Yangiliklar

17 yoshgacha bo‘lgan futbolchilar o‘rtasidagi Osiyo kubogining chorak finalida O‘zbekiston terma jamoasi Janubiy Koreyani penaltilar seriyasida mag‘lub etib, yarim final yo‘llanmasini qo‘lga kiritdi.

Uchrashuvning asosiy vaqti 2:2 hisobida yakunlandi. Dastlab 22-daqiqada koreyalik futbolchilar hisobni ochishga muvaffaq bo‘lishdi. Biroq O‘zbekiston terma jamoasi tezda javob qaytardi. Birinchi taym yakuniga yaqinlashganda, aniqrog‘i 41 va 44-daqiqalarda Ahror Ravshanbekov dubl qayd etib, jamoasini oldinga olib chiqdi.

Ravshanbekovning birinchi goli raqib darvozabonining xatosi natijasida kiritilgan bo‘lsa, ikkinchisi uzoq masofadan yo‘llangan chiroyli zarba evaziga amalga oshirildi. O‘yinning ikkinchi bo‘limi oxirlarida koreyaliklar hisobni tenglashtirishga erishdi. Natijada g‘olibni aniqlash uchun penaltilar seriyasiga murojaat qilindi.

Penaltilar seriyasida O‘zbekiston terma...

Yulduz Rajabova va Emre Kiviljimning nikoh to‘yi, Qurbon hayiti uchun dam olish kunlari — 16-may kuni e’lon qilingan yangiliklar Kursiv Uzbekistan dayjestida.

Dollar hafta davomida qanday o‘zgardi

Dollar kursi hafta davomida ham o‘sish, ham pasayish dinamikalarini ko‘rsatdi. «Kursiv» nashrining ushbu maqolasida dollar kursining hafta davomidagi o‘zgarishlari haqida so‘z boradi.

Hafta boshida, 12-may kuni AQSh dollari 26,97 so‘mga oshib, 12 141,94 so‘mni, 13-mayda 3,71 so‘mga oshib, 12 145,65 so‘mni tashkil qildi. Ammo 14-may kuni dollar 72,23 so‘mga tushib, 12 073,42 so‘mni va 15-may kuni yana 98,06 so‘mga tushib, 11 975,36 so‘mni qayd etdi.

Ehtiyojmand oilalar uchun gaz va elektr kompensatsiyasi...

Angliya kubogi finalida «Manchester Siti» Londonning «Chelsi» klubini qabul qilib, minimal hisobda g‘alaba qozondi. Abduqodir Husanov «shaharliklar» tarkibida ikkinchi sovrinini qo‘lga kiritdi.

Uchrashuv, asosan, teng kurashlarga boy kechdi. Pep Gvardiola birinchi taymda noodatiy tarzda ikkita hujumchi bilan harakat qildi. Erling Holand va Umar Marmush asosiy tarkibda maydonga tushishdi. Ushbu tajriba ish bermagach, ikkinchi taymda boshida super formada bo‘lib turgan Rayan Sherki o‘yinga qo‘shildi.

Uchrashuvdagi yagona gol ikkinchi bo‘limning 72-daqiqasida kiritildi. Erling Holandning uzatmasidan so‘ng Antuan Semenyo tovoni bilan «Chelsi» darvozasini ishg‘ol qildi. Abduqodir Husanov bir necha bor jamoasi joniga oro kirdi. Londonliklarning braziliyalik hujumchisi Joau Pedru yakkama-yakka vaziyatlarda o‘zbekistonlik...

Avvalroq 15-may kuni Toshkentda o‘zbek aktrisasi Yulduz Rajabova va turk aktyori Emre Kiviljimning nikoh to‘yi bo‘lib o‘tgani xabar qilingandi.

To‘y marosimida Madaniyat vaziri Ozodbek Nazarbekov ham ishtirok etdi. U yangi oila qurayotgan juftlikni tabriklar ekan, hazil aralash iliq tilak bildirdi.

