Yangiliklar

30-sentabr uchun valyutalar kursi yangilandi. Dollar 14,21 so‘mga oshib, 11 821,18 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

23-sentabr kuni 7,63 so‘mga tushib, 11 802.19 so‘m bo‘ldi. 24-sentabr kuni 11,86 so‘mga oshib, 11 814,05 so‘mni, 25-sentabr kuni 16,82 so‘mga oshib, 11 830,87 so‘mni tashkil etdi. 26-sentabr kuni esa 5,47 so‘mga tushib, 11 825,40 so‘mga, 29-sentabr kuni 18,43 so‘mga tushib, 11 806,97 so‘mga tenglashdi.

Shuningdek, o‘qing: Dollar valyutasida pul saqlash qanchalik to‘g‘ri

Yevro kursida tushish kuzatildi. Yevropa valyutasi 11,03 so‘mga tushib, 13 419,40 so‘m bo‘ldi. Rossiya rubli oshdi. Rubl...

Samarqandda 46-Jahon shaxmat olimpiadasida g‘olib bo‘lgan O‘zbekiston erkaklar terma jamoasi a’zolariga kottej, avtomobil va $200 mingdan pul mukofoti topshirildi. Bu haqda jurnalist Aziza Qurbonova ma’lum qildi. Olimpiada oltin medali uchun har bir chempionga $200 ming miqdorida bir martalik davlat mukofoti belgilangan.

O‘zbekistonning chempion jamoasi tarkibida Javohir Sindarov, Nodirbek Abdusattorov, Nodirbek Yoqubboyev, Shamsiddin Vohidov va Muhiddin Madaminov qatnashdi. Jamoaga Rustam Qosimjonov bosh murabbiylik qildi.

Hal qiluvchi 11-turda O‘zbekiston Ukrainani 2,5:1,5 hisobida mag‘lub etdi. Muhiddin Madaminov jamoaga hal qiluvchi ochkoni olib keldi.

Prezident Yoqubboyevning Hindistonga qarshi bahsini esladi

Aziza Qurbonovaning xabar berishicha, mukofotlash marosimida Shavkat Mirziyoyev Nodirbek Yoqubboyevning hindistonlik...

O‘zbekistonda 2026-yilning II choragida ajratilgan ipoteka kreditlari hajmi 7,4 trln so‘mni tashkil etib, bir yil ichida 48 foizga oshdi. Shu davrda birlamchi bozorda uy-joy narxlari so‘mda 6,2 foizga, ikkilamchi bozorda esa 6,3 foizga qimmatlashdi. Bu haqda Markaziy bankning ko‘chmas mulk bozori bo‘yicha tahlilida ma’lum qilindi.

Ipoteka bozori qariyb ikki baravar kengaydi

Markaziy bank ma’lumotlariga ko‘ra, 2026-yilning aprel – iyun oylarida aholiga 7,4 trln so‘mlik ipoteka krediti ajratilgan. Bu 2025-yilning shu davridagi ko‘rsatkichdan 48 foizga ko‘p. Yilning dastlabki olti oyida ajratilgan ipoteka kreditlari hajmi esa 13,1 trln so‘mga yetgan.

Bozordagi talabga iqtisodiy faollik va aholi daromadlarining o‘sishi ham...

29-sentabr kuni prezident Shavkat Mirziyoyev O‘zbekiston shaxmatchilarining 46-Butunjahon shaxmat olimpiadasidagi g‘alabasini yodga olib, ayrim hal qiluvchi partiyalarni o‘zi ham katta qiziqish bilan kuzatganini aytdi. Davlat rahbari Nodirbek Yoqubboyev va Nodirbek Abdusattorovning muhim bahslaridagi o‘yinlariga alohida to‘xtaldi. 

«Ba’zi partiyalarda sizlar nafaqat raqiblaringizni, balki bizni ham kuchli hayajonda ushlab turdingizlar», – dedi Shavkat Mirziyoyev.

