Yangiliklar

Volga brendi qayta tiklanganidan so‘ng o‘zining ilk avtomobili – Volga K50 krossoverini namoyish etdi. Bu haqda kompaniya rasmiy sahifasida ma’lum qildi.

Yangi model 2 litrli turbo dvigatel bilan jihozlangan bo‘lib, 238 ot kuchiga ega. Avtomobilda to‘liq yuritma tizimi va 8 pog‘onali avtomat uzatmalar qutisi mavjud.

K50 bir qator zamonaviy opsiyalar bilan taqdim etiladi:
— panoramali tom;
— 12 ta karnayli audio tizim;
— salon ichki yoritilishi (ambient light);
— old o‘rindiqlarni sozlash va massaj funksiyasi.

Avtomobillar Nijniy Novgorod shahridagi zavodda ishlab chiqariladi. Savdolar 2026-yilning uchinchi choragida boshlanishi rejalashtirilgan, narxi hozircha ochiqlanmagan.

Tashqi ko‘rinishiga qaraganda, model mashhur Geely Monjaro’ga juda o‘xshash ekani aytilmoqda. Shunga...

Shavkat Mirziyoyev Ramazon hayiti munosabati bilan mamlakat aholisiga bayram tabrigini yo‘lladi. Bu haqda davlat rahbari matbuot xizmati ma’lum qildi.

Davlat yetakchisi o‘z tabrigida Ramazon hayitini ezgulik, mehr-oqibat va saxovat ayyomi sifatida e’tirof etib, barcha vatandoshlarni ushbu muborak bayram bilan samimiy qutladi. Shuningdek, barchani mana shunday fayzli kunlarga yetkazgani uchun Yaratganga shukronalar aytilgani ta’kidlandi.

Qayd etilishicha, joriy yilda ham Ramazon oyi davomida aholining ehtiyojmand qatlamlarini qo‘llab-quvvatlashga alohida e’tibor qaratilgan. Xususan, so‘nggi 35 yilda ilk bor 1 trln so‘m mablag‘ ajratilib, uning 450 mlrd so‘mi 600 mingdan ortiq kam ta’minlangan oilalarga moddiy yordam sifatida yo‘naltirilgan. Shuningdek, 6 ming nafar bemorga...

Xiaomi kompaniyasi yangilangan flagman noutbuki – Xiaomi Notebook Pro 14 modelini taqdim etdi. Bu haqda kompaniya rasmiy sahifasida ma’lum qildi.

Yangi noutbuk ilg‘or temirga ega bo‘lishiga qaramay, atigi 1,08 kg vaznga ega. Bunga magniy qotishmasi va uglerod tolali qopqoqdan foydalanish orqali erishilgan.

Model eng so‘nggi Intel Core Ultra X7 358H protsessori bilan jihozlangan. Qurilmada 50 Vt issiqlik paketi va grafenli plastinalar hamda ikki ventilyatorli sovitish tizimi mavjud.

Noutbuk 14,6 dyuymli OLED displeyga ega bo‘lib, 3.1K aniqlik, 1600 nitgacha yorqinlik va 120 Gts yangilanish chastotasini qo‘llab-quvvatlaydi. Portlar qatorida Thunderbolt 4 (40 Gbit/s), ikkita USB-C, HDMI va 3,5 mm audio kirish...

2026-yil 27-martdan boshlab yuqori tezlikda harakatlanuvchi «Afrosiyob» elektropoyezdlari yangi yo‘nalishda qatnovlarni yo‘lga qo‘yadi. Bu haqda Transport vazirligi ma’lum qildi.

Unga ko‘ra, poyezdlar haftaning juma, shanba va yakshanba kunlari Toshkent – Shahrisabz – Toshkent yo‘nalishida harakatlanadi. Chiptalarni rasmiy savdo kassalari hamda onlayn platformalar orqali xarid qilish mumkin.

Jadvalga muvofiq, «Toshkent – Shahrisabz» yo‘nalishida poyezd Toshkent shahridan soat 06:33 da jo‘naydi. «Shahrisabz – Toshkent» yo‘nalishida esa poyezd Shahrisabz shahridan soat 16:24 da harakatlanadi.

Eslatib o‘tamiz, avvalroq Navro‘z munosabati bilan «Afrosiyob» qo‘shimcha qatnovlarni yo‘lga qo‘yilishi haqida yozgan edik.

