Yangiliklar

«Konvertda» maosh beruvchi, xufiyona faoliyat yuritayotgan tadbirkorlar ustidan nazorat kuchaytiriladi. Bu haqda prezident Shavkat Mirziyoyev videoselektor yig‘ilishida ma’lum qildi.

Bugun davlat rahbari raisligida xizmat ko‘rsatish sohalarini rivojlantirish bo‘yicha asosiy vazifalar muhokamasi yuzasidan videoselektor yig‘ilishi boshlandi.

Uning so‘zlariga ko‘ra, qurilish, savdo va umumiy ovqatlanish korxonalariga ishchilar bilan qisqa muddatli, soddalashgan (kunbay, ishbay) mehnat shartnomasini tuzishga ruxsat beriladi.

Ikki yil oldin savdo va xizmatlar sohasidagi korxonalarga ijtimoiy soliq 1 foiz qilib belgilandi. O‘tgan davr mobaynida korxonalar soni 1,5 karra oshib, ularda ishchilar soni 220 mingga ko‘paydi.

Muhimi, ko‘plab korxonalar «soya»dan chiqib, ish haqi rasmiy ko‘rsatila boshladi, natijada ish haqi 3,2 karra...

General Motors kompaniyasi 2026-yilgi Chevrolet Corvette ishlab chiqarish sanasini rasman e’lon qildi. Mashhur superkar modelining yangi avlodi 2025-yilning 2-iyunidan konveyerdan chiqishni boshlaydi, buyurtmalar esa 13-apreldan qabul qilinadi. Bu haqda 21cars nashri ma’lum qildi.

2026-yil uchun Chevrolet Corvette to‘rtta variantda ishlab chiqariladi:

AQSh prezidenti Donald Tramp Gaagadagi Xalqaro jinoiy sud (XJS) tomonidan Isroil bosh vaziri Binyamin Netanyaxuni hibsga olish bo‘yicha order chiqarilgani sababli sudga qarshi sanksiyalar kiritish haqida farmon imzoladi. Bu haqda Deutsche Welle ma’lum qildi.

Trampning 6-fevral kuni imzolagan farmoniga ko‘ra, AQSh fuqarolari va ittifoqchilariga qarshi tergov olib borayotgan XJS rasmiylariga moliyaviy cheklovlar qo‘yiladi. Ularga AQSh vizasi taqiqlanadi, shuningdek, ularning oila a’zolari ham ushbu cheklovlarga duch keladi.

Tramp o‘z qarorini XJSning AQSh va Isroilga qarshi noqonuniy harakatlari bilan izohladi. Uning ta’kidlashicha, na AQSh, na Isroil XJS yurisdiktsiyasiga kirmaydi, shuning uchun sudning harakatlari Vashington suverenitetiga tajovuz va milliy xavfsizlikka tahdid soladi.

«O‘zaviatsiya» agentligi Malayziya, Janubiy Koreya va Misr aviakompaniyalariga O‘zbekistonga muntazam parvozlarni amalga oshirishga ruxsat berilganini e’lon qildi.

2025-yil 3-fevral kuni Malayziyaning Air Asia X Berhad aviakompaniyasi Kuala-Lumpur – Toshkent – Kuala-Lumpur yo‘nalishida muntazam qatnovlarni amalga oshirish uchun ruxsatnoma oldi. Ushbu parvozlar O‘zbekiston va Malayziya o‘rtasidagi hukumatlararo havo qatnovi bitimi asosida yo‘lga qo‘yiladi.

Shuningdek, Janubiy Koreyaning T’way Air aviakompaniyasiga Seul – Toshkent – Seul yo‘nalishida muntazam parvozlarni amalga oshirish uchun ruxsat berildi. Bu ham O‘zbekiston va Koreya Respublikasi o‘rtasidagi hukumatlararo kelishuv asosida amalga oshirildi.

Mazkur ikkala aviakompaniya o‘z parvozlarini Airbus A330 samolyotlarida bajarishi belgilangan.

4-fevral kuni esa Misrning Red Sea...

Samsung kompaniyasi o‘zining yangi flagmani Galaxy S25 Ultra bilan tezlik borasida iPhone’dan ustun kelishga muvaffaq bo‘ldi. PhoneBuff kanali ekspertlari tomonidan o‘tkazilgan sinovlar natijasida Galaxy S25 Ultra tezkor ishlash bo‘yicha iPhone 16 Pro Max’ni ortda qoldirgani aniqlandi.

