Yangiliklar

Talabgorlar 25-sentabr kuniga qadar my.uzbmb.uz veb-sayti orqali onlayn yoki bevosita ta’lim muassasasining o‘ziga murojaat qilish orqali hujjat topshirishlari mumkin. Bu haqda Oliy ta’lim, fan va innovatsiyalar vazirligi ma’lum qildi.

Unga ko‘ra, 2024/2025-o‘quv yili uchun kollej va texnikumlarga qabul qilish bo‘yicha bir qator imkoniyatlar taqdim etildi.

Bo‘sh o‘rinlari mavjud kollej va texnikumlarga abituriyentlar test natijalari asosida ikkita mutaxassislik fani mos bo‘lgan tegishli mutaxassislikni tanlashlari mumkin. Bunda fanlar ketma-ketligi hisobga olinmaydi.

Ta’lim tilini o‘zgartirgan holda kollej va texnikumlarning tegishli kasb va mutaxassisliklarini tanlash imkoniyati berildi.

Shuningdek, kirish imtihonlarida ishtirok etib, my.uzbmb.uz elektron platformasi orqali professional ta’lim muassasalarini tanlamagan abituriyentlar ish beruvchilar...

1-dekabrdan Moskva aeroportlarida Rossiyaga kelayotgan chet el fuqarolari uchun foto va daktiloskopik identifikatsiya tizimini sinovdan o‘tkazish boshlanadi. Bu haqda ichki ishlar vazirining birinchi o‘rinbosari Aleksandr Gorovoy ma’lum qildi.

Uning so‘zlariga ko‘ra, bu tizimning ishlashini tekshirishga qaratilgan vaqtinchalik chora. Sinovlardan so‘ng hukumat va Federal xizmat xavfsizligi tizimni barcha chegara punktlariga kengaytirish bo‘yicha qaror qabul qiladi.

Moskva mamlakatning eng yirik transport markazi sifatidagi roli tufayli tajriba uchun tanlangan. Shu bilan birga, xuddi shunday nazorat tizimi Qozog‘iston Respublikasi bilan chegaradagi Orenburg viloyatidagi Mashtakovo nazorat-o‘tkazish punktida joriy etiladi.

Avvalroq Kursiv Uzbekistan Rossiya Davlat dumasi mehnat muhojirlariga o‘z oilalarini olib kelishni taqiqlovchi qonun loyihasini...

Rekonstruksiya ishlari munosabati bilan «Toshkent» xalqaro aeroportining CIP zali orqali kelgan yo‘lovchilar uchun shaharga chiqish yo‘li terminalning o‘ng tomoniga ko‘chirildi. Bu haqda Uzairports ma’lum qildi.

Unga ko‘ra, endi yo‘lovchilar ichki hovli orqali VIP-avtoturargoh yonidan chiqadilar.

Shuningdek, kutib oluvchilar uchib kelgan yo‘lovchilarni CIP zali oldida yoki ichki hovlida kutishlari, mashinalarni esa uchib ketish zali yonidagi avtoturargohda qoldirishlari mumkin bo‘ladi.

Eslatib o‘tamiz, avvalroq «Iberojet» aviakompaniyasi Madriddan Toshkent va Urganchga aviareyslarni yo‘lga qo‘yishi haqida xabar bergan edik.

Rossiyada O‘zbekistonga kuzgi va qishki sayohatga talab 30 foizdan ko‘proqqa oshdi. Bu haqda Rossiya turoperatorlari assotsiatsiyasiga (ATOR) asoslanib, «TASS» xabar bermoqda.

ATOR ma‘lumotlariga koʻra, Oʻzbekistonga sayohatlar Turkiyaga qaraganda kamida bir yarim baravar arzon.

«Bu nafaqat mamlakatning ajoyib jozibadorligi, balki narx siyosati bilan ham bog‘liq», dedi ATOR direktori Maya Laridze.

Lomidzening aniqlik kiritishicha, sayyohlar uchun jozibadorlik bo‘yicha respublika Markaziy Osiyo va Yaqin Sharqdagi raqobatdosh davlatlardan Oʻzbekiston ancha oldinda. Uning qoʻshimcha qilishicha, Oʻzbekistonga birinchi marta kelgan sayyohlar juda ko‘p hollarda yana tashrif buyuradi.

