Yangiliklar

BYD kompaniyasining eng ko‘p sotilgan avtomobili – BYD Seagull ikki yil ichida 1 mln dona sotildi. Bu haqda CarNewsChina xabar bermoqda.

Bu ko‘rsatkichga 2025-yil iyun oyi boshida erishildi. Raqamlar Xitoy va xorijdagi sotuvlarni o‘z ichiga oladi.

May oyida BYD 60 mingdan ortiq Seagull sotgan. Umumiy sotuvlar 992 mingdan oshganini kompaniya Shenchjen fond birjasiga ma’lum qilgan.

Biroq sug‘urta ma’lumotlariga ko‘ra, iyunning birinchi haftasida Seagull 1 mln chegarani bosib o‘tgan.

Seagull 2023-yilda 73 800 yuan (taxminan $10 ming) narxda sotuvga chiqqan edi. Hozir esa u 63 800 yuanga (taxminan $8,8 ming) tushgan. Bu Xitoyda elektr avtomobillar narxi keskin paslayotganini ko‘rsatadi.

Honor MagicPad 3 2-iyul kuni Magic V5 bilan taqdim etiladi. Brend Weibo ijtimoiy tarmog‘ida planshet rasmlarini e’lon qilib, qurilmani rasman tanishtirdi.

MagicPad 3 13,3 dyuymli LCD ekranga ega bo‘ladi. Ekran 3,2K aniqlikda va 165 Gts yangilanish tezligida ishlaydi.

Planshet 12 450 mA/soat sig‘imli akkumulyatorga ega. Qurilma atigi 5,79 mm qalinlikda va 595 gramm og‘irlikda bo‘ladi. Honor korpus mustahkamligini alohida ta’kidlamoqda.

Foto: Weibo / Honor

MagicPad 3 Snapdragon 8 Gen 3 protsessori bilan jihozlanadi. Planshetda 16 GBgacha operativ va 1 TBgacha doimiy xotira bor. U 66 Vt quvvat bilan tez zaryadlanadi.

Planshet oq, oltin va kulrang ranglarda sotuvga chiqadi.

Avvalroq...

Vivo kompaniyasi o‘zining yangi buklanuvchi flagman smartfoni – Vivo X Fold5 haqidagi ilk ma’lumotlarni e’lon qildi. Bu haqda kompaniya Weibodagi sahifasida ma’lum qildi.

Qurilma bozordagi eng yupqa modellardan biri bo‘lmasa-da, eng uzoq ishlaydigan buklanuvchi smartfonlardan biri bo‘lishi kutilmoqda.

Smartfon 6000 mA·soat sig‘imga ega akkumulyator bilan jihozlanadi. Uning asosiy afzalligi – bu to‘rtinchi avlod kremniy anodli texnologiyaga asoslangan sanoatdagi ilk akkumulyator bo‘lishida.

Undagi kremniy miqdori avvalgilarga qaraganda 2,5 barobar ko‘p bo‘lib, bu quvvat zichligini 13 foizga oshirgan.

Bundan tashqari, akkumulyator ikkinchi avlod yarim qattiq elektrolitga ega bo‘lib, u hatto -30 °C gacha bo‘lgan sovuqda ham ishlay oladi.

X Fold5 smartfonining...

Samarqand viloyatining bir nechta tumanida iste’molga yaroqsiz va qalbaki aktsiz markali alkogol mahsulotlarini sotayotgan do‘konlar aniqlandi. Bu haqda Bosh prokuratura departamenti ma’lum qildi.

Payariq tumanida o‘tkazilgan tezkor tadbirda fermer xo‘jaligi rahbari 85 mln so‘mlik 1 575 dona qalbaki alkogol va 1 ming quti tamaki mahsulotlarini noqonuniy ravishda sotayotgani fosh etildi.

Shuningdek, Paxtachi va Ishtixon tumanlarida ham 144,1 mln so‘mlik 4 556 dona qalbaki alkogol va 400 quti tamaki mahsulotlari savdosi aniqlanib, daliliy ashyolar sifatida olib qo‘yildi.

Mazkur holatlar yuzasidan jinoyat ishlari qo‘zg‘atilib, tergov ishlari olib borilmoqda.

Eslatib o‘tamiz, avvalroq ham Andijon va Xorazmda qalbaki alkogol mahsulotlari savdosi fosh...