Hindiston bilan bahsda Yoqubboyevning yurishi g‘alabani olib keldi

Prezident amaldagi Olimpiada chempioni Hindiston terma jamoasiga qarshi uchrashuvni alohida esladi.

Nodirbek Yoqubboyevning Nihal Sarin bilan partiyasida vaziyat bir payt murakkablashgan. Biroq o‘zbekistonlik shaxmatchi oxirigacha kurashni davom ettirib, taktik yurish orqali vaziyatni...

O‘zbekistonda homilador ayol tibbiy ko‘rsatma bo‘lmagan taqdirda ham kesarcha kesish operatsiyasini tanlashi mumkin. Adliya vazirligi tug‘uruqni qabul qilishda kesarcha kesish amaliyotini o‘tkazish uchun tibbiy ko‘rsatmalar ro‘yxatini davlat ro‘yxatidan o‘tkazdi. Yangi tartibga ko‘ra operatsiya bo‘yicha qaror qabul qilishda ayolning xohishi ham inobatga olinadi.

Ayolga operatsiya xavflari tushuntirilishi kerak

Kesarcha kesishni tanlashdan oldin shifokor ayolga operatsiyaning mumkin bo‘lgan xavflari va salbiy oqibatlari haqida tushuntirish berishi shart. Shundan keyin uning ixtiyoriy roziligi olinadi.

Kesarcha kesish uchun 31 ta tibbiy ko‘rsatma belgilangan

Ro‘yxatdan o‘tkazilgan hujjatda kesarcha kesish operatsiyasini o‘tkazish uchun 31 ta tibbiy ko‘rsatma keltirilgan. Operatsiya shoshilinch, kechiktirib bo‘lmaydigan, rejali yoki...

Markaziy bank tijorat banklari, to‘lov tashkilotlari va to‘lov tizimlari operatorlari uchun firibgarlikka qarshi yagona talablarni belgilovchi nizom loyihasini ishlab chiqdi.

Loyiha mobil ilovalar, internet-banking, bank kartalari va elektron hamyonlardan foydalanishda yuzaga keladigan firibgarlik holatlarini erta aniqlash va oldini olishga qaratilgan.

Antifrod tizimlari 24/7 ishlashi kerak bo‘ladi

Loyihaga ko‘ra, antifrod tizimlari sutka davomida va real vaqt rejimida ishlashi kerak. Operatsiyalar bir nechta belgilar va skoring asosida baholanadi. Agar mijozni aldash yoki uning ishonchidan foydalanish alomatlari aniqlansa, qo‘shimcha verifikatsiya o‘tkazilishi ko‘zda tutilgan. Antifrod modellari muntazam baholanib, kamida har chorakda tekshirib borilishi kerak bo‘ladi.

Shubhali operatsiyalar bo‘yicha ma’lumot almashiladi

Moliya...

O‘zbekistonlik grossmeyster Javohir Sindarov faoliyatining bir davrida shaxmat federatsiyasini almashtirish haqida ham o‘ylaganini aytdi. U bunga o‘sha paytlarda musobaqalarda qatnashish imkoniyatlari cheklanganini sabab sifatida keltirdi. Bu haqda shaxmatchi jurnalist Aziza Qurbonova bilan suhbatda ma’lum qildi.

Sindarovning aytishicha, Rustam Qosimjonov jahon chempioni bo‘lganidan keyin O‘zbekistonda shaxmatga qiziqish ortgan va hozirgi avlod vakillarining ko‘pchiligi aynan shu davrdan ilhomlangan.

«Musobaqalarga ko‘p chiqa olmasdik»

Sindarov o‘sha yillarda yosh shaxmatchilar uchun imkoniyatlar hozirgidan ancha cheklanganini ta’kidladi.

«Biz kuchaydik, qaysidir natijalarga erishdik, lekin o‘rtada juda ham qiynaldik. Sababi, o‘sha paytlarda yurtimizda shaxmatga e’tibor unchalik kuchli emas edi. Musobaqalarga ko‘p chiqa...