Shu bilan birga, so‘nggi to‘rt yilda Rossiyadan O‘zbekistonga sayyohlar oqimi...

Isroildan o‘z harbiy kuchlarini Falastindan olib chiqishga oid BMT Bosh Assambleyasi rezolyutsiyasini 124 davlat qatorida O‘zbekiston ham qo‘llab-quvvatladi. Bu haqda BMT axborot xizmati xabar berdi.

Falastin tomonidan taklif qilingan hamda boshqa o‘nlab davlatlar tomonidan yozilgan rezolyutsiya chorshanba kuni qabul qilindi. Ushbu rezolyutsiya 124 delegatsiya tomonidan qo‘llab-quvvatlandi, 43 ta davlat betaraf, 14 ta mamlakat qarshilik bildirdi.

Qayd etilishicha, rezolyutsiyada Isroil tomonidan olib borilayotgan siyosatga nisbatan Xalqaro sudning maslahat xulosasiga tayanilgan. Shuningdek, unda Falastinda olib borilayotgan siyosatga zudlik bilan barham berilishi talab qilinadi.

Hujjatda muddatlar ham ko‘rsatib o‘tilgan, unda «ushbu rezolyutsiya qabul qilinganidan keyin 12 oydan kechiktirmaslik...

19-sentabr kuni Toshkent havosidagi zararli PM2.5 zarralari konsentratsiyasi Jahon sogʻliqni saqlash tashkiloti (JSST) tavsiyasidan 10,8 barobar oshib ketdi. Bu haqda IQAir platformasi ma’lum qildi.

Unga ko‘ra, poytaxt havosining bu ko‘rsatkichi nafas yo‘llari xastaligiga chalinganlar uchun zararli.

PM2.5 chang, asfalt va shinalar zarralaridan iborat. PM2.5 nafas olish va yurak-qon tomir kasalliklarini keltirib chiqaradi.

Avvalroq Kursiv Uzbekistan 19-sentabr kuni Toshkentdagi ob-havo haqida yozgan edi.

Tovarlar hamda xizmatlar bo‘yicha qo‘shilgan qiymat solig‘i (QQS) bekor qilinishi to‘g‘risida PF-140-son prezident farmoni qabul qilindi. Bu haqda Adliya vazirligi xabar berdi.  

Farmonda qayd etilishicha, 2025-yil 1-yanvardan boshlab, bog‘lar, tokzor hamda tutzorlar joylashgan yerlar uchun yer solig‘idan ozod qilish bo‘yicha imtiyoz bekor qilinadi hamda mazkur yer uchastkalari bo‘yicha soliq stavkasi 50 foizga kamaytiriladi.

Shuningdek, O‘zbekistonda yo‘lovchilarni yagona tarif bo‘yicha tashish xizmatlari uchun qo‘shimcha qiymat solig‘i bo‘yicha imtiyozlar bekor qilinadi. Ushbu o‘zgarish nogironlar jamoat birlashmalari yagona ishtirokchisi bo‘lgan yuridik shaxslar tomonidan ko‘rsatiladigan xizmatlarga va realizatsiya qilinadigan tovarlarga taalluqlidir.

Avvalroq Kursiv Uzbekistan yerlarni mulk huquqi asosida sotib olish uchun har...

Norvegiyada 2024-yil 16-sentabr holatiga ko‘ra, ro‘yxatga olingan 2,8 mln yengil avtomobildan 754 303 tasi elektromobil, qolgan 753 905 tasi benzinli avtomobillardir. Bu haqda OF axborot nashri ma’lum qildi.

Unga ko‘ra, mamlakatda benzinli avtomobillar bilan birga dizel dvigatellilarining soni ham kamayishda davom etmoqda.

«Bu tarixiy voqea. O‘n yil oldin bunday bo‘lishini tasavvur ham qilish qiyin edi. Yo‘lovchi avtomobillari parkini elektrlashtirish ishlari jadal sur’atlarda davom etmoqda. Norvegiya elektr avtomobillari ustunlik qiladigan yengil avtomobillar parkiga ega dunyodagi birinchi davlat bo‘lishiga bir qadam qoldi», deydi OFV direktori Oyvind Solberg Torsen.

