Yangiliklar

O‘zbekistonda Germaniya amaliy fanlar universiteti tashkil etiladi. Germaniyada O‘zbekiston va Germaniya oliy ta’lim muassasalari o‘rtasida bir qator kelishuvlar imzolandi, deya xabar berdi «Dunyo».

Unga ko‘ra, O‘zbekistonning Germaniyadagi elchixonasi tomonidan ikki davlat oliy ta’lim tizimidagi hamkorlikka bag‘ishlangan uchrashuv tashkil etildi.

Tadbirda Germaniyaning oliy ta’lim muassasalari, ilmiy-tadqiqot markazlari, ta’lim grantlari jamg‘armalari va dual ta’lim agentliklari vakillari qatnashdi.

Oliy ta’lim, fan va innovatsiyalar vaziri Qo‘ng‘irotboy Sharipov O‘zbekistonda hozir 50 ming nafar yosh dual ta’lim yo‘nalishida tahsil olayotganini ma’lum qildi. 2030-yilgacha bu ko‘rsatkichni 200 ming nafarga yetkazish rejalashtirilgan.

Uning ta’kidlashicha, O‘zbekistonda faoliyat yuritayotgan 200 dan ortiq nemis korxonalari dual ta’limni rivojlantirish uchun muhim...

O‘zbekistonning Isroildagi elchixonasi fuqarolardan Isroilga kirish va mamlakatdan chiqishda bojxona qoidalariga qat’iy rioya qilishni so‘radi.

Ma’lum qilinishicha, tamaki mahsulotlari, dori vositalari, oziq-ovqat va boshqa tovarlarni olib kirish yoki olib chiqishda belgilangan me’yor va cheklovlar mavjud.

Taqiqlangan mahsulotlarni olib kirish yoki olib chiqish, shuningdek, ruxsat etilgan miqdordan ortiq tovar tashish ma’muriy yoki jinoiy javobgarlikka sabab bo‘lishi mumkin.

Elchixona fuqarolarga boshqa shaxslarning iltimosi bilan yoki pul, sovg‘a va boshqa mukofot evaziga ularga tegishli buyumlar, yuklar, dorilar, hujjatlar yoki boshqa predmetlarni olib o‘tmaslikni tavsiya qildi. Bunday holatda yuk ichidagi narsalar uchun javobgarlik uni tashiyotgan shaxs zimmasiga tushishi mumkin.

Safar oldidan olib ketilayotgan...

O‘zbekiston Markaziy banki endilikda fuqarolardan kelib tushayotgan murojaatlar asosida banklar faoliyatini baholab, eng past ko‘rsatkichga ega moliyaviy tashkilotlarni ommaga e’lon qilib borishni rejalashtirmoqda. Bu haqda Markaziy bank raisi Timur Ishmetov 13-iyun kuni Oliy Majlis Senatining yalpi majlisida ma’lum qildi.

Regulyator ma’lumotiga ko‘ra, buning uchun maxsus indeks ishlab chiqilgan bo‘lib, u banklarning mijozlar shikoyatlariga qay darajada tez va samarali javob berishini baholaydi. Yaqin kunlarda ushbu tizim asosida eng yomon natija ko‘rsatgan banklar ro‘yxati ham e’lon qilinishi kutilmoqda.

Markaziy bank rahbari Timur Ishmetovning ta’kidlashicha, yangi yondashuv banklar xizmat sifati ustidan jamoatchilik nazoratini kuchaytirishga xizmat qiladi. Shu bilan birga, fuqarolar...

Savdo nuqtalarida muddati o‘tgan yoki yaroqlilik muddati ko‘rsatilmagan mahsulotlarni sotish holatlariga nisbatan javobgarlikni kuchaytirish rejalashtirilmoqda. Bu haqdagi qonun loyihasi Oliy Majlis Qonunchilik palatasida birinchi o‘qishda qo‘llab-quvvatlandi.

Unga ko‘ra, bu o‘zgarishlar aholining sog‘lig‘ini himoya qilish va bozorda sifat nazoratini kuchaytirishga xizmat qiladi. Asosiy o‘zgartirishlar Ma’muriy javobgarlik to‘g‘risidagi kodeksning 178-moddasiga tegishli bo‘lib, unda savdo qoidalarini buzganlik uchun jarima miqdorlarini oshirish nazarda tutilgan.

