Yangiliklar

Chevrolet Cobalt Markaziy Osiyo mintaqasida hanuz ommabop sedanlardan biri hisoblanadi. Yil boshidan buyon 54,5 ming dona yangi Cobalt avtomobili sotilgan. Uni xaridorlar nafaqat birlamchi, balki ikkilamchi bozorda ham faol xarid qilmoqda. Kursiv Uzbekistan nashrining navbatdagi maqolasida Chevrolet Cobalt xarid qilishda e’tibor berilishi kerak bo‘lgan jihatlar yoritiladi.

Chevrolet Cobalt haqida

Chevrolet Cobalt – 1,5 litrli, 4 silindrli, 16 klapanli benzinli dvigatelga ega oila uchun qulay sedan. U 5 pog‘onali mexanik yoki 6 pog‘onali avtomatik uzatmalar qutisi bilan ta’minlangan.

Dvigatel quvvati 106 ot kuchi (79 kVt) ni tashkil etadi. Uning maksimal aylantiruvchi momenti 134 Nm (4000 ayl./min) ga...

2025-yilning birinchi yarmida Kia kompaniyasi AQSh bozorida 416 511 dona avtomobil sotdi. Bu 2024-yilga nisbatan 8 foizga ko‘p bo‘lib, brendning AQShdagi 32 yillik faoliyati davomida eng yuqori ko‘rsatkich. Bu haqda Automailru nashri xabar berdi.

Eng ko‘p sotilgan model – Kia Sportage bo‘lib, olti oy ichida 12 630 dona sotilgan. Ikkinchi o‘rinni Kia K4 egalladi (11 564 dona), uchinchi pog‘onada esa Kia Telluride (9239 dona) qayd etildi. To‘rtinchi o‘rinda Kia Sorento (7050 dona), beshinchida esa Kia K5 (5613 dona) turibdi.

Brendning elektr avtomobillari esa ro‘yxat oxiridan joy oldi: Kia EV9 – 913 dona, EV6 – 680 dona sotilgan.

Shunga qaramay...

Tramp va uning oilasi bir necha oy ichida kriptovalyuta loyihalaridan $620 millionga yaqin daromad ko‘rgan. Bu daromadlar World Liberty Financial platformasi va Tramp nomiga chiqarilgan memecoin (mem tangasi) orqali yuzaga kelgan. Bu haqda Bloomberg nashri xabar berdi.

Trampning rasmiy boyligi 2025-yilgi prezidentlik saylovlari paytida $6,5 milliard bo‘lgan bo‘lsa, hozirda bu raqam $6,4 milliardga kamaygan. Biroq uning moliyaviy imperiyasi endilikda an’anaviy ko‘chmas mulk biznesidan emas, balki tez daromad keltiradigan raqamli aktivlardan iborat bo‘lib bormoqda.

Tramp va uning oilasi kriptoda qanday yutuqlarga erishmoqda

World Liberty Financial kompaniyasi o‘zining USD1 nomli barqaror tangasini chiqardi va $550 millionlik tokenlarni sotdi. Shundan...

BYD elektromobillari endi 15 daqiqada quvvat oladi. Bu haqda Speedme nashri xabar berdi.

Kompaniya yangi avlod Blade akkumulyatorini rasman taqdim etdi. Yangi akkumulyatorning energiya zichligi avvalgi versiyaga qaraganda 30 foizga oshgan bo‘lib, 210 Vt-soat/kg ga yetadi. Bu esa batareya o‘lchamini oshirmasdan yurish masofasini 300 km dan 400 km gacha ko‘paytirishga imkon beradi.

Blade Gen 2’ning asosiy afzalligi, sakkiz darajagacha bo‘lgan ultratez quvvatlashni qo‘llab-quvvatlashidir. Bu texnologiya akkumulyator quvvatining 80 foizini atigi 15 – 20 daqiqada to‘ldirish imkonini beradi. Akkumulyator 300 darajadan yuqori harorat va kuchli mexanik zarbalarga ham chidamli bo‘lishi aytilmoqda.

Blade Gen 2 ishlab chiqarilishi avgust oyida...