OFV avvalroq hisob-kitoblariga ko‘ra 2030-yilga borib yengil avtomobillar...

2024-yil 19-sentabr holatiga ko‘ra, uchinchi kun oltin quymalarining narxi pastlashda davom etmoqda. Bu haqda Markaziy bank axborot xizmati ma’lum qildi.

Bugun 19 sentabr holatiga ko‘ra, 5 grammlik oltin quymalarining narxi 5 mln 418 ming so‘mni tashkil etmoqda. Bir kun avval 18-sentabr kuni esa ushbu ko‘rsatkich 5 mln 428 ming so‘mga teng bo‘lgan.  

Shuningdek, 17-sentabr holatiga ko‘ra, 5 grammlik oltin quymalarining narxi 5 mln 462 ming so‘mni tashkil etgan. 16-sentabr dushanba kuni 5 grammlik oltin quymasining narxi eng baland ko‘rsatkich 5 mln 486 ming so‘mni qayd etgan. Joriy yilning 16-sentabridan bugungi kungacha oltin quymalarining narxi...

Mualliflar uchun yangi funksiyalar yaqin orada dunyodagi eng mashhur YouTube video hostingida mavjud bo‘ladi. Ularning taqdimoti «Made on YouTube» konferensiyasi doirasida bo‘lib o‘tdi, deyiladi xizmat blogida.

Shunday qilib, kontent yaratuvchilari o‘zaro va roliklar tomoshabinlari bilan muloqot qilish uchun hamjamiyatlarni shakllantirishlari mumkin bo‘ladi. Sun’iy intellekt (SI) yordamida jamoatchilik savollariga javoblarni generatsiya qilish funksiyasi mavjud bo‘ladi.

Bundan tashqari, mualliflarga yangi «Inspiration» sahifasi yordamida roliklar uchun g‘oyalar, dublyaj va video yaratish bilan yordam beriladi. Ushbu funksiyalarning barchasi sun’iy intellekt yordamida amalga oshiriladi.

Bundan tashqari, endi roliklarni «xayp» tugmasi yordamida baholash mumkin bo‘ladi. U videoga bir hafta ichida eng zo‘r qatoriga kirishga imkon...

AQSH Federal zaxira tizimi (FZT) to‘rt yil ichida birinchi marta bazaviy stavkani pasaytirishga qaror qilganiga qaramay, jahon bozorlarida neft narxi pasaymoqda, deb xabar berdi Trading economics portali.

Brent neftining fyucherslari bir barrel uchun taxminan $73 gacha, WTI – $70 gacha tushdi.

Tahlilchilarning ta’kidlashicha, Federal zaxiraning stavkani pasaytirish to‘g‘risidagi qarori dastlab narxlarning o‘sishini qo‘llab-quvvatlagan, ammo umuman olganda bozorning javobi bosiq bo‘lgan. Vaziyatga treyderlarning Xitoy tomonidan xomashyoga talabning pastligi va Yaqin Sharqdagi geosiyosiy keskinlik borasidagi xavotirlari ta’sir qilishda davom etmoqda.

Fond bozorlarida Intel aksiyalari pasaymoqda (-3,17 foizga), Nvidia (+1,69 foizga) va Apple (+1,81 foizga).

Kursiv Uzbekistan kuni kecha bozorlardagi vaziyat...

Bugun, 19-sentabr kuni Toshkent viloyatida birinchi kun yarmida qisqa muddatli yomg‘ir yog‘ishi ehtimoli bor. Respublikaning boshqa hududlarida yog‘ingarchilik kuzatilmaydi. O‘rtacha havo harorati 26-31 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkentda ertalab yog‘ingarchilik bo‘lishi mumkin, kunduzi yomg‘ir yog‘maydi. Kunduzi havo harorati 27-29 daraja issiq bo‘ladi, kechga kelib havo 11-16 darajagacha pasayadi.

Tog‘li hududlarning ayrim joylarida ham yomg‘ir yog‘ishi mumkin. Kunduzi havo 23-darajagacha ko‘tariladi.

O‘zbekiston davlat akademik rus drama teatri 20 – 26-sentabr kunlari Rossiyada bo‘lib o‘tadigan professional festivalda ishtirok etadi, deb xabar berdi «Kommersant» nashri.

