Yangiliklar

Markaziy bank tomonidan e’lon qilingan ma’lumotlarga ko‘ra, 2025-yil yanvar oyida O‘zbekiston tijorat banklarining sof daromadi 1,16 trln so‘mni tashkil etdi. Bu ko‘rsatkich o‘tgan yilning shu davridagiga nisbatan 3 baravarga yoki qariyb 800 mlrd so‘mga oshgan.

Jami foiz daromadlari 9,9 trln so‘mga yetib, 2024-yilning yanvaridagi 8,6 trln so‘mga nisbatan 15% o‘sgan. Foiz xarajatlari esa 7 trln so‘mni tashkil etib, o‘tgan yilga nisbatan qariyb 15%ga oshgan. Sof foiz daromadi esa 3 trln so‘mni tashkil qilib, 2024-yilning shu davriga nisbatan 20%ga oshgan. O‘tgan yili bu ko‘rsatgich 2,5 trln so‘m edi.

Foizdan tashqari daromadlar 6,4 trln so‘mga yetib, o‘tgan yilga nisbatan 30%ga oshgan...

BMW 7-Series, Audi A8 va Mercedes-Benz S-Class modellari bilan raqobatlashishga mo‘ljallangan yangi Genesis G90 Long Wheelbase Black sedani Janubiy Koreyada rasmiy ravishda taqdim etildi. Mazkur premium modelning boshlang‘ich narxi $120 mingni tashkil etadi. Bu haqda Biz.chosun nashri ma’lum qildi.

Genesis G90 Long Wheelbase Black 3,5 litrli twin-turbo dvigatel va 48 voltli elektr tizimi bilan jihozlangan bo‘lib, to‘liq g‘ildirakli haydovchiga ega. Avtomobil g‘ildirak bazasi 190 mmga uzaytirilgan, bu esa orqa o‘rindiq yo‘lovchilari uchun qo‘shimcha qulaylik yaratadi.

Yangi modelning eng diqqatga sazovor jihati – barcha elementlarning qora rangda bo‘lishi. Kuzov, radiator panjarasi, bamperning havo olish teshiklari, emblema, ichki tugmalar, rul hamda...

6-martdan boshlab AQSh dollarining rasmiy kursi 2,96 soʻm pastlab, 12 900,37 soʻmni tashkil etadi. Bu haqda Markaziy bank axborot xizmati xabar bermoqda.

Mamlakatda tijorat banklari bir AQSh dollarini 12905 – 12965 soʻmdan sotayotgan boʻlsa, 12800 – 12890 soʻm oraligʻida sotib olmoqda.

Shu bilan birga, yevro 256,19 soʻmga oshib, 13818,88 soʻmga yetdi. Rossiya rubli esa 0,68 soʻmga pastlab, 143,80 soʻmga teng boʻldi.

Eslatib oʻtamiz, Kursiv Uzbekistan 2025-yil boshida soʻmning dollarga nisbatan 13 000 soʻmli psixologik chegaradan oʻtishi ehtimoli haqida oʻzining tahliliy maqolasida yozgan edi.

Uzbekistan Airways 5-martga belgilangan Vnukovo – Toshkent yoʻnalishi boʻyicha HY612 reysini bekor qildi. Bu xabar aviakompaniya Telegram kanalida e’lon qilindi.

Xabarda aytilishicha, parvoz texnik sabablarga koʻra bekor qilingan. Yoʻlovchilarni evakuatsiya qilish uchun aviakompaniya 5 va 6-mart kunlari parvozlarni amalga oshiradi.

«Kutish davrida yoʻlovchilar mehmonxonaga joylashtiriladi», – deyiladi xabarda.

Avvalroq Kursiv Uzbekistan nashri Uzbekistan Airways Toshkentdan Myunxenga boʻladigan parvozni bekor qilgani haqida yozgan edi.

Realme kompaniyasi 14 Pro seriyasining yangi vakili – Realme 14 Pro Lite smartfonini taqdim etdi. U avvalgi Realme 14 Pro va Pro+ modellari bilan bir qatorda seriyaning budjet versiyasi sifatida taklif qilinmoqda. Yangi model oddiyroq texnik xususiyatlarga ega bo‘lishiga qaramay narxi ham sezilarli darajada past. Bu haqda GSMArena nashri ma’lum qildi.

