Yangiliklar

AQSh prezidenti Donald Trampning Yaqin Sharq bo‘yicha vakili Stiv Vitkoff Moskvaga tashrif buyurib, Vladimir Putin bilan uchrashishi kutilmoqda. Bu haqda Bloomberg nashri ma’lum qildi.

Manbalarga ko‘ra, bu Vitkoffning Tramp nomidan Rossiyaga amalga oshiradigan ikkinchi safari bo‘lib, u Yaqin Sharqdagi mintaqaviy masalalarni muhokama qilish uchun kelmoqda.

Uning safar rejasiga Saudiya Arabistonida Ukraina rasmiylari bilan uchrashuvlar ham kiradi. Bu uchrashuvlarda AQSh Davlat kotibi Marko Rubio va Milliy xavfsizlik bo‘yicha maslahatchi Mayk Valts ham ishtirok etishi kutilmoqda. Trampning so‘zlariga ko‘ra, AQSh Ukraina va Rossiya bilan «katta uchrashuvlar» o‘tkazishni rejalashtirmoqda.

Uchrashuv tafsilotlari hali rasman tasdiqlanmagan bo‘lsa-da, Trampning atrofidagi siyosiy maslahatchilari uning tashqi siyosat...

Apple iPhone, iPad va Mac uchun eng katta interfeys yangilanishlaridan birini taqdim etishni rejalashtirmorda. Bu haqda Bloomberg loyihaga yaqin odamlarga tayanib xabar bermoqda.

iOS 19, iPadOS 19 va macOS 16ʼga keladigan oʻzgarishlar «piktogrammalar, menyular, ilovalar, oynalar va tizim tugmalari uslubiga» taʼsir qiladi. Kompaniya dasturiy taʼminotni yanada oʻxshash va izchil qilish uchun qurilmalarni boshqarish va nazorat usullarini soddalashtirish ustida ishlamoqda.

Dastur 2020-yilda Big Sur’dan beri Mac uchun, 2013-yilda esa iOS 7’dan beri iPhone uchun eng yirik yangilanish bo‘ladi. Shuningdek, uning qayta dizayni Vision Pro virtual reallik garniturasidan ilhomlangan bo‘lishi mumkinligi taxmin qilinmoqda.

Kompaniya qayta loyihalash pandemiya davrida sezilarli darajada...

Chirchiq shahridagi sobiq texnikum binosi uzoq yillar davomida foydalanilmay, yaroqsiz holga kelgani sababli mazkur bino buzilishi va uning o‘rnida zamonaviy gimnaziya barpo etilishi rejalashtirilgan. Bu haqda shahar hokimligi matbuot xizmati xabar qildi.

Texnikum binosining buzilishi bo‘yicha «Chirchiq Innovatsiya Gimnaziyasi» MChJ Toshkent viloyati hududiy Qurilish va uy-joy kommunal xo‘jaligi sohasida nazorat qilish inspeksiyasiga murojaat qilgan. Shu yilning 16-yanvarida inspeksiya murojaat asosida binoni vizual ko‘rikdan o‘tkazgan va uning avariya holatida ekanligi tasdiqlab, buzilishiga ruxsat bergan.

Ma’lumot uchun, Vazirlar Mahkamasining 2019-yil 4-oktabrdagi 846-sonli qaroriga ko‘ra, ushbu bino madaniy meros obyektlari milliy ro‘yxatiga kiritilmagan. Shu sababli buzish ishlari qonuniy asosda amalga oshirilmoqda.

Avvalroq...

Xitoyning BYD kompaniyasiga tegishli Denza brendining yangi N9 modeli global miqyosda 21-mart kuni taqdim etiladi. Bu haqda CarNewsChina nashri ma’lum qildi.

Mazkur avtomobil 21-fevraldan oldindan buyurtma uchun ochilgan bo‘lib, uning narxi 450-550 ming yuan ($62,5 –76,4 ming) belgilangan. Bundan tashqari, kompaniya cheklangan birinchi ishlab chiqarish uchun ustuvor xarid huquqini taqdim etmoqda. Xaridorlar ikki ming yuan depozit to‘lash orqali o‘z buyurtmalarini kafolatlashlari mumkin.

