukofotlari bilan taqdirlangan. Shaxmatchiga turli yillarda Chevrolet Equinox, BYD Chazor va Volkswagen Teramont Pro avtomobillari sovg‘a qilingan.

Birinchi yirik avtomobil sovg‘asi — Chevrolet Equinox

2022-yilda Hindistonning Chennay shahrida o‘tkazilgan 44-Butunjahon shaxmat olimpiadasida O‘zbekiston erkaklar terma jamoasi tarixda ilk bor chempion bo‘ldi.

Abdusattorov musobaqada birinchi taxtada o‘ynadi va o‘z taxtasida kumush medalni ham qo‘lga kiritdi. Olimpiadadan so‘ng jamoa a’zolarining har biri 600 mln so‘m pul mukofoti, Chevrolet Equinox avtomobili va «O‘zbekiston iftixori» faxriy unvoni bilan taqdirlandi.

Shu tariqa Chevrolet Equinox Abdusattorovga...

Realme Hindistonda Realme P4s Lite smartfonini taqdim etdi. Model 6,75 dyuymli ekran, 7000 mA/soat batareya va Unisoc T7250 protsessori bilan jihozlangan. Smartfon 4/64 Gb va 4/128 Gb konfiguratsiyalarda sotuvga chiqariladi.

120 Hz ekran

Realme P4s Lite 6,75 dyuymli LCD displeyga ega.

Ekran aniqligi 1570 × 720 piksel, yangilanish tezligi esa 120 Hz ni tashkil etadi.

Displeyning odatiy HBM yorqinligi 900 nitgacha, sensorli javob tezligi esa 240 Hz gacha yetadi. Shuningdek, ekran Panda MN228 himoya oynasi bilan qoplangan.

Unisoc T7250 protsessori

Smartfon Unisoc T7250 chipida ishlaydi. Qurilmada 4 Gb LPDDR4X tezkor xotira va 64 yoki 128 Gb ichki...

Joriy yilning 5-oktabr kuni O‘zbekiston prezidenti Shavkat Mirziyoyev Tojikiston prezidenti Emomali Rahmon bilan telefon orqali muloqot qildi. Mirziyoyev Tojikiston rahbarini tavallud kuni bilan tabrikladi, deya xabar berdi O‘zR prezidenti matbuot xizmati.

Savdo va energetika sohasidagi hamkorlik muhokama qilindi

Suhbat davomida O‘zbekiston va Tojikiston o‘rtasidagi do‘stlik, strategik sheriklik va ittifoqchilik munosabatlarini rivojlantirish masalalari muhokama qilindi. Tomonlar o‘zaro savdo hajmi o‘sib borayotgani, transport, energetika, geologiya, qishloq va suv xo‘jaligida hamkorlik davom etayotganini qayd etdi.

Shuningdek, prezidentlar mintaqaviy kun tartibidagi masalalar hamda kelgusi ikki va ko‘p tomonlama tadbirlar rejasini muhokama qildi.

Avvalroq «Kursiv» Qozog‘iston, Tojikiston va Qirg‘iziston prezidentlari hamda Turkman xalqining milliy...

Qozog‘iston, O‘zbekiston va Birlashgan Arab Amirliklari Qozog‘iston – O‘zbekiston – Afg‘oniston – Pokiston yo‘nalishi bo‘yicha yangi temir yo‘l loyihasini ishlab chiqadi. Yangi yo‘nalish orqali Markaziy Osiyo mamlakatlari uchun Pokistonning dengiz portlariga chiqish imkoniyatini yaratish rejalashtirilgani haqida Qozog‘iston Transport vazirligining axborot xizmati xabar berdi.

CASA loyihasi Markaziy va Janubiy Osiyoni bog‘laydi

Uch davlatning transport sohasiga mas’ul vazirliklari loyiha bo‘yicha hamkorlik memorandumini imzolagan. CASA deb nomlangan tashabbus Markaziy va Janubiy Osiyo o‘rtasidagi temir yo‘l aloqalarini kuchaytirish, xalqaro yuk tashish hajmini oshirish hamda savdo va logistika imkoniyatlarini kengaytirishga qaratilgan.

Loyihaning texnik va moliyaviy jihatlari o‘rganiladi

Memorandum doirasida yangi temir...

Raqobat qo‘mitasi o‘tkazgan «sirli mijoz» tadbirlarida ayrim dorixonalarda dori vositalari belgilangan narxdan 3 – 6 baravargacha qimmat sotilgani aniqlandi. Holatlar yuzasidan tegishli ko‘rsatmalar berilib, litsenziya talablari bo‘yicha vakolatli organga so‘rov yuborildi.

Ayrim dorilar 6 baravar qimmat taklif qilingan

Qo‘mita ma’lumotiga ko‘ra, «SHUNQORLAR» MChJga qarashli dorixonada «Polimik» dorisi ruxsat etilgan 12 837 so‘m o‘rniga 70 ming so‘mdan, ya’ni 5,5 baravar qimmat taklif qilingan.

