Yangiliklar

OnePlus kompaniyasi Xitoy bozorida yangi OnePlus Pad 3 Pro planshetini rasman taqdim etdi. Bu haqda GSM Arena nashri ma’lum qildi.

Yangi model 13,2 dyuymli LCD displey bilan jihozlangan bo‘lib, ekran 3392×2400 piksel aniqlik, 7:5 tomonlar nisbati, 144 Gts yangilanish chastotasi va 540 Gts sensorli javob tezligini qo‘llab-quvvatlaydi. Displeyning maksimal yorqinligi 1000 nitni tashkil etadi. Shuningdek, u Dolby Vision va HDR Vivid texnologiyalarini qo‘llab-quvvatlaydi.

OnePlus Pad 3 Pro stilus bilan ishlash imkoniyatiga ega. Kompaniya ma’lumotlariga ko‘ra, sun’iy intellekt funksiyalari foydalanuvchilarning qo‘lda yozilgan qaydlarini jadval va intellektual xaritalarga aylantira oladi. Qurilma uchun alohida klaviaturali g‘ilof ham taklif etiladi. Multimedia imkoniyatlari...

Hindistonda Telegram messenjerini vaqtincha bloklash to‘g‘risidagi hukumat qarori sud tomonidan qonuniy va asosli deb topildi. Bu haqda Reuters agentligi xabar berdi.

Dehli Oliy sudi 19-iyun kuni Telegram kompaniyasining ilovani bloklash haqidagi hukumat qarorini bekor qilish bo‘yicha da’vosini rad etdi. Sud qaroriga ko‘ra, hukumat tibbiyot oliygohlariga kirish imtihonlari yaxlitligini ta’minlash maqsadida messenjerga jamoatchilik kirishini vaqtincha cheklash vakolatiga ega.

Hindiston hukumati Telegram faoliyatini 16 – 22-iyun kunlari orasida vaqtincha to‘xtatgan. Bunga mamlakatdagi tibbiyot oliygohlariga kirish imtihonlari natijalari savollar sizdirilgani haqidagi da’volar ortidan bekor qilingani sabab bo‘lgan.

150 mlndan ortiq foydalanuvchilarga ega Hindiston Telegram uchun eng yirik bozor hisoblanadi. Hukumat messenjerning...

«Sevgi uchun stavka» shousining ikkinchi mavsumi oltinchi sonida Maryam Tillayeva va Arno Kosyan kutilmaganda loyihani tark etish xavfi ostida qoldi. Ishtirokchilar oldindan ushbu juftlikka qarshi ovoz berishga kelishib olmagan bo‘lsa-da, yakunda ovozlarning aksariyati aynan ularga berildi.

Shuningdek, loyihaga blogerlar Lesha Yanger va Tatyana Avdeyeva qo‘shildi. Boshqa juftliklar yangi ishtirokchilarni vazmin kutib olgan bo‘lsa, Maryam Tatyana bilan darhol yaqin aloqa o‘rnatishga harakat qildi.

Lesha va Tatyana to‘rt yildan beri birga yashab keladi, ularning turmush qurganiga esa bir yil bo‘lgan. Juftlik uch oylik farzandni tarbiyalamoqda.

Loyihada, shuningdek, Anna Xilkevich va Artur Martirosyan, Yevgeniy Yershov va Anna Prolygina, shuningdek, Irakliy Pirtsxalava va Yelena...

Bosh prokuratura Shaxsiy xavfsizlik boshqarmasi tomonidan o‘tkazilgan tezkor tadbirlar davomida o‘zini Bosh prokuratura xodimi sifatida tanishtirib, bir necha fuqarolarning mol-mulkini firibgarlik yo‘li bilan qo‘lga kiritgan shaxs fosh etildi.

Tergov ma’lumotlariga ko‘ra, fuqaro 2 nafar jabrlanuvchiga bug‘doy mahsulotini arzon narxda xarid qilib, uni qayta ishlash orqali katta daromad olish mumkinligini aytib, ishonchiga kirgan. Shundan so‘ng u 1,7 mlrd so‘m pul mablag‘ini firibgarlik yo‘li bilan qo‘lga kiritgan.

Shuningdek, mazkur shaxs boshqa jabrlanuvchiga tegishli MChJ uchun Toshkent shahrining Yakkasaroy tumani, Yunus Rajabiy mahallasi hududida joylashgan 50 sotix yer maydonini ajratish to‘g‘risidagi hokim qarori Oliy sud qarori bilan bekor qilinganidan xabar topgan...

