Yangiliklar

Bugun, 7-mart kuni Koʻksaroy qarorgohida Shavkat Mirziyoyev ishtirokida 8-mart — Xalqaro xotin-qizlar kuni munosabati bilan tantanali marosim boʻlib oʻtdi.

Davlat rahbari ayollarni eng koʻp tashvishga solayotgan muammo ishsizlik ekanini taʼkidladi. Shu bois, ularni tadbirkorlik faoliyatiga kengroq jalb etish maqsadida maxsus dasturlar ishlab chiqilmoqda. 2024-yilda bu yoʻnalishda 17 trillion soʻm kredit ajratildi. Ayol tadbirkorlar tomonidan 81 trillion soʻmlik mahsulot ishlab chiqarilib, $450 millionlik eksport amalga oshirildi.

Shuningdek, prezident Savdo-sanoat palatasi huzurida Tadbirkor ayollar kengashini tashkil etish tashabbusini ilgari surdi. Bu kengash ayol tadbirkorlarni qiynayotgan muammolarni oʻrganib, parlamentga takliflar kiritish bilan shugʻullanadi. Ushbu tashabbusni amalga oshirishga Savdo-sanoat palatasi raisi oʻrinbosari Nodira...

11-martdan AQSh dollarining rasmiy kursi 21,75 so‘mga oshib, 12 940,11 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 855 – 12 910 so‘mdan sotib olayotgan bo‘lsa, 12 930 – 13 000 so‘m oralig‘ida sotmoqda.

Shu bilan birga, yevro 103,72 so‘mga oshib, 14 055,55 so‘mga yetdi. Rossiya rubli esa 0,97 so‘mga oshib, 145,62 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.     

Bugun, 7-mart kuni Koʻksaroy qarorgohida Shavkat Mirziyoyev ishtirokida 8-mart — Xalqaro xotin-qizlar kuni munosabati bilan tantanali marosim boʻlib oʻtdi. Bu haqda prezident matbuot xizmati xabar berdi.

«Mutafakkir bobomiz Alisher Navoiy buyuk ona siymosi, moʻtabar ayol zotini ulugʻlab, ularning baxt-saodati yoʻlida barchamizni fidokor boʻlishga daʼvat etgani albatta bejiz emas. Chindan ham, mehr-oqibat, olijanoblik, muhabbat va sadoqat kabi yuksak insoniy qadriyatlarni kamol toptirishda, oila qoʻrgʻonini mustahkamlashda sizlarning xizmatingizni hech narsa bilan qiyoslab boʻlmaydi», — deydi prezident

Shuningdek, davlat rahbari bugungi kunda ayollar turli soha va tarmoqlarda Oʻzbekiston taraqqiyoti uchun munosib hissa qoʻshayotganini minnatdorlik bilan eʼtirof etdi. Masalan...

Savdo-sanoat palatasi huzurida Tadbirkor ayollar kengashi tashkil etiladi. Bu bo‘yicha prezident taklif berdi.

Yangi kengashning maqsadi — mamlakatda ayol tadbirkorlarning biznesdagi ishtirokini kengaytirish, ularga huquqiy, moliyaviy va amaliy yordam ko‘rsatish hamda yangi imkoniyatlar yaratishdan iborat.

Kengash joylardagi ayol tadbirkorlarni qiynayotgan muammolarni hal qilish uchun parlament oldiga bevosita masala qo‘yish huquqiga ega bo‘ladi.

Shuningdek, tadbirkor ayollarning biznes tashabbuslarini qo‘llab-quvvatlash va zarur shart-sharoit yaratish bo‘yicha ham faoliyat olib boradi.

Avvalroq «Kursiv» O‘zbekistondagi Top – 35 rahbar ayollar reytingi yangilagani haqida yozilgandi.

Raqobat qo‘mitasi tomonidan OAVda reklama axborotlarining qonunchilik talablariga mosligini aniqlash bo‘yicha tekshiruv o‘tkazildi. Bu haqda qo‘mita matbuot xizmati xabar qildi.

