Yangiliklar

Elektromobillar global transportning yangi bosqichini boshlab berdi. Xalqaro energetika agentligi (IEA) ma’lumotiga ko‘ra, 2024-yilda elektromobillar neftga bo‘lgan talabni kuniga 1,3 million barrelga qisqartirdi. Buning eng katta hissasi Xitoy brendlariga to‘g‘ri kelmoqda. Ushbu maqolada Xitoyning eng kuchli 5 ta elektromobil brendi va ularning asosiy maqsadlari haqida hikoya qilinadi.

BYD

BYD hozirgi kunda Xitoyning eng yirik elektromobil ishlab chiqaruvchisi hisoblanadi. Kompaniya o‘z faoliyatini 1995-yilda oddiy batareya ishlab chiqarishdan boshlagan bo‘lsa-da, bugungi kunda Tesla bilan hajm bo‘yicha raqobatlasha oladigan darajaga yetdi. BYD’ni boshqalardan ajratib turadigan jihat — to‘liq vertikal integratsiya bo‘lib, kompaniya mashinalaridagi aksar qismlarni, xususan, mashhur Blade Battery akkumulyatorlaridan tortib...

So‘nggi kunlarda elektron retsept tizimini joriy etish masalasi keng muhokama qilinmoqda. Shu munosabat bilan Sog‘liqni saqlash vazirligi qo‘shimcha tushuntirish va aniqliklar kiritdi.

Vazirlikka ko‘ra, elektron retsept tizimining asosiy maqsadi davolash xavfsizligini oshirish, bemorlar salomatligini himoya qilish va shifokorlarning dori tayinlashdagi mas’uliyatini kuchaytirishdan iborat. Shuningdek, dori vositalarini tayinlash jarayonini tartibga solish, sog‘liqni saqlash tizimida raqamli hisobga o‘tish hamda kontrafakt va noto‘g‘ri qo‘llanilayotgan dorilar bilan bog‘liq xavflarni kamaytirish ko‘zda tutilgan.

Hozirda elektron retsept tizimi Toshkent shahri va 15 ta tumanda joriy etilmoqda. Tizimni butun respublika bo‘ylab kengaytirish 2026-yil oxirigacha bosqichma-bosqich amalga oshiriladi. Bu jarayon dastlabki natijalarni tahlil qilish, tashkiliy va texnik...

Transfermarkt portali yangilangan ma’lumotlariga ko‘ra, O‘zbekiston Superligasi Osiyo qit’asining eng qimmat chempionatlari reytingida 9-o‘rinni egalladi. Chempionatning umumiy bozor qiymati 89,78 mln yevroni tashkil qilmoqda.

Ro‘yxatning mutlaq yetakchisi 1,14 mlrd yevro qiymat bilan Saudiya Arabistoni Pro ligasi bo‘lib turibdi. Kuchli uchlikdan Qatar va BAA chempionatlari ham o‘rin olgan.

Ichki chempionatdagi eng qimmat tarkibga ega klub Toshkentning «Paxtakor» jamoasi bo‘lib, uning qiymati 12,83 mln yevroga teng. Keyingi o‘rinlarda «Nasaf» (9,93 mln) va «Neftchi» (8,60 mln) bormoqda. Liga bahosiga ko‘ra eng qimmat futbolchi sifatida Abduvohid Ne’matov (1,5 mln yevro) qayd etilgan. Superligada xorijlik futbolchilar ulushi 16,2 foizni tashkil etadi.

Avvalroq Kursiv Uzbekistan...

Shayx Zoid nomidagi «Insoniy birodarlik» mukofoti hay’ati yig‘ilishi doirasida Prezident administratsiyasi rahbari Saida Mirziyoyeva Rim Papasi Lev XIV bilan uchrashdi. Uning o‘zi Telegram kanalida ma’lum qildi.

Suhbat davomida mukofotning madaniyatlararo va dinlararo anglashuvni kengaytirishga qaratilgan faoliyati, uning asosiy yo‘nalishlari hamda xalqaro ahamiyati muhokama qilindi.

Uchrashuvda O‘zbekistonda turli konfessiyalar vakillari, jumladan, katoliklar, totuvlik va bag‘rikenglik muhitida yashayotgani alohida ta’kidlandi. Saida Mirziyoyeva bu qadriyatlar mamlakat siyosatining muhim qismi ekanini, mukofot esa ushbu tamoyillarni global miqyosda mustahkamlashga xizmat qilishini bildirdi.

