Yangiliklar

Shavkat Mirziyoyev rahbarligida meva-sabzavot yetishtirish, qayta ishlash va eksportni rivojlantirish bo‘yicha yig‘ilish o‘tkazildi. Bu haqda prezident matbuot xizmati ma’lum qildi.

Unga ko‘ra, qishloq xo‘jaligi imkoniyatlaridan to‘liq foydalanish, mahsulot eksportini ko‘paytirish va ichki bozorda barqaror narxlarni ta’minlash masalalari muhokama qilindi.

Yurtimizda paxta va g‘alla maydonlarini qisqartirish hisobiga 360 ming gektar yer dehqonchilik uchun ajratildi. 2023-yilda oziq-ovqat eksporti $2 mlrddan oshib, O‘zbekiston dunyoda o‘rik, gilos va shaftoli eksporti bo‘yicha yetakchi o‘rinlarni egalladi.

Lekin ayrim hududlarda imkoniyatlar yetarlicha ishlatilmayapti. Shu bois, fermer xo‘jaliklari va xonadonlarga sifatli urug‘, o‘g‘it hamda agrotexnik yordam ko‘rsatish choralari ko‘riladi. Mahallalardagi ko‘chalar va dala chetlaridagi 650 ming gektar...

Davlat rahbari ijtimoiy muhitni mustahkamlash va diniy ma’rifatni rivojlantirish bo‘yicha amalga oshirilayotgan ishlar haqida ma’lumot oldi. Bu haqda prezident matbuot xizmati ma’lum qildi.

Unga ko‘ra, O‘zbekistonda millatlararo totuvlik va diniy bag‘rikenglik muhiti hukm surmoqda, barcha din vakillari emin-erkin ibodat qilish imkoniyatiga ega.

So‘nggi besh yilda diniy-ma’rifiy sohada qator qonun va qarorlar qabul qilindi. 100 dan ortiq yangi masjid qurilib, 555 tasi ta’mirlandi, haj va umra tartiblari yengillashtirildi.

Shuningdek, diniy ta’limni rivojlantirish maqsadida xalqaro markazlar va oliy madrasalar tashkil etildi, minglab yoshlar Qur’on va tajvid kurslarini tamomladi.

Diniy meros va ziyoratgohlarni obod qilish ishlari ham izchil davom etmoqda. Xalqaro...

Xitoy AQShning yangi saylangan prezidenti Donald Trampning Xitoy mahsulotlariga qo‘shimcha tariflar joriy etish rejasini keskin tanqid qildi. Bu haqda Reuters axborot agentligi ma’lum qildi.

Unga ko‘ra, Tramp, agar Pekin fentanil ishlab chiqarishda ishlatiladigan kimyoviy moddalar eksportini nazorat qilish choralarini kuchaytirmasa, Xitoy importlariga 10% tarif qo‘llashini e’lon qilgan edi.

Xitoy Savdo vazirligi vakili Xe Yadong bir tomonlama tariflarni oshirish Amerika muammolarini hal qilmasligini ta’kidlab, AQShni WTO qoidalariga rioya qilishga va barqaror savdo aloqalarini rivojlantirishga chaqirdi.

Trampning ushbu pozitsiyasi ikki mamlakat o‘rtasidagi savdo mojarolarining kuchayishi xavfini oshiradi. Tahlilchilar ushbu tariflar global iqtisodiyotga jiddiy zarar yetkazishi mumkinligini qayd etmoqda.

Eslatib o‘tamiz, avvalroq...

2024-yilning o‘n oyi davomida O‘zbekistondagi 3,6 ming mahallada (38,5 foiz) birorta ham jinoyat qayd etilmadi. Bu haqda Bosh prokuratura matbuot kotibi Hayot Shamsutdinov xabar berdi.

Unga ko‘ra, 4,6 mingta, ya’ni 48,6 foiz mahallalarda jinoyatchilik kamaygani kuzatilgan.

Brifingda Shamsutdinov ijtimoiy himoyaga muhtoj qatlamlarga yordam ko‘rsatish haqida ham gapirdi. Mamlakatda «Temir daftar»ga kiritilgan O‘zbekiston fuqarolarining 264 ta uyi ta’mirlab berildi.

