Yangiliklar

Sigareta tutuni va qoldiqlaridagi zaharli moddalar antibiotiklarga chidamli bakteriyalarning koʻpayishi va tarqalishiga yordam beradi. Bu haqda Environmental Health Perspectives jurnalida chop etilgan Drezden universiteti olimlarining tadqiqotida ma’lum qilindi.

Sigareta filtrlari suvga tushganda xavfli mikroorganizmlar koʻpayish joyiga aylanadi. Sigareta qoldiqlarida yashovchi bakteriyalar koloniyalari antibiotiklarga chidamli boʻlib, keyin daryolar, koʻllar va plyajlar orqali tarqalib, odamlar uchun jiddiy xavf tugʻdiradi.

Tajribalar shuni koʻrsatadiki, chekuvchilarning oʻzlari oʻpkalarida bakteriyalar oʻrtasida qarshilik genlarini oʻtkazishni osonlashtiradigan sharoitlarni yaratadi. Bu pnevmoniya kabi yuqumli kasalliklarning davolanishga chidamli boʻlish ehtimolini oshirishi mumkin.

Ammo olimlarning ta’kidlashicha, bunday oʻzgarishlar standart terapiyaga javob bermaydigan oʻlimga olib keladigan infeksiyalarning koʻpayishiga olib keladi...

General Motors kompaniyasi Xitoyda Cadillac Lyriq-V 2026 modelini rasman namoyish qildi. Bu V-seriyadagi ilk elektromobil bo‘lib, Cadillac tarixidagi eng tezkor va eng kuchli model bo‘lishi kutilmoqda.

Lyriq-V’ning asosiy xususiyatlari:

Model Shanxaydagi SAIC-GM zavodida ishlab chiqariladi, bu yerda allaqachon Lyriq’ning standart versiyalari konveyerdan chiqmoqda. Lyriq-V Cadillac’ning birinchi global V-seriyali modeli bo‘lib, Xitoy bozoridan keyin boshqa mamlakatlarga ham chiqarilishi kutilmoqda.

Lyriq-V sport aerodinamik kuzov to‘plami, 22 dyuymli g‘ildiraklar, qayta sozlangan suspenziya va yangilangan Ultium akkumulyatori bilan jihozlangan. Salonda yuqori...

Bugun, 6-mart kuni soat 09:00 dan 17:00 gacha Bektemir tumanining ayrim hududlarida elektr ta’minoti vaqtinchalik to‘xtatiladi. Bu haqda Toshkent shahar elektr tarmoqlari xabar berdi.

Tumanda olib boriladigan ta’mirlash ishlari tufayli «Nurli yo‘l», «Musaffo» hamda «Sohil» MFYlarining ayrim hududlarida elektr energiyasi bo‘lmaydi.

Avvalroq Kursiv Uzbekistan poytaxtdagi to‘rtta tumanda tabiiy gaz vaqtincha o‘chirilishi haqida yozgandi.

Janubiy Koreyada harbiy mashg‘ulotlar vaqtida yuz bergan xatolik oqibatida yetti kishi jarohat oldi. Bu voqea 6-mart kuni ertalab soat 10:00 atrofida Seul shahridan 40 km shimolda joylashgan Pocheon shahrida yuz bergan. Bu haqda Yonhap agentligi xabar berdi.

Voqeaga ko‘ra, KF16 qiruvchi samolyoti mashg‘ulot davomida tasodifan sakkizta bombani turarjoy hududiga tashlagan. Yetti kishi og‘ir tan jarohati olib, shifoxonaga yotqizilgan. Qishloqdagi cherkov va boshqa oltita bino vayron bo‘lgan.

Janubiy Koreya harbiy-havo kuchlari fuqarolarga yetkazilgan zarar uchun uzr so‘rab, hodisa sabablari bo‘yicha tergov olib borilayotganini ma’lum qilgan.

Avvalroq Kursiv Uzbekistan Yaponiyadagi Toyota ehtiyot qismlari zavodida portlash sodir boʻlgani haqida yozgandi.

