Yangiliklar

O‘zbekistonlik poygachi Ismoil Ahmedxo‘jayev «Dubay 24 soat» turnirida «Rossa Racing» ekipajiga boshchilik qiladi. Bu haqda jamoa asoschisi Roman Rusinov o‘zining telegram kanalida ma’lum qildi.

Ekipaj a’zolari qatoridan Roman Rusinov, BAA vakili Amna Al-Kubaysi va yosh poygachi Vyacheslav Gutak joy olgan. Jamoa musobaqada «Rossa LM GT» avtomobili bilan ishtirok etadi. Mazkur model ilk bor 2025-yilning yanvar oyida namoyish etilgan va debyutdayoq mutaxassislar e’tiborini tortgan edi.

21 yoshli Ismoil Ahmedxo‘jayev uchun Dubaydagi sutkali marafon faoliyatidagi yangi bosqich bo‘lishi kutilmoqda. «Dubay 24 soat» poygasi dunyodagi eng nufuzli chidamlilik poygalaridan biri bo‘lib, unda haydovchilarning jismoniy tayyorgarligi va texnikaning ishonchliligi asosiy o‘ringa chiqadi.

2026-yilgi...

Xiaomi kompaniyasi bu mavsumda flagman liniyasini yangilab, an’anaviy T-seriyasini taqdim etdi. Ushbu seriya odatda flagmanlarga qaraganda arzonroq bo‘ladi, ba’zi funksiyalar esa soddalashtiriladi. Yangi modellardan biri – Xiaomi 15T o‘rta segmentga mo‘ljallangan bo‘lib, 15T Pro’dan biroz pastroq imkoniyatlarga ega. Quyidagi maqolada Xiaomi 15T smartfoni va uning asosiy xususiyatlari, kuchli tomonlari, kamchiliklariga to‘xtalamiz.

Ishlash protsessori

Xiaomi 15T MediaTek Dimensity 8400 Ultra protsessorida ishlaydi. Ushbu 8 yadroli chip yuqori unumdorlik va past energiya sarfi bilan ajralib turadi. Qurilma Android 16 asosidagi HyperOS 3 tizimi bilan ta’minlangan. AMOLED displey 6,83 dyuym, 120 Gs yangilanish tezligi va yuqori yorqinlik bilan ajraladi. Ekran...

Markaziy Osiyo mamlakatlari dunyodagi mehnat migrantlarining pul o‘tkazmalariga eng ko‘p bog‘liq bo‘lgan hududlardir. Bu haqda Jahon banki ma’lumotlarida keltirilgan.

Xususan, Tojikiston, Qirg‘iziston va O‘zbekiston ana shunday davlatlar qatoriga kiradi. Bank taqdim qilgan statistika ko‘ra, 2024-yilda migrantlarning pul o‘tkazmalari Tojikiston yalpi ichki mahsulotining(YIM) 45,4 foizini tashkil etgan, bu nisbiy jihatdan dunyoda eng yuqori ko‘rsatkichdir. O‘tgan yilda respublikaga pul o‘tkazmalari hajmi 5,8 mlrd dollarni tashkil etdi. Tinch okeanidagi orol davlat bo‘lmish Tonganiki Tojikistondan keyin sezilarli farq bilan yalpi ichki mahsulotning 38,2 foizini tashkil qiladi. Undan keyin quyidagi davlatlar o‘rin olgan:

Qirg‘izistonlik migrantlarning o‘z mamlakatiga pul o‘tkazmalari Qirg‘iziston YIMning 23,7 foiziga...

Taqdim etilishi rejalashtirilgan buklanuvchi iPhone smartfoni hali ishlab chiqarilmasligi mumkin. Bu haqda Macrumors xabar bermoqda. Ammo Apple yangi modelni 2026-yil kuzida rasman taqdim etishi mumkin.

Manbaga ko‘ra, taqdimotdan so‘ng ham buklanuvchi iPhone’ni darhol xarid qilish imkoni bo‘lmaydi. Qurilma yetkazib berishdagi cheklovlar va yuqori talab sababli yil oxirigacha sotuvga chiqmasligi mumkin. Barqaror va uzluksiz yetkazib berishlar esa faqat 2027-yildan boshlanishi kutilmoqda.

Eslatib o‘tamiz, Kursiv Uzbekistan nashri ilk bukiluvchi iPhone tasvirlari paydo bo‘lgani haqida yozgan edi.