Tomonlar dunyoda ishonchni kuchaytirish, insonparvarlik tamoyillarini targ‘ib etish va madaniyatlararo hamkorlikni rivojlantirishga qaratilgan loyihalar bo‘yicha yaqin hamkorlikda ishlashga tayyor ekanini ma’lum qildi.

Chiqindilarni boshqarish va sirkulyar iqtisodiyotni rivojlantirish agentligi 6-dekabr holatiga ko‘ra, respublika bo‘yicha 204 895 nafar abonentning elektr energiyasi uchun to‘lov qilish imkoniyatini vaqtincha chekladi. Bu haqda agentlik matbuot xizmati xabar bermoqda.

Cheklov qo‘yilishidan avval 20,1 mlrd so‘m qarzi bo‘lgan 231 mingdan ortiq abonentlar «Hududiy elektr tarmoqlari» AJning qisqa raqami orqali SMS-xabarnoma olgan va ularga qarzdorlikni bartaraf etish uchun 5 kun muhlat berilgan. Ushbu davr mobaynida 9,4 mlrd so‘mlik to‘lovlar amalga oshirilgan. Hozirgi vaqtda chiqindi xizmatlari bo‘yicha umumiy debitor qarzdorlik 18,2 mlrd so‘mni tashkil etmoqda.

Ushbu tartib 1044-sonli Qonunga asosan, 2025-yil 1-iyuldan keyin yuzaga kelgan qarzdorliklarga nisbatan joriy yilning 5-noyabridan...

Markaziy bank tijorat banklariga bank xizmatlari ko‘rsatishda adolatsiz va insofsiz amaliyotlarga chek qo‘yish bo‘yicha rasmiy talabnoma yubordi.

Regulyatorga ko‘ra, tekshiruvlar davomida ayrim banklar mobil ilovalarda iste’molchilarga noqulay va qonunchilikka zid shartlarni majburan qabul qildirish holatlariga yo‘l qo‘yayotgani aniqlangan.

Xususan, ba’zi banklar mijoz faqat bitta xizmatdan foydalanishni istagan bo‘lsa ham, «bosh oferta» orqali bir nechta xizmatlarga umumiy rozilik olish amaliyotini qo‘llab kelayotgani qayd etilgan. Natijada iste’molchi o‘zi tanlamagan va zarur bo‘lmagan xizmatlar shartlariga ham majburan rozi bo‘lib qolmoqda.

Shuningdek, kredit kartasi bo‘yicha qarzdorlik muddati o‘tganda kartani avtomatik bloklash va keyinchalik karta hisobiga tushgan mablag‘dan asoslanmagan komissiyalar undirish holatlari ham aniqlangan...

2026-yilgi Jahon chempionati finali uchun chiptalar narxi minglab dollarga yetgani muxlislar guruhlari tomonidan keskin tanqid qilinmoqda. BBC xabariga ko‘ra, Yevropa futbol muxlislari tashkiloti narx siyosatini «tovlamachilik» deb atab, sotuvlarni darhol to‘xtatishga chaqirgan.

Nyu-Yorkdagi «MetLife» stadionida bo‘lib o‘tadigan final o‘yini uchun chiptalar uch toifaga ajratilgan. Eng arzon toifasi $4,1 ming, eng yuqori toifa esa $8,8 ming etib belgilangan. Taqqoslash uchun, 2022-yilda Qatarda o‘tgan musobaqada eng arzon chipta narxi $600 tashkil qilgan edi. Bolalar yoki boshqa ijtimoiy guruhlar uchun hech qanday imtiyozlar ko‘zda tutilmagan.

Avvalgi turnirlardan farqli o‘laroq, guruh bosqichi o‘yinlari uchun narxlar jamoalarning mashhurlik darajasiga qarab o‘zgaruvchan qilib belgilangan. Masalan...

15-dekabr uchun valyuta kurslari e’lon qilindi. Shu kun uchun AQSh valyutasi 12 097,93 so‘m (+50,48 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi.

2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil etdi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd...

Joriy yilning 12-dekabr kuni Sog‘liqni saqlash vazirligida Elektron retsept tizimini joriy etish bo‘yicha doimiy ishchi guruh yig‘ilishi bo‘ldi. Vazirlik matbuot xizmatiga ko‘ra, unda fuqarolar va tibbiyot xodimlaridan kelib tushgan murojaatlar muhokama qilingan.

