Yangiliklar

O‘zbekistonda 5 grammli oltin quyma narxi ilk bor 9,717 mln so‘mni tashkil etdi. Markaziy bank 22-yanvar Toshkent vaqti bilan soat 09:26 holatiga oltin quymalarini sotish va sotib olish narxlarini e’lon qildi.

Xususan, 5 grammli oltin quymaning narxi 9,474 mln so‘mdan 9,717 mln so‘mga oshdi. Uni qaytarib sotib olish narxi esa qadog‘i but holatda 9,106 mln so‘mdan 9,340 mln so‘mga, talablarga mos kelmaydigan holatda 9,014 mln so‘mdan 9,245 mln so‘mga ko‘tarildi.

Quyida oltin quymalarining grammlariga nisbatan sotish va sotib olish narxlari keltirilgan:

Shu bilan birga, Markaziy bank xalqaro qimmatbaho metallar bozori konyunkturasidan kelib chiqib, narxlar kun davomida qayta ko‘rib chiqilishi...

2025-yil Samsung kompaniyasi uchun Hindistonda yomon o‘tgan yildan biri bo‘ldi. Omdia tahlilchilari ma’lumotlariga ko‘ra, kompaniya Hindistonda smartfonlar sotuvining eng yirik yetkazib beruvchisi maqomini yo‘qotdi va birinchi o‘rinni Vivo egalladi.

Vivo 2025-yilda 32 million smartfon sotdi, bu o‘tgan yildagiga nisbatan 19% ga ortdi. Samsung ikkinchi o‘rinda qolib, 23 million qurilma yetkazib berdi (o‘tgan yilda bu raqam 25,7 million edi), sotuvlar 11% ga pasaygan. Oppo uchinchi o‘rinni egalladi va 10% ga oshgan holda 20 million qurilma sotdi.

Xiaomi to‘rtinchi o‘rinda bo‘lib, barcha brendlar orasida eng katta pasayishni ko‘rsatdi. 2024-yilda Xiaomi Hindistonga 26,6 million smartfon yetkazib bergan edi, 2025-yilda bu raqam...

Pokistonning Karachi shahrida joylashgan savdo markazida yuz bergan yong‘in qurbonlari soni 50 nafarga yetdi. Bu haqda Reuters agentligi ma’lum qildi.

21-yanvar kuni yong‘in o‘chirish xizmati xodimlari savdo markazining qulagan qoldiqlaridan 25 kishining jasadini topdi. Bu bilan halok bo‘lganlar soni taxminan 50 kishiga yetdi. Yong‘in shanba kechasi boshlanib, markazning 1,2 mingdan ortiq do‘konlarini qamrab olgan.

Qutqaruv xizmatining ma’lumotlariga ko‘ra, jami 84 kishi yo‘qolgan. Politsiya xabariga ko‘ra, yo‘qolganlarning aksariyati halok bo‘lgan deb taxmin qilinmoqda, shuning uchun qurbonlar soni yanada oshishi mumkin.

Ma’lumot uchun, 2012-yilda ham Karachi shahridagi sanoat obyektida kuchli yong‘in sodir bo‘lgan. O‘sha vaqtdagi yong‘in 260 dan ortiq kishilarning...

Toshkent viloyatida joylashgan qadoqlash mahsulotlari ishlab chiqaruvchi korxona 2025-yil sentabr oyidan buyon gaz ta’minotidagi uzilishlar sabab faoliyatini to‘liq yo‘lga qo‘ya olmayapti. Bu haqda 21-yanvar kuni o‘tkazilgan ochiq muloqotda ma’lum qilindi.

Cherry-Pick Production kompaniyasi vakili Jamshid Yo‘ldoshevning aytishicha, korxona meva-sabzavot mahsulotlari uchun zamonaviy qadoqlash ishlab chiqarish loyihasiga jalb qilingan. Qurilish ishlari yakunlangan, bino va uskunalar tayyor holatda bo‘lsa-da, gaz ta’minotidagi muammolar tufayli ishlab chiqarish boshlanmagan.

Masala muhokamasi davomida bosh vazir o‘rinbosari Jamshid Xo‘jayev Energetika vaziri o‘rinbosari Umid Mamadinovga vaziyatni zudlik bilan o‘rganish va korxonaga amaliy yordam ko‘rsatishni topshirdi. U qadoqlash ishlab chiqaruvchilariga gaz berishga rasmiy taqiq yo‘qligini ta’kidlab, masalaga yuzaki...