«Sirdaryo» chegara bojxona postidagi yuklamani kamaytirish maqsadida yangi bojxona postlari ishga tushiriladi. «G‘ishtko‘prik» posti 2026-yilning IV choragida foydalanishga topshirilishi, shundan so‘ng «Navoiy» chegara bojxona posti orqali ham yuk mashinalari harakati boshlanishi kutilmoqda. Bu haqda Bojxona qo‘mitasi xabar berdi.

Yuk oqimi 10 foizga oshgan

Bojxona qo‘mitasi raisi «Sirdaryo» chegara bojxona postida bo‘ldi. Mazkur post orqali sentabr oyining o‘zida 9,2 mingdan ortiq yuk avtotransport vositalari harakatlangan.

Bu o‘rtacha har 4 daqiqada bitta yuk mashinasi postdan o‘tayotganini anglatadi. Joriy yilda postdagi avtotransport vositalari harakati o‘tgan yilga nisbatan 10 foizga oshgan.

Qo‘mita raisi postdan turib Qozog‘iston bojxona xizmati rahbariyati bilan telefon orqali...

Markaziy Osiyo mamlakatlari orasida 2021 – 2025-yillarda eng yuqori o‘rtacha yillik real o‘sish Qirg‘izistonda qayd etildi — 9,2%. Bu haqda Iqtisodiy tadqiqotlar va islohotlar markazi ma’lum qildi. Tojikistonda bu ko‘rsatkich 8,5%, O‘zbekistonda 7%, Turkmanistonda 6,3% ni tashkil etdi.

Markaziy Osiyo YIMi $543,4 mlrdga yetdi

2025-yilda mintaqa YIMining eng katta qismi Qozog‘iston hissasiga to‘g‘ri keldi – 56,4% yoki $306,2 mlrd. O‘zbekiston ulushi esa 24,6% dan 27,1% gacha oshib, YIM hajmi $70,1 mlrddan $147 mlrdga yetdi.

Qirg‘iziston YIMi $8,3 mlrddan $22,6 mlrdga, Tojikistonniki $8,1 mlrddan $17,7 mlrdga, Turkmanistonniki esa $27,4 mlrddan $49,8 mlrdga oshdi.

Eng yuqori o‘rtacha yillik real o‘sish Qirg‘izistonda...

«Davr bank» aksiyadorlari 9-oktabr kuni bankning firma nomini o‘zgartirish, kuzatuv kengashi va boshqaruv tarkibini yangilash hamda dividend siyosatini tasdiqlash masalalarini ko‘rib chiqadi. Yig‘ilish Ozarbayjonning ABB banki «Davr bank»dagi 51 foiz ulushni sotib olish bitimini yakunlaganidan bir oy o‘tib o‘tkaziladi. Bu haqda bankning rasmiy sahifasida xabar berildi.

Bank nomi o‘zgarishi masalasi kun tartibida

«Davr bank» 2026-yil 9-oktabr kuni aksiyadorlarning navbatdan tashqari umumiy yig‘ilishini o‘tkazadi. Yig‘ilish Toshkent shahri, Yakkasaroy tumani, Muqimiy ko‘chasi, 7/3-uy manzilida soat 18:00 da boshlanadi. Aksiyadorlarni ro‘yxatga olish 17:30 da boshlanadi.

Yig‘ilish kun tartibiga jami 10 ta masala kiritilgan. Ular orasida bank ustavini yangi tahrirda tasdiqlash va...

Shavkat Mirziyoyev Ko‘ksaroy qarorgohida shaxmat va parashaxmat bo‘yicha O‘zbekiston terma jamoalari a’zolari bilan uchrashadi hamda ularga davlat mukofotlarini topshiradi. Bu haqda prezident matbuot kotibi Sherzod Asadov ma’lum qildi.

Davlat rahbarining 28-sentabrdagi farmoni bilan Samarqandda o‘tkazilgan 46-Jahon shaxmat olimpiadasi va 3-Parashaxmat olimpiadasida qatnashgan sportchilar, murabbiylar hamda mutaxassislarning bir guruhi davlat mukofotlari bilan taqdirlandi.

