Yangiliklar

2025/2026-o‘quv yili uchun oliy ta’limga bakalavriat bosqichiga 732 ming 411 nafar abituriyent ro‘yxatdan o‘tgan. Bu haqda Bilim va malakalarni baholash agentligi xabar berdi.

Aksariyat abituriyentlar o‘zbek tilida hujjat topshirgan bo‘lsa, rus va qoraqalpoq tillarini tanlaganlar ham sezilarli bo‘ldi.

Shuningdek, ro‘yxatdan o‘tganlarning gender tarkibida ayollar soni erkaklarnikidan ko‘proq ekani kuzatildi. Ya’ni 386 ming nafardan ortiq qizlar va 346 mingdan ortiq yigitlar hujjat topshirgan.

Test sinovida ishtirok etish uchun to‘lovni bugun, 26-iyun kuni soat 23:59 ga qadar amalga oshirish lozim. Aks holda ro‘yxatdagi abituriyent testga kiritilmaydi.

Yillar kesimida abituriyentlar soni

Oxirgi yetti yil ichida oliy ta’lim muassasalariga ro‘yxatdan o‘tgan abituriyentlar...

O‘zbekiston estradasi vakili Munisa Rizayeva amerikalik yulduz Jennifer Lopesni 7-avgust kuni Toshkentda bo‘lib o‘tadigan konserti doirasida birgalikda sahnaga chiqishga taklif etdi. Xonanda bu taklifni ijtimoiy tarmoqlar orqali videomurojaat tarzida e’lon qildi.

«Salom, Jey Lo! Eshitishimcha, Toshkentga kelarmishsiz. Hamkorlik haqida qanday fikrdasiz?» – deydi Rizayeva o‘z murojaatida.

Hozircha Jennifer Lopesdan rasmiy javob kelmagan bo‘lsa-da, tomoshabinlar bu kutilmagan taklif ijobiy natija berishiga umid bildirishmoqda.

Avvalroq Kursiv Uzbekistan 7-avgust kuni Toshkentdagi «Milliy» (Bunyodkor) stadionida jahon mashhuri Jennifer Lopesning «Up All Night – Live In 2025» nomli konsert dasturi bo‘lib o‘tishi haqida yozgandi.

Shuningdek, 5-iyundan konsert uchun...

AQSHning yirik moliyaviy korporatsiyasi Citigroup Toshkentda o‘z vakolatxonasini ochishni rejalashtirmoqda. Bu haqda Investitsiyalar, sanoat va savdo vazirligi (ISSV) matbuot xizmati xabar berdi.

25-iyun kuni ISSVda Citigroup delegatsiyasi bilan uchrashuv bo‘lib o‘tdi. Delegatsiyaga mijozlar bilan ishlash bo‘yicha bosh direktor Devid Livingston boshchilik qildi.

Uchrashuv davomida tomonlar investitsiyaviy hamkorlik, eksportni qo‘llab-quvvatlash, shuningdek, davlat-xususiy sheriklik asosidagi loyihalarni rivojlantirish masalalarini muhokama qildi.

Citigroup – bu amerikalik transmilliy investitsiya banki va moliyaviy korporatsiya. U 1998-yilda Citicorp va Travelers Group kompaniyalari birlashuvi natijasida tashkil etilgan. Uning bosh ofisi Nyu-York shahrida joylashgan. Aktivlar hajmi bo‘yicha AQSHda uchinchi o‘rinda turadi va mamlakatdagi «katta to‘rtlik» banklaridan biri hisoblanadi.

O‘zbekiston valyuta birjasi (UZCE) ma’lumotlariga ko‘ra, 26-iyun kuni dollar kursi 54,63 so‘mga yuqorilab, 12 586,41 so‘m qilib belgilandi.

 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.  24-iyun kuni dollar kursi 12 456,25 so‘mga chiqdi.

Shuningdek, Markaziy bank ma’lumotlariga ko‘ra, yevro 220,70 so‘mga oshib, 14 758,82 so‘mni, rubl esa 0,60 so‘mga...

«Manchester Siti» bosh murabbiyi Pep Gvardiola 19 yoshli yarim himoyachi Klaudio Echeverri jarohat olganini tasdiqladi.

