Yangiliklar

Ijtimoiy tarmoqlarda Air Fergana aviakompaniyasi faoliyat boshlagani haqida xabarlar tarqaldi. Fuqaro aviatsiyasi agentligi mazkur xabarlarning haqiqatga to‘g‘ri kelmasligini ma’lum qildi.

Ta’kidlanishicha, mazkur aviakompaniya hali tijorat parvozlarini amalga oshirish uchun zarur bo‘lgan ekspluatant sertifikati (AOC) hamda boshqa litsenziyalarni olmagan.

Agentlik ma’lumotiga ko‘ra, aviakompaniyalar O‘zbekistonda faqat barcha majburiy tekshiruvlar va ruxsat berish tartib-taomillari to‘liq yakunlangandan so‘nggina faoliyatni boshlashi mumkin. Bu jarayon parvozlar xavfsizligi, havo kemalariga texnik xizmat ko‘rsatish, xodimlar malakasi hamda milliy va xalqaro talablarning bajarilishini o‘z ichiga oladi.

Shuningdek, rasmiy izohda barcha qonunchilik talablaridan so‘nggina aviakompaniya yo‘lovchi va yuk tashish bo‘yicha tijorat faoliyatini amalga oshirishi mumkinligi qayd etilgan.

Ma’lumot...

Surxondaryo viloyatida jami 63 nafar fuqaroni Janubiy Koreyaga ishga yuborish bahonasida $408,8 ming pul mablag‘larini noqonuniy ravishda o‘zlashtirgan shaxslar qo‘lga olindi. Bu haqda Bosh prokuratura departamenti ma’lum qildi.

Departamentning Surxondaryo viloyati boshqarmasi tomonidan o‘tkazilgan tergovga qadar tekshiruvda nodavlat ta’lim muassasasi ta’sischisi (muqaddam sudlangan) va boshqalar oldindan til biriktirib, fuqarolarning ishonchiga kirgani aniqlangan.

Ma’lum qilinishicha, ular 6 ta viloyatda yashovchi 63 nafar fuqaroga Koreya Respublikasiga ishga yuborishni va’da qilib, jami $408,8 ming miqdoridagi mablag‘ni firibgarlik yo‘li bilan qo‘lga kiritgan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, hozirda tergov harakatlari olib borilmoqda.

Eslatib o‘tamiz, avvalroq...

Joriy yil 30-maydan boshlab Flykhiva aviakompaniyasi Termiz — Istanbul — Termiz yo‘nalishida muntazam aviaqatnovlarni yo‘lga qo‘yadi. Bu haqda Transport vazirligi ma’lum qildi.

Unga ko‘ra, mazkur aviareyslar haftaning chorshanba va shanba kunlari amalga oshirilishi rejalashtirilgan. Hozirda Turkiyaning Istanbul shahriga O‘zbekistonning Toshkent, Samarqand, Farg‘ona, Urganch va Buxoro shaharlaridan ham muntazam parvozlar mavjud.

Ma’lumot uchun, ushbu yo‘nalishlarda Uzbekistan Airways, Qanot Sharq, Centrum Air hamda Turkish Airlines aviakompaniyalari haftasiga jami 87 ta muntazam aviaqatnovlarni amalga oshirmoqda.

Eslatib o‘tamiz, avvalroq Etihad Airways Toshkent — Abu-Dabi yo‘nalishida parvozlarni yo‘lga qo‘yishi haqida xabar qilgan edik.

O‘zbekiston Soliq qo‘mitasi raisi Farrux Pulatov buyrug‘iga ko‘ra, mamlakatning 12 viloyatidagi 35 ta shahar va tuman soliq inspeksiyalariga yangi rahbarlar tayinlandi.