Shavkat Mirziyoyev Parkent tumaniga tashrifi chog‘ida «Oltin bel» dam olish maskani va yangi mehmonxona loyihalari bilan tanishdi. Bu haqda davlat rahbari matbuot xizmati ma’lum qildi.

Tog‘ bag‘rida qurilgan 188 o‘rinli mehmonxonalar, kapsula uylar va restoranlar hududdagi turizm salohiyatini oshirishga xizmat qiladi.

Hududda qiymati $1,8 mlrdlik 52 ta loyiha orqali 3,3 ming ish o‘rni yaratiladi. Shuningdek, Avstriya kompaniyasi ishtirokida 1200 gektarda tog‘-chang‘i kurorti barpo etiladi.

Davlat rahbari «Batu Eksport» korxonasiga ham tashrif buyurdi. Bu yerda yiliga 5 ming tonna meva-sabzavot qayta ishlanib, mahsulotlar Xitoy, Yaponiya, Yevropa va MDH davlatlariga eksport qilinadi. Korxonada 180 ta ish o‘rni yaratilgan.

Prezident hudud eksport...

Nukus shahridagi maktablardan birida o‘qituvchi kasbiy sertifikat sinovidan o‘tkazib yuborish evaziga $1 ming olayotgan vaqtida DXX va IIB xodimlari tomonidan qo‘lga olindi. Bu haqda DXX matbuot xizmati ma’lum qildi.

Unga ko‘ra, mazkur shaxs bu ishni maktab direktori o‘rinbosarining topshirig‘iga binoan amalga oshirgani ma’lum bo‘ldi. Tergov oldi surishtiruvida direktor o‘rinbosari 100 dan ortiq o‘qituvchilardan $1-1,5 ming miqdorida pora olib kelgani, bu haqida shaxsiy daftarida yozib borgani aniqlangan.

Shuningdek, Qoraqalpog‘iston Respublikasi Maktabgacha va maktab ta’limi vazirligining mas’ul xodimi ham bu ishga aloqador bo‘lib, u o‘qituvchilardan yig‘ilgan $10 450 ni ixtiyoriy tarzda topshirgan.

Milliy gvardiya xodimlaridan biri esa test jarayonida uyali telefon...

«Manchester Siti» jamoasi Klublar o‘rtasidagi Jahon chempionatini Filadelfiyada «Wydad» klubi ustidan «G» guruhida 2:0 hisobida g‘alaba bilan boshladi.

«Shaharlik»lar birinchi taymning ikkinchi daqiqasidayoq Fil Fodenning zarbasidan so‘ng hisobni ochishga muvaffaq bo‘ldi.

Jeremi Doku tanaffus yaqinlashganda Foden burchagidan hujum qilib, ikkinchi golni qo‘shib qo‘ydi. Belgiyalik futbolchi ikkinchi 45-daqiqa boshida uchinchi golga yaqinlashdi.

Uchrashuv oxirida 88-daqiqada Riko Lyus qizil kartochka oldi va maydondan chetlatildi.

Ushbu o‘yinda Abduqodir Husanov maydonga tushurilmadi.

Avvalroq Kursiv Uzbekistan Husanov «Manchester Siti» jamoadoshlari oldida kuylagani haqida xabar bergan edi.

2025-yil 19-iyun kunlari O‘zbekiston bo‘ylab ob-havo issiq va quruq bo‘lib, kunduzgi harorat 40–44 darajagacha ko‘tarilishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev Parkent tumanidagi Kumushkon mahallasiga tashrif buyurib, turizm salohiyati va mehmon uylari bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, so‘nggi yillarda bu hududda sayyohlar oqimi ortib, 80 dan ortiq xonadonlarda mehmonxonalar tashkil etilgan. Ular yiliga 172 ming sayyohga xizmat ko‘rsatmoqda.

Prezident mehmon uylaridan biriga aylangan Olim Yusubovning 48 o‘rinli milliy uslubdagi hovlisini ko‘zdan kechirdi. Ushbu uy har yili 2 mingdan ziyod mehmonlarni qabul qilmoqda. Tadbirkorlikni qo‘llab-quvvatlash, xizmat ko‘lamini kengaytirish bo‘yicha topshiriqlar berildi.