Noyabr oyi boshida 3,1 ming nafar ijtimoiy himoyaga muhtoj oilalar va 4,1 ming nafar «Yoshlar reyestri» yoshlari ish bilan ta’minlandi.

Shuningdek, 6,6 ming fuqaroga ijaraga yer berildi, 7,7 ming fuqaroga esa tadbirkorlik faoliyatida va o‘zini o‘zi band etishda ko‘maklashildi.

Avvalroq Kursiv Uzbekistan...

2025-yildan boshlab «Jeju Air» va «T’way Air» aviakompaniyalari Inchxon – Toshkent yo‘nalishida aviareyslarni yo‘lga qo‘yishni rejalashtirmoqda. Bu haqda Janubiy Koreyaga tegishli manba ma’lum qildi.

Unga ko‘ra, hozirgi kunda Janubiy Koreyadan faqat Asiana Airlines O‘zbekistonga muntazam parvozlarni amalga oshirmoqda. Korean Air esa 2024-yil mart oyida Toshkentga parvozlarini to‘xtatgan edi.

Yangi parvozlar haftasiga to‘rt marta amalga oshiriladi.

Eslatib o‘tamiz, avvalroq «Silk Avia» yangi kechki parvozlarni yo‘lga qo‘ygani haqida yozgan edik.

Global Gender-Smart Fund (GGSF) jamgʻarmasi ayollar va tadbirkorlarga kredit ajratish uchun TBC Bank Uzbekistanʼga $10 million ajratadi. Bu haqda bank matbuot xizmati xabar berdi.

Bankning ma’lum qilishicha, pullar gollandiyalik investor Triple Jump orqali taqdim etiladi. GGSFʼning maqsadi moliyaviy xizmatlarda global gender tafovutini bartaraf etishdir. Bu koʻrsatkich $1,7 trln.ga baholanmoqda.

Shuningdek, jamg‘arma moliya sohasida ijtimoiy mas’uliyatni ilgari surish va rivojlanayotgan mamlakatlarda xotin-qizlarning moliyaviy inklyuzivligini oshirishga qaratgan.

Avvalroq Kursiv Uzbekistan Yevropa tiklanish va taraqqiyot banki (YTTB) kichik biznesni qoʻllab-quvvatlash uchun TBC Bank Uzbekistanʼga $10 million ajratishi haqida yozgan edi.

8 – 28-noyabr kunlari «Yashil makon» dasturi doirasida Oʻzbekistonda 49,3 million dona koʻchat ekildi, deb xabar qildi Ekologiya vazirligi.

Ta’kidlanishicha, shundan 14 millionga yaqin ko‘chat qishloqlar, mahallalar va aholi punktlari atrofiga ekildi. Eng koʻp koʻchatlar Andijon (6,2 million), Xorazm (5,7 million) va Buxoro (4,8 million) viloyatlarida ekilgan.

Ko‘chatlar haqidagi ma’lumotlar «Yashil makon» elektron platformasiga kiritildi.

Avvalroq «Kursiv» O‘zbekistondagi ekologik vaziyat koinotdan kuzatilishi haqida yozgan edi.

Ucell kompaniyasi Toshkent shahridagi mashhur savdo markazlarida 5G texnologiyasini joriy etishni boshlaydi. Bu haqda uyali aloqa kompaniyasi Kursiv Uzbekistan’ga xabar berdi.

Speedtest Intelligence ma’lumotlariga ko‘ra, Ucell 2024-yilning birinchi yarmida O‘zbekistondagi eng tezkor mobil operator deb topilgan.

Ucell ushbu loyihani Huawei kompaniyasi bilan hamkorlikda amalga oshiradi. 5G texnologiyasini joriy etishda Huawei’ning zamonaviy LampSite X tizimidan foydalaniladi. Ushbu texnologiya ma’lumotlar uzatish hajmini oshirishi va qamrovni yaxshilaydi.

2029-yilgacha bu texnologiya yirik mehmonxonalar, aeroportlar va odamlar ko‘p to‘planadigan boshqa joylarda ham tatbiq etilishi rejalashtirilgan. Bu yechim Distributed Massive MIMO degan eng yangi texnologiyadan foydalanadi va tarmoqning uzatish tezligini toʻrt baravar oshirish imkonini beradi.