Uzoq yillar davomida Apple va Samsung flagmanlari tezlik bo‘yicha deyarli teng kurash olib bordi. Biroq Snapdragon 8 Elite protsessori bilan jihozlangan Galaxy S25 Ultra ushbu an’anani buzdi va raqobatchisidan oldinga o‘tishga erishdi.

Galaxy S25 Ultra testni 3 daqiqa 7 soniyada yakunladi, iPhone 16 Pro Max esa 3 daqiqa 21 soniyada bajardi. Natijaga ko‘ra, Samsung flagmani 7 foizga tezroq ishladi.

Samsung ko‘p vazifalarni bajarishda...

Chevrolet kompaniyasi Trailblazer 2026 modelini yangiladi va uni 2025-yil bahorida sotuvga chiqarishni rejalashtirmoqda. Yangilangan model 2025-yilgi versiyaning asosiy xususiyatlarini saqlab qolgan holda, bir nechta yangi imkoniyatlarga ega bo‘ladi. Bu haqda speed.ru nashri ma’lum qildi.

General Motors (GM) ma’lumotlariga ko‘ra, Chevrolet Trailblazer 2026 modeli ishlab chiqarilishi 2025-yil 1-apreldan boshlanadi. Dilerlar esa ushbu yangilangan modelga buyurtma berishni 2025-yil 13-fevraldan boshlaydi.

Yangi modelda avvalgi Nitro Yellow Metallic va Crimson Metallic ranglari o‘rniga White Sands va Apex Red ranglari taqdim etiladi.

Chevrolet Trailblazer 2026 ikkita turbo dvigatel bilan ishlab chiqariladi:
🔹 1,2L I3 LBP (137 ot kuchi, 162 Nm) – E85 yonilg‘isini qo‘llab-quvvatlaydi;
🔹 1,3L...

«Hududiy elektr tarmoqlari» AJ va tizim tarkibidagi korxonalarda Komplayens nazorat tuzilmalari tomonidan amalga oshirilgan tadbirlar davomida bir qator yoqilg‘i-energiya resurslarini talon-toroj qilish holatlari aniqlandi. Bu haqda «Hududiy elektr tarmoqlari» AJ ma’lum qildi.

Ushbu tadbirlar ko‘lamida elektr energiyasidan noqonuniy foydalanish holatlarini bartaraf etish va ularga nisbatan zarur choralar ko‘rish maqsadida harakatlar olib borilmoqda.

Joriy yilning yanvar oyida Komplayens nazorat xizmati tomonidan o‘tkazilgan reyd tadbirlari natijasida 17 411,3 mln so‘mlik, ya’ni 10 051 619 ming kVt.soat elektr energiyasidan qonunga xilof ravishda foydalanish holati aniqlandi. Bu qonunbuzarliklar yuzasidan to‘plangan materiallar qayta hisob-kitob qilinib, tegishli hujjatlar huquqni muhofaza qiluvchi organlarga yuborildi.

Eslatib o‘tamiz...

O‘zbekiston Madaniyat va san’atni rivojlantirish jamg‘armasi tomonidan tashkil etilayotgan ilk sammit 2025-yil 4 – 6-aprel kunlari Nukusda bo‘lib o‘tadi. Bu haqda jamg‘arma vakillari Kursiv Uzbekistan nashriga ma’lum qildi.

Unga ko‘ra, har 18 oyda bir marotaba o‘tkaziladigan ushbu tadbir Qoraqalpog‘istonning barqaror rivojlanishi uchun xalqaro va mahalliy rassomlar, olimlar va faollarni jamlab, ekologik va madaniy muammolarga yechim izlashni maqsad qilgan.

Ma’lumot uchun, Orol madaniyat sammiti – Orolbo‘yi mintaqasini san’at, madaniyat, dizayn va ilm-fan orqali ijtimoiy hamda ekologik jihatdan o‘zgartirishga qaratilgan yangi tashabbusdir.

Eslatib o‘tamiz, avvalroq Ozodbek Nazarbekovga «Qirg‘iz Respublikasi xalq artisti» faxriy unvoni taqdim etilgani haqida yozgan edik.

