Yangiliklar

14–18-sentabr kunlari O‘zbekiston bo‘yicha iliq ob-havo saqlanib turadi. Kunduzgi harorat asosan 28–33 daraja, janubiy hududlarda esa 35–37 darajagacha ko‘tarilishi kutilmoqda.

«O‘zgidromet»ga ko‘ra, hafta davomida havo harorati sentabr oyi o‘rtasi uchun xos bo‘lgan iqlimiy me’yorlarga yaqin bo‘ladi. Kechalari harorat 13–18 daraja atrofida bo‘lishi prognoz qilinmoqda.

Ayrim hududlarda yomg‘ir yog‘ishi mumkin

Respublikaning katta qismida yog‘ingarchilik kutilmaydi. Faqat 16-sentabr kuni Farg‘ona vodiysining ayrim joylarida qisqa muddatli yomg‘ir yog‘ishi va momaqaldiroq bo‘lishi mumkin.

Tog‘li hududlarda esa 14–17-sentabr kunlari ayrim joylarda qisqa muddatli yomg‘ir yog‘ishi ehtimoli bor.

Shamol kuchayishi mumkin

Shamol tezligi asosan 7–12 metr/soniyani tashkil etadi.

16-sentabr kuni ayrim hududlarda shamol...

O‘zbekistonda sud ishlarini hal etishga noqonuniy aralashganlik uchun javobgarlik choralari aniqlashtirildi. Bu haqda Adliya vazirligi xabar bermoqda.

Sudyaga noqonuniy ta’sir o‘tkazish jinoyat hisoblanadi

Jinoyat kodeksiga kiritilgan o‘zgartirishlarga ko‘ra, sud ishlarini hal etishga aralashish deganda muayyan ishning har tomonlama, to‘liq va xolis ko‘rib chiqilishiga to‘sqinlik qilish yoki adolatsiz hukm, hal qiluv qarori, ajrim yoxud boshqa qaror chiqarilishiga erishish maqsadida sudya yoki xalq maslahatchisiga turli shakllarda noqonuniy ta’sir o‘tkazish tushuniladi.

Bunday harakatlar uchun uch yilgacha axloq tuzatish ishlari, bir yildan uch yilgacha ozodlikni cheklash yoki uch yilgacha ozodlikdan mahrum qilish jazosi qo‘llanishi mumkin.

Sud binosida tartibni buzish uchun ham...

Ruminiya futbol federatsiyasi (FRF) yoshlar o‘rtasidagi musobaqalarda muxlislar va ota-onalarning nomaqbul xatti-harakatlariga qarshi yangi tartib joriy qildi. Endilikda hakamlar tribunadagi tajovuzkor yoki bosim o‘tkazuvchi xatti-harakatlar davom etsa, o‘yinni butunlay to‘xtatish uchun qora kartochka ko‘rsatishi mumkin. Bu haqda AS xabar berdi.

Qora kartochka nima uchun joriy qilindi

Yangi tartib 7 yoshdan 16 yoshgacha bo‘lgan futbolchilar ishtirokidagi musobaqalarga tatbiq etiladi.

FRF bu qaror orqali bolalar o‘yinlari vaqtida ota-onalar va muxlislarning bosimi, haqorati hamda janjalli xatti-harakatlariga chek qo‘yishni maqsad qilgan.

Federatsiya «bolalar tribunadagi kattalarning ambitsiyasi, bosimi yoki noroziligi qurboniga aylanmasligi kerak», degan pozitsiyani ilgari surmoqda.

FRF ma’lumotiga...

O‘zbekistonda muddatli harbiy xizmatga chaqirilayotgan va kontrakt bo‘yicha harbiy xizmatga qabul qilinayotgan fuqarolarni giyohvandlik vositalari bo‘yicha tibbiy tekshiruvdan o‘tkazish tartibi belgilandi. Bu haqda Adliya vazirligi xabar bermoqda.

