Yangiliklar

Tesla va Starlink kompaniyalari yangi avlod Starlink V5 sun’iy yo‘ldosh internet terminali haydovchisiz Cybercab robotaksisiga to‘g‘ridan to‘g‘ri integratsiya qilinganini ma’lum qildi. Bu haqda kompaniya X ijtimoiy tarmog‘ida xabar berdi.

E’lon qilingan sxemaga ko‘ra, antenna avtomobil tomiga kameralar va boshqa sensorlar yoniga joylashtirilgan.

Internet uzilsa ham avtomobil harakatda davom etadi

Cybercab’dagi Full Self-Driving (FSD) tizimi AI4 hisoblash platformasida ishlaydi. Tesla’ning ta’kidlashicha, avtomobil internet aloqasi uzilib qolgan taqdirda ham yo‘l holatini tahlil qilish, marshrutni belgilash va harakatni mustaqil boshqarishda davom etadi.

Starlink qanday vazifalarni bajaradi

Sun’iy yo‘ldosh interneti dasturiy ta’minotni yangilash, real vaqt navigatsiyasi, dispetcherlik tizimi bilan aloqa, masofaviy...

Yevrokomissiya AliExpress platformasiga Yevropa Ittifoqining raqamli xizmatlar to‘g‘risidagi qonuni talablarini buzgani uchun 550 mln yevro jarima soldi. Bryusselga ko‘ra, kompaniya Yevropadagi iste’molchilarni onlayn savdodagi xavflardan yetarlicha himoya qilmagan.

Platformada xavfli va taqiqlangan mahsulotlar sotilgan

Yevrokomissiya ma’lumotiga ko‘ra, AliExpress o‘z marketplace’larida taqiqlangan mahsulotlar sotilishi bilan bog‘liq xavflarni yetarli darajada baholamagan.

Regulyatorlar platformaning ichki moderatsiya tizimlari samaradorligi oshirib ko‘rsatilganini, tavsiya algoritmlari esa bunday mahsulotlarning targ‘ib qilinishiga qanday ta’sir qilishi yetarlicha hisobga olinmaganini bildirdi.

Soxta tovarlar va xavfli mahsulotlar savdoda qolgan

Tekshiruv davomida AliExpress’da qoidabuzar sotuvchilarga nisbatan sanksiyalar tizimi samarasiz ishlagani aniqlangan.

Yevrokomissiyaga ko‘ra, ogohlantirishlardan bir necha hafta o‘tganidan keyin...

28-iyuldan Qozog‘istonda chekuvchilar o‘pka saratoniga bepul tekshiriladi. Bu haqda Kursiv Kazakhstan xabar bermoqda.

Mamlakat Sog‘liqni saqlash vazirligi buyrug‘iga ko‘ra, mamlakatda ilk bor o‘pka saratoni xavfi yuqori bo‘lgan fuqarolar bepul tekshiruvdan o‘tkaziladi.

Skriningdan 50 yoshdan 70 yoshgacha bo‘lgan fuqarolar ikki yillik oraliq bilan o‘tishi mumkin. Bunda tekshiruv 50, 52, 54, 56, 58, 60, 62, 64, 66, 68 va 70 yoshdagilar uchun mo‘ljallangan. Bronx yoki o‘pkaning xavfli o‘smalari tashxisi bilan dispanser nazoratida turgan shaxslar dasturga kiritilmaydi.

Yuqori xavf guruhiga chekish tajribasi kamida 20 «quti-yil» bo‘lgan amaldagi va sobiq chekuvchilar kiradi. Bir «quti-yil» deganda bir yil davomida har kuni bir quti, ya’ni...

Avtomobil yo‘llarini qurish, rekonstruksiya qilish va ta’mirlashda laboratoriya sinovlarini amalga oshirish tartibini belgilovchi nizom davlat ro‘yxatidan o‘tkazildi. Bu haqda Adliya vazirligi xabar berdi.

Sifat nazorati majburiy bo‘ladi

Nizomga ko‘ra, yo‘l qurilishi va ta’mirlash ishlari sifati ustidan pudrat tashkiloti doimiy laboratoriya nazoratini ta’minlashi shart. Agar pudratchining o‘z laboratoriyasi bo‘lmasa, u shartnoma asosida akkreditatsiyadan o‘tgan sinov laboratoriyasini jalb qiladi.

