Yangiliklar

BYD’ning ikkinchi avlod megavattli tezkor zaryadlash tizimiga oid ma’lumotlar paydo bo‘ldi. Bu haqda CarNewsChina xabar bermoqda. Yangi tizim maksimal 1 500 kVt quvvat va 1 500 amper tokni qo‘llab-quvvatlaydi.

Texnik ma’lumotlarga ko‘ra, yangi megavattli zaryadlash stansiyalari 1 000 voltgacha bo‘lgan doimiy tok kuchlanishida ishlaydi. Kirish quvvati esa 2 100 kVtgacha yetadi. Bunday yechim elektr tarmog‘iga tushadigan yukni boshqarish hamda yuqori kuchlanishli elektromobillarda zaryadlash vaqtini sezilarli qisqartirishga qaratilgan.

Xitoylik texnoblogerlar tarqatgan ma’lumotlarda aytilishicha, ikkinchi avlod stansiyalari real sharoitda 1 360 kVtgacha quvvat bera oladi. Bu 10C va undan yuqori tezlikda zaryadlashni ta’minlaydi. Taxminlarga ko‘ra, atigi besh daqiqada elektromobilga qariyb...

Tesla kompaniyasi AQShda eng ko‘p sotiladigan Model Y SUVning yangi AWD (all-wheel drive) variantini taqdim etdi. Yangi modelning narxi $41,9 ming, deya xabar bermoqda Reuters.

Bu yangilik Tesla kompaniyasining oktabr oyida chiqarilgan arzonroq «Standard» Model Y va Model 3 sedanlaridan so‘ng e’lon qilindi. Ushbu versiyalar avvalgi bazaviy modellardan taxminan $5 ming arzonroq bo‘lib, Tesla 2026-yil strategiyasining muhim qismi hisoblanadi. Maqsad – yangi ommaviy bozor avtomobilini kutmasdan, ko‘proq xaridorlarni jalb qilish.

Shuningdek, kompaniya bosh direktori Ilon Mask Tesla Model S va Model X sedanlarini ishlab chiqarishni to‘xtatib, Kaliforniyadagi zavodda joyni gumanoid robotlar ishlab chiqarishga yo‘naltirishini ma’lum qildi.

Eslatib o‘tamiz...

Kanadada 2027-yilga mo‘ljallangan Chevrolet Bolt elektromobilining rasmiy energiya samaradorligi ko‘rsatkichlari chop etildi. Bu haqda GMAutority xabar bermoqda.

Kanadaning Natural Resources Canada tashkiloti bahosiga ko‘ra, 2027-yilgi Bolt aralash siklda 17,5 kVt/soat/100 km energiya sarflaydi. Shahar sharoitida bu ko‘rsatkich 15,6 kVt/soat/100 km, trassada esa 19,8 kVt/soat/100 km ni tashkil etadi. Rasmiy yurish masofasi 422 km etib belgilangan. Bu avvalgi Bolt EV va Bolt EUV modellari bilan solishtirganda biroz yaxshiroq natija hisoblanadi.

Yonilg‘i ekvivalenti bo‘yicha ham Bolt kuchli natijalarni ko‘rsatdi. Aralash siklda ko‘rsatkich 118 MPGe ga teng. Shahar rejimida 131 MPGe, trassada esa 107 MPGe qayd etilgan. Bu ko‘rsatkichlar arzon elektromobillar segmentida...

AQSh va Hindiston o‘rtasida yangi savdo kelishuviga erishildi. Hindiston mahsulotlariga qo‘llaniladigan AQSh bojxona stavkalari 50% dan 18% gacha pasaytirildi. Buning evaziga Hindiston Rossiya nefti sotib olishni to‘xtatadi va savdo to‘siqlarini kamaytiradi.

AQSh prezidenti Donald Tramp kelishuvni Hindiston Bosh vaziri Narendra Modi bilan telefon orqali muloqot qilgandan so‘ng e’lon qildi. Hindiston endi neftni AQShdan sotib oladi va texnologiya, qishloq xo‘jaligi mahsulotlari va energiya resurslarini xarid qiladi.

Kelishuv xabari e’lon qilinishi bilan AQShda ro‘yxatga olingan Hindiston kompaniyalarining aksiyalari ko‘tarildi. Masalan, Infosys 4,3%, Wipro 6,8%, HDFC Bank 4,4% ga oshdi, iShares MSCI India ETF esa 3% ko‘tarildi.

