Yangiliklar

2025-yil oxiriga borib davlat qarzi hajmi $45,1 mlrd.ga yetishi mumkin. Prognoz Iqtisodiyot va moliya vazirligi tomonidan taqdim etildi.

Unga ko‘ra, bu mamlakat yalpi ichki mahsulotining (YaIM) 36,7 foizini tashkil etadi.

Tashqi qarz 2024-yil yakunida 33,9 mlrd.dan 39,4 mildr.ga ko‘tarilishi kutilmoqda. 2025-yilda davlat obligatsiyalarining sof chiqarilishi 30 trln so‘mni tashkil etadi.

Vazirlikning hisob-kitoblariga ko‘ra, 2024-yil oxiriga kelib davlat qarzi 39,7 milliard dollarga teng bo‘ladi. Shu bilan birga, joriy yilda davlat qarzi 13,8 foizga o‘sadi, 2025-yilda esa bu ko‘rsatkich yana 13,6 foizga oshishi prognoz qilinmoqda.

Bu raqamlar davlat moliyaviy siyosati uchun muhim ko‘rsatkich bo‘lib, iqtisodiyot barqarorligini ta’minlash uchun qo‘shimcha choralar talab...

2023-yilda O‘zbekiston Qirg‘izistondan jami 127,4 tonna suyultirilgan va tabiiy gaz import qilgan bo‘lsa, joriy yilning to‘qqiz oyi davomida bu ko‘rsatkich 654,9 tonnaga yetdi. Bu o‘tgan yilning shu davriga nisbatan 5,1 baravar ko‘pdir, deb xabar bermoqda Tazabek internet nashri.

2024-yilning yanvar – sentabr oylarida O‘zbekiston Qirg‘izistondan $322 minglik gaz import qildi. 2023-yilda esa ko‘rsatkich $52 mingni tashkil etgan edi.

Ma’lumot uchun: 2024-yil kuz-qish mavsumida O‘zbekiston aholisiga jami 21 milliard kub metr gaz yetkazib berilishi rejalashtirilgan.

Eslatib o‘tamiz, avvalroq Kursiv Uzbekistan nashri O‘zbekistonda suyultirilgan gaz narxi 14 foizga arzonlashgani haqida xabar bergan edi.

2024-yil 8-noyabr kuni Respublika Tovar-xomashyo birjasi aksiyalarini sotib olish uchun arizalar qabul qilish yakunlandi. Bu haqda birja matbuot xizmati ma’lum qildi.

Unga ko‘ra, Davlat aktivlarini boshqarish agentligi tomonidan 3 326 031 dona aksiyalar (4,4%) ikkilamchi ommaviy joylashtirish orqali sotildi. Aksiyalar narxi 12,9 mingdan 18 ming so‘mgacha belgilangan. Umumiy arizalar hajmi 46,9 mlrd so‘mni tashkil etdi, ulardan 42,9 mlrd so‘mlik aksiyalar muvaffaqiyatli sotildi.

Mazkur IPO prezidentning 2024-yil 19-apreldagi PQ-162-son qaroriga muvofiq amalga oshirilgan bo‘lib, fond bozorini aholiga yanada yaqinlashtirish va milliy birja tizimiga ishonchni mustahkamlash yo‘lida muhim qadam bo‘ldi.

«Toshkent» Respublika fond birjasi barcha investorlarni faol ishtiroklari uchun minnatdorlik bildirdi...

Joriy yilning yanvar – sentabr oylarida mikromoliya tashkilotlari va lombardlar tomonidan jami 11 trln soʻm miqdorida kreditlar ajratilib, kreditlash miqdori oʻtgan yilning mos davriga nisbatan 79 foizga oshgan. Bu haqda Markaziy bank hisobotida ma’lum qilindi.

Ma’lum qilinishicha, bunda kreditlashning 84 foizi mikromoliya tashkilotlari va 16 foizi miqdoridagi kreditlash lombardlar hissasiga toʻgʻri kelgan. Mikromoliya tashkilotlari va lombardlar tomonidan ajratilgan kreditlarning 9,9 trln soʻmi yoki 93 foizi jismoniy shaxslarga va 716 mlrd soʻmi yoki 7 foizi yuridik shaxslarga ajratilgan kreditlar hissasiga toʻgʻri keladi.