Unga ko‘ra, yangi tayinlovlarda zamonaviy boshqaruv yondashuviga ega, professional va yosh kadrlar tanlab olingan. Shuningdek, rahbarlar tarkibida to‘rt nafar ayol ham bor bo‘lib, ular G‘ozg‘on, Shirin, Muborak va Termiz tumanlarida faoliyat yuritadi.

Avvalroq «Kursiv» nashri O‘zbekistondagi ikkita bankda boshqaruv raislari almashgani haqida yozgandi.

Amerikalik tarjimon va sharqshunos olim Mark Reese mualliflik huquqi buzilgani bo‘yicha sudda g‘alaba qozondi. Fuqarolik ishlari bo‘yicha Uchtepa tumanlararo sudi qaroriga ko‘ra, O‘zbekiston davlat jahon tillari universiteti (O‘zDJTU) mas’ul xodimidan Reese foydasiga 20 million 600 ming so‘m miqdorida tovon undiriladi, deya xabar berdi Intellektual mulk agentligi.

Ma’lum qilinishicha, Mark Reese joriy yil aprel oyida sudga da’vo arizasi kiritib, uning 15 yil davomida ingliz tiliga tarjima qilgan «O‘tkan kunlar» asari (Bygone Days) ruxsatsiz elektron shaklda tarqatilganini bildirgan.

Sud qaroriga asosan, universitet mas’ul xodimidan da’vogar foydasiga BHMning 50 baravari — 20,6 mln so‘m miqdorida kompensatsiya undirilishi belgilandi.

Avvalroq holat yuzasidan Adliya...

Yaqin Sharqdagi urush fonida keskin qimmatlashgan Shimoliy dengizdagi Forties markali neft ilk bor etalon narx – Dated Brent’ga nisbatan chegirma bilan savdo qilindi. Bu haqda Oninvest nashri xabar berdi.

Eni kompaniyasi tomonidan sotilgan Forties neft partiyasini treyder Vitol Dated Brent’dan barreli uchun 30 sent arzon narxda xarid qilgan. Bu holat oxirgi marta 27-fevralda, AQSh va Isroilning Eron bilan urushi boshlanishidan bir kun avval kuzatilgan edi.

Aprel oyida urush va Hormuz bo‘g‘ozi yopilishi ortidan Forties narxi 2008-yilgi moliyaviy inqirozdan oldingi rekord darajalardan ham oshib ketgandi.

Bloomberg yozishicha, Shimoliy dengiz neftidagi premiyaning yo‘qolishi Yevropa bozori investorlar kutganidan ko‘ra barqarorroq bo‘lib chiqqanini...

Migratsiya agentligining sobiq xodimi Azizbek Toshtemirov xalqaro qidiruvga berildi. Interpol saytida e’lon qilingan ma’lumotga ko‘ra, u firibgarlikda ayblanmoqda.

Toshtemirov O‘zbekiston tomonidan qidirilmoqda. Unga nisbatan «firibgarlik» moddasi bo‘yicha ayblov qo‘yilgan. Ma’lumotda qayd etilishicha, Toshtemirov 1990-yilda Andijon viloyatida tug‘ilgan. U o‘zbek, rus va ingliz tillarini biladi.

Avvalroq u Migratsiya agentligi tizimida faoliyat yuritgan. Hozirda uning qayerdaligi noma’lum ekani aytilmoqda.

Eslatib o‘tamiz, avvalroq Interpol Gruziya huquq-tartibot idoralari bilan hamkorlikda xalqaro qidiruvda bo‘lgan yana bir fuqaroning ekstraditsiyasini ta’minlagandi. Qidiruvdagi shaxs Tbilisi shahridagi Interpol MMB bilan o‘tkazilgan muvofiqlashtirilgan tadbirlar natijasida Gruziya hududida aniqlangan va qo‘lga olingan. Jarayonning barcha bosqichlari axborot hamda tashkiliy-huquqiy...