TBC Sug‘urta kompaniyasining tashkil etilishi TBC Uzbekistan uchun sug‘urtaning butun bir yo‘nalishini ochadigan va ekotizimning barcha mahsulotlari o‘rtasidagi sinergiyani kuchaytiradigan muhim strategik qadamdir.

TBC Sug‘urta 2025-yil mart oyida Istiqbolli loyihalar milliy agentligidan hayotni sug‘urtalash sohasida litsenziya olgan va aprel oyida o‘z faoliyatini boshlagan. Dastlabki uch oy ichida kompaniya 140 000 dan ortiq sug‘urta polislarini chiqarib, sezilarli natijalarni ko‘rsatdi – sug‘urta mukofotlari hajmi $2,97 mlndan oshdi.

Onlayn sug‘urta – ofisga tashrif buyurmasdan sug‘urta polislarini rasmiylashtirish va ularga xizmat ko‘rsatishning to‘liq raqamli xizmati. TBC Sug‘urta polisini TBC UZ mobil ilovasida kredit olish uchun ariza topshirganingizda olishingiz mumkin, bu esa jarayonni mijozlar uchun...

30-iyundan 4-iyulgacha bo‘lgan davrda AQSh dollarining so‘mga nisbatan kursi tebranishda davom etdi. Haftaning boshida keskin ko‘tarilgan dollar, keyingi kunlarda ketma-ket pasaydi va oxirida yana biroz yuqoriladi. Kursiv Uzbekistan nashrining navbatdagi materialida hafta davomida dollar kursi qanday o‘zgargani haqida so‘z boradi.

Dollar kursining 9-iyundan 4-iyulgacha bo‘lgan davrda o‘zgarishi

30-iyun kuni dollar 40,84 so‘mga oshib, 12 694,97 so‘m etib belgilandi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab esa pasayish bosqichma-bosqich boshlandi. 1-iyulda dollar 18,86 so‘mga tushib, 12 676,11 so‘mga yetdi. 2-iyulda esa eng katta tushish qayd etildi — dollar 84,4 so‘mga arzonlab, 12 591,71 so‘mni...

Shu yilning dastlabki besh oyida O‘zbekistonga xorijdan qariyb 139 ming dona konditsioner import qilgan. Bu haqda Milliy statistika qo‘mitasi xabar qildi.

Bu davrda mamlakatga jami 138 933 dona konditsioner olib kirilgan bo‘lib, ularning umumiy qiymati $37 millionni tashkil etgan.

Eng ko‘p konditsioner yetkazib bergan davlatlar orasida 132 657 dona bilan Xitoy yetakchilik qilmoqda. Bu jami importning deyarli 95 foizini tashkil etadi.

Shuningdek:

Avvalroq «Kursiv» nashri O‘zbekistonga 5 oyda 10 mingga yaqin elektromobillar import qilingani haqida...

Qozog‘istondagi birinchi raqamli buqani aniqlash bo‘yicha tanlov o‘tkaziladi. Bu haqda Kursiv Media nashri xabar berdi.

Mazkur tanlov an’anaviy qishloq xo‘jaligi forumi doirasida Ostona shahridan 20 km uzoqlikdagi Nuresil qishlog‘ida o‘tkaziladi. G‘olibga esa YTO traktori topshiriladi.

Tadbir joriy yilning 17-18-iyul kunlari bo‘lib o‘tadi. Aynan Nuresil qishlog‘ida naslli chorvachilik bo‘yicha AQSh, Buyuk Britaniya, Rossiya va Qozog‘iston ekspertlaridan iborat hakamlar hay’ati eng yaxshi buqani tanlaydi.

Tanlov chorvachilikka bag‘ishlangan maxsus dasturning eng muhim qismi bo‘ladi. Uning doirasida qishloq xo‘jaligi hayvonlari ko‘rgazmalari, Angus, Avliyekol, Gereford, Qozoq oqbosh va Qalmoq zotlari bo‘yicha tanlovlar hamda buqalar auksionlari o‘tkaziladi. Mehmonlar uchun Black Angus, Qozoq oqbosh...