Dizayn va tashqi ko‘rinish

Denza N9 o‘ziga xos ajratilgan faralar va elektr avtomobillarga xos silliq dizayni bilan ajralib turadi. Uning old qismida ikkita havo oqimi kanallari joylashgan bo‘lib, pastki bamper ikki qavatli ventilyatsiya tizimiga ega. Shuningdek...

Tayvanning Acer kompaniyasi smartfonlar bozoriga yangi qurilmalar bilan qaytishni rejalashtirmoqda. Bu haqda GSM Arena nashri xabar berdi.

Acer brendi asosan kompyuter va noutbuklar ishlab chiqargan. GSM Arena mualliflari esa kompaniya mart oyi oxirida ikkita yangi telefon chiqarishini tasdiqladi.

Ikkala model ham budjet toifasiga mansub boʻlib, 4–6 yil oldin chiqarilgan MediaTek protsessorlari bilan jihozlanadi.

Birinchi qurilma 6,5 dyuymli IPS ekranga, 4 Gb operativ va 64 Gb ichki xotiraga hamda 16 megapikselli kameraga ega. Shuningdek, u 5000 mA/soat sig‘imli akkumulyator va FM radioga ega bo‘ladi.

Ikkinchi model esa 6,74 dyuymli IPS displey, 4 Gb operativ va 64 Gb ichki xotira...

Rus tilini biladigan «B» toifadagi haydovchilik guvohnomasiga ega fuqarolar Slovakiya avtomobil zavodiga kara haydovchiligi boʻyicha ishga taklif qilinmoqda. Bu haqda Migratsiya agentligi maʼlum qildi.

Nomzodlarga Oʻzbekiston va Shengen hududida sudlanmagan, rus tilidan ogʻzaki va yozma bilimga ega, avtokara haydash boʻyicha olti oylik tajribasiga ega boʻlishi va ikki bosqichli imtihonlardan oʻtish talablari qoʻyiladi. Ushbu vakansiya boʻyicha 150 ta boʻsh ish oʻrni mavjud boʻlib yosh chegarasi 18-45 etib belgilangan. Xodimlar uchun 950 yevro maosh, 5 kunlik ish rejimi, tibbiy sugʻurta kafolatlanadi.

Ishchi viza, oʻquv kurslari va transport xarajatlari nomzod tomonidan qoplanadi.

Eslatib oʻtamiz, Kursiv Uzbekiston nashri Oʻzbekiston haydovchilari Rossiyada ishga taklif...

Oliy Majlis Qonunchilik palatasiga deputatlar tomonidan fuqarolik jamiyati institutlari faoliyatini rivojlantirishga qaratilgan qonun loyihasi kiritildi. Bu haqda palata matbuot xizmati ma’lum qildi.

Unga ko‘ra, loyiha davlat organlari mansabdor shaxslarining nodavlat notijorat tashkilotilari (NNT) faoliyatiga noqonuniy aralashuvini cheklash va jamoatchilik nazoratining samaradorligini oshirish bo‘yicha ma’muriy javobgarlik belgilashni nazarda tutadi.

Shuningdek, NNTlarga qo‘llab-quvvatlov kuchaytiriladi: jarimalar kamaytiriladi, davlat subsidiyalari va grantlarini adolatli taqsimlash bo‘yicha yangi tizim joriy etiladi.

Bundan tashqari, NNTlar o‘z mablag‘laridan foydalanish to‘g‘risidagi ma’lumotlarni ommaga e’lon qilib borishlari shart bo‘ladi.

Eslatib o‘tamiz, avvalroq fuqarolik jamiyati tashkilotlari qanday qiyinchiliklarga duch kelayotgani haqida yozgan edik.

Markaziy bank boshqaruvining qaroriga asosan «AVO bank» aksiyadorlik jamiyatining joylashgan yeri (pochta manzili) o‘zgarganligi munosabati bilan unga berilgan bank faoliyatini amalga oshirish huquqini beruvchi litsenziya qayta rasmiylashtirildi. Bu haqda Markaziy bank axborot xizmati ma’lum qildi.

Eslatib o‘tamiz, kompaniya 2023-yilgacha «Oʻzagroeksportbank» nomi ostida faoliyat yuritgan. 2023-yil «Oʻzagroeksportbank» aksiyadorlari yigʻilishida bank nomini AVO bank nomiga oʻzgartirish uchun ovoz berilgan edi.