Buyurtmachi mustaqil laboratoriyani tanlaydi

Buyurtmachi bajarilgan ishlarning hajmi va sifatini tekshirish uchun faqat akkreditatsiyadan o‘tgan, davlat xaridlari to‘g‘risidagi qonunchilik asosida tanlangan mustaqil sinov laboratoriyasini jalb etadi.

Manfaatlar to‘qnashuviga yo‘l qo‘yilmaydi

Yangi tartibga muvofiq, buyurtmachiga pudratchining o‘z laboratoriyasi yoki u...

2026/2027-o‘quv yili uchun oliy ta’lim tashkilotlari va ta’lim yo‘nalishlari kesimida davlat stipendiyalari kvotalari tasdiqlandi. Jami 776 ta stipendiya respublika bo‘yicha 335 mingdan ortiq yuqori kurs talabalari orasidan eng munosiblariga beriladi.

Eng ko‘p kvota Islom Karimov stipendiyasiga ajratildi

Oliy ta’lim, fan va innovatsiyalar vazirligining tegishli xatiga binoan, yangi o‘quv yili uchun davlat stipendiyalari taqsimoti belgilandi.

Eng ko‘p kvota Islom Karimov stipendiyasiga ajratilgan – 194 ta. Prezident stipendiyasi uchun 187 ta, Navoiy stipendiyasi uchun esa 175 ta kvota tasdiqlangan.

Stipendiyalar yo‘nalishlar bo‘yicha taqsimlandi

Bobur stipendiyasi uchun 51 ta, Imom al-Buxoriy stipendiyasi uchun 44 ta, Beruniy stipendiyasi uchun 38 ta...

AQSh prezidenti Donald Tramp Kanadadan import qilinadigan ayrim mahsulotlarga 50 foizlik boj joriy etdi. Bu haqda Oq uy ma’lum qildi.

Unga ko‘ra, yangi tariflar Kanadaning AQSh mahsulotlariga nisbatan «kamsituvchi savdo siyosati»ga javob sifatida qabul qilingan.

Qaysi mahsulotlarga ta’sir qiladi

Yangi bojlar vino, xokkey tayoqchalari, sement va boshqa qator mahsulotlarni qamrab oladi. Biroq energiya resurslari, kaliyli o‘g‘itlar, baliq hamda muhim minerallar ushbu cheklovlardan mustasno etilgan.

Oq uy qarorni qanday izohladi

Oq uyga ko‘ra, mazkur chora AQSh avtomobillari, alkogol va sut mahsulotlari uchun Kanada bozorida teng raqobat sharoitini yaratishga qaratilgan. Tramp ma’muriyati Kanadani AQSh mahsulotlariga nisbatan adolatsiz savdo amaliyotini...

UzAuto Motors kompaniyasi Chevrolet Onix, Tracker va Damas avtomobillarini foizsiz bo‘lib to‘lash shartlarini yaxshiladi. Bu haqda Autostrada nashri xabar bermoqda.

Onix va Tracker xaridorlari avtomobil qiymatining 30 foizini to‘lab, qolgan summani 40 oyda, 40 foizini to‘lab 49 oyda yoki 50 foizini to‘lab 62 oyda to‘lashi mumkin. Damas uchun esa boshlang‘ich to‘lovning 25, 30, 40, 50 va 60 foizlik variantlari taklif etilgan. Eng uzoq – 34 oylik muddat avtomobil narxining 60 foizi oldindan to‘langanda taqdim etiladi.

Masalan, 199,9 mln so‘mlik Onix LTZ Turbo AT uchun 30 foizlik boshlang‘ich to‘lov qariyb 60 mln so‘mni tashkil qiladi. Shundan keyin xaridor 40 oy...

Kursiv Uzbekistan 19-iyul kuni Futbol bo‘yicha Jahon chempioni bo‘lgan Ispaniya terma jamoasi a’zosi 19 yoshli Lamin Yamal haqida qiziqarli 5 ta faktni jamladi.