Jismoniy shaxslar uchun ajratilgan kreditlar hajmi ham oshib, 10 million soʻmgacha boʻlgan kreditlar ulushi 39 foizga yetdi.

Futbol boʻyicha Jahon chempionati saralashining 3-bosqichi 6-turidan oʻrin olgan uchrashuvda Oʻzbekiston terma jamoasi KXDRni minimal 1:0 hisobida taslim etdi.

Uchrashuvdagi yagonaga golga 44-daqiqada Abbosbek Fayzullayev mualliflik qildi.

Uchrashuvning 80-daqiqasida Umar Eshmurodov jarima maydonida toʻpni qoʻli bilan oʻynadi va hakam penalti belgiladi. Shuningdek, hakam oʻzbekistonlik himoyachiga qizil kartochka koʻrsatdi. Penaltini Oʻtkir Yusupov qaytardi.

Ushbu gʻalabadan soʻng Oʻzbekiston milliy terma jamoasi oʻz hisobidagi ochkolari sonini 13 taga yetkazdi va «A» guruhida ikkinchi oʻrinni egallab turibdi.

Avvalroq «Kursiv» Oʻzbekiston Qatarga magʻlub boʻlgani haqida xabar bergan edi.

Raqobat qoʻmitasi ayrim dorixonalarning dori vositalari uchun belgilangan narxlarga qat’iy rioya qilmay sotayotganini aniqladi. Bu haqda qo‘mita matbuot xizmati ma’lum qildi.

Unga ko‘ra, joriy yil davomida 878 ta dorixonada 107 773 ta qonunbuzarlik holati qayd etilgan. Bu orqali esa iste’molchilardan 7 mlrd so‘mdan ortiq mablag‘ asossiz olingan. Shundan 2 mlrd so‘m qismi iste’molchilarga qaytarib berildi. Shuningdek, qo‘mita 800 dan ortiq murojaatlar natijasida 100 mln so‘m kompensatsiya qilinganini ma’lum qildi.

Ma’lumot uchun, belgilangan tartibga rioya qilmaslik dorixonalar litsenziyasining bekor qilinishiga olib kelishi mumkin. Qo‘mita barcha dorixonalarni bu borada qat‘iy ogohlantirdi.

Eslatib o‘tamiz, avvalroq boshqaruvchi kompaniyalar iste’molchilar huquqlarini poymol qilinayotgani haqida...

Xiaomi kompaniyasi 2024-yilning III choragida 92,5 mlrd yuan ($12,9 mlrd) daromad qayd etdi, bu o‘tgan yilga nisbatan 30,5 foiz ko‘pdir. Bu haqda kompaniyaning moliyaviy hisobotida ma’lum qilindi.

Daromadning o‘sishiga premium sinfdagi smartfonlarning sotuvlari va elektromobil biznesining rivojlanishi sabab bo‘ldi. Elektromobillar sohasidan kelgan daromad 10 mlrd yuanga ($1,4 mlrd) yaqinlashdi.

Smartfon sotuvlari 13,9 foizga o‘sib, 47,5 mlrd yuanga ($6,65 mlrd) yetdi, jami 43,1 mln dona qurilma sotildi. Oktabr oyida taqdim etilgan yangi Xiaomi 15 smartfonlar qatori 1 milliondan ortiq nusxada sotilgan.

Boshqa mahsulotlar (IoT va elektronika) sotuvlari 26,1 mlrd yuanga ($3,6 mlrd) yetib, 26,3 foizga o‘sdi.

Internet xizmatlari daromadi...

Samsung kompaniyasi smartfonlarining periskop kameralari uchun yangi ALoP (All Lenses on Prism) texnologiyasini joriy qildi. Bu haqda kompaniya matbuot xizmati xabar berdi.

Yangi ALoP texnologiyasi yordamida kamera smartfonlari ixchamroq bo‘lib, yuqori aniqlikdagi tasvirlarni taqdim etadi. Bu nafaqat tasvir sifati, balki smartfonning ichki dizaynini yanada samarali qilishga yordam beradi.