Tramp Hindistonning AQShga nisbatan...

Qimmatbaho metallar bozorining qulashiga xitoylik treyderlarning spekulyatsiyalari sabab bo‘lgan. Bu haqda Bloomberg xabar berdi.

O‘tgan oyda qimmatbaho metallar narxi sezilarli darajada oshdi, ammo to‘satdan narxlar pasayib ketdi. Yanvar oyida qimmatbaho metallar, xususan, oltin va kumush narxlarining keskin ko‘tarilishi kuzatildi va bu oy oxirida eng yuqori cho‘qqisiga chiqdi. Biroq o‘tgan oy oxirida bozor quladi: kumush bir savdo kunida taxminan 26 foizga, oltin esa taxminan 9 foizga pasaydi. Eng barqaror aktivlardan biri hisoblangan qimmatbaho metallar bozoridagi bunday to‘satdan va sezilarli o‘sish ko‘plab treyderlar uchun kutilmagan holat bo‘ldi.

Agentlikka ko‘ra, qimmatbaho metallar bozorining qulashiga xitoylik treyderlarning spekulyatsiyalari sabab bo‘lgan. Nashrning ta’kidlashicha...

Prezidentning «Jizzax viloyatida sanoat va qishloq xo‘jaligi boshqaruvini takomillashtirishga oid qo‘shimcha chora-tadbirlar to‘g‘risida»gi qarori qabul qilindi. Hujjatga ko‘ra, viloyat hokimligi tuzilmasi doirasida ikki yangi hokim o‘rinbosari lavozimi joriy etiladi.

Endilikda o‘rinbosarlardan biri tog‘li hududlar va yaylovlarni rivojlantirish, investitsiya va savdo masalalari uchun, ikkinchisi esa dasht va cho‘l hududlarida sanoatni rivojlantirish, investitsiya va savdo yo‘nalishlari uchun mas’ul bo‘ladi. Yangi lavozimlar mavjud shtat birliklari hisobidan kiritiladi.

Qaror bilan 2026-yildan ushbu hokim o‘rinbosarlari faoliyatini baholashda natijaga yo‘naltirilgan boshqaruv tizimi tajriba-sinov tariqasida joriy etilishi belgilandi. Ularning ish samaradorligi KPI ko‘rsatkichlari asosida baholanadi. KPI hududlarda sanoatni rivojlantirish va investitsiyalarni jalb qilish bo‘yicha strategik maqsadlardan...

Banklar 3-fevral kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Geely kompaniyasining EX2 ixcham elektr xetchbeki 2025-yilda Xitoy bozorida 466 ming donaga yaqin sotilib, mamlakatdagi eng ko‘p sotilgan yengil avtomobilga aylandi. Bu haqda Bike-ev nashri xabar berdi.

Bu natija bilan u nafaqat elektromobillar, balki gibrid va benzinli mashinalarni ham ortda qoldirdi. Eng e’tiborlisi, so‘nggi yillarda SUVlar hukmron bo‘lgan Xitoy bozorida ilk bor aynan xetchbek kuzovli model yil yetakchisiga aylandi.

Xitoyda Geely Galaxy Xingyuan nomi bilan sotiladigan EX2 atigi bir yil ichida bozorda katta muvaffaqiyatga erishdi. Model ketma-ket yetti oy davomida oyiga 40 ming donadan ortiq sotilib, 2025-yil sentabr oyida 50 mingdan ziyod savdo bilan rekord qayd etdi. Shu tariqa...

Italiyaning Rim shahridagi eng mashhur diqqatga sazovor joylardan biri bo‘lgan Trevi favvorasiga kirish pullik tartibga o‘tkazildi. Shahar hokimiyati bu orqali turistlar oqimini kamaytirish va tartibga solishni maqsad qilgan. Bu haqda Reuters nashri xabar berdi.

Endilikda favvoraga kirish uchun 2 yevro to‘lash talab etiladi. Kirish to‘lovi ish kunlari soat 11:30 dan 22:00 gacha, dam olish kunlari esa 9:00 dan 22:00 gacha amal qiladi. Rim aholisi, nogironligi bo‘lgan shaxslar va ularning hamrohlaridan, shuningdek, 6 yoshgacha bo‘lgan bolalardan to‘lov undirilmaydi.