AVO bank birinchi innovatsion mahsuloti – AVO platinum kredit kartasini taqdim etgan edi. AVO bank Boshqaruv raisi va chakana biznes boʻlimi direktori Igor Kim bu kartada qulaylik, xavfsizlik va zamonaviy texnologiyalar mukammal uygʻunlashganligi, AVO platinum virtual kartasini olish juda oson ekanligi...

Bugun «Paxtakor» Elit Chempionlar Ligasi doirasida «Al Hilol» mehmoni bo‘ladi. Jamoalar o‘rtasidagi bahs 11-martdan 12-martga o‘tar kechasi Toshkent vaqti bilan 01:00 da Ar-Riyoddagi «Kingdom Arena» stadionida bo‘lib o‘tadi.

O‘yindan oldin bo‘lib o‘tgan matbuot anjumanida mehmonlar murabbiyi Pedru Moreyra o‘yin haqida o‘z fikrlarini bildirib o‘tdi:

«Hilol» juda yaxshi futbol namoyish qiladigan va tajribali murabbiy qo‘l ostidagi ajoyib jamoa. Bu mutaxassis musobaqada eng katta tajribaga ega. Biz o‘z o‘yinimizni yaxshilashga urinmoqdamiz. Ijobiy natijaga erishishni istasak, vaziyatlardan foydalanishimiz va raqibga kamroq imkoniyat berishga urinishimiz lozim. Biz bir oilaga aylanib, Chempionlar Ligasida olg‘a qadam bosishga urinyapmiz.

Shuningdek...

Bugun, 11-mart kuni ertalab Moskvada «Kover» dron hujumini qaytarish rejasi taqdim etildi. Natijada Toshkentdan uchgan HY-611 reysi va Urganchdan uchgan HY-9615 reys belgilangan manzilga qo‘na olmadi. Bu haqda «Novosti Tashkentskogo nebo» Telegram kanali xabar berdi.

Samolyot ekipajlari xavfsizlik sababli Moskvadagi Vnukovo aeroportiga qo‘nishdan voz kechib, Sankt-Peterburgga yo‘nalishni o‘zgartirishga majbur bo‘ldi.

Avvalroq Kursiv Uzbekistan Shahrisabz aeroporti 25-martgacha vaqtincha yopilishi haqida xabar bergandi.

Amerikalik tadbirkor Ilon Maskga tegishli Tesla kompaniyasi aksiyalari shu haftaning dushanba kuni 15 foizdan ortiqqa pastladi. Bu haqda Yahoo Finance portali xabar berdi.

Kompaniya aksiyalarining qiymati 2024-yil noyabr oyidagi darajaga qaytdi. O‘sha paytda AQShda prezidentlik saylovlari bo‘lib o‘tgan va ularning natijasida Donald Tramp hokimiyatga kelgandi. Ilon Mask Trampning siyosiy ambitsiyalarini ochiq qo‘llab-quvvatlagan.

Tramp g‘alabasidan so‘ng Tesla aksiyalari o‘sishni boshlagan, natijada 2024-yil dekabr oyida ular 50 foiz qimmatroq bo‘lgan ($479 ga yetgan). Hozir esa aksiyalar bor-yo‘g‘i $222 atrofida baholanmoqda.

Tahlilchilarning fikriga ko‘ra, Tesla aksiyalarining arzonlashishiga bir necha omillar ta’sir qilgan. Birinchidan, Model 3 va Model Y avtomobillariga talab pasayishi tufayli...

Samsung keyingi oy Galaxy S25 Edge smartfonini taqdim etishi kutilmoqda. Bu haqda Gizmochina nashri ma’lum qildi.

Unga ko‘ra, ushbu model 162 g og‘irlik va 5,84 mm qalinlik bilan Samsung’ning eng yupqa premium telefoni bo‘ladi.

S25 Edge 6,65 dyuymli ultra-nozik ramkali displey, Snapdragon 8 Elite chipi va 200MP asosiy kamera bilan jihozlanadi. Biroq unda telefoto kamera yo‘q. 3,900 mAh batareya va 25W tezkor quvvatlash bilan ta’minlanadi.