Chizmalar qurilmaning taxminiy o‘lchamlarini ham ko‘rsatadi. Bukilgan holda u 83,8 x 120,6 x 9,6 mm bo‘ladi. Bu juda yupqa deb bo‘lmasa-da, bukiluvchi qurilmalar orasida...

20 – 21-dekabr, shanba va yakshanba kunlari O‘zbekiston hududiga nam havo massalarining yangi qismi kirib keladi. Bu haqda «O‘zgidromet» xabar berdi.

Respublika bo‘yicha vaqti-vaqti bilan yomg‘ir va qor yog‘ishi kutilmoqda. Havo harorati kechalari 0–5 daraja sovuq, kunduz kunlari esa 0–5 daraja iliq bo‘ladi.

Shamol g‘arbdan o‘rtacha tezlikkacha esadi. Ayrim hududlarda tuman tushishi ehtimoli bor. Tog‘li hududlarda vaqti-vaqti bilan qor yog‘adi, qor ko‘chishi xavfi saqlanib qoladi.

Toshkent shahrida bugun kunduzi yog‘ingarchilik kutilmaydi, havo harorati 1–3 daraja iliq bo‘ladi. Shanba kuni asosan qor ko‘rinishidagi yog‘ingarchilik kuzatiladi, tuman tushishi mumkin. Yakshanba kuni kechasi va ertalab biroz qor yog‘adi, tuman tushadi, kunduzi...

«Inqilob manchasi» (Inkilab Mancha) platformasi yetakchisi Sharif Usmon Hodiyning vafoti ortidan Bangladeshning bir qator shaharlarida tartibsizliklar avj oldi. Bu haqda CNN xabar berdi.

Sharif Usmon Hodiy o‘tgan juma kuni Dakka shahrida saylovoldi kampaniyasi vaqtida boshidan otib ketilgan va olti kunlik komadan so‘ng Singapur klinikasida vafot etgan edi. Uning vafoti haqidagi xabar tarqalishi bilan poytaxt Dakka ko‘chalarida namoyishchilar va politsiya o‘rtasida to‘qnashuvlar boshlandi.

G‘azablangan olomon mamlakatning yetakchi nashrlari Prothom Alo va The Daily Star tahririyatlari binolarini vayron qilib, ularga o‘t qo‘ygan. Ijtimoiy tarmoqlarda tarqalgan videolarda tahririyat binolaridan quyuq tutun ko‘tarilayotgani va namoyishchilar adolat talab qilayotgani aks etgan.

Muvaqqat hukumat rahbari...

Chevrolet Cobalt’ning Qozog‘iston va O‘zbekistondagi eng yuqori komplektatsiyalari bir-biridan sezilarli darajada farq qiladi. Qozog‘istonda asosiy urg‘u amaliy qulaylikka qaratilgan bo‘lsa, O‘zbekistonda tashqi ko‘rinish va mahalliy sharoitga moslashuv ustuvor hisoblanadi. Kursiv Media Qozog‘istondagi Cobalt Elegant AT va O‘zbekistondagi GX Midnight AT’ni solishtirib, xaridorlar nimaga pul to‘layotganini aniqladi.

Bir xil texnika — turli xarakter

Har ikki versiya 1,5 litrli atmosfera dvigatel (106 ot kuchi) va 6 pog‘onali avtomat uzatma bilan jihozlangan. Biroq avtoblogerlar fikriga ko‘ra, O‘zbekistonda ishlab chiqarilgan Cobalt Midnight dvigatel va transmissiyaning boshqacha sozlamasiga ega, avtomobil yumshoqroq va sokinroq harakatlanadi.

Asosiy xavfsizlik to‘plami bir xil: old xavfsizlik yostiqchalari...

BYD Dynasty-D Xitoydagi yo‘l sinovlarida tasvirga olindi. Bu haqda CarNewsChina xabar bermoqda. Mazkur model 2026-yilning ikkinchi choragida taqdim etilishi kutilmoqda.

Dynasty-D konsepti ilk bor 2025-yil aprel oyida Shanxay avtosalonida namoyish etilgan edi. Dastlab model bozorda shu yil paydo bo‘lishi rejalashtirilgan, biroq BYD avtomobilni raqobatbardosh qilish uchun taqdimotni 2026-yilga qoldirdi.