Jizzax viloyatining Baxmal tumanidagi sel kelgan hududda bo‘lgan 32 nafar dam oluvchi xavfsiz joyga evakuatsiya qilindi. Bu haqda IIV Jamoat xavfsizligi departamenti xabar berdi.

Unga ko‘ra, hodisa 18-iyun kuni sodir bo‘lgan. Sel oqimi Jo‘m-Jo‘m qishlog‘i hududidan o‘tuvchi soy o‘zani bo‘ylab harakatlanib, «Jo‘m-Jo‘msoy» dam olish maskani hamda «Nushkent» MFY hududlaridan o‘tgan.

Sel yuz bergan hududda bo‘lgan 32 nafar dam oluvchi zudlik bilan xavfsiz joyga evakuatsiya qilindi. Hodisa oqibatida halok bo‘lganlar va jarohatlanganlar qayd etilmadi. Shuningdek, turarjoylar, uy hayvonlari va bino-inshootlarga zarar yetmagan.

Biroq «Jo‘m-Jo‘msoy» dam olish maskaniga olib boruvchi ko‘prik qisman shikastlangan. Bundan tashqari, sel oqimi yo‘lida...

2026-yilning dastlabki uch oyida O‘zbekistonda temir yo‘l transporti orqali qariyb 3,1 mln nafar yo‘lovchi tashildi. Bu haqda Milliy statistika qo‘mitasi ma’lum qildi.

Unga ko‘ra, mazkur ko‘rsatkich 2025-yilning mos davriga nisbatan 7,3 foizga oshgan. Shuningdek, hisobot davrida temir yo‘l transporti orqali 28 mln tonna yuk tashilgan.

Ma’lumot uchun, Toshkent xalqaro investitsiya forumi doirasida Markaziy Osiyodagi birinchi lyuks poyezd – «Samarkand Express» loyihasini muvofiqlashtirish bo‘yicha uch tomonlama hadli bitim imzolandi.

Yangi hashamatli poyezd Toshkent, Samarqand, Buxoro va Xiva shaharlarini o‘zaro bog‘laydi. Ushbu yo‘nalishning ishga tushirilishi temir yo‘l qatnovlari qulayligini oshirib, yo‘lovchilar oqimining yanada ko‘payishiga xizmat qilishi kutilmoqda.

Eslatib...

O‘zbekiston va Kolumbiya o‘rtasidagi o‘yinda ko‘z yoshlarini tiya olmagan yosh muxlis aks etgan video ijtimoiy tarmoqlarda keng tarqaldi.

Ushbu holat nafaqat o‘zbekistonlik muxlislar, balki xorijiy OAV va ijodkorlar e’tiborini ham tortdi.

Xususan, eronlik mashhur karikaturachi Hamid Sahari ushbu voqeaga bag‘ishlab maxsus animatsion video tayyorladi. Unda Kolumbiya gol urgan vaziyatda yig‘lab yuborgan yosh o‘zbekistonlik muxlisning holati ta’sirli tarzda tasvirlangan.

Videoda bolakayga kolumbiyaliklar dalda berib, O‘zbekiston deya hayqirganlari aks etadi va uning ortida millionlab vatandoshlari borligi eslatiladi.

Yosh muxlisning otasi esa o‘g‘li Isfandiyor aks etgan video butun dunyoga tarqalib ketganini aytdi. Uning so‘zlariga ko‘ra, FIFA rasmiylari, BBC, CNN va boshqa yirik...

Dastlabki 24 ta o‘yin bo‘yicha tuzilgan reytingda O‘zbekiston – Kolumbiya jamoalari o‘rtasidagi bahs eng ko‘p tomoshabin tashrif buyurgan uchrashuvlar qatoridan joy oldi. Mazkur o‘yinni stadiondan 80 824 nafar muxlis kuzatgan.

Futbol bo‘yicha 2026-yilgi jahon chempionatining guruh bosqichi birinchi tur uchrashuvlariga tashrif buyurgan muxlislar soni bo‘yicha rasmiy statistika e’lon qilindi.

80 824 nafar tomoshabin ochilish uchrashuvi hisoblangan Meksika va Janubiy Afrika Respublikasi terma jamoalari o‘rtasidagi bahsga ham tashrif buyurgan. Shu tariqa, har ikki o‘yin birinchi turning eng ko‘p muxlis yig‘gan uchrashuvlari sifatida qayd etildi.

