Yangiliklar

Valyuta birjasida 15-avgust kuni dollar kursi pasayib, 12 547,38 so‘mni tashkil etdi. Bu bir kun avvalgi 12 581,97 so‘mlik kursdan 34,59 so‘mga past ko‘rsatkichdir. Shu bilan birga, hafta davomida kursda keskin o‘zgarishlar kuzatildi. Kursiv Uzbekistan nashri dollar kursining hafta davomida o‘zgarishi haqida maqolasini e’lon qiladi.

21.07-15.08-kunlari dollar kursining o‘zgarishi

11-avgustda dollar 12 589,35 so‘m bo‘lgan. Oradan bir kun o‘tib, 12-avgustda kurs 79,52 so‘mga tushib, 12 509,83 so‘mni qayd etdi. 13-avgustda esa biroz ko‘tarilib, 12 497,75 so‘m bo‘ldi, bu avvalgi kun bilan solishtirganda 12,08 so‘mlik pasayishdir. 14-avgustda kurs keskin sakrab, 84,22 so‘mga oshib...

2025-yilda paxta yig‘im-terim mavsumida 1 tonna paxta xomashyosini paxta terish mashinalarida terib olish xizmatlari uchun tavsiyaviy tariflar e’lon qilindi. Bu haqda Qishloq xo‘jaligi vazirligi xabar berdi.

Unga ko‘ra, xizmatning o‘rtacha bahosi 1 372 925 so‘m (yoqilg‘isiz) etib belgilandi.

Mutasaddilarning ta’kidlashicha, tarifni hisoblashda quyidagi omillar inobatga olingan:

Shu sababli belgilangan miqdor o‘rtacha tavsiyaviy narx bo‘lib, amalda xizmat haqi shartnomalarda taraflar kelishuvi asosida belgilanadi.

Avvalroq «Kursiv» nashri O‘zbekiston AQShdan paxta importi masalalarini muhokama qilgani haqida yozgandi.

2025-yil davomida gaz (20%), elektr energiyasi (11%) va sotib olinadigan issiqlik (13%) narxlari oshdi. Bu esa issiqlik ta’minoti kompaniyalari uchun ishlab chiqarish tannarxining keskin ortishiga olib keldi. Shunday sharoitda Veolia Energy Tashkent ham tariflarni qayta ko‘rib chiqishga majbur bo‘lganini ma’lum qildi.

Natijada, issiqlik ta’minoti umumiy tarifi atigi 7,1 foizga(664 465 so‘mdan 711 641 so‘mgacha/Gkal), aholiga xizmat ko‘rsatish narxi esa 15 foizga oshadi (121 617 so‘mdan 139 860 so‘mgacha/Gkal).

Bu ko‘rsatkichlar ishlab chiqarish tannarxidan ancha past bo‘lib, davlatning asosiy subsidiyalari saqlanib qolmoqda.

Subsidiyalar: imkoniyatmi yoki yukmi?

Hozirgi kunda issiqlik ta’minoti xizmati 82% budjet subsidiyalari hisobiga qoplanadi. Tarif oshirilgach, aholining...

Ukraina prezidenti Vladimir Zelenskiy 18-avgust kuni AQSh prezidenti Donald Tramp bilan Vashingtonda uchrashishni rejalashtirgan. Bu haqda TASS nashri xabar qildi.

«Mojaroni tugatish bo‘yicha barcha tafsilotlarni dushanba kuni Vashingtonda prezident Tramp bilan muhokama qilmoqchiman. Taklif uchun minnatdorman», — deb yozdi Zelenskiy o‘zining Telegram-kanalida Tramp va Yevropa yetakchilari bilan bo‘lgan telefon suhbatidan so‘ng.

Uning so‘zlariga ko‘ra, suhbat bir yarim soat davom etgan va mazmunli bo‘lgan. Tramp Rossiya prezidenti Vladimir Putin bilan bo‘lgan muzokaralardagi asosiy jihatlarni bayon qilgan.

«Biz Trampning Ukraina–Amerika–Rossiya uch tomonlama uchrashuvi bo‘yicha taklifini qo‘llab-quvvatlaymiz. Ukraina ta’kidlaydi: asosiy masalalar liderlar darajasida...