Teleobyektiv smartfoni yanada takomillashtirildi

Mutaxassislar tomonidan tasvirni qayta ishlash bo‘yicha teleobyektivning yangi buklama smartfon konstruksiyasi ishlab chiqildi. Ushbu yechim yorqinroq obyektivdan foydalanish imkonini beradi (F/2.58, 80 mm) va smartfon korpusining umumiy qalinligini qisqartiradi.

ALoP deb nomlangan texnologiya, an’anaviy buklama konstruksiyadan farqli o‘laroq, linzalar to‘plamini periskop prizmasining ustiga...

19-noyabr kuni O‘zbekiston Respublikasi valyuta birjasida dollarning rasmiy kursi 18,99 so‘mga oshib, 12 844,00 so‘mni tashkil etdi.

Mamlakatning tijorat banklari ushbu valyutani 12 765 – 12 820 so‘mdan xarid qilishmoqda va 12 840 – 12 905 so‘mdan sotishmoqda.

Avvalroq Kursiv Uzbekistan nashri respublikada 18-noyabr kuni dollarning qiymati qanday o‘zgargani haqida yozgan edi.

Kuni kecha Toshkent viloyatida «Krasnogorsk – 2024” ralli chempionati o‘z yakuniga yetdi. Bu haqda Toshkent shahar hokimligi matbuot xizmati xabar berdi.

Umumiy hisobdagi natijalar quyidagicha bo‘ldi:

1-o‘rin: Ekipaj №8 — Alim Ahmadjonov va Paris Muhammad Asif;
2-o‘rin: Ekipaj №88 — Rustam Muhammadov va Elyor Rahmonov;
3-o‘rin: Ekipaj №11 — Jumaboy Qurbanqulov va Farhod Tojiyev.

Bu musobaqa O‘zbekistonda avtomotosportning rivojlanishi yo‘lida muhim tadbirlardan biri sifatida e’tirof etildi.

Avvalroq «Kursiv» O‘zbekistonlik yosh shaxmatchilar Braziliyadagi jahon chempionatida oltin va bronza medallarini qo‘lga kiritgani haqida yozgan edi.

11–17-noyabr kunlari O‘zbekiston respublika tovar-xomashyo birjasida bir tonna shakar narxi 12,32 mln so‘mdan 12,30 mln so‘mga pasaydi. Bu haqda birja hisobotida ma’lum qilindi.

Birjada mazkur davrda 51 tonna shakar sotilib, har kuni savdo maydonchasida 10 tonnaga yaqin mahsulot sotilgan.

Ma’lumotlariga ko‘ra, savdolarda kuniga o‘rtacha uch nafar xaridor qatnashgan.

Avvalroq Kursiv Uzbekistan Belarus shakarining Markaziy Osiyodagi Rossiya shakarining o‘rnini qisman egallashi haqida yozgan edi.

Vazirlar Mahkamasining 19-noyabrdagi tegishli qarori bilan amaldagi Hukumat yangi saylangan Oliy Majlis oldida vakolatlarini zimmasidan soqit qildi.

Shu bilan birga, prezident farmoniga asosan, amaldagi hukumat faoliyatining uzluksizligini ta’minlash uchun yangi tarkibdagi hukumat shakllanguniga qadar o‘z ishini davom ettiradi.

Avvalroq Kursiv Uzbekistan saylov natijasida Qonunchilik palatasi tarkibi qariyb 60 foizga yangilangani haqida yozgan edi.

2025-yil yanvar oyidan boshlab O‘zbekistondagi umumiy oʻrta taʼlim tashkilotlarida kibersport, harbiy sport musobaqalari, shuningdek, dron va robototexnika bo‘yicha musobaqalar o‘tkaziladi. Bu haqda Adliya vazirligi xabar berdi.

Respublikada harbiy xizmatga chaqiruvgacha bo‘lgan tayyorgarlik bo‘yicha yangilangan o‘quv dasturlari va darsliklar ham yaratiladi.

Kelgusi yilning 1-iyunidan maktablarda chaqiruvgacha bo‘lgan tayyorgarlik bo‘limi boshlig‘i lavozimi joriy etiladi.

