Yangiliklar

General Motors yangi avtonom boshqaruv tizimini real sharoitda sinovdan o‘tkazishni boshladi. Bu haqda Electriccarsreport nashri xabar berdi.

Sinovlar Kaliforniya va Michigan shtatlaridagi umumiy foydalanish yo‘llarida olib borilmoqda va bu kompaniya uchun muhim bosqich hisoblanadi.

Dastur doirasida 200 dan ortiq avtomobil jalb etilgan bo‘lib, ularning har biri yangi tizim bilan jihozlangan va xavfsizlik uchun maxsus haydovchilar nazoratida harakatlanmoqda. Texnologiya millionlab kilometr real haydash ma’lumotlari asosida o‘qitilgan, shuningdek, murakkab holatlarni tekshirish uchun simulyatsiyalarda ham sinovdan o‘tkazilgan.

Kompaniya ma’lumotlariga ko‘ra, ushbu loyiha doirasida allaqachon AQShning 34 shtatida 1 million kilometrdan ortiq ma’lumot to‘plangan. Bu ma’lumotlar keyingi bosqichda tizimni yanada takomillashtirish va real...

O‘zbekistonda shaxsga doir ma’lumotlarning xavfsizligi va samarali himoyasini ta’minlashga qaratilgan qonunga o‘zgartirish va qo‘shimchalar kiritildi. Bu haqda Adliya vazirligi ma’lum qildi.

Unga ko‘ra, shaxslarning biometrik ma’lumotlari, genetik ma’lumotlari hamda mamlakat hududida faoliyat yuritayotgan telekommunikatsiya operatorlaridagi jismoniy shaxslar xizmatlaridan foydalanuvchi ma’lumotlari kabi shaxsga doir ma’lumotlar faqat O‘zbekiston hududida saqlanishi shart.

Shuningdek, yuqorida ko‘rsatilmagan shaxsga doir ma’lumotlar faqatgina quyidagi shartlardan biri bajarilganda O‘zbekiston tashqarisida saqlanishi va ishlov berilishi mumkin:

Polsha kompaniyalari turli sohalar uchun 3600 dan ortiq o‘zbekistonlik mutaxassislarni ishga jalb etishga tayyorligini ma’lum qildi. Bu haqda «Dunyo» axborot agentligi xabar berdi.

Unga ko‘ra, Polsha kompaniyalari o‘zbekistonlik mutaxassislarni ishga jalb qilishga katta qiziqish bildirmoqda. Varshavada o‘tkazilgan taqdimotda 20 dan ortiq yirik rekruyting va ish beruvchi tashkilotlar ishtirok etdi.

Muzokaralar davomida Polsha tomoni real ehtiyojlarini ma’lum qildi. Unga ko‘ra, logistika sohasida 2ming nafar, xizmat ko‘rsatishda 800 nafar, sanoatda 600 nafar hamda qurilishda 200 nafar ishchi kerakligi bildirildi. Umumiy hisobda 3,6 mingga yaqin mutaxassisni ish bilan ta’minlash imkoniyati mavjud.

Tadbirda qatnashgan kompaniyalar O‘zbekistonni istiqbolli hamkor sifatida baholab, mamlakatdan ishchi kuchini...

28 – 29-mart kunlari 20 ta tijorat bankida valyuta ayirboshlash va xalqaro pul oʻtkazmalari xizmatlari koʻrsatiladi. Bu haqda Markaziy bank matbuot xizmati ma’lum qildi.

Dam olish kunlari valyuta ayirboshlash va pul oʻtkazmalari shoxobchalari quyidagi banklarda faoliyat yuritadi. Havolaga bosish orqali faoliyat yuritayotgan bank manzilini topish mumkin:

Agro bank

Apex bank

Milliy bank

Tenge bank

Hamkor bank

Anor bank

Garant bank

Hayot bank

Asaka bank

Universal bank

SQB

Trust bank

Orient Finance bank

Shavkat Mirziyoyev va Tojikiston prezidenti Emomali Rahmon Buxoro viloyatidagi zamonaviy to‘qimachilik korxonasiga tashrif buyurib, yengil sanoatdagi imkoniyatlar bilan tanishdi. Bu haqda prezident matbuot xizmati xabar berdi.

