Yangiliklar

2026-yilda asosiy soliq stavkalari o‘zgarishsiz qoldiriladi. Bu haqda Shavkat Mirziyoyev O‘zbekiston xalqiga murojaatnomasida ma’lum qildi.

Prezidentning ta’kidlashicha, kelgusi yilda asosiy maqsad aholini doimiy daromadli qilish. Bu jarayonda tadbirkorlar muhim rol o‘ynaydi. Ular sanoat va servis obyektlarini tashkil etib, yangi ish o‘rinlari yaratmoqda, yoshlar va xotin-qizlarni kasbga o‘rgatmoqda.

Shu bois tadbirkorlikni qo‘llab-quvvatlash siyosati davom ettiriladi. 2026-yilda asosiy soliq stavkalari o‘zgarishsiz qoldiriladi.

«Asosiy maqsadimiz odamlarimizni doimiy daromadli qilishdan iborat. Puli bor odam yaxshi kiyinish va ovqatlanishga, sifatli ta’lim va malakali tibbiy xizmatdan foydalanishga, mazmunli dam olishga, bir so‘z bilan aytganda, farovon yashashga intiladi», – dedi davlat rahbari.

Prezident Shavkat Mirziyoyev 2025-yil yakunlari bo‘yicha bergan bayonotida kambag‘allikni qisqartirish bo‘yicha uch yil avval belgilangan strategik maqsadga erishilganini ta’kidladi. Yil boshida 8,9 foizni tashkil etgan kambag‘allik darajasi 5,8 foizga tushdi va 2026-yil yakuniga mo‘ljallangan marra joriy yilning o‘zidayoq zabt qilindi. Bu haqda Shavkat Mirziyoyev Oliy Majlis va O‘zbekiston xalqiga yo‘llagan murojaatnomasida qayd etildi.

Davlat rahbari ijtimoiy himoya tizimidagi tub o‘zgarishlarga to‘xtalar ekan, kredit, subsidiya va kompensatsiya kabi 100 dan ortiq xizmatlar «mahalla yettiligi» orqali yo‘lga qo‘yilganini qayd etdi. Joriy yilda 1,5 mln ehtiyojmand aholi kambag‘allikdan chiqdi, 1 ming 435 ta mahalla ilk bor «kambag‘allikdan xoli» hududga aylandi.

Shavkat Mirziyoyev O‘zbekiston xalqiga murojaatnomasida mamlakat iqtisodiyotidagi ijobiy o‘zgarishlar xalqaro hamjamiyat va nufuzli tashkilotlar tomonidan e’tirof etilayotganini ta’kidladi.

Ta’kidlanishicha, bundan to‘qqiz yil avval iqtisodiyot hajmini $100 mlrdga yetkazish katta maqsad bo‘lgan bo‘lsa, joriy yilda mamlakat tarixida ilk bor yalpi ichki mahsulot (YIM) hajmi $145 mlrddan oshdi.

Shuningdek, joriy yilda O‘zbekiston iqtisodiyotiga jalb qilingan xorijiy investitsiyalar hajmi $43,1 mlrdga yetdi. Investitsiyalarning YIMdagi ulushi 31,9 foizni tashkil etdi va bu kelgusi yillarda ham yuqori sur’atlarda o‘sish uchun mustahkam asos bo‘lib xizmat qilmoqda.

Davlat rahbari O‘zbekistonning xalqaro maydondagi obro‘-e’tibori va nufuzi, xalqaro reytinglardagi o‘rni tobora mustahkamlanib borayotganini ham qayd etdi...

«Yuksalish» harakati 2025-yilda davlat organlari huzuridagi jamoatchilik kengashlari faoliyati bo‘yicha reyting natijalarini e’lon qildi. Baholash qo‘mitalar, agentliklar, vazirliklar va viloyat hokimliklari kesimida amalga oshirildi.

Agentliklar orasida Korrupsiyaga qarshi kurashish agentligi 19 ball bilan 1-o‘rinni egalladi. Ijtimoiy himoya milliy agentligi 16 ball, Migratsiya agentligi va Milliy antidoping agentligi esa 15 balldan qayd etdi. Eng past natija Madaniy meros agentligida – 10 ball.