O‘zbekiston ikkinchi bor Olimpiada chempioni bo‘ldi

Samarqandda 16 – 27-sentabr kunlari o‘tkazilgan 46-Jahon shaxmat olimpiadasining ochiq yo‘nalishida O‘zbekiston terma jamoasi oltin medalni qo‘lga kiritdi. Hal qiluvchi 11-turda o‘zbekistonliklar Ukraina jamoasini 2,5:1,5 hisobida mag‘lub etdi.

Bu O‘zbekistonning Jahon shaxmat olimpiadalaridagi ikkinchi chempionligi bo‘ldi. Terma jamoa ilk...

O‘zbekistonda tashqi savdo operatsiyalari bo‘yicha aktivlarni o‘z vaqtida qaytarmagan tadbirkorlarga qo‘llanadigan moliyaviy jarimalarni 50 foizga kamaytirish taklif qilinmoqda. Tegishli qonun loyihasi Oliy Majlis Qonunchilik palatasida birinchi o‘qishda qabul qilindi.

Hujjat «Valyutani tartibga solish to‘g‘risida»gi Qonunga qo‘shimchalar kiritishni nazarda tutadi. Amaldagi tartibga ko‘ra, tashqi savdo operatsiyalari bo‘yicha aktivlar belgilangan muddatda qaytarilmasa, tadbirkorlarga qaytarilmagan summa asosida moliyaviy jarima qo‘llanadi.

Biroq ayrim holatlarda tadbirkor o‘ziga bog‘liq barcha choralarni ko‘rgan bo‘lsa ham, xorijiy hamkorning harakatlari, to‘lov tizimlaridagi cheklovlar yoki boshqa obyektiv sabablar tufayli mablag‘ni o‘z vaqtida qaytara olmasligi mumkin.

Shunday vaziyatlarda sudlarga holatni hisobga olib, jarima miqdorini 50 foizga kamaytirish imkonini berish taklif...

O‘zbekistonda «O‘zbekiston Respublikasida xizmat ko‘rsatgan kommunal xo‘jaligi xodimi» faxriy unvoni ta’sis etildi. Bu haqda Adliya vazirligi xabar berdi.

Kimlarga beriladi

Faxriy unvon uy-joy kommunal xo‘jaligi sohasini rivojlantirishga munosib hissa qo‘shgan, o‘z mehnati bilan yuqori kasbiy mahoratini namoyon etgan hamda aholiga xizmat ko‘rsatishni yaxshilashda alohida xizmat ko‘rsatgan xodimlarga beriladi.

Unga birlashmalar, tashkilotlar va muassasalarda faoliyat yuritayotgan soha vakillari munosib ko‘rilishi mumkin. Qonun rasmiy e’lon qilingan kundan boshlab kuchga kiradi.

Avvalroq Kursiv Uzbekistan nashri 108 nafar ta’lim sohasi vakili davlat mukofotlari bilan taqdirlangani haqida yozgan edi.

2026-yil oktabr oyi O‘zbekistonda beqaror ob-havo bilan boshlanadi. Oy davomida iliq va salqin davrlar almashib turishi, shimoliy hududlarda ayrim paytlarda tungi harorat 0–2 daraja sovuqqacha pasayishi mumkin.

«O‘zgidromet» xabariga ko‘ra, oktabrda o‘rtacha oylik havo harorati iqlimiy me’yor atrofida, ayrim hududlarda esa undan yuqori bo‘lishi kutilmoqda. Yog‘ingarchilik esa hududlar bo‘yicha notekis taqsimlanadi.

Oktabr yomg‘ir bilan boshlanadi

1-oktabr kuni respublikaning markaziy va sharqiy viloyatlarida nam hamda nisbatan salqin havo saqlanadi. Ayrim joylarda yomg‘ir yog‘ishi kutilmoqda.

Eng kuchli yog‘ingarchilik tog‘oldi va tog‘li hududlarda bo‘lishi mumkin. Baland tog‘larda esa yomg‘ir qorga aylanish ehtimoli bor.