Realme 14 Pro Lite Snapdragon 7s Gen 2 protsessori bilan ta’minlangan bo‘lib, Realme UI 5.0 interfeysida Android 14 operatsion tizimida ishlaydi. Smartfon 8 GB tezkor xotira va 128 yoki 256 GB doimiy xotira variantlarida ishlab chiqariladi. Qurilma 6,7 dyuymli FullHD+ OLED-displey bilan jihozlangan bo‘lib, uning 120 Gts...

Shu yilning yanvar-fevral oylarida firibgarlar tomonidan fuqarolar nomiga 316 milliard so‘mdan ortiq onlayn kredit olish uchun arizalar topshirilgan. Ammo yangi tizim tufayli ular pulni o‘g’irlay olmadilar. Bu haqda Markaziy bank matbuot xizmati ma’lum qildi.

Firibgarlik holatlarining oldini olish maqsadida 2024-yil 1-noyabridan 2025-yil 1-apreligacha jismoniy shaxslarga onlayn kredit ajratish bo‘yicha vaqtinchalik tartib joriy etilgan. Mazkur tartib asosida 11 ta tijorat banki va 1 ta mikromoliya tashkiloti mobil ilovalar orqali fuqarolarga onlayn kredit ajratishni amalga oshirmoqda.

Vaqtinchalik tartibga ko‘ra, 48 soat davomida qo‘shimcha tasdiqdan o‘tmagan hamda sarflanmagan kredit mablag‘lari avtomatik ravishda bekor qilinib, kredit tashkilotlari hisobiga qaytarilgan. Shu sababli firibgarlarning...

Apple kompaniyasi Britaniya hukumatining oʻz foydalanuvchilari uchun shifrlashni oʻchirib qoʻyish talabi tufayli sudga murojaat qildi. Bu haqda Financial Times xabar bermoqda.

Buyuk Britaniya hukumati Appleʼdan foydalanuvchi maʼlumotlarini shifrlashni oʻchirib qoʻyish va ularning maʼlumotlariga tezkor kirish uchun sharoit yaratishni talab qilgan. Mart oyi boshida Apple Buyuk Britaniyadagi xavfsizlik xizmatlari ustidan shikoyatlarni koʻrib chiquvchi mustaqil sud organi – Tergov tribunaliga hukumatning harakatlari ustidan shikoyat qilgani maʼlum boʻlmoqda.

Nashr manbalariga koʻra, Amerika IT gigantining shikoyati mart oyida koʻrib chiqiladi. Agar tergov sudi Ichki ishlar vazirligining harakatlarini noqonuniy deb topsa, u buyruqni bekor qiladi.

Eslatib oʻtamiz, Kursiv Uzbekistan nashri endi barcha yangi...

Buyuk Britaniya olimlari retinaning kam uchraydigan irsiy kasalligiga chalingan bolalarda koʻrish qobiliyatini tiklash uchun gen terapiyasidan muvaffaqiyatli foydalanishdi. Bu haqda New Atlas xabar bermoqda.

Davolash uchun bolalarga genning funksional nusxalari toʻgʻridan-toʻgʻri koʻzning toʻr pardasiga kiritilgan. Preparat toʻgʻrilangan AIPL1 genini fotoretseptorlarga yetkazib berishi sababli ularning yorugʻlikni elektr signallariga aylantirish qobiliyatini tiklash mumkin.

Terapiyaning birinchi bosqichida toʻrtta bola faqat bitta koʻzda davolangan. Toʻrt hafta oʻtgach, ularning koʻrish qobiliyati yorugʻlikni kuzatish, obyekt harakati va fazoviy yoʻnalishni oʻz ichiga olgan turli testlar yordamida sinovdan oʻtkazilgan. Tahlillar davolangan koʻz tasvirlarni idrok qila boshlagani, davolanmagan koʻz esa butunlay koʻr boʻlib qolgani koʻrsatmoqda.

Keyingi yetti nafar...

Prezident Shavkat Mirziyoyev korrupsiyani oldini olish bo‘yicha o‘tkazilgan yig‘ilishda zamonaviy korrupsiyaning yangi, raqamli ko‘rinishlariga qarshi kurashish zarurligini ta’kidladi. Shu sababli, 2024/2025-o‘quv yilidan boshlab Ichki ishlar va huquqni muhofaza qilish akademiyalarida kiberkorrupsiyaga qarshi kurash bo‘yicha mutaxassislar tayyorlash yo‘nalishi ochilishi e’lon qilindi.