Avvalroq «Kursiv» O‘zbekiston ta’lim muassasalarida chaqiruvgacha bo‘lgan tayyorgarlik ishlari Mudofaa vazirligi zimmasiga yuklatilishi haqida yozgan edi.

Toshkent shahar Yashnobod tumanidagi korxona 7,5 milliard so‘mlik elektr energiyasini o‘g‘irlagani ma’lum bo‘ldi. Bu haqda «O‘zenergoinspeksiya» matbuot xizmati xabar berdi

Tekshiruv chog‘ida korxona egasi elektr hisoblagichga tashqi ta’sir ko‘rsatgani ma’lum bo‘ldi. O‘g‘irlik bilan bog‘liq hujjatlar huquq-tartibot idoralari xodimlariga yuborilgan.

Avvalroq Kursiv Uzbekistan 19-noyabr kuni infratuzilmani ta’mirlash ishlari tufayli Toshkentda elektr energiyasi ta’minoti qisman to‘xtatilgani haqida yozgan edi.

Joriy yilning 19-noyabr kuni Osiyo taraqqiyot banki (OTB) O‘zbekistonning yashil, barqaror va inklyuziv iqtisodiy o‘sishini qo‘llab-quvvatlash maqsadida $250 mln miqdorida qarz ajratishni ma’qulladi. Bu haqda OTB matbuot xizmati Kursiv Uzbekistan’ga xabar berdi.

Ushbu mablag‘ O‘zbekiston hukumatining iqlim o‘zgarishiga moslashish va bu borada strategik chora-tadbirlarni amalga oshirishini tezlashtirishga yordam beradi.

OTBning ushbu dasturi O‘zbekiston hukumatining 2030-yilgacha issiqxona gazlari chiqindilarini 35 foizga kamaytirish maqsadlarini qo‘llab-quvvatlaydi. Bunda qayta tiklanadigan energiya manbalarini rivojlantirish va energiya samaradorligini oshirish asosiy vazifa bo‘ladi.

«Dastur ayni paytda aholining yordamga muhtoj qatlamlarini qoʻllab-quvvatlagan holda, iqtisodiyotni karbonsizlantirish va tabiiy ofatlar va iqlim oʻzgarishiga chidamlilikni oshirishga ustuvor...

Shavkat Mirziyoyev Oliy Majlis Senatining birinchi majlisida ijtimoiy adolat va korrupsiyaga qarshi kurash bo‘yicha ustuvor yoʻnalishlar haqida so‘zladi. Bu haqda davlat rahbari matbuot kotibi ma’lum qildi.

Unga ko‘ra, nogironligi boʻlgan shaxslar uchun ijtimoiy xizmatlar kengaytirilmoqda. Imkoniyati cheklangan bolalar umumta’lim maktablarida ta’lim olishi uchun toʻsiqsiz muhit va maxsus mutaxassislar jalb qilinadi.

Bolalarga nisbatan zoʻravonlikka qarshi kurash prezident nazoratida boʻlib, bu borada yangi qonuniy choralarning kuchaytirilishi ta’kidlandi.

O‘tgan yilda mamlakat «Korrupsiyaning mavjud emasligi» boʻyicha 66-oʻrinni egallab, Markaziy Osiyoda yetakchilik qildi. Shu bilan birga, bu sohada parlament nazoratini kuchaytirish va jamiyatda murosasizlik muhitini shakllantirish dolzarb masala sifatida belgilandi.

Sud tizimining mustaqilligini ta’minlash...

Prezident Shavkat Mirziyoyev tomonidan nomzodi Oliy Majlis Senati raisi lavozimiga taqdim etilgan senator Tanzila Norboyeva senatorlar tomonidan saylandi. Bu haqda prezident matbuot kotibi Sherzod Asadov xabar berdi.

Konstitutsiyaning 101-moddasiga muvofiq, prezident Shavkat Mirziyoyev Senat raisi lavozimiga senator Tanzila Norboyeva nomzodini taqdim etdi.

