Yangiliklar

Portugaliya terma jamoasi Millatlar ligasining 3-turida safarda Daniyani 4:2 hisobida mag‘lub etdi. Krishtianu Ronaldu qatnashmagan uchrashuvda Joau Kanselu, Gonsalu Ramush, Vitinya va Joau Feliks gol urdi.

The Guardian nashriga ko‘ra, Portugaliya ushbu g‘alabadan so‘ng A4 guruhida ketma-ket uchinchi g‘alabasini qo‘lga kiritdi.

Portugaliya ikki bor oldinga chiqdi

Uchrashuvning 13-daqiqasida Joau Kanselu Portugaliyani hisobda oldinga olib chiqdi. Oradan o‘n daqiqa o‘tib, Mikkel Damsgor Daniya safida hisobni tenglashtirdi.

25-daqiqada Gonsalu Ramush Portugaliyaning ikkinchi golini urdi. Ikkinchi bo‘lim boshida Rasmus Hoylund hisobni 2:2 ko‘rinishiga keltirdi.

67-daqiqada Vitinya terma jamoadagi ilk golini urib, Portugaliyani yana oldinga olib chiqdi. 87-daqiqada esa Joau Feliks yakuniy...

OpenAI ChatGPT’ga kiyim va aksessuarlarni virtual tarzda kiyib ko‘rish imkonini qo‘shdi. Foydalanuvchi mahsulot kartasidagi «Try on» tugmasini bosib, o‘z suratini yuklashi va tanlangan kiyim unda qanday ko‘rinishini sun’iy intellekt yordamida ko‘rishi mumkin.

Yangi funksiya ChatGPT’ning mobil va veb-versiyalarida ishlaydi. Virtual tasvirlar ChatGPT Images yordamida yaratiladi.

Kiyim suratini ham yuklash mumkin

Virtual kiyib ko‘rish faqat ChatGPT tavsiya qilgan mahsulotlar bilan cheklanmaydi. Foydalanuvchi kiyim yoki aksessuarning rasmini chatga yuklab, uni o‘zida qanday ko‘rinishini ko‘rsatishni so‘rashi mumkin.

OpenAI sentabrda taqdim etgan ChatGPT Images 2.5 modeli suratlarda tabiiyroq yorug‘lik, aniqroq detallar va yuklangan suratdagi inson qiyofasini yaxshiroq saqlash imkoniyatlarini taklif qiladi.

Krishtianu Ronaldu Portugaliya terma jamoasi yig‘inini tark etganidan keyin uning mashhur 7-raqami Rafael Leaoga berildi. «Galatasaroy» futbolchisi bu raqamda Daniyaga qarshi o‘yinda maydonga tushdi. Bu haqda RTP xabar berdi.

UEFAning Daniya – Portugaliya uchrashuvi uchun e’lon qilingan rasmiy tarkibida Rafael Leao 7-raqam bilan qayd etilgan. Avval u terma jamoada 17-raqamda o‘ynab kelgan.

Ronaldu ketganidan keyingi o‘zgarish

Ronaldu 2007-yildan buyon Portugaliya terma jamoasida 7-raqamni kiyib kelgan. U bu raqamni Luis Figuning terma jamoadagi faoliyatini yakunlaganidan keyin olgan.

Shundan buyon «7» Ronaldu bilan chambarchas bog‘lanib, futbolchining «CR7» brendining bir qismiga aylandi. Portugaliya terma jamoasida Ronaldu bo‘lmagan ayrim uchrashuvlarda...

28-sentabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,9 foizdan 21,5 foizga tushdi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 23 foizni, yuridik shaxslar ulushi ham 23 foizni ko‘rsatmoqda.

Bunda eng past avtokredit stavkasi «Aloqabank» tomonidan taklif qilingan bo‘lib, 18,6 foizni tashkil etdi. Bungacha ham eng kam foiz «Aloqabank» (18,1%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

O‘zbekistonga sovuq va nam havo massalari kirib kelishi kutilmoqda. 3-oktabr kuni sovuq havo mamlakatning shimoliy hududlariga, 4 – 5-oktabrda esa respublikaning qolgan hududlariga yetib keladi. Bu haqda «O‘zgidromet» xabar berdi. 