Shuningdek, Prezident «Meridian Tempo» korxonasining 54 gektarlik intensiv bog‘ini ham borib ko‘rdi. Bu yerda Fransiya va Ispaniyadan keltirilgan eksportbop mevalar...

Ukraina parlamenti yangi qonun qabul qilib, fuqarolarga qo‘sh yoki bir nechta fuqarolikka ega bo‘lish huquqini berdi. Bu haqda Reuters axborot agentligi ma’lum qildi.

Unga ko‘ra, bu qadam urush sabab yuzaga kelgan demografik inqirozni yumshatish va xorijdagi millionlab ukrainaliklar bilan aloqalarni mustahkamlashga qaratilgan.

Avval chet elda yashovchi ukrainlar Ukraina fuqaroligini olish uchun boshqa fuqaroligidan voz kechishi talab etilar edi. Endilikda bu talab bekor qilindi.

Qonun xorijda tug‘ilgan bolalar, nikoh orqali fuqarolik olganlar va Ukraina safida urishayotgan chet elliklar uchun ham soddalashtirilgan tartiblarni belgilaydi. Biroq xorijliklar uchun ukrain tili, tarixi va konstitutsiyasi bo‘yicha test topshirish majburiy bo‘ladi.

Eslatib o‘tamiz, avvalroq G...

Peterburg xalqaro iqtisodiy forumi doirasida «Rosatom»ning Qirg‘izistondagi rahbari Dmitriy Konstantinov Rossiyada odat tusiga kirgan «Qirgiziya» atamasi o‘rniga «Qirg‘iz Respublikasi» nomini rasmiy ravishda qo‘llash tashabbusi bilan chiqdi.

Uch yildirki Qirg‘izistonda yashayotgan Konstantinovning ta’kidlashicha, ikki tomonlama hujjatlar va tadbirlarda mamlakat nomini to‘g‘ri – «Qirg‘iz Respublikasi» deb ishlatish lozim. U bu qadam Rossiya va Qirg‘iziston o‘rtasidagi do‘stona va sheriklik munosabatlarini mustahkamlashga xizmat qilishini qayd etdi.

«Bu ittifoqchimiz suvereniteti va milliy o‘zligini hurmat qilish ifodasidir», – dedi u «Qirg‘iziston – Rossiya» sessiyasida.

Mazkur taklif forum ishtirokchilari o‘rtasida faollik bilan muhokama qilindi, biroq hozircha Rossiya rasmiylaridan bu borada rasmiy...

Shavkat Mirziyoyev Toshkent viloyatining Parkent tumaniga tashrif buyurib, u yerda aholi hayoti, hududning iqtisodiy rivoji va yangi loyihalar bilan yaqindan tanishdi. Bu haqda davlat rahbari matbuot xizmati ma’lum qildi.

Prezident avvalo «Parkentsoy» turarjoy massiviga bordi. Bu loyiha hududni «o‘sish nuqtalari» asosida rivojlantirish, aholiga qulay va zamonaviy turmush sharoitlari yaratish siyosatining namunasi hisoblanadi. Olti gektar maydonda 5,2 ming xonadonli, energiya tejamkor texnologiyalar bilan ta’minlangan ko‘p qavatli uylar bunyod etilmoqda.

Massivda, shuningdek, maktablar, bog‘chalar, bolalar maydonchalari, keng ko‘lamli park va sayilgohlar barpo etilmoqda. Tadbir davomida Parkentdagi infratuzilmani rivojlantirish bo‘yicha chora-tadbirlar ham muhokama qilindi.

Eng katta loyihalardan biri «Baytqo‘rg‘on – Parkent» elektrlashtirilgan...

Toshkent viloyatining Parkent tumanida joylashgan «Ugom-Chotqol» qo‘riqxonasi hududida zamonaviy va milliy an’analarni uyg‘unlashtirgan yangi turistik majmua barpo etilmoqda. Bu haqda hokimlik rasmiy sahifasida ma’lum qildi.

Unga ko‘ra, «MSA Resort» nomi ostida faoliyat yuritadigan ushbu majmua yiliga 20 ming sayyohlarni qabul qilish salohiyatiga ega bo‘ladi.