E’lon qilingan statistikaga ko‘ra, Braziliya – Marokash uchrashuvini 80 663 nafar, Fransiya – Senegal bahsini...

«Agat Credit» MMT AJ aksiyadorlarining 2026-yil 17-iyundagi umumiy yig‘ilishida AQSh dollarida ifodalangan korporativ obligatsiyalar chiqarish to‘g‘risida qaror qabul qilindi. Emissiya hajmi $10 millionni tashkil etadi. Bu haqda Freedom Broker Uzbekistan xabar berdi.

Chiqariladigan obligatsiyalar soni 100 ming dona bo‘lib, har bir obligatsiyaning nominal qiymati $100 ga teng. Qimmatli qog‘ozlar yillik 11,5 foiz kupon stavkasi bilan chiqariladi va foiz to‘lovlari har oyda amalga oshiriladi. Obligatsiyalarning muomala muddati 730 kun etib belgilangan.

Joylashtirish narxi $100 dan $103 oralig‘ida bo‘ladi. Emissiya anderrayteri sifatida «Freedom Finance» MChJ XK ishtirok etadi.

Obligatsiyalar Kapital Sug‘urta AJ sug‘urta polisi bilan ta’minlanadi. Sug‘urta qoplamasi $12,3 millionni tashkil...

Markaziy bank tomonidan O‘zbekiston milliy terma jamoasining Jahon chempionatidagi ilk ishtirokiga bag‘ishlab chiqarilgan esdalik tangalari cheklangan miqdorda banklar orqali sotilmoqda.

Umumiy tiraj 31,1 grammli 500 dona oltin va 3 ming dona kumush tangadan iborat bo‘lib, ular Toshkent shahridagi ayrim tijorat banklarining filiallarida taqsimlangan.

Toshkentdagi banklarda mavjud zaxira (19-iyun holatiga ko‘ra):

Andijon viloyatida qariyb 2,5 kg gashish moddasi musodara qilindi. Bu haqda Davlat xavfsizlik xizmati xabar berdi.

Tadbir davomida Lacetti rusumli avtomobil to‘xtatilib, ko‘zdan kechirildi. Avtomobilda bo‘lgan uch nafar fuqaroga tegishli 2 kg gashish moddasi borligi aniqlangan.

Shuningdek, Marhamat tumanida o‘tkazilgan tezkor tadbirda Cobalt rusumli avtomobildan 497 gramm gashish moddasi ashyoviy dalil sifatida olingan.

Qayd etilishicha, bu turdagi giyohvandlik vositalari O‘zbekistonga xorijdan kontrabanda yo‘li bilan olib kiriladi.

Har ikki holat bo‘yicha jinoyat ishlari qo‘zg‘atilgan. Gumonlanuvchilarga nisbatan qamoq ehtiyot chorasi qo‘llanilgan. Hozirda tergov harakatlari olib borilmoqda.

Eslatib o‘tamiz, avvalroq Namanganda qariyb 4 kg gashish musodara qilingandi. DXXning Namangan viloyati bo‘yicha...

O‘zbekiston, Saudiya Arabistoni va Fransiya o‘rtasida xavfli chiqindilarni qayta ishlash bo‘yicha hamkorlik yo‘lga qo‘yildi. Chiqindilarni boshqarish agentligiga ko‘ra, kelishuv V Toshkent xalqaro investitsiya forumi doirasida imzolandi. Loyiha umumiy qiymati $78 mlnni tashkil etadi.

Hujjat Chiqindilarni boshqarish agentligi direktori Sharifbek Hasanov, Saudiya Arabistonining Vision International Investment Company prezidenti Omar Almidani hamda Fransiyaning Suez International kompaniyasi Yevropa va Markaziy Osiyo bo‘yicha bosh direktori Silvere Delaunay o‘rtasida imzolandi.

Forum doirasida «Nol chiqindi» tamoyili orqali yashil iqtisodiyotni rivojlantirish masalalari ham muhokama qilindi. Chiqindilarni boshqarish agentligi vakillari bir qator xalqaro tashkilotlar va kompaniyalar bilan uchrashuvlar o‘tkazdi.

Uchrashuvlarda Markaziy Osiyo va xorijiy davlatlar o‘rtasida chiqindilarni...

Eron va AQSh o‘rtasidagi mojaroda keskinlikning pasayishi Fors ko‘rfazi mintaqasidagi yirik aviakompaniyalar parvozlar hajmini tiklamoqda hamda havo qatnovini barqarorlashtira boshladi. Bu haqda Reuters agentligi ma’lum qildi.