Amaldagi tartibga muvofiq, bunday qoidabuzarliklar uchun fuqarolarga 3 – 10 BHM, mansabdor shaxslarga esa 7 – 10 BHM miqdorida jarima qo‘llaniladi. Takroriy huquqbuzarliklar sodir etilganda esa jazolar yanada og‘irlashtiriladi.

Yangi tashabbus kuchga kirsa, muddati o‘tgan mahsulotlarni sotgan shaxslarga...

Mitsui OSK Lines rahbari Dzotaro Tamuraning ta’kidlashicha, kompaniyalarga Hormuz bo‘g‘ozi orqali tranzitni qayta boshlash uchun bir necha hafta kerak bo‘lishi mumkin. Bu haqda Oninvest nashri xabar berdi.

Uning so‘zlariga ko‘ra, sud kompaniyalari AQSh va Eron o‘rtasidagi kelishuv faqat qog‘ozdagi hujjat bo‘lib qolmasdan, real vaziyatda ham xavfsizlikni ta’minlashiga ishonch hosil qilishi lozim.

Tamura Financial Times’ga bergan intervyusida ko‘plab kompaniyalar ehtiyotkor yo‘l tutishini va kemalarni yana ushbu yo‘nalishga yuborishdan avval vaziyatni kuzatishini bildirgan. Uning fikricha, kelishuv tegishli davlatlar o‘rtasidagi rasmiy bitim bo‘lishi bilan birga, Hormuz bo‘g‘ozidagi amaliy holatga ham ta’sir qilishi kerak. Shundagina sud kompaniyalari kemalar xavfsiz o‘tishiga ishonishi mumkin.

Mitsui...

Huawei uch marta buklanadigan yangi smartfon konsepsiyasini patentladi. Qurilma bozorda hozircha uchramagan o‘ziga xos dizaynga ega bo‘lishi mumkin. Bu haqda Huaweicentral xabar berdi.

Yaqinda e’lon qilingan patent hujjatlarida Huawei’ning yangi buklanuvchi smartfoni tasvirlangan. Qurilma vertikal S-shakldagi uch qismli buklanish tizimidan foydalanadi. Bu esa smartfonni yig‘ilgan holatda ancha ixcham qilish imkonini beradi.

Konsepsiyaga ko‘ra, qurilma ochilganda cho‘zilgan formatdagi yupqa smartfonga aylanadi. Asosiy kamera orqa panelda joylashadi, old kamera esa displeyning yuqori qismidagi kichik teshik ko‘rinishida bo‘ladi.

Patentda, shuningdek, antennalar va boshqa komponentlar uchun optimallashtirilgan ichki tuzilma haqida ham ma’lumot berilgan. Bu murakkab konstruksiyaga qaramay signal yo‘qotilishini kamaytirishga yordam berishi kerak.

O‘zbekiston Albaniyaning Durres portidan logistika xabi sifatida foydalanishi mumkin. Bu haqda Shavkat Mirziyoyev va Albaniya prezidenti Bayram Begay rasmiy delegatsiyalar ishtirokidagi muzokarada ma’lum qilindi.

Uchrashuvda ikki davlat o‘rtasidagi amaliy hamkorlikni yanada mustahkamlash istiqbollari ko‘rib chiqildi. Muzokaralar avvalida Shavkat Mirziyoyev O‘zbekiston va Albaniya munosabatlari tarixida ilk bor o‘tkazilayotgan ushbu sammit alohida ahamiyatga ega ekanini ta’kidladi. Davlat rahbarining qayd etishicha, mazkur uchrashuv ikki tomonlama hamkorlikni sifat jihatdan yangi bosqichga olib chiqishga xizmat qiladi.

Tomonlar so‘nggi vaqtlarda siyosiy muloqot hamda turli darajadagi aloqalar faollashganini mamnuniyat bilan qayd etdi. O‘zbekiston va Albaniya BMT hamda boshqa xalqaro tuzilmalar doirasida bir-birini qo‘llab-quvvatlab kelayotgani alohida ta’kidlandi.

General Motors tomonidan AQSh bozorida Chevrolet’ning mashhur Chevrolet Traverse modeli uchun chegirma e’lon qilindi. Bu haqda GMAutority nashri xabar bermoqda.