Ma’lumotlarga ko‘ra, shu kunlarda respublika bo‘yicha ob-havoning keskin o‘zgarishi kuzatiladi.

Ayrim hududlarda kuchli yomg‘ir yog‘adi

3 – 4-oktabr kunlari O‘zbekistonning shimoliy va cho‘l hududlarida, 4 – 5-oktabrda esa respublikaning qolgan qismida yomg‘ir yog‘adi. Ayrim joylarda yog‘ingarchilik kuchli bo‘lishi mumkin. Baland tog‘li hududlarda yomg‘ir qorga aylanishi kutilmoqda.

Harorat 15–20 darajagacha pasayadi

Sovuq havo kirib kelishi ortidan kunduzgi harorat asta-sekin 15–20 darajagacha, kechasi esa 5–10 darajagacha pasayadi.

Shimoliy hududlarda...

Ijtimoiy tarmoqlarda O‘zbekiston Respublikasi Qurilish va uy-joy kommunal xo‘jaligi vaziri Sherzod Hidoyatovning avtobus o‘rindig‘ida o‘tirgan surati tarqaldi. Surat izohida vazir ishdan uyiga avtobusda qaytayotgani aytilgan. Biroq Qurilish va uy-joy kommunal xo‘jaligi vazirligining rasmiy sayti hamda ijtimoiy tarmoqlardagi sahifalarida bu haqda ma’lumot e’lon qilinmagan.

Kursiv Uzbekistan muxbiri holat yuzasidan vazirlik matbuot kotibi Saidnosir Usmonov bilan bog‘landi. Usmonov suratdagi shaxs, haqiqatan ham, Sherzod Hidoyatov ekanini tasdiqladi.

«Vazir odatda oilasi bilan avtobusda yuradi. Ushbu suratni uning o‘g‘li olgan. Sherzod Hidoyatov esa shunchaki mazkur rasmni Instagram’dagi hikoyasiga joylagan. Bu yerda hech qanday piar yo‘q», – dedi Saidnosir Usmonov.

Ma’lumot...

O‘zbekistonda Rossiyaga ishlash uchun ketayotgan fuqarolarga safardan oldingi barcha asosiy jarayonlarni bir joyda o‘tkazish imkonini beradigan kompleks markaz tashkil etish taklif qilindi. Bu masala Migratsiya agentligi direktori Muhsinxo‘ja Abdurahmonov va Rossiyaning O‘zbekistondagi elchisi Aleksey Yerxov uchrashuvida muhokama qilindi.

Taklif etilayotgan markaz «bir joyda barcha jarayonlar» tamoyili asosida ishlashi ko‘zda tutilmoqda.

Barcha jarayonlar bir joyda o‘tkazilishi mumkin

Markazda Rossiyaga ketishdan oldin zarur bo‘lgan testlar, tibbiy ko‘rik, biometriya va daktiloskopiyadan o‘tish hamda hujjatlarni tekshirish jarayonlarini tashkil etish rejalashtirilmoqda.

Bu orqali fuqarolar Rossiyaga borishidan oldin zarur hujjat va tartiblarni O‘zbekistonda rasmiylashtirib olishi mumkin bo‘ladi.

Rus tili imtihonlari hududlarda ham o‘tkazilishi...

O‘zbekiston birinchi prezidenti Islom Karimovning nabirasi Maryam Tillayeva jurnalist Nadejda Strelesga bergan intervyusida onasi Lola Karimova bilan murakkab munosabatlari haqida gapirdi. Uning aytishicha, bolaligida onasi uni bolalar uyiga olib borib, o‘sha yerda qoldirgan holatlar bo‘lgan.

Tillayevaning so‘zlariga ko‘ra, bu voqealar uning onasi bilan munosabatlariga kuchli ta’sir ko‘rsatgan.

«Onamdan juda ko‘p xafa bo‘lganman»

Shuningdek, o‘qing: Lola Karimova turmush o‘rtog‘i bilan ajrashganini ma’lum qildi

Tijorat banklari tomonidan 2-oktabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 1-oktabr uchun valyutalar kursi e’lon qilingani haqida yozgandi.

O‘zbekiston milliy terma jamoasi FIFA onlayn reytingida yana bir pog‘ona yuqorilab, 58-o‘rinni egalladi. Bunga Suriyaga qarshi o‘rtoqlik uchrashuvidagi 4:1 hisobidagi g‘alaba sabab bo‘ldi.