Tekshiruvlar natijasida «Tenge bank», «Agrobank», «Ipoteka-bank» va «Tasfinance» mikromoliya tashkilotiga nisbatan ish qo‘zg‘atildi. Qo‘zg‘atilgan ishlar qo‘mita Maxsus komissiyasi tomonidan belgilangan tartibda ko‘rib chiqiladi.

Avvalroq Kursiv Uzbekistan Raqobat qo‘mitasi Coca-cola va Pepsi’ni moliyaviy jarimaga tortgani haqida yozgandi.

Baxtiyor Ibrohimov Oʻzbekistonning Slovakiyadagi birinchi elchisi boʻldi. Ushbu tayinlov haqida «Dunyo» axborot agentligi xabar berdi.

Baxtiyor Ibragimov, shuningdek, Oʻzbekistonning Avstriya va Albaniyadagi diplomatik missiyasini boshqaradi. Elchi Slovakiya prezidenti Peter Pellegriniga ishonch yorliqlarini topshirdi.

Uchrashuvda tomonlar Toshkent va Bratislava oʻrtasidagi munosabatlar yangi bosqichga koʻtarilayotganini taʼkidladilar. Joriy yilda ham har ikki davlat iqtisodiyot va madaniyat sohalarida tadbirlarni rejalashtirgan.

Avvalroq Kursiv Uzbekistan nashri 6-mart kuni Oʻzbekiston prezidenti Shavkat Mirziyoyev olti davlatning yangi elchilarini qabul qilgani haqida yozgan edi.

«Yuksalish» harakati O‘zbekistondagi Top – 35 rahbar ayollar reytingini yangiladi. Bu haqda harakatning matbuot xizmati xabar berdi.

Reytingda boshqaruv sohasida faoliyat yuritayotgan 35 nafar ayollar keltirilgan. 2024-yilda bu ro‘yxatdagi ayollar soni 40 nafarni tashkil etgandi.

Bu yilgi reytingda yetakchilikni Sirdaryo viloyatining Boyovut tumani hokimi Dilfuza Uralova egallagan.

Ushbu reytingni aniqlashda respublikadagi 300 nafardan ortiq nomzodlarning faoliyati tahlil qilindi. Ularning kasbiy yutuqlari, sohani rivojlantirishga qo‘shilgan hissasi va ijtimoiy faolligi hisobga olindi. Shuningdek, ayollarning boshqaruvdagi roli, gender tengligini rivojlantirishdagi o‘rni baholandi.

Ma’lumot uchun, rahbar ayollarning 5 nafari Prezident Administratsiyasida, 3 nafari Oliy Majlis Qonunchilik palatasida, 2 nafari Senatda va...

Ravshan Haydarov Oʻzbekiston U-23 terma jamoasi bosh murabbiyi etib tayinlandi. Bu haqda Oʻzbekiston futbol assotsiatsiyasi (OʻFA) ma’lum qildi.

OʻFA murabbiylar kengashi yigʻilishida U-23 terma jamoasi boshqaruviga nomzod murabbiylar muhokama qilindi. Unga koʻra, «Oʻzbekiston Respublikasida xizmat koʻrsatgan sport ustozi» faxriy unvoni egasi Ravshan Haydarov nomzodi ilgari surildi va rahbariyat tomonidan tasdiqlandi.

Haydarov faoliyati davomida U-22, U-23 toifadagi terma jamoalari va «Paxtakor» klubiga murabbiylik qilgan. Uning faoliyatida jamoalar ikki karra Osiyo chempioni boʻlgan. Shuningdek, ikki bor Jahon chempionati ishtirokchisiga aylangan.

Eslatib oʻtamiz, Kursiv Uzbekistan «Paxtakor» Toshkentda «Al-Hilol» ustidan gʻalaba qozongani haqida yozgan edi.

Olmaotada BMTning Markaziy Osiyo va Afgʻoniston uchun Barqaror rivojlanish maqsadlari (BRM) markazi ochiladi. Bu haqda Qozogʻiston tashqi ishlar vazirligi xabar bermoqda.

Markazni tashkil etish tashabbuskori Qozogʻiston rahbari Qosim-Jomart Toqayev. Rezolyutsiya BMT Bosh Assambleyasi yigʻilishida bir ovozdan qoʻllab-quvvatlandi. Unga 152 ta davlat tomonidan hammualliflik qilgan.