Spy-kadrlar avtomobilning katta kuzovga, baland kamar chizig‘iga, yassi tomga va LiDAR sensoriga ega ekanini ko‘rsatadi. Old qismda ingichka faralar, bamperda ISD elementlari va trapezsimon havo kirish panjarasi bor. Orqa tomonda bitta uzun chiroq bloki, tom spoyleri va ko‘p shoxli disklar joylashgan. Eshik tutqichlari tortiluvchi, lekin Xitoyda bu funksiyadan voz kechish...

Apple kompaniyasi OLED ekran bilan jihozlangan 24 dyuymli yangi iMac kompyuteri ustida ish boshladi. Kompaniya butlovchi qismlarni ishlab chiqish bo‘yicha o‘z hamkorlariga tegishli so‘rovlarni yuborgan.

Hozirgi vaqtda ishlab chiqarilayotgan iMac mono-bloklari klassik LCD-matritsalardan foydalanadi. Bo‘lajak OLED modelli qurilmalar esa yorqinlik ko‘rsatkichi bo‘yicha 20 foizli o‘sishga ega bo‘lishi kutilmoqda. Yangi ekranlarda yorqinlik 600 nitga yetadi. Apple displeyni ishlab chiqish bosqichini faqat 2027 yoki 2028-yilga kelib yakunlashni rejalashtirgan.

Samsung kompaniyasi QD-OLED texnologiyasi asosidagi panellarni, LG esa yanada chuqur qora rang va yuqori energiya samaradorligini ta’minlovchi W-OLED variantlarini taklif qilishi kutilmoqda. Mutaxassislarning fikricha, ushbu texnologiyalar ranglar aniqligini sezilarli darajada yaxshilaydi.

Avvalroq Kursiv...

Centrum Air samolyotga chiqolmay, Istanbulda qolib ketgan namanganlik fuqaroga kompensatsiya to‘ladi. Bu haqda Raqobat qo‘mitasi ma’lum qildi.

Unga ko‘ra, fuqaro 2025-yil 26-sentabr kuni Centrum Air rasmiy sayti orqali Istanbul – Namangan yo‘nalishi bo‘yicha ikki dona aviabilet xarid qilgan. Biroq aviakompaniya tomonidan ortiqcha chipta sotilgani sababli u va turmush o‘rtog‘i samolyotga chiqolmay, Istanbul aeroportida qolib ketgan. Bir sutkadan so‘ng ularga majburan Istanbul – Toshkent reysi taklif qilingan va ular shu yo‘nalishda parvoz qilgan.

Mazkur holatdan norozi bo‘lgan fuqaro iste’molchi sifatidagi huquqlarini tiklash bo‘yicha qo‘mitaning hududiy boshqarmasiga murojaat qilgan.

O‘rganishlar davomida aviakompaniya yuzaga kelgan noqulaylik o‘z xatosi sababli sodir bo‘lganini tan...

AQShning Shimoliy Karolina shtati Steytsvill aeroportida shaxsiy samolyot halokatga uchradi. Oqibatda sobiq poygachi Greg Biffl va uning oila a’zolari vafot etdi, deya xabar bermoqda Reuters.

Ma’lumotlariga ko‘ra, Florida shtatiga yo‘l olgan samolyot kuchli bo‘ron sababli aeroportga qaytishga uringan, biroq uchish-qo‘nish yo‘lagida halokatga uchragan. Kuchli yong‘in tufayli qurbonlarning shaxsini to‘liq tasdiqlash jarayoni davom etmoqda, biroq samolyot Bifflga tegishli kompaniya nomiga ro‘yxatga olingani ma’lum qilingan.

55 yoshli Greg Biffl 20 yillik faoliyati davomida 19 ta Cup Series poygalarida g‘olib chiqqan va 2023-yilda NASCAR tarixidagi 75 ta eng buyuk haydovchi ro‘yxatidan joy olgan edi. U nafaqat sportdagi yutuqlari, balki xayriya ishlari...

TikTok kompaniyasiga egalik qiluvchi ByteDance o‘zining Amerikadagi bo‘linmasini AQSh investorlari tomonidan boshqariladigan qo‘shma korxonaga o‘tkazish to‘g‘risida shartnoma imzoladi. Bu haqda «Axios» TikTok bosh direktori Shou Tzu Chuning ichki hujjatiga tayanib xabar berdi.

Unda aytilishicha, ushbu kelishuv bir necha yil davom etgan TikTok’ning Xitoydagi bosh kompaniyasi ByteDance’ni milliy xavfsizlikka oid xavflarni yumshatish uchun AQShdagi bo‘linmasini mahalliy egalarga sotishga majbur qilgan janjalga chek qo‘yadi.