1. Lionel Messi uni go‘dakligida cho‘miltirgan

2007-yilda, Lamin Yamal atigi 5 oylik bo‘lganida, uning oilasi UNICEF va «Barcelona» hamkorligidagi xayriya aksiyasida g‘olib bo‘ladi. Fotosessiya davomida 20 yoshli Lionel Messi kichkina Yamalni qo‘liga olib, cho‘miltiradi. Oradan 19 yil o‘tib esa ular Jahon chempionati finalida bir-biriga qarshi maydonga tushishdi.

2. Gol nishonlashidagi «304» raqami tasodif emas

Yamal gol urgach, barmoqlari bilan 3-0-4 raqamlarini ko‘rsatadi. Bu uning bolaligi o‘tgan Barselona yaqinidagi Rokafonda mahallasining pochta indeksidagi oxirgi...

O‘zbekiston terma jamoasi himoyachisi Abduqodir Husanov JCh – 2026 dagi ishtirokidan so‘ng «Manchester Siti» safiga qaytib, yangi mavsum oldidan mashg‘ulotlarni boshladi. Klub e’lon qilgan videoda futbolchining jamoa bilan birga tayyorgarlik jarayonida qatnashayotgani ko‘rish mumkin.

Bu «Manchester Siti»ning yangi bosh murabbiy Enso Mareska boshchiligidagi dastlabki mashg‘uloti bo‘ldi. Italiyalik mutaxassis o‘tgan mavsum yakunida jamoani tark etgan Pep Gvardiolaning o‘rnini egalladi. Mareska klub bilan uch yillik shartnoma imzolagan.

«Manchester Siti» 2025/26-yilgi Angliya...

Toshkent shahrining Sergeli, Shayxontohur va Yunusobod tumanlaridagi ayrim hududlarda elektr tarmoqlaridagi nosozliklar sabab vaqtinchalik uzilishlar kuzatilmoqda. Ta’mirlash brigadalari nosozliklarni bartaraf etish ishlarini olib bormoqda.

Sergelida bir qator mahallalarda uzilish bo‘lishi mumkin

Sergeli tumanidagi ayrim mahallalarda elektr tarmoqlarida yuzaga kelgan nosozliklarni bartaraf etish va tizimni modernizatsiya qilish ishlari olib borilmoqda.

Shu sababli Izzatli, Beruniy, Sultonobod, Ko‘hna Qumariq, Sadoqat, Xonobod, Xontepa, Xonobod-tepa, Eshonbuloq, Ziyolilar va Eski Jaloyir mahallalarining ayrim hududlarida elektr ta’minotida vaqtincha uzilishlar kuzatilishi mumkin.

Shayxontohurda avariyaviy o‘chish qayd etildi

Shayxontohur tumanida «Vistavochniy» podstansiyasidan chiquvchi «Chorsu» fiderida avariyaviy o‘chish yuz bergan.

Buning oqibatida Aloqa, Erkin, Maorif, Beruniy, Temirtau...

O‘zbekiston Davlat budjeti daromadlari 2026-yil yakunida 439,7 trln so‘mga yetishi kutilmoqda. Bu tasdiqlangan prognozdan 19% yuqori. Iqtisodiyot va moliya vazirligi buni soliq ma’murchiligi yaxshilangani hamda jahon bozorida qimmatbaho metallar narxi kutilganidan yuqori bo‘lgani bilan izohlamoqda.

2026-yilda daromadlar 439,7 trln so‘m bo‘lishi kutilmoqda

Fiskal strategiyaga ko‘ra, 2026-yilda Davlat budjeti daromadlari 439,7 trln so‘mni tashkil etishi kutilmoqda. Bu 2025-yildagi kutilayotgan 359,8 trln so‘mlik ko‘rsatkichdan qariyb 80 trln so‘mga ko‘p.

Daromadlarning asosiy qismi soliqlar hisobidan shakllanadi. Jumladan, bevosita soliqlardan 149,6 trln so‘m, bilvosita soliqlardan 131,6 trln so‘m, resurs to‘lovlari va mol-mulk solig‘idan 54,5 trln so‘m tushishi prognoz qilinmoqda.