Narxi S25+ modeli kabi taxminan 999$ bo‘lishi kutilmoqda. Telefon Light Blue, Black va Silver ranglarida chiqadi. Rasmiy taqdimot aprel oyida, savdoga chiqishi esa may oyida bo‘lishi mumkin.

Eslatib o‘tamiz, avvalroq Galaxy S25 seriyasi Janubiy...

2025-yil fevralida Rossiyada foydalanilgan yengil avtomobillar savdosi yanvar oyiga nisbatan 4,5 foizga kamaydi. Bu haqda 32cars.ru nashri ma’lum qildi.

Automarketer ma’lumotlariga ko‘ra, o‘tgan oy mamlakat bo‘ylab 422 mingta eski avtomobil sotilgan. Bu esa yanvar oyidagi 442 mingta natijadan sezilarli darajada past.

Fevral natijalari so‘nggi bir yil ichidagi eng past ko‘rsatkich bo‘ldi. 2024-yil fevral oyida Rossiyada 452 ming dona foydalanilgan avtomobil sotilgani hisobga olinsa, bu yilgi savdo hajmi o‘tgan yilga nisbatan 6,5 foizga tushib ketdi.

Sotilgan avtomobillar ichida Rossiya avtomobillarining ulushi 30 foizdan ortiqni tashkil etib, 127 ming donaga yetdi. Yapon avtomobillari esa 104 ming dona sotilib, bozorning 25 foizini...

Shahrisabz aeroportining uchish-qo‘nish yo‘lagida kapital ta’mirlash ishlari olib borilishi munosabati bilan 13-martdan 25-martgacha vaqtincha yopiladi. Bu haqda Uzbekistan airports xabar berdi.

1983-yildan beri foydalanib kelinayotgan uchish-qo‘nish yo‘lagi xavfsizlikni ta’minlash maqsadida to‘liq yangilanadi. Xususan, 1554 metr uzunlikdagi yo‘lak yuzasi almashtiriladi va mustahkamlanadi. Yurish yo‘lagining ustki qatlami ham ta’mirlanadi.

Qurilish-ta’mirlash ishlarini tanlov natijalariga ko‘ra «Farg‘ona yo‘llardan muntazam foydalanish korxonasi» amalga oshiradi.

Ma’lumot uchun, hozirga qadar Shahrisabz aeroporti haftasiga ikki marta kichik L-410 samolyotlarini qabul qilish imkoniyatiga ega edi. Ta’mirlashdan so‘ng esa aeroport zamonaviy ATR-72 samolyotlarini haftasiga uch martagacha qabul qila oladi.

Avvalroq Kursiv Uzbekistan Toshkent aeroportida uchib ketish zalidagi tahoratxonalar...

Xitoydan tashqarida Jaecoo J7 nomi bilan tanilgan Chery Tiggo 7 Pro Max va Explore 06 krossoverlari tez orada yangi 8 bosqichli avtomat uzatmalar qutisi bilan jihozlanadi. Bu haqda «Kitayskiy avtomobili» nashri xabar berdi.

Ushbu modellar Xitoyda sotuvlar boshlanishiga tayyorgarlikning yakuniy bosqichidan oʻtmoqda. Chery 2022-yil oktabr oyida oʻzining FA840 transmissiyasini ishlab chiqishni boshladi va u 2 litrli dvigatel uchun moʻljallangan.

Chery allaqachon Tiggo 7 Pro Max va Explore 06/Jaecoo J7’ning yangi versiyalarini sertifikatlashni yakunladi. Ikkala mashina ham 186 ot kuchiga ega 1,6 litrli turbo dvigatel bilan jihozlangan.

Modellar 8 pogʻonali avtomat uzatmalar qutisi bilan birlashtirilgan toʻliq gʻildirakli haydovchi tizimiga...

NASA keng ko‘lamli qayta tashkil etish doirasida uchta muhim boshqarmani yopib, 23 xodimni ishdan bo‘shatdi. Bu haqda Space news nashri ma’lum qildi.

Unga ko‘ra, ushbu o‘zgarishlar Donald Tramp ma’muriyatining federal shtatni kamaytirish bo‘yicha farmoniga muvofiq amalga oshirilmoqda.

