Yangiliklar

AQShning Texas shtatidagi kuchli yomg‘ir va toshqinlar oqibatida kamida 43 kishi halok bo‘ldi. Bu haqda Reuters xabar bermoqda.

Hozirda o‘nlab odamlar, jumladan, sayyohlar, lager ishtirokchilari va mahalliy aholi bedarak yo‘qolgan. Qurbonlar orasida 15 nafar bola ham bor. Eng ko‘p zarar Kerr okrugida kuzatildi. Shuningdek, Travis okrugida 4 kishi halok bo‘lgan, 13 nafar kishi bedarak yo‘qoldi. Kendall okrugida esa yana 1 kishi vafot etgani aytilmoqda. Ayrim manbalarga ko‘ra, halok bo‘lganlar soni 52 nafar bo‘lishi ham mumkin. Ammo bu hozircha rasmiy tasdiqlanmadi.

Kuchli yog‘ingarchilik natijasida Guadalupe daryosi bo‘yida joylashgan hududlarga 38 sm gacha yomg‘ir yog‘di. 850 dan ortiq odam qutqarildi...

Samarqand qog‘ozi geografik ko‘rsatkich sifatida davlat ro‘yxatidan o‘tkazildi. Bu haqda Adliya vazirligi matbuot xizmati xabar berdi.

Tegishli hujjat Samarqand viloyati adliya boshqarmasi va Intellektual mulk markazi tashabbusi bilan tayyorlangan. Qaror Samarqand qog‘ozini hududiy brend sifatida qonuniy himoya qilishga xizmat qiladi.

Bugungi kunda Samarqand qog‘ozi mahalliy miniatyura ustalari va xattotlar tomonidan keng qo‘llaniladi. Shuningdek, Yaponiyadagi qadimiy qo‘lyozmalarni restavratsiya qilishda ham ushbu mahsulotdan foydalanilmoqda.

Ma’lumot uchun, Samarqand qog‘ozi Markaziy Osiyoda ilk bor ishlab chiqarilgan, noyob va qadimiy hunarmandchilik mahsuloti hisoblanadi. U ilk bor 8-asrda, ya’ni 751-yilda Talas jangidan keyin Xitoydan o‘zlashtirilgan texnologiya asosida Samarqandda tayyorlana boshlagan. Bu tarixiy voqeadan so‘ng xitoylik...

Android 16 versiyasi bilan bog‘liq yangilanishlar Xiaomi, Redmi va Poco brendlariga tegishli jami 69 ta qurilmada amalga oshiriladi. Bu haqda Menow nashri ma’lum qildi.

Yangilanish o‘z ichiga HyperOS 2.3 qobig‘ini, tizim optimizatsiyasi, silliq animatsiyalar va yangi imo-ishorani – ikki barmoq bilan yuqoriga surish orqali foydalanuvchi funksiyalarini ishga tushirish imkoniyatini o‘z ichiga oladi. Shuningdek, Android 16 xavfsizlik darajasini ham oshiradi.

Android 16 yangilanishini jami 69 ta qurilma oladi: ulardan 22 tasi Xiaomi, 30 tasi Redmi va 17 tasi Poco brendiga tegishli:

Eslatib o‘tamiz, avvalroq Realme GT 7 seriyasi Android 16 yangilanishini birinchi bo‘lib olishi haqida yozgan edik.

Samarqand viloyatidagi Texnik jihatdan tartibga solish inspeksiyasi bosh mutaxassisi g‘isht zavodida o‘tkazilgan tekshiruv vaqtida pora olayotgan paytda qo‘lga olindi. Bu haqda DXX matbuot xizmati ma’lum qildi.

U Paxtachi tumanidagi MChJlardan biriga tegishli zavodda 226 mln so‘mlik sifatsiz mahsulot ishlab chiqarilganini aytib, bu summani 25 mln so‘mga tushirish evaziga $3 ming talab qilgan.

Davlat xavfsizlik xizmati tomonidan o‘tkazilgan tezkor tadbir davomida u xizmat xonasida 2 $500 ni pora sifatida olayotganida ushlangan.

Hozirda unga nisbatan JKning 210-moddasi 2-qismi «v» bandi bilan jinoyat ishi qo‘zg‘atilib, qamoq ehtiyot chorasi qo‘llanilgan. Tergov davom etmoqda.