Foyda solig‘i...

Tijorat banklari tomonidan 21-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 20-iyul uchun valyutalar kursi e’lon qilingani haqida yozgan edi.

General Motors (GM) tomonidan yaqinda yangi Chevrolet Onix Activ 2027 avtomobili taqdim etilgan edi. Avtomobil Braziliyada test-drayv qildi.

Krossoverga o‘xshash ko‘rinish, balandroq kuzov va yaxshilangan yo‘l geometriyasiga ega xetchbek Braziliyada $22,8 mingdan sotuvga chiqarildi. Model Volkswagen Tera 170 TSI va Fiat Pulse Drive kabi boshlang‘ich SUVlar bilan raqobatlashadi. Ularning narxi mos ravishda $24,2 ming va $22,8 ming atrofida.

SUV’larga yaqin yo‘l geometriyasi

Chevrolet Onix Activ’ning asosiy ustunligi – yo‘l tirqishi va notekis yo‘llardan o‘tish qobiliyati. Modelning yerdan balandligi 20,1 sm, kirish burchagi 19,7 daraja, chiqish burchagi esa 28,1 darajani tashkil etadi. Bu ko‘rsatkichlar ayrim jihatlar bo‘yicha Chevrolet Sonic’dan...

20-iyul kuni Toshkent metropoliteniga zamonaviy rusumdagi yana uchta yangi poyezd olib kelindi. Bu haqda «Toshkent metropoliteni» xabar berdi.

Bundan avval, 12-iyul kuni ham metropoliten parkiga uchta yangi harakat tarkibi yetkazib berilgan edi. Joriy yilda xarid qilingan poyezdlar hisobiga Toshkent metrosidagi zamonaviy harakat tarkiblari soni 47 taga yetdi.

Rejaga ko‘ra, 2026-yil sentabr oyiga qadar yana sakkizta to‘rt vagonli harakat tarkibi xarid qilinadi. Yangi poyezdlar yo‘lovchilarga xavfsiz va sifatli xizmat ko‘rsatish, bekatlardagi kutish vaqtini kamaytirish hamda qatnovlar oralig‘ini qisqartirishga xizmat qilishi kutilmoqda.

Shuningdek, yangi tarkiblarni bosqichma-bosqich olib kelish orqali Toshkent metropolitenining vagon parkini to‘liq yangilash maqsad qilingan.

Avvalroq Kursiv Uzbekistan nashri...

Samsung Galaxy S26 Ultra smartfoni va avvalgi Galaxy S25 Ultra modeli bir xil — 5 000 mA/soat sig‘imli batareya bilan jihozlangan. Sammobile nashri tafsilotlarni o‘rgandi.

Yangi model kundalik foydalanishda yaxshiroq avtonomlik va tezroq quvvatlanishni taklif qiladi. Bunga akkumulyator hajmining oshirilishi emas, balki 60 vattli simli quvvatlash, 25 vattli simsiz quvvatlash, energiya tejamkor protsessor va takomillashtirilgan sovitish tizimi orqali erishilgan.

Galaxy S26 Ultra Super Fast Charging 3.0 texnologiyasi orqali 60 vattgacha simli quvvatlashni qo‘llab-quvvatlaydi. Taqqoslash uchun, Galaxy S25 Ultra’da maksimal quvvat 45 vatt bilan cheklangan edi.

Samsung ma’lumotiga ko‘ra, mos quvvatlagichdan foydalanilganda yangi smartfon batareyasini 30 daqiqada taxminan 75 foizgacha...

Xiaomi smartfon orqali boshqariladigan 621 litrli Mijia Side-by-Side nomli muzlatgich chiqardi. Bu haqda Notebookcheck nashri xabar bermoqda.

Yangi model Germaniyada dastlabki xaridorlarga 800 yevrodan taklif etilmoqda. Uning tavsiya qilingan chakana narxi esa 850 yevro etib belgilangan.

Muzlatgichning o‘lchamlari 910 × 715 × 1770 millimetrni tashkil etadi. Umumiy hajmning 385 litri sovitish kamerasi, 236 litri esa muzlatish bo‘limiga ajratilgan. Qurilma Yevropaning E energiya samaradorligi sinfiga kiradi va ishlab chiqaruvchi ma’lumotiga ko‘ra, yiliga 342 kilovatt-soat elektr energiyasi sarflaydi.