Fabio Kannavaro boshchiligidagi O‘zbekiston terma jamoasi Toshkentdagi «Paxtakor» stadionida Suriyani 4:1 hisobida mag‘lub etdi.

G‘alaba 3,75 ochko keltirdi

Suriyaga qarshi g‘alaba O‘zbekiston hisobiga 3,75 reyting ochkosi qo‘shdi. Natijada milliy terma jamoaning umumiy ochkolari 1 420,31 ga yetdi.

FIFAning joriy onlayn reytingida O‘zbekiston 58-o‘rinda qayd etilgan. Undan bir pog‘ona yuqorida Saudiya Arabistoni 1 436,41 ochko bilan 57-o‘rinda, Bosniya va Gersegovina esa 1 418,65 ochko bilan 59-o‘rinda turibdi.

Rasmiy reyting 7-oktabrda yangilanadi

FIFA sahifasida ko‘rsatilishicha...

Magistraturada tahsil olayotgan xotin-qizlarning kontrakt to‘lovini Davlat budjeti hisobidan qoplash uchun ariza topshirish muddati 2026-yil 10-oktabrgacha uzaytirildi. Oliy ta’lim, fan va innovatsiyalar vazirligiga ko‘ra, arizalar kontrakt.edu.uz platformasi orqali qabul qilinadi.

Vazirlar Mahkamasi qaroriga ko‘ra, magistraturaga bazaviy to‘lov-kontrakt asosida tavsiya etilgan va tahsil olayotgan xotin-qizlarning kontrakt to‘lovlari Davlat budjeti mablag‘lari hisobidan qoplab beriladi.

Shuningdek, o‘qing: 2027-yil uchun oliy ta’limdan keyingi ta’lim kvotalari tasdiqlandi

Magistraturada tahsil olayotgan xotin-qizlar kontrakt to‘lovini qoplash uchun arizani kontrakt.edu.uz platformasi orqali yuborishi mumkin.

Eslatib o‘tamiz, avvalroq oliy ta’limdan keyingi ta’lim uchun qabul boshlangani haqida xabar berilgandi. 2027-yilning...

Qoraqalpog‘istonlik abituriyentlar uchun ajratilgan 6 500 ta qo‘shimcha qabul o‘rni bo‘yicha tanlov natijalari e’lon qilindi. Oliy ta’lim, fan va innovatsiyalar vazirligiga ko‘ra, qabul hududlardagi davlat oliy ta’lim tashkilotlarining bakalavriat yo‘nalishlariga to‘lov-kontrakt asosida amalga oshiriladi.

Qo‘shimcha qabulda Qoraqalpog‘istonda doimiy yashovchi, shu hududdagi umumiy o‘rta, o‘rta maxsus yoki kasbiy ta’lim tashkilotlarini tamomlagan abituriyentlar ishtirok etdi.

56,7 va undan yuqori ball olganlar qatnashdi

Tanlovga kirish imtihonlarida 56,7 ball yoki undan yuqori natija ko‘rsatgan, biroq avval talabalikka tavsiya etilmagan abituriyentlar jalb qilindi.

Natijalarni shakllantirishda abituriyentlarning to‘plagan ballari ketma-ketligiga qat’iy rioya qilingan.

Shuningdek, o‘qing: Talabaga to‘langan ish haqining...

Qozog‘istonlik shaxmatchi Bibisara Asaubayeva o‘zbekistonlik grossmeyster Javohir Sindarov bilan munosabatlari qachon boshlanganiga oid yangi tafsilotni aytdi. Bu haqda Sports.kz xabar berdi. Asaubayeva Telegram kanalida obunachilardan birining «Javohir bilan qachondan beri uchrashib yurasiz?»  degan savoliga javob bergan. U aniq sanani aytmagan, biroq munosabatlar 2026-yil bahorida emas, ancha oldin boshlanganiga ishora qilgan.

O‘shanda Sindarovning reytingi hali 2 700 ga yetmagandi

Asaubayevaning aytishicha, ayrimlar u Sindarov bilan Gran-pridan keyin yoki 2026-yil bahoridagi «Da’vogarlar turniri» vaqtida tanishgan deb o‘ylagan.