Davlat rahbarlari Merganteks paxta-to‘qimachilik klasteri tarkibidagi Nigora fabrikasida bo‘lib, ishlab chiqarish jarayonlarini ko‘zdan kechirdi. $35 millionlik loyiha asosida tashkil etilgan korxonada paxtani qayta ishlashdan tortib, tayyor kiyim ishlab chiqarishgacha bo‘lgan to‘liq sikl yo‘lga qo‘yilgan.

Korxonada ishlab chiqarilayotgan mahsulotlar «Shoyigul» brendi ostida Yevropa davlatlariga eksport qilinmoqda. Xususan, Italiya, Avstriya, Buyuk Britaniya va Germaniya bozorlariga yetkazib berilmoqda. Hozirda bu yerda 800 dan ortiq ish o‘rinlari yaratilgan.

Fabrikada Xitoy, Germaniya va Belgiyadan olib kelingan zamonaviy uskunalar...

2026-yil 1-mart holatiga O‘zbekistonda jami 576,8 mingta korxona va tashkilot faoliyat yuritmoqda. Milliy statistika qo‘mitasi mazkur korxonalarning iqtisodiy faoliyat turlari bo‘yicha taqsimotini ma’lum qildi.

Eng ko‘p korxonalar savdo sohasida faoliyat yuritib, 156 796 ta korxona bilan O‘zbekiston korxonalari orasida umumiy sonning taxminan 27 foizini tashkil etadi. O‘tgan yilning shu davrida bu ko‘rsatkich 32,6 foizini tashkil qilgan edi.

127 071 ta korxona qishloq, o‘rmon va baliqchilik xo‘jaligida faol, sanoat sohasida 61 062 ta korxona ishlamoqda. Qurilish sohasida 31 372 ta, yashash va ovqatlanish xizmatlarida 31 350 ta korxona mavjud.

Shuningdek, tashish va saqlash sohasida 17 737 ta, sog‘liqni...

Toshkent shahrida o‘tkazilgan tezkor-qidiruv tadbirlari natijasida noqonuniy dorivor vositalar tayyorlanadigan yashirin laboratoriya aniqlandi. Bu haqda DXX matbuot xizmati ma’lum qildi.

Unga ko‘ra, Sergeli tumanida aniqlangan narkolaboratoriya faoliyati to‘xtatildi. Aniqlanishicha, 2003-yilda tug‘ilgan, Toshkent viloyatining Chinoz tumanida yashovchi shaxs ko‘p qavatli uydagi xonadonni ijaraga olib, laboratoriya tashkil qilgan.

Tadbir davomida laboratoriyadan jami qiymati 4,5 mlrd so‘mga teng bo‘lgan 3,5 kg «Pregabalin» kuchli ta’sir qiluvchi modda, 20 litr suyuq va 25 kg kukun ko‘rinishidagi prekursorlar hamda ularni tayyorlash va qadoqlashda ishlatiladigan asbob-uskunalar ashyoviy dalil sifatida rasmiylashtirildi. Shuningdek, laboratoriyada kimyogar sifatida ishlovchi yana bir chinozlik fuqaro ham ushlandi.

Ma’lum bo‘lishicha, ushbu shaxslar...

«UzAuto Motors» AJ tomonidan ishlab chiqarilishi boshlangan yangi Damas 3 (Chevrolet Damas Move) avtomobili aslida bir nechta davlatlarda turlicha nom bilan sotiladi. «Kursiv» Meksika bozorida Chevrolet Tornado Van 2026 ((Chevrolet Damas Move) nomi ostida sotilayotgan modelning texnik imkoniyatlarini o‘rganadi.

Model tashqi tomondan minimalistik dizaynga ega bo‘lsa-da, uning asosiy ustunligi funksionalligida. Avtomobil ichki qismi oddiy, lekin kundalik foydalanish uchun yetarli darajada qulay. Rul uch shoxli va plastik bilan qoplangan bo‘lib, sozlanmaydi. Salon esa ikki o‘rindiqli, amaliy va ortiqcha elementlarsiz ishlab chiqilgan.

Texnik imkoniyatlar

Texnik jihatdan Tornado Van 2026 1,5 litrli benzin dvigatel bilan jihozlangan. U 103 ot kuchi...

Vivo kompaniyasi o‘rta narx segmentidagi yangi T5 Pro smartfonini aprel oyida taqdim etishga tayyorlanmoqda. Bu haqda ITHome nashri ma’lum qildi.