2 – 4-oktabr kunlari O‘zbekistonning katta qismida yog‘ingarchilik...

FIFA prezidenti Janni Infantino Toshkentga tashrif buyurishi kutilmoqda. Bu haqda jurnalist Narzulla Saydullayev ma’lum qilgan. 

Infantino Toshkentga kelishi mumkin

Hozircha FIFA, O‘zbekiston futbol assotsiatsiyasi yoki boshqa rasmiy manbalar tomonidan Infantinoning navbatdagi tashrifi bo‘yicha aniq dastur e’lon qilinmagan.

Infantino O‘zbekistonga oxirgi marta 2025-yilda kelgan

FIFA prezidenti O‘zbekistonga oxirgi marta 2025-yil 8-sentabr kuni tashrif buyurgan. U Toshkentdagi CAFA Nations Cup finalida O‘zbekiston va Eron terma jamoalari o‘rtasidagi uchrashuvni stadiondan kuzatgan.

Tashrif davomida Infantino Prezident Shavkat Mirziyoyev bilan uchrashgan. Unga O‘zbekiston futbolini xalqaro maydonda rivojlantirishga qo‘shgan hissasi uchun «Do‘stlik» ordeni topshirilgan.

Toshkentda FIFAning mintaqaviy ofisi ochilishi muhokama qilingan

2025-yilgi uchrashuvda...

Xitoyning Changan Auto kompaniyasi yangi energiyali avtomobillar yo‘nalishidagi Avatr va Deepal brendlarining o‘rta va orqa ofis faoliyatini birlashtirishni boshladi. Buning uchun guruh tarkibida «AD Collaborative Development Department» nomli yangi bo‘linma tashkil etildi.

Bo‘linma nomi Avatr va Deepal brendlari bosh harflaridan tuzilgan. U tadqiqot va ishlanmalar, ta’minot zanjiri, ishlab chiqarish hamda ma’muriy funksiyalarda resurslarni birgalikda ishlatishga yo‘naltiriladi.

Brendlar mustaqilligini saqlab qoladi

Changan Auto’ga ko‘ra, tashkiliy o‘zgarishlarga qaramay, Avatr va Deepal brendlarining bozordagi pozitsiyasi va strategik rejalari o‘zgarmaydi.

Brend imiji, marketing va savdo kabi mijozlarga bevosita bog‘liq yo‘nalishlar alohida ishlashda davom etadi. Birlashtirish asosan ichki jarayonlar va resurslardan foydalanishga taalluqli...

Qashqadaryo viloyatining G‘uzor tumanidagi maktab o‘quvchilari paxta dalasiga sepilgan kimyoviy vosita sabab zaharlanish alomatlari bilan shifoxonaga olib kelindi. Hozirda 7 nafar o‘quvchi davolanmoqda. Holat yuzasidan jinoyat ishi qo‘zg‘atildi. Bu haqda Ichki ishlar vazirligi xabar berdi.

Dori maktab yaqinidagi paxta dalasiga sepilgan

Voqea 23-sentabr kuni soat 11:45 atrofida G‘uzor tumanidagi 51-sonli umumiy o‘rta ta’lim maktabida yuz bergan.

Dastlabki ma’lumotlarga ko‘ra, maktab joylashgan Yangiobod mahallasiga tutash hududda «Shohmalik Shermurod o‘g‘li» fermer xo‘jaligiga tegishli 88 gektar yer maydoni mavjud. Shundan 20 gektari maktab atrofida joylashgan bo‘lib, u yerga paxta ekilgan.

23-sentabr kuni soat taxminan 09:00 da fermer xo‘jaligi...

Toshkent shahrida vazirlik va idoralarga tegishli yettita ma’muriy bino jami 868,8 mlrd so‘mga yoki qariyb $73,5 mlnga sotildi. Bu haqda Davlat aktivlarini boshqarish agentligi ma’lum qildi.