O‘zbekiston bo‘ylab bugun havo biroz bulutli bo‘ladi, yog‘ingarchilik kutilmaydi. Bu haqda «O‘zgidromet» agentligi ma’lum qildi.

Toshkent shahrida shamol sharqdan 3-8 m/s tezlikda esadi, harorat kechasi 2-4° iliq, kunduzi 14-16° iliq bo‘ladi.

Qoraqalpog‘iston Respublikasi va Xorazm viloyatida shamol sharqdan 7-12 m/s tezlikda esadi, ba’zi joylarda 15-20 m/s gacha kuchayishi mumkin, harorat kechasi 2-7° sovuq, kunduzi 2-7° iliq bo‘ladi.

Buxoro va Navoiy viloyatlarida ham shamol kuchayishi kuzatiladi, kechasi 2-7° iliq, kunduzi 14-19° iliq bo‘ladi.

Toshkent, Samarqand, Sirdaryo va Jizzax viloyatlarida ayrim joylarga tuman tushishi mumkin, shamol sharqdan 7-12 m/s tezlikda esadi, kechasi 0-5° iliq, kunduzi 13-18° iliq bo‘ladi...

Qirg‘izistonda familiya va otalik ismini an’anaviy yozish bo‘yicha qonun loyihasi ma’qullandi. Bu haqda Qirg‘iziston parlamenti matbuot xizmati ma’lum qildi.

Qonun loyihasi tashabbuskorlari hujjat mamlakatning an’ana va madaniy xususiyatlariga mos ravishda familiya tanlash imkoniyatlarini kengaytirishini ta’kidladilar. Shu bilan birga, ushbu o‘zgarishlar -ov, -ev, -vich, -vna va shunga o‘xshash qo‘shimchalar bilan yozilgan familiyalarning huquqiy maqomi va yozilish tartibiga ta’sir qilmaydi.

Qonun loyihasida an’anaviy familiyalarni shakllantirishning uchta varianti taklif etilgan. Birinchi variantga ko‘ra, familiya sifatida boboning ismi qo‘shimchasiz olinadi, otaning ismi esa bolaning jinsiga qarab «uulu» yoki «qizi» qo‘shimchasi bilan yoziladi.

Ikkinchi variantda boboning ismi -tegi qo‘shimchasi bilan yoziladi, otaning ismi esa...

Toshkentda O‘zbekiston Adliya vaziri Akbar Toshqulov va Shveysariyaning O‘zbekistondagi elchisi Konstantin Obolenskiy «Musodara qilingan aktivlarni taqsimlash to‘g‘risidagi bitim»ni imzoladi. Bu haqda O‘zA ma’lum qildi.

Unga ko‘ra, ushbu kelishuv doirasida O‘zbekistonga $182 mln qaytarilishi belgilandi.

Bu mablag‘lar 2012-yilda Shveysariya Bosh prokuraturasi tomonidan G. Karimovaga nisbatan qo‘zg‘atilgan ish doirasida musodara qilingan. Ular BMTning «Uzbekistan Vision 2030 Fondi» orqali mamlakatga qaytarilib, sog‘liqni saqlash va ta’lim sohalariga yo‘naltiriladi.

Avvalroq, 2022-yil avgustda imzolangan birinchi bitim doirasida $131 mln O‘zbekistonga qaytarilishi belgilangan edi. Yangi bitim bilan jami qaytariladigan mablag‘ miqdori $313 mlnga yetdi.

Eslatib o‘tamiz, avvalroq kripto aktivlar faoliyatini litsenziyalash narxlari belgilangan edi.

Shavkat Mirziyoyev kimyo sanoatida 2025-yilgi rejalar muhokamasiga bag‘ishlangan yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda sohada erishilgan natijalar bilan birga, haligacha dolzarb bo‘lib qolayotgan muammolar ham ko‘rib chiqildi.

Davlat rahbari kimyo sanoatini rivojlantirish uchun mavjud imkoniyatlardan to‘liq foydalanish zarurligini ta’kidladi. Jumladan, ilg‘or texnologiyalarni keng joriy etish, mahsulotlarning qo‘shilgan qiymatini oshirish va yuqori texnologiyali investitsiya loyihalarini ko‘paytirish muhimligi qayd etildi.