Sirdaryo viloyatining Mirzaobod tumanidagi «Yangihayot» MFYda joylashgan «A. P.» MCHJda gaz hisoblash uskunasining ruxsat etilgan maksimal oʻlchash chegarasidan chetga chiqqan holda ikki dona nostandart yondirgichdan foydalangan. Bu haqda Energetika vazirligi ma’lum qildi.

Unga ko‘ra, holat boʻyicha qayta hisob-kitob amalga oshirildi va 1,55 mlrd soʻmlik zarar hisoblandi.

Shuningdek, Guliston shahar «Bahor» MFYda istiqomat qiluvchi fuqaro xonadonida hisoblagichdan tashqari gaz tarmogʻiga oʻzboshimchalik bilan ulanib, «zangori yoqilgʻi»dan noqonuniy foydalanib kelayotgani ma’lum boʻldi.

Holat yuzasidan dalolatnoma tuzilib, salkam 390 mln soʻmlik zarar qayta hisob-kitob qilingan.

Eslatib o‘tamiz, avvalroq tabiiy gaz uchun bazaviy me’yor aprelgacha uzaytirilgan edi.

Wizz Air aviakompaniyasi 2025-yildan Oʻzbekistonga xizmat koʻrsatuvchi havo kemalarida bort kuzatuvchi vazifasidagi personallarining oʻzbek tilida faoliyat yuritishini ta’minlaydi. Bu haqda Raqobat qoʻmitasi xabar bermoqda.

Sobiq deputat Rasul Kusherbayevning Samarqand – Abu-Dabi yoʻnalishi bilan Wizz Air aviakompaniyasi tomonidan koʻrsatilgan xizmatlar boʻyicha raqobatni rivojlantirish va iste’molchilar huquqlarini himoya qilish qoʻmitasiga murojaati tegishli tartibda oʻrganib chiqilgan.

Qoʻmita tomonidan olib borilgan tekshiruvlarda uchish davrida aviakompaniya xavfsizlik qoidalarini xorijiy tilda ma’lum qilgani, murojaatchining oʻzbek yoki rus tillaridan birida muloqot qilishi haqidagi talabi bajarilish oʻrniga unga qoʻpol muomalada boʻlgani ma’lum boʻldi.

Oʻrganishlar natijasida qoʻmita Transport vazirligiga soʻrov xatini yuborgan. Shundan so‘ng oʻzboshimchalik bilan xatti-harakatlarni amalga...

Soliq qo‘mitasi elektron tijorat sohasida faoliyat yuritayotgan subyektlarning qonunchilikka muvofiqligi bo‘yicha tekshiruvlari natijasida Wildberries marketpleysi talablarga to‘liq mos kelmasligini aniqlagan. Bu haqda Soliq qo‘mitasi matbuot xizmati xabar qildi.

Unga ko‘ra, Wildberries («RVB» MChJ, Rossiya Federatsiyasi rezidenti) marketpleysi O‘zbekistonda «WB INT EXPORT» MChJ yuridik shaxs sifatida ro‘yxatdan o‘tgan holda faoliyat olib bormoqda.

O‘tkazilgan soliq auditidan so‘ng, kompaniya 2022 – 2024-yillar uchun jami 51,2 mlrd so‘m (shundan 42,8 mlrd so‘m QQS) soliq to‘lovlari budjetga qo‘shimcha to‘lab berdi.

Avvalroq Kursiv Uzbekistan xalqaro marketpleyslar O‘zbekistonda 160 mlrd so‘m soliq to‘lagani haqida yozgandi.

Chery Group fevral oyida butun dunyo bo‘ylab 180 ,9 ming dona avtomobil sotdi, bu o‘tgan yilning shu davriga nisbatan 26,4 foizga ko‘pdir. 2025-yilning dastlabki ikki oyida esa kompaniya jami 405,2 ming dona avtomobil sotdi. Bu haqda 32cars nashri ma’lum qildi.

Fevral oyida Chery Tiggo krossoverlari oilasi eksport hajmi bo‘yicha yangi marraga yetib bordi. Xususan, Tiggo 4 modeli 1 mlnta eksport qilingan avtomobil marrasini bosib o‘tdi. Shuningdek, ushbu model Avstraliyaning ANCAP xavfsizlik testida eng yuqori – besh yulduzli bahoni oldi. Endilikda Chery’ning uchta flagman modeli – Tiggo 4, Tiggo 7 va Tiggo 8 xavfsizlik bo‘yicha yuqori reytingga ega bo‘lib...