Smartfon 9020 mA/soat quvvatga ega katta batareya bilan jihozlangan bo‘lib, 90 Vt quvvatdagi tezkor simli zaryadlashni qo‘llab-quvvatlaydi. Qurilma 6,8 dyuymli AMOLED-ekran bilan ta’minlangan bo‘lib, 1,5K aniqlik va 144 Gts yangilanish chastotasini qo‘llab-quvvatlaydi.

Vivo T5 Pro Qualcomm Snapdragon 7s Gen 4 platformasida ishlaydi. Ushbu protsessor kundalik ko‘p vazifali ishlash va oddiy o‘yinlar uchun yetarli quvvatga ega. Qurilma bir nechta ranglarda, jumladan, «Moviy muzlik» va «Kosmik qora» rang variantlarida taqdim etiladi.

Smartfonda 50 megapikselli Sony IMX882 asosiy kamera o‘rnatilgan bo‘lib...

O‘zbekistonda dollar kursi so‘nggi kunlarda keskin emas, ammo o‘zgaruvchan dinamikani namoyish etdi. «Kursiv» nashri AQSh valyutasining hafta davomidagi o‘zgarishini o‘rgandi.

24-mart kuni AQSh valyutasi 13,21 so‘mga oshib, 12 192,06 so‘mga yetdi. Keyingi kun, 25-martda ham o‘sish davom etdi. Dollar yana 3,94 so‘mga qimmatlashib, 12 196,00 so‘mni tashkil etdi. Shundan so‘ng bozorda qisqa muddatli pasayish kuzatildi.

26-mart kuni dollar kursi 24,39 so‘mga tushib, 12 171,61 so‘mgacha pasaydi. Bu haftadagi eng katta pasayishlardan biri bo‘ldi. 27-martga kelib esa kurs yana tiklana boshladi. Dollar 8,26 so‘mga oshib, 12 179,87 so‘m darajasida shakllandi. Umuman olganda dollar kursi hafta davomida...

Epshteyn jinoyatlaridan jabr ko‘rgan shaxslar guruhi shaxsiy ma’lumotlari oshkor qilingani sababli payshanba kuni Tramp ma’muriyati va Google kompaniyasini sudga berdi. Jamoaviy da’voda maxfiy hujjatlar e’lon qilinishi oqibatida yetkazilgan zararni qoplash so‘ralgan.

AQSh Adliya vazirligi tezkorlikni qurbonlar maxfiyligidan ustun qo‘ygani oqibatida 100 ga yaqin jabrlanuvchilarning shaxsi fosh bo‘lgan. Garchi hukumat keyinchalik bu ma’lumotlarni tahrirlab o‘chirgan bo‘lsa-da, Google qidiruv natijalari va sun’iy intellekt orqali ularni ko‘rsatishda davom etmoqda. Da’vogarlar Google kompaniyasi ma’lumotlarni o‘chirish texnologiyasiga ega bo‘lsa ham, qurbonlarning bu boradagi so‘rovlarini rad etganini ta’kidlamoqda.

Jabrlanuvchilarga ko‘ra, ma’lumotlar ochiqlanishi oqibatida ular notanish odamlardan tahdidlar olgan va Jeffri Epshteyn bilan til biriktirganlikda asossiz...

30-mart uchun valyutalar kursi yangilandi. Unga ko‘ra, dollar 15,63 so‘mga oshib, 12 195,50 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

18-martda 37,79 so‘mga oshib, 12 129,01 so‘mni va 19-martda 49,84 so‘mga oshib, 12 178,85 so‘mni tashkil etdi. 24-mart kuni 13,21 so‘mga oshib, 12 192,06 so‘mga, 25-mart kuni esa 3,94 so‘mga oshib, 12 196,00 so‘mga, 26-mart kuni esa 24,39 so‘mga pasayib, 12 171,61 so‘mga yetdi. 27-mart kuni esa dollar 8,26 so‘mga oshib, 12 179,87 so‘mni tashkil qilgan edi.

Markaziy bank ma’lumotlariga ko‘ra, yevro 30,71 so‘mga tushib, 14 049,22 so‘mni, rubl esa 1,19 so‘mga...