28-noyabr kuni O‘zbekiston Respublikasi valyuta birjasida dollarning rasmiy kursi 16,67 so‘mga ko‘tarilib, 12 865,05 so‘mni tashkil qildi.

Banklarda dollar 12 785 – 12 820 so‘mdan xarid qilinmoqda va 12 860 – 12 910 so‘mdan sotilmoqda.

Eslatib o‘tamiz, O‘zbekistonda 27-noyabr kuni ushbu valyutaning qiymati deyarli 30 so‘mga o‘sgan edi.

Toshkent viloyatining Chinoz tumanida ipakchilik majmuasi va tut plantatsiyasi qurilishi boshlandi. Bu haqda viloyat hokimligi axborot xizmati xabar berdi.

Ma’lum qilinishicha, loyihaga sakkiz milliard so‘m sarmoya kiritildi. Majmua 9,7 gektar maydonni o‘z ichiga oladi. Korxonada yiliga 350 quti ipak qurti, 25 tonna turli turdagi mahsulotlar ishlab chiqarilishi rejalashtirilgan.

Avvalroq «Kursiv» O‘zbekistonda ipak qurti yetishtirish bo‘yicha Xitoy tajribasi joriy etilishi haqida yozgan edi.

Apple’ning bo‘lajak iPhone 17 Slim (Air) smartfoni qalinligi 5-6 mm bo‘lishi mumkin. Bu haqda The Information portali xabar berdi.

Hozircha qurilma prototip bosqichida. Smartfonning juda ingichka boʻlishi tufayli unda ikkita emas, bir dona dinamik oʻrnatiladi.

Phone Arena portali ma’lumotlariga ko‘ra, Slim-versiyada sim-kartani o‘rnatish uchun slot bo‘lmaydi, uning o‘rniga foydalanuvchi e-sim oladi. Shuningdek, bir nechta orqa kamera oʻrniga bitta kamera oʻrnatilishi kutilmoqda.

Batareya sigʻimi 3000 mA/soatni tashkil etadi. Smartfonda o‘rnatilgan xotira hajmi – 128 Gb dan 1 Tb gacha bo‘ladi.

Telefonning taxminiy narxi $1299 tashkil etadi. Taqqoslash uchun: oktabr oyi o‘rtalarida iPhone 16 Plus’ning o‘rtacha narxi $899 dan...

Toyota kompaniyasi oktabr oyida ketma-ket to‘qqizinchi oy davomida avtomobil ishlab chiqarishni qisqartirdi. bu AQSh va Xitoyda ishlab chiqarishning sezilarli darajada pasayishi bilan bogʻliq, deya xabar bermoqda Reuters nashri.

Ma’lum qilinishicha, mazkur davrda Toyota butun dunyo boʻylab 893 mingta avtomobil ishlab chiqargan, bu bir yil oldingiga nisbatan 0,8 foizga va sentabr oyiga nisbatan esa 8 foizga kamdir.

Xavfsizlik yostiqchasi muammosi tufayli Grand Highlander va Lexus TX avtomobillarini ishlab chiqarish toʻrt oy davomida toʻxtatilgani sababli Qoʻshma Shtatlardagi ishlab chiqarish 13 foizga kamaydi. Modellarni ishlab chiqarish 21-oktabrda qayta tiklandi va avtomobil ishlab chiqaruvchining Indianadagi zavodida mahsulot ishlab chiqarish yanvar oyida me’yorga qaytishi...

Samarqand viloyati hokimi Erkinjon Turdimov prezident administratsiyasiga ishga o‘tishi munosabati bilan o‘z lavozimidan ozod etildi. Bu haqda viloyat hokimligi matbuot xizmati xabar berdi.

Uning o‘rniga Hisob palatasi raisi bo‘lib ishlagan Adiz Boboyev viloyat hokimi vazifasini bajaruvchi etib tayinlandi.

Eslatib o‘tamiz, joriy yilning noyabr oyi boshida Samarqand viloyati xalq deputatlari kengashi Erkinjon Turdimovning viloyat hokimi lavozimiga qayta tayinlanishini ma’qullagan edi.

Erkinjon Turdimov rahbarlik lavozimida 2018-yildan 2024-yil noyabrigacha Samarqand viloyatini boshqargan. Shuningdek, u avval Surxondaryo va Navoiy viloyatlarida ham hokim bo‘lgan.