«Uning to‘pig‘ida muammo bor. Tiklanishi uchun 2 yoki 3 hafta kerak bo‘ladi. Barchamiz u uchun afsusdamiz», – dedi Gvardiola.

Echeverri «Al Ayn»ga qarshi o‘yinning 27-daqiqasida gol urgandi. U ikkinchi bo‘lim boshida jarohat sabab maydonni tark etib, uning o‘rniga Fil Foden tushdi.

Bu o‘yin Echeverrining 2025-yilgi klublar o‘rtasidagi Jahon chempionatidagi ilk ishtiroki edi.

Avvalroq Kursiv Uzbekistan Abduqodir Husanov o‘ynagan bahsda jamoasi g‘alaba qozongani haqida xabar bergan edi.

Mercedes-Benz kompaniyasi avtomobil tizimidagi muammolarni aniqladi. Shu sababli, mijozlarga kompensatsiya sifatida masofadan boshqaruv xizmati uchun 30 kunlik bepul foydalanish imkoniyati taqdim etildi. Bu haqda ITHome nashri ma’lum qildi.

Bu taklif 2025-yil 30-sentabrgacha amal qiladi va faqat maqsadli taklif olgan foydalanuvchilar uchun mo‘ljallangan. Foydalanuvchilar xizmatdan bepul foydalanishlari mumkin.

Avvalroq 12-iyun kuni bir nechta Mercedes-Benz egalari ijtimoiy tarmoqlarda avtomobil kompyuterlarining ishdan chiqqani haqida shikoyat qilishgan edi. Ushbu dasturiy halokat MBux 3.0 tizimidan foydalanadigan C-Class, E-Class, S-Class hamda EQ seriyali modellarni qamrab olgan.

Muammo natijasida xarita navigatsiyasi, musiqa tizimi, CarPlay, orqa ekran va hatto avtomagnitafon funksiyalari ishlamay qolgan.

Kompaniya bu noqulayliklar uchun...

Kia kompaniyasi Yevropa bozori uchun mo‘ljallangan yangi Kia Sportage gibrid krossoverining narxlarini ma’lum qildi. Bu haqda 32cars xabar bermoqda.

Boshlang‘ich ComfortLine komplektatsiyasi 42,7 ming yevrodan boshlanadi. Bu avvalgi DynamicLine versiyasidan 1700 yevroga arzon. DynamicLine esa endi 45,7 ming yevro turadi.

Shuningdek, DynamicPlusLine – 48 ming yevro, GT-Line – 49 ming yevro, eng yuqori GT-PlusLine esa 52 ming yevro turadi.

Mashinaning umumiy quvvati 239 ot kuchiga yetkazildi. Bu avvalgidan 29 ot kuchiga ko‘p. 0 dan 100 km/soatgacha tezlanish 7,9 soniyani tashkil qiladi. Endi u 1510 kg gacha tirkama torta oladi.

ComfortLine versiyasi 12,3 dyuymli multimedia ekrani, adaptiv kruiz-kontrol, ikki...

2025-yilning may oyida O‘zbekiston hududlarida ishbilarmonlik faolligi barcha asosiy ko‘rsatkichlar bo‘yicha barqaror o‘sishni ko‘rsatdi. Bu haqda Iqtisodiy tadqiqotlar va islohotlar markazi (ITIM) xabar berdi.

Soliq tushumlari o‘tgan yilning shu davriga nisbatan 18 foizga oshdi. May oyida soliq to‘lovlarining o‘sishi bo‘yicha Toshkent shahri, shuningdek, Toshkent, Sirdaryo va Namangan viloyatlari yetakchi bo‘ldi.

Ish haqi va aholi bandligini oshirish hisobiga daromad solig‘i to‘lovlari o‘rtacha 17,1 foizga oshdi. Mol-mulk solig‘i bo‘yicha tushumlar 18,7 foizga, yer solig‘i tushumlari esa 17,2 foizga o‘sdi.

Xalqaro savdo hajmining o‘sishi fonida bojxona tushumlari o‘tgan yilning shu davriga nisbatan 14,3 foizga yuqoriladi. Eng yaxshi natijalarni Sirdaryo viloyati va Qoraqalpog‘iston...