So‘nggi oylarda Eronning raketa va dron hujumlari tufayli mintaqadagi ayrim aeroportlar faoliyati vaqtincha to‘xtatilgan, Fors ko‘rfazi ustidagi havo yo‘nalishlari o‘zgargan va aviakompaniyalar xavfsiz koridorlardan foydalanishga majbur bo‘lgan.

Flightradar24 ma’lumotlariga ko‘ra, yirik Fors ko‘rfazi aviakompaniyalari amalga oshirayotgan parvozlar soni urush boshlanishidan bir kun oldingi, ya’ni 27-fevraldagi ko‘rsatkichning o‘rtacha 82 foizigacha tiklangan.

So‘nggi kunlarda Gulf Air va Kuwait Airways parvozlar hajmini urushdan oldingi darajadan ham oshirishga muvaffaq bo‘ldi. Mintaqaning eng yirik aviakompaniyalari hisoblangan...

O‘zbekiston AQSh va Eron o‘rtasida o‘zaro anglashuvga erishish uchun zarur sharoitlarni shakllantirishga hissa qoʻshgan Pokiston hamda Qatarning katta hissasini yuqori baholaydi. Bu haqda Tashqi ishlar vazirligi ma’lum qildi.

Bayonotda ushbu kelishuv murakkab xalqaro vaziyatda keskinlikni kamaytirish, mintaqaviy xavfsizlik va barqarorlikni tiklash yo‘lidagi muhim diplomatik yutuq ekani ta’kidlandi.

«Ushbu muhim oʻzaro anglashuvga erishish uchun zarur sharoitlarni shakllantirishga hissa qoʻshgan Pokiston va Qatarning katta hissasini, shuningdek Turkiya, Saudiya Arabistoni, Misr va boshqa mintaqaviy hamkorlarning sa’y-harakatlarini yuqori baholaymiz», – deyiladi bayonotda.

Shuningdek, O‘zbekiston muzokaralarning keyingi bosqichlari konstruktiv ruhda davom etishiga va erishilgan kelishuvlar samarali amalga oshirilishiga umid...

22-iyun uchun valyutalar kursi yangilandi. Unga ko‘ra, dollar kursi 27,11 so‘mga tushib, 12 058,45 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

15-iyun kuni 32,67 so‘mga tushib, 11 981,81 so‘m bo‘ldi. 16-iyun kuni 1,98 so‘mga tushib, 11 978 so‘mni, 17-iyun kuni 32,29 so‘mga oshib, 12 012,12 so‘mni, 18-iyun kuni esa 39,93 so‘mga oshib, 12 052,05 so‘mni tashkil etdi. 19-iyun kuni 33,51 so‘mga oshib, 12 085,56 so‘m bo‘ldi.

Markaziy bank ma’lumotlariga ko‘ra, yevro 51,62 so‘mga tushib, 13 818,98 so‘mni, rubl esa 0,48 so‘mga tushib, 164,04 so‘mni tashkil qildi.

Avvalroq Kursiv Uzbekistan dollar...

«Yura davri dunyosi: hukmronlik» (Jurassic World Dominion) filmi rasman kino tarixidagi eng qimmat kartinaga aylandi. Buyuk Britaniyada e’lon qilingan moliyaviy hisobotlarga ko‘ra, filmni suratga olish uchun $658,8 million sarflangan, deb yozdi Fortune nashri.

Shu tariqa loyiha avvalgi rekordchi – Star Wars: The Force Awakens filmini ortda qoldirdi. Mazkur filmning ishlab chiqarish xarajatlari $638,9 millionni tashkil etgan edi.

Rekord darajadagi xarajatlarning asosiy sababi COVID-19 pandemiyasi bo‘lgan. Suratga olish ishlari 2020-yilda olib borilgan va kinostudiya qat’iy sanitariya talablari, karantin cheklovlari hamda bir necha bor to‘xtatilgan ishlab chiqarish jarayonlari tufayli katta qo‘shimcha xarajatlarga duch kelgan.

Bundan tashqari, film aktyorlari qariyb besh oy...

Apple kompaniyasining ilk bukiluvchi smartfoni bo‘lishi kutilayotgan iPhone Ultra modeli haqida yangi ma’lumotlar paydo bo‘ldi. Taniqli insayder Jon Prosser taqdim etgan renderlarga ko‘ra, qurilma kompaniyaning eng noodatiy smartfonlaridan biriga aylanishi mumkin.

