Yangiliklar

O‘zbekiston valyuta birjasi (UZCE) ma’lumotlariga ko‘ra, 19-iyun kuni dollar kursi 59,37 so‘mga pasayib, 12 559,26 so‘m qilib belgilandi.

Shuningdek, Markaziy bank ma’lumotlariga ko‘ra, yevro 103,46 so‘mga pasayib, 14 413,01 so‘mni, rubl esa 0,66 so‘mga pastlab, 160,17 so‘mni tashkil qildi.

Qaysi banklarda AQSh valyutasini qulay narxlarda almashtirish mumkin?

Shuningdek, «Pultop» kanali ma’lum qilishicha, 19-iyun kuni soat 15:30 holatiga ko‘ra dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan sotib olish (UZS – USD):

Qozog‘istonning yirik savdo tarmog‘i Magnum Cash&Carry O‘zbekiston bozorini tark etmoqda. Kursiv Uzbekistan muxbiri yopilgan tarmoq va ayni damda yopilishi kutilayotgan Magnum Chilonzor filialidan fotoreportaj tayyorladi, shuningdek, xodimlar va xaridorlar bilan suhbatlashdi.

Kursiv Uzbekistan bilan muloqot qilgan tarmoq xodimi hozircha Magnum Chilonzor vaqtinchalik faoliyat yuritayotganini aytdi. Ammo bu filialda ham bir qator mahsulotlar chegirma bilan sotuvga qo‘yilgan.

Savdo majmuasidagi kassa xodimining ta’kidlashicha, 1-iyuldan Magnum Chilonzor filiali ham o‘z faoliyatini yakunlaydi. Mazkur filialdagi sotuvchilardan biri esa filial avgustga qadar faoliyat yuritishi mumkinligini aytdi.

«Magnumda faoliyat yuritish yaxshi. Albatta, bu tarmoqning yopilishidan biz mamnun emasmiz», – dedi savdo...

Fransiyaning AEMotion elektromobil kompaniyasi tirbandliklarda mototsikl kabi yuradigan avtomobilni namoyish etdi. Ikki kishilik og‘uvchi mikroavtomobilga oldindan buyurtmalar qabul qilinmoqda.

Nomi hali belgilanmagan bu «mikroavto» to‘rt g‘ildirakda harakatlanadi va burilishlarda mototsikl kabi og‘ishga imkon beruvchi texnologiya bilan jihozlangan.

Bunday texnologiyali modellar ilgari ham taqdim etilgan – uch g‘ildirakli va to‘rt g‘ildirakli versiyalarda, ba’zida ob-havo himoyasi bilan, ba’zida pedalsiz yoki pedal bilan harakatlanadigan variantlarda.

AEMotion’ning ushbu yangi modeli esa faqat elektromotor yordamida harakatlanadi, maksimal tezligi – 115 km/soat, og‘ish burchagi – 35 daraja, boshqaruvi esa rul emas, mototsiklga o‘xshagan tutqich (handlebar) orqali amalga oshiriladi.

Batareya va yurish masofasi:

Rul va pedalsiz, furgon shaklidagi robotaksi ishlab chiqarilmoqda. Amazon’ning Zoox kompaniyasi sensorlar va kameralar bilan jihozlangan, furgon shaklidagi maxsus robotaksisini ishga tushirish arafasida. Bu haqda Forbes xabar berdi.

Hozirda dastlabki model tekshirilmoqda. Kompaniya bu yil oxirida Las-Vegasda tijorat yo‘lovchi tashish xizmatini yo‘lga qo‘yishni rejalashtirmoqda.

«Biz yo‘lovchilar uchun o‘ziga xos tajriba taqdim etmoqchimiz. Haydov sifatidan tortib, ro‘parasiga qaragan o‘rindiqlar, keng salon – bular bizni boshqalardan ajratib turadi», — deydi Zoox hammuassisi va texnik direktori Jesse Levinson kompaniyaning Hayvarddagi zavodiga ekskursiya paytida.

Amazon tomonidan 11 yillik tayyorgarlik va milliardlab sarmoya evaziga Zoox bu yil oxirida Las-Vegasda...

