Yangiliklar

Oʻzbekistondan Xitoyning Xaynan oroliga muntazam reyslarni yoʻlga qoʻyish rejalashtirilmoqda. Bu haqda Oʻzbekiston Respublikasi Turizm qoʻmitasi xabar berdi.

Toshkentda boʻlib oʻtgan Oʻzbekiston – Xitoy sayyohlik biznes forumida bu tashabbus muhokama qilindi. Reyslar iyun oyidan boshlab haftada bir marta amalga oshirilishi kutilmoqda. Kelajakda reyslar chastotasini haftasiga uch martaga yetkazishi ko‘zda tutilgan.

Reyslarni tashkillashtirish uchun «Prestige Travel» kompaniyasi mas’ul boʻldi. Uning direktori Oybek Ahmedovning soʻzlariga koʻra, kompaniya 2023-yilda Xitoyga 10 mingga yaqin Oʻzbekiston fuqarosini joʻnatgan.

«Bundan tashqari, minglab xitoylik sayyohlarni mamlakatimizga olib keldik. Yana bir bor taʼkidlayman: amalga oshirilayotgan ishlar mamlakatlar fuqarolari sifatli dam olishlari uchun juda muhim», dedi u.

Xaynan...

Oʻzbekiston fuqarosi Sankt-Peterburgdagi yongʻindan bir necha kishini qutqarib qoldi. Bu haqda «Fontanka» nashri xabar bermoqda.

Qayd etilishicha, 25-aprel tongida Sankt-Peterburgning Podolskaya koʻchasidagi koʻp qavatli tarixiy uyda yongʻin chiqqan. Holatdan xabar topgan Olim ismli oʻzbekistonlik migrant hodisa joyiga birinchi boʻlib yetib borgan.

«Men yetti yildan beri Sankt-Peterburgda yashayman. Oʻzbekistonda desant boʻlinmasida xizmat qilganman va boks bilan shugʻullanganman. Shuning uchun jismoniy holatim yaxshi va tezda ishga kirishdim», dedi Olim.

Nashrning ta’kidlashicha, Podolskayadagi yongʻindan oʻn kishi qutqarilgan.

Avvalroq «Kursiv» oʻtgan yilning sentabrida oʻzbekistonlik erkak Janubiy Koreyada yonayotgan restoran ichidan 69 yoshli ayolni qutqargani haqida xabar bergan edi.

Surxondaryo viloyatida «SPN HUMAGRO» agrofirmasi ertapishar oʻrik hosilini yigʻishni boshladi. Bu haqda Qishloq xoʻjaligi vazirligi matbuot xizmati xabar berdi.

Firma yillar davomida foydalanilmayotgan adirlardan intensiv bogʻlar tashkil qildi. Tomchilatib sugʻorish yordamida 102 gektar maydonda oʻrikning turli navlari – Mikado, Magadant, Kaloroda yetishtirilmoqda.

Ertapishar va hosildor bu mevalarning koʻchati xorijdan keltirilgan boʻlib, O‘zbekiston yeri va iqlimimizga tezda moslashdi.

Korxonada qariyb 1,5 ming tonna oʻrik yigʻib, eksport qilish koʻzda tutilgan.

Avvalroq «Kursiv» mamlakatda birinchi bo‘lib Surxondaryo viloyatida piyoz pishgani haqida xabar bergan edi.

Oʻzbekistonda aholi jon boshiga yalpi ichki mahsulot (YaIM) 6,5 million soʻmni ($527,5) tashkil etdi. Taqqoslash uchun oʻtgan yili bu koʻrsatkich 5,6 million soʻm boʻlgan edi.

2022-yilda aholi jon boshiga yalpi ichki mahsulot hajmi 4,7 million soʻmni, 2021-yilda esa 3,9 million soʻmni tashkil qilgan.

Statistika agentligining hisob-kitoblariga koʻra, 2024-yilning birinchi choragida Oʻzbekiston YaIM 242,7 trillion soʻmni tashkil etdi. Tashkilot hisobotiga koʻra, yil davomida oʻsish 6,2 foizni tashkil etdi.

Yalpi ichki mahsulotning oʻsishiga qishloq, oʻrmon, baliq xoʻjaligi, sanoat va xizmat koʻrsatish sohasi ijobiy hissa qoʻshdi.