Ishchi guruh tizim ishga tushirilgan dastlabki kunlardagi jarayonlarni tahlil qilmoqda. Xususan, poliklinikalarga tushayotgan yuklama, dori vositalarini berish tartibi va raqamli xizmatlar barqarorligiga baho berilmoqda.

Vazirlik ma’lum qilishicha, yaqin kunlarda yig‘ilish yakunlari asosida Elektron retsept tizimi yuzasidan jamoatchilikni qiziqtirgan muhim savollarga dastlabki rasmiy javoblar e’lon qilinadi.

Eslatib o‘tamiz, O‘zbekistonda 12-dekabrdan boshlab bir qancha dori vositalari faqat retsept asosida berilishi belgilandi. «Kursiv» vaziyatni atroflicha o‘rgandi: Toshkentdagi bir nechta...

Yandex o‘zining birinchi taksi xizmati uchun mo‘ljallangan Yandex UMO 5 modelini namoyish etdi. Bu avtomobil Xitoyda ishlab chiqariladigan GAC Aion Y Plus krossoverining litsenziyalangan nusxasi bo‘lib, Rossiyada rasmiy ravishda sotilmaydi.

Kompaniya hozirda GAC bilan birgalikda bir nechta zavodlarda yig‘ishni yo‘lga qo‘yish bo‘yicha muzokaralar olib bormoqda. UMO 5 ishlab chiqarilishi 2026-yilda boshlanishi mumkin.

Yangi modelning narxi davlat subsidiyasi hisobga olingan holda 2,4 mln rubl ($30 ming) etib belgilangan. To‘rt yillik lizing esa oyiga 69 ming rubl atrofida bo‘ladi. Elektr krossover 204 ot kuchiga ega, old g‘ildirakdan tortuvchi bo‘lib, mavsumga qarab 300 – 430 km masofani bosib o‘tadi. 63 kVt·soat sig‘imli...

O‘zbekiston xalqaro sanksiyalarga rioya qilgan holda Rossiyaning «Lukoyl» kompaniyasi bilan hamkorlikni davom ettirmoqda. Bu haqda Energetika vaziri Jo‘rabek Mirzamahmudov Oliy Majlis Qonunchilik palatasining navbatdagi majlisida ma’lum qildi.

Vazir kompaniya O‘zbekistonda 20 yildan ortiq vaqt davomida samarali ishlab kelayotganini qayd etib, har bir davlat o‘z milliy manfaatlaridan kelib chiqib ish yuritishi zarurligini ta’kidladi.

«Hamma davlatlar o‘z milliy manfaatidan kelib chiqib ish tutishi kerak bo‘ladi va biz, albatta, shu narsadan kelib chiqqan holda xalqaro normalarga, sanksiyalarga to‘liq rioya qilib, AQSh Moliya vazirligi tizimidagi sanksiyalar joriy qiladigan tashkilot bilan birga ishlab turibmiz», – deydi Mirzamahmudov.

Vazir, shuningdek, AQSh...

Niderlandiyada talabalardan iborat jamoa arzon va har kim o‘zi ta’mirlashi mumkin bo‘lgan elektromobil yaratish mumkinligini namoyish qildi. Hatto avtomexanik tajribasi deyarli bo‘lmagan odam ham uni tuzata olishi ko‘zda tutilgan.

Ushbu elektromobil ARIA deb nomlanadi. Bu nom Anyone repairs it anywhere, ya’ni har kim, har joyda ta’mirlashi mumkin degan ma’noni anglatadi. ARIA Eindhoven texnologiya universitetida yaratilgan o‘ninchi elektromobil prototipi hisoblanadi. Avvalgi loyihalar ekologik toza va uzoq xizmat qiladigan mashinalar yaratishga qaratilgandi.

ARIA’ning asosiy farqi uning modulli tuzilishida. Mashinaning batareyalari, kuzov panellari va elektron qismlari alohida modullardan iborat. Agar biror detal ishdan chiqsa, egasi uni servisga bormasdan, o‘zi almashtira oladi. Buning...

Shavkat Mirziyoyev Turkmanistonda o‘tkazilgan xalqaro forumda so‘zlagan nutqida betaraflik siyosatiga alohida to‘xtaldi. Bu haqda prezident matbuot xizmati xabar bermoqda.

