Yangiliklar

Qozog‘iston Markaziy Osiyoda birinchi bo‘lib sun’iy yomg‘ir chaqirish texnologiyasini qo‘llaydigan davlatga aylandi. Mamlakatning Turkiston viloyatida loyihaning ochilish marosimi bo‘lib o‘tdi.

«Bu biz uchun ilm-fan, xalqaro hamkorlik va raqamli texnologiyalarga asoslangan zamonaviy iqlim infratuzilmasini shakllantirishning boshlanishidir. Loyiha dunyoning yetakchi mutaxassislari bilan hamkorlikda amalga oshirilmoqda va texnologiyalar transferi hamda qozog‘istonlik mutaxassislarni tayyorlash uchun asos yaratadi», – dedi sun’iy intellekt va raqamli rivojlanish vaziri Jaslan Madiyev.

Ma’lum qilinishicha, texnologiyani 17-maydan qo‘llash suv omborlarini to‘ldirish va mamlakat janubidagi fermerlarni suv bilan ta’minlash imkonini beradi. Loyiha Turkiston viloyatidagi 911 ming gektardan ortiq ekin maydonlarini qamrab oladi. Astana bu borada BAA...

Shuhratbek Qurbonov O‘zbekistonda kichik va o‘rta biznesni moliyalashtirish bozorini raqamlashtirish bilan shug‘ullanuvchi Simple Smart Systems davlat korxonasiga rahbar etib tayinlandi. Bu haqda u o‘zining LinkedIn sahifasida ma’lum qildi.

Uning aytishicha, kompaniya davlat tizimiga kirsa-da, startap tamoyillari asosida ishlaydi. Loyiha moliya bozorini tubdan o‘zgartirishga qaratilgan bo‘lib, Humo to‘lov tizimi ishga tushirilgani kabi yangi infratuzilma yaratishni maqsad qilgan.

«Biz, asosan, ikkita narsaga urg‘u beryapmiz:

— Biznes uchun Kredit marketpleysi – tadbirkorlar bitta joyga kirib, u yerdagi banklar orasidan o‘ziga eng ma’qul shartlardagi kreditni tanlab oladigan tizim.

— Banklar uchun AI/ML skoring – sun’iy intellekt yordamida tadbirkorlarning kredit...

Ozarbayjonning Boku shahrida o‘tayotgan Butunjahon urbanizatsiya forumining 13-sessiyasi doirasida Yetakchilar sammiti bo‘lib o‘tdi. Unda Shavkat Mirziyoyev nutq so‘zlab, «aqlli» va xavfsiz shaharlar alyansini tuzish tashabbusini ilgari surdi.

Davlat rahbari forum «Barcha uchun uy-joy: xavfsiz va barqaror shaharlar hamda hamjamiyatlar» mavzuiga bag‘ishlanganini ta’kidlab, urbanizatsiya jarayonlari bugungi kunda global barqarorlik va xavfsizlikka bevosita ta’sir qilayotganini qayd etdi.

Prezident o‘z nutqida XXI asr o‘rtalariga borib dunyo aholisining qariyb 70 foizi shaharlarda yashashi kutilayotganini aytdi. Shuningdek, bugungi kunda dunyoda 3 mlrdga yaqin inson birlamchi yashash sharoitlaridan mahrum ekani, 1 mlrddan ortiq odam norasmiy turar joylarda istiqomat qilayotgani va 300 mlndan ziyod insonдфк...

Savdo-sanoat palatasidagi tadbirkorlar bilan o‘tkazilgan uchrashuvda stomatologiya sohasidagi tadbirkorlar tibbiy jihozlarni davlat ro‘yxatidan o‘tkazish uchun belgilangan to‘lovlar juda yuqoriligini ma’lum qildi.

Tadbirkorlarning aytishicha, qiymati $12 mln bo‘lgan stomatologik jihozlar to‘plamini ro‘yxatdan o‘tkazish uchun avval 354 BHM, ya’ni qariyb 145,8 mln so‘m to‘lov belgilangan.