AQSh Oliy sudi Tramp ma’muriyatining $2 mlrdlik xorijiy yordamni toʻxtatish haqidagi iltimosini rad etdi. Bu haqda Associated Press xabar berdi.

Sudga da’vo qilgan notijorat tashkilotlar berilishi kerak boʻlgan pulni kutishmoqda. Yanvar oyi oxirida AQSh Davlat kotibi Marko Rubio deyarli barcha xorijiy yordam dasturlari, shu jumladan, Ukraina uchun moliyalashtirishni 90 kunga muzlatib qoʻyishni buyurgan.

Ma’lum qilinishicha, okrug sudi Tramp ma’muriyatiga USAID yordamini tiklash talabnomasi bilan chiqqan edi. Mazkur hukm USAIDʼning barcha dasturlarini moliyalashtirishni toʻxtatishga qarshi da’vo boʻyicha Kolumbiya okrugi sudida boʻlib oʻtgan eshituv natijalariga koʻra chiqarilgan. Okrug sudyasi Amir Aliga koʻra, rasmiylar blokdan chiqarish toʻgʻrisidagi avvalgi qarorni bajarmagan.

6-martdan metan «zapravkalar» faoliyati bosqichma-bosqich yo‘lga qo‘yiladi. Bu haqda Energetika vazirligi xabar berdi.

Unga ko‘ra, mart oyining dastlabki kunlarida havo haroratining keskin pasayishi tabiiy gaz iste’molining ortishiga va gaz quvurlarida bosimning kamayishiga olib keladi. Shu sababli aholi hamda ijtimoiy soha obyektlarini uzluksiz gaz bilan ta’minlash maqsadida avtomobillarga gaz to‘ldirish kompressor shoxobchalari(metan zapravkalar) faoliyati vaqtincha to‘xtatilgan edi.

Tezkor choralar natijasida quvurlarda gaz bosimi me’yoriy holatga keltirilgani tufayli bugun soat 09:00 dan boshlab metan «zapravkalar» faoliyati bosqichma-bosqich qayta tiklanadi.

Avvalroq Kursiv Uzbekistan Samarqandda «zapravka» 553 mln so‘mlik elektr energiyasidan noqonuniy foydalangani aniqlangani haqida yozgandi.

Volvo kompaniyasi o‘zining yangi ES90 modelini taqdim etdi. Bu haqda ITHome nashri ma’lum qildi.

Yaratuvchilarning ta’kidlashicha, bu na sedan, na krossover, balki «yangi toifadagi» avtomobil hisoblanadi. Aslida esa bu model kross-xetchbek kuzovida ishlab chiqarilgan.

ES90 sof elektromobil bo‘lib, 800 voltli platformaga asoslangan. Mashina 350 kVt quvvatga ega tezkor zaryadlashni qo‘llab-quvvatlaydi. 10 foizdan 80 foizgacha zaryad olish atigi 20 daqiqa davom etadi. Maksimal yurish zaxirasi 700 kmni tashkil qiladi.

Model uchta quvvat uzatmasi varianti bilan taqdim etilgan. Asosiy versiya orqa aksdagi 245 ot kuchiga ega elektr dvigatel va 92 kVt quvvatga ega batareyaga ega bo‘lib, WLTP standartiga ko‘ra 640 km...

Volkswagen o‘zining eng arzon elektromobili bo‘lmish ID. Every1 xetchbekini taqdim etdi. Bu haqda Motor1 nashri ma’lum qildi.

Uning taxminiy narxi 20 ming yevro bo‘lib, bu elektromobillar bozorida uni ommaviy modelga aylantirishi kutilmoqda.

ID. Every1 tashqi ko‘rinishi jihatidan birinchi avlod Golf’ni eslatadi. Uning uzunligi 3880 mm, eni 1816 mm, balandligi esa 1490 mm.