Xitoyning Shinjon-Uyg‘ur avtonom rayoni Qashg‘ar shahriga tashrif buyurgan Farg‘ona delegatsiyasi $2,5 mlnlik bitim tuzdi. Bu haqda viloyat hokimligi matbuot xizmati xabar berdi.

Uchrashuvlar chog‘ida Farg‘ona va Qashg‘ar shaharlari birodarlik aloqalarini o‘rnatish to‘g‘risida memorandum imzolandi. Shuningdek, turizm, qishloq xo‘jaligi mahsulotlarini qayta ishlash, qurilish materiallari ishlab chiqarish, urug‘chilik kabi sohalarda hamkorlikni yo‘lga qo‘yish masalalari kelishib olindi.

Delegatsiya tashrifi davomida «Dilrabo Travel» (Farg‘ona) va «Kashi katie International Travel» (Qashg‘ar) kompaniyalari o‘rtasida qiymati $2,5 mlnlik bitim tuzildi.

Qo‘qon shahri bilan Qashg‘ar prefekturasining Zepu tumani vakillari ham uchrashuv o‘tkazib, turizm imkoniyatlari va boshqa yo‘nalishlarda hamkorlik masalalarini muhokama qildilar. Shuningdek, kommunal xizmatlar, robototexnika va ishlab...

Monterey Car Week doirasida Lexus o‘zining navbatdagi sport avtomobilini – Sport Concept superkarini namoyish qildi. Bu haqda Motor1 nashri xabar berdi.

Mazkur model butkul yangi LFR avtomobili uchun poydevor bo‘lib xizmat qilishi rejalashtirilgan.

Hozircha kompaniya texnik tafsilotlarni oshkor etmadi, biroq mashina old qismida joylashgan ikki turbinali V8 dvigateli va orqa g‘ildirakdan tortuvchi tizim bilan jihozlangani ma’lum qilindi.

Shuningdek, ushbu platforma kelajakda Toyota GT3 poyga avtomobili uchun ham asos bo‘ladi.

Seriyali ishlab chiqariladigan versiya biroz soddalashtirilishi mumkin, ammo dizayndagi asosiy uslub saqlab qolinadi. Shuni ham ta’kidlash joizki, Lexus ayrim tafsilotlarni sir tutmoqda: taqdim etilgan konseptda salon yo‘q, shinalarda esa...

Joriy yilning dastlabki yetti oyida mamlakat bo‘yicha jami 216 283 dona avtomobil sotildi. Bu haqda «Uzavtosanoat» xabar berdi.

Bozorning yarmidan ko‘prog‘i UzAuto Motors ulushiga to‘g‘ri keldi: kompaniya 109 222 dona avtomobil realizatsiya qilib, umumiy hajmning 50,5 foizini egalladi. Ikkinchi o‘rinda Khorezm Auto – 69 091 dona va 31,94 foizlik ulush bilan, uchinchi o‘rinni ADM Jizzakh 24 697 dona (11,42 foiz) ko‘rsatkich bilan egalladi.

To‘rtinchi o‘rinda BYD Uzbekistan 12 211 dona savdo bilan 5,65 foizlik ulushni qayd etdi. Qolgan ishlab chiqaruvchilar – Asaka Motors (723 dona, 0,33 foiz), SamAuto (274 dona, 0,13 foiz) va Jizzakh Auto (65 dona, 0,03 foiz...

Sirdaryo viloyatining Oqoltin tumanida yashovchi fuqaro qalbaki $150 ming savdosi chog‘ida qo‘lga olindi. Bu haqda Davlat xavfsizlik xizmati xabar berdi.

Unga ko‘ra, 1998-yilda tug‘ilgan fuqaro qalbaki dollarini «shartli xaridor»ga haqiqiy $30 mingga sotmoqchi bo‘lgan vaqtida ashyoviy dalillar bilan ushlandi.

Mazkur fuqaro Jinoyat ishlari bo‘yicha Yangiyer shahar sudining 2024-yil dekabr oyidagi hukmi bilan aybdor deb topilib, unga nisbatan 1 yil 10 oy muddatga ozodlikni cheklash jazosi tayinlangan va hozirda jazoni o‘tayotgan shaxs hisoblanadi.