Malayziya Oliy sudi mamlakatdagi Telegram messenjeri faoliyatini vaqtincha to‘xtatish to‘g‘risida qaror chiqardi. Bu haqda Malayziya Aloqa va multimedia komissiyasi xabar berdi.

Bu qaror Malayziya Aloqa va multimedia komissiyasi (MAMK) tomonidan kiritilgan da’vo asosida qabul qilindi. Regulyator vakillarining ta’kidlashicha, ayrim kanallarda joylashtirilgan kontent mamlakatning aloqa va multimedia to‘g‘risidagi qonunlarini buzgan.

Aniqlanishicha, Edisi Siasat va Edisi Khas nomli ikki Telegram kanali MAMK e’tiroziga sabab bo‘lgan. Regulyator bu kanallarda joylashtirilgan materiallar davlat institutlariga nisbatan ishonchni susaytirishi va jamiyatda notinchlikka sabab bo‘lishi mumkinligini bildirgan.

Komissiya, shuningdek, ijtimoiy tarmoqlar o‘z platformalarida joylashtiriladigan kontent uchun mas’ul ekanini ta’kidladi.

Bu holat Telegram’ga qarshi Malayziyada birinchi...

Mashhur texno-bloger Rodion Hudakov YouTube’da iPhone 16 kamchiliklari haqida video chiqardi. U bu modelni sinchkovlik bilan o‘rgandi va ko‘plab kamchiliklarni sanab o‘tdi. Xudakovning fikricha, iPhone 15’ni olish yaxshiroq.

U birinchi navbatda qutini tanqid qildi. Unda faqat telefon va kabel bor. Hech qanday stiker yoki qo‘llanma yo‘q. U bu holatni eski iPhone’lar bilan solishtirdi va yangi qadoqni juda oddiy deb hisoblaydi.

Keyin u telefonni mustahkamlikka sinab ko‘rdi. iPhone 16 ekranida keramik himoya bo‘lsa ham, u qumga 10 marta tushgach tirnalgan. Asfaltga tushganida esa ramka darhol zararlangan. Ikkinchi marta tushgach ekranda yorilish paydo bo‘lgan.

Yana bir muammo – telefon stol...

Chevrolet Malibu XL (Malibu-2 MALBDB 9AT LTZ) modeli uchun kontraktatsiya tugadi. 18-iyun kuni UzAuto Motors ushbu model uchun kontraktatsiyani ochgandi.

«Avvalgi kontraktatsiyalar davomida shartnomalar tuzilgan Chevrolet Malibu XL avtomobillarining belgilangan muddatlarda to‘lanmagan hajmlari sotuvga qo‘yilmoqda», – deya ma’lum qildi «O‘zavtosanoat» AJ Kursiv Uzbekistan nashriga.

Shuningdek, «Kursiv» ushbu model uchun qancha shartnoma tuzilgani haqida so‘radi. Ular avtomobillar savdosining aniq hajmlari haqidagi ma’lumotlar kompaniyaning ichki korporativ axborotiga kirishini ma’lum qildi. Agar umumlashtirilgan yoki rasmiy ma’lumotlar tayyorlansa, rasmiy kanallarida e’lon qilinishini xabar qildi.

Kecha sotuvga qo’yilgan model narxi 419 mln so‘m bo‘lib, shu yilning noyabr oyi...

Bugun, 19-iyun kuni Shavkat Mirziyoyev Qashqadaryoga tashrifi chog‘ida poyezdda faollar bilan suhbatlashdi. Bu haqda prezident rasmiy sahifasida ma’lum qilindi.

Prezident «Inson qadri uchun, inson baxti uchun» degan tamoyil asosida amalga oshirilayotgan ishlar haqida so‘z yuritdi.

Davlat rahbari so‘nggi ikki yilda mamlakatda 40 ming kilometr yo‘l va 540 ta ko‘prik ta’mirlanganini keltirib o‘tdi. Shuningdek, yil oxirigacha viloyatda 100 kilometr magistral yo‘lni ta’mirlash rejalashtirilgan.

Avvalroq Kursiv Uzbekistan prezident Parkentda turizm va bog‘dorchilik loyihalari bilan tanishgani haqida yozgandi.

Unga ko‘ra, so‘nggi yillarda bu hududda sayyohlar oqimi ortib, 80 dan ortiq xonadonlarda mehmonxonalar tashkil etilgan. Ular yiliga 172 ming sayyohga xizmat ko‘rsatmoqda.