Eslatib o‘tamiz, avvalroq Ohangaron shahar hokimligining mansabdor xodimi qo‘lga...

Amerikalik milliarder Kennet S. Griffin Sotheby’s auktsionida AQShda qullikni taqiqlovchi hujjatni sotib oldi. Bu haqda My Weekend xabar bermoqda.

Komissiya to‘lovlarini hisobga olgan holda uning qiymati $13,7 mlnni tashkil etdi. Qullikni taqiqlovchi hujjat AQShning 16-prezidenti Avraam Linkoln tomonidan imzolangan. Ushbu chora AQSh Konstitutsiyasiga kiritilgan 13-tuzatish sifatida mustahkamlangan.

Senat 1864-yilda, Vakillar palatasi 1865-yilda ushbu tuzatishni qabul qilgan. Biroq ba’zi shtatlar, jumladan, Kentukki (1976) va Missisipi (1995) 20-asrda uni ratifikatsiya qilishgan.

Griffin, shuningdek, 1864-yilda Linkoln tomonidan imzolangan Emancipation Deklaratsiyasini 4,4 mlnga sotib olgan.

Eslatib o‘tamiz, Kursiv Uzbekistan nashri Tramp Oq uyda UFC turniri o‘tkazilishini e’lon qilgani haqida yozgan edi.

Turkiya prezidenti Rajab Toyyib Erdo‘g‘on Rossiya va Ozarbayjon o‘rtasidagi ziddiyatni diqqat bilan kuzatib borayotganini va ularni hamkasbi Ilhom Aliyev bilan muhokama qilganini ma’lum qildi.

«Bu masala Ozarbayjon prezidenti Ilhom Aliyev bilan uchrashuvimiz kun tartibiga kiritilgan edi. Janob Aliyev bu borada juda ehtiyotkor va oqilona qadamlar tashlamoqda», – degan Turkiya rahbari.

Erdo‘g‘on aniqlik kiritishicha, Aliyev Rossiya bilan munosabatlarning keskinlashuvi tarafdori emas va vaziyatni hal etmoqchi. Uning qo‘shimcha qilishicha, Anqara uchun Moskva ham, Boku ham strategik sherikdir.

1-iyul kuni Ilhom Aliyev Ukraina prezidenti Vladimir Zelenskiy bilan telefon orqali muloqot qildi. Ukraina rahbari Rossiya bilan ziddiyatli vaziyatda...

Yuqori Chirchiq tumanida yashovchi 7 yoshli bola o‘gay otasi tomonidan kaltaklangan. 30-iyun kuni yarim tunda u uydan qochib, qo‘shnining hovlisiga kirib ketgan. Bu holat haqida Bolalar ombudsmaniga xabar berilgan.

Shundan so‘ng, «Inson» ijtimoiy xizmatlar markazi tomonidan tekshiruv o‘tkazilgan. Bolaning onasi 1995-yilda tug‘ilgan G.K. bola tarbiyasiga mas’uliyat bilan yondashmagani aniqlangan.

U Ma’muriy javobgarlik to‘g‘risidagi kodeksning 47-moddasi 1-qismi bilan javobgarlikka tortildi. Onaga va o‘gay otaga bolani zo‘ravonlikdan himoya qilish bo‘yicha qonuniy tushuntirish berildi. Bola davlat himoyasida va unga bosim o‘tkazish qonuniy javobgarlikka olib kelishi qayd etilgan.

Bu oila bo‘yicha alohida ijtimoiy nazorat o‘rnatildi. Bolaning himoyasi uchun zarur choralar ko‘rilmoqda. Bolalar ombudsmani...

Xitoyda Huawei’ning Huawei Maimang 40 smartfoni rasman taqdim etildi. Bu haqda Mobiltelefon nashri xabar bermoqda. Ushbu model ilgari Huawei brendi ostida bo‘lgan, ammo hozir alohida marka sifatida namoyon bo‘lmoqda. Bu esa unga G‘arb sanksiyalaridan chetda qolish imkonini berdi.