O‘zbekistonlik teatr tadbir doirasida «Pushkin. So‘nggi kunlar» spektaklini namoyish etadi.

Bu yil festival yozuvchi va shoir Aleksandr Pushkin tavalludining 225 yilligiga bag‘ishlangan. Uning asarlari bo‘yicha O‘zbekiston, Tojikiston, Qirg‘iziston, Belarus truppalari tomonidan spektakllar namoyish etilishi rejalashtirilgan.

Avvalroq Kursiv Uzbekistan Yosh tomoshabinlar teatri Rossiyada mukofotni qo‘lga kiritgani haqida yozgan edi.

«Rossiya temir yo‘llari» (RTY) O‘zbekistonda o‘z vakolatxonasini ochishni rejalashtirmoqda, deyiladi tuzilmaning Telegram-kanalida.

Qaror temir yo‘l rahbari Oleg Belozerovning Toshkentga tashrifi yakunlari bo‘yicha qabul qilindi. Bir kun avval u O‘zbekiston prezidenti Shavkat Mirziyoyev va mamlakat bosh vaziri Abdulla Aripov bilan uchrashdi.

Vakolatxona ochish muddatlari aniqlashtirilmagan. Ammo bu yaqin orada sodir bo‘lishi ma’lum.

Tomonlar sayyohlik va konteyner poyezdlarini yo‘lga qo‘yish imkoniyatlarini ham muhokama qildilar.

RTY – Rossiyaning eng yirik temir yo‘l tashuvchisi, shuningdek, Rossiya Federatsiyasining eng katta kompaniyalaridan biri.

Kursiv Uzbekistan kuni kecha Mirziyoyevning Belozerov bilan uchrashuvi haqida yozgan edi.

Tojikistonda 19-sentabr, payshanbaga o‘tar kechasi uchta zilzila sodir bo‘ldi. Eng kuchli magnitudasi 4,9 ni tashkil etdi, deb xabar berdi O‘zbekiston Favqulodda vaziyatlar vazirligi Seysmoprognostik monitoring markazi.

Dastlabki zilzila Toshkent vaqti bilan soat 00:52 da qayd etilgan. Qayta zilzilalar soat 01:14 va 01:21 da sodir bo‘lgan. Zilzila episentri O‘zbekiston poytaxtidan 450 km.dan ortiq masofada joylashgan.

Zilzilalar magnitudasi 4,9 dan 4,1 gacha bo‘lgan.

Kursiv Uzbekistan 9-sentabr kuni Toshkentda sodir bo‘lgan zilzila haqida yozgan edi.

17–18-sentabr kunlari boʻlib oʻtgan ikki kunlik yigʻilishdan soʻng AQSh Federal zaxira tizimi (FED) stavkani 50 bazis punktga pasaytirib, yillik 4,75–5,25% darajasiga yetkazdi. Bu haqda regulyatorning press-relizida ma’lum qilindi. Bu 2020-yil martidan beri birinchi pasayishdir.

Xabarda qayd etilganidek, FED inflyatsiyani 2 foizga yetkazishni maqsad qilgan. Inflatsiya FED maqsad qilgan 2 foizlik darajaga yaqinlashdi, ammo hali ham biroz yuqoriroq.

FED 2022-yil mart oyida stavkalarni oshirishni boshladi, chunki Qo’shma Shtatlardagi inflyatsiya o’n yilliklar ichida rekord darajaga tezlashdi. 2023-yil may oyiga kelib, bu ko’rsatkich nolga yaqin darajadan 5–5,25% gacha ko’tarildi. FED’ning stavkalar bo’yicha navbatdagi yig’ilishi 6-7 noyabr kunlari bo’lib o’tadi.

Avvalroq Kursiv...

Qo‘mita huzuridagi Yirik soliq to‘lovchilar bo‘yicha hududlararo soliq inspeksiyasi majburiyatlarini o‘z vaqtida bajarmayotgan har ikkala bankni ogohlantirdi. Bu haqda Soliq qo‘mitasi rasmiy munosabat bildirdi.