Latviya bosh vaziri Evika Silinya parlamentga iste’foga chiqish to‘g‘risida ariza topshirdi va bu qadam butun hukumatning tarqalishiga olib keldi. Qaror hukmron koalitsiya hamkori bo‘lgan «Taraqqiyparvarlar» (Progresīvie) partiyasi ishonchsizlik bildirganidan so‘ng qabul qilingan.

Hozirgi hukumat yangi Vazirlar Mahkamasi tasdiqlanguniga qadar vaqtinchalik rejimda o‘z ishini davom ettiradi, vazirlar o‘z lavozimlarini zudlik bilan tark etmaydi. Latviya prezidenti Edgars Rinkevichs bosh vazirning arizasini qabul qildi va barcha parlament fraksiyalari bilan yangi hukumat tuzish bo‘yicha muzokaralarni boshlaydi.

Agar muzokaralar cho‘zilsa yoki parlamentda aniq ko‘pchilik ovoz yig‘ilmasa, iste’foga chiqqan hukumat uzoqroq muddat ishlashi mumkin.

Siyosiy inqiroz yangi mudofaa vaziri nomzodi atrofidagi ziddiyatlar sababli yuzaga kelgan...

15-may uchun valyutalar kursi yangilandi. Unga ko‘ra, dollar kursi 98,06 so‘mga tushib, 11 975,36 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 7-may kuni 37,07 so‘mga oshib, 12 074,28 so‘mni, 8-may kuni 40,69 so‘mga oshib, 12 114,97 so‘mni, 12-may kuni 26,97 so‘mga oshib, 12 141,94 so‘mni va 13-mayda yana 3,71 so‘mga oshib, 12 145,65 so‘mga yetdi. Ammo 14-may kuni kurs 72,23 so‘mga tushib, 12 073,42 so‘mni tashkil qildi.

Markaziy bank ma’lumotlariga ko‘ra, yevro 113,6 so‘mga tushib, 14 020,75 so‘mni, rubl esa 1,56 so‘mga tushib, 162,91 so‘mni tashkil qildi.

O‘zbekistondagi «Hamkorbank» va «Poytaxt bank»ka yangi boshqaruv raislari tayinlandi. Bu haqda «Poytaxt bank» Korporativ axborot yagona portalida ma’lum qildi.

Polshalik bankir Rafal Yushchak «Hamkorbank» boshqaruvi raisi vazifasini bajaruvchi sifatida ish boshlagan. Bu haqda Facebook sahifasida post joyladi.

U bunga qadar Polsha, Ukraina va Belarusdagi yirik moliyaviy tashkilotlar – PKO BP, FUIB Ukraine, Getin Xolding, Alfa Bank Belarus va Alfa Bank Ukraineda rahbarlik lavozimlarida faoliyat yuritgan. Xabarlarga ko‘ra, bankning amaldagi rahbari Baxtiyor Jo‘rayev o‘z xohishiga ko‘ra lavozimini tark etgan. U «Hamkorbank»ni 2021-yildan buyon boshqarib kelayotgandi.

Shuningdek, Feruz Azimov «Poytaxt bank» boshqaruvi raisi etib tayinlandi. Ma’lum qilinishicha, bank kuzatuv kengashi...

Toshkentda Ijtimoiy himoya milliy agentligi tomonidan uchinchi bor «Inson uchun» festivali tashkil etildi. Tadbir yillar davomida oddiy yarmarkadan yirik ijtimoiy platformaga aylangan.

Festival doirasida ish yarmarkalari, ta’lim dasturlari, professional tanlovlar hamda inklyuzivlik va bandlikka bag‘ishlangan uchrashuvlar o‘tkazildi.

Bu yilgi tadbirning asosiy voqealaridan biri O‘zbekistondagi ilk Abilimpiya milliy chempionati bo‘ldi. Mazkur xalqaro harakat nogironligi bo‘lgan insonlarning kasbiy ko‘nikmalarini rivojlantirish va ularni ish bilan ta’minlashga qaratilgan.