Bosh direktorning so‘zlariga ko‘ra, Oracle Corp., Silver Lake va MGX bilan shartnomalar imzolangan. Chu yakuniy sanani 2026-yil 22-yanvarga belgiladi.

«Yopilgandan so‘ng, TikTok’ning hozirgi tashkiloti bo‘lgan US Data Security (USDS) asosida tashkil etilgan AQSh...

Realme 16 Pro+ smartfoni blogerlar qo‘lida sinovdan o‘tkazilib, qurilmaning jonli fotosuratlari e’lon qilindi. Bu haqda TrakinTech X ijtimoiy tarmog‘ida xabar berdi.

Fotosuratlarga qaraganda telefon tashqi ko‘rinishi jihatidan noodatiy va o‘ziga xos ko‘rinadi. Dizaynda yangi elementlar yo‘q bo‘lsa-da, shakl, rang va orqa qopqoq materiali teksturasining uyg‘unligi birgalikda original ko‘rinish hosil qilgan.

Hozircha orqa qopqoq materiali nimadan yasalganligi aniq emas. Bu shunchaki oynaga chizilgan naqsh bo‘lishi yoki sun’iy teri yoki boshqa bir material bilan qoplangan bo‘lishi ham mumkin.

Texnik parametrlar haqidagi norasmiy ma’lumotlarga ko‘ra, smartfon 6,8 dyuymli AMOLED displeyga ega bo‘ladi, uning o‘lchami 2800 x 1280 pikselni tashkil etadi. Qurilma...

Meksikaning ikki yirik aviakompaniyalari Volaris va Viva teng huquqli sheriklik asosida birlashish bo‘yicha kelishuvga erishganini e’lon qildi. Bu haqda Reuters xabar bermoqda.

Kelishuv shartlariga ko‘ra, har ikki aviakompaniya o‘z brendlarini saqlab qoladi, biroq xolding darajasida egalik huquqlari birlashtiriladi. Bitim natijasida Volaris va Viva aksiyadorlari yangi guruhda 50 foizdan ulushga ega bo‘ladi. Yangi tuzilmaga transport magnati Roberto Alkantara rahbarlik qilishi belgilangan.

Kompaniyalar ushbu birlashuv orqali operatsion xarajatlarni kamaytirish va yo‘nalishlar tarmog‘ini kengaytirishni maqsad qilgan. Hozirda Meksika ichki bozorining uchdan bir qismini Aeromexico nazorat qilmoqda, yangi guruh esa ushbu raqobatda yetakchilikni qo‘lga kiritishni rejalashtirgan. Har ikki tashuvchi faqatgina Airbus samolyotlaridan foydalanishi...

BYD Denza B5 yo‘ltanlamas gibrid SUV modeli Avstraliyada o‘tkazilgan ANCAP xavfsizlik sinovidan besh yulduz bahosini oldi. Bu haqda CarNewsChina xabar bermoqda.

Ushbu model Xitoy bozorida Fang Cheng Bao Bao 5 nomi bilan tanilgan. Bao 5 2023-yilda Xitoyda BYD’ning DMO platformasida ishlab chiqarilgan va off-road uchun moslashtirilgan kuzov-ramali avtomobil hisoblanadi. Uning o‘lchamlari 4890×1970×1920 mm, g‘ildirak bazasi esa 2800 mm. Gidravlik osma tufayli yer bilan klirens 310 mm gacha oshiriladi. Avtomobil 1,5 litrli dvigatel hamda ikkita elektr motor bilan 505 kVt (650 ot kuchi) umumiy quvvatga ega.

Denza B5 tashqi bozorlar uchun mo‘ljallangan va ayniqsa Avstraliya bozorida ustuvor model bo‘ladi...

AQSh prezidenti Donald Tramp ko‘rsatmasi bilan diversity visa (DV) — Green Card lotereyasi dasturi to‘xtatildi. Bu haqda AQSh ichki xavfsizlik vaziri Kristi Noem X ijtimoiy tarmog‘ida ma’lum qildi.

Unga ko‘ra, qaror Braun universiteti va Massachusets texnologiya instituti bilan bog‘liq otishma gumondori AQShga aynan shu dastur orqali kirgani ortidan qabul qilingan. Ma’lumotlarga ko‘ra, gumondor Klaudio Manuel Neves Valente 2017-yilda diversity visa (DV1) dasturi orqali AQShga kirgan.