Yangi narxlar bo‘yicha esa bu summa 522 BHMgacha oshib, 215 mln so‘mga yetishi mumkinligi aytilgan.

Tadbirkorlarning ta’kidlashicha, AQShda ayni shu mahsulotlarni ro‘yxatdan o‘tkazish xarajati atigi $5,4 mingni tashkil qiladi.

Ularning fikricha, amaldagi tizimda hatto arzon va oddiy sarflanadigan materiallar uchun ham alohida yuqori to‘lov hisoblanmoqda. Masalan, sement aralashtirish uchun ishlatiladigan oddiy idishcha uchun ham 50 BHM...

RedMagic brendi Xitoyda RedMagic 11S Pro va 11S Pro+ modellarini namoyish qildi. Bu haqda GSMArena nashri xabar bermoqda.

Yangi qurilmalar Snapdragon 8 Elite Gen 5 Leading Version chipida ishlaydi. Uning chastotasi 4,74 GHz gacha yetadi. Bu chipning o‘xshash talqini Galaxy S26 Ultra smartfonida Snapdragon 8 Elite Gen 5 for Galaxy nomi bilan qo‘llanadi.

RedMagic 11S Pro 8000 mA/soat sig‘imli akkumulyator bilan jihozlangan. U 80 W tezkor quvvatlashni qo‘llab-quvvatlaydi. RedMagic 11S Pro+ esa 7500 mA/soat akkumulyatorga ega. Ushbu versiyada 120 W simli va 80 W simsiz quvvatlash mavjud.

Smartfonlar sovitish tizimi bilan ham farqlanadi. RedMagic 11S Pro+ modelida 24 ming...

2026-yil 18-may kuni O‘zbekiston Respublikasi Milliy investitsiya jamg‘armasi aksiyalari bo‘yicha ilk savdolar boshlandi. Kap Depo investitsion kompaniyasi ma’lum qilishicha, dastlabki bir yarim soat ichida savdo hajmi 1 mlrd so‘mdan oshdi.

Aksiyalar narxi qisqa vaqt ichida 7,5 so‘mdan yuqoriladi. Bu jismoniy shaxslar uchun belgilangan 4,41 so‘mlik joylashtirish narxiga nisbatan 70 foizdan ortiq o‘sish.

Biroq bozordagi yuqori faollik uzoq davom etmadi. Toshkent vaqti bilan soat 12:25 holatiga ko‘ra, aksiyalar narxi 6 so‘mgacha pasaydi. Bu joylashtirish narxiga nisbatan 36,1 foizga yuqori ko‘rsatkich.

13:04 holatiga ko‘ra, savdo stakanida xaridorlar ustunligi saqlanib qoldi. Xarid buyurtmalari hajmi 50,8 mln aksiyani tashkil etdi. Bu...

19-may uchun valyutalar kursi yangilandi. Unga ko‘ra, dollar kursi 32,97 so‘mga oshib, 12 019,27 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 12-may kuni 26,97 so‘mga oshib, 12 141,94 so‘mni va 13-mayda yana 3,71 so‘mga oshib, 12 145,65 so‘mga yetdi. Ammo 14-may kuni kurs 72,23 so‘mga tushib, 12 073,42 so‘mni, shuningdek, 15-may kuni yana 98,06 so‘mga tushib, 11 975,36 so‘mni tashkil qildi. 18-may kuni esa 10,94 so‘mga oshib, 11 986,30 so‘mga yetdi.

Markaziy bank ma’lumotlariga ko‘ra, yevro 45,76 so‘mga oshib, 13 984,42 so‘mni, rubl esa 2,4 so‘mga oshib...

Lenovo kompaniyasi AMD Ryzen AI 400 seriyali protsessorlariga asoslangan, 96 GB gacha tezkor xotira sig‘imiga ega yangi yettinchi avlod ThinkPad 14s noutbuklar tarmog‘ini namoyish etdi.