Tergovga qadar tekshiruv davomida u Qozog‘iston Respublikasidan kontrabanda yo‘li bilan olib kelingan ushbu qalbaki kupyuralarni Toshkent viloyatining Chirchiq shahrida yashovchi fuqaro orqali olgani aniqlangan.

Holat yuzasidan jinoyat...

Shanba va yakshanba kunlari ayrim banklar tomonidan aholiga qulaylik yaratish maqsadida valyuta ayirboshlash va pul oʻtkazmalari shoxobchalari faoliyati yoʻlga qoʻyilmoqda. Bu haqda Markaziy bank matbuot xizmati ma’lum qildi.

Quyida banklarning ish jadvali bilan tanishishingiz mumkin (Bank ustiga bosilsa shoxobchalar manzili haqida ma’lumot olish mumkin).

AQSh prezidenti Donald Tramp va Rossiya rahbari Vladimir Putin Alyaskadagi sammitdan keyin jurnalistlarning savollariga javob bermadi. Bu haqda CNN xabar bermoqda.

Kreml matbuot kotibi Dmitriy Peskovning so‘zlariga ko‘ra, batafsil bayonotlar allaqachon aytilgan. Uchrashuv «juda ijobiy» o‘tgani, tomonlar hamkorlikda yechim izlash yo‘lida davom etishini bildirdi.

Tramp Fox News’ga bergan intervyusida ham Putin, ham Ukraina prezidenti Volodimir Zelenskiy uni bo‘lajak uchrashuvga taklif qilishini aytgan.

«Ular ikkalasi ham meni istashdi. Men boraman», – dedi u.

Tramp tinchlikka qisqa muddatda erishish mumkinligiga ishonishini ham qo‘shimcha qilgan. Shu bilan birga, u avval Rossiya – Ukraina urushini «eng oson...

AQSh prezidenti Donald Tramp va Rossiya rahbari Vladimir Putin Alyaskada uchrashuv o‘tkazmoqda. Bu Trampning Rossiya rahbari bilan Oq uyga qaytganidan keyingi ilk yuzma-yuz uchrashuvi bo‘ldi.

Air Force One bortida Tramp «sulhni bugun ko‘rishni xohlayman» deb aytib, hududiy almashuv masalasida qarorni Ukrainaning o‘ziga qoldirishini bildirgan. U, shuningdek, Ukrainaga NATO doirasida xavfsizlik kafolatlarini berish imkoniyatini rad etgan.

Ukraina prezidenti Volodimir Zelenskiy bu uchrashuvga taklif qilinmagan. U va Yevropa Ittifoqi ittifoqchilari Tramp mojaroni muzlatib qo‘yib, Rossiyaning Ukrainadagi beshdan bir hududini nazorat qilishini norasmiy tan olishi mumkinligidan xavotir bildirmoqda.

Kreml matbuot kotibi Dmitriy Peskov Alyaska muzokaralari muvaffaqiyatli bo‘lsa, uch tomonlama sammit o‘tkazilishi mumkinligini aytdi...

Falastinliklar uchun maxsus jamg‘arma va bepul bog‘chalar, Qoraqalpog‘iston va Xorazmda ichimlik suvi xarajatlariga subsidiya, UFC ro‘yxatidagi Makgregor, Qoraqalpog‘iston rivojiga $200 milliongacha xorijiy mablag‘, 850 million so‘mlik mobil raqam, UzAuto Motors’dan yangi Chevrolet modeli – Kursiv Uzbekistan 15-avgustda yuz bergan muhim voqealarni bitta materialga jamladi.

Maktab va bog‘chalarda majburiy mehnatga qarshi reydlar o‘tkaziladi

Joriy yilning 15-avgustidan boshlab Respublika bo‘ylab maktab va maktabgacha ta’lim muassasalarida «Majburiy mehnatga qarshi kurashish haftaligi» e’lon qilinadi. Bu haqda Kambagʻallikni qisqartirish va bandlik vazirligi ma’lum qildi.