«Bu bir necha yillar oldin mana shu kunlarni niyat qiluvdik, yetkazdi Xudo. Yana bir niyat qilamiz, Jaloliddin tug‘ib beradi, Xudo xohlasa», – dedi vazir.

Bu yil Qurbon hayiti 27-may, chorshanba kuniga to‘g‘ri kelishi kutilmoqda. Shu munosabat bilan o‘zbekistonliklar ketma-ket 5 kun dam olishi mumkin.

Dam olish kunlari quyidagicha bo‘lishi kutilmoqda:

27-may — Qurbon hayiti bayrami;
28-may — qo‘shimcha dam olish kuni;
29-may — qo‘shimcha dam olish kuni;
30-may — 6 kunlik ish haftasi uchun dam olish kuni;
31-may — yakshanba.

Shu tariqa ish haftasi turidan qat’iy nazar, fuqarolar ketma-ket 5 kun dam oladi.

Eslatib o‘tamiz, o‘tgan yili dekabrda qabul qilingan prezident farmonida (PF-257-son) qo‘shimcha dam olish kunlari tasdiqlangandi.

Unga ko‘ra, 28 − 29-may kunlari barcha xodimlar uchun qo‘shimcha dam olish kuni hisoblanadi. Haftasiga...

Toshkent shahar hokimligi Oliy ta’lim, fan va innovatsiyalar vazirligi bilan hamkorlikda bitiruvchilar uchun yirik shou-kecha tashkil etadi.

Tadbir 25-may kuni soat 18:00 da Olimpiya shaharchasida bo‘lib o‘tadi. Kirish bepul.

Tashkilotchilar ma’lumotiga ko‘ra, konsert dasturida 20 dan ziyod san’atkorlar qatnashadi. Tadbir davomida mashhur qo‘shiqlar, shou dasturlar va bayramona muhit bitiruvchilar uchun taqdim etiladi.

Eslatib o‘tamiz, avvalroq 25-maydan Prezident maktablariga qabul boshlanishi xabar qilingandi. Qabul 25-maydan 14-iyungacha davom etadi va arizalar to‘liq onlayn tarzda my.gov.uz hamda ariza.piima.uz orqali qabul qilinadi.

Tizimga ko‘ra, Prezident maktablariga ariza topshirish uchun bir qator hujjatlar talab etiladi. Jumladan, o‘quvchining so‘nggi 2 oyda olingan fotosurati, tug‘ilganlik haqidagi guvohnoma...

Tadbirkorlar ishlab chiqaruvchi korxonalar uchun elektr energiyasi bo‘yicha 100 foiz oldindan to‘lov tizimini qayta ko‘rib chiqishni so‘ramoqda. Bu masala Savdo-sanoat palatasida tadbirkorlar bilan o‘tkazilgan uchrashuvda ko‘tarildi.

Ularning ta’kidlashicha, hozir elektr hisob-kitob tizimi avtomatlashtirilgan va hisobdagi mablag‘ tugashi bilan elektr ta’minoti avtomatik tarzda o‘chirilmoqda. Shu sababli tadbirkorlar faqat amalda iste’mol qilingan elektr uchun to‘lov qilish tizimiga o‘tishni taklif qilmoqda.

Tadbirkorlar fikricha, amaldagi tartib korxonalarning aylanma mablag‘larini band qilib qo‘ymoqda va ishlab chiqarishga salbiy ta’sir ko‘rsatmoqda.

Shuningdek, ayrim korxonalar elektr energiyasi ogohlantirishsiz o‘chirib qo‘yilayotgani sabab ishlab chiqarish to‘xtab qolayotganini bildirdi. Xususan, 540 nafar xotin-qiz ishlaydigan korxonada elektr uzilishi ishlab...

Statistikaga ko‘ra, metrodan eng ko‘p foydalaniladigan kunlar payshanba va juma kunlari bo‘lib qolmoqda. Bu haqda «Toshkent metropoliteni» DUK xabar berdi.