Ijtimoiy tarmoqlarda noma’lum shaxsning o‘zga xonadon eshigini sababsiz taqillatib, aholi tinchligini buzayotgani aks etgan video tarqaldi. Mazkur holat yuzasidan poytaxt IIBB rasmiy izoh berdi.

Aniqlanishicha, voqea joriy yilning 20-yanvar kuni soat 00:15 atrofida Toshkent shahrining Yunusobod tumani, 11-mavzeda joylashgan ko‘p qavatli uylarning birida sodir bo‘lgan. 1995-yilda tug‘ilgan erkak mast holatda bo‘lgan holda ushbu uyda yashovchi 1974-yilda tug‘ilgan fuqaroning xonadoni eshigini tortib, qo‘ng‘iroqni bir necha bor chalgani natijasida fuqarolarning tinchligini buzgan.

Holat yuzasidan Yunusobod tumani Ichki ishlar organlari tomonidan tergovga qadar tekshiruv harakatlari olib borilmoqda. Tekshiruv yakunlariga ko‘ra, amaldagi qonunchilik doirasida tegishli huquqiy baho berilishi va qonuniy qaror qabul qilinishi...

Endi mobil ilovalarda foydalanuvchilar o‘z akkauntlariga bank kartalari yoki hisobvaraqlarini biriktirishdan oldin biometrik identifikatsiyadan o‘tishi shart bo‘ladi. Bu haqda Adliya vazirligi ma’lum qildi.

Unga ko‘ra, mobil ilovada ro‘yxatdan o‘tgan foydalanuvchi akkauntiga faqat o‘ziga yoki yaqin qarindoshlariga tegishli bo‘lgan bank hisobvaraqlari, bank kartalari va elektron hamyonlarni biriktirishi hamda ushbu akkaunt orqali P2P o‘tkazmalarni amalga oshirishi mumkin. Foydalanuvchining telefon raqami va JShShIR mosligi tekshiriladi. Moslik aniqlanmasa, mobil ilovada ro‘yxatdan o‘tkazish va bank kartasini biriktirishga yo‘l qo‘yilmaydi.

Kredit va to‘lov tashkilotlari foydalanuvchilarni biometrik identifikatsiyadan o‘tkazishda hayotiylik omillarini aniqlashi shart bo‘lib, fotosurat orqali identifikatsiya qilishga ruxsat berilmaydi. Telefon raqamiga yuborilgan bir martalik...

O‘zbekiston Respublikasi prezidenti Shavkat Mirziyoyev amaliy tashrif bilan Shveysariyaning Syurix shahriga yetib keldi. Bu haqda davlat rahbari matbuot xizmati ma’lum qildi.

Syurix xalqaro aeroportida Mirziyoyevni Birlashgan savdo-sanoat palatasi rahbari Dorit Probst kutib oldi.

Tashrif doirasida 22-yanvar kuni Davos shahrida prezident AQSh davlat yetakchisi Donald Tramp tashabbusi bilan tashkil etilayotgan Tinchlik kengashi nizomini imzolash marosimida ishtirok etishi hamda qator ikki tomonlama uchrashuvlar o‘tkazishi rejalashtirilgan.

Ma’lumot uchun, Mirziyoyev nomiga Donald Trampdan Yaqin Sharqda tinchlikni mustahkamlash va mojarolarni hal etishga qaratilgan xalqaro tashabbusga qo‘shilish bo‘yicha rasmiy taklif yuborilgan edi. O‘zbekiston esa ushbu xalqaro tuzilma faoliyatiga ta’sischi davlat sifatida...

Samsung Galaxy S26 oilasining yangi flagman smartfonlari oldindan buyurtma va oldi-sotuv sanalari oshkor qilindi. Bu haqda Ice Universe ijtimoiy tarmoqlarda ma’lum qildi.

Unga ko‘ra, Janubiy Koreyada oldindan buyurtmalar taqdimot kunidan keyingi kun, ya’ni 26-fevraldan ochiladi va 4-martgacha davom etadi. Shundan so‘ng oldi-sotuv bosqichi boshlanadi va 5-martdan 10-martgacha davom etadi. Galaxy S26 oilasining ochiq sotuvlari esa 11-mart kuni start oladi.