Ma’lumotlarga qaraganda, smartfon ochilgan holatda kichik planshetni eslatadi va o‘lchamlari jihatidan iPad mini’ga yaqin bo‘ladi. Qurilmaning qalinligi atigi 4,5 millimetrni tashkil etishi kutilmoqda. Bu esa uni 5,6 millimetrli iPhone Air’dan ham yupqaroq qiladi.

Yangi modelning asosiy afzalliklaridan biri kengaytirilgan ko‘p vazifali ishlash rejimi bo‘lishi mumkin. Foydalanuvchilar bir vaqtning o‘zida ikkita ilovani ekranda parallel ravishda ishga tushira oladi. Bu imkoniyat hozirgi iPad modellari funksiyalariga yaqin bo‘lishi kutilmoqda.

Tarqalgan ma’lumotlarga...

Farg‘ona va Samarqand viloyatlarida kredit mablag‘larini ajratib berish evaziga noqonuniy pul talab etgan tijorat banki xodimlari qo‘lga olindi. Bu haqda Bosh prokuratura departamenti ma’lum qildi.

Departamentning Farg‘ona viloyati boshqarmasi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda tijorat banki bank xizmatlari markazi boshlig‘i ushlandi.

Aniqlanishicha, u tadbirkorlik faoliyati bilan shug‘ullanish uchun kredit so‘rab murojaat qilgan fuqaroning ishonchiga kirib, unga 2,5 mlrd so‘m miqdorida kredit ajratib berish evaziga kredit summasining 5 foizini, ya’ni 125 mln so‘mni oldindan berishni talab qilgan. Gumonlanuvchi ushbu mablag‘ning bir qismi sifatida $10 ming olgan vaqtida ashyoviy dalillar bilan ushlangan.

Shuningdek, Departamentning...

O‘zbekistonlik grossmeyster Javohir Sindorov Jahon jamoaviy rapid chempionatida dunyoning birinchi raqamli shaxmatchisi Magnus Karlsen ustidan g‘alaba qozondi.

Musobaqaning 9-turida O‘zbekiston jamoasi turnir favoritlaridan biri hisoblangan WR Chess jamoasiga qarshi dona surdi. Bahs yakunida jamoalar 3:3 hisobida durang qayd etdi.

O‘zbekiston vakillari ushbu uchrashuvda kuchli raqiblarga qarshi munosib o‘yin ko‘rsatdi. Javohir Sindorovning Karlsen ustidan qozongan g‘alabasi turning eng e’tiborli natijalaridan biri bo‘ldi. Boshqa doskalarda ham o‘zbekistonlik shaxmatchilar muhim ochkolarni qo‘lga kiritdi. Nodirbek Yaqubboyev amerikalik grossmeyster Fabiano Karuanani mag‘lub etdi. Akjol Rahmatullayev esa Gombojav Zandanshatar ustidan g‘alaba qozondi.

Muhiddin Madaminov va Afruza Hamdamova tajribali raqiblari bilan durang o‘ynadi. Jamoa yetakchisi Nodirbek Abdusattorov

«Grinch — Yangi yil o‘g‘risi» filmining davomi suratga olinishi mumkin. Bu haqda Lifehaker nashri xabar berdi.

Unga ko‘ra, Universal studiyasi loyiha ustida ishlashni boshlagan va bosh rol ijrochisi Jim Kerri bilan muzokaralar olib bormoqda.

Agar kelishuvga erishilsa, aktyor 26 yil avval tomoshabinlar mehrini qozongan Grinch obrazini yana gavdalantiradi. Film rejissyori sifatida esa asl kartina ustida ishlagan Ron Xovard qaytishi kutilmoqda.

2000-yilda ekranlarga chiqqan «Grinch — Yangi yil o‘g‘risi» filmi o‘sha yilning eng muvaffaqiyatli loyihalaridan biriga aylangan. Kartina AQSh prokatida $260 million, jahon bo‘ylab esa $345 million daromad keltirgan. Shuningdek, film «Eng yaxshi grim» yo‘nalishida Oskar mukofotiga sazovor bo‘lgan.

Qiziq...

O‘rta Chirchiq tumanida joylashgan Toshkent magistral kanaliga tushib ketgan Nexia rusumli avtomobil qutqaruvchilar tomonidan olib chiqildi. Bu haqda FVV ma’lum qildi.