Qo‘mitalar kesimida Din ishlari bo‘yicha qo‘mita 19 ball bilan birinchi o‘rinni egalladi. Raqobatni rivojlantirish va iste’molchilar huquqlarini himoya qilish qo‘mitasi 18 ball bilan ikkinchi bo‘ldi. Soliq qo‘mitasi va Oila va xotin-qizlar qo‘mitasi o‘rtacha ko‘rsatkichlarni qayd etdi.

Vazirliklar...

Suriya Markaziy banki 2026-yil 1-yanvardan boshlab eski banknotlarni yangi pullarga almashtirish jarayonini yo‘lga qo‘yadi. Bu haqda mamlakat Markaziy bank raisi Abdelkader Husrieh ma’lum qildi, deya xabar bermoqda Al Arabiya nashri.

Ushbu qaror Assad davrida muomalaga chiqarilgan pullarni bosqichma-bosqich almashtirish va milliy valyuta qiymatini mustahkamlashga qaratilgan.

So‘nggi o‘n yildan ortiq davom etgan urush, xalqaro sanksiyalar va moliyaviy yakkalanish oqibatida jiddiy zaiflashgan iqtisodiyotni tiklash Suriya yangi hukumati oldidagi asosiy vazifalardan biri bo‘lib qolmoqda. Prezident Ahmad al-Sharaa boshchiligidagi hukumat davlat institutlarini qayta qurish va iqtisodiyotni jonlantirishga urinmoqda.

Markaziy bank rahbarining aytishicha, pul almashtirish muddati va joylarini belgilash bo‘yicha vakolat bankning o‘ziga berilgan...

Turkiya politsiyasi mamlakat bo‘ylab o‘tkazilgan keng ko‘lamli reydlar davomida IShID terrorchilik guruhiga a’zolikda gumonlangan 115 kishini hibsga oldi. Bu haqda CNN xabar bermoqda.

Tergov davomida jami 137 nafar gumonlanuvchini hibsga olish bo‘yicha order berilgan bo‘lib, qolgan 22 kishini qidirish ishlari davom etmoqda. Politsiya 124 ta manzilda tintuv o‘tkazib, to‘pponchalar, o‘q-dorilar va tashkilotga oid hujjatlarni musodara qilgan.

«IShID qurolli terrorchilik tashkiloti mamlakatimizga, xususan, bo‘lajak Rojdestvo va Yangi yil tadbirlari doirasida harakatlarni amalga oshirishni rejalashtirgani haqida ma’lumotlar topildi», – deyiladi Istanbul prokuraturasi bayonotida.

Avvalroq Kursiv Uzbekistan Sidneydagi qonli hujum ijrochilari IShID g‘oyasidan ilhomlangani haqida xabar...

O‘zbekistonda 2026-yil «Mahallani rivojlantirish va jamiyatni yuksaltirish yili» etib nomlandi. Bu haqda Shavkat Mirziyoyev Oliy Majlis va O‘zbekiston xalqiga yo‘llagan murojaatnomasida ma’lum qilindi.

Shuningdek, davlat rahbari O‘zbekiston eksporti sezilarli darajada oshganini ta’kidladi. Joriy davrda eksport hajmi 23 foizga ko‘payib, $33,4 mlrdni tashkil etdi. Oltinni hisobga olmaganda, eksport $23,5 mlrd darajasida bo‘ldi.

Eng muhim ko‘rsatkichlardan biri bo‘lgan oltin-valyuta zaxiralari ilk bor $60 mlrddan oshdi. Yil boshida bu ko‘rsatkich $40,5 mlrd edi. Bu natija olib borilayotgan islohotlar uchun mustahkam moliyaviy poydevor yaratilganini ko‘rsatmoqda.

Eslatib o‘tamiz, Kursiv Uzbekistan 2026-yilga budjet tasdiqlangani haqida yozgan edi.

Prezident 2026-yil uchun davlat budjeti to‘g‘risidagi qonunni imzoladi. Hujjat 2026-yil uchun konsolidatsiyalashgan budjetni shakllantirish va ijro etish tartibini belgilaydi.

Qonunga ko‘ra, respublika budjetidan ajratiladigan mablag‘lar faqat 2026-moliya yili davomida ishlatiladi va keyingi yilga o‘tkazilmaydi.