Smartfon Snapdragon 4 Gen 2 protsessori bilan ishlaydi va 5G tarmog‘ini to‘liq qo‘llab-quvvatlaydi. Eng asosiy yangilik – sun’iy yo‘ldosh orqali aloqa qilish imkoniyati. Maimang 40 nafaqat xabar yuborish, balki qo‘ng‘iroq qilish uchun ham sun’iy yo‘ldoshdan foydalanadi. Bu funksiyalar mos ravishda Beidou va Tiantong tarmoqlari orqali ta’minlanadi.

Smartfonga Huawei flagmanlaridagi kabi 50 MP kamera o‘rnatilgan. U yirik 1/1,56 dyuymli RYYB sensor...

O‘zbekiston yuk tashishni tezlashtirish uchun Kaspiy dengizida parom qatnovini yo‘lga qo‘yishni rejalashtirmoqda. Bu haqda Transport vaziri Ilhom Maxkamov «O‘zbekiston 24» telekanaliga bergan intervyusida qayd etdi.

Mahkamovning qo‘shimcha qilishicha, parom qatnovini yo‘lga qo‘yishda turkiyalik hamkorlarni jalb qilish rejalashtirilgan. Bundan tashqari, Xitoydan O‘zbekistonga qurilayotgan temir yo‘l O‘zbekiston – Ozarbayjon tranzitiga ijobiy ta’sir ko‘rsatadi.

O‘tgan yilning yozida Ozarbayjon prezidenti Ilhom Aliyev O‘zbekiston bilan dengizda yuk tashishni rivojlantirish tarafdori edi. U Shavkat Mirziyoyevga Qora dengiz bo‘ylab yuk tashish loyihasiga qo‘shilishni taklif qilgan edi.

Kursiv Uzbekistan nashri Shavkat Mirziyoyev Ozarbayjonga tashrifi doirasida prezident Ilhom Aliyev hamrohligida Kaspiy sohilidagi «Sea Breeze» dam olish majmuasi faoliyati bilan tanishgani...

Audi tomonidan 2025-yil uchun yangilangan Audi A3 avtomobili taqdim etildi. Bu haqda 32cars texnologiyalar nashri xabar bermoqda.

Model 2.0 TFSI benzinli dvigatel va quattro to‘liq uzatmalar tizimi bilan jihozlangan.

Yangi dvigatel 204 ot kuchi quvvatga ega. Uning aylanish momenti – 320 Nm. Mashina 100 km/soat tezlikka 6,3 soniyada chiqadi. Maksimal tezlik – 245 km/soatni tashkil etadi.

Model uchta kuzovda taqdim etiladi: Sportback, Sedan va Allstreet. Barcha versiyalar 7 pog‘onali avtomatik S tronic uzatmalar qutisi bilan keladi.

Yoqilg‘i sarfi 100 kmga 6,8 – 7,1 litrga teng.

Boshlang‘ich narxlar:

Interpol orqali qidiruvda bo‘lgan shaxs O‘zbekistonga qaytarildi. Bu haqda Interpolning respublikadagi Milliy markaziy byurosi xabar bermoqda. U odam savdosida ayblanib, Jinoyat kodeksning 135-moddasi asosida xalqaro qidiruvga berilgan edi.

Mazkur fuqaro Ummon hududida aniqlanib, 2025-yilning aprel oyida ushbu mamlakatda hibsga olingan. So‘ngra Interpolning Maskatdagi bo‘limi kuzatuvida O‘zbekistonga ekstraditsiya qilindi.

Toshkentdagi Islom Karimov nomidagi xalqaro aeroportda u Interpolning Milliy markaziy byurosi hamda huquqni muhofaza qiluvchi organlarga topshirildi.

Shuningdek, bir oy oldin ham ikki nafar ayol jinoyatchi Interpol orqali Ummondan O‘zbekistonga qaytarilgan edi. Bu ishlar ikki mamlakat o‘rtasidagi hamkorlik va muzokaralar natijasida amalga oshdi.

Eslatib o‘tamiz, Kursiv Uzbekistan nashri BAAdan qidiruvdagi...

Geely kompaniyasi 4-iyul kuni Geely Galaxy E5 modeli (xorijda EX5 nomi bilan tanilgan) elektromobilining umumiy savdosi 150 ming donadan oshganini e’lon qildi. Bu haqda CarNewsChina nashri xabar bermoqda.