Iyun oyida 2026-yilgi Chevrolet Traverse’ni GM Financial orqali moliyalashtirish sharti bilan 48 oygacha 2,9 foizlik yillik stavka asosida xarid qilish mumkin. 60 oylik muddat uchun esa 3,9 foizlik stavka taklif etilmoqda. Bu dastur avtomobilni to‘liq xarid qilishni rejalashtirayotgan mijozlar uchun mo‘ljallangan.

Lizing bo‘yicha ham bir nechta taklif mavjud. 2026-yilgi Traverse LT FWD versiyasi 24 oy muddatga oyiga $499 dan taklif qilinmoqda. Ushbu dastur yiliga 10 ming mil yurish limiti bilan beriladi. 2021-yil yoki undan yangi avtomobilni lizing asosida ishlatayotgan...

16-iyun kuni Ko‘ksaroy qarorgohida O‘zbekistonga rasmiy tashrif bilan kelgan Albaniya prezidenti Bayram Begayni rasmiy kutib olish marosimi bo‘lib o‘tdi. Bu haqda prezident matbuot xizmati xabar bermoqda.

Qarorgoh oldidagi maydonda oliy martabali mehmon sharafiga faxriy qorovul saf tortdi. O‘zbekiston prezidenti Shavkat Mirziyoyev Albaniya prezidentini samimiy kutib olib, uni shohsupaga taklif qildi.

Marosim davomida harbiy orkestr ijrosida O‘zbekiston va Albaniya davlat madhiyalari yangradi. Shundan so‘ng ikki mamlakat yetakchilari faxriy qorovul safi oldidan o‘tib, rasmiy delegatsiyalar a’zolari bilan salomlashdi.

Rasmiy kutib olish marosimi yakunida prezidentlar birgalikda suratga tushdi. Shundan so‘ng Ko‘ksaroy qarorgohida O‘zbekiston va Albaniya o‘rtasidagi oliy darajadagi muzokaralar boshlandi.

Muzokaralarda ikki...

Tecno kompaniyasi Spark 50 smartfonlar qatorini yangi Spark 50 Pro modeli bilan kengaytirdi. Bu haqda GSMArena nashri xabar berdi.

Qurilma katta sig‘imli batareya, mustahkam korpus va sun’iy intellekt funksiyalari bilan jihozlangan bo‘lib, dizayni jihatidan ayrim jihatlari bilan iPhone 17 Pro’ning to‘q sariq rangli versiyasini eslatadi.

Smartfonning asosiy kamerasida 50 megapikselli Sony LYTIA 600 sensori qo‘llanilgan. Kamera F/1.8 diafragmali obyektiv bilan jihozlangan. Old kamera esa 8 megapikselli modulga ega.

Tecno Spark 50 Pro 6,78 dyuymli IPS displey bilan ta’minlangan. Ekran HD+ aniqlik va 120 Gts yangilanish chastotasini qo‘llab-quvvatlaydi. Qurilmaning ishlashiga MediaTek Helio G100 Ultimate protsessori mas’ul bo‘lib, u 8 GB...

2026-yilning yanvar – aprel oylarida O‘zbekiston 11 ta davlatga jami 26,2 ming tonna piyoz eksport qildi. Bu haqda Milliy statistika qo‘mitasi ma’lumotlari e’lon qilindi.

Yetkazib berilgan mahsulotlarning umumiy qiymati $5,8 millionni tashkil etdi.

Piyoz eksporti hajmi o‘tgan yilning shu davridagiga nisbatan 18,4 ming tonnaga yoki 41,2 foizga kamaygan.

Hisobot davrida O‘zbekiston piyozining asosiy xaridorlari Turkmaniston va Rossiya bo‘ldi. Ushbu mamlakatlarga mos ravishda 8,7 ming va 8,4 ming tonna mahsulot eksport qilingan.

Shuningdek, Iroqga 5,3 ming tonna, Eronga 2,2 ming tonna hamda Qirg‘iz Respublikasiga 1,4 ming tonna piyoz yetkazib berilgan. Qolgan davlatlar hissasiga esa 260 tonnadan ortiq mahsulot to‘g‘ri kelgan.

Internetda iPhone 18 Pro va iPhone 18 Pro Max modellari aks etgan yangi video tarqaldi. Videoda smartfonlar sizib chiqqan ma’lumotlar va maketlar asosida turli ranglarda hamda turli rakurslardan namoyish etilgan.

Tasvirlarga ko‘ra, yangi iPhone’lar dizayn jihatidan amaldagi modellarga o‘xshash bo‘lib qoladi. Orqa panelda uchta sensorli yirik kamera bloki va Apple’ga xos tugmalar joylashuvi saqlanib qolgan.