2026-yil uchun quyidagilar tasdiqlandi:

Shuningdek, 2026-yilda konsolidatsiyalashgan budjet taqchilligining eng yuqori darajasi yalpi ichki mahsulotning 3 foizi etib belgilandi. Mazkur Qonun 2026-yil 1-yanvardan kuchga...

Xitoyning Deepal Auto kompaniyasi $945 mln sarmoya jalb qildi. Bu haqda CarNewsChina xabar bermoqda.

Ta’kidlanishicha, Chongqing Yufu kompaniyasi 2,5 mlrd yuan ($350 mln) sarmoya kiritib, 12,09 foiz ulush bilan Deepal’ning ikkinchi yirik aksiyadoriga aylandi. Shuningdek, CMB Financial Asset Investment 500 mln yuan ($70 mln) kiritib, 2,42 foiz ulush oldi.

Avvalroq Changan Automobile nomoddiy aktivlar va naqd mablag‘lar orqali 3,122 mlrd yuan yoki $437 mlngacha sarmoya kiritishini bildirgan edi. Kompaniya nazorat paketini 50,99 foiz darajasida saqlab qoldi.

Kompaniya mablag‘larni yangi avtomobillarni tadqiq etish va ishlab chiqish, aqlli va elektr texnologiyalarni rivojlantirish hamda global brendni kuchaytirishga yo‘naltiradi. Deepal 2026-yilda taqdim etilishi...

2025-yilning yanvar – noyabr oylarida O‘zbekistonning tashqi savdo aylanmasidagi eksport hajmi $30,9 mlrdni tashkil etdi. Bu haqda Milliy statistika qo‘mitasi xabar bermoqda.

O‘tgan yilning mos davriga nisbatan eksport hajmi 26,2 foizga o‘sishga erishdi. Hisobot davrida O‘zbekiston mahsulotlari eng ko‘p eksport qilingan davlat Rossiya bo‘ldi. Ushbu mamlakatga jami $4 mlrdlik mahsulot yetkazib berilgan. Ikkinchi o‘rinni $1,9 mlrd ko‘rsatkich bilan Xitoy egallagan bo‘lsa, kuchli uchlikni $1,3 mlrdlik hajm bilan Afg‘oniston yakunlab turibdi.

Shuningdek, qo‘shni Qozog‘iston ham Afg‘oniston bilan bir xil $1,3 mlrdlik natijani qayd etgan. Turkiya ($1 mlrd) va Fransiya ($775,8 mln) O‘zbekistonning asosiy savdo hamkorlari qatoridan joy olgan. Eksport geografiyasidagi...

2026-yil 1-yanvardan boshlab, Andijon shahridagi avtobuslarda naqd pul orqali yo‘l haqi to‘lash amaliyoti to‘xtatiladi. Bu haqda Transport vazirligi matbuot xizmati ma’lum qildi.

Unga ko‘ra, yo‘lovchilar yo‘l haqi to‘lovini elektron tizimlar orqali amalga oshirishlari mumkin bo‘ladi. Elektron to‘lovlar orqali bir yo‘l uchun yo‘l haqi 2100 so‘mni tashkil etadi.

Shuningdek, naqd pul orqali to‘lovni amalga oshirish istagida bo‘lgan yo‘lovchilar uchun bevosita bekatlar va ularga yaqin hududlarda o‘rnatilgan Paynet, MultiPay yoki Oson infokiosklaridan 3000 so‘m evaziga bir martalik QR-chipta xarid qilish imkoniyati mavjud.

Eslatib o‘tamiz, avvalroq naqd pulga chiptani qanday olish mumkinligi haqida fotoqo‘llanma tayyorlagan edik.

Poytaxtda uzoq kutilgan dizayn-kodni joriy etish va uni qo‘llashni tartibga soluvchi me’yoriy-huquqiy hujjat ko‘rib chiqildi va qabul qilindi. Bu haqda 25-dekabr kuni xalq deputatlari Toshkent shahar Kengashining qurilish, kommunal xo‘jalik, suv xo‘jaligi, ekologiya, sanoat va transport masalalari bo‘yicha doimiy komissiyasi yig‘ilishida ma’lum qilindi.