Biroq bunday turdagi jinoyatlarni aniqlash va oldini olish faqat zamonaviy kadrlarni tayyorlash bilan cheklanib qolmasligi qayd etildi. Xalqaro tajribani o‘rganish asosida kiberkorrupsiyaga qarshi samarali kurashish bo‘yicha mustahkam huquqiy baza yaratish zarurligi ta’kidlandi.

Shuningdek, mansabdorlik va maishiy korrupsiya omillarini chuqur tahlil qilish, ularning oldini olish bo‘yicha ilmiy asoslangan takliflarni ishlab chiqish va amaliyotga joriy etish masalalariga alohida e’tibor qaratildi.

Avvalroq...

Samsungning so’nggi Galaxy S modellari 2025-yil 22-yanvarda kompaniyaning Galaxy Unpacked tadbirida e’lon qilindi. O’zbekistonda ham bu modellari sotuvlari boshlanib ketdi.

Kursiv Uzbekistan nashri tadbirkor Umarjon Husanov bilan suhbatlashib, O‘zbekiston bozorida Samsung smartfonlarining narxi haqida bilib oldi.

O‘zbekiston bozorida rasmiy dilerlar va mustaqil sotuvchilar orqali Samsung’ning yangi modellari turlicha narxlarda sotilmoqda. Narxlar sotuv nuqtalariga, kafolat xizmatining mavjudligiga va import sharoitlariga qarab biroz farq qilishi mumkin.

«Malika» savdo majmuasidagi narxlar

Umarjon Husanovning ta’kidlashicha, Samsung smartfonlarining O‘zbekistondagi narxlariga bir necha asosiy omillar ta’sir qiladi:

Kanada bosh vaziri Jastin Tryudo AQShning $155 mlrdlik tovarlariga 25 foizlik boj joriy etishini eʼlon qildi. Bu harakat Donald Trampning kanadalik ishlab chiqaruvchilarga qaratilgan savdo siyosatiga javoban amalga oshirildi.

Tryudoning soʻzlariga koʻra, bojlar dastlab $30 mlrdlik tovarlarga taʼsir qiladi va 21 kundan keyin cheklovlar qolgan $125 mlrdgacha uzaytiriladi. Bundan tashqari, Kanada Jahon Savdo Tashkilotiga AQShga qarshi daʼvo arizasi bilan murojaat qilmoqchi.

«AQSh oʻzining eng yaqin ittifoqchisi va sherigiga qarshi savdo urushini boshlab, Rossiya bilan yaqinlashishga intilmoqda», — dedi Tryudo.

Eslatib oʻtamiz, Kursiv Uzbekistan Tramp Kanada va Meksikaga 25 foiz boj joriy qilgani haqida...

Markaziy bank 2025-yil yanvar oyi yakunlari bo‘yicha tijorat banklarining muammoli kreditlari (NPL) hajmini e’lon qildi.

1-fevral holatiga ko‘ra, muammoli kreditlar umumiy miqdori 23 trln 768 mlrd so‘mga yetgan. Bu ko‘rsatkich 1-yanvar bilan solishtirilganda 2,6 trln so‘mga ko‘paygan. Jami kreditlardagi NPL ulushi esa 4,5 foizga yetgan.

Muammoli kreditlarning asosiy qismi davlat ulushi mavjud banklarga to‘g‘ri kelmoqda. Ularning jami qarzi 16,8 trln so‘mni tashkil qilgan bo‘lsa, xususiy banklarda bu ko‘rsatkich 6,9 trln so‘mga yetgan.

Davlat banklari orasida qaytarilmayotgan kredit qarzdorligi eng yuqori bank «O‘zmilliybank» 3,7 trln so‘m bilan yetakchilik qilgan. Ammo bankning jami kreditlardagi NPL ulushi 3,5%. Shuningdek, «Biznesni rivojlantirish banki»da...

Oʻzbekiston Respublika tovar-xomashyo birjasi (OʻzRTXB) kuzatuv kengashi har bir aksiya uchun 382 soʻm miqdorida dividend toʻlashni tavsiya etdi. Bu haqda Yagona korporativ axborot portalida ma’lum boʻldi.