Toshkent shahridagi 11 ta avtobus yo‘nalishi vaqtincha o‘zgartirildi. Bu haqda Тоshkent shahar transport bosh boshqarmasi xabar berdi.

25-iyun kunidan Yashnobod tumanidagi Ohangaron yo‘lining Qorasuv ko‘chasidan Birlashgan ko‘chasigacha bo‘lgan bir tomonlama qismi ta’mirlash ishlari sababli vaqtincha yopiladi.

Shu munosabat bilan quyidagi avtobus yo‘nalishlarining harakat yo‘nalishi vaqtincha o‘zgartirildi:

Shuningdek, Amir Temur va Bog‘ishamol ko‘chalari kesishmasida olib borilayotgan ta’mirlash ishlari tufayli quyidagi avtobus yo‘nalishlari qatnov yo‘li vaqtincha o‘zgartirildi.

O‘zbekistonda Bolt platformasi ishga tushirish muhokama qilindi. Bu haqda Ekologiya vazirligi xabar berdi.

Turizm qo‘mitasi raisi Umid Shadiyev Londonda Bolt kompaniyasining Hamkor bozorlar bo‘yicha global direktori Gert-Yan Kistemaker bilan uchrashdi.

Platforma taksi, oziq-ovqat va yuk yetkazib berish, shuningdek, elektrosamokatlar xizmatlarini o‘z ichiga oladi.

Tomonlar dastlab Bolt xizmatlarini O‘zbekistonning yirik shaharlaridan birida pilot loyiha sifatida joriy etish va keyinchalik uni boshqa hududlarga kengaytirish bo‘yicha qiziqish bildirdilar.

Ma’lumot uchun, Bolt – Yevropaning eng yirik super ilovalaridan biri bo‘lib, 50 dan ortiq mamlakatlarda (600 dan ziyod shahar) 200 milliondan ortiq mijozlarga xizmat ko‘rsatadi.

Avvalroq «Kursiv» nashri Bolt Oʻzbekiston bozoriga kirish...

Xitoyda Apple kompaniyasi davlat subsidiya dasturiga qo‘shildi. Natijada kompaniyaning bir nechta mahsulotlarini xarid qilganlar chegirma oladi. Bu haqda iPhones.ru nashri xabar berdi.

Endi Pekin va Shanxay shaharlarining aholisi Apple’ning ayrim qurilmalari – iPhone, iPad, Apple Watch hamda MacBook’ni xarid qilganda, 2000 yuangacha (taxminan $278) chegirmaga ega bo‘lishlari mumkin.

Shanxayda bu imtiyoz faqat sakkizta rasmiy Apple do‘konida amal qiladi, Pekinda esa subsidiya Apple’ning rasmiy onlayn do‘koni orqali beriladi, mahsulot esa mahalliy manzilga yetkazib beriladi.

Chegirmalar mahsulot narxiga qarab belgilanadi. Qiymati 6000 yuangacha bo‘lgan qurilmalarga 500 yuangacha, ba’zi Mac modellariga esa 2000 yuangacha chegirma qo‘llaniladi. Bu dastur Apple’ning Xitoy bozoridagi...

Har bir qismini qo‘lda almashtirish mumkin bo‘lgan, besh yillik kafolatga ega smartfon taqdim etildi. Fairphone kompaniyasi ekologik tozaligi va ta’mirlashga yaroqliligi bilan mashhur bo‘lgan smartfonining oltinchi avlodini oldindan sotuvga qo‘ydi.

Ushbu qurilma modulli tuzilmasini saqlab qolgan bo‘lib, ekran, batareya, USB-C porti kabi 12 ta komponentni oddiy buragich yordamida almashtirish mumkin.

Smartfon qayta ishlangan materiallardan tayyorlangan, Gorilla Glass 7i bilan himoyalangan, IP55 namlik va changdan himoya darajasiga ega va yerga tushib ketganda sinmaslik ehtimoli yuqori.

Fairphone 6 quyidagi texnik xususiyatlarga ega:

Samsung kompaniyasi yangi Samsung Galaxy Jump 4 Business smartfonini namoyish qildi. Bu haqda Gizmochina xabar bermoqda.