Kengash qaroriga muvofiq, dizayn-kodni tartibga soluvchi ilovalar yaqin kunlarda regulation.gov.uz platformasida jamoatchilik muhokamasiga qo‘yiladi. Ushbu jarayonda aholi hamda mutaxassislar hamjamiyati hujjat bo‘yicha o‘z fikr-mulohazalari, takliflari va savollarini bildirish imkoniga ega bo‘ladi.

Ma’lumot uchun, Toshkent shahrining dizayn-kodi Citymakers International kompaniyasi va Toshkent Invest bilan hamkorlikda ishlab chiqilgan. Hujjat yagona, qulay va xavfsiz shahar muhitini shakllantirishga qaratilgan...

Kristofer Nolanning Gomer dostoni asosida suratga olingan «Odisseya» (The Odyssey) filmining ilk treyleri qisqa vaqt ichida katta qiziqishga sabab bo‘ldi. Universal Pictures taqdim etgan video uch kun ichida 31 mln martadan ortiq tomosha qilindi.

Kartinada bosh rolni Itaka qiroli Odisseyni Mett Deymon ijro etgan. Uning rafiqasi Penelopa obrazini Enn Xeteuey, o‘g‘li Telemaxni esa Tom Holland gavdalantirgan. Film syujeti qadimgi yunon dostoniga asoslangan bo‘lib, Odisseyning troyan urushidan keyin o‘z vataniga qaytishdagi uzoq va xavfli sarguzashtlari, jumladan, siklop Polifem va jodugar Kirka bilan to‘qnashuvlarini hikoya qiladi.

«Odisseya» filmi $250 mlnlik budjeti bilan Kristofer Nolan faoliyatidagi eng qimmat loyiha bo‘ldi. Bu to‘liq...

Samsung kompaniyasi yaqinda Galaxy A07 5G smartfonini taqdim etishga tayyorlanmoqda. Bu haqda GSM Arena ma’lum qildi.

Unga ko‘ra, yangi model 6000 mAh sig‘imli akkumulyator bilan jihozlanadi. Bu Galaxy A07 4G modelidagi 5000 mAh sig‘imli akkumulyatordan sezilarli darajada katta bo‘lib, ko‘plab Samsung smartfonlaridagi standart sig‘imdan yuqori hisoblanadi.

Ilgari Samsung 6000 va hatto 7000 mAh sig‘imli akkumulyatorlarga ega modellari bilan yetakchi bo‘lgan. So‘nggi yillarda esa sig‘im biroz kamaytirilgan edi. Shu bois yangi 6000 mAh sig‘imli akkumulyator foydalanuvchilar xursand qilmoqda.

Texnik xususiyatlar nuqtai nazaridan Galaxy A07 5G Dimensity 6300 tizim chipi (SoC) va kamida 4 GB RAM bilan ta’minlanadi. Ushbu parametrlar...

Tijorat banklari 26-dekabr kuni xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar qanday o‘zgargani haqida yozgan edi.    

Saudiya Arabistoni Podshohligining elchisi Yusuf Al-Utaybiy O‘zbekistondagi faoliyatini yakunlamoqda. Bu haqda Tashqi ishlar vaziri Baxtiyor Saidov ma’lum qildi.

Unga ko‘ra, vazirlikda elchi bilan uchrashuv bo‘lib o‘tdi va ikki mamlakat o‘rtasidagi siyosiy muloqotni mustahkamlash masalalari muhokama qilindi.

«Siyosiy muloqotni mustahkamlash, savdo va investitsiya hamkorligini kengaytirish, shuningdek, ikki mamlakat o‘rtasidagi madaniy va gumanitar aloqalarni rivojlantirish masalalarini muhokama qildik», – deydi vazir.

Uchrashuv yakunida Saidov elchiga O‘zbekistondagi faoliyati uchun minnatdorlik bildirdi va kelgusidagi ishlarida muvaffaqiyatlar tiladi.

Eslatib o‘tamiz, avvalroq O‘zbekistonning Nepaldagi birinchi elchisi Sardor Rustamboyev mamlakat prezidenti Ramchandra Paudelga ishonch yorliqlarini topshirgandi.

Ispaniyaning Mundo Deportivo nashri xabar berishicha, argentinalik afsonaviy hujumchi Diego Maradonaning yirtilgan libosi kimoshdi savdosida rekord narxga sotildi.