Yangi ThinkPad 14s modellariga asab tarmoqlari hisoblari uchun ko‘p miqdordagi NPU-bloklari va unumdor o‘rnatilgan videochipga ega AMD Ryzen AI 400 protsessorlari o‘rnatilgan. Baza versiyasi AI 5 Pro 440 bilan, flagman modeli esa 55 TOPS quvvatga ega AI 9 HX Pro 470 protsessori bilan ta’minlangan.

Qurilmalarda alohida ajratilgan videochip mavjud emas, biroq barcha protsessorlar Radeon 800M seriyali integratsiyalangan videochipga ega.

Tezkor xotira (RAM)ning minimal hajmi 16 GB bo‘lsa-da, kompaniya 96 GB gacha operativ xotiraga ega...

Favqulodda vaziyatlar vazirligi qutqaruvchilari «Qamchiq» dovonida tog‘da adashib qolgan yetti nafar fuqarolarni xavfsiz hududga olib chiqdi. Bu haqda vazirlik matbuot xizmati ma’lum qildi.

Unga ko‘ra, voqea 16-may kuni soat 19:45 larda sodir bo‘lgan. «Qamchiq» dovonidagi toqqa sayr qilish uchun chiqqan 7 nafar fuqaro yo‘ldan adashib, tog‘dan tusha olmay qolgan. Bu haqda «Qamchiq» maxsus qutqaruv boshqarmasiga xabar kelib tushgan.

Xabardan so‘ng FVV qutqaruvchilari zudlik bilan voqea joyiga yetib borgan va hududda qidiruv-qutqaruv ishlarini olib borgan. Natijada adashib qolgan fuqarolar topilib, sog‘-salomat holda xavfsiz hududga olib chiqilgan.

Ma’lum qilinishicha, hodisa oqibatida tan jarohati olganlar yo‘q.

Eslatib o‘tamiz, avvalroq FVV...

Qoraqalpog‘iston Respublikasining Beruniy tumanida kuchli shamol bolalar maydonchasidagi batutlarni ag‘darib, uchirib ketdi. Hodisa oqibatida jabrlanganlar bor-yo‘qligi haqida hozircha rasmiy ma’lumot berilmagan.

Ijtimoiy tarmoqlarda tarqalgan videolarda shamol oqibatida ag‘darilgan batut konstruksiyalari odamlar ustiga tushgani aks etgan. Bugun respublikaning ba’zi hududlarida kuchli shamol kuzatilishi haqida xabar berilgan edi.

Sinoptiklarning prognozlariga ko‘ra, respublika bo‘yicha shamol 7–12 m/s tezlikda esishi kutilmoqda. Ba’zi joylarda uning tezligi 13–18 m/s gacha, ayrim hududlarda esa 20–22 m/s gacha kuchayishi mumkin. Shuningdek, shamol chang-to‘zonlar bilan kuzatilishi ehtimoli bor. Kunduzi havo harorati 30–35 darajani tashkil etadi.

Tog‘oldi va tog‘li hududlarda ham ba’zi joylarda qisqa muddatli yomg‘ir yog‘ishi, momaqaldiroq...

Ozarbayjonning Boku shahrida BMT shafeligida Butunjahon urbanizatsiya forumining 13-sessiyasi bo‘lib o‘tmoqda. Unda Shavkat Mirziyoyev ham ishtirok etdi.

Tadbir BMTning Aholi punktlari bo‘yicha dasturi — UN-Habitat shafeligida tashkil etilgan. Boku shahridagi Kongress-markazida davlat rahbarini Ozarbayjon prezidenti Ilhom Aliyev hamda BMTning Aholi punktlari bo‘yicha dasturi ijrochi direktori Anaklaudiya Rossbax kutib oldi. Shundan so‘ng forum ishtirokchilarining birgalikda suratga tushish marosimi bo‘lib o‘tdi.