Chempionat ishtirokchilari turli sohalardagi mahoratini namoyish etdi. Ish beruvchilar esa iqtidorli mutaxassislar bilan tanishish imkoniga ega bo‘ldi.

Festivalda nogironligi bo‘lgan insonlar uchun ish o‘rinlari yaratayotgan kompaniya va tadbirkorlar ham qatnashdi.

Ijtimoiy himoya milliy agentligi direktorining birinchi...

«ANOR BANK» AJ ikkita xalqaro moliyaviy rivojlantirish institutidan jami $15 mln jalb qilingani haqida xabar berdi. Shveytsariyaning impakt-investori – responsAbility Investments bankka $5 mln, Niderlandiyaning Triple Jump $10 mln ajratdi. Mablag‘lar O‘zbekistondagi kichik va o‘rta biznesni kreditlashni kengaytirishga qaratiladi.

Xalqaro miqyosdagi e’tirof

Dunyodagi eng nufuzli ikkita impakt-moliyalash instituti – responsAbility va Triple Jump bilan hamkorlik ANORBANK’dagi yuksak porporativ boshqaruv standartlari, shaffoflik va kredit intizomining tasdig‘i sanaladi. Ikkala hamkor rivojlanayotgan bozorlardagi moliya institutlarini qo‘llab-quvvatlashga ixtisoslashgan va investitsiya qarorlarini qabul qilishdan oldin sinchkov baholashni o‘tkazadi. Ularning ANORBANK foydasiga tanlovi – bu shunchaki moliyaviy tranzaksiya emas, balki global investitsion hamjamiyat tomonidan ishonch...

14-mayning birinchi yarmida ijtimoiy tarmoqlarda ziplayn (trosli tushish moslamasi)da ikki fuqaroning to‘qnashuvi aks etgan video tarqaldi. Favqulodda vaziyatlar vazirligi attraksionda sodir bo‘lgan holat yuzasidan rasmiy ma’lumot berdi.

Ma’lum qilinishicha, hodisa Toshkent viloyatining Angren shahridagi tog‘li hududda yuz bergan. Zipline moslamasida to‘qnashgan fuqarolar tan jarohati olmagan. Keyingi tekshiruvlar davomida mazkur attraksion tegishli tashkilotlarning hech qanday ruxsat beruvchi hujjatlarisiz, noqonuniy tarzda faoliyat yuritib kelgani aniqlangan.

Hodisa joyiga Favqulodda vaziyatlar vazirligi xodimlari hamda boshqa tegishli idoralar vakillari yetib borgan. Ishchi guruh xulosasiga ko‘ra, ziplayn demontaj qilinib, uni tashkil etgan shaxslarga nisbatan jarima chorasi qo‘llanilgan.

Vazirlik mutaxassislari fuqarolarni tegishli davlat idoralaridan ruxsat...

Joriy yilning dastlabki uch oyida Yaponiyadan O‘zbekistonga sayyohlik maqsadida kelganlar soni o‘tgan yilning mos davriga nisbatan sezilarli darajada o‘sib, 1,7 baravarga yetdi. Bu haqda Milliy statistika qo‘mitasi xabar berdi.

Statistika qo‘mitasi ma’lumotlariga ko‘ra, 2026-yilning yanvar – mart oylarida jami 6 925 nafar Yaponiya fuqarosi turli maqsadlarda O‘zbekistonga kelgan. Bu ko‘rsatkich o‘tgan yilning shu davriga solishtirganda qariyb 3 ming nafar kishiga ko‘p demakdir.

Yaponiyaliklarning O‘zbekistonga tashrifi maqsadlari tahlil qilinganda, aksariyat qismi, ya’ni 6 356 nafari aynan sayyohlik maqsadida kelgani ma’lum bo‘ldi. Shuningdek, 270 nafar fuqaro qarindoshlarini yo‘qlash, 253 nafari xizmat yuzasidan, 45 nafari esa o‘qish maqsadida tashrif buyurgan. Tibbiy maqsadlarda...