AQSh prezidenti Donald Tramp Oq uy hududida UFC turniri o‘tkazilishini ma’lum qildi. Bu haqda Associated Press xabar berdi.

Aralash jang san’atlari bo‘yicha janglar 2026-yilda AQShning 250 yilligi munosabati bilan o‘tkazilishi rejalashtirilmoqda. Tadbirga taxminan 20 – 25 ming tomoshabin yig‘ilishi kutilmoqda.

«Kim UFC’ni ko‘radi? Dana Uaytni bilasizmi? Biz UFC jangini o‘tkazmoqchimiz. O‘ylang-a, biz UFC jangini – Oq uy hududida o‘tkazamiz. Bizda u yerda yetarlicha yer bor», – dedi Tramp.

Xabarga ko‘ra, turnirni Oq uy oldidagi maysazor maydonida o‘tkazish rejalashtirilmoqda. Shu bilan birga, AQSh hukumati hozircha rasmiy ruxsat bermagan, Milliy bog‘lar xizmati va UFC ham...

Huawei kompaniyasi yangi akkumulyator bilan 3000 km yuradigan elektromobil texnologiyasini taqdim etdi. Kompaniya yangi avlod qattiq holatdagi akkumulyator texnologiyasi uchun patent oldi.

Yangi akkumulyatorlar energiya zichligi 400 – 500 Vt/soat/kg bo‘lishi aytilmoqda. Bu ko‘rsatkich hozirgi litiy-ionli akkumulyatorlardan bir necha baravar yuqori.

Kompaniyaning hisob-kitobiga ko‘ra, bunday akkumulyatorli elektromobillar bir zaryad bilan 3000 km masofani bosib o‘tishi mumkin. Zaryadlash esa 10 foizdan 80 foizgacha atigi 5 daqiqadan kam vaqt oladi.

Ushbu texnologiya azot bilan boyitilgan sulfidli elektrolitlar asosida ishlaydi. Bu esa kimyoviy reaksiyalarni kamaytiradi va akkumulyatorning barqarorligini oshiradi. Qolgan tafsilotlar hozircha sir saqlanmoqda.

Huawei o‘zi mashina ishlab chiqarmaydi. Ammo boshqa avtomobil...

Qozoq – o‘zbek chegara postida o‘nlab yuk mashinalari to‘xtab qoldi. Bu haqda Kursiv Media xabar berdi.

Ma’lum bo‘lishicha, Turkiston viloyatining Keles tumanida joylashgan «Bauirjan Konisbayev» bojxona postida o‘nlab yuk mashinalari bir haftadan ortiq vaqtdan beri to‘xtab qolgan. O‘zbekistondan meva-sabzavot ortib kelgan haydovchi va tadbirkorlar mahsulotlari buzilib, isrof bo‘layotgani sabab zarar ko‘rayotganini aytishmoqda.

Haydovchilarning aytishicha, bojxona postida o‘nlab yuk mashinasi bir necha kundan beri o‘tmay turibdi. Post ularni Qozog‘istonga o‘tkazgan, biroq ichkariga kirishga ruxsat bermagan va buning sababini tushuntirmagan.

«Bu yerga kirib kelganimga 5 kun bo‘ldi. Men ortgan yukim – tez buziladigan mahsulot. Hali ham hech...

O‘zbekiston valyuta birjasi (UZCE) ma’lumotlariga ko‘ra, 4-iyul kuni dollar kursi 49,17 so‘mga yuqorilab, 12 606,73 so‘m qilib belgilandi.

Iyun oyining ikkinchi yarmiga qaraydigan bo‘lsak, 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.  24-iyun kuni dollar kursi 12 456,25 so‘mga chiqdi.

Shuningdek, Markaziy bank ma’lumotlariga ko‘ra, yevro 40,34 so‘mga oshib, 14 849,47 so‘mni, rubl esa...

Yil boshidan buyon O‘zbekiston jami 27 tonna oltin sotib, yetakchi o‘rinni egallab kelmoqda. Bu haqda Xalqaro oltin kengashi ma’lumotlarida keltirib o‘tildi.