Bu yilgi forum «Barcha uchun uy-joy: xavfsiz va barqaror shaharlar hamda hamjamiyatlar» mavzuiga bag‘ishlangan. Unda davlat va hukumat rahbarlari, xalqaro tashkilotlar hamda rivojlanish institutlari vakillari qatnashmoqda.

Forum kun tartibidan shaharlarni barqaror rivojlantirish, aholini zamonaviy va arzon uy-joy bilan ta’minlash...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 8-maydan 15-maygacha bo‘lgan davrda ijobiy dinamikani ko‘rsatib, UCI fond indeksi 4,67 foizga oshdi.

Ushbu davr mobaynida «Olmaliq KMK» aksiyalari eng katta o‘sishga erishib, 15,39 foizga qimmatlashdi. Shuningdek, «Kapital sug‘urta» (+17,65%) va «Garant bank» aksiyalarida (+10,98%) ham o‘sish qayd etildi.

O‘z navbatida, «Kvarts» aksiyalari 6,78 foizga arzonlashib, haftaning eng katta pasayishini qayd etdi. Bundan tashqari, «Trastbank» (-5%) va «BRB» (-4,56%) aksiyalari ham pasayish bilan ajralib turdi. Faqatgina «O‘zbektelekom» va «UzAuto Motors» aksiyalari narxida o‘zgarish kuzatilmadi.

Bitimlar soni bo‘yicha «Sanoatqurilishbank» (880 ta), «O‘zbektelekom» (776 ta) va «O‘zRTXB» (775 ta) peshqadam bo‘ldi.

Aksiyalar bozorida ushbu...

Yangi Toshkent – bu shunchaki poytaxtdagi bir tuman emas, balki shahar ichidagi haqiqiy shahardir. U yashash va ishlash uchun qulay infratuzilmaga ega bo‘lgan zamonaviy va jadal o‘sayotgan hudud. Bir necha yildan so‘ng u aynan shunday qiyofaga kiradi, hozircha esa bu yer 20 ming gektar maydonni egallagan ulkan qurilish maydonchasidir.

Kuni kecha AL-BINA Development va UET Construction kompaniyalari Yangi Toshkent bo‘ylab birinchi Urban turni o‘tkazdilar. Blogerlar, jurnalistlar, hamkorlar va ko‘chmas mulkning bo‘lajak xaridorlari bugunning o‘zidayoq ko‘lami va qurilish sur’atlari bilan hayratga solayotgan mamlakatning bosh shaharsozlik loyihasi bilan tanishdilar.

Urban Tour yoki tashkilotchilarning o‘zlari ta’kidlaganidek, Yangi Toshkent bilan immersiv tanishuvning asosiy maqsadi...

Ispaniyaning «Real Madrid» klubi o‘zining sobiq bosh murabbiyi Joze Mourinyo bilan ikki yillik shartnomaga kelishib oldi. Bu haqda taniqli insayder Fabritsio Romano xabar berdi.

Kelishuv bo‘yicha barcha shartlar og‘zaki tasdiqlangan. Mourinyoning yagona maqsadi Madrid klubiga qaytish bo‘lgani sababli, muzokaralar davomida hech qanday muammo yuzaga kelmagan.

Murabbiy «Real» hamda «Atletik Bilbao» o‘rtasidagi uchrashuvdan so‘ng Madridga yetib borishi kutilmoqda. Hozirdanoq klubdagi yangi faoliyati uchun rejalar tuzishni boshlab yuborgan.

Ma’lumot o‘rnida, Mourinyo 2025-yil sentabr oyida o‘zining sobiq jamoasi bo‘lmish «Benfika»ga qaytgan edi. Uning boshqaruvida Lissabon klubi Portugaliya chempionatida mag‘lubiyatsiz (22 ta g‘alaba, 10 ta durang) mavsum o‘tkazdi. Biroq duranglar soni ko‘pligi sababli...