Poytaxtning Yunusobod tumanida o‘zini elektr tarmoqlari korxonasi xodimi sifatida tanishtirib, fuqarodan pul olgan shaxs qo‘lga olindi. Bu haqda Bosh prokuratura departamenti ma’lum qildi.

Tezkor tadbirda aniqlanishicha, fuqaro o‘zini elektr tarmoqlari korxonasi xodimi sifatida tanishtirib, boshqa fuqaroning xonadonida elektr tarmog‘iga to‘g‘ridan to‘g‘ri ulanib qolganlik holati yuzasidan dalolatnoma rasmiylashtirmaslik va elektr hisoblagichini ta’mirlab berishni va’da qilgan.

U buning evaziga jabrlanuvchidan 9,4 mln so‘m miqdoridagi pul mablag‘ini olayotgan vaqtida ashyoviy dalillar bilan ushlangan. Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, hozirda tergov harakatlari olib borilmoqda.

Eslatib o‘tamiz, avvalroq Toshkentda tijorat bank mijozining $500 ming miqdordagi omonat mablag‘larini...

YUNESKO global oliy ta’lim sohasidagi tendensiyalar bo‘yicha yangi hisobotini e’lon qildi. Unga ko‘ra, 2000-yilda dunyoda talabalar soni 100 million nafar bo‘lgan bo‘lsa, 2024-yilga kelib bu ko‘rsatkich 269 million nafarga yetgan. Shu tariqa 25 yil ichida jahondagi talabalar soni 2,5 barobar oshgan.

Tadqiqotchilarning ta’kidlashicha, talabalar nafaqat ko‘paymoqda, balki tobora ko‘proq yoshlar chet elda tahsil olishni tanlamoqda.

Bugungi kunda xorijda ta’lim olayotganlar soni asr boshiga nisbatan uch barobarga oshgan. Hozirda qariyb 7,3 million kishi o‘z mamlakatidan tashqarida tahsil olmoqda. Ularning yarmi Shimoliy Amerika va Yevropa davlatlarida o‘qiydi.

Eng mashhur ta’lim yo‘nalishlari sifatida AQSh, Buyuk Britaniya, Avstraliya, Germaniya, Kanada, Fransiya va Rossiya...

15 – 22-may kunlari qator hududlarda kuchli yomg‘irlar kutilayotgani sababli, ayrim tog‘oldi va tog‘li tumanlarda sel-suv toshqin hodisalari yuzaga kelishi mumkin. Bu haqda «O‘zgidromet» ma’lum qildi.

Unga ko‘ra, xavfli gidrometeorologik holatlar, avvalo, Qashqadaryo viloyatining Yakkabog‘, Dehqonobod, Chiroqchi, Kitob, Shahrisabz, Qamashi va G‘uzor tumanlarida kuzatilishi ehtimoli bor. Shuningdek, Surxondaryo viloyatining Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on hamda Muzrobot tumanlarida ham sel kelishi xavfi mavjud.

Sel-suv toshqini ehtimoli mavjud barcha tuman va shaharlar:

Mutasaddilar tog‘oldi va tog‘li hududlarda yashovchi fuqarolar, dam oluvchilar hamda ushbu yo‘nalishlarda harakatlanayotgan haydovchilarni ehtiyotkorlik choralarini ko‘rishga chaqirdi. Ayrim hududlarda yomg‘ir suvlari to‘planishi oqibatida hududlarni...

«O‘zgidromet» ma’lumotiga ko‘ra, 15 – 18-may kunlari O‘zbekistonning aksariyat hududlarida quruq va issiq ob-havo saqlanib turadi. Ayrim viloyatlarda havo harorati 40 darajagacha ko‘tarilishi, ba’zi hududlarda esa kuchli shamol va chang-to‘zon kuzatilishi kutilmoqda.