Oldi-sotuvlar va oldindan buyurtma bosqichlari rasmiy taqdimotdan keyin xaridorlarga yangi flagmanlarni birinchi bo‘lib qo‘lga kiritish imkoniyatini beradi. Keyingi haftalarda Galaxy S26 modellari xususiyatlari, dizayni va narxlari haqidagi qo‘shimcha ma’lumotlar ham tarqalishi kutilmoqda.

Avvalroq Kursiv Uzbekistan Samsung Galaxy S26 Ultra qanday...

O‘zbekistonda yangi Damas 3 avtomobilining to‘liq ma’lumotlari rasmiy e’lon qilindi. Modelning narxi 134 mln so‘mdan boshlanadi.

Chevrolet Damas 2026-yil modeli O‘zbekistonda yangi imkoniyatlar bilan taqdim etildi. Ushbu modelning bir nechta variantlari mavjud bo‘lib, har biri o‘zining texnik jihatlari va narxlari bilan ajralib turadi.

Damas 2026 modelida ikki xil dvigatel hajmi mavjud: 1.2L va 1.5L, maksimal quvvat esa 60 kVt dan 103 o.k.ga qadar. Bu yuqori quvvat avtomobilni nafaqat shahar ichida, balki uzoq yo‘llarda ham qulay va samarali tarzda boshqarish imkonini beradi. Shuningdek, modelning uzunligi 4425 mm, kengligi 1670 mm va balandligi 1860 mm bo‘lib, keng ichki makon va...

22-yanvar sanasi aviatsiya tarixidagi inqilobiy o‘zgarishlar, texnologiya olamidagi mashhur taqdimotlar va fan arboblarining tavalludi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1908-yili Boku shahrida mashhur nazariyotchi-fizik, Nobel mukofoti laureati Lev Landau dunyoga keldi. U kvant mexanikasi, qattiq jismlar fizikasi va o‘ta oquvchanlik nazariyasi bo‘yicha fundamental tadqiqotlar olib borgan hamda o‘zining mashhur «Nazariy fizika kursi» darsliklari bilan ilm-fan rivojiga ulkan hissa qo‘shgan.

1919-yilda Kiyevdagi Sofiya maydonida Ukraina tarixidagi muhim voqea – «Zluka akti» (Birlik akti) tantanali ravishda e’lon qilindi. Bu tarixiy hujjat Ukraina xalq respublikasi va G‘arbiy Ukraina xalq respublikasini yagona davlatga birlashtirishni...

Netflix Warner Bros. Discovery’ni sotib oladi, Xitoy va Markaziy Osiyoning savdo aylanmasi 100 milliard dollardan oshdi — 21-yanvarda e’lon qilingan muhim yangiliklar dayjesti Kursiv Uzbekistan materialida.

Toshkentda 40 yildan oshgan 52 mingdan ortiq avtomobil aniqlandi

Toshkent shahrida 40 yildan oshgan 52 mingdan ortiq avtomobil aniqlandi. Bu haqda UzA ma’lum qildi. 2026-yil 1-yanvardan Toshkent shahrida «Ekologik transport» tizimi joriy etiladi. Yangi tizimga muvofiq, ekologik talablarga javob bermaydigan avtotransport vositalarining harakati bosqichma-bosqich cheklanadi.

Rasmiy o‘rganishlar davomida poytaxt hududida ishlab chiqarilganiga 40 yildan oshgan 52 mingdan ortiq avtotransport vositasi mavjudligi aniqlangan. Ushbu avtomobillar tezlashtirilgan tartibda texnik ko‘rikdan o‘tkazilib, ekologik holatiga qarab «yashil...

22-yanvar kuni O‘zbekiston bo‘ylab ob-havo o‘zgaruvchan bo‘ladi, ayrim hududlarda qor yoki yomg‘ir yog‘ishi, ba’zi joylarga tuman tushishi mumkin. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Avvalroq onlayn kredit olishda firibgarlikka uchraganlardan kreditni undirish to‘xtatilishi haqida yozgan edik. Markaziy bank onlayn tarzda o‘tkazilgan matbuot anjumanida yangi nizom bo‘yicha qo‘shimcha ma’lumot berdi.

Ta’kidlanishicha, bundan buyon telefonga keladigan bir martalik tasdiqlovchi kodlarda faqat raqamlar emas, lotin imlosidagi harflar ham bo‘ladi. Kodning amal qilish muddati 59 soniyadan oshmaydi, kod 3 martadan ko‘p noto‘g‘ri kiritilganda foydalanuvchining mobil ilovadagi harakatlari 15 daqiqaga cheklanadi.