Majmua tarkibida zamonaviy mehmonxona, milliy taomlar restorani, degustatsiya zali hamda qadimiy Markaziy Osiyo an’analariga mos, ammo zamonaviy qulayliklarga ega o‘tovlar qurilishi ko‘zda tutilgan. Shuningdek, 1000 kishidan ortiq mehmonlarni bir vaqtning o‘zida sig‘dira oladigan tadbirlar maydoni ham tashkil etiladi.

Sayyohlar bu yerda nafaqat tabiat go‘zalliklaridan bahramand bo‘lish, balki uzumchilik va vinochilik madaniyati bilan yaqindan tanishish imkoniyatiga...

Toshkent davlat yuridik universiteti huzuridagi akademik litseylarning iqtidorli bitiruvchilari test sinovlarisiz, suhbat asosida oliy ta’lim muassasalarining «yurisprudensiya» yo‘nalishiga qabul qilinadi. Bu haqda Vazirlar Mahkamasining vaqtinchalik nizomi tasdiqlandi.

Mazkur tartib 2023/2024 va 2024/2025 o‘quv yillaridagi litseylarga qabul qilingan o‘quvchilarga nisbatan tatbiq etiladi.

Bitiruvchilar 20-iyunga qadar maxsus komissiyaga ariza topshiradi Suhbat asosida o‘qishga kirish uchun tavsiya etilishni so‘rashlari mumkin.

Arizaga xorijiy tilni bilish darajasini tasdiqlovchi sertifikatlar va bitiruvchining shaxsiy yutuqlari kiritiladi. Hamda ijtimoiy hayotdagi faolligini ko‘rsatuvchi hujjatlar ilova qilinadi.

Suhbat asosida o‘qishga kirish huquqi dastlabki ikki yil uchun amal qiladi. Suhbatlar har yili 1-iyulgacha tuziladigan komissiya tomonidan o‘tkaziladi va...

Qozog‘istonning yirik savdo tarmog‘i Magnum Cash&Carry O‘zbekistonda 17 ta do‘kon ochishni rejalashtirgan edi. Biroq hozirda faqat uchta do‘kon faoliyat yuritmoqda. Bu haqda EastFruit xabar berdi.

EastFruit tahlilchilarining ta’kidlashicha, bu kompaniyaning O‘zbekistondagi kengayish bo‘yicha avval e’lon qilgan strategiyasidan voz kechganini anglatadi.

Magnum 2021-yil dekabr oyida Toshkentda ikkita gipermarket ochish orqali O‘zbekiston bozoriga kirgan. 2023-yil avgustida kompaniya O‘zbekistondagi Carrefour tarmog‘ining O‘zbekistondagi do‘konlarini boshqargan Majid Al Futtaim LLC Uzbekistan biznesini sotib olgan. Bu orqali do‘konlar sonini yettitagacha oshirgan. Kompaniya vakillari 2024-yilda yana 10 ta savdo nuqtasini ochib, tarmoqlar sonini 17 taga yetkazishini e’lon qilgandi.

Biroq 2024-yil boshidan boshlab ushbu kengayish...

Eron Islom inqilobi soqchilar korpusi Isroilga uyushtirilgan tungi raketa hujumi chog‘ida bu mamlakat havo hududi ustidan nazoratni qo‘lga kiritganini ma’lum qilgan. Bu haqda Eronning IRNA axborot agentligi xabar berdi.

«Bugungi raketa hujumi shuni ko‘rsatdiki, biz bosib olingan hududlar (Isroil) osmoni ustidan to‘liq nazoratni qo‘lga kiritdik. Ularning aholisi Eron raketa hujumlari qarshisida butunlay himoyasiz qoldi», – deyiladi rasmiy bayonotda.

Ma’lumotlarga ko‘ra, Eron ushbu hujumda «Fateh» turkumidagi raketalardan foydalangan.

Eslatib o‘tamiz, Eron urush boshidan buyon Isroilga 370 dan ortiq raketa va yuzlab dronlar yo‘lladi. Rasmiy ma’lumotlarga ko‘ra, Isroilda 24 kishi halok bo‘lgan, 500 dan ortiq...

Boysundagi archazorga tutash uch gektar maydonda sodir bo‘lgan yong‘in qariyb 14 soatda o‘chirildi. Bu haqda Favqulodda vaziyatlar vazirligi xabar berdi.

Kecha, 17-iyun kuni soat 17:45 da Surxondaryo viloyatining Boysun tumani Kengdala o‘rmon xo‘jaligi bo‘limiga qarashli archazorlarga tutash hududda quruq o‘tlar yongan.