Eslatib oʻtamiz, Xalqaro valyuta jamgʻarmasi (XVJ) joriy yilda Oʻzbekiston Respublikasining iqtisodiy oʻsishi 5,2 foizni tashkil etishini...

2024-yilning yanvar-mart oylarida Oʻzbekiston $360,2 millionlik gaz xarid qildi, bu 2023-yilning shu davriga nisbatan 2,3 baravar koʻp. Bu haqda Statistika agentligi xabar bermoqda.

Shu bilan birga, shu vaqt ichida mamlakatimizdan yillik oʻsish 2,5 foizni tashkil etgan holda $45,4 millionlik «koʻk yoqilgʻi» eksport qilindi.

Oʻzbekiston 2026-yildan boshlab Rossiya gazini xarid qilishni qariyb toʻrt barobarga, ya’ni 11 milliard kub metrgacha oshirish niyatida.

Joriy yilda Rossiya gazining Qozogʻiston orqali Oʻzbekistonga tranziti 3,8 milliard kub metrni tashkil etdi, bu bir yil oldingiga nisbatan deyarli uch barobar koʻpdir. 2023-yilda bu koʻrsatkich 1,28 milliard kub metrni tashkil qilgan.

Rossiyaning «Gazprom» kompaniyasi Oʻzbekiston va Markaziy...

Joriy yilning aprel oyi holatiga ko‘ra, Oʻzbekistonda faoliyat koʻrsatayotgan kichik tadbirkorliklar soni 401,3 mingtani tashkil qiladi. Bu 2023-yilning shu davriga nisbatan 3,8 foizga kam, deya xabar bermoqda Statistika agentligi matbuot xizmati.

Kichik biznes subyektlarining asosiy qismi Toshkent shahrida – 87,6 ming, Toshkent viloyatida – 37,1 ming, Samarqand viloyatida – 36,3 mingtasi joylashgan.

Eng kam koʻrsatkichlar Navoiy viloyatida – 18,7 ming, Jizzax va Sirdaryo viloyatlarida mos ravishda 15,8 ming va 10,5 mingtani tashkil qiladi.

Savdo sohasidagi kichik korxonalar soni 1-aprel holatiga 155,3 mingtaga, sanoat 61,9 mingtaga, qishloq, oʻrmon va baliq xoʻjaligida 35,5 mingtaga yetgan.

Shu bilan birga, kichik biznes subyektlari...

Dastlabki hisob-kitoblarga koʻra, bukmekerlik va lotereyalar faoliyatidan olinadigan aylanma soligʻi har yili Oʻzbekiston byudjetiga $6 millionga yaqin daromad keltiradi. Bu haqda Istiqbolli loyihalar milliy agentlik (ILMA) sharhida ma’lum qilindi.

Eslatib oʻtamiz, 2025-yildan boshlab Oʻzbekistonda bukmekerlar va lotereyalar faoliyatiga ruxsat beriladi. Ular 2030-yilgacha QQS soligʻini 4 foizni stavkada toʻlaydi.

Agentlikning ta’kidlashicha, bukmeker kontorlaridagi cheklovlarga qaramay, Oʻzbekiston Respublikasi rezidentlari xorijiy va noqonuniy servislar xizmatlaridan faol foydalanmoqda.

«Huquqiy tartibga solishning yoʻqligi, jumladan, ishtirok etish va garovlar hajmini cheklash, qimor oʻyinlari bilan shugʻullanuvchi fuqarolarning chet el saytlaridagi oʻyinlarda qatnashib, katta miqdordagi mablagʻlarini yoʻqotishiga va davom etish uchun katta miqdorda qarz olishga tayyor boʻlishiga olib keladi», deyiladi agentlik xabarida.

Fuqarolarning...

2024-yil aprel oyiga koʻra, Oʻzbekistonda shahar aholisining ulushi 51 foizga yoki 18,8 million nafarga yetdi. Bu haqda Statistika agentligining demografik hisobotida ma’lum qilindi.

Qishloqlarda 18,1 million kishi yoki umumiy aholining 41 foizi istiqomat qiladi.

Statistika agentligi ma’lumotlariga koʻra, joriy yilning 1-aprel holatiga mamlakatimizda erkaklarning oʻrtacha yoshi 28,5 yoshni tashkil etgan boʻlsa, ayollar orasida bu koʻrsatkich 30 yoshni tashkil etmoqda.