Upcoming iPhone 18 Series lineup pic.twitter.com/8UQ2TbkCzr

— AhMad 𝕏 Ansari (@Ahmadansari2233) June 15, 2026

Avvalroq texnobloger va insayder Sahil Karul iPhone 18 Pro hamda iPhone 18 Pro Max’ning haqiqiy maketlari aks etgan eksklyuziv foto va videolarni e’lon qilgandi...

Bugun Toshkent shahrida nam havo massalari kirib kelishi oldidan ayrim hududlarda chang-to‘zon kuzatilishi mumkin. Shu sabab Maxsus komissiya ogohlantirish bilan chiqdi.

Prognozlarga ko‘ra, kun davomida poytaxtda ob-havo o‘zgaruvchan bo‘ladi. Ayrim joylarda qisqa muddatli yomg‘ir yog‘ishi va momaqaldiroq kuzatilishi mumkin.

Shamol odatda 3–8 m/s tezlikda esadi. Biroq ayrim hududlarda uning tezligi 12–15 m/s gacha kuchayishi ehtimoli bor. Kuchli shamol fonida qisqa muddatli chang-to‘zonlar yuzaga kelishi mumkin.

Mutaxassislar bunday holatda havodagi chang zarrachalari, ayniqsa, «PM10» miqdori vaqtincha ortishini ma’lum qildi. Kunning ikkinchi yarmida yog‘ingarchilik hisobiga havo asta-sekin tozalanishi kutilmoqda.

Nafas yo‘llari kasalliklari, allergiya va yurak-qon tomir tizimi bilan bog‘liq muammolari bor fuqarolarga...

Indoneziyada 6,7 magnitudali zilzila sodir bo‘ldi. Bu haqda AQSh Geologik xizmati ma’lum qildi.

Ma’lumotlarga ko‘ra, zilzila epitsentri Indoneziyaning Palu shahridan 43 kilometr janubi-sharqda joylashgan. Yer silkinishi 10 kilometr chuqurlikda qayd etilgan.

Hozircha zilzila oqibatida qurbonlar, jabrlanganlar yoki moddiy zarar haqida ma’lumot berilmagan. Mutasaddi xizmatlar hududdagi vaziyatni o‘rganmoqda.

Indoneziya seysmik faol hududda joylashgan bo‘lib, mamlakatda kuchli yer silkinishlari tez-tez kuzatiladi. Bunga sabab Indoneziyaning Tinch okeani «olov halqasi» deb ataluvchi tektonik faol mintaqada joylashganidir.

Avvalroq Kursiv Uzbekistan nashri Indoneziyada poyezdlar to‘qnashuvi oqibatida 14 kishi qurbon bo‘lgani haqida yozgan edi.

Indoneziya davlat temir yo‘l kompaniyasi (PT KAI) rahbari Bobbi Rasyidinning ta’kidlashicha...

Samsung Buyuk Britaniyada Samsung Galaxy S25 FE smartfoni uchun yangi chegirma e’lon qildi. Bu haqda Sammobile nashri xabar bermoqda.

Kompaniyaning rasmiy onlayn do‘konida model narxi 100 funt sterlingga pasaytirildi. Aksiyaning muhim jihati shundaki, xaridor chegirmadan foydalanish uchun eski qurilmasini trade-in orqali topshirishi shart emas.

Chegirma Galaxy S25 FE’ning barcha talqinlariga taalluqli. Jumladan, 128 GB, 256 GB va 512 GB xotiraga ega versiyalar odatdagi narxidan 100 funt sterlingga arzonroq sotilmoqda. Shu bois xaridor qaysi xotira hajmini tanlashidan qat’i nazar, bir xil miqdordagi chegirmaga ega bo‘ladi.

Samsung faqat smartfon narxini kamaytirish bilan cheklanmagan. Galaxy S25 FE bilan birga ayrim Galaxy Buds...

Samarqand va Qashqadaryoda qalbaki aksiz markali alkogol mahsulotlarini sotish hamda muomalaga kiritish holatlari aniqlandi. Bu haqda Bosh prokuratura huzuridagi Departament ma’lum qildi.