Ma’lumotlarga ko‘ra, 2025-yil 8-may kuni metro xizmatidan 986,9 ming nafar yo‘lovchi foydalangan. 2026-yil 7-may kuni esa bu ko‘rsatkich 1,1 mlnga yetib, 12 foiz o‘sdi.

Shuningdek, 2025-yil 15-may kuni metrodan 953,2 ming nafar yo‘lovchi foydalangan bo‘lsa, 2026-yil 14-may kuni bu raqam 1 mln nafarga yetdi. Bu 9,6 foizlik o‘sishni anglatadi.

Bundan tashqari, 2026-yil 8-may kuni Toshkent metropoliteni bir kun davomida 1,1 mln nafar yo‘lovchiga xizmat ko‘rsatib, rekord natija qayd etdi. Bu o‘tgan yilning mos davridagiga nisbatan 80,5 foizga yuqori ko‘rsatkich...

Qashqadaryo viloyatida Koreya Respublikasiga ishga yuborishni va’da qilib, pul olgan shaxs qo‘lga olindi. Bu haqda Bosh prokuratura huzuridagi departament ma’lum qildi.

Unga ko‘ra, fuqaro X.S. ikki kishiga ishchi viza rasmiylashtirib berishini aytgan. U buning evaziga 165 mln so‘m talab qilib, $7 mingini olayotgan vaqtida ashyoviy dalillar bilan ushlangan.

Holat yuzasidan Jinoyat kodeksining firibgarlik moddasi bilan jinoyat ishi qo‘zg‘atildi. Hozirda tergov harakatlari olib borilmoqda.

Eslatib o‘tamiz, avvalroq Janubiy Koreyaga ishga yuborishni korrupsion sxemaga aylantirgan guruh fosh etilgandi. Aniqlanishicha, Tashqi mehnat migratsiyasi agentligi hamda xususiy bandlik agentliklarining sobiq mansabdor shaxslari ishtirokida uyushgan jinoiy guruh shakllantirilgan. Ushbu guruh 35 nafar fuqaroni...

15-may kuni Toshkent shahrida aktrisa Yulduz Rajabova va turk aktyori Emre Kiviljimning nikoh to‘yi bo‘lib o‘tdi. Ko‘plab shou-biznesi vakillari o‘z ijtimoiy tarmoqlarida bunga doir video va rasmlarni joyladi.

Juftlik shu yil 17-fevral kuni Istanbulda rasmiy nikohdan o‘tgandi. O‘shanda katta to‘y Toshkentda bo‘lishi ma’lum qilingan.

2025-yilda taqdim etilgan yangi avlod Chevrolet Equinox dizayni avvalgi modelga nisbatan sezilarli darajada o‘zgardi. GM Authority ikkita modelni solishtirib, farqlarini ochiqladi.

Yangi Equinox yanada agressiv, baland va yo‘ltanlamas uslubiga yaqin ko‘rinishga ega bo‘ldi. Oldingi avlod esa yumaloqroq va soddaroq dizayni bilan ajralib turardi.

Texnik o‘lchamlar deyarli o‘zgarmagan. Yangi modelning uzunligi atigi 0,1 dyuymga, balandligi 0,2 dyuymga oshgan. Eng katta farq kuzov kengligida bo‘lib, u 2,3 dyuymga kengaygan.

Chevrolet yangi modelda g‘ildiraklarni kuzov burchaklariga yaqinroq joylashtirgan. Shu sabab Equinox kengroq va sport uslubidagi avtomobildek ko‘rinadi.

Old qismida ikki qavatli yangi faralar o‘rnatilgan. Kapot tekisroq shaklga ega bo‘lib, pikaplarga o‘xshash uslub...

Tijorat banklari tomonidan 16-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida qanday o‘zgargani haqida yozgandi.

2026-yil 1-iyundan elektr energiyasi va tabiiy gaz uchun yangi tariflar joriy etilishi sababli ehtiyojmand oilalarga beriladigan kompensatsiya miqdori ham oshiriladi. Bu haqda Ijtimoiy himoya milliy agentligi xabar berdi.