Biometrik identifikatsiyadan o‘tkazish jarayonida hayotiylik faktorlari, misol uchun shaxsning yuz ifodasi va boshqa harakatlar chuqur tekshiriladi. Shuningdek, P2P (ya’ni bir kishidan boshqa odamga) o‘tkazmalari OTP kod bilan amalga oshirilishi majburiy qilib belgilandi. Turli veb-saytlar orqali P2P o‘tkazmalarini...

Kursiv Uzbekistan 21-yanvar kuni xorijda va O‘zbekistonda kameralar nazariga ilingan fotosuratlarni bir joyga jamladi.

Shveytsariyaning Tsyurix shahri. AQSh prezidenti Donald Tramp Davos shahrida bo‘lib o‘tadigan Jahon iqtisodiy forumi yo‘lida Tsyurix aeroportida Air Force One samolyotidan tushmoqda.

Karachi, Pokiston. Qutqaruvchilar Gul Plaza binosida yuz bergan yong‘in oqibatida o‘nlab odamlar halok bo‘lganidan so‘ng vayronalar orasida qidiruv ishlarini olib bormoqda.

Qamishli, Suriya. Kurdiston fuqarolari qurollari bilan to‘planib turibdi, Kurdlar yetakchiligidagi Suriya Demokratik Kuchlari (SDF) esa aholiga qarshilik harakatiga qo‘shilish chaqirig‘ini bildirgan.

Gelida, Ispaniya. Politsiya va o‘t o‘chirish xizmati xodimlari yo‘lovchi poyezdi relslardan chiqib ketgan joyni tekshirmoqda. Kuchli yomg‘ir sababli qulab tushgan to‘sish devori...

Bill Geyts jamg‘armasi va OpenAI Afrika davlatlarida sun’iy intellekt texnologiyalaridan foydalanib sog‘liqni saqlash tizimini yaxshilash maqsadida $50 mln ajratadi. Bu haqda Reuters agentligi ma’lum qildi.

Horizon1000 deb nomlangan loyiha dastlab Ruanda bilan hamkorlikda ishlashni boshlaydi va texnologiyadan eng samarali foydalanish yo‘llarini aniqlashni maqsad qilgan. Loyiha 2028-yilga qadar bir nechta mamlakatlarda 1 mingta birlamchi sog‘liqni saqlash klinikasi va ularning atrofidagi jamoalarga yetib borishni rejalashtirmoqda.

Loyiha ayniqsa homilador ayollar va OIV bemorlariga xizmat sifatini oshirishga qaratiladi. Ularga klinikaga kelishdan oldin maslahat berish va kelganida hujjatlarni kamaytirish, bemor tarixini samarali bog‘lash orqali yordam ko‘rsatadi. Shuningdek, sun’iy intellekt tibbiy xodimlar yukini kamaytirish...

Fransiya hukumati NATO qo‘shinlari mashg‘ulotlarini Grenlandiya hududida o‘tkazishni taklif etdi. Bu haqda CNN axborot agentligi ma’lum qildi.

Bundan oldin Parij Daniya rahbarligida mashg‘ulotlar o‘tkazish uchun o‘z harbiylarini orolga yuborgan edi. Fransiyaning manevrlarni o‘tkazish taklifi AQSh hukumatining Grenlandiya bilan integratsiya qilish haqidagi bayonoti fonida yuz bermoqda.

Vashingtonning orolga qiziqishi NATOdagi amerikalik ittifoqchilar tomonidan salbiy qarshi olindi. Ularning ayrimlari Germaniya, Finlyandiya va Niderlandiya Grenlandiyaga askar yuborgan.

Kutilayotganidek, Grenlandiya masalasi Shveysariyaning Davos shahrida bo‘lib o‘tadigan sammitda milliy xavfsizlik maslahatchilari tomonidan muhokama qilinadi. Hozircha esa noformal uchrashuvda qaysi mamlakatlar ishtirok etishi ma’lum emas.

Ma’lumot uchun, Fransiya dunyoning eng kuchli armiyalari...

Bugun, 21-yanvar kuni AQSh hududida noqonuniy bo‘lib turgan shaxslarni deportatsiya qilish doirasida navbatdagi charter reysi amalga oshirildi. Bu haqda Tashqi ishlar vaziri matbuot kotibi xabar berdi.