Xitoyning Geely kompaniyasi xalqaro kengayishni davom ettirmoqda. Geely EX5 avtomobili Adriatika mintaqasidagi olti mamlakatda rasmiy sotuvga chiqdi. Bu haqda CarNewsChina xabar bermoqda.

Geely Serbiyaga 2023-yil mart oyida kirgan edi. O‘shandan buyon mintaqadagi hamkori SEEAG bilan birga 36 ta rasmiy dilerlik nuqtasini ochdi. Kompaniya butun mintaqada yagona xizmat sifati va brend uslubini saqlashni rejalashtirmoqda.

Bu orada Polshada ham Geely faol harakat qilmoqda. U yerda kompaniya Saudiya Arabistonidagi Jameel Motors bilan hamkorlik qilmoqda. EX5 Polshada 2025-yilning uchinchi choragida savdoga chiqishi kutilmoqda. Undan keyin esa yana bir plagin-gibrid model bozorga chiqadi. Bu model ehtimol Galaxy Starship 7 EM-i bo‘lishi mumkin.

EX...

Samsung hozirda Galaxy telefonlarining kelajakdagi modellarida ishlatilishi mumkin bo‘lgan bir necha xil akkumulyator texnologiyalari ustida tajribalar olib bormoqda. Bu haqda Gizmochina xabar berdi.

Ushbu tajribalar batareyaning ishlash muddati va energiya sig‘imini oshirishga qaratilgan.

Raqobatchilar Oppo, Vivo, Honor va Xiaomi kompaniyalari allaqachon yupqaroq korpusda katta sig‘imga ega kremniy-uglerodli akkumulyatorlarni taqdim etgan bo‘lsa-da, Samsung bu borada shoshilmayapti.

Kremniy zaryadlash vaqtida kengayish xususiyatiga ega bo‘lib, bu holat vaqt o‘tishi bilan batareya holatini yomonlashtirishi mumkin. Galaxy Note 7 bilan bog‘liq hodisani hanuz unutmagan kompaniya uchun xavfsizlik hamon asosiy ustuvorlik bo‘lib qolmoqda. Shuning uchun Samsung yangi akkumulyator texnologiyalarini bozorda tezda joriy etishdan ko‘ra...

Taras Shevchenko gastronomik ko‘chasi qurilish ishlarining ikkinchi bosqichi yakunlandi. Bu haqda Mirobod tumani hokimligi xabar berdi.

Mazkur bosqichda 2,2 ming kvadrat metr yo‘lak ta’mirlandi, 2,7 ming kvadrat metr maydonga tosh yotqizildi. 650 kvadrat metr maydon asfalt qilindi.

Shuningdek, 3,3 ming tup buta va 20 tup manzarali daraxt ekilib, 2 ming kvadrat metr hajmda yashil maydon tashkil etildi.

Bundan tashqari, hududda ikki dona favvora, to‘rtta haykal, oltita o‘rindiq va oltita urna o‘rnatildi. Uchtadan besedka joylanib, sayr qiluvchilar uchun shinam dam olish joylari barpo etildi.

Xavfsizlik va qulaylikni oshirish maqsadida 28 ta kuzatuv kamerasi, 18 ta ovoz kuchaytiruvchi kolonka hamda...

Raqobat qo‘mitasi xorijga ishga va o‘qishga yubormoqchi bo‘lgan bir qancha firmalarni 112 million so‘mdan ziyod jarimaga tortdi. Bu haqda qo‘mita matbuot xizmati xabar qildi.

Migratsiya agentligiga firibgarlikka yo‘l qo‘yayotgan konsalting firmalar haqida 20 ga yaqin murojaatlar kelib tushgan. Unga ko‘ra murojaatlar quyidagi mazmunda bo‘ldi:

Ma’lumot uchun, xorijda ishga joylashtirish...

Rossiya Liberal-demokratik partiyasi (RLDP) yetakchisi Leonid Slutskiy boshchiligidagi deputatlar guruhi migrantlarga oid yangi qonun loyihasini tayyorladi. Ular mamlakatda tibbiy sug‘urtasi bo‘lmagan migrantlarni deportatsiya qilishni taklif etmoqda. Bu haqda TASS xabar berdi.