Prezident nutqida Turkmanistonning betaraflik siyosati Markaziy Osiyoda tinchlik va barqarorlikni ta’minlashda muhim o‘rin tutayotganini ta’kidladi. Shuningdek, u Turkmanistonning BMT bilan hamkorlikda Tinchlik va betaraflik universitetini tashkil etish tashabbusini qo‘llab-quvvatlashini bildirdi.

Davlat rahbari O‘zbekistonning Qo‘shilmaslik harakatidagi raisligi davrida asosiy ustuvor yo‘nalish sifatida tinchlik va zo‘ravonlikdan xolilik madaniyatini mustahkamlash, davlatlar o‘rtasida ishonchni oshirish va muloqotni kuchaytirish bo‘yicha global harakatlarni ilgari surishini ma’lum qildi.

Uning so‘zlariga ko‘ra, mojarolarni muzokaralar yo‘li bilan hal etishni qo‘llab-quvvatlash maqsadida 2027-yilni Preventiv diplomatiya yili deb e’lon qilish rejalashtirilmoqda...

O‘zbekistonda 12-dekabrdan boshlab bir qancha dori vositalari faqat retsept asosida berilishi belgilandi. Ushbu tartib Vazirlar Mahkamasining tegishli qarorida belgilandi. «Kursiv» vaziyatni atroflicha o‘rgandi: Toshkentdagi bir nechta dorixonalarda bo‘ldi, aholi bilan suhbatlashdi.

Bu tartib nega kerak?

Kursiv Uzbekistan muxbiri Toshkentdagi bir nechta dorixonalardan «Enam» dorisini retseptsiz sotib ola olmadi. Bundan ko‘rish mumkinki, yangi tartib poytaxtda yaxshi ishlamoqda.

Tahririyat bilan suhbatda bo‘lgan dori sotuvchisiga ko‘ra, bu tartib o‘zboshimchalik bilan dori qabulini cheklashiga yordam beradi.

«Men sizga «Tylol Hot» sota olaman, ammo «Nimesil» sota olmayman. Nega? Chunki «Tylol Hot» retseptsiz beriladi, «Nimesil» yorlig‘iga esa shifokor retsepti bilan...

O‘zbekistonning bir qator hududlarida metan zapravkalar ish vaqtiga vaqtinchalik cheklovlar qo‘yildi. Bu haqda «Hududgaz» hududiy filiallari ma’lumot bermoqda.

Toshkentda metan zapravkalar faoliyati soat 06:00 dan 23:00 gacha qilib belgilandi. Aholi xonadonlari va ijtimoiy soha obyektlarida tabiiy gaz bosimi pasayishining oldini olish maqsadida respublika bo‘ylab metan zapravkalar ishiga vaqtinchalik cheklovlar joriy etilmoqda.

Toshkent shahrida faoliyat yuritayotgan 78 ta avtomobillarga gaz to‘ldirish kompressor shoxobchalari (AGTKSh) uchun yangi tartib belgilandi. Endilikda ular soat 06:00 dan 23:00 gacha ishlaydi.

Rasmiylarga ko‘ra, ushbu chora gaz ta’minotidagi barqarorlikni ta’minlash va iste’mol hajmidagi yuklamani muvozanatlashtirishga qaratilgan.

Andijon viloyatida hokimlik bilan kelishilgan tartibga ko‘ra, 143 ta avtomobillarga gaz...

«Ferrari» jamoasi piloti Sharl Lekler Xalqaro avtomobil federatsiyasi (FIA)ning taqdirlash marosimida ishtirok etish uchun Toshkentga yetib keldi. Bu haqda MOQ xabar berdi.

Islom Karimov nomidagi xalqaro aeroportda monakolik sportchini Milliy olimpiya qo‘mitasi (MOQ) rahbariyati kutib oldi. Bugun, 12-dekabr kuni Toshkentning «Humo Arena» majmuasida FIA’ning yil yakunlariga bag‘ishlangan tantanali taqdirlash marosimi bo‘lib o‘tadi.

Ushbu tadbir Markaziy Osiyo mintaqasida birinchi marta tashkil etilmoqda. Marosimda dunyoning yetakchi avtomobil sporti jamoalari va vakillari jamlangan. Sharl Lekler «Formula-1» olamining eng mashhur pilotlaridan biri hisoblanadi. Tadbir doirasida poytaxtga boshqa mashhur avtosportchilarning ham kelishi kutilmoqda.