Tekshiruv maxsus markazlarda o‘tkaziladi

Tibbiy tekshiruv Respublika sud-tibbiy ekspertiza ilmiy-amaliy markazi hamda uning hududiy filiallarida amalga oshiriladi.

Muddatli harbiy xizmatga chaqirilayotgan fuqarolar hududiy harbiy-tibbiy komissiyaga yuborilishidan oldin tekshiruvdan o‘tadi.

Kontrakt bo‘yicha harbiy xizmatga qabul qilinayotgan fuqarolar esa harbiy-tibbiy muassasada tibbiy ko‘rikdan o‘tishidan avval mazkur tekshiruvdan o‘tkaziladi.

Tekshiruv ikki bosqichda amalga oshiriladi

Tibbiy tekshiruv dastlab ekspress-test orqali o‘tkaziladi. Bunda fuqaroning siydik namunasi tekshiriladi. Agar ekspress-test ijobiy natija ko‘rsatsa, siydik va yoki...

Indoneziyada 243 kishini olib ketayotgan Virgo Transport 8 paromi Yava dengizida noqulay ob-havo sabab cho‘kib ketdi. Rasmiy ma’lumotlarga ko‘ra, hodisa oqibatida olti kishi halok bo‘lgan, 107 kishi qutqarilgan, yana qariyb 130 yo‘lovchi bedarak yo‘qolgan.

Parom Surabayadan Banjarmasinga yo‘l olgan

Virgo Transport 8 mamlakatning ikkinchi yirik shahri Surabayadan Borneo orolidagi Janubiy Kalimantan provinsiyasi markazi Banjarmasinga ketayotgan edi.

Kema shanba kuni mahalliy vaqt bilan 10:13 da yo‘lga chiqqan. Yakshanba kuni erta tongda ob-havo yomonlashgani fonida operator parom bilan aloqani yo‘qotgan. Kema yakshanba kuni soat 14:00 atrofida Banjarmasinga yetib borishi kerak edi.

Qidiruv-qutqaruv ishlari davom etmoqda

Operator hodisa haqida rasmiylarga...

Xorazm viloyatida Qo‘shko‘pir tumani qurilish va uy-joy kommunal xo‘jaligi bo‘limi boshlig‘i R.A. fuqaroning noturar binosini turar joy toifasiga o‘tkazib berishni va’da qilib, $700 va 3,6 mln so‘m olayotgan vaqtida ushlandi. Bu haqda Bosh prokuratura huzuridagi departament xabar berdi. 

Bo‘lim boshlig‘i $1 ming so‘ragan

Departamentning Xorazm viloyati boshqarmasi va boshqa huquqni muhofaza qiluvchi organlar hamkorligida tezkor tadbir o‘tkazilgan.

Tadbir davomida R.A. fuqaro J.P.ga tegishli noturar binoni turar joy toifasiga o‘tkazib berishni va’da qilgan. Buning uchun u $1 ming talab qilgan.

Bo‘lim boshlig‘i bu ishni viloyat qurilish va uy-joy kommunal xo‘jaligi bosh boshqarmasida ishlovchi tanishlari orqali hal qilib...

«An-Nasr» hujumchisi Krishtianu Ronaldu «Al-Hilol» yarim himoyachisi Ruben Nevesga nisbatan marhum futbolchi Diogo Jota nomi bilan aytilgan haqoratli hayqiriqlar ortidan muxlislarni umrbod stadionlarga kiritmaslikka chaqirdi. Bu haqda Reuters xabar berdi. 

Muxlislar Jota nomini hayqirgan

Voqea 12-sentabr kuni Saudiya Pro ligasining «At-Ta’vun» va «Al-Hilol» o‘rtasidagi uchrashuvi vaqtida yuz bergan. Tribunadan olingan va ijtimoiy tarmoqlarda tarqalgan videolarda ayrim muxlislar «Jota» deb hayqirgani ko‘ringan.