Qayd etilishicha, Senat raisi o‘rinbosarlari ham qayta saylangan. Senat Raisining birinchi o‘rinbosari lavozimiga senator Sodiq Safoyev, Senat raisining o‘rinbosari lavozimiga senator Amanbay Orinbayev saylandi.

Eslatib o‘tamiz, avvalroq Kursiv Uzbekistan prezident Senat a’zolarini tayinlangani haqida xabar bergan edi.

Qoraqalpog‘iston va Buxoroda imtiyozli kreditni talon-toroj qilgan hokim yordamchilariga jinoyat ishi ochildi. Bu haqda Davlat xavfsizlik xizmati (DXX) matbuot xizmati xabar berdi.

Qoraqalpog‘istonning Ellikqal’a tumanida hokim yordamchisi 33 kishiga 1,88 mlrd imtiyozli kredit ajratishga erishgan. Shundan so‘ng ushbu pul mablag‘larini o‘zlashtirgan.

Yana bir holat, Buxoro viloyatining G‘ijduvon tumanida ham hokim yordamchisi 26 kishiga chiqarilgan 821 mln so‘m kreditni talon-toroj qildi.

Holat yuzasidan DXX xodimlari va Bosh prokuratura huzuridagi Departament o‘tkazgan tekshiruvda har ikki mansabdor gumonlanuvchi sifatida qo‘lga olingan.

Ellikqal’a tumanidagi holat bo‘yicha hokim yordamchisi kreditga olingan pullarni go‘yoki turli xil mahsulotlar xarid qilish uchun, tashkil etilgan MCHJ hisob raqamiga o‘tkazgan va naqdlashtirish orqali...

Shavkat Mirziyoyev Senat oldida turgan muhim vazifalarni belgilab berdi. Bu haqda prezident matbuot kotibi Sherzod Asadov ma’lum qildi.

Hududlarning oʻziga xos xususiyatlari va ehtiyojlarini inobatga olib, qonunchilik faoliyatini takomillashtirish, mahalliy Kengashlar qarorlari qonunchilikka muvofiq boʻlishini ta’minlash, shuningdek, kengashlarning faoliyatiga har tomonlama yordam berish Senatning asosiy vazifalari sifatida qayd etildi.

Prezidentning ta’kidlashicha, hokimlar endilikda kengash raisi boʻlmasligi islohoti aholini qiynayotgan masalalarni yanada samarali hal etishga zamin yaratadi. 2025-yildan boshlab yer, mol-mulk va aylanma soliqlari mahalliy byudjetlarda qoldirilishi natijasida hududlar mustaqilligini oshirishga imkon beradi.

Senat bu jarayonlarni tizimli ravishda nazorat qilib, mahalliy Kengashlar faoliyatini shaffoflik va qonuniylik asosida tashkil etishda asosiy...

Joriy yilning 1-dekabridan boshlab, Litvadan Yevropa Ittifoqining tashqi chegaralari orqali chiqmoqchi bo‘lgan barcha yuk avtomobillari uchun oldindan elektron navbatga ro‘yxatdan o‘tish tartibi joriy qilinadi. Bu haqda O‘zbekiston transport vazirligi matbuot xizmati xabar berdi.

Ushbu tartib Litvaning Belarus va Rossiya bilan chegarasidagi o‘tkazish punktlarida (Medininkay, Shalchininkay, Kibartay) navbatlarni boshqarish va jamoat tartibini saqlash maqsadida kiritilmoqda.

O‘zbekistonlik va boshqa davlat yuk tashuvchilar chegarani belgilangan vaqtda kesib o‘tish uchun EVIS axborot tizimida oldindan band (bron) qilishlari kerak.

Avvalroq Kursiv Uzbekistan Turkiya bilan ikki tomonlama yuk tashish uchun ruxsatnomalar endi faqat elektron shaklda berilishi haqida yozgan edi.

Senatorlarning vakolatlari bir necha barobar oshirildi. Bu haqda prezident matbuot kotibi Sherzod Asadov ma’lum qildi.

Unga ko‘ra, endilikda Senat qonunchilik tashabbusi bilan chiqish va mahalliy Kengashlar bilan samarali hamkorlik qilish imkoniyatiga ega bo‘ldi.