Shu dorixonada «Konvuleks» dorisi belgilangan 66 481 so‘m o‘rniga 395 ming so‘mdan sotuvga qo‘yilgan. Bu ruxsat etilgan narxdan qariyb 6 baravar yuqori.

«MUNO FARM» MChJga qarashli dorixonada esa «Stimuloton» dorisi 50 666 so‘m o‘rniga 295 ming...

Adliya vazirligi davlat organlari va tashkilotlari, shuningdek, davlat ishtirokidagi korxonalarning komplayens hamda korrupsiyaga qarshi ichki nazorat tuzilmalari faoliyatiga oid idoraviy hujjatni davlat ro‘yxatidan o‘tkazdi.

Kimlarga tatbiq etiladi

Yangi tartib davlat organlari va tashkilotlari hamda ustav fondi yoki ustav kapitalida davlat ulushi 50% va undan ortiq bo‘lgan xo‘jalik jamiyatlariga taalluqli.

Hujjat bilan komplayens va korrupsiyaga qarshi ichki nazorat tuzilmalarining vazifalari, funksiyalari, huquq va majburiyatlari hamda ularning faoliyatini tashkil etish tartibi belgilandi.

Korrupsiya xavflari oldindan aniqlanadi

Ichki nazorat tuzilmalari korrupsiya holatlarini barvaqt aniqlash va ularning oldini olish bilan shug‘ullanadi.

Shuningdek, ular korrupsiyaga sabab bo‘luvchi omillarni bartaraf etish hamda manfaatlar...

YouTube’dagi SNG Garage World kanali O‘zbekistonda yangi Damas 3 sifatida tanilgan Chevrolet Move A400 modelini Wuling avtomobillari bilan taqqosladi. Muallifning fikricha, O‘zbekistonda taklif qilinayotgan model kuzov va dizayn jihatidan Xitoydagi yangi versiyalardan ortda qolmoqda.

Yana eski kuzov taklif qilinyapti

Kanal muallifining ta’kidlashicha, O‘zbekistonda sotilishi kutilayotgan model Wuling Hongguang S platformasiga yaqin bo‘lib, uning kuzov dizayni bir necha yil avval ishlab chiqilgan.

Bloger Xitoyda esa Hongguang Plus kabi yangilangan va tashqi ko‘rinishi zamonaviyroq versiyalar sotilayotganiga e’tibor qaratgan.

«Bizga yana eski versiya taklif qilinyapti. Xitoyda esa tashqi ko‘rinishi ancha yangi bo‘lgan model bor», – deydi kanal...

Qozog‘istondagi avtosalonlardan birida Chevrolet Cobalt, Onix hamda JAC avtomobillarining amaldagi narxlari ko‘rib chiqildi. 2026-yilgi Chevrolet Cobalt narxi $14,5 mingdan, ayrim Xitoy modellari esa $14,9 mingdan boshlanmoqda.

Chevrolet Cobalt qancha turadi

Avtosalondagi ma’lumotlarga ko‘ra, 2025-yilda ishlab chiqarilgan Chevrolet Cobalt narxi $14 mingdan boshlanadi.

2026-yilgi Cobalt esa $14,5 ming atrofida taklif qilinmoqda. Ushbu komplektatsiyada 15 dyuymli yengil qotishmali disklar mavjud. Soddaroq versiyalarda esa 14 dyuymli po‘lat disklar o‘rnatilgan.

Ayrim komplektatsiyalarning narxi $15,1 minggacha yetadi.

Chevrolet Onix $15,6 mingdan

2025-yilda ishlab chiqarilgan Chevrolet Onix narxi $15,6 mingdan boshlanadi. Yuqoriroq komplektatsiya esa $16,5 mingga baholangan.

Videoda 1,2 litrli turbo dvigatelga ega...

Yangi Toshkent xalqaro aeroportini qurish loyihasiga mahalliy ishlab chiqaruvchilar, yetkazib beruvchilar va subpudratchilarni jalb qilish rejalashtirilmoqda. Shu maqsadda O‘zbekiston Respublikasi Transport vazirligi, Sanoat kooperatsiyasi va davlat xaridlari agentligi hamda «Larsen & Toubro» kompaniyasi hamkorligida joriy yilning 3-oktabr kuni «Road Show» tadbiri tashkil etildi.

120 dan ortiq mahalliy korxonalar bilan muhokamalar o’tkazildi

«Road Show» da 120 dan ortiq mahalliy korxonalar vakillari ishtirok etdi. Ularga aeroport qurilishida talab qilinadigan mahsulot va xizmatlar, pudrat ishlari hamda texnik talablar haqida ma’lumot berildi.

Shuningdek, mahalliy korxonalarning ishlab chiqarish imkoniyatlari va loyiha doirasida hamkorlik qilish yo‘nalishlari muhokama etildi.

Loyihaning birinchi bosqichiga...