Ushbu reys orqali 44 nafar O‘zbekiston fuqarosi Vatanga qaytarildi. Charter reysi AQShning vakolatli hukumat idoralari bilan hamkorlikda tashkil etilgan. Jarayon O‘zbekiston fuqarolarining xavfsiz va belgilangan muddatlarda qaytarilishini ta’minlashga qaratilgan.

Qayd etilishicha, mazkur tadbir O‘zbekiston va AQSh o‘rtasidagi amaliy hamkorlikning yana bir muhim namunasi hisoblanadi. Tomonlar o‘zbekistonliklarning xorijda bo‘lishi davomida ularning qonuniy huquqlari va xavfsizligini ta’minlash masalalariga alohida e’tibor qaratmoqda.

Avvalroq «Kursiv» nashri O‘monda onasi tashlab ketgan bolakay O‘zbekistonga qaytarilgani haqida yozgandi.

Kia kompaniyasi yangi avlod flagman elektr sedani – Kia EV8 nomi ostida ishlab chiqilayotganini ma’lum qildi. Bu haqda Bike-ev nashri xabar berdi.

2027-yilda bozorga chiqishi kutilayotgan model 603 ot kuchiga teng quvvat, 700 – 800 km gacha yurish zaxirasi va kengaytirilgan reallikka asoslangan futuristik salon bilan brend tarixidagi eng texnologik elektromobil bo‘lishi mumkin.

Yangi EV8 Kia’ning halo-car konsepsiyasi doirasida yaratilmoqda. Ya’ni model nafaqat sotuv, balki kompaniyaning dizayn va texnologik salohiyatini namoyish etishga xizmat qiladi. Elektromobil 2025-yil oxirida taqdim etilgan Vision Meta Turismo konseptiga asoslangan bo‘lib, past profilli kuzov, futuristik siluet va aerodinamik shakllarga ega bo‘ladi. Model benzinli Kia Stinger’ning...

Qozog‘iston Madaniyat va axborot vazirligi bolalar va o‘smirlarning ijtimoiy tarmoqlarga kirishini cheklovchi qonun loyihalarini ishlab chiqdi. Yangi qoidalarga ko‘ra, ro‘yxatdan faqat 16 yoshdan oshgan fuqarolar o‘tishi mumkin bo‘ladi.

Qonun loyihalari allaqachon ekspertizadan o‘tgan va jamoatchilik muhokamasiga qo‘yilgan. Vazirliklar bilan birgalikda foydalanuvchilarning yoshini tekshirish tizimlarini yaratish va qoidabuzarliklar uchun javobgarlik choralarini belgilash rejalashtirilmoqda.

Madaniyat va axborot vaziri Aida Balayeva shuningdek, respublikada aholining mediakovonligini oshirish va mustaqil ommaviy axborot vositalarini qo‘llab-quvvatlash rejalashtirilganini qo‘shimcha qildi.

«Ushbu yo‘nalishda tegishli ishlar soha jurnalistikasini rivojlantirish bo‘yicha komissiya va boshqa mexanizmlar orqali olib borilmoqda», – dedi u.

Balayeva ta’kidicha, qonun...

Rossiyada general Igor Kirillovga qarshi uyushtirilgan terakt ijrochisi sifatida ayblangan O‘zbekiston fuqarosi Ahmadjon Qurbonov umrbod ozodlikdan mahrum etildi. Bu haqda RBC nashri xabar berdi.

Hukm 2-G‘arbiy okrug harbiy sudi sudyalar hay’ati tomonidan e’lon qilindi, shuningdek, unga 1 mln rubl miqdorida jarima belgilandi.

Sud materiallariga ko‘ra, Qurbonov 2024-yil dekabr oyida general Kirillov yashagan uy oldida portlovchi moslama o‘rnatilgan elektr samokatni qoldirgan. Portlash oqibatida general Igor Kirillov va uning yordamchisi mayor Ilya Polikarpov halok bo‘lgan. Tergov tafsilotiga ko‘ra, terakt masofadan boshqarilgan va jarayon videokuzatuv orqali Ukrainaga uzatilgan.

Ish bo‘yicha yana bir necha shaxslar ham jazoga tortildi. Portlovchi modda yetkazib bergan Robert...