Qaror aksiyadorlarning umumiy yigʻilishi tomonidan tasdiqlanishi lozim. Agar toʻlov miqdori oʻzgarmasa, OʻzRTXB qogʻozlarining dividend daromadliligi bozor narxiga nisbatan 10,64 foizni tashkil etadi.

Oʻtgan yilgi SPO (ikkilamchi ommaviy joylashtirish)ning oʻrtacha narxiga nisbatan daromadlilik 14,81 foizga yetadi.

2024-yil mart oyida birja har bir qogʻoz uchun 2,6 ming soʻm dividend toʻlagan edi. Biroq 2024-yil noyabr oyida kompaniyaning ustav kapitali oshirildi. Har bir investor mavjud har bir aksiyaga toʻrttadan qoʻshimcha aksiya oldi. Aksiyalar soni...

Davlat xavfsizlik xizmati (DXX) xodimlari tomonidan olib borilgan tadbirda 17 nafar soliq, 1 nafar bojxona xodimi, 1 nafar bank xodimi, 1 nafar tuman hokimining birinchi oʻrinbosari, 18 nafar xoʻjalik yurituvchi subyektlardan iborat uyushgan jinoiy guruh faoliyati fosh etildi. Bu haqda davlat xizmati xabar bermoqda.

Jinoiy toʻda 2020-yildan 2023-yilgacha sakkizta soxta korxona tashkil etgan. Xorijga mebel mahsulotlarini soxta eksport qilishda roʻyxatdan oʻtkazayotganda 15% QQSni noqonuniy ravishda qaytarib bergan. Bu esa 24,6 mlrd soʻmlik budjet mablagʻlarining oʻgʻirlanishiga olib kelgan.

Jinoiy guruh faoliyatini soliq xizmatining sobiq xodimi muvofiqlashtirgan. U amalda boshqargan korxonalar Namangan viloyati Yangiqoʻrgʻon tumanida roʻyxatdan oʻtgan boʻlsa-da, ularning yuridik manzillari...

Prezident Shavkat Mirziyoyev bosh vazir Abdulla Aripovga 117 ta vazirlik va idoralardagi «Korrupsiyaga qarshi ichki nazorat» tuzilmalari rahbarlarini lavozimidan ozod etib, ularning oʻrniga professional kadrlar toʻgʻrisida topshiriq berdi. Bu haqda prezident matbuot xizmati xabar bermoqda.

Vazirliklarning qonun hujjatlariga rioya etish boʻyicha hududiy mutasaddilari bevosita vazir tomonidan tayinlanadi.

Korrupsiyaga qarshi kurash agentligining ish uslubi oʻzgartiriladi. Tajriba tariqasida boshqarmaga beshta vazirlik va tashkilot: Sogʻliqni saqlash vazirligi, Qurilish vazirligi, Suv xoʻjaligi vazirligi, «Oʻzbekneftgaz» va «Oʻzsuvta’minot» aksiyadorlik jamiyatlari ustidan qonunchilik talablariga rioya etilishi ustidan nazorat yuklanadi.

Yil yakunida ularning rahbariyati Milliy kengash oldida korrupsiyaga qarshi kurashda erishgan muvaffaqiyatlari haqida hisobot berishi shart.

Shuningdek...

O‘zbekistonda avtomobillardagi mavjud texnik nosozliklar sababli harakat paytida aniqlangan tezlikdan amaldagi 5 km/soat ayirib tashlash amaliyoti 10 km/soatga ko‘tarilishi mumkin. Bu bo‘yicha bosh vazir o‘rinbosari Achilbay Ramatov topshiriq bergan.

Ya’ni agar ushbu loyiha amalga oshsa, shahar hududlaridagi haydovchilar jarimaga tortilish xavfisiz soatiga 70 kilometr tezlikda harakatlanishi mumkin bo‘ladi.

Shuningdek, tabiat resurslari vazirining maslahatchisi Rasul Kusherbayev bu haqda normativ hujjat loyihasi allaqachon tayyorlangani haqida yozgan.