«Agar vaqtincha yoki doimiy yashovchi xorijiy fuqaroning amaldagi tibbiy sug‘urta polisi mavjud bo‘lmasa, u nazorat qilinadigan shaxslar reyestriga kiritiladi. Bu unga nisbatan chiqarib yuborish (deportatsiya) tartibini qo‘llash uchun huquqiy mexanizm yaratadi», – deyiladi qonun loyihasiga ilova qilingan tushuntirish xatida.

Shuningdek, xorijiy fuqarolar tomonidan vaqtincha yashash uchun ruxsatnoma olishda taqdim etiladigan hujjatlar ro‘yxatiga o‘zgartirish kiritiladi. Endilikda hujjatlar orasida DMS (ixtiyoriy tibbiy sug‘urta) yoki OMS...

Qozog‘istonning yirik savdo tarmog‘i Magnum Cash&Carry O‘zbekistondan ketmoqda. Bu haqdagi xabarni Kursiv Uzbekistan manbalari tasdiqladi.

Avvalroq O‘zbekistonda 17 ta do‘kon ochishni rejalashtirgan kompaniyaning hozirda faqat uchta do‘koni faoliyat yuritayotgani haqida yozgandik. 

Magnum 2021-yil dekabr oyida Toshkentda ikkita gipermarket ochish orqali O‘zbekiston bozoriga kirgan. 2023-yil avgustida kompaniya O‘zbekistondagi Carrefour tarmog‘ining O‘zbekistondagi do‘konlarini boshqargan Majid Al Futtaim LLC Uzbekistan biznesini sotib olgan. Bu orqali do‘konlar sonini yettitagacha oshirgan. Kompaniya vakillari 2024-yilda yana 10 ta savdo nuqtasini ochib, tarmoqlar sonini 17 taga yetkazishini e’lon qilgandi.

Biroq 2024-yil boshidan boshlab ushbu kengayish rejalari to‘xtagan. 2024-yil fevral oyida Toshkentdagi Magnum Qoratosh savdo nuqtasi yopildi. 2025-yil...

Budapeshtda o‘tayotgan jahon chempionati doirasida Xalqaro dzyudo federatsiyasi (IJF) Atletlar komissiyasi uchun saylov boshlandi. Bu haqda «Dunyo» AA ma’lum qildi.

O‘zbekiston dzyudo federatsiyasi xabariga ko‘ra, faqat akkreditatsiyadan o‘tgan sportchilar ovoz berish huquqiga ega.

Nomzodlar orasida «Parij – 2024» Olimpiadasi g‘olibi Diyora Keldiyorova ham bor. Unga Darya Bilodid (Ukraina), Ryonosuke Haga (Yaponiya), Natan Kas (Avstraliya) va Keytlin Kuadros (Braziliya) raqobatchi bo‘lmoqda.

Eslatib o‘tamiz, avvalroq Uta Abe Diyora Keldiyorovaga «vizov» tashlagan edi.

Leapmotor kompaniyasi tomonidan 2026-yilgi Leapmotor C16 avtomobili taqdim etildi. Model 5 o‘rindiqli variant bilan chiqdi. Bu haqda CarNewsChina xabar bermoqda. Uning boshlang‘ich narxi 151 800 yuan (taxminan $21,1 ming) etib belgilangan.

Avvaliga 2024-yil iyun oyida taqdim etilgan C16 modeli EREV va BEV versiyalarda chiqarilgan edi. Endi kompaniya bu mashinani yangilab, 70 ta yaxshilanish kiritilgan versiyasini taqdim etdi.

Tashqi ko‘rinish deyarli o‘zgarmagan. Uning oldi qismida nozik LED chiroq, tortiluvchi eshik tutqichlari va katta havo kirish panjarasi mavjud. Kuzov o‘lchamlari 4915×1905×1770 mm, g‘ildirak bazasi esa 2825 mmni tashkil etadi.

Model 6 va 5 o‘rindiqli variantda taqdim etiladi. 5 o‘rindiqli versiyada...

iQOO kompaniyasi tomonidan 115 dollarlik iQOO Z10 Lite smartfoni taqdim etildi. Bu haqda GSMArena nashri xabar bermoqda.