Markaz Markaziy Osiyo davlatlari, xalqaro tashkilotlar, biznes va notijorat birlashmalari oʻrtasidagi hamkorlik platformasi sifatida faoliyat yuritadi. U Qozogʻiston va Markaziy Osiyoning boshqa mamlakatlarida barqaror rivojlanish loyihalarini muvofiqlashtiradi.

Toqayevning soʻzlariga koʻra, Qozogʻiston mintaqaviy integratsiya jarayonlarida yetakchi rol oʻynashga tayyor. Ofisning ochilishi BMTga tashkilot dasturlarini mintaqa sharoiti va ehtiyojlariga yaxshiroq moslashtirishga yordam beradi. Markaz oʻzaro tajriba almashish...

5-mart kuni Jahon banki vakillari «Oldinga yo‘l: Yevropa va Markaziy Osiyo mintaqasida muvaffaqiyatli migratsiyani qo‘llab-quvvatlash» mavzuidagi hisobotini taqdim etdi. Mutaxassislar o‘zbekistonlik malakali ishchilar an’anaviy migratsiya yo‘nalishlarida talab qilinmayotganini ta’kidlamoqda. Respublikaning eng kambag‘al aholisi orasida har beshinchi kishi chet eldan pul o‘tkazmalarini oladi. Bu haqda Kursiv Uzbekistan muxbiri xabar qildi.

Ushbu hisobotda migratsiya siyosatini takomillashtirish va uning iqtisodiy o‘sish, ijtimoiy barqarorlik, xususan, O‘zbekiston, Qozog‘iston, Qirg‘iziston va Tojikistondagi ahamiyati chuqur tahlil qilingan.

Bu maqolada nimalarni bilib olish mumkin:

Chevrolet kompaniyasi 2025-yil uchun mo‘ljallangan yangi Silverado EV ZR2 poyga mashinasining kontseptsiyasini namoyish etdi. Bu haqda Naavtotrasse nashri ma’lum qildi.

Ushbu model 1100 ot kuchiga ega uch motorli elektr tizimi va to‘liq uzatmali transmissiya bilan jihozlangan. Chevrolet Silverado EV ZR2 atigi besh oy ichida ishlab chiqilgan bo‘lib, uning aksariyat qismlari ishlab chiqarish versiyasidan olingan.

Yangi yuk mashinasi ko‘tarilgan osma tizim, Multimatic amortizatorlar va 37 dyuymli butun yer usti shinalari bilan ta’minlangan bo‘lib, ekstremal yo‘llarda yuqori harakatlanish imkoniyatiga ega. Shuningdek, u 330 mm dan ortiq g‘ildirak harakati bilan mustahkam yo‘ltanlamas xususiyatlariga ega. Transport vositasi qanotli g‘ildiraklar, qulflash differensiallari, skid plitalari...

Iqtisodiy tadqiqotlar va islohotlar markazi O‘zbekiston ko‘chmas mulk bozoridagi faollik tiklanayotganini ma’lum qildi. Bu haqda markaz matbuot xizmati xabar qildi.

Yil boshidan buyon ko‘chmas mulk bozorida 25,5 mingta oldi-sotdi shartnomasi rasmiylashtirilgan. 2024-yilning shu davriga nisbatan ko‘rsatkichlar 17,4 foizga o‘sgan.

Ijobiy o‘sish kuzatilgan hududlar qatorida Jizzax(44%), Navoiy(36%) va Toshkent shahri(18%) bor. Toshkent shahri umumiy bozor ulushining 28 foizini tashkil etib, poytaxtda ko‘chmas mulkka bo‘lgan talab barqaror bo‘lib qolmoqda.

Ikkilamchi bozor tahlili

Yanvar oyida ikkilamchi uy-joy bozorida narxlar 0,3 foizga oshib, o‘tgan yilga nisbatan esa 4,6 foizga qimmatlashdi. Viloyatlar kesimida eng katta yillik o‘sishlar Surxondaryo(11,4%), Jizzax(10,4%) va Farg‘ona(8,4%) viloyatlariga to‘g‘ri...