Respublikada mehnatga layoqatli aholining ulushi 56,4 foizni tashkil etadi. Erkaklar oʻrtasida mazkur koʻrsatkich 58,5 foiz boʻlsa, ayollarda 54,2 foizni tashkil qiladi.

Avvalroq «Kursiv» 2023-yilda Oʻzbekistonda aholi jon boshiga yalpi ichki mahsulot 29,3 million soʻmga yetgani haqida xabar bergan edi.

Oʻzbekistonda 2025-yil 1-yanvardan tavakkalchilik va bukmekerlik faoliyatiga asoslangan oʻyinlarga ruxsat beriladi. Bu haqda «Huquqiy axborot» Telegram kanali ma’lum qildi.

Qayd etilishicha, lotereya, internet tarmogʻida oʻyinlar va bukmekerlikni tashkil etish faoliyatlari qonunchilikka muvofiq Istiqbolli loyihalar milliy agentligi (vakolatli organ) tomonidan beriladigan litsenziyalar asosida amalga oshiriladi.

Litsenziyalar asosida tashkillashtirilgan lotereya, internet tarmogʻidagi oʻyinlar va bukmekerlik garovlarida faqat 18 yoshga toʻlgan Oʻzbekiston rezidenti va norezidentlari qatnashishi mumkin.

Bukmekerlik va shunga oʻxshash faoliyatni nazorat qilish agentlik va Bosh prokuratura huzuridagi Iqtisodiy jinoyatlarga qarshi kurashish departamentiga yuklatiladi.

Ma’lum qilinishicha, bukmekerlar va lotereya tashkilotchilari 4 foizlik stavkasida aylanmadan olinadigan soliq toʻlovchilari hisoblanadi. Shu bilan birga, jismoniy...

Oʻzbekiston Respublikasi Vazirlar Mahkamasi tomonidan «Qimmatli qogʻozlar bozori mijozlarini masofadan raqamli identifikatsiya qilish tartibi toʻgʻrisida»gi nizom tasdiqlandi.

Ma’lum qilinishicha, Nizom jismoniy shaxslarni, shu jumladan, yuridik shaxs nomidan faoliyat olib borish huquqiga ega boʻlgan shaxslarni investitsiya vositachilari tomonidan masofadan raqamli identifikatsiya qilishni ta’minlaydi. Bu esa masofadan turib qimmatli qogʻozlar hisobvaragʻini ochish imkoniyatini yaratadi.

Tartibning joriy etilishi investitsiya vositachilari ishiga zamonaviy raqamli texnologiyalarni joriy etish, shuningdek, mijozlar bilan masofadan turib shartnomalar tuzish va depo hisobvaraqlarini ochish imkonini beradi.

Bu kabi mexanizmlar kapital bozori rivojlangan AQSH, Germaniya, Buyuk Britaniya, Koreya Respublikasi va boshqa davlatlarda mavjud.

Bugungi kunga qadar Oʻzbekistonda mijozlarni masofadan turib...

Bugun, 27-aprel kuni Andijon, Namangan va Farg‘ona viloyatlarida qisqa muddatli yomg‘ir yog‘ishi ehtimoli bor va momaqaldiroq bo‘lishi mumkin. Havo harorati 20-25 daraja iliq bo‘ladi, deb xabar beradi «O‘zgidromet».

Poytaxtda havo bulutli bo‘ladi. Kunning ikkinchi yarmida yomg‘ir yog‘ishi va momaqaldiroq bo‘lishi mumkin. Kunduzi havo harorati 21-23 daraja isiydi va kechasi 12-14 iliq bo‘ladi.

Tog‘li hududlarda esa vaqti-vaqti bilan yomg‘ir yog‘adi va momaqaldiroq bo‘ladi. Sel kelishi va suv toshqini bo‘lishi mumkin. Qor ko‘chishi xavfi bor. Kunduzi havo 7-12 darajagacha ko‘tariladi va kechasi 5-10 iliq bo‘ladi. 

Bugun, 26-aprel kuni futbol bo‘yicha Osiyo kubogining pley-off bahslaridan joy olgan O‘zbekiston – Saudiya Arabistoni o‘yini bo‘lib o‘tdi.

1-taymning yarmi qoidabuzarliklar va Saudiya Arabistoni vakillari tomonidan qo‘pol o‘yin tufayli ko‘p to‘xtalishlar bo‘ldi. 1-taymning qo‘shimcha daqiqalarida Husayn Norchayev hisobni 1:0 ga o‘zgartirdi va tanaffusga jamoalar chiqib ketishdi.