Qurilma 6,74 dyuymli IPS displey bilan jihozlangan bo‘lib, 90 Gts yangilanish chastotasini qo‘llab-quvvatlaydi. Old kamera 5 MP, asosiy kamera esa 50 MP va 2 MP sensorlardan iborat.

Smartfon MediaTek Dimensity 6300 protsessorida ishlaydi. Eng kuchli versiyasi 8 GB operativ va 256 GB doimiy xotiraga ega. Akkumulyator sig‘imi 6000 mA·soat bo‘lib, 15 Vt quvvatda zaryadlashni qo‘llab-quvvatlaydi.

Qurilma IP64 darajasida chang va suvga chidamli. Shuningdek, unda stereodinamika va yon tomonda joylashgan barmoq izi skaneri mavjud. Smartfon Android 15 operatsion tizimi va Funtouch OS...

«Li Auto» bosh direktori Li Syan Weibo’dagi postida yangilik bilan bo‘lishdi. Uning aytishicha, Ideal i8 iyul oyining oxirida rasman chiqariladi.

Hozirda ishlab chiqarish, xodimlarni o‘qitish va yetkazib berishga tayyorgarlik yakunlanmoqda.

Li Syan yangi modelga oid haydash videosini ham sahifasiga joylashtirgan. Ushbu video Ideal i8’ning tashqi ko‘rinishi va dinamikasini namoyon qiladi.

Sanoat va axborot texnologiyalari vazirligi bergan ma’lumotga ko‘ra, Ideal i8 o‘rta va katta o‘lchamli sof elektr yo‘ltanlamas sifatida taqdim etiladi. Model 6 o‘rindiqli bo‘lib, g‘ildirak bazasi 3050 mm, kuzov o‘lchami 5085×1960×1740 mm.

Dizayni MEGA va L seriyalaridan ilhomlangan, zamonaviy va soddalashtirilgan. Old qismi yopiq, ikki bo‘lakdan iborat faralar...

NetBlocks ma’lumotlariga ko‘ra, 18-iyun kuni kechga yaqin Eron deyarli to‘liq internetdan uzilgan. Tez orada Tehron bu holat Isroil hujumi bilan bog‘liqligini va shu sababli internet cheklanganini ma’lum qildi.

Dunyo bo‘ylab internet faoliyatini kuzatib boruvchi NetBlocks chorshanba kuni Eron bo‘ylab internet to‘liq deyarli o‘chirilganini xabar qildi.

«Tasdiqlandi: ayni paytda Eron bo‘ylab internet deyarli butunlay o‘chirilgan», – deyiladi NetBlocks xabarida.

Tarmoq ma’lumotlariga ko‘ra, bunga qadar Eronda internet bugungidek darajada uzilmagan.

Shundan so‘ng, Eron aloqa vazirligi mamlakatdagi internet Isroilning hujumi bilan bog‘liq tarzda vaqtincha cheklanganini tasdiqladi. Ushbu ma’lumotni mahalliy ISNA axborot agentligi tarqatdi.

Tehron mamlakat...

Isroil Turizm vazirligi mamlakatda vaqtincha bo‘lib turgan turistlarga xavfsiz tarzda chiqib ketish imkonini yaratish maqsadida maxsus raqamli ro‘yxatdan o‘tish shaklini joriy etdi. Bu haqda O‘zbekistonning Isroildagi elchixonasi xabar qildi.

Turistlar ushbu elektron shakl orqali quyidagi ma’lumotlarini taqdim etishi lozim: ism-familiya, telefon raqami, elektron pochta manzili. Ro‘yxatdan o‘tish uchun govforms.gov.il saytiga kirish kerak bo‘ladi.

Taqdim etilgan ma’lumotlar faqat zarurat tug‘ilganda Isroil milliy xavfsizlik kengashi va Transport vazirligi bilan ulashiladi.

Bundan tashqari, turistlar uchun 24 soat faoliyat yurituvchi virtual axborot markazi ishga tushirilgan. Markazga quyidagi yo‘llar orqali murojaat qilish mumkin:

Nubia kompaniyasiga qarashli RedMagic brendi tomonidan RedMagic 10S Pro smartfoni xalqaro bozorga chiqarildi. Bu haqda kompaniya rasmiy saytida e’lon qildi.