Xitoyning texnologik giganti Alibaba sun’iy intellektga asoslangan yangi mantiqiy tahlil modeli QwQ-32B ni taqdim etdi. Bu haqda Alibaba Cloud sahifasida ma’lum qilindi.

Unga ko‘ra, kompaniya ushbu model OpenAI va DeepSeek raqobatchilaridan ustun ekanini ta’kidladi.

Bu xabar Alibaba aksiyalarining 8% ga oshishiga sabab bo‘ldi va Xitoy texnologiya bozori faolligini yanada kuchaytirdi. Kompaniya ma’lumotlariga ko‘ra, yangi model matematika, dasturlash va umumiy tahlil qobiliyatlarida sezilarli yutuqlarga erishgan.

Alibaba sun’iy intellekt va bulutli texnologiyalar sohasida raqobatni kuchaytirish maqsadida kelgusi uch yil ichida $52,4 mlrd investitsiya kiritishini e’lon qildi. Shu bilan birga, Xitoy hukumati sun’iy intellekt va ilg‘or texnologiyalarni rivojlantirishni qo‘llab-quvvatlashini bildirdi.

Eslatib o‘tamiz...

Apple korporatsiyasi bir nechta mashhur kompyuter modellarini sotuvdan olib tashladi. Bu haqda kompaniyaning rasmiy saytida ma’lum qilindi.

5-mart kuni MacBook Air va Mac Studio kompyuterlari e’lon qilinganidan soʻng bir nechta model Apple onlayn-doʻkonidan olib tashlandi.

M4 protsessorli Air modellari savdodan olib tashlangan boʻlsa, M4 Max va M3 Ultra modellari rasmiy Mac Studio chakana savdosida haligacha mavjud.

Apple veb-saytida M4 va M3 Ultradan boshqa protsessorli kompyuterlar sotuvga qoʻyilmagan. Hozirgi kunda eng arzon Apple kompyuteri MacBook Air Ultra boʻlib qolmoqda. Uning narxi $999 ni tashkil etadi.

Eslatib oʻtamiz, Apple M4 chipli MacBook Airʼni taqdim etgani haqida yozgan edik.

Koreya Respublikasining eng yirik ogʻir sanoat kompaniyasi – Samsung kemasozlik zavodi elektriklarni ishga taklif qiladi. Bu haqda Migratsiya agentligi telegram kanalida e’lon qilindi.

Mavjud boʻsh ish oʻrni uchun 22 – 35 yoshlar oraligʻidagi elektr energetika va turdosh yoʻnalishlar boʻyicha bakalavr yoki undan yuqori darajali shaxslar hujjat topshirishi mumkin. Shuningdek, nomzodlar bir yildan ortiq ish tajribasiga ega va sudlanmagan boʻlishi shart.

Tanlov joriy yilning 4 – 7-aprel kunlari ish beruvchi kompaniyaning vakillari tomonidan oʻtkaziladi. Imtihondan muvaffaqiyatli oʻtgan nomzodlar orasidan 40 nafar nomzod iyun oyida Janubiy Koreyaga joʻnab ketadi. Belgilangan maosh $1720 dan boshlanadi.

Ish shartlari, xarajatlar xususida Workmall xususiy bandlik...

7-martdan Toshkent shahrida ko‘cha-yo‘l tarmog‘ini ta’mirlash va rekonstruksiya qilish bo‘yicha ishlar boshlandi. Bu haqda Toshkent shahar hokimligi xabar berdi.

Ushbu ishlarni amalga oshirish yo‘l harakati xavfsizligini ta’minlash hamda shahar aholisi va jamoat transporti harakatlanishini yanada qulaylashtirish maqsadida olib borilmoqda.

Tahlillar natijasiga ko‘ra, 2025-yilda joriy va kapital ta’mirlash talab qilinadigan ko‘chalar ro‘yxati tuzilib, manzilli ta’mirlash dasturi ishlab chiqildi. Dastur doirasida jami 65 ming kvadrat metr dan ortiq yo‘llarni ta’mirlash rejalashtirilgan.