Model 2023-yil avgustida Xitoyda ilk bor taqdim etilgan. 2024-yilning o‘zida 77 ming dona avtomobil yetkazib berilgan.

Model sakkiz xil tashqi rangda taklif etiladi: qizil, pushti, kulrang, yashil, oq, kumush, ko‘k va qora.

Xorijiy bozorlarda EX5 nomi ostida sotilayotgan avtomobil Gretsiya, Indoneziya, Tailand, Avstraliya va Adriatika davlatlariga eksport qilinmoqda.

Geely Galaxy E5 GEA (Global Electric Architecture) platformasida ishlab chiqilgan. Uzunligi 4615 mm, eni 1901 mm, balandligi 1670 mm. G‘ildirak bazasi esa...

2025-yilning 1-choragi yakunlariga ko‘ra, O‘zbekistonning umumiy tashqi qarzi $68,4 mlrdni tashkil qildi. Bu haqda Markaziy bank xabar bermoqda.

Shundan $35,8 mlrd davlat, $32,6 mlrd esa korporativ tashqi qarz hissasiga to‘g‘ri keladi.

So‘nggi uch oyda tashqi qarz $4,3 mlrdga oshgan. Bu o‘sishning $1,9 mlrd davlat, 2,4 mlrd dollari korporativ qarzga to‘g‘ri kelmoqda.

Taqqoslash uchun, 2024-yil 4-choragida qarz $3,9 mlrdga oshgan edi.

O‘tgan yilning shu davriga nisbatan umumiy tashqi qarz $14,9 mlrdga ko‘paygan. Bu hajmning $6,2 mlrd davlat, $8,7 mlrd esa korporativ qarz hisobidan.

Ekspertlar korporativ qarzning keskin oshishini samarasiz davlat kompaniyalari va banklar faoliyati bilan bog‘lamoqda. Tashqi qarz hisobidan...

Realme kompaniyasi yaqinda Realme P3 modelini taqdim etdi. 4pda nashri smartfon haqida ma’lumotlarni bitta materialga jamladi.

U, asosan, yosh foydalanuvchilar uchun ishlab chiqilgan va yaxshi narx-holat balansi bilan ajralib turadi.

Dizayn va himoya:

Smartfon klassik ko‘rinishga ega. Korpus mustahkam va suvga chidamli. U IP69 standarti bo‘yicha himoyalangan — yomg‘irda, lunda yoki hatto suv ostida ham foydalanish mumkin.

Batareya:

Realme P3 6000 mA/soat sig‘imli akkumulyator bilan jihozlangan. U bir zaryad bilan 1,5–2 kun ishlashi mumkin. Video ko‘rish — 21 soatgacha. Telefon 45 Vt tezkor quvvat olishni qo‘llab-quvvatlaydi va to‘liq zaryadlanish 1,5 soat atrofida davom etadi.

Ekran:

Smartfon 6,67 dyuymli...

Ijtimoiy tarmoqlarda ayrim shaxslar maxsus kiyimda yurib, o‘zlarini Favqulodda vaziyatlar vazirligi (FVV) xodimi deb tanishtirayotgani aks etgan videolar tarqaldi. Ular aholiga go‘yoki yong‘in xavfsizligi qoidalarini buzganlik bahonasida pul to‘lashni talab qilmoqda.

FVV bu holat yuzasidan rasmiy bayonot berdi. Unda aytilishicha, bu shaxslarning vazirlikka hech qanday aloqasi yo‘q.

Vazirlik fuqarolardan bunday holatga duch kelsangiz, darhol (95) 772-10-50 raqamiga yoki huquqni muhofaza qiluvchi organlarga murojaat etishingizni so‘ragan.

Avvalroq Uchtepadagi qandolat omborida yong‘in sodir bo‘lgani haqida yozgan edik.

Samsung kompaniyasi Samsung Galaxy S26 Ultra smartfoni ustida ishlamoqda. Bu haqda Notebookcheck nashri xabar bermoqda. Yangi flagman 2025-yilning birinchi choragida taqdim etilishi kutilmoqda.