Uzbekistan Airways aviakompaniyasiga tegishli Boeing 767 samolyoti bugun, 21-yanvar kuni Toshkent – Vladivostok yo‘nalishi bo‘yicha parvoz chog‘ida favqulodda qo‘nishni amalga oshirdi. Hodisaga samolyotning birinchi dvigateli ishlamay qolgani sabab bo‘lgan.

Ekipaj qarori bilan havo kemasi Rossiyaning Krasnoyarsk shahri aeroportiga yo‘naltirildi va mahalliy vaqt bilan soat 14:46 da muvaffaqiyatli qo‘ndi. Samolyot bortida jami 122 kishi – 101 nafar yo‘lovchi, 5 nafar ekipaj a’zosi va 16 nafar bortkuzatuvchi bo‘lgan. Hodisa oqibatida hech kim jabrlanmadi.

Favqulodda qo‘nish vaqtida aeroportning barcha xizmatlari to‘liq shay holatga keltirilib, xavfsizlik qoidalariga muvofiq zarur choralar ko‘rildi. Qo‘nishdan so‘ng yo‘lovchilar chegara va bojxona nazoratidan o‘tkazilib, Rossiya Federatsiyasi aviatsiya qoidalariga...

Namangan viloyatining Pop tumanida hokim yordamchisi va Davlat kadastrlar palatasi xodimining noqonuniy harakatlari aniqlandi. Bu haqda DXX ma’lum qildi.

Birinchi holatda tuman hokimi yordamchisi 1988-yilda tug‘ilgan fuqaroga 49 yil muddatga dehqon xo‘jaligi uchun ajratilgan 30 sotix yer maydonini o‘zining mansabdor tanishlari orqali xususiy mulk sifatida rasmiylashtirishga uringan. Shuningdek, u yerning 6 sotix qismida qurilgan uy-joy uchun tegishli kadastr hujjatlarini tayyorlab berish evaziga $2 ming talab qilgan.

Hokim yordamchisi oldindan $1 mingni o‘zining 1990-yilda tug‘ilgan tanishi orqali olgan vaqtida ularning noqonuniy harakatlariga chek qo‘yildi. Shu asosida ushbu shaxsga nisbatan Jinoyat kodeksining 168-moddasi 2-qismi «b» bandi va 28, 211-moddasi 1-qismi...

O‘zbekiston stenddan otish terma jamoasi Osiyo chempionatida bir nechta medallarni qo‘lga kiritdi. Bu haqda Milliy olimpiya qo‘mitasi ma’lum qildi.

Qatar poytaxti Doha shahrida bo‘lib o‘tgan musobaqada sportchilarimiz 1 tadan oltin, kumush va bronza medaliga sazovor bo‘lishdi. Xususan, trap yo‘nalishida yoshlar o‘rtasida oltin medalni qo‘lga kiritgan Ohunjon Abduqodirov jahon rekordini yangilashga muvaffaq bo‘ldi.

Kumush medal trap yo‘nalishida yoshlar o‘rtasida Yaroslava Eshtayevaga nasib etdi. Bronza medal esa trap yo‘nalishida yoshlar jamoaviy bahslarida Ohunjon Abduqodirov, Azamat Qayumov va Shohruh Sadirovga berildi.

Eslatib o‘tamiz, avvalroq shaxmatchimiz Nodirbek Abdusattorov Tata Steel Chess turnirida prinsipial raqibini mag‘lub etgan edi.

Motorola kompaniyasining yangi flagman smartfoni — Motorola Signature nisbatan hamyonbop narxda bo‘lishi kutilmoqda. Bu haqda insayder Sanju Choudhary ma’lum qildi.

Unga ko‘ra, qurilma Hindiston bozorida $655 dan sotuvga chiqariladi. Smartfon 7 mm qalinlik va 186 gramm og‘irlikka ega bo‘lib, Snapdragon 8 Gen 5 protsessori, 5200 mA·soat sig‘imli akkumulyator va 90 vattli tezkor quvvatlash texnologiyasi bilan jihozlangan.

Shuningdek, u IP69 darajasidagi himoyaga ega hamda har biri 50 megapikselli kameralar to‘plami bilan ta’minlangan. Displey juda ingichka ramkalar va egri shisha bilan ajralib turadi. Ko‘rsatilgan narxda qurilma 12/256 GB xotira konfiguratsiyasida taqdim etiladi, bundan tashqari, qimmatroq versiyalari ham bo‘ladi.

Eslatib...