Tirbandliklarning oldini olish va haydovchilarga noqulaylik tug‘dirmaslik uchun ta’mirlash ishlari asosan transport harakati kam bo‘lgan soatlarda tashkil etiladi.

Avvalroq Kursiv Uzbekistan Toshkent – Andijon va Toshkent – Samarqand pullik yo‘llarini qurish...

8-mart, shanba kuni muborak Ramazon oyining sakkinchi kuni bo‘lib, Toshkent shahrida saharlikning tugashi soat 5:29 ni tashkil qiladi. Iftorlik esa 18:25 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan.

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ‘ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan kimlar ro‘za tutmasligi mumkinligi haqida maqola tayyorlagan bergan edi.   

«Roma» Yevropa Ligasi 1/8 final bosqichi doirasida «Atletik»ni qabul qilib, 2:1 hisobida gʻalaba qozondi.

Ikkinchi boʻlimning 50-daqiqasida Uilyams aniq zarbasi bilan hisobni ochib, mehmonlarni oldinga olib chiqdi. Biroq «Roma» uzoq kuttirmadi va 56-daqiqada Anxelinyo muvozanatni tikladi.

Uchrashuvning 71-daqiqada zaxiradan maydonga tushgan Eldor Shomurodov Rim jamoasiga gʻalaba keltiruvchi gol muallifiga aylandi. U oʻyinga qoʻshib berilgan 90+3 daqiqada gol kiritdi.

Shu tariqa «Roma» 2:1 hisobida gʻalaba qozonib, keyingi bosqich sari ishonchli qadam tashladi. Maydonda 19 daqiqa harakat qilgan Shomurodov Sofascore tomonidan 7,3 ballga loyiq koʻrildi.

Avvalroq Kursiv Uzbekistan Shomurodov gol urgan uchrashuvda «Roma» yirik hisobda gʻalaba qozongani haqida xabar bergan edi.

Arab davlatlari tomonidan Misr orqali ilgari surilgan kelishuv AQSh kutgan natijalarga mos kelmaydi, deya bayonot berdi AQSh Davlat departamenti matbuot kotibi Temmi Bryus.

Unga ko‘ra, Vashington Arab davlatlari ligasi (ADL) tomonidan G‘azo sektoridagi vaziyatni normallashtirish bo‘yicha taqdim etilgan takliflarni yetarlicha samarali emas deb hisobladi va rad qildi. Bryus jurnalistlar bilan bo‘lib o‘tgan brifingda:

«Misr orqali ilgari surilgan arab kelishuvi bizning kutgan natijalarimizga javob bermaydi», – deb ta’kidladi.

4-mart kuni bo‘lib o‘tgan Falastin bo‘yicha favqulodda sammitda ishtirokchilar Misr tomonidan tayyorlangan G‘azo sektorini qayta tiklash rejasini va yakuniy deklaratsiyani bir ovozdan qo‘llab-quvvatladilar. Ushbu hujjatda BMT Xavfsizlik...

«Oʻzbekfilm» kinostudiyasining toʻliq ta’mirlanishi 2027-yilda yakunlanadi. Bu haqda «Oʻzbekfilm» direktori Bahodir Muhammedov TASS agentligiga ma’lum qildi.

«2027-yilga kelib biz kinostudiyani jihozlash va rekonstruksiya qilishni toʻliq yakunlaymiz», – degan Muhammedov TASS agentligiga.

Uning qoʻshimcha qilishicha, rekonstruksiyadan soʻng studiya qoʻshma kinematografiya loyihalarini amalga oshirish uchun Markaziy Osiyodagi eng yirik platformaga aylanadi.

Muhammedovning soʻzlariga koʻra, soʻnggi toʻrt yil ichida «Oʻzbekfilm» kinostudiyasiga $15 mlndan ortiq mablagʻ yoʻnaltirilgan.

Eslatib oʻtamiz, Kursiv Uzbekistan oʻzbek qizi haqidagi film «Oskar» mukofotining beshta haykalchasi bilan taqdirlangani haqida yozgan edi.

Mehnat kodeksining 187-moddasiga ko‘ra, bayram kunlari arafasida har kunlik ishning davomiyligi barcha xodimlar uchun kamida bir soatga qisqartiriladi.