Hukumatga tarmoqdagi muammolarni tezkor hal etish bo‘yicha aniq vazifalar yuklatildi. Shuningdek, korxonalarni raqamlashtirish, energiya samaradorligini oshirish va tannarxni kamaytirish bo‘yicha qat’iy topshiriqlar berildi.

Eslatib o‘tamiz, avvalroq Shavkat Mirziyoyev rahbarligida mamlakatimiz mudofaa qobiliyatini mustahkamlash masalalariga...

2024-yilda Uzum milliy raqamli ekotizimi O‘zbekiston byudjetiga 1,2 trln so‘m miqdorida soliq to‘lagan. Bu haqda kompaniyaning matbuot xizmati Kursiv Uzbekistan nashriga ma’lum qildi.

Unga ko‘ra, yil davomida Uzum tomonidan to‘langan soliqlar hajmi 28% ga oshdi. Kompaniya xususiy sektorning eng yirik soliq to‘lovchilari ro‘yxatida ikkinchi o‘rinni egalladi.

2024-yil oxiriga kelib, Uzum marketpleysi va boshqa xizmatlaridan har uchinchi o‘zbekistonlik foydalangan. Shuningdek, kompaniya xodimlari soni 3 ming kishiga ko‘paydi.

Uzum asoschisi va bosh direktori Jasur Jumayev kompaniyaning kichik va o‘rta biznesni qo‘llab-quvvatlashdagi rolini ta’kidlab, marketpleys va boshqa xizmatlar tadbirkorlarga biznesni rivojlantirish va kengaytirish uchun zarur vositalarni taqdim etayotganini aytdi.

Bundan tashqari, elektron tijorat...

Din ishlari bo‘yicha qo‘mita tomonidan Toshkent viloyati, Zangiota tumanida joylashgan «Imron-Tour Travel» MChJ litsenziyasiz «Umra» safarlarini tashkil etgani uchun jarima qo‘llanildi. Bu haqda qo‘mita matbuot xizmati ma’lum qildi.

Amaldagi tartiblarga ko‘ra, «Umra» tadbirlarini tashkil etish va o‘tkazish uchun maxsus litsenziya talab etiladi.

Ushbu talabga rioya qilmagan yuridik shaxslar BHMning 200 baravari (75 mln. so‘m) miqdorida jarimaga tortilishi belgilangan.

Eslatib o‘tamiz, avvalroq poytaxtdagi yana bir MChJ litsenziyasiz umra xizmati uchun jarimaga tortilgan edi.

«Ipoteka-bank» aksiyadorlari muammoli kreditlarning bir qismini hisobdan chiqarish toʻgʻrisidagi taklifni koʻrib chiqadi, deb xabar bermoqda Korporativ axborot yagona portali.

Moliya tashkiloti aksiyadorlarining navbatdan tashqari yigʻilishi 25-fevral kuni onlayn shaklda boʻlib oʻtadi. Boshqaruvning muammoli qarzlarni hisobdan chiqarish toʻgʻrisidagi taklifidan tashqari, unda bank ustaviga oʻzgartirishlar koʻrib chiqiladi.

«Ipoteka-bank» 2024-yilda 240 milliard so‘m sof zarar ko‘rdi. Bu 2023-yilda qayd etilgan 819 milliard so‘mlik sof foydaga nisbatan keskin pasayishdir. Shuningdek, bank portfelidagi muammoli kreditlar ulushi deyarli ikki baravarga oshib, 10,2 foizga yetdi.

Avvalroq Kursiv Uzbekistan Humo boshqaruvi raisi oʻzgarishi mumkinligi haqida yozgan edi.

Janubiy Koreyaning Samsung kompaniyasi Galaxy S25 liniyasining 40 million dona smartfonini sotmoqchi, deya ma`’lumot bilan bo‘lishdi tahlilchi Ming-Chi Kuo X ijtimoiy tarmog‘ida.

«Ular bunga erisha oladimi yoki yo‘qmi, hozircha ko‘rish mumkin. Biroq Qualcomm mustahkam brendga ega, shuning uchun munosib imkoniyat bor deb o‘ylayman», – deya ta’kidladi ekspert.

Bu yil Samsung S25 liniyasini Qualcomm Snapdragon 8 Elite protsessori bilan jihozladi. O‘tgan yilgi qurilmalar seriyasi Exynos va Qualcomm chiplari bilan jihozlangan.

SamMobile portali ma’lumotlariga koʻra, S24 seriyali smartfonlar 37 million nusxada sotilgan.