Yong‘in-qutqaruv ekipajlari tomonidan yong‘in keng hududlarga tarqalmasdan to‘xtatilgan. Uch gektar maydonni qamrab olgan yong‘in 18-iyun kuni soat 07:10 da to‘liq bartaraf etildi.

Yong‘inni o‘chirish ishlariga FVBdan, O‘rmon xo‘jaligi bo‘limidan, IIBdan va Mudofaa vazirligidan 200 ga yaqin xodimlar jalb qilingan.

Avvalroq Kursiv Uzbekistan «Amirsoy»da yong‘in chiqqani haqida yozgandi.

«Toshkent-Sharqiy» aeroportida 4 kilometr uzunlikdagi uchish-qo‘nish yo‘lagi yangilandi. Bu haqda prezident matbuot xizmati xabar bermoqda. Shavkat Mirziyoyev aeroport qurilishini ko‘zdan kechirdi.

Aeroport rekonstruksiyasi xalqaro talablarga javob beradigan tez va xavfsiz parvozlarni ta’minlashga xizmat qiladi.

Hozirda yuqori martabali mehmonlar va biznes-aviatsiya uchun ikki terminal, perron va angarlar qurilmoqda. Ob-havo yomon bo‘lgan holatlarda ham parvozlarni amalga oshirish uchun ilg‘or texnologiyalar o‘rnatilayotgani qayd etilgan.

Prezident loyiha texnikalari va arxitekturaviy yechimlari bilan tanishgan. Davlat rahbari qurilish ishlarini tezlashtirish, xizmat sifatini oshirish bo‘yicha topshiriqlar bergan.

Avvalroq prezident «Made in Central Asia» savdo belgisini joriy etishni taklif qilgani haqida yozgan edi.

Xalqaro jamoatchilik Ormuz bo‘g‘ozining yopilish ehtimolidan xavotirdaligini bildirdi. Ushbu jarayon 17-iyun kuni Eron va Isroil o‘rtasidagi raketali hujumlar fonida yuz bergan. Bu haqda BBC bir nechta ma’lumotlarni keltirib o‘tdi.

Ormuz bo‘g‘ozi haqida

Bu bo‘g‘oz dunyodagi eng muhim neft tashish yo‘llaridan biri hisoblanadi. AQSh Energetika axborot boshqarmasining ma’lumotiga ko‘ra, u orqali kuniga 20 million barrelga yaqin neft o‘tadi. Bu esa global bozorning qariyb 20 foizini tashkil etadi.

Eron dengiz kuchlari qo‘mondoni mamlakat zarurat tug‘ilganda bo‘g‘ozni yopishni ko‘rib chiqishi mumkinligini aytdi. Britaniya razvedkasi (MI6) sobiq rahbari Aleks Yanger esa bu ssenariyni «eng salbiy holat» deb atab, bo‘g‘ozning yopilishi neft narxlariga...

Sankt-Peterburg xalqaro iqtisodiy forumi 2025 (SPIEF) da AvtoVAZ yangi Lada Azimut krossoverining premyerasini o‘tkazdi. Bu haqda kompaniya saytida ma’lum qilindi.

Ushbu model brendning dizayn konsepsiyasining mantiqiy davomi bo‘ldi va avtomobil ishlab chiqaruvchisining yangi SUV segmentiga kirishidan dalolat beradi. Azimut krossoveri modernizatsiya qilingan Lada Vesta platformasida qurilgan bo‘lib, uning g‘ildirak bazasi 2,55 metrgacha ko‘tarilgan.

Tashqi va ichki dizayn Lada yoshlar jamoasi tomonidan ishlab chiqilgan. Ular krossoverga ifodali va sport ko‘rinishini berdi.

Yon tomonlari X-shaklidagi xarakterli shtamplar bilan bezatilgan bo‘lib, ular brendning o‘ziga xos elementiga aylangan. Lada Azimut krossoveri o‘zining yangilangan «X-uslubi» bilan e’tiborni tortdi.

Tashqi ko‘rinish hozirgi zamon elektron...

Teleboshlovchi Taker Karlson Telegram asoschisi Pavel Durov bilan suhbatda O‘zbekistonga borishdan hech kim qo‘rqmasligini aytdi. Uning so‘zlariga Podrobno jurnalistlari e’tibor qaratdi.