Toshkent shahrining Shayxontohur tumanida 2,4 mlrd so‘mlik tabiiy gazdan noqonuniy foydalanish holati aniqlandi. Bu haqda Energetika vazirligi xabar bermoqda.

Tekshiruv davomida Qoratosh ko‘chasida joylashgan umumiy ovqatlanish maskani va novvoyxona o‘rganilgan. Ushbu obyekt fuqaroga tegishli ekani aytilmoqda. Xatlov vaqtida iste’molchi avval gaz tarmog‘idan ajratilganiga qaramay, o‘zboshimchalik bilan tarmoqqa qayta ulanib olgani aniqlangan.

Shuningdek, binoga o‘rnatilgan gaz hisoblash uskunasi nosoz holatda bo‘lgani ma’lum bo‘lgan. Uskunadagi bir martalik tamg‘aga tashqi ta’sir o‘tkazilgani ham qayd etilgan. Holat yuzasidan dalolatnoma tuzildi. Qayta hisob-kitob natijasida yetkazilgan zarar 2 mlrd 463 mln so‘m deb baholandi. To‘plangan barcha hujjatlar huquq-tartibot organlariga yuborilgan.

Eslatib o‘tamiz, Kursiv Uzbekistan nashri...

Xiva shahrida ayolning shaxsiy tasvirlarini tarqatish bilan qo‘rqitgan erkak ushlandi. Bu haqda Xorazm IIB Telegram-kanalida ma’lum qildi.

Aniqlanishicha, Xiva tumanida yashovchi, 1979-yilda tug‘ilgan erkak 1986-yilda tug‘ilgan ayol bilan tanishgan. U ayolning ishonchiga kirib, uning shaxsiy hayotiga oid foto va video tasvirlarni qo‘lga kiritgani aytilmoqda. Keyinchalik erkak ushbu tasvirlarni internet va ijtimoiy tarmoqlar orqali tarqatish bilan qo‘rqitgan. U ayolning ruhiy holatidan foydalanib, tovlamachilik yo‘li bilan pul va taqinchoq talab qilgan.

Ma’lumotlarga ko‘ra, erkak jami 16 mln so‘m hamda bir juft sirg‘a talab qilgan. U pul mablag‘larini olayotgan vaqtida tezkor tadbir ishtirokchilari tomonidan ashyoviy dalillar bilan ushlangan.

Holat yuzasidan tegishli hujjatlar...

London fond birjasida UzNIF birinchi xalqaro ro‘yxatga kiritilishiga bag‘ishlangan tadbir bo‘lib o‘tdi. Ushbu tadbirda Saida Mirziyoyeva nutq so‘zlab, O‘zbekiston iqtisodiyotining ochiqligi va global integratsiyasiga urg‘u berdi.

Saida Mirziyoyeva o‘z nutqida O‘zbekistonning so‘nggi to‘qqiz yil ichida sezilarli o‘zgarishlarga erishganini ta’kidladi. Uning aytishicha, mamlakat yopiq tizimdan raqobatbardosh va sarmoyaga ochiq holatga o‘tgan.

«Ba’zida mamlakatlar o‘z yo‘nalishini jimgina o‘zgartiradi, ba’zida esa bunga butun dunyo e’tibor qaratadi. Bugun O‘zbekiston uchun ana shunday lahzalardan biri», – dedi u.

Mazkur Jamg‘arma mamlakat iqtisodiyotining asosiy sohalari — energetika, transport, moliya va sanoatdagi yetakchi kompaniyalarni o‘zida birlashtiradi. Saida Mirziyoyevaning qayd etishicha, ushbu...

O‘zbekistonda qo‘shilgan qiymat solig‘i (QQS) nol stavkada qo‘llanadigan qishloq xo‘jaligi mahsulotlari ro‘yxati kengaytirildi. Ro‘yxatga tirik baliq, chorva mollari va asalarilar ham qo‘shilgan.