Ertaga, 8-mart – Xalqaro xotin-qizlar kuni rasmiy ishlanmaydigan bayram sanaladi. Shu sababli, bugun ishga chiqqan barcha xodimlar bir soat vaqtliroq uyga ketish huquqiga ega.

Bayram oldidan ish vaqtini qisqartirish imkoni bo‘lmagan uzluksiz ishlaydigan tashkilotlar va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.

Avvalroq Kursiv Uzbekistan mart oyida o‘zbekistonliklar necha kun dam olishi haqida yozgandi.

AQSh prezidenti Donald Trampning to‘rt nafar yuqori martabali ittifoqchisi Ukraina prezidenti Vladimir Zelenskiyga muxolif bo‘lgan siyosatchilar, jumladan, Yuliya Timoshenko va Petro Poroshenko vakillari bilan maxfiy muzokaralar olib borgani ma’lum bo‘ldi. Bu haqda Politico nashri xabar berdi.

Unga ko‘ra, uchrashuvda Ukrainada tezkor prezidentlik saylovlarini o‘tkazish masalasi muhokama qilingan. Tramp jamoasi Zelenskiy urush charchog‘i va korrupsiyaga oid tanqidlar tufayli saylovda yutqazishini taxmin qilmoqda. Biroq so‘nggi so‘rov natijalari Zelenskiyning hanuz yetakchilik qilayotganini ko‘rsatmoqda.

Rasmiy Vashington Trampning Ukraina ichki ishlariga aralashayotganini inkor etmoqda, biroq Trampning so‘zlari va harakatlari bunga zid. U Zelenskiyni «saylovlarsiz diktator» deb atab, agar u Rossiya bilan kelishmasa, «uzoq vaqt...

«Manchester City» himoyachisi Abduqodir Husanov fevral oyining eng yaxshi futbolchisi deb topildi.

Yaqinda 21 yoshga to‘lgan o‘zbekistonlik futbolchi so‘rovnomada «Manchester City» hujumchisi Erling Holand va himoyachi Yosho Gvardiolni ortda qoldirib, rekord darajadagi ovoz to‘pladi.

«Chelsi» bilan omadsiz debyutdan so‘ng Husanov tezda o‘z o‘yinini topa boshladi.

U «shaharliklar» safida o‘tkazgan ikkinchi uchrashuvida Riko Luisning zarbasini yo‘naltirib, «Leyton Orient» darvozasiga gol urdi va hisobni tenglashtirdi.

Keyingi turda «Nyukasl Yunayted»ga qarshi bahsda Aleksandr Isak va Entoni Gordon uchun muammo tug‘dirib, jamoasiga 4:0 hisobida yirik g‘alabani qo‘lga kiritishda yordam berdi.

Shundan so‘ng, u «Real Madrid»ga qarshi o‘yinda o‘ng qanot himoyachisi sifatida maydonga...

7-mart kuni O‘zbekiston bo‘ylab yomg‘ir yog‘ishi kutilmoqda. Tog‘oldi va tog‘li hududlarda yomg‘ir va qor ko‘rinishida yog‘ingarchilik bo‘lishi mumkin, deya xabar bermoqda «O‘zgidromet».

Unga ko‘ra, ayrim joylarda shamol tezligi 17-22 m/s gacha kuchayadi, Navoiy va Jizzax viloyatlarida esa 25-30 m/s gacha yetishi mumkin.

Harorat Toshkent shahrida kechasi 3-5°, kunduzi 9-11° iliq bo‘ladi.

Qoraqalpog‘iston va Xorazmda kechasi 0-5°, kunduzi 5-10° iliq, Ustyurtda kechasi 2° sovuqqacha pasayishi mumkin.

Buxoro va Navoiy viloyatlarida kechasi 3-8°, kunduzi 7-12° iliq, Navoiy shimolida harorat biroz past bo‘ladi.

Samarqand, Jizzax, Sirdaryo va Toshkent viloyatlarida kechasi 3-8°, kunduzi 7-12° iliq.

Qashqadaryo va Surxondaryoda kechasi...