Avvalroq Kursiv Uzbekistan Fazliddin Umarov Samarqand shahar hokimi etib qayta tasdiqlangani haqida yozgan edi.

Londondagi eng qadimgi go‘sht bozorlaridan beri Smitfild 2028-yilda yopiladi. Bu haqda Sky News xabar berdi.

Ma’lum qilinishicha, qaror shahar kengashi tomonidan tasdiqlangan. Bozor 800 yildan beri Britaniya poytaxtida faoliyat yuritib kelgan. Shuningdek, shahar ma’muriyati 1327-yildan beri faoliyat yuritib kelayotgan Billingsgeyt baliq bozorini yopishga ham qaror qildi.

Bundan oldin London rasmiylari bozorlarni Dagenhamga ko‘chirmoqchi bo‘lgan, u yerda bir milliard funt sterlinglik bino qurish rejalashtirilgan edi. Lekin loyiha narxi keskin oshgani sababli shahar kengashi chakana savdo maydonchalarini ko‘chirishdan voz kechishga qaror qildi.

Avvalroq Kursiv Uzbekistan Toshkentdagi Askiya bozori kimoshdi savdosiga qo‘yilgani haqida yozgan edi.

Oʻzbekiston, Islandiya va Qirgʻiziston Xalqaro professional futbolchilar uyushmalari federatsiyasining (FIFPRO) toʻlaqonli a’zosiga aylandi. Litva va Shimoliy Irlandiya esa kuzatuvchi maqomini a’zolikka nomzod darajasiga koʻtardi.

Bu haqda tashkilotning Indoneziyada boʻlib oʻtayotgan Bosh Assambleyasida ma’lum qilindi.

Assambleya a’zolari FIFPRO’ning yangi raisini sayladi. Birinchi marta u Yevropa vakili emas, argentinalik Serxio Marchi boʻldi.

FIFPRO 60 mingdan ortiq futbolchilarning mehnat huquqlarini himoya qilish uchun mas’ul va 70 dan ortiq milliy futbolchilar assotsiatsiyalarining ovozlarini birlashtiradi, deyiladi tashkilot saytida.

Falastin prezidenti Mahmud Abbos o‘zining lavozimi bo‘shab qolgan taqdirda kim vaqtincha uning o‘rnini egallashini e’lon qildi. Bu haqda Arabiya news axborot nashri ma’lum qildi.

Farmonga ko‘ra, prezidentlik lavozimi bo‘shashidan keyin Falastin Milliy kengashi raisi Ravhi Fattuh vaqtincha uning o‘rnini egallaydi. Abbosning muddati 2009-yilda tugashiga qaramay, hozirga qadar o‘zining merosxo‘rini tayinlashdan bosh tortganini hisobga olganda, bu qaror mamlakat siyosatida muhim burilish bo‘ldi.

Hozirgi Falastin qonunlariga ko‘ra, agar hokimiyat bo‘shab qolsa, Qonun chiqaruvchi kengashining spikeri vaqtincha rahbar bo‘lishi kerak edi. Ammo Hamas 2007-yilda G‘azoda hokimiyatni qo‘lga kiritgani sababli 2018-yilda Abbos bu kengashni tugatdi.

Farmon, shuningdek, saylovlar o‘tkazilishi vaqti bilan bog‘liq muddatlarni...

Bokuda bo‘lib o‘tgan elektron savdo va eksport forumida Made in Turan brendi ostidagi mahsulotlar namoyish etildi. Bu haqda Trend.az agentligi xabar berdi.

Ozarbayjon franchayzing assotsiatsiyasi raisi Jamid Movsumovning aytishicha, ushbu brend ostida oziq-ovqat mahsulotlari, tovarlar va xizmatlar savdoga qo‘yiladi.

Ushbu yagona savdo markasi orqali turkiy davlatlar mahsulotlarini xalqaro bozorda targʻib qilish rejalashtirilgan. Assotsiatsiyaning fikricha, brend sifat belgisi boʻlib xizmat qiladi va ushbu brend ostida ishlaydigan ishlab chiqaruvchilar bojxona imtiyozlariga ega boʻlishlari mumkin.