Durov bilan Karlson qaysi mamlakatlarni, haqiqatan ham, xavfsiz deb hisoblash mumkinligini muhokama qilishdi. Natijada amerikalik jurnalist shunday xulosaga keldi: ko‘pchilik qoloq va erkin bo‘lmagan mamlakatlar ko‘pincha xavfsizroq bo‘lib chiqadi.

«Men O‘zbekistonni reklama qilmayman, u yerda hech qachon bo‘lmaganman. Ammo men O‘zbekistonga borishdan juda qo‘rqaman, degan odamni hech qachon uchratmaganman», – deya tushuntirdi Taker Karlson.

Bunga javoban Pavel Durov jurnalistga o‘tgan yozda O‘zbekistonda bo‘lganini va safaridan mamnun bo‘lganini eslatdi.

Avvalroq Kursiz Uzbekistan Telegram’da...

O‘zbekiston valyuta birjasi (UZCE) ma’lumotlariga ko‘ra, 18-iyun kuni dollar kursi 49,51 so‘mga pasayib, 12 618,63 so‘m qilib belgilandi.

Shuningdek, Markaziy bank ma’lumotlariga ko‘ra, yevro 124,10 so‘mga pasayib, 14 516,47 so‘mni, rubl esa 0,32 so‘mga pastlab, 160,83 so‘mni tashkil qildi.

Qaysi banklarda AQSh valyutasini qulay narxlarda almashtirish mumkin?

Shuningdek, «Pultop» kanali ma’lum qilishicha, 18-iyun kuni soat 15:30 holatiga ko‘ra dollarning maqbul kurslari quyidagi banklarda kuzatilgan:

Banklarga sotish (USD – UZS):

Banklardan...

Raqobatni qo‘mitasi tomonidan o‘tkazilgan monitoring natijasida mamlakat bo‘ylab 2,8 mingdan ortiq avtobus bekatlarida turli muammolar mavjudligi ma’lum bo‘ldi. Aniqlangan kamchiliklarni bartaraf etish bo‘yicha Transport vazirligi, Qoraqalpog‘iston Vazirlar Kengashi hamda viloyat hokimliklariga tegishli topshiriqlar yuborilgan.

Qo‘mita o‘z tekshiruvlari davomida bekatlarda belgilangan talablar va qulayliklar yetarlicha ta’minlanmaganini qayd etdi. Ayrim joylarda kutish pavilyonlari har tomonlama yopilmagan bo‘lib, yo‘lovchilar sovuq yoki issiq havodan himoyalanmagan.

Yana bir qator bekatlarda savdo shoxobchalari bevosita kutish joylarining ichida joylashgan. Ko‘plab bekatlarda nogironlar uchun mo‘ljallangan panduslar o‘rnatilmagan, elektr yoritgichlar yetishmaydi, pavilyonlar umuman mavjud emas, bekat nomlari va yo‘nalish raqamlari ko‘rsatilmagan holatlar ham aniqlangan.

Amaldagi davlat standarti...

Ijtimoiy tarmoqlarda chigirtkalar to‘y marosimiga hujum qilgani aks etgan videolar tarqaldi. Dastlab bu holatning O‘zbekistonda yuz bergani taxmin qilingan edi. Biroq rasmiy tekshiruvlar natijasida mazkur hodisa Turkmanistonning Lebop viloyatida ro‘y bergani aniqlandi. Bu haqda O‘simliklar karantini va himoyasi agentligi ma’lum qildi.

Ma’lum bo‘lishicha, Turkmaniston O‘simliklarni himoya qilish xizmati rahbari o‘rinbosari Xo‘jageldi Gudjumov telefon orqali bergan ma’lumotga ko‘ra, chigirtkalar to‘dasi to‘y marosimi chiroqlariga yopirilgan.

Lebop viloyati O‘simliklarni himoya qilish bo‘limi rahbari Arslan Durdigilidjov bu holatni tasdiqlagan va hududda kimyoviy ishlov berilganini ma’lum qilgan.

Avvalroq Kursiv Uzbekistan Qoraqalpog‘istonning ayrim hududlarida chigirtkalar ko‘paygani haqida xabar bergandi.

Mutaxassislarning ma’lum qilishicha, bu...