«Faqat bitta narsani ayta olaman: o‘shanda uning reytingi hali 2 700 ga yetmagandi», – dedi Asaubayeva.

Javohir Sindarov...

Ijtimoiy tarmoqlarda Chevrolet avtomobillari xorijda sotilmagani sabab O‘zbekistonga qaytarilayotgani haqida xabarlar tarqaldi. UzAuto Motors bu ma’lumotlarni rad etib, vagonlarda tashilayotgan avtomobillar mamlakat ichidagi rasmiy dilerlik markazlariga yetkazilayotganini ma’lum qildi.

Kompaniya qayd etishicha, ushbu avtomobillar eksportdan qaytarilgan mashinalar emas.

«Vagonlardagi avtomobillar respublikamizdagi rasmiy dilerlik markazlariga yetkazib berish uchun jo‘natilgan», – deyiladi UzAuto Motors xabarida.

Avtomobillar nega vagonlarda tashilmoqda

UzAuto Motors bunga so‘nggi kunlarda e’lon qilingan chegirma va aksiyalar ortidan avtomobillarga talab oshgani sabab bo‘lganini bildirdi.

Shuningdek, o‘qing: O‘zbekiston Osiyoda avtomobil ishlab chiqarish bo‘yicha 9-o‘rinni egalladi

Natijada dilerlik markazlariga...

O‘zbekiston milliy terma jamoasi Toshkentdagi «Paxtakor» stadionida o‘tkazilgan xalqaro o‘rtoqlik uchrashuvida Suriyani 4:1 hisobida mag‘lub etdi. Fabio Kannavaro shogirdlari uchrashuv davomida to‘rtta gol urib, o‘z darvozasidan 1 ta to‘p o‘tkazdi.

Esanov va Mozgovoy birinchi bo‘limda gol urdi

O‘zbekiston hisobni 28-daqiqada ochdi. Sherzod Esanov Suriya darvozasini ishg‘ol qilib, terma jamoani oldinga olib chiqdi.

Birinchi bo‘lim yakunlanishiga bir daqiqa qolganida Akmal Mozgovoy hisobni 2:0 ga yetkazdi.

Ikkinchi bo‘limning 49-daqiqasida esa Husayin Norchayev O‘zbekistonning uchinchi golini kiritdi. 4-golni ham Norchayev kiritdi.

O‘zbekiston ketma-ket ikkinchi g‘alabasini qayd etdi

O‘zbekiston terma jamoasi bundan avval 24-sentabr kuni Eronga qarshi o‘rtoqlik...

Javohir Sindarov va amaldagi jahon chempioni Gukesh Dommaraju o‘rtasidagi 2026-yilgi jahon chempionligi bahsi oldidan 18 nafar grossmeyster va shaxmat vakilining fikri jamlandi. Ularning 10 nafari Sindarovni favorit, olti nafari tomonlarning imkoniyatlarini teng deb baholagan, ikki nafari esa Gukesh tomonini olgan.

Karlsen Sindarov tomonida

Sobiq jahon chempioni Magnus Karlsen Sindarovning imkoniyatlarini yuqori baholagan. U o‘zbekistonlik grossmeysterning o‘yinini har tomonlama muvozanatliroq deb hisoblashini bildirgan.

Rossiyalik grossmeyster Yan Nepomnyashchiy esa kuchlar nisbatini Sindarov foydasiga 65:35 deb ko‘rsatgan. Vladislav Artemiyev 60:40 nisbatini qayd etgan.

Jamlanmada Sindarovni favorit deb ko‘rsatganlar orasida Yan-Krzishtof Duda, Dina Belenkaya, Lyuk MakSheyn, Aleksandr Shimanov, Andrey...

Oliy Majlis Senati Kengashi Senatning yigirmanchi yalpi majlisini 2-oktabr kuni o‘tkazish to‘g‘risida qaror qabul qildi. Unda Konstitutsiyaviy sud faoliyati, oziq-ovqat xavfsizligi, bolalarni zo‘ravonlikdan himoya qilish va Markaziy bank faoliyatiga oid qonunlar ko‘rib chiqiladi.

Qator muhim qonunlar muhokama qilinadi

Yalpi majlis kun tartibiga mamlakatning ijtimoiy-iqtisodiy va huquqiy hayotiga oid bir qator masalalar kiritilishi rejalashtirilgan.