Jamid Movsumov Turon agentligiga bergan intervyusida yangi brend ostidagi birinchi tovarlar milliy oziq-ovqat mahsulotlari va kiyim-kechaklar bo‘lishini aytdi.

Brendga qoʻshilish shartlari 2025-yil bahorida e’lon qilinishi...

Janubiy Koreyada kuchli qor yog‘ishi hayotning turli sohalariga jiddiy ta’sir ko‘rsatmoqda. Bu haqda Reuters axborot agentligi ma’lum qildi.

Unga ko‘ra, Seulda qor qatlami 40 sm dan oshib, bu shaharda 1907-yildan beri qayd etilgan uchinchi eng qalin yog‘in bo‘ldi. Og‘ir ob-havo sharoiti sababli 140 dan ortiq reyslar bekor qilindi, parom va poezd qatnovlari to‘xtatildi, maktablar yopildi.

Yog‘ingarchilik oqibatida sodir bo‘lgan avariyalarda kamida to‘rt kishi halok bo‘ldi va o‘nlab odamlar jarohatlandi. Seuldagi Incheon aeroportida reyslar o‘rtacha ikki soat kechikdi.

Mutaxassislarning fikricha, bu hodisa iliq dengiz suvlarining sovuq havo oqimlari bilan to‘qnashuvi natijasida yuzaga kelgan. Qo‘shni Shimoliy Koreyada ham qalin qor yog‘gani...

Shveysariya taraqqiyot va hamkorlik agentligi (SDC) Oʻzbekistonda IT-ta’limni rivojlantirish uchun IT ta’lim uyushmasiga $150 ming grant ajratadi. Bu haqda Raqamli texnologiyalar vazirligi xabar berdi.

Raqamli texnologiyalar vaziri Sherzod Shermatov va Shveysariyaning Oʻzbekistondagi elchixonasi missiya rahbari oʻrinbosari Andrin Fink oʻrtasidagi uchrashuv boʻlib oʻtdi. Unda Oʻzbekistonda IT ta’limini rivojlantirish, xalqaro hamkorlikni kengaytirish va yangi loyihalarni amalga oshirish masalalari muhokama qilindi.

Shveysariya taraqqiyot va hamkorlik agentligi va IT ta’lim uyushmasi oʻrtasida «Oʻzbekistonda IT va raqamli ta’lim landshaftini rivojlantirish» loyihasi boʻyicha kelishuv imzolandi. Loyiha jamiyatda inklyuziv oʻsishni ta’minlash va iqtisodiy rivojlanishni jadallashtirishga qaratilgan.

Birinchi bosqichda, raqamli ko‘nikmalarni rivojlantirish, yoshlarni malaka oshirish imkoniyatlari bilan...

2024-yil 27-noyabr kuni Toshkent shahar sudi jinoyat ishlari boʻyicha sudlov hay’ati Saidaziz Saidaliyevning («Saidaziz Medgorodok») hukmini o‘zgarishsiz qoldirdi. Bu haqda Oliy sud matbuot xizmati xabar berdi.

Saidaliyev o‘tgan yil dekabr oyi boshida Toshkentda qo‘lga olingan edi. U odam o‘ldirish bilan tahdid qilish va tovlamachilikda ayblangan edi.

Shuningdek, yana bir qancha shaxslarga nisbatan hukm oʻzgarishsiz qoldirildi. Apellyatsiya protest va shikoyatlari qanoatlantirilmadi.

Norozi taraflar belgilangan tartib va muddatlarda Toshkent shahar sudining jinoyat ishlari boʻyicha sudlov hay’atiga taftish tartibida shikoyat berish yoki protest keltirish huquqiga ega ekanligi ma’lum qilindi.

Avvalroq Kursiv Uzbekistan «Baxti Tashkentskiy» 20 yilga qamalgani haqida yozgan edi.

2024-yil 22-dekabr kuni «Humo Arena»da Toshkent shahrida ilk bor Kontinental Xokkey Ligasi (KHL) doirasida xalqaro o‘yin bo‘lib o‘tadi. Ushbu uchrashuvda Minskning «Dinamo» va Moskvaning «Spartak» jamoalari maydonga tushadi. Bu haqda «Humo Arena» matbuot xizmati Kursiv Uzbekistan’ga ma’lum qildi.