Shahar ma’muriyati pullik kirish tartibi turistlar harakatini yanada tartibli qilishiga umid bildirmoqda. Rasmiy baholarga ko‘ra, Trevi favvorasi yiliga shahar budjetiga qariyb...

AnTuTu benchmarki 2026-yil yanvar oyidagi eng kuchli subflagman smartfonlar reytingini e’lon qildi.

Reytingda birinchi o‘rinni yaqinda taqdim etilgan va 10 000 mAh batareyaga ega Honor Power 2 subflagmani egalladi. Ushbu model MediaTek Dimensity 8500 Elite protsessori bilan jihozlangan.

Ikkinchi o‘rinda Oppo Reno15 modeli bo‘lib, qurilma Dimensity 8400-Max asosida ishlaydi. Uchinchi o‘rinni esa xuddi shu protsessorga ega Oppo Reno15 Pro egalladi. Qizig‘i shundaki, Oppo kompaniyasining Oppo Reno 14 Pro va Oppo Reno14 modellari ham kuchli o‘ntalikdan (to‘rtinchi va yettinchi o‘rinda) joy oldi.

Bundan tashqari, iQOO Z10 Turbo beshinchi, Redmi Turbo 4 oltinchi, Redmi Note 12 Turbo smartfoni esa...

Litvada qurilish yo‘nalishida ishlash istagida bo‘lgan erkaklar uchun yangi ish imkoniyatlari e’lon qilindi. Bu haqda Migratsiya agentligi ma’lum qildi.

Ma’lumotlarga ko‘ra, qurilish sohasida 10 dan ortiq mutaxassislik bo‘yicha xodimlar talab etiladi. Jumladan, beton quyuvchi, monolitchi, elektrik, g‘isht teruvchi, payvandchi, kafelchi, gipsakarton ustasi, armaturachi, opalubka ustasi, santexnik, tom yopuvchi hamda boshqa qurilish mutaxassislari ishga taklif qilinmoqda.

Ish joyi Litva hududida joylashgan. Mehnat shartnomasi muddati 1 yildan 3 yilgacha etib belgilangan. Jami 100 ta ish o‘rni mavjud bo‘lib, oylik maosh ish tajribasi va malakaga qarab $1 mingdan boshlanadi.

Ish beruvchi tomonidan turarjoy taqdim etiladi. Nomzodlar bilan rasmiy mehnat shartnomasi tuziladi va...

Asli o‘zbekistonlik bo‘lgan tadbirkor Iskandar Mahmudov Bloomberg Billionaires Index reytingida 405-o‘rinni egalladi. Uning boyligi $9,04 mlrdga baholanmoqda.

Iskandar Mahmudov Rossiyadagi mis va ko‘mir ishlab chiqaruvchi yirik kompaniyalardan biri Ural tog‘-metallurgiya kompaniyasi asoschisi hisoblanadi. 2023-yil yakunlariga ko‘ra, kompaniya daromadi $3,2 mlrdni tashkil etgan.

Shuningdek, tadbirkor temiryo‘l texnikasi ishlab chiqaruvchi «Transmashxolding» va neft sohasida faoliyat yurituvchi «Transoyl» logistika kompaniyasida ham ulushlarga ega.

Yil boshidan buyon Mahmudov boyligi $1,17 mlrdga oshgan. Biroq so‘nggi savdo kunida uning boyligi $292 mlnga kamaygan.

Eslatib o‘tamiz, avvalroq Alisher Usmonovning boyligi 2025-yilda $19,3 milliardga yetgani haqida xabar berilgandi. Unga ko‘ra, Usmonovning boyligi o‘tgan yilga nisbatan...

Indoneziya poytaxti Jakarta shahrida futzal bo‘yicha Osiyo kubogi – 2026 musobaqasining chorak final bahslari start oladi. Dastlabki o‘yinda O‘zbekiston milliy terma jamoasi qit’a yetakchisi Eron termasiga qarshi bahs olib boradi.

Uchrashuv oldidan O‘zbekiston terma jamoasi uchun ajratilgan kiyinish xonasi shay holatga keltirilgan bo‘lib, futzalchilar maydonga ko‘k rangli liboslarda chiqadi. Tarixiy statistikaga ko‘ra, ikki jamoa rasmiy musobaqalar doirasida 14 marotaba to‘qnash kelgan va barcha o‘yinlarda eronliklarning qo‘li baland kelgan.