O‘zbekistonlik xonanda Jahongir Otajonov yana ijtimoiy tarmoqlarda muhokamalarga sabab bo‘ldi. Bu safar u AQSh prezidenti Donald Trampga ochiq murojaat qilib, uni o‘z konsertlaridan biriga taklif etdi.

Unga ko‘ra, xonanda aprel oyida Amerika Qo‘shma Shtatlari bo‘ylab gastrol safarini rejalashtirgan. U uchta yirik shaharda konsert berishni mo‘ljallagan bo‘lib, odatiy e’lon o‘rniga Trampni shaxsan mehmon sifatida ko‘rishni istashini bildirgan.

Bunday e’tiborni tortuvchi chiqishlar san’atkor uchun yangilik emas. U ilgari ham noodatiy bayonotlari va kutilmagan PR uslublari bilan tanilgan bo‘lib, bu yondashuv uning shou-biznesdagi obrazining ajralmas qismiga aylangan.

Avvalroq Kursiv Uzbekistan Toshkentda Donald Trampni 102 qilgan fuqaro jarimaga tortilgani haqida yozgandi.

Ramazon hayiti va Navro‘z bayrami munosabati bilan e’lon qilingan qo‘shimcha dam olish kunlarida mahalliy yo‘nalishlarda qo‘shimcha aviaqatnovlar tashkil etiladi. Bu haqda Transport vazirligi ma’lum qildi.

19 – 24-mart kunlari davomida Uzbekistan Airways, Silk Avia hamda Centrum Air aviakompaniyalari tomonidan Toshkentdan Buxoro, Urganch, Nukus va Termiz shaharlariga jami 24 ta qo‘shimcha reys amalga oshiriladi.

Shuningdek, aviaqatnovlarga bo‘lgan talabni qondirish maqsadida Uzbekistan Airways 19 va 20-mart kunlari Toshkent – Buxoro – Toshkent hamda Toshkent – Urganch – Toshkent yo‘nalishlarida Airbus A320 o‘rniga kattaroq sig‘imli Boeing 763 samolyotlaridan foydalanadi.

Bundan tashqari, «Uzbekistan Airways» AJ tomonidan 2026-yil 20 – 23-mart kunlari amalga...

20 – 23-mart, Ramazon hayiti va Navro‘z bayrami kunlari 24 ta tijorat bankida valyuta ayirboshlash va xalqaro pul oʻtkazmalari xizmatlari koʻrsatiladi. Bu haqda Markaziy bank matbuot xizmati ma’lum qildi.

Dam olish kunlari valyuta ayirboshlash va pul oʻtkazmalari shoxobchalari quyidagi banklarda faoliyat yuritadi. Havolaga bosish orqali faoliyat yuritayotgan bank manzilini topish mumkin:

Agro bank

Apex bank

Milliy bank

Tenge bank

Hamkor bank

Anor bank

Garant bank

Hayot bank

Asaka bank

Universal bank

SQB

Trust bank

Navro‘z bayrami munosabati bilan Toshkent shahridagi bir qator ko‘chalarda avtoulovlar harakati vaqtincha cheklanadi. Bu haqda poytaxtdagi Chilonzor va Mirzo Ulug‘bek tumanlari hokimliklari ma’lum qildi.

20-mart kuni soat 15:00 dan boshlab Chilonzor tumanidagi Al-Xorazmiy ko‘chasining aylanma yo‘l qismidan 2-Qatortol ko‘chasigacha bo‘lgan qismi vaqtincha yopiladi va 21-mart kuni soat 24:00 gacha transport harakati cheklanadi.

Shuningdek, 20-mart kuni soat 18:00 dan boshlab Mirzo Ulug‘bek tumani O‘zbekiston ovozi ko‘chasining Shastri va Sodiq Azimov ko‘chalari bilan kesishgan joyidan Shahrisabz ko‘chasigacha bo‘lgan qismi ham vaqtincha yopiladi. Bu cheklovlar 21 – 22-mart kunlari davomida to‘liq amal qiladi.

21 – 22-mart kunlari Mirzo...

Facebook kontenmeykerlarning daromad olish imkoniyatini oshirishga mo‘ljallangan yangi dastur – «Creator Fast Track»ni ishga tushirdi. Bu haqda Tech Crunch nashri ma’lum qildi.