Ayrim hududlarda harorat 40 darajaga yetadi

Qashqadaryo va Surxondaryo viloyatlarida hafta oxirining eng issiq ob-havosi kuzatiladi. 17-may kuni kunduzi havo harorati 35–40 darajagacha ko‘tariladi. 18-mayda esa harorat biroz pasayib, 32–37 daraja atrofida bo‘ladi.

Buxoro va Navoiy viloyatlarida ham issiq havo hukm suradi. 17-may kuni kunduzgi harorat 34–39 darajagacha yetishi prognoz qilinmoqda.

Qoraqalpog‘iston Respublikasi va Xorazm viloyatida 16 – 17-may kunlari havo 32–37 darajagacha isiydi. 18-maydan boshlab...

«Inter Mayami» Major League Soccer (MLS) doirasida «Sintsinnati» mehmoni bo‘lib, 5:3 hisobida g‘alaba qozondi. Leo Messi uchrashuvda 3 ta gol urishga muvaffaq bo‘ldi.

Het-trikni rasmiylashtirgan argentinalik futbolchi faoliyatidagi umumiy gollari sonini 910 taga yetkazdi. Messi, shuningdek, bitta golli uzatmani ham amalga oshirdi. Bu «Inter Mayami»ning MLS doirasidagi safarda ketma-ket beshinchi g‘alabasi bo‘ldi. Jamoa hisobida hozirda 25 ochko mavjud.

«Sintsinnati» safida Kevin Denki bitta gol urdi va ikkita golli uzatmani amalga oshirdi. Evander esa 64-daqiqada ajoyib zarba bilan jamoasini oldinga olib chiqqan edi. Pavel Buxa ham mezbonlar safida bitta gol kiritdi. Biroq «Sintsinnati» ushbu o‘yinda mag‘lub bo‘lib, olti o‘yinlik mag‘lubiyatsiz...

O‘zbekistonlik grossmeyster Javohir Sindarov Ruminiyada o‘tkaziladigan, mukofot jamg‘armasi $475 ming bo‘lgan nufuzli Grand Chess Tour musobaqasida ishtirok etadi. Bu haqda UzChess xabar bermoqda.

Musobaqa 9 raunddan iborat bo‘lib, aylanma tizimida o‘tkaziladi. Vaqt nazorati klassik qoidalarga muvofiq belgilanadi. Bunda shaxmatchilarga 40 ta yurish uchun 90 daqiqa va har bir yurish uchun qo‘shimcha 30 soniya vaqt beriladi.

Turnirda dunyoning eng kuchli shaxmatchilari, jumladan, Fabiano Karuana, Alireza Firouzja, Praggnanandhaa Rameshbabu kabi taniqli grossmeysterlar qatnashadi. Musobaqaning ochilish marosimida Javohir Sindarov sobiq jahon chempioni Garri Kasparov bilan uchrashgan.

Turnirning birinchi turida o‘zbekistonlik shaxmatchi mezbon Bogdan-Daniel Deak bilan bellashadi. Bahs 14-may kuni soat 18:00 da...

Janubiy Koreyalik foydalanuvchi Reddit tarmog‘ida Samsung Galaxy S24 smartfoni internetdan foydalanayotgan vaqtida kutilmaganda portlab ketganini ma’lum qildi.

Reddit foydalanuvchining ta’kidlashicha, hodisa joriy yilning 11-may kuni sodir bo‘lgan. Uning so‘zlariga ko‘ra, qurilma internetda ma’lumot izlayotgan vaqtida birdaniga qizib ketgan, tutab, so‘ngra portlagan. Jabrlanuvchi smartfon o‘sha paytda quvvatga ulanmaganini, avval tushirib yuborilmaganini va ta’mirlanmaganini ta’kidlagan.