So‘nggi yirik to‘qnashuv 2024-yilgi Osiyo kubogi yarim finalida kuzatilgan bo‘lib, unda o‘yin 3:3 hisobida yakunlangan va Eron penaltilar seriyasi (5:4)da g‘alaba qozongandi. Eron futzal bo‘yicha Osiyo qit’asining mutlaq yetakchisi hisoblanadi. Forslar...

Buxoro va Surxondaryo viloyatlarida chiqindilarni yoqish orqali elektr energiyasi ishlab chiqaradigan zamonaviy zavodlar qurilishi boshlandi. Chiqindilarni boshqarish agentligi 2-fevral kuni ushbu loyihalarga rasmiy ravishda tamal toshi qo‘yilganini ma’lum qildi.

Unga ko‘ra, Buxoro viloyatining Kogon tumani Guliston mahallasida Xitoyning Wangneng Environment kompaniyasi ishtirokida $140 mln miqdorida investitsiya hisobiga zavod barpo etiladi. Ushbu korxona yiliga 547,5 ming tonna maishiy chiqindini qayta ishlab, 230 mln kVt/soat elektr energiyasi ishlab chiqarishi rejalashtirilgan. Bu orqali zavodda 150 ta yangi ish o‘rni yaratiladi.

Surxondaryo viloyatining Angor tumani Bahor mahallasida esa Xitoyning CHSET kompaniyasi tomonidan $150 mln investitsiya hisobiga chiqindi yoqish zavodi quriladi. Bu zavod yiliga...

Samsung kompaniyasi Samsung Galaxy S26 flagmanlari narxini oshirmaslikni rejalashtirmoqda. Bu haqda Tech Maniacs xabar berdi. Galaxy S26, S26 Plus va S26 Ultra modellari Galaxy S25 seriyasi bilan deyarli bir xil narxlarda taqdim etiladi.

Manbalar avval tarqalgan, smartfonlar 200 – 300 yevroga qimmatlashadi degan xabarlarni inkor qildi. Eng qimmat Galaxy S26 Ultra’ning bazaviy narxi o‘zgarishsiz qoladi. Biroq katta xotiraga ega konfiguratsiyalar biroz qimmatlashishi mumkin.

Oddiy Galaxy S26 modeli bo‘yicha vaziyat qiziqroq. Agar kompaniya 256 GB’ni asosiy xotira hajmi sifatida tanlasa, narx ozgina oshishi ehtimoli bor. Shu bilan birga, Galaxy S26 va S26 Plus’ning 512 GB xotirali versiyalari biroz arzonlashishi ham...

Ijtimoiy tarmoqlarda yerusti metro liniyasi ostida to‘xtab turgan avtomobil ustiga yuqoridan suvoq bo‘lagi tushib, transport vositasiga yengil zarar yetgani haqida xabarlar tarqaldi. Holat yuzasidan «Toshkent metropoliteni» rasmiy munosabat bildirdi.

Unga ko‘ra, hodisa «Yerusti halqa» yo‘nalishining Qo‘yliq va Yangiobod bekatlari oralig‘ida sodir bo‘lgan. Metro harakati davomida yuzaga keladigan tabiiy tebranishlar ta’sirida metro yo‘lining yuqori qismidagi fasad suvoq qatlamidan kichik bo‘lak ajralib tushib, metro liniyasi ostida to‘xtab turgan avtomobilga yengil zarar yetkazgan.

Holat aniqlangach, metropoliten xodimlari tomonidan hudud zudlik bilan ko‘zdan kechirilib, fasad qismi to‘liq ta’mirlangan hamda xavfsizlik choralariga doir qo‘shimcha nazorat ishlari olib borilgan. Ta’kidlanishicha, metro inshootlari belgilangan texnik talablar...

«O‘zbekiston temir yo‘llari» AJ Ispaniyaning «Talgo» kompaniyasi bilan 10 yillik kelishuvga erishdi. Bu haqda «Dunyo» AA ma’lum qildi.

Mazkur kelishuv respublikadagi mavjud oltita «Talgo-250» rusumli poyezd parkiga texnik xizmat ko‘rsatishni nazarda tutadi. «International Railway Journal» nashrining yozishicha, shartnomaning qiymati taxminan 80 mln yevroni tashkil etadi.