Ichki haroratni bir xil darajada ushlab turish uchun ko‘p oqimli havo aylanish tizimi qo‘llanilgan. Sovuq havo barcha bo‘limlarga teng taqsimlanadi, foydalanuvchilar esa ayrim...

O‘zbekiston terma jamoasi sardori Eldor Shomurodovning JCh – 2026 dagi goli turnirning eng chiroyli goli sovriniga da’vogarlar qatoriga kiritildi. FIFA va Hyundai tomonidan tashkil qilingan ovoz berish 20 – 27-iyul kunlari davom etadi.

Shomurodov Kongo Demokratik Respublikasiga qarshi 1:3 hisobida yakunlangan uchrashuvda O‘zbekistonning goliga mualliflik qilgan. FIFA ushbu vaziyatni mohirlik bilan tayyorlangan va nozik tarzda amalga oshirilgan aniq oshirma zarba sifatida ta’rifladi. Bu gol O‘zbekiston terma jamoasining jahon chempionatidagi ilk ishtirokining yorqin voqealaridan biri bo‘ldi.

Kimlar da’vogar

Sovrin uchun jami 12 futbolchining goli kurashmoqda. Da’vogarlar orasida eronliklarga qarshi kombinatsiyani yakunlagan Yangi Zelandiya vakili Elayja Jast, Senegal darvozasiga uzoq...

Qatar, Misr, Pokiston va boshqa mintaqaviy vositachilar AQSh va Eronga 10 kunlik sulh tuzish taklifini taqdim etdi. Bu haqda manbalarga tayanib Axios yozmoqda.

Taklifga ko‘ra, jangovar harakatlar vaqtincha to‘xtatiladi, Hormuz bo‘g‘ozidagi har ikki kema qatnovi yo‘lagi qayta ochiladi va tomonlar uzoq muddatli kelishuv bo‘yicha muzokaralarni davom ettiradi. Janubiy yo‘lak Ummon hududiy suvlari orqali Eron hujumlaridan, shimoliy yo‘lak esa Eron suvlari orqali AQSh blokadasidan xoli ishlashi ko‘zda tutilgan.

AQSh ma’muriyati ushbu tashabbusni o‘rganmoqda va diplomatik imkoniyat saqlanib qolishi uchun Isroilni keskin qadamlardan tiyilishga chaqirgan. Shu bilan birga, Vashington muzokaralar muvaffaqiyatsiz tugashiga ham tayyorlanmoqda.

So‘nggi kunlarda mintaqaga o‘nlab qiruvchi samolyotlar va...

O‘zbekistonda islomiy bank faoliyatini amalga oshiruvchi banklarni tashkil qilish va litsenziyalash tartibi joriy etildi. Bu haqda Markaziy bank xabar berdi.

Markaziy bank boshqaruvining «Bank faoliyatiga ruxsat berish tartibi va shartlari to‘g‘risidagi nizomga o‘zgartirish va qo‘shimchalar kiritish haqida»gi qarori davlat ro‘yxatidan o‘tkazildi.

Hujjat O‘zbekistonda islomiy bank faoliyatini joriy etishga qaratilgan qonun asosida qabul qilingan. Qaror bilan islomiy bank faoliyatini amalga oshiruvchi banklarni tashkil etish shartlari va ularning faoliyatini litsenziyalash tartibi belgilandi.

Shuningdek, an’anaviy banklarning islomiy moliya xizmatlarini ko‘rsatishni boshlashi, jumladan, alohida «islomiy darcha» tashkil etishi uchun talab va tartiblar tasdiqlandi. Bunda islomiy bank xizmatlari an’anaviy bank faoliyatidan alohida hisob va...

SAIC MG kompaniyasining yangi MG 07 avtomobili 29-iyul kuni boshlanadigan dastlabki sotuvlar oldidan Xitoy bo‘ylab dilerlik markazlariga yetkazila boshlandi. Bu haqda CarNewsChina nashri xabar bermoqda.