Bunga Ruben Neves munosabat bildirgan. U ko‘ziga ishora qilib, so‘ng osmonga qaragan.

Uchrashuvdan keyin aralash zona orqali o‘tayotgan Neves: «Umid qilamanki, ular keyin ibodat qilish uchun bormaydi», deya izoh bergan.

Ronaldu keskin munosabat bildirdi

Janubiy Koreyaning ROBOTIS kompaniyasi O‘zbekistonda gumanoid robotlar ishlab chiqaradigan zavod qurish uchun qariyb $100 mln investitsiya kiritmoqda. Loyiha Toshkent shahridagi «Yangi avlod» maxsus sanoat zonasida amalga oshirilmoqda. Bu haqda Janubiy Koreyaning O‘zbekistondagi elchisi Von Do Yon «O‘zbekiston 24» telekanalining «Tahlilnoma» dasturiga bergan intervyusida ma’lum qildi.

Zavodda gumanoid robotlar ishlab chiqariladi

ROBOTIS tomonidan qurilayotgan korxona gumanoid robotlar va ular uchun zarur butlovchi qismlarni ishlab chiqarishga ixtisoslashadi.

Zavod loyihasi 2026-yil iyun oyida boshlangan. Korxona ishga tushirilgach, 1 mingdan ortiq malakali ish o‘rni yaratish hamda ilg‘or xorijiy texnologiyalarni O‘zbekistonga olib kirish rejalashtirilgan.

Loyiha doirasida Koreyaning robototexnika sohasidagi tajribasini mahalliy...

O‘zbekistonlik grossmeyster Javohir Sindarov Tech Mahindra Global Chess League-2026 turnirida birinchi doskada o‘ynagan shaxmatchilar orasida eng ko‘p o‘yin ochkosini jamg‘ardi. U Magnus Karlsen va Yan Nepomnyashiy kabi kuchli grossmeysterlardan yuqori natija ko‘rsatdi.

Sindarov turnir yakunida rapid bo‘yicha jahon onlayn reytingida ham yuqoriladi. Uning FYERS American Gambits jamoasi esa musobaqani uchinchi o‘rinda yakunladi.

Sindarov 10 turda 20 ochko jamg‘ardi

Global Chess League’ning muntazam bosqichida har bir jamoa 10 tadan uchrashuv o‘tkazdi. Sindarov ilk bor jamoaning birinchi, ya’ni Icon Board doskasida o‘ynadi.

U 10 partiyada beshta g‘alaba qozondi, uchta durang qayd etdi va ikki marta mag‘lub bo‘ldi. An’anaviy hisobda bu...

Oppo kompaniyasi yangi Oppo Find X10 Pro Max flagmanini rasman namoyish qildi. Bu haqda Mydrivers nashri xabar berdi.

Smartfon Find X10 seriyasining eng yuqori modeli bo‘lib, uning taqdimoti 22-sentabrga rejalashtirilgan. Qurilmani Find seriyasi rahbari Chjuo Shitsze namoyish etdi. Smartfon «Moon White» rangida ko‘rsatildi, uning dizayni esa klassik Hasselblad kameralaridan ilhomlangan

Uchta 200 megapikselli kamera

Find X10 Pro Max’ning asosiy xususiyati — uchta 200 megapikselli kameradan iborat tizim.

Asosiy Hasselblad sensori DeepPix texnologiyasini qo‘llab-quvvatlaydi. U keng dinamik diapazonda, jumladan, orqa yorug‘lik kuchli bo‘lgan sharoitda va tungi suratga olishda yuqori sifatni ta’minlashga mo‘ljallangan. Yangilangan ultra keng burchakli kamera ham...

O‘zbekiston prezidenti Shavkat Mirziyoyev Koreya Respublikasiga davlat tashrifi doirasidagi tadbirlarni Seuldagi Milliy yodgorlik majmuasiga tashrifdan boshladi. Davlat rahbari rafiqasi Ziroat Mirziyoyeva bilan birga mamlakat ozodligi va mustaqilligi yo‘lida halok bo‘lganlar xotirasiga hurmat bajo keltirdi.