Avtomobil 94 ot kuchiga ega elektromotor bilan jihozlangan bo‘lib, maksimal tezligi 130 km/soat. Bir marta quvvatlanish orqali 250 km masofani bosib o‘tishi mumkin.

Volkswagen ID. Every1 MEB platformasida, 2027-yilda seriyali ishlab chiqarilishi rejalashtirilgan.

Eslatib o‘tamiz, avvalroq Xiaomi SU7 Ultra narxi 35% arzonlashgani haqida yozgan edik.

Yaponiyadagi Chuo Spring Toyota avtomobillari uchun ehtiyot qismlar ishlab chiqaruvchi zavodida portlash yuz berdi. Bu haqda Reuters xabar bermoqda.

Dastlabki ma’lumotlarga koʻra, hodisaga chang yigʻish bilan bogʻliq muammolar sabab qilib ko‘rsatilmoqda. Voqea joyida bir kishi halok boʻlgan. Ikki kishining jarohat olgani aytilmoqda.

Agentlikning qayd etishicha, xuddi shu zavodda ikki yil avval ham shunday hodisa yuz bergan. Chuo Spring ma’muriyati hozirda ma’lumotga aniqlik kiritmoqda. Ammo batafsil izoh berganicha yoʻq.

Eslatib oʻtamiz, Kursiv Uzbekistan nashri Toyota yangi C-HR modelini taqdim etgani haqida yozgan edi.

7-mart, juma kuni muborak Ramazon oyining yettinchi kuni bo‘lib, Toshkent shahrida saharlikning tugashi soat 5:30 ni tashkil qiladi. Iftorlik esa 18:24 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan.

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ‘ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan kimlar ro‘za tutmasligi mumkinligi haqida maqola tayyorlagan bergan edi.  

Apple yangi M4 chipiga ega MacBook Air noutbugini namoyish qildi. U 10 yadroli protsessor, 18 soatgacha quvvat zaxirasi va Apple Intelligence sun’iy intellekt texnologiyasini qo‘llab-quvvatlaydi.

MacBook Air yangi 12 MP kamera, Center Stage funksiyasi va osmon kabi moviy rang variantiga ega bo‘ldi. Noutbuk 30 daqiqada 50% gacha quvvatlanadi va M1 chipli modeldan ikki baravar tezroq ishlaydi.

Savdolar 12-martdan boshlanadi. 13 dyuymli model – 1100$, 15 dyuymli – 1300$.

Eslatib o‘tamiz, sal avvalroq Apple yangi iPad Air’ni taqdim etgan edi.

Afg‘onistonning Mozori-Sharif shahrida O‘zbekiston savdo uyi ochilmoqda. Bu haqda Savdo-sanoat palatasi ma’lum qildi.

Unga ko‘ra, ushbu savdo uyi 220 kv.m maydonda joylashgan bo‘lib, tadbirkorlarimizga mahsulotlarini Afg‘oniston bozoriga chiqarish, hamkorlar topish va eksportni kengaytirish uchun qulay platforma yaratadi.

Unda farmatsevtika, elektrotexnika va qurilish materiallari uchun doimiy faoliyat yurituvchi shourum va omborxona mavjud.

O‘z mahsulotlarini joylashtirish va savdo uyi imkoniyatlaridan foydalanishni istagan tadbirkorlar +998 99 1000606 telefon raqami orqali bog‘lanishlari mumkin.

Eslatib o‘tamiz, avvalroq O‘zbekiston va Afg‘oniston savdo hajmini $3 milliardga yetkazishni rejalashtirayotgani haqida yozgan edik.

6-mart kuni O‘zbekiston hududida havo biroz bulutli bo‘lib, yog‘ingarchilik kutilmaydi. Respublika bo‘ylab iliq ob-havo saqlanib qolmoqda, deya xabar berdi «O‘zgidromet».

Unga ko‘ra, Toshkent shahrida havo 15-17° iliq bo‘lib, shamol sharqdan 3-8 m/s tezlikda esadi.

Qoraqalpog‘iston va Xorazmda ba’zi joylarda shamol tezligi 22 m/s gacha kuchayishi mumkin, harorat kunduzi 5-10° iliq atrofida bo‘ladi.