Qurilma 6,7 dyuymli Super AMOLED ekran bilan jihozlangan. Ekran yangilanish tezligi – 120 Gts, yorqinligi esa – 1000 nit.

Smartfon Exynos 1380 protsessorida ishlaydi. Unda 6 GB tezkor va 128 GB ichki xotira mavjud. Xotirani microSD karta orqali 2 TB gacha kengaytirish mumkin.

Galaxy Jump 4 Android 15 va One UI 7 tizimida ishlaydi. Qurilma 2031 yilgacha yangilanishlarni oladi.

Orqa kameralar uchta: 12 MP asosiy, 8 MP ultra-keng va 2 MP makro. Old kamera – 13 MP. Video 4K formatda 30 FPSda...

Toshkentdagi istirohat bog‘ida baliqni qo‘li bilan hovuzdan ushlab olgan yigit unga e’tiroz bildirgan ayolni haqorat qilgani yuzasidan javobgarlikka tortildi.

Ichki ishlar organlari ma’lumotiga ko‘ra, hodisa 23-iyun kuni taxminan soat 22:00 da Mirzo Ulug‘bek tumanidagi istirohat bog‘laridan birida yuz bergan.

2003-yilda tug‘ilgan fuqaro hovuzdagi baliqni qo‘li bilan tutib olgan. Uning bu harakatiga 2000-yilda tug‘ilgan ayol norozilik bildirgan va baliqni suvga qaytarishni so‘ragan. Biroq 22 yoshli yigit ayolga nisbatan jamoat joyida uyatsiz so‘zlar bilan javob qaytargan.

Mazkur holat yuzasidan unga nisbatan «Mayda bezorilik» bo‘yicha bayonnoma rasmiylashtirildi.

Avvalroq Kursiv Uzbekistan Toshkentda fuqaro Nil timsohini noqonuniy saqlayotgani aniqlangani haqida yozgandi.

Mercedes «raketa» tezligiga o‘xshash yangi elektromobilini taqdim etdi. Bu haqda kompaniya rasmiy sahifasida ma’lum qildi.

Uchinchi avlod axial-flux motorlar umumiy 1 340 ot kuchi (985,5 kVt)ga ega va 220 mil/soat (354 km/soat) maksimal tezlikka erisha oladi.

Yangi axial-flux motorlar oddiy motorlarga qaraganda kichikroq, yengilroq va samaraliroq ishlash uchun yaratilgan. Hozirgi ko‘pchilik elektromobillarda radial-flux dizayni qo‘llaniladi – unda trubasimon stator motor miliga perpendikulyar tarzda aylanadi. AMG’ning axial-flux motorlarida esa disk shaklidagi stator milga parallel tarzda aylanadi. Bunday dizayn natijasida motor oddiy dizaynli motorlarga qaraganda 67% kichikroq va yengilroq bo‘ladi. Bu esa 3 barobar yuqori quvvat zichligi va 2 barobar...

Vivo kompaniyasi yangi bukiluvchi flagman smartfoni – Vivo X Fold 5 modelini taqdim etdi. Bu haqda kompaniya rasmiy saytida ma’lum qildi.

Qurilma yuqori texnik ko‘rsatkichlari, yupqa korpusi va noodatiy funksiyasi Apple Watch’ni qo‘llab-quvvatlashi bilan ajralib turadi.

Qurilmaning asosiy xususiyatlari quyidagicha:

Ijtimoiy tarmoqlardagi O‘zbekistonda pensiya yoshini oshirish rejalashtirilayotgani haqida xabarlar rad etildi. Bu haqda Pensiya jamg‘armasi rasmiy bayonot berdi.

«Bugungi kunda O‘zbekistonda pensiya yoshini oshirish bo‘yicha hech qanday yakuniy qaror qabul qilinmagan», – deyiladi xabarda.

Jamg‘arma ma’lumotiga ko‘ra, pensiya tizimini isloh qilish doirasida xalqaro ekspertlar tomonidan berilgan takliflar ayni paytda O‘zbekiston sharoitiga mosligi, aholining turmush darajasiga ta’siri va iqtisodiy oqibatlari nuqtai nazaridan tahlil qilinmoqda.