Shuningdek, Janubiy Koreyada S25 uchun oldindan buyurtmalar soni 1,3 millionni tashkil etgani, bu...

Bugun, 6-fevral kuni Toshkent shahrida Oʻzbekiston Respublikasi va Shveysariya Federal Kengashi oʻrtasida «Musodara qilingan aktivlarni taqsimlash toʻgʻrisidagi bitim» imzolandi. Bitim doirasida Shveysariya tomonidan mamlakatga taxminan $182 mln miqdoridagi mablagʻlar qaytarilishi belgilandi. Ushbu mablagʻlar 2012-yilda Shveysariya Bosh prokuraturasi tomonidan Gulnora Karimovaga nisbatan qoʻzgʻatilgan jinoyat ishi doirasida musodara qilingan edi.

Ushbu hujjatga Oʻzbekiston tomonidan adliya vaziri Akbar Toshqulov, Shveysariya tomonidan esa mamlakatning Oʻzbekistondagi Favqulodda va Muxtor elchisi Konstantin Obolenskiy imzo chekdi.

Mablagʻlar Birlashgan Millatlar Tashkilotining «Uzbekistan Vision 2030 Fondi» orqali qaytarilib, mamlakat aholisi manfaatlari yoʻlida sarflanadi. Ushbu fond orqali sogʻliqni saqlash va ta’lim sohalarida ijtimoiy ahamiyatga ega loyihalarni amalga oshirish rejalashtirilgan.

2022-yil...

2025-yil 5-fevral kuni «Oʻzsanoatqurilishbank» rasmiy ravishda «Toshkent» Respublika fond birjasi (RFB) a’zoligiga qabul qilindi. A’zolik guvohnomasini bank vakillariga RFB boshqaruvi raisi Georgiy Paresishvili topshirdi.

Bankning Investitsion banking departamenti vakillari koʻrsatilgan qoʻllab-quvvatlash uchun minnatdorchilik bildirib, ularning asosiy maqsadi kompaniyalarga investitsiyalarni jalb qilish, fond bozoriga chiqishga tayyorgarlik koʻrish hamda ularni ushbu jarayonning barcha bosqichlarida qoʻllab-quvvatlash ekanini ta’kidladi.

Shuningdek, bankning investitsiya banki departamenti ichki va xalqaro kapital bozorlarida biznes uchun yangi imkoniyatlar yaratish va xizmatlar diversifikatsiyasiga hissa qoʻshayotgani qayd etildi.

Avvalroq Kursiv Uzbekistan «Toshkent» respublika fond birjasidagi yuqori likvidli aksiyalar yanvar oyini qanday yakunlagani haqida xabar bergan edi.

6-fevral kuni AQSh dollarining rasmiy kursi 15,48 soʻmga tushib, 12 969,84 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 910 – 12 990 soʻmdan sotib olayotgan boʻlsa, 12 990 – 13 050 soʻm oraligʻida sotmoqda.

Shu bilan birga, yevro 74,48 soʻmga tushib, 13 436,75 soʻmga yetdi. Rossiya rubli esa 1,75 soʻmga ortib, 133,97 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.

5-fevral kuni Nyu-Yorkda Oʻzbekiston va Somali oʻrtasida diplomatik munosabatlar oʻrnatish boʻyicha kelishuv imzolandi. Hujjatga Oʻzbekistonning BMTdagi doimiy vakili Ulugʻbek Lapasov va Somalining doimiy vakili Abukar Dahir Usmon imzo chekdi, deb xabar berdi «Dunyo» axborot agentligi.

Tomonlar BMT va boshqa xalqaro tashkilotlar doirasida hamkorlikni kuchaytirishga tayyor ekanliklarini bildirdi. Shuningdek, siyosiy, iqtisodiy va madaniy-gumanitar yoʻnalishlarda oʻzaro manfaatli aloqalarni rivojlantirish boʻyicha kelishuvga erishildi.

Mazkur kelishuv Oʻzbekistonning Afrika davlatlari bilan hamkorligini kengaytirish yoʻlidagi navbatdagi qadam boʻldi. Somali Oʻzbekiston bilan diplomatik aloqalar oʻrnatgan 157-davlatga aylandi.