Soliq qo‘mitasi tomonidan taqdim etilgan ro‘yxat 518 ta banddan iborat. Unga meva, sabzavot, poliz mahsulotlari, dukkakli ekinlar, go‘sht, sut va baliq mahsulotlari, shuningdek, qishloq xo‘jaligi ekinlari ko‘chatlari kiritilgan.

Aprel oyi oxirida qabul qilingan qaror asosida ro‘yxatga yana 14 ta mahsulot qo‘shildi. Ular orasida tirik baliq, yirik va mayda shoxli tirik mollar, xususan sigir, buqa, qo‘y va echkilar bor. Shuningdek, otlar, cho‘chqalar, tuyalar, eshaklar, asalari paketlari, ipak qurti, kavrak ko‘chatlari va smolasi ham ro‘yxatga kiritilgan.

Unga ko‘ra, paxta...

Samsung Electronics kompaniyasining eng yirik kasaba uyushmasi 18-may kuni menejerlar bilan yangi muzokaralar raundini o‘tkazadi. Ishchilar xotira chiplari taqchilligi fonida rekord darajadagi daromad olayotgan kompaniyadan ko‘proq moliyaviy bonuslar talab qilmoqda. Bu haqda The Japan Times xabar bermoqda.

Agar kelishuvga erishilmasa, kasaba uyushmasi 21-may kuni keng ko‘lamli ish tashlash boshlash bilan tahdid qilmoqda. Birlashma vakillarining so‘zlariga ko‘ra, 40 mingdan ortiq ishchilar unda ishtirok etishga rozi bo‘lgan.

Janubiy Koreya bosh vaziri Kim Min Sok vaziyatga e’tibor qaratib, bo‘lajak muzokaralar tomonlar kelishuvga erishishi uchun so‘nggi imkoniyat ekanini ta’kidladi. Uning prognoziga ko‘ra, Samsung zavodlarining har bir kunlik to‘xtab qolishi kompaniyaga 1 trln von...

Centrum Air kompaniyasiga tegishli Guanchjoudan Toshkentga parvoz qiluvchi samolyotni yashin urdi. Bu haqda kompaniya matbuot xizmati xabar bermoqda.

Aviakompaniya ma’lumotiga ko‘ra, avvalgi reys vaqtida havo kemasini chaqmoq urgan. Shu sababli samolyot xavfsizlik talablari va amaldagi aviatsiya standartlariga muvofiq parvozlardan zudlik bilan chetlashtirilgan.

Havo kemasi texnik ko‘rik, diagnostika va zarur tiklash ishlari uchun tekshiruvdan o‘tkazilgan. Tekshiruv yakunlariga ko‘ra, aviakompaniya ushbu yo‘nalishdagi samolyotni almashtirishga qaror qilgan.

Centrum Air yo‘lovchilar va ekipaj xavfsizligi kompaniya uchun eng ustuvor vazifa ekanini ta’kidladi. Kompaniyaga ko‘ra, ushbu holatda barcha tezkor qarorlar aynan xavfsizlik tamoyiliga asoslangan holda qabul qilingan. Majburiy kutish davrida reys yo‘lovchilari mehmonxonaga joylashtirilgan. Shuningdek...

Huawei va JAC hamkorligidagi Maextro brendi S800 Grand Design sedanining ilk rasmiy suratlarini e’lon qildi. Model S800 flagman sedanining yuqori darajadagi maxsus versiyasi hisoblanadi.

Yangi avtomobil iyun oyida ommaga namoyish etilishi rejalashtirilgan. Rasmiy suratlarda ko‘rsatilgan davlat raqamiga qaraganda, model Xitoy bozorida Maextro S800 Collector’s Edition nomi bilan sotilishi mumkin. Maextro S800 Grand Design ikki rangli kuzovga ega. Uning yuqori qismi Far Mountain Cyan rangida, pastki qismi esa oq rangda ishlangan.