Iqtisodiyot va moliya vaziri o‘rinbosari Axadbek Xaydarov naqdsiz to‘lov orqali savdo qilinadigan yo‘nalishlar kelajagiga oid «Kursiv» muxbiri savoliga javob berdi. Unga ko‘ra, vazirlik naqdsiz to‘lovlar ro‘yxatini kengaytirish bo‘yicha takliflarni ishlab chiqmoqda. U bu haqda 27-mart kuni OAV vakillari bilan uchrashuvda qayd etdi.

«Bu bo‘yicha takliflarimiz bor. Va hozir bu eksperiment (1-apreldan yangi tartib —tahrir), baribir, natijasiga qaraymiz. Unga qarab boshqa xizmatlarni ham o‘tkazish bo‘yicha takliflarimiz bor. Ular ishlab chiqilmoqda», – dedi vazir o‘rinbosari.

Ma’lumot o‘rnida, 1-apreldan boshlab ayrim (uy-joy, avtomobil, tamaki va alkogol mahsulotlari, kommunal to‘lovlar, qiymati 25 mln so‘mdan oshadigan tovar-xizmatlar) to‘lovlarning bank kartalari...

AQShning Yevropadagi ittifoqchilari hamda Kanada 2025-yilda mudofaa xarajatlarini sezilarli darajada oshirdi. AQShdan tashqari barcha davlatlarning umumiy hissasi rekord darajaga – $574 mlnga yetdi.

O‘tgan yili NATO mudofaa uchun jami $1,63 trln sarfladi. Shundan $980 mlrdi Vashington, $574 mln esa alyansning qolgan a’zolari hissasiga to‘g‘ri keldi. 2024-yilda AQShdan tashqari NATO a’zolarining umumiy harbiy xarajatlari miqdori $480 mlrdni tashkil qilgan.

Polsha, Litva, Latviya, Estoniya, Daniya, Norvegiya va AQSh xarajatlari YIMning 3 foizidan oshgan. Germaniyaning mudofaa xarajatlari 2025-yilda YIMning 2,39 foizini tashkil etdi. Mablag‘ miqdori bo‘yicha Germaniya faqatgina AQShdan ortda qolmoqda.

2025-yilning iyun oyida NATO davlatlari 2035-yilgacha mudofaa xarajatlarini YIMning 5 foiziga...

Sergeli tumanidagi avtomobil bozorida xavfsizlikni kuchaytirish va boshqaruv jarayonlarini raqamlashtirishga qaratilgan yangi tizimlar joriy etiladi. Bu haqda Bojxona qo‘mitasi ma’lum qildi.

Bojxona qo‘mitasining Axborot-kommunikatsiya texnologiyalari va kiberxavfsizlikni ta’minlash boshqarmasi boshlig‘i hamda Bojxona auditi boshqarmasi boshlig‘i Sergeli tumanida joylashgan avtomobil va ehtiyot qismlari bozorida bo‘ldi.

Bozorda zamonaviy nazorat va boshqaruv mexanizmlarini joriy etish maqsadida tumandagi eng yirik avtomobil bozori hududida Situatsion markaz tashkil qilish rejalashtirilgan. Ushbu markaz orqali savdo jarayonlarini monitoring qilish va tartibga solish imkoniyatlari kengaytiriladi.

Shuningdek, Bojxona qo‘mitasi tashabbusi bilan «Raqamli avtomobil bozori» axborot tizimini ishlab chiqish va joriy etish bo‘yicha dastlabki texnik topshiriqlar ishlab chiqilmoqda. Ushbu...

Avtomobil va uy-joy savdosidagi narxlarga davlat organlari aralashmaydi. Bu haqda adliya vaziri o‘rinbosari Muzraf Ikramov 27-mart kuni OAV vakillari ishtirokidagi media muloqotda ma’lum qildi.

1-apreldan kuchga kiradigan yangi tartibga ko‘ra, oldi-sotdi jarayonida pul mablag‘lari maxsus eskrou hisob orqali o‘tkaziladi. Bu hisobdagi mablag‘lar notarial jarayon davomida avtomatik tarzda tasdiqlanadi. Endilikda xaridor va sotuvchi notarius huzurida kelishuvni amalga oshiradi. Tomonlar pul miqdoriga rozilik bildirgach, shartnoma imzolanadi va mablag‘lar avtomatik tarzda sotuvchiga o‘tkaziladi.

Tizim qanday ishlaydi

Tizim banklar va notarial idoralar bilan integratsiya qilingan. Bu orqali pul mablag‘lari holatini real vaqt rejimida tekshirish mumkin bo‘ladi. Mutaxassisning qayd etishicha, bu usul ayniqsa katta...

