Yangiliklar

AQShdagi Kelley Blue Book (KBB) agentligi tadqiqotiga ko‘ra, faqat ayrim modellar besh yil o‘tgach ham dastlabki narxiga yaqin darajada qoladi. 2025-yilgi tadqiqotda narxini saqlab qoluvchi eng yaxshi 10 ta avtomobil ro‘yxati e’lon qilindi. Tahlilga ko‘ra, bu avtomobillar nafaqat qulaylik yaratadi, balki vaqt o‘tishi bilan moliyaviy jihatdan ham oqilona tanlovga aylanadi.

O‘rtacha hisobda avtomobil besh yil ichida o‘z dastlabki qiymatining 50 – 60 foizini yo‘qotadi. Ammo Kelley Blue Book ro‘yxatiga kirgan avtomobillar atigi 36 – 46 foizgacha arzonlashadi.

Masalan, $40 minglik avtomobil besh yildan keyin $25 ming atrofida sotilishi mumkin – agar u shu ro‘yxatdagi model bo‘lsa. Boshqa avtomobil esa...

Kompaniya muhandislari Meta’ning mashhur Ray-Ban ko‘zoynaklariga raqobatchi bo‘ladigan ushbu mahsulotni 2026-yil oxirigacha chiqarishga harakat qilmoqda. Bu haqda Bloomberg nashri xabar berdi.

Mazkur qurilmalar sun’iy intellekt bilan jihozlangan moslamalarni rivojlantirish doirasida ishlab chiqiladi.

«Ko‘zoynaklar dastlab kompaniya ichida N50 nomi bilan tanilgan, biroq hozirda bu loyiha kengroq qurilmalar toifasini o‘rganayotgan N401 nomi bilan mashhur. Biroq Apple’ning bu rejasi hali ham o‘zgarishi mumkin – kompaniya bundan avval ham bir nechta loyihalarni to‘xtatgan», – deb yozadi Bloomberg.

Apple’ning yangi ko‘zoynaklari kamera, mikrofon va dinamiklar bilan jihozlanadi, bu esa ularga tashqi muhitni tahlil qilish va Siri ovozli yordamchisi...

Kolumbiya senatori va keyingi yilgi prezidentlik saylovlarida nomzod bo‘lish niyatida bo‘lgan Migel Uribe shanba kuni poytaxt Bogotada bo‘lib o‘tgan tadbirda o‘qqa tutilib, og‘ir ahvolda kasalxonaga yotqizildi. Bu haqda CNN axborot agentligi ma’lum qildi.

Unga ko‘ra, politsiya tomonidan 15 yoshli bola jinoyatda gumon qilinib, hibsga olindi.

Uribe ikki marta o‘qdan jarohat olgan va hozirda Santa Fe de Bogota shifoxonasida neyroxirurgik va qon tomirlari bo‘yicha jarrohlik amaliyotlari o‘tkazilmoqda. Bogota meri Karlo Fernando Galan senatorning holati kritik ekanini ma’lum qildi.

Kolumbiya prezidenti Gustavo Petro hujumni qattiq qoralab, uning ortida «asosiy tashkilotchilar» turganligini taxmin qildi hamda barcha resurslarni ishga solib aybdorlarni aniqlashga va’da...

Toyota tomonidan Xitoyda BYD texnologiyasi bilan yangi Toyota bZ5 elektromobili taqdim etiladi. Bu haqda CarNewsChina nashri xabar bermoqda.

Yangi bZ5 – FAW-Toyota kompaniyasining to‘liq elektr bilan ishlovchi SUV modeli bo‘lib, Tianjin shahridagi zavodda ishlab chiqarilgan. Model Toyota’ning e-TNGA platformasi asosida yig‘ilgan va raqobatbardosh narx, zamonaviy texnologiyalar hamda uzoq yurish masofasi bilan ajralib turadi.

Toyota bZ5 uchta yurish masofasi varianti bilan taklif etiladi. 550 km CLTC yurish masofasiga ega model, oldindan savdoda 130 000 yuandan past (taxminan $18 ming) narxda bo‘lishi kutilmoqda.

550 km yuradigan, L2 darajali avtopilot tizimiga ega model 160 000 yuandan arzonroq ($22 ming).

bZ5’ning quvvat...

AnTuTu benchmark xizmati tomonidan may oyi bo‘yicha arzon smartfonlar reytingi e’lon qilindi. Unga ko‘ra, OPPO‘ning ikki smartfoni azronligi bilan ajralib turadi.

Birinchi o‘rin – Oppo K12s Ro‘yxatning eng yuqori pog‘onasini Oppo K12s egalladi. Smartfon Qualcomm Snapdragon 6 Gen4 protsessorida ishlaydi. U 8 GB tezkor va 128 GB doimiy xotira bilan jihozlangan. Modelning narxi atigi 832 yuan, ya’ni taxminan $115. Oppo K12s’ning eng asosiy afzalligi – katta 7000 mA·soat sig‘imli akkumulyatori.