Avvalroq Kursiv Uzbekistan Shavkat Mirziyoyev FIA rahbarini «Do‘stlik» ordeni bilan mukofotlagani...

Termiz shahrida jamoat transporti tizimini zamonaviylashtirish va yo‘lovchilarga qulaylik yaratish maqsadida elektron to‘lov tizimi bosqichma-bosqich joriy qilinadi. Bu haqda Transport vazirligi xabar berdi.

Yangi tartibga ko‘ra, avtobuslarda naqd pul bilan yo‘l haqi 3000 so‘m etib belgilanadi. Elektron to‘lov orqali esa yo‘l haqi 2000 so‘m bo‘ladi. Bunda yetti yoshgacha bo‘lgan bolalar bepul qatnaydi. 20 kg gacha bo‘lgan qo‘l yuki uchun to‘lov olinmaydi, belgilangan me’yordan ortiq yuk uchun 4000 so‘m to‘lanadi.

Elektron to‘lov tizimi birinchi bosqichda 2026-yil 3-yanvardan B-3, B-4, B-7, ShI-1, ShI-3, ShI-5, ShI-7, ShI-8 va ShI-15 yo‘nalishlarida ishga tushiriladi. Ikkinchi bosqichda esa 2026-yil 1-apreldan ushbu yo‘nalishlarda yo‘l haqi faqat...

Finlyandiyaning «Haka» futbol klubiga tegishli stadionda yirik yong‘in yuz berdi. Hodisa oqibatida yaqindagina yuqori divizionni tark etgan klub o‘yingohining asosiy tribunasi butunlay yonib ketgan. Bu haqda The Sun xabar bermoqda.

Valkeakoski shahri politsiyasi voqea yuzasidan uch nafar o‘smirni hibsga olganini, ulardan biri 15 yoshli bola o‘t qo‘yganini tan olganini ma’lum qildi. Klub raisi Marko Larsson hodisa jamoa uchun og‘ir zarba bo‘lganini va moliyaviy zarar miqdori katta ekanini ta’kidladi. «Haka» bosh direktori Olli Huttunenning so‘zlariga ko‘ra, asosiy tribuna karkasi saqlanib qolgan bo‘lsa-da, u buzib tashlanishi kerak.

Mazkur voqea oktabr oyida oliy ligadan tushib ketgan klub uchun navbatdagi muvaffaqiyatsizlik bo‘ldi. «Haka...

Apple ilk bukiladigan smartfoni iPhone Fold’ni 2026-yilda iPhone 18 seriyasi bilan birga taqdim etishi mumkin. Tom’s Guide nashri mazkur smartfon haqida ba’zi ma’lumotlarni e’lon qildi.

Unga ko‘ra, tahlilchilar iPhone Fold narxi taxminan $2 ming atrofida bo‘lishini kutmoqda. Bu Samsung Galaxy Z Fold 7 narxiga yaqin. Apple ilk bukiladigan iPhone’ni premium qurilma sifatida taqdim etishi ehtimoli yuqori.

Dizayn va materiallar

Ma’lumotlarga ko‘ra, iPhone Fold tashqi ko‘rinishi jihatidan ikkita iPhone Air birlashtirilgandek bo‘lishi mumkin. Qurilma titanium va alyuminiy aralashmasidan yasalishi kutilmoqda. Ochilgan holatda u hozirgacha chiqarilgan eng yupqa iPhone bo‘lishi mumkin.

Displey imkoniyatlari

iPhone Fold katta ichki bukiladigan...

Hindistonning Kalkutta shahrida argentinalik futbolchi Lionel Messining 21 metr balandlikdagi ulkan haykali o‘rnatildi. Bu haqda BBC xabar berdi.

Haykalni yasash jarayoni 27 kun davom etgan bo‘lib, unga 45 nafar ustadan iborat jamoa jalb qilingan. Tantanali ochilish marosimi 13-dekabr kuni bo‘lib o‘tadi. Mahalliy ommaviy axborot vositalarining yozishicha, tadbirda Messi, shuningdek, Luis Suares va Rodrigo De Polning shaxsan ishtirok etishi kutilmoqda.