Hukumat qaroriga ko‘ra, davlat tomonidan elektr va gaz uchun kompensatsiya to‘lovlari davom ettiriladi. Yangi tartibga muvofiq:

Kompensatsiya elektr energiyasi bo‘yicha bazaviy me’yordan oshgan 150 kVt/soatgacha bo‘lgan qism uchun beriladi.

Tabiiy gaz uchun esa qishda bazaviy me’yordan oshgan 250 kub metrgacha, boshqa mavsumlarda 150 kub metrgacha bo‘lgan qism qoplanadi.

Kompensatsiya olish uchun fuqarolar mahalladagi ijtimoiy xodimga, «Inson» ijtimoiy xizmatlar markaziga yoki 1140 Call-markaziga murojaat qilishi mumkin.

Eslatib o‘tamiz, yangi tartib bilan yirik...

Dollar kursi hafta davomida ham o‘sish, ham pasayish dinamikalarini ko‘rsatdi. «Kursiv» nashrining ushbu maqolasida dollar kursining hafta davomidagi o‘zgarishlari haqida so‘z boradi.

Dollarning o‘zgarishi

Valyuta birjasi saytidan ekran tasviri

Hafta boshida, 12-may kuni AQSh dollari 26,97 so‘mga oshib, 12 141,94 so‘mni, 13-mayda 3,71 so‘mga oshib, 12 145,65 so‘mni tashkil qildi. Ammo 14-may kuni dollar 72,23 so‘mga tushib, 12 073,42 so‘mni va 15-may kuni yana 98,06 so‘mga tushib, 11 975,36 so‘mni qayd etdi.

Umuman olganda, dollar kursi hafta davomida 166,58 so‘mga tushdi.

Savdo hajmlari

Valyuta birjasi saytidan ekran tasviri

Eslatib o‘tamiz, avvalroq Kursiv Uzbekistan nashri 18-may uchun valyutalar kursi...

16-may sanasi jahon tarixida yirik shaharlarning qad rostlashi, yorqin texnologik inqiloblar va kino hamda musiqa olami yulduzlarining dunyoga kelishi bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1703-yili Rossiyaning «madaniy poytaxti» hisoblangan Sankt-Peterburg shahriga asos solingan. Pyotr I tomonidan barpo etilgan mazkur shahar ikki asrdan ortiq vaqt davomida yirik imperiya poytaxti bo‘lib xizmat qilgan. Bugungi kunda qadimiy me’morchilik va madaniyat o‘chog‘i bo‘lgan ushbu shaharda ko‘plab hamyurtlarimiz yashaydi yoki sayohat qiladi.

1944-yilda Gollivudning eng mashhur va «qo‘rqinchli» aktyorlaridan biri Denni Trexo dunyoga kelgan. U o‘zining takrorlanmas qiyofasi hamda «Machete» filmidagi bosh roli bilan butun...

Kursiv Uzbekistan 15-may kuni respublika va xorijda sodir bo‘lgan yangiliklarning eng muhimlarini bir joyga jamladi.

Farg‘onada tog‘a va jiyan narkosavdogarlar 4,9 kilogramm gashish bilan ushlandi

Farg‘ona viloyatida tog‘a va jiyan boshqaruvidagi avtomashina hamda xonadondan umumiy og‘irligi 4 kilogrammdan ortiq gashish topildi. Bu haqda O‘zA xabar berdi.

Davlat xavfsizlik xizmatining Farg‘ona viloyati bo‘yicha boshqarmasi Bojxona va Ichki ishlar organlari bilan hamkorlikda tezkor tadbir o‘tkazdi. Unda Uchko‘prik tumani hududida Qo‘qon shahrida yashovchi, 2002-yilda tug‘ilgan fuqaro boshqaruvidagi Cobalt rusumli avtomashina tekshirildi.

Pedagoglarning farzandlari uchun kontrakt to‘loviga 30 foiz chegirma berilishi mumkin

Pedagog xodimlarning davlat oliy ta’lim muassasalarida to‘lov-kontrakt asosida...