Voqea tafsilotlariga ko‘ra, qurilma oldiniga shishib ketgan, keyin esa pastki qismi baland ovoz bilan ajralib chiqqan. Portlash oqibatida smartfon yuqoriga sapchib, foydalanuvchining iyak qismiga urilgan va polga tushgan. Voqea joyiga yetib kelgan o‘t o‘chiruvchilar litiy akkumulyatori yonishiga xos belgilarni qayd etishgan. Oqibatda foydalanuvchi yengil kuyish jarohati...

Chevrolet’ning Chevrolet Cobalt SS modeli yosh avtomobil ixlosmandlari orasida qayta mashhurlikka erishmoqda. Ma’lumotlarga ko‘ra, bu model Gen Z avlodining eng ko‘p qiziqish bildirayotgan avtomobillari qatoriga kirgan.

Gen Z orasida kutilmagan trend

Hagerty tahliliga ko‘ra, 1997 – 2012-yillarda tug‘ilgan Gen Z avlodi orasida eski, ammo arzon va sport xarakteriga ega avtomobillarga qiziqish ortgan. Sug‘urta so‘rovlariga asoslangan ro‘yxatda Honda Beat, Acura RSX, Toyota Celsior, Mitsubishi Lancer Evolution VI va aynan Chevy Cobalt SS ham qayd etilgan.

Cobalt SS nimasi bilan jozibali

Chevy Cobalt SS old g‘ildirakdan tortuvchi (FWD) sport kompakt sinf, kuchli tuning imkoniyati va nisbatan arzon narxi...

Qirg‘izistonda banklar va moliyaviy tashkilotlarga kriptovalyuta bilan ishlash imkoniyatini kengaytirish rejalashtirilmoqda. Tegishli qonun loyihasi jamoatchilik muhokamasiga qo‘yildi, deb xabar berdi 24.kg nashri.

Hujjatga ko‘ra, banklar, nobank moliyaviy tashkilotlar va Milliy bank nazoratidagi boshqa kompaniyalarga kriptovalyutani sotib olish, sotish va ayirboshlash xizmatlarini rasmiy ko‘rsatishga ruxsat berilishi mumkin.

Hozirda ularga faqat virtual aktivlarni saqlash, boshqarish va o‘tkazish bilan bog‘liq ayrim xizmatlarni ko‘rsatishga ruxsat etilgan. Kriptovalyutani sotib olish va ayirboshlash operatsiyalari esa taqiqlangan.

Loyiha mualliflari bu o‘zgarishlar virtual aktivlar bozorini qonuniylashtirish, operatsiyalar shaffofligini oshirish va kriptoaktivlarni an’anaviy moliya tizimiga integratsiya qilishga yordam berishini aytmoqda.

Shuningdek, hukumat soliq tushumlari ko‘payishi, xorijiy investitsiyalar jalb...

Chevrolet 2027-yilgi Chevrolet Equinox EV modeli uchun ichki salonda yangi yangilanish tayyorlamoqda. Ma’lumotlarga ko‘ra, asosiy o‘zgarish ambient (rangli) yoritish tizimiga tegishli bo‘ladi.

Yangi model katta o‘zgarishlarni emas, balki carryover, ya’ni avvalgi dizaynni saqlagan holda kichik takomillashtirishlarni o‘z ichiga oladi. Shunga qaramay, ambient yoritish tizimidagi yangilanish salonni yanada zamonaviy ko‘rinishga olib kelishi kutilmoqda.

Hozircha aniq texnik tafsilotlar to‘liq ochiqlanmagan, biroq kompaniya tizimni qayta ko‘rib chiqayotgani tasdiqlangan.

Ranglar va yoritish zonalari kengayishi mumkin

Hozirgi Chevrolet Equinox EV modelida C70 kodi ostidagi multi-rang ambient yoritish mavjud bo‘lib, u LT2 va RS trimlarida standart, LT1 versiyada esa mavjud emas.

Yangi yangilanish quyidagilarni...