Tugatilgan boshqarmalar orasida Texnologiyalar, siyosat va strategiya boshqarmasi, Bosh ilmiy xodim boshqarmasi hamda Turli xillik, tenglik va inklyuziya bo‘limi (DEIA) bor. NASA vakillari bu qaror agentlik samaradorligini oshirishga qaratilganini ta’kidlamoqda, biroq ekspertlar ilmiy va strategik faoliyatning sekinlashishi mumkinligidan xavotir bildirmoqda.

To‘liq qisqartirish rejasi OPM bilan kelishilgach, keyinchalik e’lon qilinadi.

Eslatib o‘tamiz, avvalroq NASA’ning bo‘lajak rahbari Marsga parvozlar haqida gapirgan edi.

«Tashabbusli budjet»ning 2025-yilgi 1-mavsumi doirasida ovoz berish jarayoni boshlandi. Bu haqda Iqtisodiyot va moliya vazirligi ma’lum qildi.

Unga ko‘ra, fuqarolar o‘z hududlarini obodonlashtirish va infratuzilmani yaxshilash uchun loyihalarga ovoz berishlari mumkin. Jarayon 20-mart soat 23:59 gacha davom etadi. Ovoz berish «Ochiq budjet» portali, mobil ilova yoki Telegram bot orqali amalga oshirilishi mumkin. Faol ishtirok eting va o‘z hududingizning rivojlanishiga hissa qo‘shing.

Eslatib o‘tamiz, avvalroq «Tashabbusli budjet» loyihasining 2025-yilgi mavsumlari qachon start olishi haqida batafsil yozgan edik.

11-mart kuni O‘zbekiston bo‘ylab havo biroz bulutli bo‘lib, yog‘ingarchilik kutilmaydi. Bu haqda «O‘zgidromet» agentligi ma’lum qildi.

Unda ko‘ra, Toshkent shahrida havo ochiq, harorat kechasi 4-6° iliq, kunduz 15-17° iliq bo‘ladi.

Qoraqalpog‘iston va Xorazmda tun sovuqroq bo‘lib, harorat 3° sovuq-2° iliq oralig‘ida bo‘lsa, kunduz 10-15° iliq bo‘ladi.

Buxoro, Navoiy, Samarqand va Jizzax viloyatlarida ham ob-havo shinam, harorat kunduzi 13-18° iliq atrofida bo‘ladi.

Qashqadaryo va Surxondaryoda kechga tomon biroz yomg‘ir yog‘ishi mumkin, harorat kunduzi 15-20° iliq bo‘lishi kutilmoqda.

Farg‘ona vodiysida havo ochiq, harorat 13-18° iliq bo‘lishi kutilmoqda.

Tog‘li hududlarda esa yog‘ingarchilik ehtimoli bor, qor ko‘chish xavfi...

10-mart kuni Qashqadaryo viloyati, Kasbi tumanida joylashgan yonilgʻi quyish shoxobchasida yongʻin sodir boʻldi. FVV maʼlumotlariga koʻra, «Doʻstlik» mahalla fuqarolar yigʻini hududidagi shoxobcha hovlisida 9 tonnali ikki sigʻim yonib ketgan.

Voqea joyiga qutqaruv xizmatining toʻrtta yongʻin-qutqaruv boʻlinmasi yetib borgan va soat 22:33 ga kelib yongʻin toʻliq bartaraf etilgan.

Hodisa oqibatida ikki fuqaro kuyish tan jarohati olgan, biroq ularning ahvoli hozirda yaxshi.

Rasmiylar yongʻinning sabablarini va yetkazilgan moddiy zarar miqdorini aniqlashtirmoqda.

11-mart, seshanba kuni muborak Ramazon oyining o‘n birinchi kuni bo‘lib, Toshkent shahrida saharlikning tugashi soat 5:24 ni tashkil qiladi. Iftorlik esa 18:28 da boshlanadi.

Quyida O‘zbekistondagi qolgan shaharlardagi vaqtlar quyidagi jadvalda keltirilgan.

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ‘ala rizqika aftartu, fag‘firli, ya G‘offaru, ma qoddamtu vama axxortu.

Eslatib o‘tamiz, avvalroq kimlar ro‘za tutmasligi mumkinligi haqida maqola tayyorlagan edik.  