O‘zbekiston bo‘ylab 16-may kuni harorat kechasi 10–22°, kunduzi 20–39° atrofida bo‘ladi. Ayrim hududlarda qisqa muddatli yomg‘ir va momaqaldiroq kuzatilishi mumkin, boshqa joylarda esa quruq va iliq ob-havo saqlanib qoladi.

Quyida ob-havo prognozi viloyatlar kesimida:

Eslatib o‘tamiz, avvalroq 15 – 22-may kunlari ayrim hududlarda suv toshqinlari kuzatilishi mumkinligi haqida yozgan edik.

16-17-may kunlari 24 ta tijorat banklari tomonidan valyuta ayirboshlash va xalqaro pul oʻtkazmalari xizmatlari koʻrsatiladi. Bu haqda Markaziy bank matbuot xizmati ma’lum qildi.

Unga ko‘ra, haftaning dam olish kunlari mazkur banklar valyuta ayirboshlash va pul o‘tkazmalari shoxobchalari faoliyatini yo‘lga qo‘ymoqda:

2026-yilning yanvar – aprel oylarida O‘zbekistonga 4 mln nafar xorijiy sayyoh tashrif buyurdi. Ko‘rsatkichlar o‘tgan yilning shu davridagiga nisbatan 29,9 foizga oshgan, deya xabar bermoqda Turizm qo‘mitasi Kursiv Uzbekistan nashriga.

To‘rt oy davomida O‘zbekistonga eng ko‘p sayyoh Qirg‘izistondan kelgan – 1,14 mln kishi. Keyingi o‘rinlarda Tojikiston – 965,4 ming va Qozog‘istondan 935 ming nafar turist sayohat uchun O‘zbekistonni tanlagani qayd etilgan. Shuningdek, Rossiyadan 341,8 ming nafar, Afg‘onistondan esa 161,5 ming nafar fuqaro O‘zbekistonga tashrif buyurgan.

Qo‘mitaga ko‘ra, may oyi boshiga qadar O‘zbekistonga Xitoydan 132,2 ming, Turkmanistondan 108,4 ming hamda Turkiyadan esa 57,6 ming nafar sayyoh kelgan.

Ma’lumot uchun, joriy yilning...

Shavkat Mirziyoyev 15-may kuni Turkiy davlatlar tashkilotining «Sun’iy intellekt va raqamli rivojlanish» mavzusidagi norasmiy sammitida qatnashdi. Sammitda so‘zga chiqqan O‘zbekiston rahbari ekologik muammolarga e’tiborni kuchaytirish maqsadida 2027-yilni «Tabiatni asrash yili» deb e’lon qilishni taklif etdi.

Turkiston shahrida o‘tkazilgan tadbirda Ozarbayjon prezidenti Ilhom Aliyev, Qozog‘iston prezidenti Qasim-Jomart Toqayev, Qirg‘iziston prezidenti Sadir Japarov, Turkiya prezidenti Rejep Tayyip Erdog‘an hamda TDT bosh kotibi Kubanichbek Omuraliyev qatnashdi.

Sammit davomida ko‘p qirrali hamkorlikning bugungi holati, iqtisodiy sheriklik va raqamli rivojlanishning ustuvor yo‘nalishlari muhokama qilindi. Shavkat Mirziyoyev o‘z nutqida bugungi murakkab xalqaro vaziyat sharoitida turkiy davlatlar o‘rtasidagi muloqot va hamkorlikni yanada kuchaytirish...

Malayziyaning «MASkargo» yuk aviakompaniyasi Toshkent xalqaro aeroporti orqali muntazam yuk reyslarini amalga oshira boshladi. Bu haqda Uzbekistan Airports ma’lum qildi.

Parvozlar Kuala-Lumpur — Toshkent — Amsterdam yo‘nalishi bo‘yicha Airbus A330 havo kemalarida haftasiga to‘rt marta bajariladi. Toshkent aeroportidan esa tranzit punkti hamda havo kemalariga texnik xizmat ko‘rsatish maydoni sifatida foydalaniladi.