Departamentning Pastdarg‘om tumani bo‘limi hamda boshqa huquqni muhofaza qiluvchi organlar hamkorligida Samarqand shahrida tezkor tadbir o‘tkazildi. Tadbir davomida mas’ul shaxslar Xo‘jaqishloq mahallasi hududidagi xonadonda boshqa bir korxonadan sotib olingan 516 mln so‘mlik qalbaki aksiz markali alkogol mahsulotlarini sotish maqsadida saqlab kelgani aniqlandi.

Xonadondan 21 turdagi jami 21,9 ming dona qalbaki aksiz markali alkogol mahsuloti ashyoviy dalil sifatida rasmiylashtirib olindi. Shuningdek, Qashqadaryo viloyatida ham shunga o‘xshash holat fosh etildi.

Departamentning Qarshi tumani bo‘limi va boshqa huquqni muhofaza qiluvchi...

Namangan shahrida 2026 – 2030-yillarga mo‘ljallangan renovatsiya dasturi tasdiqlandi. Loyiha doirasida shaharning Navoiy, Ibrat va Uychi ko‘chalari hududlari tubdan yangilanib, eskirgan turarjoylar o‘rnida zamonaviy uy-joy majmualari va infratuzilma obyektlari quriladi.

Rejaga ko‘ra, renovatsiya hududida joylashgan 36 ta ko‘p qavatli uy, 143 ta yakka tartibdagi xonadon hamda 13 ta noturar bino bosqichma-bosqich buziladi. Ularning o‘rnida 6 616 ta xonadonga ega 92 ta yangi ko‘p qavatli uy barpo etilishi ko‘zda tutilgan.

Loyiha faqat uy-joy qurilishi bilan cheklanmaydi. Hududda 375 ta savdo va xizmat ko‘rsatish obyekti tashkil etilib, aholi uchun qo‘shimcha qulayliklar yaratiladi. Shuningdek, transport va kommunal infratuzilmani yaxshilash ishlari ham amalga...

Futbol bo‘yicha O‘zbekiston milliy terma jamoasining Jahon chempionatidagi ishtiroki munosabati bilan Toshkent shahrining barcha tumanlarida maxsus tomosha maydonlari tashkil etiladi. Bu haqda poytaxt hokimligi matbuot xizmati xabar berdi.

Muxlislar terma jamoa ishtirokidagi uchrashuvlarni katta ekranlarda jonli efirda tomosha qilib, jamoani birgalikda qo‘llab-quvvatlash imkoniyatiga ega bo‘ladi.

Fan-zonalar Bektemir, Mirobod, Mirzo Ulug‘bek, Olmazor, Sergeli, Uchtepa, Chilonzor, Shayxontohur, Yunusobod, Yakkasaroy, Yangihayot va Yashnobod tumanlaridagi bog‘lar, xiyobonlar hamda sport majmualarida tashkil etiladi. Mazkur hududlarda muxlislar uchun qulay sharoitlar yaratilib, o‘yinlar katta ekranlarda namoyish qilinadi.

Eng yirik tomosha maydoni «Bunyodkor» stadioni hududida joylashtiriladi. Bu yerda bir vaqtning o‘zida 10 minggacha futbol ishqibozlari yig‘ilib, milliy...

Geely kompaniyasiga qarashli Lynk & Co brendi tomonidan yangi Lynk & Co 07 GT avtomobili namoyish qilindi. Bu haqda CarNewsChina nashri xabar bermoqda.

U 07 EM-P sedaniga asoslangan sport uslubidagi plug-in gibrid universal hisoblanadi. Kompaniya tarixidagi ilk universal model to‘liq yuritma, kuchaytirilgan tormoz tizimi va 200 km dan ortiq elektr yurish zaxirasi bilan ajralib turadi.

Tashqi ko‘rinishidan Lynk & Co 07 GT sedan versiyasidan keskin farq qilmaydi. Model brendning taniqli dizayn uslubini saqlab qolgan: old qismda ikki qavatli optika, agressiv chiziqlar va 2022-yilda namoyish qilingan «The Next Day» konsept-kariga xos yechimlar ko‘zga tashlanadi.

Avtomobil kuzovida «Downforce» yozuvlari ham qo‘llangan...

General Motors 2027-yilgi Chevrolet Express ishlab chiqarishni 2026-yil 31-avgustdan boshlashni rejalashtirmoqda. Bu haqda GM Authority xabar berdi.

Dilerlar model bo‘yicha buyurtmalarni 23-iyuldan qabul qilishi mumkin bo‘ladi. Bu sana hozircha taxminiy, keyinroq o‘zgarishi mumkin.