Mahalliy Kengashlar faoliyatini takomillashtirish, qarorlarni tayyorlash va tasdiqlash uchun yagona tartibni ishlab chiqish, shuningdek, hududlar o‘rtasida ilg‘or tajribalarni ommalashtirish zarurligi qayd etildi.

Shu bilan birga, yuqori palata 10 dan ortiq yuqori martabali mansabdor shaxslarning hisobotlarini tinglasa-da, bu jarayon ko‘pincha chuqur tahlildan yiroq bo‘layotgani ta’kidlandi.

O‘zbekiston xalqaro reytinglarda sezilarli yutuqlarga erishgan bo‘lsa-da, senatorlar xalqaro tashabbuslarni targ‘ib qilishda yetarlicha faol emasligi qayd etildi. Yangi tarkibdan bu borada ko‘proq...

Prezident Shavkat Mirziyoyev yangi chaqiriq Oliy Majlis Senatining birinchi majlisida ishtirok etib, senatorlarni saylovlardagi g‘alabalari bilan samimiy tabrikladi. Bu haqda prezident matbuot kotibi Sherzod Asadov ma’lum qildi.

Unga ko‘ra, yangi tarkib yuqori sifat darajasida shakllangan bo‘lib, yetakchi sohalar mutaxassislari va taniqli ilmiy hamda madaniy arboblarni o‘z ichiga oladi. Senatorlarning 27 foizi ayollar bo‘lib, bu ijtimoiy masalalar, xususan, oila va xotin-qizlar huquqlarini himoya qilishda muhim qadam bo‘lishi ta’kidlandi.

Mamlakatimizda bo‘lib o‘tgan saylovlar mahalliy Kengashlar faoliyatida yangi davrni boshlab berdi. Yangi tarkibning 60 foizi yangilandi, 3 mingdan ortiq fuqarolar ilk bor deputatlikka saylandi. Ayniqsa, ayol deputatlar ulushi 32 foizga, yosh deputatlar...

Bugun, 19-noyabr kuni O‘zbekistondagi yetakchi raqamli bank tizimi TBC Uzbekistan o‘z protsessing markazini ishga tushirdi. Bu haqda bank matbuot xizmati Kursiv Uzbekistan’ga xabar berdi.

Bu qadam bankning yangi mahsulot va xizmatlarni tezroq joriy etish imkoniyatini oshiradi hamda uning bozor mavqeyini mustahkamlashga xizmat qiladi.

Yangi protsessing markazi to‘lovlarni qayta ishlash samaradorligini oshiradi va mijozlar, jumladan, kichik va o‘rta bizneslar uchun xizmatlar qatorini kengaytirish imkonini beradi. Bu markaz P2P o‘tkazmalar, bank kartalari orqali to‘lovlar va QR-kod orqali to‘lovlarni amalga oshirishni ta’minlaydi.

Shuningdek, markaz ma’lumotlarni tahlil qilish imkoniyatlarini kuchaytiradi, bu esa mijozlarning ehtiyojlarini chuqurroq tushunish va ularga mos yangi mahsulotlar, jumladan, ekvayring (yuridik...

Haval Xiaolong Max krossoverining sezilarli darajada takomillashgan versiyasi taqdim qilindi. Bu haqda ithome manbalarga tayanib, xabar berdi.

Great Wall Motors kompaniyasi bosh menejeri Chjao Yunponing ta’kidlashicha, 2025-yilda Haval Xiaolong Max krossoverining yangilangan versiyasining taqdimoti bo‘lib o‘tadi.

Ma’lumotlarga ko‘ra, avtomobil gibrid modelga aylantiriladi. Shuningdek, o‘tgan yili matbuot anjumanida Great Wall Motors kompaniyasi rasmiylari tomonidan 2024-yil oxiriga qadar barcha modellar standart komplektatsiyada Hi4 texnologiyasi bilan jihozlanishini tasdiqlangan edi.

Hi4 bu — Great Wall Motors tomonidan ishlab chiqilgan yangi ketma-ket parallel gibrid tizim. Unda elektromotor benzin dvigatelidan mustaqil ravishda yoki u bilan birgalikda ishlashi mumkin.

Hi4 tizimi benzin dvigateli va...