KHL World Games – xokkeyni dunyo miqyosida ommalashtirishga qaratilgan loyiha bo‘lib, ilgari Avstriya, Shveytsariya, Estoniya va Birlashgan Arab Amirliklarida o‘tkazilgan. Toshkent loyihaning 49-shahri, O‘zbekiston esa xokkey bo‘yicha musobaqalarga mezbonlik qilgan 16-mamlakat sifatida tarixga kiradi.

Minskning «Dinamo» jamoasida tajribali o‘yinchilar va yangi iste’dodlar jam bo‘lgan, jumladan, Olimpiya chempioni Vadim Shipachev hamda Belarus xokkeyining yosh vakillari.

Moskvaning «Spartak» klubi esa kuchli hujum chizig‘i bilan...

Buyuk Britaniya, AQSh, BAA va Avstraliya kabi davlatlarning tajribasi o‘rganilib, O‘zbekistonda tungi iqtisodiyotni rivojlantirish bo‘yicha takliflar ishlab chiqildi. Bu borada Strategik islohotlar agentligi tadqiqot olib bordi.

Unga ko‘ra, xorijiy davlatlarda tungi iqtisodiyot sezilarli darajada iqtisodiyotga foyda keltirib, yillik milliardlab dollar tushumlar bilan ajralib turadi. Masalan, Londonda bu ko‘rsatkich $44 mlrd.ni tashkil etadi.

Xorijiy shaharlarda ko‘ngilochar maskanlar 24 soat faoliyat yuritish huquqiga ega bo‘lib, xavfsizlikni ta’minlash uchun tungi patrullar va jamoat transporti tashkil etilgan. Shuningdek, «tungi hokim» lavozimi joriy etilib, iqtisodiyotni boshqarish va rivojlantirish muvofiqlashtiriladi.

Agentlik ham O‘zbekistonda tungi iqtisodiyotni rivojlantirish uchun ishchi guruh tashkil etmoqchi. Shu bilan birga, Toshkentda...

Joriy yil davomida «Savdoni rivojlantirish kompaniyasi» AJ 798 ta eksport qiluvchi korxonalarga jami 311,4 milliard so‘m moliyaviy yordam ko‘rsatilgan. Bu haqda Savdo-sanoat palatasi matbuot xizmati xabar berdi.

O‘tgan yilning mos davrida 1,3 mingta eksport qiluvchi korxonalarga jami 409,5 milliard so‘m moliyaviy yordam ko‘rsatdi. 2024-yilga kelib ushbu turdagi korxonalarga moliyaviy yordam ko‘rsatish hajmi 98,1 mlrd so‘mga yoki 23,9 foizga pasaygan.

Shuningdek, 248 ta korxona uchun eksportoldi moliyalashtirish kreditlari bo‘yicha tijorat banklariga $241,2 mln miqdorida moliyaviy resurslar ajratildi. Natijada ushbu korxonalar tomonidan jami $1,95 mlrd miqdorida eksport amalga oshirildi.

Eslatib o‘tamiz, avvalroq «Kursiv» Oʻzbekiston oltin eksportini 3,5 foizga qisqartirgani haqida...

Olimlar birinchi marta iqlim xavfi zonalarining global xaritasini tuzishdi. Tadqiqot Proceedings of the National Academy of Sciences (PNAS) ilmiy jurnalida chop etildi.

Unga ko‘ra, ushbu ishni Xalqaro Tizimli Tahlil Instituti (IIASA) va Kolumbiya universiteti tadqiqotchilari amalga oshirdi. Tadqiqot davomida so‘nggi 65 yil ichida kuzatilgan issiqlik to‘lqinlari tahlil qilinib, ekstremal harorat o‘rtacha mavsumiy haroratdan sezilarli yuqori bo‘lgan hududlar aniqlangan.

Eng ko‘p zarar ko‘rgan hududlar Shimoli-g‘arbiy Yevropa, Markaziy Xitoy, Yaponiya, Koreya, Arabiston yarim oroli va sharqiy Avstraliyani o‘z ichiga oladi. Masalan, Yevropada issiqlik to‘lqinlari natijasida 2022-yilda 60 ming, 2023-yilda esa 47 ming kishi hayotdan ko‘z yumgan. AQSh va Kaliforniyada esa...