2025-yilning may oyida global markaziy banklar sof hisobda 20 tonna oltin xarid qilgan. Bu so‘nggi 12 oylik o‘rtacha ko‘rsatkich bo‘lgan 27 tonnadan biroz kamdir. Yaqin Sharqdagi geosiyosiy tangliklar markaziy banklar uchun oltinning strategik ahamiyatini yana bir bor tasdiqladi.

Jahon oltin kengashi tomonidan yaqinda e’lon qilingan 2025-yilgi Markaziy banklar oltin zaxiralari bo‘yicha so‘rov natijalariga ko‘ra, respondentlarning 95 foizi rasmiy oltin zaxiralari ortishda davom etishiga ishonmoqda (o‘tgan yili bu ko‘rsatkich 81% edi). Hattoki 43% markaziy bank vakillari yaqin...

AnTuTu platformasi tomonidan 2025-yil iyun oyi uchun eng kuchli hamyonbop smartfonlar reytingi e’lon qilindi. Bu safar dastlabki uch o‘rinni MediaTek protsessoriga ega modellar egalladi.

Reytingda birinchi o‘rinni iQOO Z10 Turbo egalladi. U Dimensity 8400 chipi, 16 GB operativ xotira bilan 1 767 568 ball to‘plagan. Ikkinchi o‘ringa Redmi Turbo 4 joylashdi. Unda Dimensity 8400 Ultra chipi va 12 GB xotira mavjud. Uning natijasi — 1 676 970 ball.

Uchinchi o‘rinda OPPO Reno14 Pro joy oldi. Bu model Dimensity 8450 chipi va 16 GB xotira bilan 1 577 098 ballga erishgan.

To‘rtinchi o‘rin OnePlus Ace 3V modeliga nasib etdi. U...

O‘tgan haftada Poco o‘zining kuchli akkumulyatorli Poco F7 modelini taqdim etdi. Ushbu smartfon 6500 mA·soat sig‘imga ega edi. Gizmochina yangi Redmi smartfoni bundan ham katta batareyaga ega bo‘lishi mumkinligini bildirdi.

Yangi model 2026-yilda chiqarilishi kutilmoqda. U 6,8 dyuymli tekis ekran va 8000 mA·soatdan katta akkumulyator bilan jihozlanishi mumkin. Bu Redmi Turbo 4, Turbo 4 Pro yoki Redmi K80 Ultra’ning davomchisi bo‘lishi ehtimol. Avvalgi modellar mos ravishda 6550, 7550 va 7410 mA·soatli batareyalar bilan taqdim etilgan edi.

Eslatib o‘tamiz, Poco F7 Hindistonda Redmi Turbo 4 Pro nomi bilan chiqqan edi. Shuning uchun Poco F8 modelining Redmi Turbo...

Uzbekistan Airways aviakompaniyasining Farg‘ona – Qozon – Farg‘ona yo‘nalishidagi reysi vaqtincha kechiktirildi. Bu haqda aviakompaniya matbuot xizmati xabar berdi.

Bu o‘zgarish Qozon shahri havo hududining yopilishi bilan bog‘liq.

Yangilangan jadvalga ko‘ra, samolyot Farg‘onadan soat 15:00 da uchadi va Qozonga soat 16:45 da yetib boradi. Qaytish parvozi esa Qozondan soat 18:00 da amalga oshirilib, Farg‘onaga soat 23:30 da yetib keladi. Vaqtlar mahalliy vaqt bo‘yicha ko‘rsatilgan.

Avvalroq Kursiv Uzbekistan Toshkent – Qozon reysi Orenburgga yo‘naltirilgani haqida yozgandi.

Samsung Galaxy S24 FE smartfoni uchun Android 16 asosidagi One UI 8 yangilanishi sinovdan o‘tkazilmoqda. Bu haqda GSMArena xabar bermoqda.

Kompaniya hozirda S721BXXU6CYG1/S721BOXM6CYG1/S721BXXU6CYG1 raqamli dasturiy ta’minot versiyasini ichki tartibda test qilmoqda. Hozircha bu yangilanish ommaga taqdim etilmagan.

Avvalroq Samsung Galaxy S24 FE modeli One UI 7 yangilanishini bevosita barqaror (stable) ko‘rinishda olgan edi. Shu sababli, bu model One UI 8 ochiq beta dasturida ishtirok etmasligi mumkin.