Vazirning so‘zlariga ko‘ra, Tramp 2017-yilda ham ushbu dasturga qarshi chiqqan edi. O‘sha yili Nyu-Yorkda yuk mashinasi bilan uyushtirilgan hujumda sakkiz kishi halok bo‘lgan. Undagi aybdor shaxs ham aynan Green Card orqali AQShga kirgan.

Joriy yil smartfon bozorida bir qator yangiliklar bilan yodda qoldi. Ishlab chiqaruvchilar foydalanuvchilarni yangi dizaynlar, kuchli batareyalar va kamera imkoniyatlari bilan hayratda qoldirishga harakat qildi. Quyida 4pda ma’lumotlari asosida 2025-yilda e’tiborga molik asosiy tendensiyalar jamlangan.

Batareyalar hajmi keskin oshdi

Smartfonlarning ishlash muddati ancha uzaydi. Silikon-uglerod (Si/C) batareyalar energiyani ko‘proq sig‘dira olgani sababli, endi 6500–8000 mA·soatli akkumulyatorlar oddiy holga aylandi. Eng muhimi telefonlar kattalashib ketmadi.

Bunday batareyalar arzon modellarda (Redmi 15), o‘rta segmentda (Poco F7) va flagmanlarda (OnePlus 15, Xiaomi 17 Pro Max) paydo bo‘ldi. Apple, Samsung va Google esa hozircha 5000 mA·soat atrofida qolmoqda. Kelajakda esa...

19-dekabr kuni Afg‘onistonda sodir bo‘lgan zilzila O‘zbekistonda ham sezildi. Bu haqda Seysmoprognostik monitoring markazi xabar berdi.

Unga ko‘ra, yer silkinishining magnitudasi 6, chuqurligi 105 kilometrni tashkil etdi. Zilzila soat 10:39 da sodir bo‘lgan. Zilzila epimarkazi Аfg‘onistonning Taxor viloyati. Epimarkaz Toshkentdan 551 km janubiy-sharqda. Koordinatalari 36,31 daraja shimoliy kenglik, 69,28 daraja sharqiy uzunlik.

O‘zbekiston hududlarida sezilish kuchi:

AQShning Braun universitetida ikki kishini o‘ldirish va to‘qqiz kishini yaralashda gumon qilingan Klaudio Neves Valente Nyu-Xempshir shtatidagi omborxonada o‘lik holda topildi. Bu haqda The Guardian xabar bermoqda.

Huquqni muhofaza qilish organlari Valenteni qidirishda guvohlarning ko‘rsatmalari va kuzatuv kameralaridan keng foydalanishdi. Gumonlanuvchi avtomobil raqamlarini almashtirish orqali yashirinishga uringan, biroq ijaraga olingan transport vositasi orqali uning shaxsi va manzili aniqlangan. U o‘lik holda topilgan omborxonadan ikkita o‘qotar qurol va jinoyat joyidagi dalillarga aynan mos keluvchi ashyolar topilgan.

Otishmada halok bo‘lgan ikki nafar talabalardan biri Braun universitetida tahsil olayotgan o‘zbekistonlik MuhammadAziz Umurzoqov edi. Ma’lum qilinishicha, MuhammadAziz kelajakda malakali neyroxirurg bo‘lishni orzu qilgan...

Milliy statistika qo‘mitasi ma’lumotlariga ko‘ra, 2025-yilning yanvar – sentabr oylarida O‘zbekistonda 664,6 ming nafar tug‘ilish qayd etildi. Hududlar kesimida eng ko‘p tug‘ilish Samarqand viloyatida ro‘yxatga olingan – 80,9 mingta.

Keyingi o‘rinlarda Qashqadaryo viloyati – 75 ming nafar tug‘ilish, Farg‘ona viloyati esa 74 ming nafar tug‘ilish bilan qayd etildi.

Surxondaryo viloyatida 61 ming, Andijon viloyatida 60 ming hamda Namangan viloyatida 57 mingta tug‘ilish holati ro‘yxatga olingan. Toshkent viloyatida 49 mingta, Toshkent shahrida esa 47,7 mingta chaqaloq tug‘ilgani aytildi.

Shuningdek, Xorazm viloyatida 33 mingta, Buxoro viloyatida 32 mingta, Jizzax viloyatida 28 mingta, Navoiy viloyatida 18 mingta va Sirdaryo viloyatida...

OppoReno 15 Mini smartfoni haqida ma’lumotlar tarqaldi. Bu haqda Gizmochina nashri xabar bermoqda.