Yangi modelda 5000 mA/soat sig‘imli akkumulyator bo‘lishi aytilmoqda. Bu hozirgi Galaxy S25 Ultra bilan bir xil. Biroq Samsung akkumulyator tizimini takomillashtirib, zaryad olayotganda smartfon kamroq qizishini ta’minlashni rejalashtirmoqda.

Yana bir muhim o‘zgarish – akkumulyator kichikroq hajmda bo‘ladi, chunki u endi yuqori energiya zichligiga ega. Bu ichki qismlarni joylashtirishni qulaylashtiradi.

Kamera borasida esa Galaxy S26 Ultra 200 megapikselli asosiy sensor bilan jihozlanadi. Ayni paytda bu yangi sensormi yoki avvalgi ISOCELL HP2 modeli bo‘ladimi aniq emas. Agar yana...

O‘zbekistonning bir qator tijorat banklari dam olish kunlari ham valyuta ayirboshlash va pul o‘tkazmalari xizmatlarini davom ettirmoqda. Bu haqda Markaziy bank xabar bermoqda.

«Аgrobank«
«Аpexbank«
«Asia Alliance bank»
«BRB»
«Ipoteka bank«
«Milliy bank«
«Orient Finans bank»
«Tenge bank»
«Trastbank»
«Universalbank»
«Kapitalbank»
«Hamkorbank»
«SQB»
«Asaka bank«
«Garant bank»
«Hayot bank«
«InFin bank»
«Saderot bank«

Shuningdek, «24/7» rejimida ishlaydigan avtomatlashtirilgan bankomatlar orqali ham valyuta ayirboshlash xizmati mavjud. Buning uchun bank bo‘limiga borishga hojat yo‘q.

Eslatib o‘tamiz, Kursiv Uzbekistan nashri iyul oyining ilk haftasida dollar qanday o‘zgargani haqida yozgan...

Bugungi kunda dunyo bo‘ylab millionlab odamlar doimiy ish joyidan tashqari, mustaqil ravishda pul topishni tanlamoqda. Xususan, 2025-yil statistik ma’lumotlariga ko‘ra, dunyo ishchi kuchining qariyb yarmi, ya’ni 1,57 milliard kishi frilanser sifatida faoliyat yuritmoqda. Yozgi ta’tilda ko‘plab yoshlar va talabalar moslashuvchan ish imkoniyatini aynan frilans bozoridan izlaydi. Kursiv Uzbekistan ushbu maqolada talabalar yozda qanday daromad topayotgani va ularning tajribasi haqida so‘z yuritadi.

Ushbu maqoladan quyidagilarni bilib olasiz:

5-iyul kuni O‘zbekiston hududida yog‘ingarchilik kutilmaydi, harorat kunduzi 30-46 daraja atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Rand Corporation’ning yangi hisobotiga ko‘ra, sun’iy intellekt (SI) texnologiyalari global pandemiya ehtimolini besh barobar oshirishi mumkin. Bu haqda Time nashrida ma’lum qilindi.

AQShning DARPA agentligi buyurtmasi bilan tayyorlangan bu tadqiqotda SI biologik qurollarni yaratish va tarqatishni soddalashtirayotgani ta’kidlanadi.

Hisobotda aytilishicha, SI yordamida patogen tanlash, DNK sintezi, saqlash sharoitlari va tarqatish usullarini ishlab chiqish osonlashmoqda. Hatto tajribasiz shaxslar ham xavfli viruslarni yaratish bo‘yicha aniq ko‘rsatmalarga ega bo‘lishi mumkin.

Rand mutaxassislari SI’ni tartibga solish, bioxavfli kontentni filtrlash va ochiq ilmiy ma’lumotlarga cheklovlar kiritishni taklif qilmoqda. Aks holda, SI texnologiyalari kelajakdagi pandemiyalar uchun asosiy xavf manbaiga aylanishi mumkin.

Eslatib o‘tamiz, avvalroq Google...

Xonkendi shahrida bo‘lib o‘tgan Iqtisodiy hamkorlik tashkiloti sammiti doirasida Shavkat Mirziyoyev Pokiston bosh vaziri Shahboz Sharif bilan uchrashuv o‘tkazdi. Bu haqda prezident matbuot xizmati ma’lum qildi.