Dastur boshqa platformalarda obunachilar orttirgan kontentmeykerlarni Facebook’da postlar joylashtirishga jalb qilishga qaratilgan. Unda qatnashganlar tegishli Reels’larini ko‘proq foydalanuvchilarga yetkazish orqali obunachilar sonini tezroq oshirish imkoniga ega bo‘ladi va uch oy davomida kafolatlangan to‘lov oladi.

Dastur uchun yangi eksklyuziv kontent yaratish shart emas, avvalgi eng yaxshi ishlar ham shartlarga muvofiq joylashtirilishi mumkin. Yillik $10 mingdan ortiq daromad oladigan kontentmeykerlar soni yil sayin 30 foizga oshgan. O‘tgan yili to‘langan jami summaning 60 foizi Reels’larga, qolgan qismi Stories, fotosuratlar...

19-mart kuni soat 17:03:17 da Qirg‘iz Respublikasida zilzila yuz berdi. Zilzila magnitudasi 3,9 ballni tashkil etdi, deya xabar bermoqda Seysmoprognostik monitoring markazi.

Unga ko‘ra, zilzila episentri Botken shahrida joylashgan bo‘lib, uning chuqurligi 10 km.ni tashkil qilgan. Zilzila kuchi O‘zbekiston hududida ham sezildi. So‘x tumanida tabiiy ofatning sezilish kuchi 2 ball bo‘ldi.

Zilzila markazi Toshkent shahridan 262 km janubiy-sharqda joylashgan bo‘lib, episentrning koordinatalari 39,59 N kenglik va 71,39 E uzunlikda aniqlangan. Hodisa natijasida O‘zbekistonda jiddiy zarar yoki jabrlanuvchilar haqida ma’lumot kelib tushmagan.

Eslatib o‘tamiz, avvalroq Afg‘onistonda yuz bergan zilzila O‘zbekistonda sezilgan edi.

Xitoyning XPeng kompaniyasi 2026-yilning 18-mart kuni P7 seriyasidagi yangilangan elektromobillarini rasman taqdim etdi. Bu haqda Carnewschina xabar bermoqda.

Yangilangan qatorga Max va UltraSE komplektatsiyalari, shuningdek, uchta yangi tana rangi qo‘shildi. Narxlar 702 Max versiyasi uchun 203,8 ming yuan ($29,5 ming)dan boshlanib, eng qimmat 750 4WD Wing Ultra modeli 301,8 ming yuanga baholanmoqda. Barcha yangi Max versiyalari kelajakda avtopilot tizimini yangilashni qo‘llab-quvvatlaydi.

Asosiy yangilik ikkinchi avlod VLA nomli ilg‘or haydovchiga yordam tizimi hisoblanadi. XPeng ushbu texnologiyani L4 darajasidagi avtonom haydashga erishishga qaratilgan «jismoniy dunyoning katta modeli» deb ta’riflamoqda. Tizim uchta sun’iy intellekt chipi yordamida 2250 TOPS hisoblash quvvatiga ega bo‘lib...

Dam olish kunlari O‘zbekistonda ob-havo biroz o‘zgaruvchan bo‘ladi. «O‘zgidromet»ga ko‘ra, ko‘pchilik hududlarda qisqa muddatli yomg‘ir yog‘ishi mumkin.

20-mart kuni respublikaning markaziy va janubi-sharqiy hududlarida yomg‘ir yog‘adi. Havo harorati ertaga 17-20 daraja iliq atrofida bo‘ladi.

21-martda hududning katta qismida yog‘ingarchiliksiz ob-havo bo‘lishi kutilmoqda, faqat Qashqadaryo, Surxondaryo viloyatlarida kunning ikkinchi yarmida ba’zi joylarda yomg‘ir yog‘adi. Havo harorati 20-25 daraja iliqqacha ko‘tariladi.

23 – 24-mart kunlari respublika hududining katta qismida (Qoraqalpog‘iston Respublikasi va Xorazm viloyatidan tashqari) ba’zi joylarda qisqa muddatli yomg‘ir yog‘adi, momaqaldiroq bo‘lishi mumkin. Harorat 20-25 daraja iliq, shimolda, janubda va cho‘l hududlarda 28 daraja iliqqacha bo‘ladi. Harorat, asosan, kechalari...