Smartfon allaqachon bir necha davlatlarda sotuvga chiqdi. Narxlar 12 GB operativ va 256 GB doimiy xotiraga ega versiya uchun $650 dan boshlanadi. Eng kuchli – 24 GB operativ va 1 TB doimiy xotirali modeli esa $1 mingga baholanmoqda.

RedMagic 10S Pro flagmani kuchli texnik imkoniyatlarga ega. Qurilma Snapdragon 8 Elite Leading Version chipseti asosida ishlaydi. Sovitish tizimi esa alohida e’tiborga loyiq – unga kuchli ventilyator o‘rnatilgan. Uning aylanish tezligi 23 000 aylanish/minutni tashkil qiladi. Ventilyator RGB yoritilishi bilan...

Oppo Reno14 seriyasi 1-iyul kuni Malayziyada taqdim etiladi. Bu haqda kompaniya X tarmog‘ida ma’lum qildi.

Taqdimot Music Festival doirasida soat 18:00 da bo‘lib o‘tadi.

Seriya Reno14 va Reno14 Pro smartfonlarini o‘z ichiga oladi. Reno14 F modeli haqida ma’lumot bor, lekin rasmiy emas. U 1-iyulda chiqadimi yoki keyinroq – hozircha noma’lum.

Global Reno14 modeli Dimensity 8350 chipi bilan ishlaydi. Bu qurilma biroz kichikroq, 6000 mA/soat sig‘imli batareya bilan jihozlangan bo‘lib, faqat 80 Vt simli quvvatlashni qo‘llab-quvvatlaydi. Pro modeliga nisbatan bir nechta boshqa xususiyatlari ham kamaytirilgan.

Oppo Reno14 Pro modeli ham taqdim etildi. Smartfonda 6.83 dyuymli 1.5K OLED ekran, 120 Hz yangilanish...

AQSh Federal zaxira tizimi (FZT) federal fondlar bo‘yicha foiz stavkasi maqsadli diapazonini 4,25 – 4,5 foiz darajasida o‘zgarishsiz qoldirdi. Bu haqda FZT rasmiy sahifasida ma’lum qildi.

Unga ko‘ra, so‘nggi ko‘rsatkichlar iqtisodiy faollikning barqaror sur’atda kengayib borayotganini ko‘rsatmoqda. Ishsizlik darajasi pastligicha qolib, mehnat bozori holati mustahkamligicha saqlanmoqda.

Regulyator uzoq muddatli maqsad sifatida maksimal bandlik va 2 foizlik inflyatsiya darajasini saqlashga intilmoqda. So‘nggi paytlarda iqtisodiy istiqboldagi noaniqliklar kamaygan bo‘lsa-da, ularning mavjudligi hanuz saqlanib qolmoqda.

Federal fondlar stavkasi bo‘yicha keyingi o‘zgarishlarning vaqti va hajmi bozor ko‘rsatkichlariga, iqtisodiy rivojlanish istiqboliga va tavakkalchiliklar muvozanatiga asoslangan holda baholanadi.

Avvalroq Kursiv Uzbekistan Federal zaxira...

O‘zbekiston va Rossiya migratsiya masalalarini birgalikda hal qiladi, dedi Rossiya prezidenti Vladimir Putin axborot agentliklari rahbarlari bilan uchrashuvda. Bu haqda Tass axborot agentligi ma’lum qildi.

«Biz Shavkat Miromonovich (Mirziyoyev – tahr. Kursiv Uzbekistan) bilan migratsiya masalalarini birgalikda hal qilishga kelishib oldik. Chunki mehnat bozori bugungi kunda qanday ahvolda ekani hammaga ma’lum», – dedi Rossiya prezidenti.

Putin, shuningdek, O‘zbekiston va Rossiya yoshlarining o‘zaro aloqalarini rivojlantirishga katta e’tibor qaratilayotganini ta’kidladi.

Ma’lumot uchun, 2024-yilda Rossiyada 698 ming nafar o‘zbekistonlik ishlagan. 2023-yilda esa bu raqam 1,2 mlnni tashkil etgan. Shu davr mobaynida Rossiyaga ish izlab ketgan O‘zbekiston fuqarolari...