Avtomobilning hashamatli ko‘rinishini kuchaytirish uchun oltin rangli dekor elementlari qo‘llangan. Kapot ustidagi logotip, kapot markazidan o‘tuvchi vertikal chiziq, qanotlar, C ustunlari, g‘ildiraklar va orqa eshikdagi logotiplar oltin rangda bajarilgan.

Krishtianu Ronaldu Saudiya Arabistoni chempionatida joriy yilgi mavsumning eng yaxshi futbolchisi sovriniga da’vogarlar ro‘yxatidan joy oldi. Bu haqda chempionatning rasmiy sayti xabar berdi.

41 yoshli portugaliyalik hujumchi nomzodlar ro‘yxatiga kiritilgan besh nafar futbolchidan biri bo‘ldi. Mavsumning eng yaxshi o‘yinchisi nomiga Joau Feliks («An-Nasr»), Ruben Nevesh («Al-Hilol»), Ayven Touni («Al-Ahli») va Xulian Andres Kinyones («Al-Qodisiya») ham da’vogarlik qilmoqda.

Eslatib o‘tamiz, yaqinda Ronaldu «An-Nasr» bilan navbatdagi sovrinni qo‘ldan boy berdi. Jamoa OChL 2 finalida Yaponiyaning «Gamba Osaka» klubiga 0:1 hisobida mag‘lub bo‘ldi. 2023 yilning qishida Riyod klubiga o‘tganidan beri Ronaldu hali birorta ham rasmiy sovrin yuta olmadi.

U shu paytgacha Saudiya...

Pavel Durov asos solgan Telegram messenjeri Time jurnali tuzgan dunyoning eng ta’sirli 100 kompaniyasi ro‘yxatiga kiritildi. Platforma «Bozorni o‘zgartirayotgan kompaniyalar» toifasidan joy oldi.

Telegram bilan bir qatorda Kalshi, Palantir, Mistral va TikTok ham ushbu yo‘nalishga kiritilgan.

Time muallifi Endryu Chouning yozishicha, ayrimlar Telegram’ni so‘z erkinligining global ramzi deb bilsa, boshqalar uni noqonuniy faoliyat uchun qulay platforma sifatida baholaydi.

Nashr Telegram urush hududlaridagi odamlarning aloqa qilishi va tashqi dunyo bilan bog‘lanishiga yordam berayotganini qayd etdi. Shu bilan birga, messenjer turli davlatlar tomonidan kontent nazoratini kuchaytirish talablari bilan ham yuzlashmoqda.

Aprel oyida Rossiya Telegram faoliyatiga cheklovlar joriy qila boshlagan. Pavel Durov...

Raqobat qo‘mitasi qiymati 23 mlrd so‘mdan ortiq bo‘lgan davlat xaridlarida qonunbuzilish holatlarini aniqladi. Bu haqda qo‘mita matbuot xizmati xabar bermoqda.

Qo‘mita ma’lumotiga ko‘ra, davlat xaridlarida shaffoflik va adolatli raqobatni ta’minlash maqsadida xarid jarayonlari doimiy o‘rganib borilmoqda. Tahlillar davomida bir nechta buyurtmachi tashkilotlar o‘tkazgan tanlov savdolarida «Raqobat to‘g‘risida»gi Qonun talablariga rioya qilinmagani aniqlangan.

Xususan, Yoshlar ishlari agentligi tomonidan o‘tkazilgan jami qiymati 9,1 mlrd so‘mdan ortiq bo‘lgan 6 ta tanlov savdosi o‘rganilgan. Shuningdek, Innovatsion rivojlanish agentligi tomonidan o‘tkazilgan qariyb 8 mlrd so‘mlik 6 ta tanlov savdosida ham qonunbuzilish alomatlari qayd etilgan.

Maktabgacha va maktab ta’limi vazirligi tomonidan o‘tkazilgan jami 6,7 mlrd...