Sotuvlar davlat organlari va davlat ishtirokidagi tashkilotlarni Yangi Toshkentga ko‘chirish jarayoni doirasida amalga oshirilmoqda.

Qaysi binolar sotildi

Sotilgan obyektlar orasida Transport vazirligi, Sport vazirligi, Qurilish va uy-joy kommunal xo‘jaligi vazirligi, Turizm qo‘mitasi huzuridagi Turistlarga xizmat ko‘rsatish markazi DUK, Avtomobil yo‘llari qo‘mitasi, Ipakchilik va jun sanoatini rivojlantirish qo‘mitasi hamda Davlat xizmatlari agentligi binolari bor.

Yana 11 ta obyekt savdoga chiqarildi

Agentlik ma’lumotiga ko‘ra, boshlang‘ich narxi 1,1 trln so‘m bo‘lgan yana 11 ta...

O‘zbekistonda 14 yoshga to‘lmagan bolalarga nisbatan ayrim o‘ta og‘ir jinsiy jinoyatlar uchun uzoq muddatli yoki umrbod ozodlikdan mahrum qilish jazosini belgilash taklif qilinmoqda. Tegishli qonun loyihasi Oliy Majlis Qonunchilik palatasida birinchi o‘qishda qabul qilindi.

Qonun loyihasi «Adolat» sotsial-demokratik partiyasi fraksiyasi tashabbusi asosida kiritilgan. Hujjat bolalarni zo‘ravonlikning barcha shakllaridan himoya qilish tizimini kuchaytirishga qaratilgan.

Loyihaga ko‘ra, 14 yoshga to‘lmagan shaxsga nisbatan nomusga tegish yoki jinsiy ehtiyojni zo‘rlik ishlatib g‘ayritabiiy usulda qondirish jinoyatlari uchun uzoq muddatli yoki umrbod ozodlikdan mahrum qilish jazosini tayinlash ko‘zda tutilmoqda.

Shuningdek, bolaning jinsiy erkinligiga qarshi jinoyat sodir etgan shaxslarni javobgarlikka tortish muddati o‘tganligi sababli javobgarlikdan, jazoni...

Honor kompaniyasi Honor Win2 seriyasiga mansub yangi smartfon ustida ishlamoqda. Qurilma 12 000 mA/soatdan yuqori sig‘imli batareya va faol sovitish tizimiga ega bo‘lishi mumkin.

Smartfon katta batareya va ventilyator oladi

Yangi qurilma Barrett kod nomi ostida ishlab chiqilmoqda. Manbaga ko‘ra, Honor Win2 uchun qizil-ko‘k rangdagi uchta dizayn varianti ro‘yxatdan o‘tkazilgan. Ular Buff, Fast Game va Win by Choice nomlari bilan qayd etilgan.

Smartfonning muhandislik namunasi 12 000 mA/soatdan yuqori sig‘imli akkumulyator bilan jihozlangan. Bundan tashqari, qurilmada katta ventilyator va issiqlikni chiqarishga mo‘ljallangan kengaytirilgan sovitish bloki mavjud.

Bunday yechim smartfon yuqori yuklama ostida uzoq vaqt ishlaganda uning unumdorligini saqlab...

Bolalarga nisbatan zo‘ravonlik uchun javobgarlikni kuchaytirishga qaratilgan qonun loyihasi Oliy Majlis Qonunchilik palatasiga kiritildi. Hujjat «Adolat» SDP fraksiyasi tashabbusi bilan ishlab chiqilgan.

Qonunchilik palatasi Kengashi loyihani yalpi majlis kun tartibiga kiritishga qaror qildi. Uni ko‘rib chiqish uchun Demokratik institutlar va fuqarolik jamiyatini rivojlantirish masalalari qo‘mitasi mas’ul etib belgilangan.