Buxoro va Navoiyda havo 15-20° iliq bo‘lib, Navoiyning shimolida biroz salqinroq – 5-10° iliq.

Samarqand, Jizzax, Sirdaryo va Toshkent viloyatlarida havo 12-17° iliq, shamol esa ba’zi hududlarda 20 m/s gacha kuchayishi mumkin.

Qashqadaryo va Surxondaryoda esa eng iliq ob-havo kutilmoqda – kunduzi 15-20° iliq bo‘lishi mumkin.

Andijon...

Prezident «Xalqaro shartnomani tasdiqlash to‘g‘risida»gi qarorni imzoladi. Bu haqda Adliya vazirligi ma’lum qildi.

Unga ko‘ra, O‘zbekiston va Germaniya hukumatlari o‘rtasida migratsiya va mobillik bo‘yicha keng qamrovli hamkorlik kelishuvi tasdiqlandi.

Mazkur kelishuv 2024-yil 15-sentabrda Samarqandda imzolangan. Uni amalga oshirish doirasida tashqi mehnat migratsiyasi bo‘yicha mas’ul organ sifatida Migratsiya agentligi, repatriatsiya masalalari bo‘yicha esa Ichki ishlar vazirligi belgilandi.

Kelishuv kuchga kirgach, uning ijrosini nazorat qilish Vazirlar Mahkamasi hamda tegishli vazirlik va idoralar zimmasiga yuklatiladi.

Eslatib o‘tamiz, avvalroq O‘zbekiston va O‘mon turizmni kuchaytirish bo‘yicha hamkorlik qilishi haqida yozgan edik.

Shavkat Mirziyoyev Gruziya bosh vaziri Irakliy Kobaxidze boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda savdo, investitsiya, transport-logistika, turizm va madaniyat sohalaridagi hamkorlikni kengaytirish masalalari muhokama qilindi. O‘tgan yili ikki davlat o‘rtasidagi tovar ayirboshlash hajmi 50 foizga oshgani, qo‘shma korxonalar va yuk aylanmasi ko‘paygani qayd etildi. Toshkent va Tbilisi o‘rtasida to‘g‘ridan to‘g‘ri aviareyslar yo‘lga qo‘yildi, gruziyalik investorlar ishtirokida O‘zbekistonda raqamli bank tashkil etildi.

Tomonlar eksport-import hajmini oshirish, sanoat kooperatsiyasini rivojlantirish va transport-tranzit salohiyatidan samarali foydalanish bo‘yicha kelishib oldilar. Raqamlashtirish va turizm infratuzilmasini rivojlantirish ham alohida e’tiborga olindi.

Eslatib o‘tamiz, avvalroq Mirziyoyev ShHT...

«Kredit axboroti almashinuvi to‘g‘risida»gi qonunga o‘zgartirish va qo‘shimchalar kiritildi. Bu haqda Adliya vazirligi ma’lum qildi.

Yangi tartibga ko‘ra, kredit bitimi tuzishi taqiqlangan shaxslar reyestri joriy etiladi. Bu reyestr kredit bitimi tuzishi mumkin bo‘lmagan jismoniy shaxslar haqidagi ma’lumotlarni o‘z ichiga oladi va kredit byurolari tomonidan yuritiladi.

Markaziy bank ushbu reyestr yuritish tartibini belgilaydi hamda kredit byurolari uchun ustav kapitalining eng kam miqdori 2 mlrd so‘m etib belgilanadi.

Shuningdek, Markaziy bank kredit byurolariga nisbatan qonunbuzarliklar aniqlansa, jarima va boshqa choralarni qo‘llash huquqiga ega. Bunga kredit axboroti almashinuvi qoidalariga rioya qilmaslik, iste’molchilar huquqlarini buzish yoki litsenziyani qalbakilashtirish kabi holatlar kiradi.

Endilikda jismoniy...

Shavkat Mirziyoyev Shanxay hamkorlik tashkiloti bosh kotibi Nurlan Yermekbayev bilan uchrashdi. Bu haqda davlat rahbari matbuot xizmati ma’lum qildi.