Pensiya tizimiga oid istalgan o‘zgarish, jumladan, pensiya yoshi bilan bog‘liq masalalar keng jamoatchilik muhokamasi asosida, xalq fikri va manfaatlarini inobatga olgan holda, bosqichma-bosqich amalga oshiriladi.

Avvalroq «Kursiv» nashri O‘zbekistonda pensiya oluvchilar...

Tinch okeanida Xitoydan Meksikaga 3048 ta avtomobil olib ketayotgan Morning Midas kemasi cho‘kib ketdi. Bu haqda Marinelog nashri xabar berdi.

Kema 23-iyun kuni Alyaska sohillaridan taxminan 770 km uzoqlikda, 5 ming metr chuqurlikka cho‘kdi.

Kemaning cho‘kishiga unda yuz bergan yong‘in sabab bo‘lgan. Bunga kemaning korpusi shikastlanishi va keyinchalik yomon ob-havo sharoiti sabab bo‘lgan bo‘lishi mumkin.

Kemani boshqaruvchi xalqaro kompaniya Zodiac Maritime ma’lumotiga ko‘ra, bortda 3 mingga yaqin avtomobillar bo‘lgan, ulardan 70 tasi elektromobil, 681 tasi esa gibrid modellardir. Bortdagi 22 kishilik ekipaj a’zolari omon qoldi va zudlik bilan evakuatsiya qilindi.

Yong‘in qaysi avtomobildan boshlanganiga oid aniq ma’lumotlar yo‘q. Biroq...

Shavkat Mirziyoyev 26–27-iyun kunlari Belarus Respublikasi prezidenti Aleksandr Lukashenkoning taklifiga binoan amaliy tashrif bilan Minsk shahriga boradi. Bu haqda prezident matbuot xizmati xabar bermoqda.

Tashrif doirasida O‘zbekiston yetakchisi Oliy Yevroosiyo iqtisodiy kengashining navbatdagi yig‘ilishida kuzatuvchi davlat rahbari sifatida ishtirok etadi.

Sammit kun tartibidan tashkilot doirasidagi ko‘p tomonlama hamkorlikni kengaytirish masalalari o‘rin olgan bo‘lib, unda amaliy hamkorlikning ustuvor yo‘nalishlari muhokama qilinadi.

Eslatib o‘tamiz, Kursiv Uzbekistan nashri Mirziyoyev Mo‘g‘ulistonga tashrifi haqida yozgan edi.

WhatsApp foydalanuvchilarga chatlardagi o‘qilmagan xabarlarni sun’iy intellekt yordamida tezda umumlashtirib olish imkonini beruvchi yangi funksiyani ishga tushirdi.

«Xabarlar xulosasi» deb nomlangan ushbu imkoniyat yordamida foydalanuvchilar chatdagi o‘qilmagan xabarlar ustiga bosish orqali ularning qisqacha mazmunini ko‘rishlari mumkin.

Funksiya Meta AI texnologiyasiga asoslangan bo‘lib, xabarlarni maxfiy va tez tarzda umumlashtiradi. Kompaniyaning ta’kidlashicha, bu jarayonda Meta, WhatsApp yoki uchinchi tomonlar xabarlarga kira olmaydi. Hatto suhbatdoshlaringiz ham sizning xulosa matningizni ko‘ra olmaydi.

Yangi imkoniyat sukut bo‘yicha o‘chirilgan holatda bo‘ladi. Foydalanuvchi xohishiga ko‘ra uni «Kengaytirilgan chatlar maxfiyligi» sozlamasi orqali faollashtirishi mumkin.

Hozircha funksiya AQShdagi foydalanuvchilar uchun ingliz tilida ishga tushirilgan. WhatsApp 2025-yil oxiriga qadar...

Huawei kompaniyasi bir necha hafta oldin Xitoyda taqdim etgan Huawei Pura 80 smartfonlar seriyasini tez orada xalqaro bozorga olib chiqadi. Bu haqda kompaniya ma’lum qildi.