Kanadaning yangi saylangan Liberal partiya yetakchisi Mark Karni AQSh prezidenti Donald Trampning savdo siyosatini keskin tanqid qildi. Bu haqda Reuters axborot agentligi ma’lum qildi.

Uning so‘zlariga ko‘ra, Tramp Kanadaga asossiz tariflar joriy qilib, mamlakat iqtisodiyotiga zarar yetkazmoqda. Karni Kanada hukumati bunga javob tariqasida AQShga qarshi tariflarni saqlab qolishini va bu choralar Amerika iqtisodiyotiga maksimal ta’sir o‘tkazishini ta’kidladi.

«Amerikaliklar bizning resurslarimiz, suvimiz va yerimizni xohlashadi. Agar ular muvaffaqiyat qozonsa, bizning hayot tarzimiz yo‘q bo‘lib ketadi. Kanada hech qachon, hech qanday shaklda yoki ko‘rinishda Amerikaga qo‘shilmaydi», – dedi Karni.

Ushbu bayonot Karni Trudoning o‘rnini egallaganidan so‘ng...

Istanbul shahridagi Bosh konsulxona Turkiyadagi o‘zbekistonliklarni ogohlantirdi. Bu haqda konsulxona rasmiy sahifasida ma’lum qilindi.

Unga ko‘ra, Turkiya va O‘zbekiston o‘rtasidagi aviaqatnovlar davomida ayrim shaxslar yo‘lovchilardan o‘z yuklarini O‘zbekistonga yetkazib berishni iltimos qilishi mumkin. Ular turli bahonalar bilan, masalan, kasal qarindoshi borligi yoki yukni jo‘natish imkoniyati yo‘qligi kabi sabablarni keltirib, ishonch qozonishga harakat qilishadi. Biroq bunday va’dalarga ishonish xavfli bo‘lib, begona yukni qabul qilish og‘ir jinoiy oqibatlarga olib kelishi mumkin.

Ma’lumot uchun, o‘tgan yillarda bir necha O‘zbekiston fuqarolari shunday vaziyatlarga tushib qolgan va noqonuniy yuklarni, jumladan, narkotik moddalar va soxta hujjatlarni bilmasdan olib o‘tganlari uchun hibsga olingan.

2023-yilda Istanbul aeroportida...

Parij moda haftaligida Valentino modalar uyi kuz-qish 2025 kolleksiyasini noodatiy tarzda taqdim etdi. Bu haqda CNN axborot agentligi ma’lum qildi.

Unga ko‘ra, dizayner Alessandro Michele shou maydonini ommaviy hojatxona ko‘rinishida bezatdi – mehmonlar hojatxona kabinalariga qaragan holda joylashtirildi. Modellar esa ularning ichidan chiqib keldi.

Michele bu g‘oyani «ichki va tashqi chegaralarni yo‘q qiluvchi makon» deb atadi. Bu Valentino’ning an’anaviy nafislikdan yiroq uslub bo‘ldi.

Eslatib o‘tamiz, avvalroq Prada Versace’ni sotib olishi mumkinligi haqida yozgan edik.

O‘zbekiston Bosh konsulxonasi vakillari Rostov-Don shahar Transport departamenti va yirik transport kompaniyalari rahbarlari bilan mehnat migratsiyasi borasida muzokaralar olib bordi. Bu haqda «Dunyo» AA ma’lum qildi.

Unga ko‘ra, Rossiya tomoni shahar transport tizimi va ish sharoitlari haqida ma’lumot berib, avtobus haydovchilarining yetishmovchiligi 40 foizga yetganini ta’kidladi.

Hozirda 100 nafar «D» toifali haydovchini ishga olish rejalashtirilmoqda. Rossiya vakillari o‘zbekistonlik haydovchilarga ijobiy baho berib, ularni bo‘sh ish o‘rinlariga jalb qilishga tayyor ekanini bildirdi. Tomonlar mehnat migratsiyasi sohasida hamkorlikni davom ettirishga kelishib oldilar.

Eslatib o‘tamiz, avvalroq Koreyaning Samsung kemasozlik zavodi oʻzbekistonliklarni ishga taklif qilgan edi.