2-taymning 70-daqiqasida Saudiya Arabistoni futbolchisi Ayman Yahyo ikkinchi sariq kartochka oldi va o‘yindan chetlatildi. 83-daqiqada Umarali Rahmonaliyev raqib darvozasiga aniq zarba berib, hisobni 2:0 qildi.

Avvalroq «Kursiv» O‘zbekiston U-23 Vyetnam ustidan ishonchli g‘alabaga erishganini e’lon qilgan edi.

Oʻzbekistonda piyodalar oʻrtasidagi qoidabuzarliklarni qayd etuvchi kameralar oʻrnatish rejalashtirilmoqda, bu haqda Vazirlar Mahkamasi qaror chiqardi.

Qurilmalar maktablar yaqinida, to‘rt va undan ortiq polosali avtomobil yo‘llarida piyodalar o‘tish joylari, shuningdek, temir yo‘l kesishmalarida va YTH ko‘p bo‘lgan hududlarda joylashtiriladi.

Qoidalarga ko‘ra, kameralar yo‘ldan kamida olti metr balandlikdagi metall konstruksiyalarga o‘rnatilishi kerak. Bundan tashqari, yaqin atrofda 360 graduslik ko‘rinishga ega kameralar o‘rnatiladi.

Ushbu kameralar o‘rnatilgach, o‘n kun davomida test rejimida ishlaydi.

Avvalroq «Kursiv» 1-iyuldan boshlab bosqichma-bosqich yo‘llar bo‘ylab joylashgan maktab binolari oldiga video va fotoradarlar o‘rnatilishi haqida xabar bergan edi.

Toshkent aeroportida yuk terminali quriladi. Yiliga 120 ming tonna yuk o‘tkazish quvvatiga ega majmua 5,2 gektar maydonda joylashadi. Ayni paytda uning dizayni ustida ish nihoyasiga yetdi, qurilish ikki bosqichda amalga oshiriladi.

Joriy yil oxiriga qadar umumiy maydoni 8 ming kv.m boʻlgan yangi yuk terminali foydalanishga topshiriladi. Bunga ma’lum bir harorat rejimini saqlashni talab qiladigan tovarlar uchun maydoni 500 kv.m bo‘lgan sovitish va muzlatish kameralari kiradi. Shuningdek, import/eksport qiluvchi kompaniyalar xodimlari va vakillari uchun maydoni 3 ming kv.m boʻlgan yangi maʼmuriy bino quriladi.

Ikkinchi bosqichda 2025-yil oxiriga qadar 12 ming kv.m maydonga ega yangi yuk omborini qurish va ishga tushirish...

«Uzbekistan Airways» 9-maydan boshlab Toshkentdan Maxachqal’aga parvozlarni yo‘lga qo‘yadi, deyiladi aviatashuvchi xabarida.

Parvozlar haftada bir marta – payshanba kunlari amalga oshiriladi. O‘zbekiston poytaxtidan Maxachqal’aga chipta narxi 1,2 mln so‘mdan, borib-kelish 3,44 mln so‘mdan boshlanadi. Ikki shahar orasidagi parvoz davomiyligi 3,1 soatni tashkil qiladi.

Eslatib o‘tamiz, Rossiyaning «Red Wings» aviakompaniyasi ham Toshkentdan Maxachqal’aga parvoz qiladi; chiptalar narxi 3,2 mln so‘mdan boshlanadi.

Avvalroq «Kursiv» aprel oyi boshidan «Uzbekistan Airways» Toshkentdan Mumbayga muntazam reyslarni qayta tiklagani haqida yozgan edi.

Joriy yilning yanvar-mart oylarida banklarning naqd pul aylanmasi 216 trln so‘mni tashkil etdi. Yillik oʻsish 24 foizni tashkil qildi, deyiladi Oʻzbekiston Markaziy banki hisobotida.

Regulyator ma’lumotlariga koʻra, dastlabki uch oyda bank kassalari va bankomatlar orqali jami 107 trln soʻmlik naqd pul muomalaga chiqarilgan, bu oʻtgan yilning shu davriga nisbatan 24 foizga koʻpdir.

2023-yil yanvar-mart oylarida bank kartalarga kelib tushgan mablagʻlarning 24 foizi naqdlashtirib olingan boʻlsa (2022-yil yanvar-mart oylarida 28 foizni), joriy yilda 23 foizni tashkil etdi. Bundan xulosa chiqarsa boʻladi: yildan-yilga kartalardan pulni naqdlashtirish asta-sekin kamaymoqda.