Shu bilan birga, 1-mayga qadar foto va video qayd etish axborot tizimlarini joriy etish, ishga tushirish va foydalanish bo‘yicha yagona davlat standartini ishlab chiqish bo‘yicha ham topshiriq berilishi mumkin.

Avvalroq Kursiv Uzbekistan o‘tgan yilning 1-sentabrdan...

DxOMark mutaxassislari Xiaomi 15 Ultra smartfonining kameralarini sinovdan o‘tkazib, unga 153 ball baho qo‘yishdi. Ushbu natija Xiaomi flagmanini Pixel 8 Pro va Oppo Find X6 Pro bilan bir xil ball to‘plagan qurilmalar qatoriga qo‘ydi, biroq iPhone 15 Pro Max bu reytingda yuqoriroq o‘rinda turibdi.

Shunday bo‘lsa-da, Xiaomi 15 Ultra fotosurat sifati va televizor kameralarida sirt teksturasini qayta ishlash bo‘yicha rekord natija ko‘rsatdi. Biroq umuman olganda, smartfon bozor yetakchisi bo‘la olmadi.

Xiaomi 15 Ultra Yevropada 1,5 ming yevrodan sotilmoqda, bu esa uni Apple va Samsung flagmanlaridan ham qimmatroq smartfonlardan biriga aylantiradi. DxOMark natijalariga ko‘ra, bu hali ham eng yaxshi kamerali...

Prezident Shavkat Mirziyoyev Korrupsiyaga qarshi kurashish agentligining ishlash uslubidan mutlaqo noroziligini qayd etdi. Uning so‘zlariga ko‘ra, agentlik xodimlari joylarga borib, muammolarni tahlil qilish va ularga yechim topish o‘rniga faqat jinoyat statistikalarini sanash bilan cheklanib qolmoqda.

Davlat rahbari agentlik rahbariyatining korrupsiya eng ko‘p uchraydigan tumanlardagi sog‘liqni saqlash, bandlik bo‘limlari yoki bank filiallariga borib, real holatni o‘rganmagani va zamonaviy nazorat tizimlarini joriy etish bo‘yicha taklif bermagani uchun keskin tanqid qildi.

Prezident topshirig‘i bilan investitsiya dasturlari ustidan nazorat kuchaytirilganidan so‘ng o‘tgan yili 3 trln so‘m, sog‘liqni saqlash tizimida «Situatsion markaz» ishga tushirilishi natijasida esa 1,2 trln so‘m maqsadsiz xarajatlarning oldi olindi.

Shu...

Favqulodda vaziyatlar vaziri va uning oʻrinbosarlari qurilishga ruxsat berish, binoni topshirishda yongʻin xavfsizligi boʻyicha byurokratiya va qonun buzilish koʻpayib ketgani uchun ishdan olingan. Bu haqda prezident Shavkat Mirziyoyev korrupsiyaga qarshi kurashish boʻyicha milliy kengash yigʻilishida ma’lum qildi.

Davlat rahbarining ma’lum qilishicha, korrupsiyani tag-tomiri bilan quritish uchun avvalo inson omili va qogʻozbozlikni kamaytirishga alohida e’tibor qaratilmoqda.

«Qurilish sohasi eng korrupsiyalashgan sohalardan biri edi. “Shaffof qurilish» dasturi joriy etilganidan keyin bu yoʻnalishda ham ijobiy oʻzgarishlar sezilmoqda”, – deydi davlat rahbari.

Ilgari investitsiya dasturiga kirgan obyektlarni quradigan pudratchilar mingtaga ham yetmasdi. Oʻtgan yili 13,5 mingta obyekt qurilishida...

Jamiyatda korrupsiya muammosini jamoatchilik muhokamasiga olib chiqadigan ochiq tizim va muhit shakllanmoqda. Ayniqsa, ommaviy axborot vositalarining bu boradagi o‘rni va ta’siri ortib borayotgani Shavkat Mirziyoyev boshchiligidagi korrupsiyani oldini olish bo‘yicha yig‘ilishida qayd etildi.

Ilgari korrupsiya mavzusi jurnalistlar uchun mutlaqo yopiq bo‘lsa, bugungi kunda ochiqlik va shaffoflik tamoyillari yetakchi o‘ringa chiqdi.

Natijada O‘zbekiston ochiqlik bo‘yicha xalqaro reytingda 138 pog‘onaga ko‘tarilib, Markaziy Osiyoda birinchi, dunyo miqyosida esa 30-o‘ringa chiqdi.