Manbada qayd etilishicha, yangi Mini modeli seriyaning premium dizaynini saqlagan, ammo o‘lchamlari kichikroq bo‘ladi. Uning 6,32 dyuym AMOLED displeyga ega bo‘lishi va 1,6 millimetrgacha ingichka ramkalar bilan chiqishi taxmin qilinmoqda. Bu esa uni kompakt segmentga yaqinlashtiradi.

Dizayn tafsilotlari ham oshkor bo‘lgan. Qurilmaning og‘irligi atigi 187 gramm bo‘lishi, korpus qalinligi esa 7,99 mm bo‘lishi kutilmoqda.

Shuningdek, smartfon ranglaridan biri Glacier White bo‘lib, lenta uslubidagi bezak bilan Reno 15 Pro dizayniga o‘xshash bo‘ladi. Material sifatida orqa tomonda shisha panel ishlatiladi. Qurilma chang va suvga chidamlilik bo‘yicha IP66, IP...

OpenAI kompaniyasi ChatGPT foydalanuvchilari uchun bevosita interfeys orqali ishlaydigan ilovalar katalogini taqdim etdi. Bu haqda Engadget ma’lum qildi.

Endilikda foydalanuvchilar uchinchi tomon xizmatlarini chat-bot ichida ulash orqali Apple Music’da musiqani qidirish, pleylistlar yaratish va treklar kutubxonasini boshqarish imkoniga ega bo‘ladi. Shuningdek, DoorDash xizmati integratsiyasi yordamida retseptlar va mahsulotlar ro‘yxati asosida oziq-ovqat xaridlarini rejalashtirish mumkin.

Katalog kategoriyalarga bo‘lingan bo‘lib, foydalanuvchilar kerakli ilovani tez topishlari mumkin. Ilovani ulash uchun ro‘yxatdan tanlash, Connect tugmasini bosish va ChatGPT’da ruxsat berish kifoya. Shu orqali tanlangan ilova bilan bog‘liq chatni boshlash mumkin. Masalan, Dropbox ilovasini ulash orqali foydalanuvchi analitika olish, qisqa hisobotlar tayyorlash va...

Turkiya kubogi «A» guruhi 1-turi doirasida «Galatasaroy» o‘z maydonida «Bashakshehir» jamoasini 1:0 hisobida mag‘lub etdi.

Uchrashuvdagi yagona gol 22-daqiqada Ahmed Kutuju tomonidan kiritildi. Ushbu muvaffaqiyat «Galatasaroy» uchun turnirning yangi mavsumidagi muhim g‘alaba bo‘ldi. Mehmonlar jamoasi safida harakat qilayotgan o‘zbekistonlik hujumchi Eldor Shomurodov o‘yinni asosiy tarkibda boshladi.

Shomurodov uchrashuvning 62-daqiqasiga qadar maydonda harakat qilib, so‘ngra zaxiraga olindi. Aynan shu daqiqada «Bashakshehir»ning ikkinchi o‘zbekistonlik vakili Abbosbek Fayzullayev o‘yinga qo‘shildi. O‘yin yakuniga qadar mehmonlar hisobni tenglashtirishga urinishgan bo‘lsa-da, «Galatasaroy» himoyasi ishonchli o‘yin namoyish etdi.

Avvalroq Kursiv Uzbekstan Shomurodov Turkiya Superligasida noyabr oyining ramziy tarkibidan joy olgani haqida xabar bergan edi.

SAIC kompaniyasining MG brendi 18-dekabr kuni MG4 Anxin Edition elektromobilini mijozlarga yetkazishni boshlaganini ma’lum qildi. Bu haqda CarNewsChina xabar bermoqda.

Model dunyoda ilk bor ommaviy ishlab chiqarilgan va suyuq-qattiq holatdagi akkumulyator bilan jihozlangan yengil yo‘lovchi avtomobil hisoblanadi. Avtomobil CLTC sikli bo‘yicha 530 km masofaga bir quvvatda harakatlanadi. Quvvatlash tizimi 2C tez quvvatlashni qo‘llab, batareyani 30 foizdan 80 foizgacha 21 daqiqada to‘ldiradi. Bunda elektr energiyasi sarfi 100 km uchun 11,9 kVt/soat deb ko‘rsatilgan.

MG4 Anxin Edition 120 kVt quvvatli doimiy magnitli old elektr motoriga ega, maksimal 250 Nm aylanish momenti mavjud. Tezlanish 0 dan 50 km/soatgacha 3 soniya atrofida. Maksimal...