Xotira ustuni poyiga gulchambar qo‘yildi

Tashrif davomida Shavkat Mirziyoyev Milliy yodgorlik majmuasidagi Xotira ustuni poyiga gulchambar qo‘ydi. Shuningdek, prezident Faxriy mehmonlar kitobida qayd yozib qoldirdi.

Mazkur marosim O‘zbekiston rahbarining Janubiy Koreyaga davlat tashrifi doirasidagi ilk rasmiy tadbirlardan biri bo‘ldi.

Mirziyoyev Seulda ikki tomonlama muzokaralar o‘tkazadi

Shavkat Mirziyoyevning tashrifi Janubiy Koreya — Markaziy Osiyo sammiti arafasida bo‘lib o‘tmoqda.

Janubiy Koreya prezidenti Li Jje Myon...

Toshkent shahrida kuz-qish mavsumiga tayyorgarlik va suv tarmoqlarida rejali profilaktika-ta’mirlash ishlari sabab 14-sentabrdan 22-oktabrgacha barcha tumanlarning ayrim hududlarida ichimlik suvi vaqtincha o‘chiriladi yoki bosimi pasayadi.

«Toshkent shahar suv ta’minoti» AJ ma’lumotiga ko‘ra, ishlar Yevropa tiklanish va taraqqiyot banki ishtirokidagi suv quvurlari va kanalizatsiya tizimlarini modernizatsiya qilish loyihasi hamda 2026-yilgi kuz-qish mavsumiga tayyorgarlik doirasida olib boriladi.

Suv qaysi kunlari va qayerlarda o‘chiriladi

Shuningdek o‘qing: Toshkentda sentabr va oktabr oylarida issiq suv 5 kungacha o‘chiriladi

Suvsiz qolgan hududlarga maxsus mashinalar yuboriladi

«Toshkent shahar suv ta’minoti» AJ ma’lumotiga ko‘ra, suv vaqtincha bo‘lmagan joylarga ichimlik...

O‘zbekistonda tazyiq va zo‘ravonlikdan jabrlangan ayollar hamda ularning voyaga yetmagan farzandlarini qo‘llab-quvvatlash tizimi kengaytiriladi. Yangi qonunga ko‘ra, ayrim sud va huquqiy masalalarda ularga davlat hisobidan yuridik yordam ko‘rsatiladi. Bu haqda Adliya vazirligi xabar berdi.

Ayrim hujjatlar uchun davlat boji olinmaydi

Ijtimoiy himoya milliy agentligi huzuridagi Ayollarni reabilitatsiya qilish va moslashtirish hududiy markazlariga joylashtirilgan xotin-qizlar ayrim davlat bojlaridan ozod qilinadi.

Xususan, ularga nikoh tuzilganligi haqidagi takroriy guvohnoma, voyaga yetmagan farzandlariga esa tug‘ilganlik haqidagi takroriy guvohnoma berilganda davlat boji undirilmaydi.

Jabrlanuvchilarga bepul yuridik yordam ko‘rsatiladi

Tazyiq va zo‘ravonlik sodir etilgani sabab surishtiruv, dastlabki tergov organlari yoki sudga murojaat qilgan...

«Manchester Siti»ning o‘zbekistonlik himoyachisi Abduqodir Husanov Angliya Premyer-ligasida qanot himoyachilari orasida amalga oshirilgan paslar soni bo‘yicha birinchi o‘rinni egallab turibdi.

Taqdim etilgan statistikaga ko‘ra, Husanov hisobida 252 ta pas bor. Bu ko‘rsatkich bo‘yicha u eng yaqin ta’qibchisini 42 ta pasga ortda qoldirgan.