O‘zbekistonga olib kelingan falastinliklar uchun maxsus jamg‘arma tashkil etiladi

Prezident farmoniga binoan, mamlakatga olib kelingan falastinlik fuqarolarga doimiy...

16-avgust kuni O‘zbekiston bo‘ylab harorat kechasi 18–23°C, kunduz kuni esa 30–35°C atrofida bo‘lishi kutiladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

O‘zbekiston va Qozog‘iston aviatsiya ma’murlari muntazam aviaqatnovlar sonini keskin oshirishga kelishib oldi. Bu haqda Transport vazirligi ma’lum qildi.

Yangi kelishuvga ko‘ra, Toshkent – Olmaota va Toshkent – Nur-Sulton yo‘nalishlarida haftasiga 42 tagacha, boshqa yo‘nalishlarda esa 14 tagacha reys bajarish mumkin bo‘ladi. Umumiy ruxsat etilgan parvozlar chastotasi haftasiga 238 taga yetadi.

Shuningdek, muntazam parvozlar uchun manzillar soni kengaytiriladi. Bu esa ikki davlat o‘rtasida transport qulayligini oshiradi, ishbilarmonlik aloqalarini mustahkamlaydi hamda turizm rivojiga xizmat qiladi.

Tomonlar havo qatnovlarini rivojlantirish bo‘yicha hamkorlikni davom ettirishga tayyorligini bildirdi.

Eslatib o‘tamiz, avvalroq O‘zbekiston va Gonkong o‘rtasida to‘g‘ridan to‘g‘ri reyslar yo‘lga qo‘yilishi haqida yozgan edik.

Hindistonning Kashmir mintaqasida kuchli yomg‘irlar sabab yuzaga kelgan to‘satdan toshqin va ko‘chkilar kamida 60 kishini hayotdan olib ketdi, 200 dan ortiq kishilar bedarak yo‘qoldi. Bu haqda Reuters agentligi ma’lum qildi.

Unga ko‘ra, qutqaruvchilar belkurak va maxsus texnikalar yordamida vayronalar ostidan tirik qolganlarni izlamoqda.

Fojia Kishtvar tumanidagi Chasoti qishlog‘ida yuz berdi. Bu yerda mashhur Machail Yatra ziyorati oldidan yig‘ilgan sayyohlar to‘satdan kelgan suv oqimi va loy massasi ostida qolgan. Hodisa natijasida 100 dan ortiq kishilar jarohat olgan.

Shuningdek, Nepal va Pokistonda ham so‘nggi kunlarda kuchli yomg‘irlar, toshqin va ko‘chkilar yuzlab odamlarning hayotiga zomin bo‘ldi. Nepalda 41 kishi, Pokiston shimolida esa...

15-avgust kuni qabul qilingan qonun bilan jinoyat jarayonida majburlov choralarini takomillashtirish bo‘yicha bir qator qo‘shimcha va o‘zgartirishlar kiritildi. Bu haqda Adliya vazirligi ma’lum qildi.

Yangi tartibga ko‘ra, gumon qilinuvchi, ayblanuvchi yoki sudlanuvchiga qamoq ehtiyot chorasi qo‘llanilmagan, ammo u O‘zbekistondan chiqib ketib, suddan asossiz ravishda yashirinishi ehtimoli mavjud bo‘lsa, chiqish huquqi vaqtincha cheklanadi.

Prokuror, tergovchi yoki surishtiruvchi bunday chora qo‘llash bo‘yicha asoslarni ko‘rsatgan holda iltimosnoma kiritadi. Sud uni yopiq majlisda 8 soat ichida ko‘rib chiqadi va qaror chiqaradi. Qaror ustidan 48 soat ichida shikoyat yoki protest berish mumkin.

Eslatib o‘tamiz, avvalroq Qoraqalpog‘iston va Xorazmda ayrim oilalarga ichimlik suvini ta’minlash xarajatlari...

Farg‘ona viloyatidagi chegara-bojxona postlaridan birining boshlig‘i pora bilan qo‘lga tushdi. Bu haqda DXX matbuot xizmati ma’lum qildi.