Xususan, senatorlar Konstitutsiyaviy sud faoliyati, oziq-ovqat mahsulotlari xavfsizligi, bolalarni zo‘ravonlikning barcha shakllaridan himoyalash tizimini takomillashtirish hamda Markaziy bank faoliyatini yaxshilashga qaratilgan qonunlarni muhokama qiladi.

Shuningdek, xalqaro mehnat standartlarini milliy qonunchilikka joriy etishga oid qonun loyihalari ham ko‘rib chiqiladi.

Jinoyatlar uchun javobgarlik kuchaytirilishi mumkin

FIDE 2026-yil sentabr yakunlari bo‘yicha jahon shaxmatchilari reytingini yangiladi. O‘zbekistonning ikki vakili – Javohir Sindarov va Nodirbek Abdusattorov kuchli beshlikdan joy oldi. Nodirbek Yoqubboyev esa bir oyda 13 pog‘onaga ko‘tarildi.

Sindarov va Abdusattorov kuchli beshlikda

O‘zbekistonning birinchi raqamli shaxmatchisi Javohir Sindarov 2 782 ochko bilan jahon reytingida 4-o‘rinni saqlab qoldi. U sentabr oyida reyting ochkolarini 2 778 dan 2 782 taga oshirdi.

Nodirbek Abdusattorov esa 17,5 ochko ishlab, reytingini sezilarli yaxshiladi. U avgust oyidagi 7-o‘rindan 5-pog‘onaga ko‘tarildi.

Reytingda norvegiyalik Magnus Karlsen 2 823 ochko bilan birinchi o‘rinni saqlab qoldi. AQSh vakili Hikaru Nakamura 2 792 ochko bilan...

O‘zbekiston Prezidenti Shavkat Mirziyoyev Osiyo konstitutsiyaviy sudlari va ekvivalent institutlari assotsiatsiyasining VII kongressi ishtirokchilariga murojaat yo‘lladi. Davlat rahbari sun’iy intellekt va zamonaviy texnologiyalar inson manfaatlari hamda qonun ustuvorligini ta’minlashga yo‘naltirilishi kerakligini ta’kidladi. 

«Inson qadri uchun» g‘oyasi asosiy mezonga aylangan

Prezidentning qayd etishicha, bugungi kunda iqlim o‘zgarishi, ijtimoiy tengsizlik, oziq-ovqat va energetika xavfsizligi, noqonuniy migratsiya hamda kiberjinoyatchilik kabi muammolar xalqaro huquq tamoyillari va davlatlar o‘rtasidagi ishonchni sinovdan o‘tkazmoqda.

Bunday sharoitda Konstitutsiyaning ustuvorligi davlat suvereniteti, jamiyat barqarorligi va taraqqiyotning muhim sharti hisoblanadi.

«Inson qadri uchun» g‘oyasi davlat organlari faoliyati va qonunlarning mazmunini baholashda asosiy mezonga aylangani ta’kidlandi.

Yangilangan Konstitutsiyada...

Krishtianu Ronaldu Portugaliya terma jamoasi yig‘inini tark etgani uchun 6 oygacha diskvalifikatsiya qilinishi mumkin. Bunday jazo Portugaliya futbol federatsiyasining intizom reglamentida nazarda tutilgan.

Reglamentda qanday jazo belgilangan

Federatsiyaning intizom reglamentidagi 160-moddaga ko‘ra, muntazam ravishda terma jamoaga chaqirilgan futbolchi uzrli sababsiz terma jamoaning mashg‘uloti, o‘yini yoki boshqa faoliyatini tark etsa, 1 oydan 6 oygacha diskvalifikatsiya qilinishi mumkin.

Professional futbolchilar uchun bundan tashqari 5 – 10 hisob birligi miqdorida jarima ham belgilangan. Bu taxminan 500 – 1000 yevroga teng.

Ronaldu 30-sentabr kuni Portugaliyaning Kopengagendagi yig‘inini tark etgan. U bu qarorni bosh murabbiy Jorje Jezusning matbuot anjumanidan keyin Portugaliya...

Krishtianu Ronalduning opasi Elma Aveiro futbolchining Portugaliya terma jamoasi yig‘inini tark etishidan so‘ng ijtimoiy tarmoqda uni himoya qildi. U Portugaliya terma jamoasi atrofidagi muhit va mahalliy jurnalistikani tanqid qilgan. Bu haqda A Bola xabar berdi.