Husanov 252 ta pas bilan birinchi

Reytingda ikkinchi o‘rinni «Brayton» vakili Oliver Boskagli egallagan — 210 ta pas. «Manchester Siti»ning yana bir himoyachisi Yoshko Gvardiol 167 ta pas bilan uchinchi pog‘onada.

Keyingi o‘rinlarda «Arsenal» himoyachisi Ben Uayt 156 ta, «Fulhem» vakili Antonee Robinson 154 ta va «Manchester Yunayted» futbolchisi Lyuk Shou 152 ta pas bilan qayd...

Janubiy Koreya prezidenti Li Je Myon davlat tashrifi bilan mamlakatga kelgan O‘zbekiston prezidenti Shavkat Mirziyoyevga qizil jenshen mahsulotlarini sovg‘a qildi. Bu haqda Yonhap agentligi Janubiy Koreya prezident ma’muriyatiga tayanib xabar berdi.

Sovg‘a Koreyaning premium sog‘lomlashtiruvchi mahsulotlaridan biri sifatida tanlangan bo‘lib, u orqali Shavkat Mirziyoyevga sog‘lik va farovonlik tilaklari bildirildi.

Ziroat Mirziyoyevaga maxsus sopol buyum sovg‘a qilindi

O‘zbekiston birinchi xonimi Ziroat Mirziyoyevaga esa uning qiziqishlarini inobatga olgan holda oq chinni va kumushdan foydalanib tayyorlangan, koreys estetikasi aks etgan sopol buyum sovg‘a qilindi.

Janubiy Koreya tomoni tashrif dasturida O‘zbekiston madaniyatiga hurmat va ikki davlat o‘rtasidagi yaqinlikni ko‘rsatishga qaratilgan alohida e’tibor...

Prezident Shavkat Mirziyoyev O‘zbekiston va Janubiy Koreya hamkorligini XXI asrning «yangi Ipak yo‘li»ga qiyosladi. Uning fikricha, Koreyaning texnologiya va kapitali Markaziy Osiyoning resurslari hamda geografik imkoniyatlari bilan birlashsa, yangi ishlab chiqarish zanjirlari, logistika yo‘laklari va kelajak sanoatlari shakllanishi mumkin. Bu haqda The Chosun Daily ma’lum qildi.

Mirziyoyev 13-sentabr kuni davlat tashrifi bilan Janubiy Koreyaga bordi. 14-sentabr kuni uning Prezident Li Chje Myon bilan muzokaralari o‘tkazilishi, 16-sentabrda esa ilk Koreya – Markaziy Osiyo sammiti bo‘lib o‘tishi rejalashtirilgan.

Koreya texnologiyasi va O‘zbekiston resurslari birlashtiriladi

Mirziyoyevning ta’kidlashicha, ikki davlat iqtisodiyoti bir-birini to‘ldiradi. O‘zbekiston global qiymat zanjirlariga chuqurroq kirishni maqsad qilgan...

Angliya Premyer-ligasining navbatdagi turida «Manchester Siti» safarda «Manchester Yunayted»ni 1:0 hisobida mag‘lub etdi. O‘zbekistonlik himoyachi Abduqodir Husanov uchrashuv qaydnomasidan joy olgan bo‘lsa-da, maydonga tushmadi.

«Manchester Siti» derbida g‘alaba qozondi

13-sentabr kuni o‘tkazilgan Manchester derbisida «Manchester Yunayted» o‘z maydonida «Manchester Siti»ni qabul qildi.

Uchrashuvning 23-daqiqasida «Siti» futbolchisi Fil Foden maydondan chetlatildi va jamoa o‘yinning katta qismini bir kishi kam bo‘lib davom ettirdi.

Shunga qaramay, mehmonlar g‘alabani qo‘lga kiritdi. Bahsdagi yagona golni Erling Holand kiritdi.

Husanovga dam berildi

«Manchester Siti»ning o‘zbekistonlik himoyachisi Abduqodir Husanov uchrashuvni zaxira o‘rindig‘ida o‘tkazdi.