Ikkinchi o‘rin – Realme Neo7x Realme Neo7x ham Snapdragon 6 Gen4 bazasida ishlaydi. Xotira hajmi xuddi shunday – 8/128 GB. Biroq uning narxi biroz qimmatroq: 892 yuan...

Toshkent shahrida 10-iyun kuni soat 16:00 dan boshlab O‘zbekiston va Qatar terma jamoalari o‘rtasida futbol bo‘yicha Jahon chempionati saralash bosqichi o‘tkazilishi munosabati bilan «Bunyodkor» stadioni atrofidagi ba’zi yo‘llar yopiladi. Bu haqda Ichki ishlar vazirligi xabar berdi.

Unga ko‘ra quyidagi ko‘chalarda harakat cheklanadi:

Afg‘oniston poytaxti Kobul shahrida yer osti suv zaxiralari so‘nggi o‘n yilda 30 metrga pasayib, 7 mln aholining hayoti xavf ostida qoldi. Bu haqda The Guardian nashri ma’lum qildi.

Mercy Corps nodavlat tashkiloti hisobotiga ko‘ra, shahar suv quduqlarining yarimdan ko‘pi qurib qolgan, suv olish tabiiy tiklanishdan 44 mln kub metrga oshib ketmoqda. Agar holat davom etsa, 2030-yilga kelib Kobulning barcha ichimlik suvi manbalari tugashi mumkin.

Suvning ifloslanishi ham jiddiy muammo: yer osti suvining 80 foizi chiqindi suv, sho‘rlik va arsenik bilan zaharlangan. Odamlar suv uchun daromadlarining katta qismini sarflamoqda, ko‘pchilik esa suv uchun qarzga botgan.

Shahar aholisi tez o‘sishi, nazoratsiz...

O‘zbekiston, Qirg‘iziston va Xitoylik olimlar hamkorligida boshoqdoshlar oilasiga mansub Elymus uzbekistanicus nomli mutlaqo yangi o‘simlik turi aniqlandi. Bu haqda O‘zR Fanlar akademiyasi ma’lum qildi.

Unga ko‘ra, mazkur tur zamonaviy DNK tahlillari va klassik morfologik tadqiqotlar asosida tasdiqlangan.

Bu tur so‘nggi 57 yil ichida Poaceae oilasidan O‘zbekistonda aniqlangan ilk yangi tur bo‘lib, mamlakatimizdagi biologik xilma-xillikning boyligi va o‘rganilmagan qirralarini yana bir bor namoyon etdi.

Yangi o‘simlik turi O‘zbekiston sharafiga «uzbekistanicus» deb nomlanib, xalqaro ilmiy jurnalda – PhytoKeys sahifalarida chop etildi. Tadqiqot O‘zbekiston Milliy gerbariysi fondiga tayanib amalga oshirildi.

Eslatib o‘tamiz, avvalroq Xitoy olimlari fazoviy stansiyasida yangi bakteriya kashf etgan...

Meta Platforms Inc. mashinaviy o‘rganish (machine learning) sohasida faoliyat yurituvchi Scale AI startapiga $10 mlrddan ortiq miqdorda sarmoya kiritishni rejalashtirmoqda. Bu haqda Bloomberg agentligi xabar berdi.

Agar kelishuv amalga oshsa, bu Meta tarixidagi eng yirik sun’iy intellekt sohasidagi tashqi investitsiyalardan biri bo‘ladi. Shu kungacha kompaniya asosan ichki resurslarga tayanib, o‘ziga xos sun’iy intellekt modellarini ishlab chiqishga ustuvor ahamiyat bergan edi.

Hozirda Meta va Scale AI hamkorligida AQSh harbiy ehtiyojlariga mo‘ljallangan Defense Llama nomli sun’iy intellekt modelining harbiy versiyasi ishlab chiqilmoqda. Bu loyiha Meta tomonidan ishlab chiqilgan Llama modelining maxsus modifikatsiyasi bo‘lib, AQSh armiyasining ehtiyojlariga moslashtirilgan.

Ma’lumot uchun, Scale AI...

Eng ko‘p maqtov olgan smartfonlar reytingi e’lon qilindi. AnTu Tu yozishicha, Honor Magic 7 RSR yetakchilik qilmoqda.

Eng ko‘p ijobiy fikrga ega smartfon sifatida Honor Magic 7 RSR tan olindi. Ushbu modelga bildirilgan fikrlarning 99,05 foizi ijobiy bo‘lgan.

AnTuTu vakillariga ko‘ra, bu smartfon nafaqat kuchli ishlash ko‘rsatkichlari, balki kamerasi, batareya quvvati, displey sifati va dizayni bilan ham foydalanuvchilarni xursand qilmoqda. Ayniqsa, Porsche Design dizayni alohida maqtovga sazovor bo‘lgan.

Ikkinchi o‘rinni Huawei Mate 70 Pro+ egalladi – foydalanuvchilarning 98,76 foizi ushbu modeldan mamnun.

Uchinchi o‘ringa esa yaqin kunlarda taqdim etilgan Xiaomi 15S Pro ko‘tarildi. Ushbu model o‘zining yangi...