FIFA 2026-yili AQSh, Kanada va Meksikada bo‘lib o‘tadigan Jahon chempionatida o‘yin qoidalariga bir qator o‘zgartirishlar kiritishni rejalashtirmoqda. Bu haqda Gaston Edul xabar berdi.

Kiritilayotgan o‘zgarishlarga ko‘ra, almashtirilgan futbolchi maydonni tark etishi uchun maksimal 10 soniya vaqt beriladi. Agar o‘yinchi belgilangan vaqtda chiqmasa, almashtirish 1 daqiqaga kechiktiriladi va jamoa vaqtincha bir kishi kam bo‘lib o‘ynaydi.

Bundan tashqari, autdan to‘p tashlash va darvozadan zarba berish uchun 5 soniyalik taymer joriy etilib, vaqt me’yori buzilsa, to‘pga egalik qilish huquqi raqibga o‘tadi.

Maydonda tibbiy yordam olgan o‘yinchi tashqariga chiqishi va qaytish uchun 1 daqiqa kutishi shart bo‘ladi. Faqatgina jarohat raqibning kartochka olgan qoidabuzarligi...

AQShda yangi INFINITI QX65 2027 modeli rasman taqdim etildi. Krossover sport fastbek uslubida ishlab chiqilgan. Model 2026-yil yoz boshida sotuvga chiqadi. Boshlang‘ich narxi $53,9 ming etib belgilangan.

Yangi QX65 dizayni «harakatdagi san’at» falsafasiga asoslangan. Tom qismi egri chiziqli bo‘lib, avtomobilga sport ko‘rinish beradi. Old qismida katta radiator panjarasi va o‘ziga xos LED faralar mavjud. Orqa chiroqlar esa butun kenglik bo‘ylab cho‘zilgan.

Model uchun Sunfire Red rang taklif etilgan. U uch qatlamli bo‘yoq va oltin zarrachalar bilan ajralib turadi. Salon premium darajada ishlab chiqilgan. Ichki qismda yuqori sifatli materiallar qo‘llangan. Avtomobil ikki dona 12,3 dyuymli ekran bilan jihozlangan. Ulardan biri...

O‘zbekistonda alimentning eng kam miqdorini oshirish rejalashtirilmoqda. Bu boradagi qonun loyihasi jamoatchilik muhokamasiga qo‘yildi.

Hozirgi tartibda har bir bola uchun to‘lov eng kam ish haqining 26,5 foizidan kam bo‘lmasligi kerak. Bu summa hozirda 336 ming so‘mni tashkil etadi. Yangi taklifga muvofiq, aliment miqdori minimal iste’mol xarajatlariga bog‘lanadi. Ayni paytda bu ko‘rsatkich 715 ming so‘m atrofida.

Qonun loyihasida ajrashish jarayoniga ham o‘zgartishlar kiritilmoqda. Sud tomonidan er-xotinga beriladigan yarashish muddati 6 oydan 1 yilgacha uzaytirilishi mumkin. Shuningdek, sud yarashish muddati belgilagan taqdirda, bu haqdagi ma’lumot 3 kun ichida «elektron hukumat» tizimiga kiritilishi shart bo‘ladi.

Yana bir muhim yangilik – voyaga yetmagan...

O‘zbekistonda terminal orqali to‘lovni rad etish va chek bermaslik holatlari keskin oshgan. Bu haqda Soliq qo‘mitasi o‘rinbosari Jahongir Abdiyev ma’lum qildi. U bu haqda 27-mart kuni Iqtisodiyot va moliya vazirligi, Markaziy bank, Soliq qo‘mitasi hamda Adliya vazirligi tomonidan tashkil qilingan OAV vakillari bilan uchrashuvda qayd etdi.

Uning ta’kidlashicha, faqat fevral oyining o‘zida bu bo‘yicha 22 mingta murojaat kelib tushgan. Har bir murojaat tekshirilgan va aksariyat holatlarda qonunbuzarliklar tasdiqlangan. Eng ko‘p uchrayotgan muammo – savdo nuqtalarida terminal mavjud bo‘lsa ham, undan foydalanishdan bosh tortish.

Shuningdek, ayrim tadbirkorlar plastik karta orqali to‘lovni qabul qilmaslik yoki xaridorni majburan P2P o‘tkazmaga yo‘naltirish holatlari ham...