«CR7 ko‘proq hurmatga loyiq edi»

Elma Aveiro Instagram’dagi hikoyasida Ronaldu haqidagi postni «Hammasi aytib bo‘lindi» mazmunidagi izoh bilan ulashgan.

Ushbu postda Ronaldu ko‘proq hurmatga loyiq ekani, Portugaliya terma jamoasiga esa yaxshiroq tashkiliy sharoit kerakligi aytilgan.

Post muallifi Portugaliya jurnalistikasini ham tanqid qilib, unda ko‘proq professionallik va kamroq taxminlar bo‘lishi kerakligini bildirgan.

Elma Aveiro bu fikrlarni Ronaldu terma jamoa yig‘inini...

Eron AQShning Fors ko‘rfazidagi o‘t ochishni to‘xtatish kelishuvini tiklash bo‘yicha so‘nggi taklifiga javobini oldi. Bu haqda Eron hukumati ma’lum qildi. AQSh prezidenti Donald Tramp bir necha kun avval Tehron taklifini rad etganini bildirgan edi.

Javob Qatar vositachiligida yetkazilgan

Reuters ma’lumotiga ko‘ra, Eron tashqi ishlar vaziri Abbos Aroqchi 29-sentabr kuni Dohada Qatar vositachilaridan AQShning javobini olgan. Tomonlar o‘rtasidagi muzokaralar o‘tgan hafta BMT Bosh Assambleyasi doirasida Nyu-Yorkda Qatar vositachiligida o‘tkazilgan.

Eron ilgari surgan yetti kunlik reja AQShning Eron portlariga nisbatan blokadasini bekor qilishi, shundan keyin esa Tehron Hormuz bo‘g‘ozini qayta ochishini nazarda tutadi.

AQShning javobida nimalar taklif qilingani...

O‘zbekistonlik hakamlar «Aichi-Nagoya – 2026» Osiyo o‘yinlari doirasidagi futbol finallarida faoliyat olib boradi. Bu haqda O‘FA xabar berdi.

Erkaklar finalida ikki o‘zbekistonlik hakam

3-oktabr kuni Koreya Respublikasi va Yaponiya terma jamoalari o‘rtasidagi erkaklar final uchrashuvida o‘zbekistonlik ikki mutaxassis hakamlar brigadasi tarkibida ishlaydi.

Ruslan Serazitdinov uchrashuvda yordamchi hakam vazifasini bajaradi. Firdavs Norsafarov esa VAR hakami sifatida faoliyat olib boradi.

Norsafarov ayollar finalida ham ishlaydi

Firdavs Norsafarov bundan tashqari, 2-oktabr kuni Shimoliy Koreya va Yaponiya ayollar terma jamoalari o‘rtasidagi final uchrashuvida ham VAR hakami sifatida ishlaydi.

«Aichi-Nagoya – 2026» Osiyo o‘yinlari Yaponiyaning Aichi prefekturasi va Nagoya shahrida o‘tkazilmoqda.

Pokiston 1-oktabrga o‘tar kechasi Afg‘onistonning Kunar va Hilmand viloyatlariga aviazarbalar berdi. Afg‘oniston tomoni 9 nafar tinch aholi, jumladan, ayollar va bolalar halok bo‘lgani, yana 11 kishi yaralanganini ma’lum qildi. Pokiston esa zarbalar jangarilar yashiringan joylarga berilganini va 22 jangari o‘ldirilganini bildirdi. Tomonlarning qurbonlar haqidagi ma’lumotlari hozircha mustaqil tasdiqlanmagan.

Afg‘oniston uchta uy vayron bo‘lganini bildirdi

Afg‘oniston hukumati matbuot kotibi Zabihulloh Mujohidning aytishicha, Kunar va Hilmand viloyatlaridagi uchta turarjoyga zarba berilgan. Uning bayonotiga ko‘ra, hujumlar oqibatida 9 nafar tinch aholi halok bo‘lgan, 11 kishi jarohatlangan.

Mujohid hujumlarni qoralab, ularni tajovuzkorlik va qabul qilingan tamoyillarning buzilishi deb atagan.

Pokiston...