Seriyaga to‘rt model kiradi: Pura 80, Pura 80 Pro, Pura 80 Pro+ va Pura 80 Ultra. Kompaniya barcha modellar jahon bozoriga chiqadimi, degan savolga hozircha aniq javob bermagan. Biroq Pura 80 Ultra modeli aniq taqdim etiladi, chunki aynan shu qurilma 10-iyul tadbirining reklamasida aks etgan.

Pura 80 seriyasi hozircha Yevropa Ittifoqi mamlakatlarida reklama qilinmayapti.

Reklamalar asosan Lotin Amerikasi, Afrika va Osiyo saytlarida paydo bo‘lgan. Bu esa seriya hozircha Yevropada sotuvga chiqmasligini anglatishi mumkin.

Pura...

Davlat budjeti hisobidan imtiyozli toifadagi fuqarolarga ko‘rsatiladigan tibbiy xizmatlar narxi optimallashtirildi. Bu haqda Raqobat qo‘mitasi ma’lum qildi.

Unga ko‘ra, 2023–2024-yillar davomida maxsus tibbiyot markazlari tomonidan taqdim etilgan xizmat narxlari tahlil qilinib, ayrim ortiqcha xarajatlar qisqartirildi. Natijada xizmatlarning bazaviy narxi o‘rtacha 5 – 20 foizgacha pasaytirildi.

2023-yilda ushbu o‘zgarishlar hisobiga 60 milliard so‘m tejaldi. Qo‘shimcha 5 ming bemorga yordam ko‘rsatildi. 2024-yilda esa 80 milliard so‘m iqtisod qilinib, yana 6 mingga yaqin bemor davolanish imkoniga ega bo‘ldi.

Ma’lumot uchun, prezident 2024-yil 5-sentabrdagi qaroriga ko‘ra, sog‘liqni saqlash sohasidagi narxlar va kasalliklar ro‘yxati tegishli vazirlik hamda tashkilotlar bilan kelishilgan holda yangilanmoqda.

Avvalroq Kursiv...

Xiaomi kompaniyasi o‘tgan yilgi Xiaomi 14T seriyasining davomchisi sifatida Xiaomi 15T va 15T Pro smartfonlari ustida ish olib bormoqda. Bu haqda Gizmochina ma’lum qildi.

Xabarlarga ko‘ra, Pro versiya 50 megapikselli OmniVision OVX9100 asosiy kamera va 50 megapikselli Samsung JN5 telefoto kamerasi bilan jihozlanadi. Ushbu kameralar Xiaomi 15 modelida ham mavjud. Ularga 13 megapikselli ultrakeng burchakli OV13B sensorli modul hamrohlik qiladi. Selfi uchun esa Samsung S5KKDS oldi kamera ishlatiladi.

Kutilishicha, Xiaomi 15T Pro 5500 mA/soat sig‘imli akkumulyator va 90 vattli tez zaryadlashni qo‘llab-quvvatlaydi. Oddiy 15T modeli ham ayni sig‘imdagi batareyaga ega bo‘ladi, biroq uning tez zaryadlash imkoniyati 67 vatt bilan...

Toshkentda qurilish ishlari vaqtida ming yildan oshiq tarixga ega «Xonobodtepa» arxeologik yodgorligiga zarar yetkazildi. Bu haqda Bosh prokuratura xabar berdi.

Kanalizatsiya yotqizish bilan shug‘ullangan kompaniya 257 metr uzunlikdagi quvurni to‘g‘ridan to‘g‘ri yodgorlik hududidan o‘tkazgan. Natijada deyarli 1000 kub metr yer buzilib, 27 mlrd so‘mlik zarar yetkazilgan.

Bundan tashqari, ekskavator yordamida yana 160 kub metr yer qazilgan bo‘lib, bu esa qo‘shimcha 4,5 mlrd so‘mlik zarar keltirgan.

Mazkur holat yuzasidan jinoyat ishi qo‘zg‘atilgan. Aybdorlar 7 yilgacha ozodlikdan mahrum etilishi mumkin.

Avvalroq Kursiv Uzbekistan Samarqanddagi ko‘chalardan biriga Rim nomi berilgani haqida yozgandi.