Ta’kidlanishicha, 18-iyun kuni soat 14:01 da Toshkent viloyati Favqulodda vaziyatlar bosh boshqarmasiga tumanning «Jang‘abay» MFY hududidan oqib o‘tuvchi kanalga avtomobil tushib ketgani va uni chiqarib olish uchun yordam zarurligi haqida xabar kelib tushgan.

Xabardan so‘ng viloyat FVBB qutqaruvchilari voqea joyiga zudlik bilan yetib borib, maxsus texnika hamda qutqaruv asbob-uskunalari yordamida avtomobilni kanaldan olib chiqdi.

Dastlabki ma’lumotlarga ko‘ra, hodisaga avtomobilning tormoz tizimidagi texnik nosozlik sabab bo‘lgan. Avtomobilda yolg‘iz bo‘lgan haydovchi tezkor harakat qilib, transport vositasidan quruqlikka chiqishga muvaffaq...

2026-yil may oyida O‘zbekistonda aholining sezgan inflyatsiya darajasi 10,3 foizni tashkil etdi. Bu ko‘rsatkich avvalgi oyga nisbatan 0,8 foiz bandga pasaygan. Bu haqda Markaziy bank o‘tkazgan so‘rov natijalarida e’lon qilindi.

Respondentlarning fikricha, oy davomida ayrim tovar va xizmatlar narxlarida o‘zgarishlar kuzatilgan. Eng ko‘p sezilgan qimmatlashuv benzin va boshqa yonilg‘i turlari hamda qandolat mahsulotlari bilan bog‘liq bo‘lgan.

Shu bilan birga, ayrim yo‘nalishlarda, jumladan, tibbiy xizmatlar, dori-darmon, qurilish materiallari, umumiy ovqatlanish xizmatlari va o‘simlik yog‘i narxlarida nisbatan pasayish qayd etilgan.

Hududlar kesimida eng yuqori sezilgan inflyatsiya Farg‘ona viloyatida 12,2 foizni, eng past ko‘rsatkich esa Navoiy viloyatida 7,9 foizni tashkil qilgan.

20 – 21-iyun kunlari O‘zbekiston hududining katta qismida yog‘ingarchilik kutilmaydi. Faqat Toshkent, Samarqand, Jizzax, Sirdaryo viloyatlari hamda Farg‘ona vodiysida ayrim joylarda kunning ikkinchi yarmida qisqa muddatli yomg‘ir yog‘ishi va momaqaldiroq bo‘lishi mumkin.

«O‘zgidromet»ga ko‘ra, markaziy va sharqiy viloyatlarda havo harorati 31–34 daraja atrofida bo‘ladi. Janubiy hududlarda esa harorat 37–40 darajagacha ko‘tariladi.

Shimoli-g‘arbiy hududlar va cho‘l zonasida havo yanada isiydi. Yakshanba kuni bu hududlarda harorat 39–42 darajagacha yetishi mumkin.

Shamol 7–12 metr/soniya tezlikda esadi. Ba’zi joylarda 13–18 metr/soniyagacha kuchayadi va chang-to‘zon kuzatilishi mumkin.

Tog‘oldi va tog‘li hududlarda vaqti-vaqti bilan qisqa muddatli yomg‘ir yog‘adi, momaqaldiroq bo‘ladi. Ayrim joylarda sel-suv toshqinlari yuzaga...

O‘zbekistonda dollar kursi hafta davomida o‘sish bilan yakunlandi. Haftaning dastlabki ikki kunida AQSh valyutasi biroz arzonlashgan bo‘lsa, keyingi uch kunda ketma-ket yuqoriladi.

15-iyun kuni dollar kursi 32,67 so‘mga pasayib, 11 981,81 so‘mni tashkil qildi. 16-iyun kuni ham pasayish davom etdi va kurs 1,98 so‘mga tushib, 11 978 so‘mga yetdi. Biroq 17-iyundan boshlab dollar yana qimmatlashdi. Shu kuni kurs 32,29 so‘mga oshib, 12 012,12 so‘mni tashkil qildi.

18-iyun kuni esa AQSh valyutasi yana 39,93 so‘mga ko‘tarilib, 12 052,05 so‘mga yetdi. 19-iyun uchun e’lon qilingan kursga ko‘ra, dollar yana 33,51 so‘mga oshib, 12 085,56 so‘mni tashkil etdi.

Shu tariqa hafta boshidagi...