Kutilishicha, Galaxy S24 FE uchun One UI 8 barqaror versiyasi 2024-yil oxirigacha chiqadi. Ma’lumot uchun, One UI 7 yangilanishi ushbu smartfonga 2024-yil aprel oyida taqdim etilgan edi.

Eslatib o‘tamiz, Kursiv Uzbekistan...

Markaziy bank taqdim etgan ma’lumotlarga ko‘ra, mikromoliya tashkilotlarida muammoli kreditlar ulushi oshmoqda.

2025-yil 1-iyun holatiga mamlakatdagi mikromoliya tashkilotlarining (MMT) jami kredit portfeli 9,13 trln so‘mni tashkil etdi. Bu ko‘rsatkich o‘tgan yilning shu davriga nisbatan 75,1 foizga oshgan bo‘lsa, joriy yil boshidan buyon o‘sish 25 foizni tashkil etdi.

Bozorning eng yirik ishtirokchisi 2,2 trln so‘mlik portfelga ega TezCoin mikromoliya tashkiloti bo‘lib, keyingi o‘rinlarda qariyb 2,1 trln so‘mlik Shaffof-moliya va 1 trln so‘mlik kreditga ega Fortuna Biznes turibdi.

Shu bilan birga, muammoli kreditlar ulushi (NPL) ham ortgan. 2024-yil 1-iyun holatiga bu ko‘rsatkich 2,6 foizni tashkil etgan bo‘lsa, 2025-yil 1-iyunga kelib u...

Jahon sog‘liqni saqlash tashkiloti (JSST)ning yangi hisobotiga ko‘ra, dunyo bo‘yicha har olti kishidan biri yolg‘izlikdan aziyat chekmoqda.

Bu holat insonlarning salomatligiga salbiy ta’sir ko‘rsatib, erta o‘lim ko‘rsatkichlarining oshishiga sabab bo‘lmoqda. Natijada aynan shu muammo tufayli dunyoda soatiga qariyb 100 nafar, yiliga 871 mingdan ortiq kishilar vafot etmoqda. JSST bu holatni global epidemiyaga teng, deb baholadi.

Tadqiqotlarga ko‘ra, 13 yoshdan 29 yoshgacha bo‘lgan aholining 17 – 21 foizi o‘zini yolg‘iz his qiladi, eng yuqori ko‘rsatkichlar o‘smirlar orasida qayd etilgan.

Past daromadli davlatlarda respondentlarning 24 foizi o‘zini yolg‘iz deb hisoblaydi. Bu ko‘rsatkich yuqori daromadli mamlakatlarga nisbatan deyarli ikki baravar yuqori...

Toshkent metropolitenida avtomatlashtirilgan to‘lov tizimlari joriy etilishi munosabati bilan 13 ta bekatdagi QR-kodli chiptalar sotadigan kassalar yopiladi. Bu haqda «Toshkent metropoliteni» xabar berdi.

Raqamlarga ko‘ra, ilgari metro yo‘lovchilarining 45 – 50 foizi QR-kodli chiptalardan foydalangan bo‘lsa, bugungi kunda bu ko‘rsatkich atigi 6-7 foizni tashkil qilmoqda.

Shu sababli, yo‘lovchilarning naqd to‘lovga bo‘lgan ehtiyoji kamaygani inobatga olinib, «Mirzo Ulug‘bek», «Xalqlar do‘stligi», «Paxtakor», «Hamid Olimjon», «Pushkin», «Do‘stlik», «Toshkent», «Oybek», «Tinchlik», «Shahriston», «Bodomzor», «Minor» va «Abdulla Qodiriy» bekatlarining bittadan vestibyulidagi kassalar yopildi.

Mazkur vestibyullarda esa sinov tariqasida avtomatlashtirilgan chipta sotish qurilmalari (terminal-bankomatlar) o‘rnatilmoqda. Shu bilan birga, yo‘lovchilar ushbu hududlarda ham mavjud boshqa elektron...