Navro‘z bayrami va Ramazon hayiti arafasida Toshkent shahridan respublika bo‘ylab shaharlararo yo‘nalishlarda qo‘shimcha avtobus qatnovlari tashkil etilmoqda. Bu haqda Transport vazirligi ma’lum qildi.

«Toshkent» avtovokzalidan amaldagi reyslardan tashqari har kuni 70 dan ortiq qo‘shimcha qatnovlar yo‘lga qo‘yilgan bo‘lib, bu orqali yo‘lovchilar Zomin, Samarqand, Jarqo‘rg‘on, Buxoro, Qorako‘l, Mirbozor, Navoiy, Jo‘sh, Nurota, Zarmitan, Zarafshon, Xatirchi, Qiziltepa, Konimex, Uchquduq, Kadan, Payariq, Shahrisabz, Qarshi, G‘uzor, Sherobod, Termiz, Denov, Uzun, Urganch, Xiva, Gurlan, To‘rtko‘l va Nukus shaharlariga qulay yetib borishlari ta’minlanadi.

Yo‘nalishlar jadvali va chipta narxlari avtovokzalning ijtimoiy tarmoqlardagi rasmiy sahifalarida e’lon qilingan bo‘lib, chiptalarni «Toshkent» avtovokzali chiptaxonalaridan hamda «UzBus» mobil ilovasi...

18-mart kuni Tailandning Bangkok shahrida avtobus ishtirokida sodir bo‘lgan yo‘l-transport hodisasi oqibatida bir nafar O‘zbekiston fuqarosi voqea joyida vafot etdi. Bu haqda Dunyo AA xabar bermoqda.

Ta’kidlanishicha, yana uch nafar hamyurtimiz turli darajadagi tan jarohatlari olgan. Ularga fuqarolarga tezkor tibbiy yordam ko‘rsatilib, shifoxonadan javob berilgan. O‘zbekiston Tashqi ishlar vazirligi Konsullik-huquqiy departamenti ma’lumotiga ko‘ra, vaziyat nazoratga olingan hamda marhumning yaqinlari bilan aloqa o‘rnatilib, jasadni O‘zbekistonga olib kelish choralari ko‘rilmoqda.

Avvalroq AQShning Nyu-York shahrida ham shunga o‘xshash fojia yuz bergan edi. Yo‘l-transport hodisasi oqibatida 31 yoshli O‘zbekiston fuqarosi Nilufar Komilova halok bo‘lgan. Avariya Nyu-York shahar transport departamentiga tegishli yuk mashinasi...

Shavkat Mirziyoyev 19-mart kuni Samarqand viloyatining Payariq tumanida qayta bunyod etilgan Imom Buxoriy majmuasiga tashrif buyurdi. Bu haqda davlat rahbari matbuot xizmati ma’lum qildi.

Ziyoratgohning markazida buyuk hadisshunos Imom Buxoriyning tabarruk maqbarasi joylashgan bo‘lib, davlat rahbari maqbarani ziyorat qildi. Tadbir davomida Qur’on tilovati qilindi va duo o‘qildi.

«Muborak Ramazon hayiti arafasida buyuk vatandoshimiz, hadis ilmining sultoni Imom Buxoriy hazratlarining ruhi poklariga yana bir bor hurmat-ehtirom bajo keltirmoqdamiz. Buxoriy bobomiz Qur’oni karimdan keyingi eng mo‘tabar manba bo‘lgan hadislar kitobini yaratib, butun islom olamida shuhrat qozongan ulug‘ siymodir. Muqaddas zaminimiz dunyoga mana shunday mashhur allomani bergani...

24-mart uchun valyutalar kursi yangilandi. Unga ko‘ra, dollar 13,21 so‘mga oshib, 12 192,06 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

13-martdan 16-martga qadar dollarda faqat tushish qayd etildi. Xususan, 13-martda 33,37 so‘mga tushib, 12 102,39 so‘mni va 16-mart kuni yana 20,76 so‘mga tushib, 12 081,63 so‘mni qayd etdi. 17-martdan 19-martga qadar o‘sish qayd etildi. Asosan, 17-mart kuni dollar 9,59 so‘mga oshib, 12 091,22 so‘mni, 18-martda 37,79 so‘mga oshib, 12 129,01 so‘mni va 19-martda 49,84 so‘mga oshib, 12 178,85 so‘mni tashkil etdi. 