LiDAR sensori va 610 kilometr yurish zaxirasiga ega MG 07 narxi 150 ming yuandan, taxminan 22,1 ming dollardan past bo‘lishi kutilmoqda. 840 kilometrgacha masofa bosib o‘tadigan yuqori komplektatsiyaning narxi esa 180 ming yuandan yoki 26,5 ming dollardan oshmasligi rejalashtirilgan.

Dizayn va o‘lcham

Aniq narxlar, komplektatsiyalar va yetkazib berish shartlari 29-iyuldagi dastlabki sotuvlar boshlanishida ma’lum qilinadi. Xaridorlarga avtomobillarni yetkazib berish 2026-yilning uchinchi choragida boshlanishi kutilmoqda.

MG 07’ning seriyali ishlab chiqarilishi iyul oyi boshida yo‘lga...

Jahon chempionati finali, hokimliklarga ko‘rsatma – 20-iyulda e’lon qilingan yangiliklar Kursiv Uzbekistan dayjestida.

Ispaniya Jahon chempioni! «Qizil furiya» finalda Argentinadan ustun keldi

AQShning Nyu-York shahrida futbol bo‘yicha Jahon chempionatining final uchrashuvi bo‘lib o‘tdi. Unda Ispaniya va Argentina terma jamoalari o‘zaro kuch sinashib, yakunda ispanlar amaldagi chempionlarini mag‘lubiyatga uchratdi.

Uchrashuvni har ikki jamoaning asosiy yulduzlari Lamin Yamal va Lionel Messi boshlang‘ich tarkibda boshladi. Birinchi bo‘limda ispaniyaliklar faol harakat qilib, to‘p nazoratini o‘z qo‘llariga olishdi. Janubiy Amerika vakillari esa asosan qisqa va tezkor qarshi hujumlar tashkil etish bilan cheklanishdi.

Fond bozori: 18 ta yuqori likvidli aksiya haftani ijobiy yakunladi

«Toshkent» respublika fond birjasi (RFB)dan...

21-iyul kuni ob-havo asosan quruq va biroz bulutli bo‘lishi kutilmoqda. Faqat Qoraqalpog‘iston hamda tog‘li hududlarning ayrim joylarida qisqa muddatli yomg‘ir yog‘ishi, momaqaldiroq kuzatilishi mumkin. Kunduz kuni havo harorati 30–43°C atrofida bo‘ladi.

Quyida ob-havo ma’lumoti viloyatlar kesimida:

2026-yilgi FIFA Jahon chempionati yakunlandi. Musobaqa davomida fotomuxbirlar maydondagi keskin bahslar, futbolchilarning hissiyotlari va muxlislar unuta olmaydigan eng yorqin lahzalarni suratlarda muhrladi.

Eslatib o‘tamiz, avvalroq FIFA terma jamoalarning yangilangan reytingini e’lon qilgan edi. Unda O‘zbekiston milliy terma jamoasi avvalgi natijasiga nisbatan 10 pog‘onaga pastlab, 60-o‘rinni egalladi.

Jahon chempioni Ispaniya 1995,88 ochko bilan reytingda birinchi o‘ringa ko‘tarilib, eng yuqori pog‘onani egalladi. Shuningdek, aynan Ispaniya eng ko‘p ochko jamg‘argan jamoaga aylandi – uning hisobiga 121,17 ochko qo‘shildi.

Yangilangan reytingda avvalgi peshqadam Argentina ikkinchi, Fransiya uchinchi, Angliya to‘rtinchi va Braziliya beshinchi pog‘onadan joy oldi.

2026/2027-o‘quv yili uchun davlat oliy ta’lim muassasalarida yangi tashkil etilgan 11 ta ta’lim yo‘nalishi va ularga mos test sinovi fanlari majmuasi tasdiqlandi. Bu haqda Oliy ta’lim, fan va innovatsiyalar vazirligi ma’lum qildi.

Yangi yo‘nalishlar quyidagicha:

Ochilgan yangi ta’lim yo‘nalishlarining fanlari majmuasi:

Qabul kvotalari

Mazkur ta’lim yo‘nalishlari bo‘yicha...