Apple kompaniyasi yangi Apple TV va HomePod qurilmalarini Gemini bazasidagi yangilangan Siri bilan birga sotuvga chiqarishni rejalashtirmoqda. Bu haqda Bloomberg xabar bermoqda.

Qurilmalar o‘tgan yildan beri to‘liq tayyor holatda bo‘lsa-da, kompaniya ularning e’lonini yangi avlod Siri chiqishiga moslashtirishga qaror qilgan. Hozirda chakana savdo tarmoqlarida joriy Apple TV, HomePod mini va to‘liq o‘lchamli HomePod zaxiralari deyarli tugab qolgan. Mutaxassislarning fikricha, bunday holat har doim yangi avlod mahsulotlari taqdimoti oldidan yuz beradi.

Turli manbalarga ko‘ra, navbatdagi Apple TV Apple Intelligence tizimini qo‘llab-quvvatlaydigan A17 Pro chipi bilan jihozlanishi taxmin qilinmoqda. Shuningdek, qurilmada Wi-Fi 7 va Bluetooth 6 texnologiyalarining ishlashi uchun maxsus Apple...

AQSh prezidenti Donald Tramp Vashingtondagi mablag‘ yig‘ish tadbirida Eron uni mamlakatning keyingi oliy rahbari bo‘lishga taklif qilganini bildirdi.

Uning ta’kidlashicha, AQSh va Isroilning muvaffaqiyatli amaliyotlari tufayli Eronda rahbarlik qilishni xohlaydiganlar qolmagan. Eronning avvalgi oliy rahbari Ali Xomanaiy 2026-yilning 28-fevralida AQSh va Isroilning Eronga hujumi boshlangan birinchi kunda qurbon bo‘lgan edi.

Uning o‘rniga 8-mart kuni o‘g‘li Mojtabo davlat rahbari etib e’lon qilingan. Biroq u omma oldida ko‘rinish bermagani sababli AQSh va Isroil razvedkasi uning halok bo‘lgani yoki jiddiy jarohat olgani haqida xabar bermoqda.

Tramp Eron rasmiylari o‘z lavozimlaridan voz kechayotganini da’vo qilib, rahbariyatdagi qo‘rquv haqida gapirdi.

Rossiyada Changan’ga tegishli Changal Deepal G318 gibrid yo‘ltanlamasi sotuvga chiqdi. Bu haqda «Avtonovosti dnya» nashri xabar bermoqda.

U ikki komplektatsiyada taklif etiladi. Bazaviy «Techno» versiyasi 5,65 mln rubl (taxminan $61 ming) turadi. Eng yuqori «Everest» komplektatsiyasi esa 6 mln rubl (taxminan $65 ming)ga baholangan. Avtomobil gibrid tizim bilan jihozlangan. Unda ikkita elektromotor ishlaydi. Ularning umumiy quvvati 439 ot kuchiga teng.

Benzin dvigatel esa faqat generator vazifasini bajaradi. U g‘ildiraklarga to‘g‘ridan to‘g‘ri ulanmaydi. G318 100 km/soat tezlikka 6,3 soniyada chiqadi. Umumiy yurish zaxirasi 1000 km dan oshadi.

O‘lchamlari ham katta: uzunligi 5 metr, klirensi esa 240 mm. Bu uni haqiqiy...

Chevrolet Tahoe 2026 modeli yangi rang bilan yangilandi. Bu haqda GMAutority nashri xabar bermoqda. Model uchun Polar White Tricoat nomli yangi bo‘yoq varianti taqdim etildi.

Yangi rang faqat yuqori komplektatsiyalarda mavjud. U Premier va High Country versiyalariga qo‘shilgan. Qo‘shimcha narxi $1 mingdan oshadi.

Mazkur rang avvalgi Iridescent Pearl Tricoat o‘rnini egalladi. U 2016-yildan beri taklif qilinib kelayotgan edi. Yangi rang barcha salon variantlari bilan mos keladi. Jumladan, qora va kulrang kombinatsiyalar bilan uyg‘unlashadi. Umuman olganda, Tahoe endi 8 xil rangda taklif etiladi. Bu xaridorlarga kengroq tanlov imkonini beradi.

Modelning texnik qismi o‘zgarishsiz qolgan, u uch xil dvigatel bilan taklif...