Birinchi chorak yakunida naqd pulning umumiy pul massasidagi ulushi 20,1 foizga yetdi, yillik...

26-aprel kuni O‘zR valyuta birjasida dollarning o‘rtacha tortilgan qiymati 21,80 so‘mga ko‘tarildi va 12 662,01 so‘mni tashkil qildi. Respublika Markaziy banki ham AQSh valyutasi kursini shu darajada belgiladi.

Bugun, 26-aprel kuni mamlakatning tijorat banklarida bir dollarni 12 575 – 12 640 so‘mdan xarid qilishmoqda. Amerika valyutasi 12 670 – 12 710 so‘mdan sotilmoqda.

Eslatib o‘tamiz, Markaziy bank nima sababdan dollar kursi oshayotganiga izoh bergan edi.

Janubiy Koreyaning D.Camp kompaniyasi IT-Parkga startaplar ekotizimini rivojlantirish hamda ularning mahalliy va tashqi bozorlarga chiqishida yordam beradi, deb xabar berdi texnoklaster matbuot xizmati.

Bu boradagi memorandum IT-Park vakillarining Janubiy Koreyaga tashrifi doirasida imzolandi. D.Camp bilan hamkorlik mamlakatimizning IT-xab sifatida tan olinishini oshiradi va Koreya kompaniyalarini O‘zRga jalb etishga yordam beradi.

Janubiy Koreya kompaniyasi va texnoklaster venchur investisiyalar sohasida ham tajriba almashish niyatida.

Joriy yilning mart oyi oxirida D.Camp O‘zbekistonda o‘z vakolatxonasini ochish istagini bildirdi. D.Camp $13 mln aylanmasi bilan Janubiy Koreyadagi eng yirik startap markazlaridan biri hisoblanadi.

2024-yilning birinchi choragida O‘zbekiston Xitoyga 1 ming tonna quritilgan o‘rik eksport qildi, bu o‘tgan yilning shu davriga nisbatan 49,5 barobar ko‘pdir, deya xabar beradi Xitoy Xalq Respublikasi bojxona bosh boshqarmasi.

Ushbu quritilgan meva importining umumiy hajmi shu davrda $693,6 mingga yetib, o‘tgan yilning shu davriga nisbatan ko‘rsatkichdan 28 barobar ko‘pdir.

Shu bilan birga, 2024-yil yanvar-mart oylarida O‘zbekiston mayizining eksporti ikki baravardan ko‘proqqa – 3,3 ming tonnadan 1,4 ming tonnaga yoki $4,7 milliondan $1,7 millionga qisqardi.

Avvalroq «Kursiv» o‘zbek o‘riklarini xorijga yetkazib berishni ko‘paytirish haqida yozgan edi.

Fransiyaning «Axens» kompaniyasi Buxoro neftni qayta ishlash zavodini (NQIZ) modernizatsiya qilishda ishtirok etadi, deb xabar bermoqda «O‘zbekneftgaz» AJ matbuot xizmati.

Rejaga ko‘ra, «Axens» AI-92 va AI-95 avtomobil yoqilg‘ilarini ishlab chiqarishni mos ravishda 60 va 40 foizga oshirishga yordam beradi. Bu AI-80 benzin ishlab chiqarishni to‘xtatish imkonini beradi.

Mumkin bo‘lgan bosh pudratchi Xitoyning CNPC kompaniyasi bo‘lishi mumkin. «O‘zbekneftgaz» aksiyadorlik jamiyati boshqaruvi raisi o‘rinbosari Odil Temirov joriy yilning fevral oyi boshida Xitoydan kompaniya jalb etilganini ma’lum qilgandi.

Eslatib o‘tamiz, O‘zbekiston AI-80 dan voz kechish tomon ketmoqda. O‘zR prezidenti Shavkat Mirziyoyev joriy yil boshida hukumatga 2025-yildan boshlab ushbu turdagi yoqilg‘idan foydalanishdan voz...

O‘zbekiston Markaziy banki Gruziya banki bilan shartnoma imzoladi. Hujjat xorijiy investorlarga MB va mahalliy depozitariy orqali respublikada chiqarilgan korporativ qimmatli qog‘ozlarni sotib olish va sotishda ishtirok etish imkonini beradi. Bu haqda 25-aprel kuni bo‘lib o‘tgan matbuot anjumanida regulyator boshqaruvi raisi Mamarizo Nurmuratov ma’lum qildi.