Javobgarlik choralarini kuchaytirish taklif qilinmoqda

Loyiha bilan Jinoyat kodeksi, Jinoyat-protsessual kodeksi, Ma’muriy javobgarlik to‘g‘risidagi kodeks hamda boshqa qonun hujjatlariga o‘zgartirish va qo‘shimchalar kiritish ko‘zda tutilgan. Ular bolalarga nisbatan zo‘ravonlik holatlari uchun javobgarlik choralarini kuchaytirishga qaratilgan. Qonun loyihasi joriy yilning 29-sentabr kuni quyi palataning navbatdagi majlisida ko‘rib chiqilishi rejalashtirilgan.

O‘zbekistonda 2027-yil 1-yanvardan Pensiya jamg‘armasi fuqarolardan qog‘oz shaklidagi hujjatlar va ma’lumotlarni qabul qilish amaliyotini bekor qiladi. Qarorga ko‘ra, pensiya bilan bog‘liq ayrim xizmatlar bosqichma-bosqich interaktiv shaklda ko‘rsatiladi.

Ayrim xizmatlar onlayn shaklga o‘tadi

2026-yil 1-noyabrdan mehnat sharoiti zararli va og‘ir ishlarda band bo‘lgan hamda pensiya yoshini qisqartirish huquqiga ega shaxslarga imtiyozli shartlarda pensiya tayinlash xizmati interaktiv shaklda ko‘rsatiladi.

2026-yil 1-dekabrdan fuqarolar boshqa turdagi pensiyaga o‘tish uchun ham elektron tarzda murojaat qilishi mumkin bo‘ladi.

2027-yil 1-yanvardan esa pensiya to‘lovini naqd pul shakliga o‘tkazish hamda to‘xtatib turilgan pensiya to‘lovlarini tiklash xizmatlari ham interaktiv shaklga o‘tadi.

Bir yil ish staji avtomatik...

O‘zbekistonda Vazirlar Mahkamasi huzuridagi Qurilish va uy-joy kommunal xo‘jaligi sohasida nazorat qilish inspeksiyasining seysmik xavfsizlikni ta’minlash bo‘yicha vakolatlari aniqlashtirilmoqda.

Inspeksiya binolar seysmik xavfsizligini nazorat qiladi

Yangi tartibga ko‘ra, inspeksiya O‘zbekiston hududida qurilayotgan bino va inshootlarning seysmik xavfsizlik talablariga muvofiqligini nazorat qiladi.

Shuningdek, u elektron texnik pasportlar asosida bino va inshootlarni seysmik zaiflik bo‘yicha tasniflashda, ularni instrumental-texnik tekshirishda hamda zilzilabardoshligini oshirishda ishtirok etadi.

Elektron texnik pasportlar shakllantiriladi

Inspeksiya seysmik faol hududlarda qurilishi rejalashtirilayotgan va uning nazoratiga kiruvchi bino hamda inshootlar, jumladan, ko‘p qavatli turar joylar uchun elektron texnik pasportlarni shakllantiradi.

Ushbu pasportlarda obyektlarning seysmik zaifligini baholash uchun zarur...

Surxondaryo viloyati hokimi Ulug‘bek Qosimov Termiz shahrida ishga velosipedda qatnay boshladi. Termiz shahar hokimligining xabar berishicha, viloyat hokimiga boshqarma, tashkilot va muassasalar rahbarlari ham qo‘shilgan.

Rahbarlarga ham velosipeddan foydalanish tavsiya qilindi

Qosimov barcha darajadagi rahbarlarga ishga borish va qaytishda, shuningdek, shahar ichida harakatlanishda imkon qadar velosipeddan foydalanishni tavsiya qilgan. Tashabbus 2026-yil 25-martdagi «Toza havo» umummilliy loyihasi doirasida amalga oshirilmoqda. Ushbu hujjat asosida 1-maydan boshlab har oyning 10 va 25-sanasida «Avtomobilsiz kun» aksiyasi o‘tkazib kelinmoqda.

1-oktabrdan ekologik ikki oylik boshlanadi

Prezidentning 2026-yil 23-sentabrdagi farmoniga ko‘ra, joriy yilning 1-oktabridan mamlakatda «Tozalik va ozodalik dolzarb ikki oyligi» o‘tkaziladi. Unda...