«So‘g‘diyona» jamoasi yozgi transfer oynasida faol harakat qilmoqda. Jizzax klubi qisqa muddat ichida ikkita muhim transferni e’lon qildi – jamoa tarkibiga Jasur Jaloliddinov va Sardor Rahmonov qo‘shildi.

Iqtidorli yarim himoyachi Jasur Jaloliddinov «So‘g‘diyona» bilan bir yarim yillik shartnoma imzoladi. 23 yoshli futbolchi oxirgi mavsumni Ozarbayjonning «Sumgayit» klubida o‘tkazdi. U bunga qadar:

Transfermarkt portaliga ko‘ra, futbolchining transfer bahosi 600 ming yevroga teng.

Foto: So‘g‘diyona futbol klubi

Klub, shuningdek, tajribali markaziy himoyachi Sardor Rahmonov bilan ham bir yarim yillik shartnoma imzolaganini...

2025-yilning aprel-may oylarida o‘tkazilgan pedagoglar attestatsiyasi ortidan yuzaga kelgan noroziliklar natijasida bir guruh o‘qituvchilar Maktabgacha va maktab ta’limi vazirligini sudga berdi. Bu haqda Xalqtaliminfo.uz nashri xabar berdi.

Ular attestatsiya natijalarini qayta ko‘rib chiqish, imtihonlarni yangidan o‘tkazish, shuningdek, ma’naviy zararni undirishni talab qilmoqda.

Da’vo arizasida qayd etilishicha, o‘qituvchilar 2025-yilda o‘tkazilgan ona tili va adabiyot fanidan test natijalarini g‘ayriqonuniy deb hisoblaydi. Ular test savollarining murakkablik darajasi ajratilgan vaqtga mos kelmasligini, savollar testologik va validlik talablarga javob bermasligini ta’kidlamoqda.

Shuningdek, apellyatsiya komissiyasi tomonidan yuborilgan javoblar deyarli bir xil mazmunda bo‘lgani, shikoyatlar asosli baholanmagani va pedagoglarning shaxsiy kabinetiga qarorlar o‘z vaqtida yuborilmaganligi...

DS Automobiles yangilangan xetchbekning maxsus versiyasi – DS No4 Jules Verne’ni taqdim etdi. Bu haqda 32cars nashri xabar bermoqda. Avtomobil taqdim qiladigan imkoniyatlari bilan BMW va Mersedes’ga raqobatchi bo‘lishi mumkin.

Avtomobil DS Automobiles brendining eng so‘nggi va zamonaviy modifikatsiyalaridan biridir. Ushbu model kengaytirilgan jihozlar bilan taqdim etilgan. Avtomobil uchta turdagi dvigatel variantiga ega: yumshoq gibrid, plagin gibrid va to‘liq elektr versiya.

Yumshoq gibrid varianti 145 ot kuchiga ega. Plagin gibrid (PHEV) esa 225 ot kuchi ishlab chiqaradi. To‘liq elektr versiyasi esa E-Tense deb ataladi va 213 ot kuchiga ega.

E-Tense versiyasi bir quvvatda 450 kilometrgacha masofa yurishi mumkin. Plagin...

Honor smartfonlari kundan-kunga ommalashib bormoqda. Palach nashrining navbatdagi maqolasida beshta eng yaxshi Honor smartfonlari haqida so‘z boradi.

Honor 400 Lite

Bu model arzon, lekin asosiy telefon sifatida bemalol ishlatiladi. 6.7 dyuymli AMOLED ekrani 120 Gs yangilanish tezligiga ega. Ekran yorqinligi – 3500 nit. Qurilmaga MediaTek Dimensity 7025 Ultra protsessori o‘rnatilgan.

O‘rta darajadagi o‘yinlarni bemalol tortadi. Kameralari ham yaxshi: orqada 108 + 5 MP, old kamerasi esa 16 MP. Akkumulyator sig‘imi 5230 mA/soat, 35 vatt quvvatda zaryadlanadi. NFC va IP65 himoyasi bor. Stereo dinamik va optik stabilizatsiya yo‘q.

Honor X9c

Bu model mustahkam korpusi va yaxshi jihozlari bilan ajralib turadi...