Uchrashuvda O‘zbekiston – Pokiston strategik sherikligini chuqurlashtirish, savdo-iqtisodiy va transport-logistika sohalaridagi hamkorlikni rivojlantirish masalalari muhokama qilindi. Tomonlar Transafg‘on temir yo‘li loyihasini ilgari surish, qo‘shma korxonalar va to‘g‘ridan to‘g‘ri aviaqatnovlar sonini oshirishga kelishib oldilar.

Karachi va Lahorda tashkil etilgan savdo uylari ikki tomonlama aloqalarning amaliy samarasiga aylangani ta’kidlandi. Joriy yilda o‘tkazilishi rejalashtirilgan Hukumatlararo komissiya yig‘ilishi va biznes forumini samarali o‘tkazish muhimligi alohida qayd etildi.

Shuningdek, tomonlar xalqaro va mintaqaviy masalalar yuzasidan ham fikr almashdilar...

Denov va Bag‘dod tumanlarida yer maydonlarini noqonuniy ravishda sotmoqchi bo‘lgan shaxslar qo‘lga olindi. Bu haqda Bosh prokuratura departamenti xabar berdi.

Unga ko‘ra, Surxondaryo viloyatining Denov tumanida o‘tkazilgan tezkor tadbirda fuqaro bir muhandis bilan til biriktirib, boshqa bir fuqaroning ishonchiga kirgan. Ular davlat zaxirasidagi 65 sotix yer maydonini 1,1 mlrd so‘mga sotishga kelishib, 300 mln so‘mni olayotgan vaqtda qo‘lga olingan.

Xuddi shunday holat Farg‘ona viloyatining Bag‘dod tumanida ham aniqlangan. Bir fermer xo‘jaligi ishchisi fuqaro bilan kelishib, xo‘jalikka qarashli 26 sotix va suv tarmog‘i hududidagi 14 sotix yer maydonini $60 mingga sotmoqchi bo‘lgan. U $35 mingni olayotganida ushlandi.

Mazkur holatlar yuzasidan...

Shavkat Mirziyoyev tashabbusi bilan Bo‘stonliq tumanida umumiy quvvati 20 MVt bo‘lgan yirik shamol elektr stansiyasi qurilmoqda. Bu haqda Toshkent viloyati hokimligi ma’lum qildi.

Burchmulla hududidan 10 gektar yer ajratilgan ushbu loyiha yiliga 129,6 mln kVt/soat elektr energiyasi ishlab chiqaradi. Natijada 811 ming m³ tabiiy gaz yoki 3,15 ming tonna ko‘mir tejaladi. Atrof-muhitga foydasi bilan birga, bu iqtisodiy jihatdan ham muhim loyiha hisoblanadi. $28 mlnga teng bo‘lgan qurilish ishlari grand mablag‘lari asosida olib borilmoqda.

Eslatib o‘tamiz, avvalroq 2025-yil yakunigacha 12 ta quyosh va 4 ta shamol elektr stansiyasi ishga tushirilishi haqida yozgan edik.

2025-yil 4-iyul kuni Shavkat Mirziyoyev Iqtisodiy hamkorlik tashkiloti (IHT) sammitida ishtirok etdi va nutq so‘zladi. Bu haqda davlat rahbari matbuot xizmati ma’lum qildi.

Unga ko‘ra, prezident Xonkendi shahridagi samimiy qabul uchun Ozarbayjon prezidentiga minnatdorchilik bildirar ekan, mintaqada tinchlik va taraqqiyot yo‘lida qilinayotgan ishlarni e’tirof etdi.

Mirziyoyev o‘z nutqida Afg‘onistonning qayta faol ishtirokini olqishladi, Eron-Isroil ziddiyatiga doir tinchlik sa’y-harakatlarini qo‘llab-quvvatladi hamda Falastin xalqining huquqlarini himoya qilishga chaqirdi.

Prezident iqtisodiy sheriklikni mustahkamlash, «IHT-2035» strategiyasini qabul qilish, savdo to‘siqlarini kamaytirish, elektron savdo va transport-logistika tizimini raqamlashtirish zarurligini ta’kidladi. Xitoy – Qirg‘iziston – O‘zbekiston temiryo‘l loyihasi va Transafg‘on yo‘lagi orqali mintaqaviy bog‘liqlikni kuchaytirish...