Unga ko‘ra, tomonlar ShHT doirasidagi ko‘p tomonlama hamkorlikni rivojlantirish masalalarini muhokama qildilar. Xavfsizlik va barqarorlikka tahdid soluvchi xatarlar oldini olish, qo‘shnichilik va sheriklikni mustahkamlash muhimligi ta’kidlandi.

ShHTni modernizatsiya qilish jarayonini davom ettirish, tashkilot tuzilmalari samaradorligini oshirish, shuningdek, «Yangi iqtisodiy muloqot» konsepsiyasini ilgari surish masalalariga e’tibor qaratildi. Savdo, elektron tijorat, investitsiyalar, logistika va oziq-ovqat xavfsizligi bo‘yicha tashabbuslarni amalga oshirish muhimligi qayd etildi.

Shuningdek, Xitoyning Tyanszin shahrida bo‘lib o‘tadigan ShHT sammitiga tayyorgarlik masalalari ko‘rib chiqildi.

Eslatib o‘tamiz, avvalroq Shavkat Mirziyoyev Korrupsiyaga qarshi...

Realme kompaniyasi «MWC – 2025» ko‘rgazmasida yangi konsept-smartfon – Realme Ultra’ni namoyish etdi. Bu haqda Android Headlines sahifasida ma’lum qilindi.

Unga ko‘ra, ushbu qurilmaning asosiy o‘ziga xosligi almashtiriladigan obyektivlarga ega bo‘lishidir. Bu mobil fotografiya imkoniyatlarini sezilarli darajada kengaytiradi.

Smartfon ikkita dyuymli Sony IMX989 tasvir datchigi bilan jihozlangan bo‘lib, biri asosiy kamera, ikkinchisi esa periskop moduli uchun ishlatiladi. Shuningdek, ultra keng burchakli tasvir olish uchun Sony IMX890 datchigi ham mavjud. Ushbu texnologiyalar jamlanmasi Hyperimage+ tizimi deb ataladi.

Komplektda 3x optik zumga ega portret obyektivi va 10x – 60x zum imkoniyatiga ega teleobyektiv mavjud. Biroq qo‘lda suratga olishda real maksimal natija...

Birlamchi bozordan uy-joy sotib olish uchun tijorat banklari tomonidan ajratilayotgan ipoteka kreditlari foiz stavkalari tushirildi. Bu haqda O‘zbekiston ipotekani qayta moliyalashtirish kompaniyasi xabar berdi.

Kreditni 20 yil muddatda Markaziy bankning asosiy stavkasiga (13,5) qo‘shimcha ravishda 6 foiz(2024-yilda 8 foizni tashkil qilgan) bilan olish mumkin. Toshkent shahrida limit 800 mln so‘mgacha, Qoraqalpog‘iston Respublikasi va viloyatlarda esa 500 mln so‘mgacha beriladi.

Ma’lumot uchun, 3-martdan ipoteka kreditlari bo‘yicha subsidiyaga arizalar qabuli boshlandi.

Avvalroq Kursiv Uzbekistan ipoteka krediti uchun subsidiyaga arizani qanday topshirish mumkinligi haqida qo‘llanma yozgandi.

5-mart kuni ko‘chmas mulkni ommaviy baholash tizimi va markazini tashkil etish bo‘yicha farmon imzolandi. Bu haqda Adliya vazirligi matbuot xizmati xabar berdi.

Ushbu tizim bilan 8 mlndan ortiq turar va noturar joylar hamda 7 millionga yaqin yer uchastkalari iqtisodiy aktiv sifatida baholanadi. Soliq solish, oldi-sotdi, garovga qo‘yish kabi operatsiyalar uchun aniqlanadigan qiymatlar o‘zaro mutanosib bo‘lishi ta’minlanadi. Shuningdek, ko‘chmas mulk bozoriga oid ishonchli, to‘liq va doimiy yangilanib boruvchi axborot bazasi yaratiladi.

Baholash ishlari 2025 – 2026-yillarda eksperiment tariqasida Toshkent shahrida 2026 – 2027-yillarda Nukus shahri va viloyatlar markazlarida hamda 2027-yil va undan keyingi yillarda respublikaning barcha hududlarida bosqichma-bosqich amalga oshiriladi.