Auksion paytida narx $145 minggacha ko‘tarildi, ammo 23 foizli soliq tufayli Maradonaning yirtilgan formasining yakuniy narxi $179 mingni tashkil etdi.

Maradona bu formani 1984-yilgi Ispaniya kubogi finalida «Atletik Bilbao»ga qarshi o‘yinda kiygan. Uchrashuv 0:1 hisobida yakunlangandi. O‘yindan so‘ng futbolchilar o‘rtasida janjal kelib chiqdi, oqibatda argentinalik hujumchining libosi yirtilgan.

Xabarlarga ko‘ra, futbolka Kataloniya klubidagi kir yuvish xodimi tufayli saqlanib qolgan va u uni esdalik sifatida olishga qaror qilgan. Keyinchalik u uni do‘stiga bergan. Shundan so‘ng esa esdalik sovg‘asi uning o‘g‘liga meros bo‘lib...

Toshkent shahrida pulli to‘xtab turish joylarida yashovchi fuqarolar uchun rezident avtoturargoh ruxsatnomalari joriy etilmoqda. Poytaxt hokimi qaroriga ko‘ra, har bir turarjoy manzili bo‘yicha ko‘pi bilan ikki dona rezident ruxsatnomasi ro‘yxatdan o‘tkazilishi mumkin.

Yangi tartibga asosan, rezidentlar uchun avtomobilni kechasi soat 20:00 dan ertalab 08:00 gacha pulli to‘xtash joylarida bepul qo‘yish imkoniyati bo‘ladi. Kunduzgi vaqtda esa belgilangan tariflar asosida to‘lov undiriladi. Ruxsatnoma bir yil muddatga beriladi.

Yillik rezidentlik ruxsatnomasi uchun bir bazaviy hisoblash miqdori to‘lanadi. Hozirgi kunda bu summa 412 ming so‘mni tashkil etadi. Ruxsatnoma faqat bitta transport vositasiga nisbatan amal qiladi.

Mazkur tartib 2026-yil 1-fevraldan kuchga kiradi.

Eslatib...

Xitoyda aqlli shassi bo‘yicha etalon elektromobillar aniqlandi. Bu haqda CarNewsChina xabar bermoqda.

China Automotive Engineering Research Institute (CAERI) o‘tkazgan real sharoitdagi sinovlar natijasiga ko‘ra, uchta elektromobil aqlli shassi texnologiyalari bo‘yicha yetakchi deb topildi. Tadqiqot avtomobillarning faol osma, steer-by-wire va brake-by-wire kabi yechimlari samaradorligini baholashga qaratildi.

Baholash jarayonida Xitoy bozoridagi o‘nlab ommaviy modellar 20 dan ortiq ko‘rsatkich bo‘yicha solishtirildi. Asosiy mezonlar orasida maksimal burilish tezligi va rulni keskin to‘g‘rilash burchagi kabi parametrlar bo‘ldi.

CAERI’ning aqlli shassi yo‘nalishi bo‘yicha katta eksperti Yu Yinghongning aytishicha, zamonaviy aqlli shassi tizimlari tormozlash vaqtida avtomobil holatini real vaqt rejimida aniqlaydi. Shassi oldindan moslashtirilib, tebranishlar kamayadi...

Markaziy bank bank kartalari bozoriga oid tahlilini chop etdi. Hisobotda (kontaktsiz) NFC orqali amalga oshirilgan tranzaksiyalar qiymati 3,85 trln so‘mga yetgani ma’lum qilindi.

Ma’lumotlarga ko‘ra, hozirda mamlakatda 298 turdagi bank karta mahsuloti mavjud. Ularning asosiy qismini debit kartalar tashkil qiladi. Xususan, 145 ta karta xorijiy valyutada, 103 tasi milliy valyutada, 39 tasi esa ko‘p valyutali hisoblanadi.

Hududlar bo‘yicha tahlil shuni ko‘rsatadiki, aksariyat viloyatlarda muomaladagi bank kartalari soni 16 yoshdan katta aholiga nisbatan o‘rtacha 1,3-1,6 tani tashkil etadi. Toshkent shahrida esa bu ko‘rsatkich ancha yuqori bo‘lib, bir nafar katta yoshdagi aholiga o‘rtacha 12,7 ta karta to‘g‘ri keladi. Bu poytaxtda bir...