Unga ko‘ra, shu yilning sentabr oyida ayrim tijorat banklari Soliq qo‘mitasini xabardor qilmagan holda yangi axborot tizimidan foydalanishga o‘tgan.

Bank dasturchilari yangi tizimga o‘zgartirishlar kiritayotgani sababli ba’zi to’lov topshiriqnomalari bajarilmagan.

Birgina shu oy boshidan Tenge bank 2 439 ta topshiriqnomadan 413 tasini, Kapitalbank esa 4 287 ta topshiriqnomadan 740 tasini bajarmasdan qaytargan.

Soliq qo‘mitasi huzuridagi Yirik soliq to‘lovchilar bo‘yicha hududlararo soliq inspeksiyasi tomonidan majburiyatlarini o‘z vaqtida bajarmayotgan har ikkala bank kamchiliklarni zudlik bilan bartaraf etish...

O‘zR prezidenti 18-sentabr kuni Rossiya Federatsiyasi hukumati raisining o‘rinbosari Vitaliy Savelev, Rossiya prezidenti maslahatchisi Igor Levitin va boshqalardan iborat delegatsiyani qabul qildi. Bu haqda prezident matbuot xizmati ma’lum qildi.

Unga ko‘ra, oliy darajadagi uchrashuvda mintaqada samarali transport yo‘laklarini rivojlantirish bo‘yicha muvofiqlashtirilgan chora-tadbirlar muhokama qilindi.

Shu yilning 26 – 28-may kunlari Toshkent shahrida bo‘lib o‘tgan uchrashuvlarda erishilgan kelishuvlarni amalga oshirish masalalari ko‘rib chiqildi.

Shuningdek, transport sohasida sanoat kooperatsiyasi loyihalarini jadallashtirish, avtomobil, temir yo‘l va aviatsiya yo‘nalishlarida sheriklikni yanada kengaytirish, yuqori malakali muhandis kadrlar tayyorlash muhimligi ta’kidlandi.

Eslatib o‘tamiz, avvalroq prezident Rossiya bilan migratsiya sohasida hamkorlikni yo‘lga qo‘yish ahamiyatligi haqida...

Pensiya tayinlash uchun onlayn murojaat qanday amalga oshirilishi haqda Pensiya jamg‘armasi ma’lumot berdi.

Avvalo, my.gov.uz portalidan roʻyxatdan oʻtiladi, ya’ni fuqarolar my.gov.uz portaliga kirib, login va parol yaratib olishlari lozim. Agar portalda oldin roʻyxatdan oʻtgan fuqarolar login va parollarini yozib portalga kirishlari mumkin.

Ikkinchi bosqichda «Sohalar» boʻlimidan «Ijtimoiy himoya» kichik boʻlimini topib shu boʻlimga kiriladi.

Uchinchi bosqichda mazkur boʻlim ichidan «Pensiya tayinlash uchun ariza berish» tugmasi bosiladi.

Toʻrtinchi bosqichda «Xizmatdan foydalanish» tugmasi bosiladi.

Beshinchi bosqichda fuqarodan soʻralgan JSHSHIR raqami, pasport seriyasi va raqami, yashash manzili (viloyat, tuman, mahalla), telefon raqami hamda eng zarur maʼlumot – «Pensiya turi» tanlanadi va «Yuborish...

18-sentabrdan 5-oktabrga qadar Bobur ko‘chasining Shota Rustaveli va Nukus ko‘chalari orasidagi qismi yopilishi sababli 2, 11, 12, 40, 45, 47, 67, 77, 80, 94, 106, 140-sonli avtobuslar boshqa yo‘nalishda harakatlanadi. Bu haqda Transport vazirligi ma’lum qildi.

Unga ko‘ra, yuqoridagi avtobus yo‘nalishlarining harakati suratda ko‘rsatilgan chizma asosida tashkil etiladi.

Shu sababli ushbu yo‘nalishlarda harakatlanayotgan avtobuslarning qatnov va oraliq vaqtlari belgilangan vaqtdan ortishi holatlari yuzaga kelishi mumkin.

Eslatib o‘tamiz, avvalroq poytaxtdagi Bobur ko‘chasi vaqtincha yopilishi haqida yozgan edik.