«Korporativ obligatsiyalarni chiqarish bir narsa, lekin xaridor bo‘lishi kerak», deb ta’kidladi regulyator rahbari.

Uning so‘zlariga ko‘ra, shu sababdan Markaziy bank xalqaro depozitariylar bilan mamlakatga investorlarni jalb qilish bo‘yicha faol ish olib bormoqda.

Mamarizo Nurmuratov O‘zbekiston kompaniyalariga investorlarning faolroq ishtirok etishi uchun dollarda qarzdorlik qimmatli qog‘ozlarini chiqarishga ruxsat beriladimi, degan savolga shunday...

12 ta davlat korxonasi IPO va SPOga qoʻyiladi, deb yozadi Davlat aktivlarini boshqarish agentligi prezident Shavkat Mirziyoyevning farmoniga tayanib.

Hujjatda qayd etilishicha, IPO va SPO «Toshkent» Respublika fond birjasida (RFB) o‘tkaziladi. Mahalliy investorlarning arizalari E-Auksion platformasida qabul qilinadi.

Rejaga koʻra, joriy yilda «Toshkent» fond birjasi, «Oʻzbekiston pochtasi» AJ, «Oʻzbektelekom», «UzAuto Motors Powertrain» va boshqa davlat ulushiga ega korxonalarning aksiyalari birjaga chiqariladi.

Eslatib o‘tamiz, respublikada «xalq IPO»si ham o‘tkazilishi kutilmoqda. O‘zbekiston rezidentlariga 40 ta davlat korxonasi aksiyalari taklif etiladi. Navoiy va Olmaliq kon-metallurgiya kombinatlarining qimmatli qog‘ozlari ham sotuvda bo‘ladi.

Avvalroq «Kursiv» O‘zbekiston havo tashuvchisi Uzbekistan Airways IPOga chiqishi haqida...

Bugun, 26-aprel kuni Qatarda bo‘lib o‘tayotgan futbol bo‘yicha Osiyo kubogi U23 pley-off bahsi o‘tkaziladi, deb xabar beradi O‘zbekiston futbol assotsiatsiyasi.

Toshkent vaqti bilan soat 19:00 Khalifa International stadionida O‘zbekiston – Saudiya Arabistoni chorak finali o‘yini bo‘lib o‘tadi. Milliy terma jamoa maydonga to‘liq oq libosda maydonga tushadi.

«Albatta, raqibimiz oʻziga yarasha kuchli jamoa. Bu jamoa bilan koʻp oʻynaganmiz. Jamoa va uning murabbiyi imkoniyatlari haqida bilamiz. Biroq biz ham oʻz strategiyamiz va rejamiz boʻyicha harakatlanamiz», dedi jamoa bosh murabbiyi Timur Kapadze.

Eslatib o‘tamiz, O‘zbekiston U-23 Vyetnam ustidan ishonchli g‘alabaga erishgan edi. Hamyurtlarimiz «D» guruhida...

Yandex ijtimoiy muammolarni hal qilish uchun texnologiyalardan foydalanish bo‘yicha ma’ruzalar turkumiga kirish imkonini berdi. Ma’ruzalar maktab o‘quvchilari uchun moslashtirilgan bo‘lib, o‘zbek va rus tillarida mavjud.

Yandex menejerlari dolzarb muammolarni hal qilish uchun texnologiyalardan, jumladan, sun’iy intellekt va mashinaviy ta’limni o‘rganishdan foydalanish bo‘yicha ma’ruzalar o‘tkazishadi.

Ma’ruzalarni «Technovation Uzbekistan» loyihasining YouTube-kanalida topish mumkin.

 Turli tashkilotlar ko‘magida O‘zbekistonda «Technovation Girls» dasturi ishtirokchilari uchun ma’ruzalarning birinchi turkumi o‘tkazildi. Ushbu ma’ruzalar ijodiy fikrlashni rivojlantirish, zamonaviy texnologiyalarni tushunish va bolalarni yangi g‘oyalarga undashga qaratilgan.

«Texnologiyalarni o‘rganish bizning dasturimiz ishtirokchilarining analitik va tanqidiy ko‘nikmalarini rivojlantirishga yordam beradi va har bir kishi IT-yechimlarning...