Manbaga ko‘ra, murabbiylar shtabi futbolchiga tiklanish va dam olish imkoniyatini bergan. Shu...

Jizzaxlik yosh ayol erining onasi va opa-singillari tomonidan bir necha oy davomida zo‘ravonlik hamda qiynoqqa uchragani aytilmoqda. Nemolchi.uz xabariga ko‘ra, jabrlanuvchining ustiga tuz va soda aralashtirilgan qaynoq suv quyilgan. Holat yuzasidan Jinoyat kodeksining 109 va 110-moddalari bo‘yicha jinoyat ishi qo‘zg‘atilgan.

Jabrlanuvchining otasi tahririyatga murojaat qilib, qiziga nisbatan zo‘ravonlik qilgan shaxslarga eng og‘ir jazo berilishini talab qilgan.

Ayol bir necha hafta majburan ushlab turilgani aytilmoqda

Ma’lumotga ko‘ra, er-xotin 2025-yil oktabr oyida oila qurgan va ularning bir nafar qizi bo‘lgan. 2026-yil may oyida ayolning eri qamoqqa olingan.

Jabrlanuvchi otasining aytishicha, iyun oxirida erining qarindoshlari uning pasporti, telefoni va farzandining tug‘ilganlik...

O‘zbekistonda banklarni sanatsiya qilish jarayonida baholash o‘tkazishning yangi tartibi belgilandi. Bu haqda Adliya vazirligi xabar bermoqda.

Markaziy bank baholovchilar ro‘yxatini shakllantiradi

Yangi tartibga ko‘ra, Markaziy bank dastlabki tanlangan baholovchi tashkilotlar ro‘yxatini shakllantiradi. Tashkilotlarning ushbu ro‘yxatga kirish bo‘yicha murojaatlari ikki oy ichida ko‘rib chiqiladi.

Ro‘yxat kamida yiliga bir marta qayta ko‘rib chiqiladi.

Baholash bo‘yicha takliflar esa 15 ish kuni ichida ko‘rib chiqilib, tashkilotning tajribasi, imkoniyatlari, ishni bajarish muddati va xizmat haqi asosida eng maqbul variant tanlanadi.

Baholovchilarga alohida talablar qo‘yiladi

Hujjat bilan baholovchi tashkilotlarning mustaqilligi, malakasi, fuqarolik javobgarligi sug‘urtasi va axborot xavfsizligiga oid talablar ham belgilandi.

Shuningdek, manfaatlar...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 4-sentabrdan 11-sentabrgacha bo‘lgan davrda ijobiy dinamikani ko‘rsatib, UCI fond indeksi 12,09 foizga oshdi.

Ushbu davr mobaynida «O‘zbekneftgaz» va «O‘ztransgaz» aksiyalari eng katta o‘sishga erishib, ikkalasi ham birdek 65,89 foizga qimmatlashdi. Shuningdek, «BRB» aksiyalarida (+30,58%) ham o‘sish qayd etildi.

O‘z navbatida, «Garant bank» aksiyalari 7,42 foizga arzonlashib, haftaning eng katta pasayishini qayd etdi. Bundan tashqari, «Kapital sug‘urta» (-5,26%) va «SQB» (-3,29%) aksiyalari ham pasayish bilan ajralib turdi. Faqatgina «O‘zmetkombinat» va «Agrobank» aksiyalari narxida o‘zgarish kuzatilmadi.

Bitimlar soni bo‘yicha UzNIF (5 915 ta), «Hamkorbank» (3 015 ta) va «O‘zbektelekom» (2 602 ta) peshqadam bo‘ldi.

Chevrolet Cobalt joriy yil avgust oyida ham Qozog‘istonda eng ko‘p sotilgan avtomobil bo‘lib qoldi. Bu haqda Kursiv Kazakhstan ma’lum qildi.

Oy davomida modeldan 2 603 dona sotildi. Umuman olganda, mamlakatda yangi avtomobillar savdosi o‘tgan yilning shu davridagiga nisbatan 6,3 foizga oshdi.