Chevrolet Express 2027 deyarli 2026-yilgi model bilan bir xil bo‘ladi. Avtomobil Cargo, Passenger va Cutaway versiyalarida taklif etiladi.

Passenger versiyasida LS va LT komplektatsiyalari saqlanib qoladi. Standart holatda avtomobil 12 yo‘lovchiga mo‘ljallangan bo‘ladi, uzaytirilgan versiyalarda esa 15 kishilik salon varianti ham taklif qilinadi.

Model uchun ikkita dvigatel mavjud bo‘ladi: 276 ot kuchiga ega 4,3 litrli V6 va 401 ot kuchiga ega 6,6 litrli V8. Har...

Tijorat banklari tomonidan 16-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 15-iyun uchun valyutalar kursi e’lon qilingani haqida yozgan edi.

Bekobodda mashinasida piyodani urib yuborib, uning jasadini kanalga tashlagan sobiq ichki ishlar xodimiga nisbatan sud hukmi o‘qildi. «Zamon» dasturida ma’lum qilinishicha, sud uni 7 yil muddatga ozodlikdan mahrum qildi.

2025-yil 11-dekabr kuni Bekobod tumani hududidan o‘tuvchi Bo‘ka – Bekobod avtomobil yo‘lida sodir bo‘lgan mudhish voqea yuzasidan jinoyat ishi ko‘rib chiqildi. Tergov ma’lumotlariga ko‘ra, Nexia-3 avtomobilini boshqargan Bekobod shahar IIBning jinoyat qidiruv bo‘limi tezkor vakili 43 yoshli piyodani urib yuborgan.

Sudda ma’lum qilinishicha, haydovchi avval jabrlanuvchini avtomobiliga olib, shifoxonaga olib borishga harakat qilgan. Biroq keyinchalik voqeani yashirish maqsadida uni Do‘stlik kanaliga tashlab yuborgan. Marhumning jasadi hodisadan qariyb 80 kun o‘tib...

Albaniya Respublikasi prezidenti Bayram Begay rafiqasi hamrohligida O‘zbekistonga rasmiy tashrif bilan keldi. Bu haqda «O‘zA» agentligi xabar berdi.

Prezident Toshkent xalqaro aeroportida Oliy Majlis Qonunchilik palatasi spikeri Nuriddin Ismoilov hamda boshqa rasmiylar tomonidan kutib olindi.

Tashrif davomida Toshkent shahrida O‘zbekiston prezidenti Shavkat Mirziyoyev va Albaniya prezidenti Bayram Begay o‘rtasida oliy darajadagi muzokaralar o‘tkazilishi rejalashtirilgan. Unda ikki davlat o‘rtasidagi hamkorlikni rivojlantirish istiqbollari muhokama qilinadi.

Tomonlar savdo-iqtisodiy aloqalar, sanoat kooperatsiyasi, qishloq xo‘jaligi, yashil energetika, turizm hamda madaniy-gumanitar sohalardagi hamkorlikni kengaytirish masalalariga alohida e’tibor qaratadi. Shuningdek, xalqaro va mintaqaviy kun tartibidagi dolzarb masalalar yuzasidan ham fikr almashilishi kutilmoqda.

Tashrif dasturiga muvofiq, Albaniya...

Chevrolet Equinox 2027 modeli uchun muhim opsiyalardan biri bekor qilindi. Bu haqda GMAutority nashri xabar bermoqda.

Kompaniya yangi model yili konfiguratoridan Trailering Package paketini olib tashlagan. Bu esa zavoddan tirkama tortish imkoniyati bilan jihozlangan Equinox xarid qilmoqchi bo‘lgan mijozlar uchun noqulaylik tug‘diradi.

2027-yilgi Chevrolet Equinox buyurtma tizimiga 16-aprel kuni kiritilgan va hozirda sotuvga chiqarilgan. Biroq model konfiguratorida Trailering Package opsiyasini tanlash imkoni yo‘q. Hozircha Chevrolet ushbu paketni 2027 model yili davomida qayta taklif qiladimi yoki yo‘qmi, noma’lum.

Mazkur qaror, ayniqsa, kutilmagan bo‘ldi. Chunki hozirgi avlod Equinox uzoq vaqt davomida zavod tirkama paketi bilan taklif qilinmagan edi. Chevrolet bu imkoniyatni...