Oxirgi besh kunlikdagi o‘zgarish

Markaziy bank ma’lumotlariga ko‘ra, yevro...

Yevropa tiklanish va taraqqiyot banki (YTTB) UzCarlsberg kompaniyasiga $15,4 mln miqdorida sarmoya ajratdi. Mablag‘ ishlab chiqarishni kengaytirishga yo‘naltiriladi.

Unga ko‘ra, kompaniya yangi pivo ishlab chiqarish zavodini quradi. Shuningdek, zamonaviy uskunalar sotib olinadi va omborlar kengaytiriladi.

Loyiha ishlab chiqarish hajmini oshirish bilan birga suv va energiya tejamkorligini ham yaxshilaydi.

Bundan tashqari, loyiha YTTBning Agrifood Nexus dasturi doirasida taqdim etiladigan 200 ming yevrogacha bo‘lgan aralash imtiyozli moliyalashtirishdan foydalanadi. Ushbu grant UzCarlsberg’ga barqaror texnologiyalarni sotib olish va iqlimga moslashishning ilg‘or texnologiyalarini joriy etish bilan bog‘liq xatarlarni kamaytirishga yordam beradi.

YTTB tomonidan 2020-yildan beri O‘zbekistonga uchinchi bor aksiyadorlik sarmoyasi kiritilmoqda. Bank shu vaqtgacha mamlakatga...

Lionel Messi Tennessi shtatida o‘tgan Concacaf Chempionlar kubogi doirasidagi o‘yinda faoliyatidagi 900-golini kiritdi. U futbol tarixida ushbu marraga yetgan ikkinchi o‘yinchiga aylandi.

Hujumchi o‘z gollarining aksariyatini «Barselona» safida kiritgan bo‘lib, ushbu klub safida 672 marta raqiblar darvozasini ishg‘ol qilgan. Shuningdek, Messi Argentina terma jamoasida 115 ta, PSJ’da 32 ta va 2023-yil iyunidan beri to‘p surayotgan «Inter Mayami» klubida 81 ta gol urishga muvaffaq bo‘ldi.

Opta ma’lumotlariga ko‘ra, Messi 755 ta golni chap oyog‘ida, 111 tasini o‘ng oyog‘ida va 30 tasini bosh bilan kiritgan. Uning gollaridan 724 tasi jarima maydonchasi ichidan urilgan bo‘lsa, 112 tasi penalti va 70 tasi jarima...

Samarqand viloyatida markaziy hududdan Toshkent va vodiy viloyatlarining elektr ta’minotini barqaror qilishga xizmat qiladigan yirik megaloyiha amalga oshirilmoqda. Bu haqda «O‘zbekiston 24» telekanalida ma’lum qilindi.

Loyiha doirasida 2000 gektarga yaqin maydonda yuqori quvvatli quyosh fotoelektr stansiyasi barpo etilmoqda. Stansiyaning umumiy quvvati 1000 MVtni tashkil etadi. Shu bilan birga, loyiha doirasida qariyb 700 MVt quvvatli elektr energiyasini saqlash tizimi, podstansiya hamda 441 km elektr uzatish tarmog‘i bunyod etilmoqda.

Megaloyihaning birinchi bosqichi joriy yilning iyun oyida ishga tushirilishi kutilmoqda, to‘liq quvvati esa 2027-yil oxirigacha ishga tushadi. To‘liq ishga tushgach, stansiya 800 mingga yaqin xonadonni elektr energiyasi bilan ta’minlaydi va hududdagi...

16-mart holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 22,8 foizni tashkil qildi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,9 foizni, yuridik shaxslar ulushi esa 23 foizni ko‘rsatmoqda.

Bunda eng past avtokredit stavkalari quyidagi banklarda kuzatilmoqda:

Eng yuqori avtokredit stavkasi:

Qirg‘iziston Milliy xavfsizlik davlat qo‘mitasi (MXDQ)ning sobiq raisi Qamchibek Tashiyev Ichki ishlar vazirligi tergov xizmatida so‘roq qilinmoqda. U tergov jarayonlariga ikkita jinoyat ishi doirasida guvoh sifatida jalb qilingan.