BYD Xitoyda Mercedes-Benz bilan qo‘shma korxonada qolgan 10% ni sotib oldi va uning yagona egasiga aylandi. Bu haqda Bloomberg axborot agentligi xabar beradi.

Unga ko‘ra, Mersedesning ketishi Xitoy va Yevropa o‘rtasidagi ziddiyat kuchaygan paytga to‘g’ri keldi.

BYD premium segmentga tegishli Denza elektromobillarini ilgari surish uchun yaratilgan qo‘shma korxonaning qolgan 10% ulushini sotib oldi.

Bu qadam ikkala avtogigant o‘rtasidagi 13 yillik hamkorlikka nuqta qo‘yadi.

Shenzhen BYD New Energy Co. brendi ostida ro‘yxatdan o‘tgan Denza 2011-yilda BYD va Mercedes tomonidan tashkil etilgan. Kompaniyalar dastlab brendga 50/50 ulushiga egalik qilishgan, biroq keyinchalik kam sotilganidan hafsalasi pir bo‘lgan nemis avtomobil ishlab chiqaruvchisi o‘z...

Oʻzbekistonning IT Park va Qozogʻistonning Astana Hub texnopark­lari birlashib, Central Asian Innovation Hubs tashkil etdi. Bu haqda ICT WEEK UZBEKISTAN 2024 anjumanida ma’lum qilindi.

Tadbir doirasida IT Park Uzbekistan bosh direktori Farhod Ibragimov va Astana Hub rahbari Magjan Madiyev hamkorlik memorandumini imzoladilar.

Bitimning maqsadi – mintaqa uchun umumiy o‘ziga xoslikni yaratish, startaplar va venchur fondlarini rivojlantirish bo‘yicha tajriba almashish, shuningdek, xalqaro maydonlarda Markaziy Osiyo loyihalarini ilgari surish bo‘yicha qo‘shma tashabbuslar.

Yil yakuniga qadar ikki mamlakat texnoparklari umumiy brend ostida yirik tadbirlarda, jumladan, Bokudagi InMerge, San-Fransiskodagi TechCrunch va Lissabondagi WebSummit’da ishtirok etadi. InMerge’da to‘rtta, TechCrunch’da 20 ta va WebSummit’da 16 ta...

Davlat tilida ish yuritish asoslarini oʻqitish va malaka oshirish markazi tomonidan barcha uchun o‘zbek tili kurslari ochildi. Bu haqda markazning ijtimoiy sahifasida ma’lum qilindi.   

«Moddiy jihatdan muhtoj bo‘lgan shaxslar uchun darslar bepul o‘tiladi, bundan tashqari davlat tashkilotida faoliyat yurituvchi xodimlar uchun to‘lov asosida, tashkilot bilan shartnoma tuzilgan holda darslar tashkil etiladi», — deya ma’lumot berdi Kursiv Uzbekistan’ga matbuot xizmati xodimi Muhammadaziz Omonov.

10 – 12 nafar o‘quvchidan iborat guruh shaklida darslar o‘tiladi, shuningdek, kurslar umumiy 144 soatni o‘z ichiga oladi.

Ma’lumot uchun, kurslar Alisher Navoiy nomidagi universitetning malaka oshirish markazida (avvalgi pedagogika instituti...

Joriy yilda Rossiyadan gaz quvurining o‘rtacha narxi 1 ming kub metr uchun $297 ni tashkil etadi, deb yozadi «Vedomosti» Narx indekslari markazi (NIM) ma’lumotlariga tayanib.

Fevral va iyun oylaridagi prognozlarda markaz tahlilchilari yoqilg‘ining eksport narxini mos ravishda $270 va $277 deb prognoz qilgan.

Ko‘rsatkich yaxshilanganiga qaramay Rossiya gazi narxlari prognozi o‘tgan yildagidan past. O‘shanda u $305 edi.

NIM prognozlariga ko‘ra, kelgusi yilda Rossiyadan gaz $266 ga, 2026-yilda $247 ga sotiladi.

Joriy yilning avgust oyi oxirida «Gazprom» konserni raisi Aleksey Miller kompaniya sakkiz oy ichida Markaziy Osiyo mamlakatlariga gaz yetkazib berishni ko‘paytirganini aytdi.

Millerning ta’kidlashicha, «Markaziy Osiyo – Markaz...