Tashrif buyuruvchilar nafaqat gigant haykalni tomosha qiladilar, balki...

Xitoyning Midea kompaniyasi dunyodagi ilk olti qo‘lli odamsimon robot – Miro U’ni namoyish etdi. Bu haqda Humanoids Daily nashri ma’lum qildi.

Ishlab chiquvchilar uni supergumanoid deb atamoqda. Yangi avlod roboti sanalgan Miro U Greater Bay Area New Economy Forum 2025 tadbirida, Guanchjou shahrida taqdim etildi.

Miro U — bu odamga o‘xshash tanaga ega, g‘ildirakli platformada harakatlanuvchi va birdaniga olti manipulyator bilan ishlay oladigan birinchi robot. Midea Group ma’lumotiga ko‘ra, bunday konstruksiya robotga insondagi fizik cheklovlarni ortda qoldirish imkonini beradi.

Ko‘p vazifani bir vaqtning o‘zida bajaradi

Robotning asosiy ustunligi – olti qo‘lning muvofiqlashtirilgan harakati. Masalan, pastki qo‘llar og‘ir yuklarni...

Amazon kompaniyasi 2025-yil davomida Alexa ovozli yordamchisiga berilgan eng ommabop savollar ro‘yxatini e’lon qildi. Bu haqda CNN nashri xabar bermoqda.

Buyuk britaniyalik foydalanuvchilar ko‘proq futbolchi Krishtianu Ronaldu, xonanda Taylor Svift va milliarder Ilon Mask haqida ma’lumot izlashgan. Shuningdek, aktyor Tom Kruzning bo‘yi va Ed Sheeran kimga uylangani eng ko‘p qiziqish uyg‘otgan.

Avstraliyada ham foydalanuvchilar Taylor Swift, Ronaldu va YouTube yulduzi MrBeast haqida eng ko‘p savol berishgan. Umumiy bilimlar bo‘yicha avstraliyaliklar «qanday qilib tez uxlash mumkin» va «Rubik kubigini qanday yig‘ish kerak» kabi savollarga javob izlashdi.

Irlandiyada esa siyosiy va moliyaviy mavzular dolzarb bo‘lib, foydalanuvchilar «bitkoinning narxi qancha» va «Donald...

Poytaxtdagi Tashkent City Mall’da XIX asrning rassomlaridan biri Vinsent van Gog hayoti va ijodiga bag‘ishlangan «Van Gog bo‘lish» nomli multimedia ko‘rgazmasi ish boshladi. Bu haqda ma’lumotlar Kursiv’ga ma’lum qilindi. Loyiha O‘zbekiston Madaniyat va san’atni rivojlantirish jamg‘armasi tomonidan taqdim etilmoqda.

Loyiha ilgari ham taqdim etilgan bo‘lib, o‘sha paytda katta qiziqish uyg‘otgandi. Yangi namoyish esa to‘liq yangilangan va 1400 kv.m maydonga moslashtirilgan. Bu kengayish vizual tarkibni boyitish va Van Gog merosini yanada to‘liq yoritish imkonini berdi.

Yangi ekspozitsiya tarkibiga ikki asosiy multimedia shousi hamda rassomning shaxsiyati, ichki dunyosi, ijodiy shakllanishi va emotsional merosini ochib beruvchi uchta tematik zona kiradi.

«Van Gog...

Time jurnali 2025-yilgi «Yil odami» mukofotini sun’iy intellektni loyihalagan va yaratgan sakkiz nafar shaxsga berdi. Bosh muharrir Sem Jeykobsning so‘zlariga ko‘ra, ushbu SI «arxitektorlari» zamonaviy texnologiyalar yordamida fikrlaydigan mashinalar davrini yaratgan va dunyoga sezilarli ta’sir ko‘rsatgan.

Muqovada Nvidia bosh direktori Jensen Huang, xAI asoschisi Ilon Mask, Anthropic bosh direktori Dario Amodei, AMD bosh direktori Lisa Su, Meta bosh direktori Mark Zuckerberg, DeepMind Technologies bosh direktori Demis Hassabis, Stanford universiteti AI instituti hamkor direktori va World Labs bosh direktori Fei-Fei Li hamda OpenAI bosh direktori Sem Altman tasvirlangan.

Jurnalda sun’iy intellektning dunyoni qanday o‘zgartirgani va ayrim xavfli yo‘llari yoritilgan...