«Takror va takror aytaman: biz ochiqlik siyosatini, so‘z erkinligi g‘oyalarini hayotga tatbiq etishda hamisha qat’iy bo‘lamiz!», – dedi davlat rahbari.

Ichki ishlar bosh boshqarmasida boʻlib oʻtgan yigʻilishda poytaxt boshqarmasiga Ravshan Sultonxoʻjayev rahbar etib tayinlandi. Bu haqda hukumat portalida ma’lum qilindi.

Ravshan Sultonxoʻjayev tayinlanuvga qadar Xorazm viloyati Ichki ishlar boshqarmasi boshlig‘i lavozimida faoliyat yuritgan.

Toshkent shahar Ichki ishlar bosh boshqarmasining sobiq boshligʻi Aziz Toshpoʻlatov bir necha kun oldin Oʻzbekiston ichki ishlar vaziri lavozimiga tayinlangan edi.

Eslatib oʻtamiz, Kursiv Uzbekistan nashri Aziz Toshpoʻlatovning ichki ishlar vaziri lavozimiga tayinlangani haqida yozgan.

Xitoyning yetakchi avtomobil ishlab chiqaruvchisi Geely o‘zining barcha modellari uchun boshqaruv tizimi – G-Pilot’ni joriy etishini e’lon qildi. Bu kompaniyaning Zeekr, Lynk & Co va LEVC kabi brendlari avtomobillariga ham tegishli bo‘ladi. Bu haqda Avtorevyu nashri ma’lum qildi.

Geely’ning bu qarori Xitoy avtosanoatida yangi bosqichni boshlab beradi. Avvalroq BYD God’s Eye deb nomlangan avtopilot tizimini barcha avtomobillarida joriy qilishini ma’lum qilgan edi. Geely esa unga raqobatchilik qilgan holda besh xil G-Pilot variantini taklif etadi.

G-Pilot tizimining konfiguratsiyalari:

Bundan tashqari, Geely Flyme Auto operatsion tizimiga sun’iy intellektni chuqur integratsiya qilishini ham e’lon qildi. Bu tizim animatsion avatarlarga ega ovozli yordamchi...

iPhone 8 va iPhone X bilan boshlangan 64 GB xotira davri nihoyasiga yetdi. Apple’ning barcha yangi iPhone va iPad modellari endi kamida 128 GB flesh-xotira bilan jihozlanadi, deya yozmoqda Macrumors.

Unga ko‘ra, Apple ilgari 64 GB bazaviy xotiraga ega bo‘lgan oxirgi modellar sifatida iPhone SE (3-avlod) va iPad 10’ni taqdim etgan edi. Biroq ushbu qurilmalar ishlab chiqarishdan olib tashlandi va ularning o‘rniga minimal 128 GB xotiraga ega iPhone 16e hamda A16 chipli yangi iPad sotuvga chiqarildi.

Shuningdek, 2024-yil oktabrdan boshlab Apple o‘zining barcha Mac modellarini kamida 16 GB operativ xotira (RAM) bilan jihozlashni boshladi. Ilgari bu ko‘rsatkich 8 GB...

Jahon oltin kengashi (WGC) ma’lumotlariga koʻra, yanvar oyida Oʻzbekiston dunyoda eng koʻp oltin sotib olgan davlat boʻldi.

Mamlakat Markaziy banki 8 tonna oltin xarid qilib, zaxiralarini 391 tonnaga yetkazdi. Bu esa Oʻzbekistonning umumiy zaxiralarining 82 foizini tashkil etadi.

Xitoy Xalq banki 5 tonna, Qozogʻiston Milliy banki esa 4 tonna oltin sotib olib, zaxiralarini oshirdi. Xitoyning oltin zaxiralari 2285 tonnaga (umumiy zaxiralarning 6%), Qozogʻistonning esa 288 tonnaga (55%) yetdi.

Shuningdek, Polsha, Hindiston, Chexiya va Qatar markaziy banklari ham oltin xarid qilishda davom etdi. Ayni paytda Rossiya, Iordaniya va Qirgʻiziston markaziy banklari yanvar oyida eng koʻp oltin sotgan davlatlar boʻldi.

Eslatib...