Tashiyev tergovchi huzuriga advokati bilan birga kirgan. Hozircha ishning boshqa tafsilotlari ochiqlanmagan va rasmiy organlar tomonidan bayonot berilmagan.

Avvalroq Qirg‘iziston prezidenti Sadir Japarov Kabar axborot agentligiga bergan intervyusida sobiq rahbarning lavozimidan ozod etilishi sabablarini tushuntirgan edi. Davlat rahbarining ta’kidlashicha, bu qaror mamlakatda parchalanishning oldini olish va o‘zaro do‘stlikni saqlab qolish maqsadida qabul qilingan.

Japarovning qayd etishicha, parlamentda va jamoatchilik orasida bo‘linish belgilari paydo bo‘la boshlagan. Ayrim guruhlar odamlarni «generalning tomoni...

Ramazon hayiti va Navro‘z umumxalq bayramlari arafasida aholining transportga bo‘lgan ehtiyojini qondirish maqsadida qo‘shimcha poyezd qatnovlari yo‘lga qo‘yiladi. Bu haqda Transport vazirligi ma’lum qildi.

Xususan, 19 – 25-mart kunlari davomida yo‘lovchilar oqimining oshishi inobatga olinib, jami 25 mingta qo‘shimcha yo‘lovchi o‘rni yaratiladi. Shu kunlarda yuqori tezlikdagi «Afrosiyob» poyezdlari uchun ham qo‘shimcha reyslar tashkil etilishi rejalashtirilgan. Jumladan, 19 – 21-mart kunlari Toshkent — Samarqand — Toshkent yo‘nalishida 6 ta qo‘shimcha reys amalga oshiriladi. Shuningdek, 19, 20, 21, 22, 23 va 25-mart kunlari Toshkent — Buxoro — Toshkent yo‘nalishida ham qo‘shimcha qatnovlar yo‘lga qo‘yiladi.

Bundan tashqari, 19 – 25-mart kunlari...

19-mart kuni Avstraliyadagi «Gold Coast» stadionida o‘tgan 2026-yilgi ayollar Osiyo kubogi pley-off bahsida O‘zbekiston terma jamoasi Filippinga 0:2 hisobida yutqazdi. Bu mag‘lubiyat sababli jamoa 2027-yilgi Jahon chempionatiga to‘g‘ridan to‘g‘ri yo‘llanma ololmadi.

Ushbu uchrashuv Braziliyada o‘tadigan mundialga to‘g‘ridan to‘g‘ri yo‘llanma taqdirini hal qilib beruvchi maxsus o‘tish bahsi edi. Filippin vakillari Anjela Berd va Jaklin Savikki ikkinchi bo‘limda kiritgan gollar evaziga o‘z jamoasiga g‘alaba hamda Jahon chempionati chiptasini taqdim etdi.

Avvalroq O‘zbekiston jamoasi musobaqaning chorak finalida Janubiy Koreyaga 0:6 hisobida imkoniyatni boy bergan, biroq qoidalarga ko‘ra mundialga yo‘llanma olish uchun ushbu qo‘shimcha pley-offda o‘ynash huquqini saqlab qolgan edi.

To‘g‘ridan to‘g‘ri yo‘llanma boy...

Donald Tramp ma’muriyati AQShga kirish uchun jami 50 ta davlat, jumladan, ro‘yxatga yangi qo‘shilgan 12 mamlakat fuqarolaridan $15 ming miqdorida garov puli talab qiladi. Bu haqda Reuters agentligi xabar bermoqda.

Yangi qoida asosan 38 davlat qatoriga yana 12 mamlakatni qo‘shadi. Ularning qatoriga Kambodja, Efiopiya, Gruziya, Grenada, Lesoto, Mavrikiy, Mo‘g‘uliston, Mozambik, Nikaragua, Papua-Yangi Gvineya, Seyshel orollari va Tunis kiritilgan. Agar viza egalari qoidalarga rioya qilib o‘z vataniga qaytsa yoki umuman sayohat qilmasa, to‘langan garov puli qaytarib beriladi.

Inson huquqlari tashkilotlari Trampning immigratsiya siyosatini, jumladan, agressiv deportatsiya hamda vizalarni bekor qilish harakatlarini keskin qoralab kelmoqda. Ular bu tartiblar inson huquqlari va...