Avvalroq «Kursiv» O‘zbekiston Togo bilan diplomatik munosabatlar o‘rnatgani haqida xabar bergan edi.

Isroil BMT Inson huquqlari boʻyicha kengashi (IHK) tarkibidan chiqishini rasman ma’lum qildi. Bu haqda mamlakat tashqi ishlar vaziri Gideon Saar oʻzining X tarmogʻidagi sahifasida ma’lum qildi.

Isroil ushbu qarorini AQSh prezidenti Donald Trampning shunga oʻxshash qarorini olqishlagan holda qabul qildi. Saarning soʻzlariga koʻra, BMT inson huquqlarini buzuvchilarni himoya qiladi va Isroilga nisbatan kamsituvchi qarorlar qabul qiladi.

Isroil 100 dan ortiq qoralovchi rezolyutsiyalarga duch kelgan boʻlib, bu kengash tomonidan qabul qilingan barcha rezolyutsiyalarning 20 foizidan ortigʻini tashkil etadi. Bu koʻrsatkich Eron, Kuba, Shimoliy Koreya va Venesuelaga nisbatan qabul qilingan rezolyutsiyalar sonidan ham yuqori.

Ma’lumot uchun, BMT Inson huquqlari kengashi 2006-yilda...

Veolia Energy Tashkent kompaniyasi qo‘shnilarning qarzi tufayli ko‘p qavatli uylarda issiq suv va issiqlik ta’minoti to‘xtatilgani haqidagi ma’lumotni rad etdi. Bu haqdagi xabar kompaniyaning Telegramdagi kanalida e’lon qilindi.

Kompaniya isitishning majburiy o‘chirilishi haqidagi xabarlarni yolg‘on deb atadi. Veolia Energy Tashkent rasmiy axborot manbalaridan foydalanishga va yolg‘on xabarlar tarqatmaslikka chaqirdi.

Eslatib oʻtamiz, 2024-yilda Oʻzbekistonda uy-joy kommunal xoʻjaligi, suv, elektr energiyasi, gaz va boshqa turdagi yoqilgʻi narxlari 38,1 foizga oshgan.

Avvalroq Kursiv Uzbekistan 2030-yilga borib Toshkent viloyati to‘liq ichimlik suvi bilan ta’minlanishi haqida xabar bergan edi.

Oʻzbekistonda besh grammlik oltin quymasining qiymati 6,18 million soʻmga yetib, yangi rekordni oʻrnatdi. Bu haqda Markaziy bank axborot xizmati xabar berdi.

Avvalgi rekord 5-fevralda qayd etilgan boʻlib, besh grammli oltin quymaning narxi 6,11 million soʻm deb belgilangan edi.

6-fevral holatiga koʻra, oʻn grammlik oltin quymasi qiymati 12,36 million soʻmni, yigirma grammlik 24,72 million soʻmni, ellik grammlik 61,8 million soʻmni tashkil qilgan edi. 100 grammlik oltin quymasi narxi esa 123,59 million soʻmga yetdi.

Kecha qimmatbaho metall jahon kotirovkalari bir troya unsiyasi uchun $2,9 mingdan yuqoriga koʻtarilib, yangi rekordni oʻrnatdi. Aktivga boʻlgan talab AQSh prezidenti Donald Tramp ma’muriyatining kutilmagan tarif...

Samsung 2025-yilda oʻzining yangi flagman smartfoni – Galaxy S25 Edge modelini taqdim etishini rasman tasdiqladi.

Ushbu ultra yupqa gadjet haqida hozircha koʻp ma’lumotlar oshkor qilinmagan, ammo insayderlar uning eng ilgʻor texnologiyalar bilan jihozlanishini aytmoqda. Samsung Galaxy S25 Edge rasmiy premyerasi 2025-yil iyun yoki iyul oyida boʻlib oʻtishi kutilmoqda. Smartfon iPhone 17 Airʼdan oldinroq sotuvga chiqishi mumkin.

Yangi qurilma Snapdragon 8 Elite protsessori va 12 Gb tezkor xotira bilan jihozlanishi rejalashtirilmoqda. Batareya sig‘imi esa 3900 mA·soat bo‘lib, bu standart Galaxy S25 modelidan 100 mA·soatga kam. Kamera jihatidan 200 MP asosiy modul va 48 MP qo‘shimcha sensor bilan ta’minlanishi kutilmoqda.

Galaxy...