O‘zbekistonda «Talgo-250» poyezdlari 1520 mm kenglikdagi temir yo‘l izlarida soatiga 230 kilometr tezlikda harakat qilmoqda. Poyezdlar soatiga 275 kilometrgacha tezlikka ega va «Talgo» kompaniyasining passiv qiyalik texnologiyasi bilan jihozlangan.

Ma’lumot uchun, O‘zbekiston va «Talgo» o‘rtasidagi hamkorlik 2009-yilda boshlangan bo‘lib, dastlabki ikkita poyezd 2011-yilda foydalanishga topshirilgan. Keyinchalik, 2017 va 2021-yillarda yangi poyezdlar...

2025-yilning to‘rtinchi choragi yakunlariga ko‘ra, yengil avtomobillarning qiymat saqlash ko‘rsatkichlari bo‘yicha yangilangan hisobot e’lon qilindi. Tadqiqot natijalari mashhur Xitoy krossoverlari orasida egalariga keyingi sotuvda Geely Coolray va Haval Jolion modellari foydali deb topildi.

Geely Coolray

Geely krossoveri ikki yillik foydalanishdan so‘ng qiymatini eng yaxshi saqlovchi model sifatida ajralib turadi. 2025-yil oxirida ikki yillik Coolray’ning o‘rtacha narxi $26,5 mingni tashkil etdi, bu yangi avtomobil narxining 72,62% ga teng.

Egalar uchun bu shuni anglatadiki, yangi Coolray’ga o‘tish uchun joriy bozor narxining atigi 27,38% ini qo‘shimcha to‘lash kifoya qiladi. Shu bilan mashina egasi minimal xarajat bilan avtomobilni yangilash imkoniga ega...

Yangilangan Jetour T2 krossoveri bir nechta mamlakatlarda sotuvga chiqarildi. Model tashqi va ichki dizayndagi kichik yangilanishlar bilan taqdim etilgan.

Yangilangan Jetour T2 uchta komplektatsiyada taklif etiladi. Bular Voyage, Expedition va Discovery versiyalaridir. Ishlab chiqaruvchi tavsiya qilgan boshlang‘ich narx Rossiyada 3,9 mln rublni ($51 ming) tashkil etadi.

Tashqi ko‘rinishda rang aksentlariga o‘zgartirish kiritilgan. Oldingi relinglar, tortish ilgaklari va g‘ildirak disklarda qo‘llanilgan salat rangli dekor elementlari endi qora rangda taqdim etilgan. Discovery versiyasida disklar ustidagi dekorativ vintlar olib tashlanib, disk markazidagi tiqin ham salat rangdan qora rangga almashtirilgan.

Radiator panjarasidagi yoritiladigan logotip yangilanishini ko‘rish mumkin. Kapotdagi dekorativ tutqichlar va yukxona eshigi...

Xitoy elektromobillarda keng tarqalgan yashirin eshik tutqichlari dizaynini rasman taqiqlagan dunyodagi ilk davlat bo‘ldi. Bu haqda Bloomberg nashri xabar berdi.

Mamlakat Sanoat va axborot texnologiyalari vazirligi tomonidan e’lon qilingan yangi xavfsizlik qoidalariga ko‘ra, 2027-yil 1-yanvardan boshlab Xitoyda sotiladigan barcha elektromobillar ichki va tashqi tomondan mexanik tarzda ochiladigan eshik mexanizmlariga ega bo‘lishi shart.

Mazkur qaror bir qator og‘ir avtohalokatlardan so‘ng qabul qilindi. Xususan, Xitoyda Xiaomi kompaniyasiga tegishli ikkita elektromobil ishtirokidagi yong‘inli YTHlarda elektr ta’minoti uzilib, eshiklar ochilmagani sabab odamlar avtomobildan chiqib keta olmagan bo‘lishi mumkinligi aytilgan. Shu holatlar yashirin va elektrga bog‘liq eshik tutqichlarining xavfsizligi masalasini keskin kun tartibiga olib...

Ijtimoiy tarmoqlarda «layk» yig‘ish yoki obunachilar sonini oshirish maqsadida sodir etilayotgan huquqbuzarliklar ma’muriy javobgarlikka sabab bo‘lishi mumkin. Bu bo‘yicha tegishli qonun loyihasi Oliy Majlis Qonunchilik palatasidagi siyosiy partiyalar fraksiyalari yig‘ilishida birinchi o‘qishda muhokama qilindi.