«MASkargo» reyslarining Toshkent orqali tashkil etilishi O‘zbekistonning logistika salohiyatini mustahkamlash va poytaxt aeroporti orqali xalqaro yuk tashuvlarini rivojlantirishga xizmat qiladi.

«MASkargo» Malayziyaning «Malaysia Airlines» milliy aviakompaniyasining yuk tashish bo‘linmasi hisoblanadi. Aviakompaniya Kuala-Lumpur xalqaro aeroportida joylashgan bo‘lib, dunyoning yuzdan ortiq shahriga yuk yetkazib beradi.

Eslatib o‘tamiz, avvalroq Toshkent va...

Kantar tadqiqot kompaniyasi BrandZ Most Valuable Global Brands 2026 reytingini e’lon qildi. Ro‘yxatdagi 100 ta eng yirik brendning umumiy qiymati bir yil ichida 22 foizga yuqorilab, $13 trlndan oshgan.

Reytingda ilk bor so‘nggi to‘rt yil ichida yetakchilikni Google egalladi. Uning brend qiymati $1,48 trln deb baholanib, bu o‘tgan yildagiga nisbatan 57 foiz o‘sishni ko‘rsatdi. Keyingi o‘rinlarda Apple ($1,38 trln, +6%), Microsoft ($1,11 trln, +26%) va Amazon ($1,02 trln, +18%) joy oldi.

Beshinchi o‘rinni Nvidia egallab, uning brend qiymati $815 mlrdga yetdi va yil davomida 60 foiz o‘sish qayd etildi. Eng katta sakrash esa ChatGPT brendiga tegishli bo‘lib, uning...

Li Auto kompaniyasi yangi flagman krossoveri — L9 Livis modelini rasman sotuvga chiqardi. Bu haqda Autohome nashri ma’lum qildi.

Taqdimot va narx

Avtomobil ikki xil komplektatsiyada taklif etilmoqda va narxi 460 ming hamda 510 ming yuan (taxminan $68 ming va $75,1 ming)ni tashkil etadi.

Dvigatel va texnik imkoniyatlar

Model 1,5 litrli benzin dvigateli hamda ikki elektr motoridan iborat gibrid tizim bilan jihozlangan. To‘liq uzatma elektr motorlar orqali amalga oshiriladi. Umumiy quvvat 571 ot kuchi, aylanish momenti 710 N/m bo‘lib, avtomobil 0 dan 100 km/soat tezlikka 4,9 soniyada chiqadi. WLTC standartiga ko‘ra yoqilg‘i sarfi 100 km uchun...

Qirg‘izistonning Asman Airlines aviakompaniyasi Toshkent va Issiqko‘l o‘rtasida yangi aviareyslarni yo‘lga qo‘yadi. Bu haqda Uzbekistan Airports ma’lum qildi.

2026-yil 15-may kuni «Uzbekistan Airports» AJda Qirg‘izistonning Asman Airlines aviakompaniyasi vakillari bilan uchrashuv o‘tkazildi. Unda ikki davlat o‘rtasida yangi yo‘lovchi aviareyslarni yo‘lga qo‘yish hamda parvozlar geografiyasini kengaytirish masalalari muhokama qilindi.

Muzokaralar davomida Toshkent xalqaro aeroporti va Qirg‘iziston aeroportlari o‘rtasida muntazam aviaqatnovlarni tashkil etish rejalari taqdim qilindi. Birinchi bosqichda 2026-yil 24-iyundan Toshkent – Tamchi (Issiqko‘l) yo‘nalishi bo‘yicha reyslarni yo‘lga qo‘yish ko‘zda tutilgan. Parvozlar Dash 8-400 turidagi havo kemalarida amalga oshiriladi.

Shuningdek, kelgusida Toshkent – O‘sh hamda Toshkent – Qoraqo‘l (Karakol) yo‘nalishlarida...