Avgustda 19,1 mingta avtomobil sotildi

Qozog‘iston avtomobil ittifoqi ma’lumotiga ko‘ra, avgust oyida rasmiy dilerlar 19,1 mingta yangi yengil va tijorat avtomobilini sotgan. Bir yil avval bu ko‘rsatkich 18 ming dona edi.

Brendlar orasida Hyundai 3 604 dona avtomobil bilan birinchi o‘rinni egalladi. Chevrolet 2 764 dona natija bilan ikkinchi bo‘ldi. Changan esa savdosini ikki baravardan ko‘proq oshirib...

Raqobat qo‘mitasi tadbirkorlardan elektr tarmog‘iga qayta ulash uchun jami 5,5 mlrd so‘m undirilgani yuzasidan «Hududiy elektr tarmoqlari» AJ va uning tizimidagi korxonalarga nisbatan ish qo‘zg‘atdi. Qo‘mita ma’lumotiga ko‘ra, 965 ta holatda asossiz daromad olingani alomatlari aniqlangan.

Holat Biznes-ombudsman taqdim etgan ma’lumotlar asosida o‘rganilgan. Amaldagi tartibga ko‘ra, elektr energiyasi bo‘yicha qarzdorlik bartaraf etilgach, korxonalarni tarmoqqa qayta ulash uchun jarima va qo‘shimcha to‘lov undirish bekor qilingan.

Shuningdek, elektr energiyasidan foydalanish qoidalariga tegishli o‘zgartirishlar kiritilib, tarmoqdan uzilgan iste’molchilarni qayta ulash uchun olinadigan to‘lovlar ham bekor qilingan.

Raqobat qo‘mitasi tahliliga ko‘ra, 2025-yil 23-avgustdan 2026-yil fevraligacha hududiy elektr tarmoqlari korxonalari respublika bo‘yicha tadbirkorlardan...

AQSh prezidenti Donald Tramp Xitoyga aloqador tuzilmalar Eronning Iordaniyadagi AQSh harbiy bazasiga zarbasidan oldin Tehronga sun’iy yo‘ldosh tasvirlarini taqdim etgani haqidagi xabarlarni jiddiylashtirmadi. Mazkur hujum oqibatida uch nafar amerikalik harbiy halok bo‘lgan edi.

Zarba Iordaniyadagi AQSh bazasiga berilgan

Gap Iordaniyadagi Muwaffaq Salti aviabazasi haqida ketmoqda. Iyul oyida Eron raketalari AQSh kuchlari joylashgan ushbu bazaga zarba bergan.

Tramp jurnalistlarga bergan izohida davlatlar bir-birini kuzatishi odatiy hol ekanini aytdi.

«Ular bizga josuslik qiladi, biz ham ularga josuslik qilamiz. Asosan, ular biz qilayotgan ishni qiladi», – dedi AQSh prezidenti Air Force One bortida.

Xitoy hukumati...

Oppo kompaniyasi yangi Oppo Find X10 seriyasining dizaynini rasman namoyish etdi va taqdimot sanasini e’lon qildi. Bu haqda Gizmochina nashri xabar bermoqda.

Smartfonlar Moon White, Warm Orange, Ice Blue va Light Titanium ranglarida sotuvga chiqadi. Shu kuni kompaniya Watch S2 aqlli soati va Enco X4 quloqchinlarini ham namoyish qiladi. Xitoyda yangi qurilmalar uchun oldindan ro‘yxatdan o‘tish boshlangan.

Find X10 ikkita 200 MP kameraga ega bo‘ladi

Oppo Find X10 ikkita 200 megapikselli kamera – asosiy va telefoto modul bilan jihozlanadi. Find X10 Pro Max’da esa 200 megapikselli kameralar soni uchtaga yetadi.

Har ikki modelda Hasselblad Ultra-Clear Original Camera tizimi...