Qonun loyihasida internet va ijtimoiy tarmoqlar orqali fuqarolarning sha’ni va qadr-qimmatini kamsitish, haqorat qilish, uyatli so‘zlar bilan so‘kish kabi mayda bezorilik holatlari uchun ma’muriy javobgarlik belgilash taklif etilmoqda.

Shuningdek, e’tibor qozonish, «layk» to‘plash yoki obunachilarni ko‘paytirish maqsadida huquqbuzarlik sodir etish, ushbu holatni tasvirga olib internet tarmoqlarida tarqatish orqali qonun-qoidalarni mensimaslikni targ‘ib qilgan shaxslarga nisbatan ham ma’muriy jarima qo‘llash nazarda tutilgan.

Avvalroq Kursiv Uzbekistan Abdulloh domlaning...

Xiaomi kompaniyasi Xiaomi 17 Ultra flagmanini global bozorga chiqarishga tayyorlanmoqda. Bu haqda GSMArena xabar bermoqda. Ma’lum bo‘lishicha, smartfon Yevropa bozorida avvalgi avlod narxida sotuvga chiqadi.

Ma’lum bo‘lishicha, qurilma 1500 yevrodan taklif etiladi. Xiaomi 15 Ultra ham aynan shu narxda sotuvni boshlagan edi.

Xiaomi 17 modeli ham qimmatlashmagan. U Yevropada 1000 yevrodan taklif etiladi. Bu qaror xotira narxlari oshganiga qaramay qabul qilingan.

Xitoy bozorida Xiaomi 17 Ultra narxi ancha past. Yevropada asosiy xotira konfiguratsiyasi bo‘lmaydi. 12/512 GB versiya taklif etilmaydi. Faqat 16/512 GB varianti sotiladi. Xitoyda ushbu model narxi $1,06 mingni tashkil etadi.

Yevropa bozori uchun batareya sig‘imi yana qisqartirilgan...

«Manchester City» rasmiy saytida yanvar oyi yakunlariga ko‘ra, oy futbolchisi sovrini uchun nomzodlar e’lon qilindi. Ular orasida o‘zbekistonlik himoyachi Abduqodir Husanov ham bor.

Klub ma’lumotiga ko‘ra, Husanov ushbu sovrin uchun yarimhimoyachi Bernardo Silva va darvozabon Janluiji Donnarumma bilan birga kurash olib bormoqda. Muxlislar rasmiy platforma orqali eng yaxshi futbolchi uchun ovoz berishlari mumkin.

21 yoshli himoyachi so‘nggi vaqtlarda «shaharliklar» asosiy tarkibida barqaror o‘yin namoyish etmoqda. U ketma-ket sakkiz uchrashuvdan beri maydonga tushib kelmoqda. Yanvar oyida bo‘lib o‘tgan to‘qqizta bahsning sakkiztasida Abduqodir Husanov jamoa safida to‘liq yoki asosiy tarkibda ishtirok etdi.

Avvalroq Kursiv Uzbekistan Husanov to‘liq harakat qilgan bahsda «Manchester...

AnTuTu 2026-yil yanvar oyidagi eng kuchli smartfonlar reytingini e’lon qildi. Reyting yuqori ishlash ko‘rsatkichlariga ega qurilmalarni namoyish etadi.

Birinchi o‘rinni Red Magic 11 Pro+ egalladi. Ushbu flagman tekis ekran va kombinatsiyalangan sovitish tizimi – ventilyator va suyuq sovitish bilan jihozlangan bo‘lib, Snapdragon 8 Elite Gen 5 protsessorining maksimal quvvatini ta’minlaydi.

Ikkinchi o‘rinni Vivo X300 Pro egalladi, u SoC Dimensity 9500 chipi bilan jihozlangan. Reyting shuni ko‘rsatadiki, to‘g‘ri sovitish tizimi orqali Dimensity 9500 ishlashi Snapdragon 8 Elite Gen 5 bilan raqobat qila oladi. Uchinchi o‘rinni Realme GT8 Pro band etdi.

Reytingda, shuningdek, iQOO 15 (4-o‘rin), Magic8 Pro, Win va...