O‘z xizmat mavqeyidan foydalanib, fuqaroga Qirg‘izistondan olib kelingan 80 dona iPhone 16 telefonini rasmiylashtirmasdan o‘tkazib berish evaziga $5 ming va bitta iPhone 16 Pro talab etgan.

Davlat xavfsizlik xizmati xodimlari o‘tkazgan tezkor tadbir davomida bojxona organlari podpolkovnigi porani olayotganida ashyoviy dalillar bilan qo‘lga olindi.

Hozirda unga nisbatan Jinoyat kodeksining 210-moddasi (pora olish) bo‘yicha jinoyat ishi qo‘zg‘atilib, qamoq ehtiyot chorasi qo‘llanildi. Mazkur holat yuzasidan tergov ishlari olib borilmoqda.

Eslatib o‘tamiz, avvalroq «Afrosiyob»ga to‘siq qo‘ygan temiryo‘lchilar 12 va 13 yilga qamalgan edi.

Ekologiya, atrof-muhitni muhofaza qilish va iqlim o‘zgarishi vazirligi xodimlari 1–3-avgust kunlari Aydar-Arnasoy ko‘llar tizimida ekologik nazorat reydlarini o‘tkazdi. Bu haqda vazirlik rasmiy sahifasida ma’lum qilindi.

Unga ko‘ra, tadbirlar davomida 13 ta huquqbuzarlik aniqlanib, jami 82,4 million so‘m jarima belgilandi.

Mazkur hudud mamlakatdagi eng yirik suv-botqoq ekotizimlaridan biri bo‘lib, ko‘plab baliq va qush turlari yashash joyi hisoblanadi. Nazorat ishlari noqonuniy baliq ovlash va brakonyerlikning oldini olishga qaratilgan bo‘lib, kelgusida ham davom ettiriladi.

Eslatib o‘tamiz, avvalroq 1-avgustdan ekologik huquqbuzarliklar uchun jarimalar miqdori oshishi haqida yozgan edi.

«Vatanga qaytarish» insonparvarlik aksiyasi doirasida Polshada mushkul ahvolga tushgan vatandoshlarimiz yurtga qaytarildi. Bu haqda «Dunyo» AA ma’lum qildi.

Elchixona va faol vatandoshlar yordami bilan toshkentlik fuqaro va uning onasi xorijdagi davolanishdan so‘ng O‘zbekistonga yetib keldi. Shuningdek, Telegramdagi yolg‘on va’dalarga ishonib hujjatlaridan ayrilgan Toshkent viloyatilik 21 yoshli fuqaro ham vatanga qaytarildi.

Qaytgach ularga tegishli davlat va jamoat tashkilotlari tomonidan psixologik hamda huquqiy yordam ko‘rsatilmoqda.

Eslatib o‘tamiz, avvalroq O‘zbekistonga olib kelingan falastinliklar uchun maxsus jamg‘arma tashkil etilishi haqida yozgan edik.

Jenevada plastik ifloslanishga qarshi dunyodagi ilk global shartnomani ishlab chiqish bo‘yicha o‘tkazilgan muzokaralar natijasiz yakunlandi. Bu haqda CNN agentligi ma’lum qildi.

Unga ko‘ra, 180 dan ortiq mamlakatlar ishtirok etgan yig‘ilishda ishlab chiqarishni cheklash va zaharli kimyoviy moddalarni bosqichma-bosqich yo‘q qilish masalalari bo‘yicha keskin kelishmovchilik yuzaga keldi.

Saudiya Arabistoni va Rossiya kabi yirik neft-gaz ishlab chiqaruvchi davlatlar cheklovlar o‘rniga qayta ishlash va qayta foydalanishga e’tibor qaratishni taklif qildi. Ko‘plab davlatlar esa plastik ishlab chiqarishni kamaytirmasdan inqirozni hal etib bo‘lmasligini ta’kidladi.

Olimlar plastikning inson salomatligi va atrof-muhitga jiddiy zarar yetkazayotganini, qayta ishlash darajasi esa global miqyosda 10% dan kamligini ma’lum qildi...

Toshkent shahri hokimi Shavkat Umurzoqov «O‘zbekiston 24» telekanaliga bergan intervyusida «Maxsustrans»ning moliyaviy ahvoli yomonligini aytdi.