Mashhur texnobloger JerryRigEverything Samsung Galaxy TriFold modelini an’anaviy mustahkamlik sinovlaridan o‘tkazdi. Qurilma tirnalish, qum, bukish va qismlarga ajratish testlarida tekshirilgan.

Bloger avvalo ichki ekran sifatiga e’tibor qaratdi. Boshqa buklanuvchi modellarda bo‘lgani kabi ekran yupqa himoya oynasi va uning ustiga yopishtirilgan plastik plyonka bilan qoplangan. Ushbu plyonka oson tirnaladi va Galaxy TriFold ham bu jihatdan istisno bo‘lmadi.

Qum bilan o‘tkazilgan sinovda smartfon ishlashda davom etdi. Biroq qum ilgaklar harakatiga xalaqit berdi. Qurilma silkitilgach, mexanizm yana normal ishlay boshlagan. Shu bilan birga, bunday holat ilgaklarning uzoq muddatli ishlashiga salbiy ta’sir qilishi mumkinligi qayd etildi.

Bukish sinovi esa qurilma uchun eng muammoli...

Samsung texnologiyalarini Xitoyga sizdirgan sobiq xodimlar qo‘lga olindi. Bu haqda Sammobile nashri xabar bermoqda. Seul markaziy okrugi prokuraturasi bu ish doirasida o‘n nafar shaxsga ayblov e’lon qildi, ulardan besh nafari qamoqqa olindi.

Tergov ma’lumotlariga ko‘ra, sobiq Samsung xodimlari texnologik sirlarni Xitoyning ChangXin Memory Technologies (CXMT) kompaniyasiga yetkazgan. CXMT 2016-yilda tashkil etilgan bo‘lib, u Samsung‘da bo‘lim boshlig‘i lavozimida ishlagan mutaxassisni o‘z loyihalariga rahbar sifatida jalb qilgan.

Ayblanuvchilar DRAM xotiralarini ishlab chiqarishning 18 nanometrli jarayoniga oid yuzlab bosqichlarni qo‘lda ko‘chirib olgan. Ushbu texnologiyani Samsung besh yil davomida ishlab chiqqan va unga 1,6 trln von sarmoya kiritgan. Yetkazilgan zarar kompaniya uchun...

8 yil 1 oy muddatga ozodlikdan mahrum qilingan Akmal Shukurovni ozodlikka chiqarish qarori bilan keng jamoatchilikning noroziligiga sabab bo‘lgan Toshkent shahar jinoyat ishlari bo‘yicha sudlov hay’ati sudyalari ishdan olindi. Bu haqda Sudyalar oliy kengashi ma’lum qildi.

Prezidentning 2025-yil 25-dekabrdagi farmoyishlariga muvofiq, Mirzajonov Murodjon Kodirovich o‘z arizasiga binoan va odil sudlovni amalga oshirish chog‘ida qonuniylikni buzganligi sababli sudyalik vakolatlari muddatidan ilgari tugatilgan va Toshkent shahar sudi raisi o‘rinbosari – jinoyat ishlari bo‘yicha sudlov hay’ati raisi lavozimidan ozod etilgan.

G‘aniev Farhodjon Boqijonovich sudyalik lavozimida bo‘lishning muddatsiz davri bilan, shundan besh yil muddatga Toshkent shahar sudi raisi o‘rinbosari – jinoyat ishlari...

Yangi yil bayrami munosabati bilan O‘zbekistonda bir necha kunlik dam olish kunlari belgilandi. Bu haqda Adliya vazirligi ma’lum qildi.

Unga ko‘ra, 31-dekabr chorshanba kuni qo‘shimcha dam olish kuni hisoblanadi. 1-yanvar payshanba kuni Yangi yil bayrami sifatida nishonlanadi. 2-yanvar juma kuni ham qo‘shimcha dam olish kuni etib belgilangan.

3-yanvar shanba kuni esa ish haftasi tartibiga qarab farqlanadi: besh kunlik ish haftasida ishlovchi xodimlar uchun bu odatiy dam olish kuni bo‘lsa, olti kunlik ish haftasida ishlovchilar uchun qo‘shimcha dam olish kuni bo‘ladi.

Eslatib o‘tamiz, avvalroq O‘zbekistonda 2026-yil uchun qo‘shimcha dam olish kunlari belgilangan edi.