Uning so‘zlariga ko‘ra, 2022–2023-yillarda korxonaning zarari 45 milliard so‘mni tashkil qilgan. Shuningdek, shaharda chiqindi uchun konteynerlar yetishmaydi va moliyaviy muammolar tufayli chiqindi olib chiqish grafigi ham buzilgan.

Hokim muammoni hal qilish uchun raqamlashtirish zarurligini ta’kidladi. Misol sifatida u «Toza Poytaxt» platformasini keltirdi. Bu tizim chiqindi olib chiqish jadvalini nazorat qilish imkonini beradi va sentabr boshidan boshlab poytaxtning barcha tumanlarida ishga tushiriladi.

Uning yordamida 34 turdagi maxsus texnika xarid qilingan, yonilg‘iga uch milliard so‘m tejalgan va chiqindi mashinalari haydovchilarining ish haqi to‘rt milliard so‘mdan sakkiz...

Chevrolet Uzbekistan yangi model haqida tizerni e’lon qildi. Ushbu model 10 kundan keyin namoyish etiladi.

Kursiv Uzbekistan kompaniya bilan bog‘langanda, kompaniya qaysi model taqdim etilishi haqida ma’lumotlarni ochiqlamadi. Ammo saytda shunday yozildi:

Yangi darajadagi quvvat va hashamat birlashgan model yaqinlashmoqda. Uning silueti ortida – kuch, texnologiya va mukammal dizayn uyg‘unligi. Bu oddiy avtomobil emas – bu yangi tajriba, yangi hayot ritmi.

Avvalroq Kursib Uzbekistan yangilangan Chevrolet Tracker global savdoga chiqayotgani haqida xabar bergan edi.

Toshkentdagi «Jar» stadionida Toshkent klubining deyarli butun tarkibi halok bo‘lgan 1979- yilgi aviahalokat qurbonlariga bag‘ishlangan «Paxtakor-79» xotirasiga bag‘ishlangan o‘yin bo‘lib o‘tdi. O‘zbekiston va Rossiya futboli afsonalari o‘rtasidagi uchrashuv 2:2 hisobida yakunlandi.

«Paxtakor-79» xotira uchrashuvi

Unda Birodar Abduraimov boshchiligidagi O‘zbekiston va Rossiya afsonalari terma jamoalari maydonga tushdi. O‘yinda o‘tgan yillarning mashhur futbolchilari: Mirjalol Qosimov, Azamat Abduraimov, Baxtiyor Ashurmatov, Odil Ahmedov, Server Jeparov, Timur Kapadze, Ignatiy Nesterov, Ravshan Ermatov, Aleksandr Mirzoyan, Rinat Dasayev, Dmitriy Alenichev, Valeriy Shmarov, Yegor Titov va Sergey Kiryakov ishtirok etishdi.

Foto: UFA

Birinchi bo‘lim – teng o‘yin

Uchrashuv do‘stona muhitda o‘tdi. Jamoalar faol hujum uyushtirib, tanaffus arafasidayoq o‘zaro...

Xiaomi kompaniyasi tomonidan 20 dollarlik powerbank sotuvga chiqarildi. Bu haqda ITHome nashri ma’lum qildi.

Qurilma 10 000 mA/soat sig‘imga ega bo‘lib, 67 vattgacha tezkor zaryadlashni qo‘llab-quvvatlaydi.

Asosiy afzalligi – ichki USB-C kabel. Qurilmada zaryad foizi va holatini ko‘rsatadigan ekran mavjud. Xiaomi 15 Pro smartfonini 30 daqiqada 70% gacha zaryadlay oladi. Kirish quvvati 65 vattgacha yetadi.

Ichida uchta 3400 mA/soatli batareya elementi joylashgan. Ko‘plab zaryadlash protokollarini qo‘llaydi, shu jumladan kompyuter, smartfon, planshet, soat va naushniklar uchun. Past tok rejimi ham bor.

Ikki port: USB-C va USB-A orqali bir vaqtning o‘zida uchta qurilmani zaryadlash mumkin. Ekran batareya foizi, zaryad holati...