Mazda kompaniyasi 2025-yilgi Chongqing xalqaro avtosalonida o‘zining barcha modellarini taqdim etdi. Tadbirda ayniqsa Mazda EZ-60 modelining mahalliy debyuti katta e’tiborga sazovor bo‘ldi. CarNewsChina nashrining yozishicha, model allaqachon 26 mingdan ortiq buyutma olgan.

Mazda va Changan Auto hamkorligida ishlab chiqilgan EZ-60 o‘rta hajmdagi SUV sifatida bozorga chiqmoqda. 6-iyun holatiga ko‘ra, avtomobilga 26 mingdan ortiq kichik depozit asosidagi buyurtmalar berilgan.

Buyurtmachilarning asosiy qismini 25 yoshdan 40 yoshgacha bo‘lgan shahar aholisi tashkil etmoqda – 76% yoshlar, 71% esa birinchi va ikkinchi toifadagi yirik shaharlardan.

Avtomobilda segmentida ilk bor qo‘llanilgan texnologiyalar mavjud. U 100 dyuymli ko‘zoynaksiz 3D proyeksion displey (HUD), ko‘z harakatini...

O‘zbekiston prezidenti Shavkat Mirziyoyevning taklifiga binoan Bolgariya prezidenti Rumen Radev 9 – 11-iyun kunlari rasmiy tashrif bilan O‘zbekistonda bo‘ladi. Bu haqda davlat rahbarining matbuot xizmati xabar bermoqda.

Tashrif doirasida ikki davlat rahbarlari o‘rtasida muzokaralar, rasmiy tadbirlar va ishbilarmonlik uchrashuvlari o‘tkazilishi rejalashtirilgan. Shuningdek, ikki tomonlama hujjatlar imzolanishi kutilmoqda.

Prezidentlar o‘zaro savdo hajmini oshirish, agrosanoat, farmatsevtika, konchilik va raqamlashtirish sohalarida hamkorlikni kuchaytirish masalalarini muhokama qiladi. Madaniy-gumanitar almashinuv va turizmni rivojlantirish ham kun tartibidagi asosiy yo‘nalishlardan biri bo‘ladi.

Bolgariya Prezidenti Rumen Radev IV Toshkent xalqaro investitsiya forumida ham ishtirok etadi.

Avvalroq Slovakiya Respublikasi Bosh vaziri Robert Fitso O‘zbekistonga tashrif...

Xitoyning Datatek technology kompaniyasi Qoraqalpog‘iston jamoat transporti tizimini rivojlantirishda ishtirok etishni rejalashtirmoqda. Bu haqda Qoraqalpog‘iston Vazirlar kengashi xabar bermoqda.

Kompaniya rahbariyati bilan Qoraqalpog‘iston Vazirlar Kengashi Raisi Farxod Ermanov o‘rtasidagi uchrashuvda hamkorlik istiqbollari muhokama qilindi. Datatek technology kompaniyasi ekologik toza avtomobillarni sotib olishga sarmoya kiritishdan manfaatdorligi qayd etilgan.

Hamkorlikning birinchi bosqichida investor va viloyat hokimiyati avtobuslar xarid qilishni va transportni boshqarishning raqamli tizimini rivojlantirishni rejalashtirmoqda. Kelajakda Datatek technology yo‘l haqini naqd pulsiz to‘lash tizimini joriy etishni kutmoqda.

Avvalroq Andijon, Samarqand va Buxoroda jamoat transportlarining narxlarini asossiz oshirish hamda yo‘lovchiga qo‘pol muomala qilish holatlari kuzatilgani haqida ma’lum qilingan edi.

Eslatib o‘tamiz, Kursiv...

O‘zbekistonda safarbarlik chaqiruvi rezervidagi bir oy davom etadigan harbiy xizmat narxi oshirildi. Bunga 1-avgustdan kuchga kiradigan eng kam ish haqining oshishi sabab bo‘ldi.

Qabul qilingan qarorga ko‘ra, eng kam oylik ish haqi 10 foizga oshib, 1 mln 271 ming so‘mni tashkil etadi. Safarbarlik chaqiruv rezervida xizmat haqi ham endilikda 8,89 mln so‘m bo‘ladi. (Narx eng kam oylik ish haqining yetti baravari miqdorida belgilanadi)

Ma’lumot o‘rnida, Safarbarlik chaqiruv rezervi (SChR) – bu O‘zbekiston fuqarolari uchun bir oylik to‘lovli harbiy xizmat shakli. Xizmat muddati davomida fuqarolar harbiy tayyorgarlikdan o‘tadi va keyinchalik zaxiradagi harbiy sifatida ro‘yxatga olinadi. SChR xizmatini bajargan shaxs...

Fransiyaning Oser shahri yaqinidan eng yirik gallo-rim villalaridan biri topildi. Qadimiy hashamatli markaz 4000 kvadrat metr maydonni egallaydi. Bu haqda Inrap nashri xabar bermoqda.

Ushbu villa markaziy bog‘, galereyalar, hammomlar va favvoralar bilan bezatilgan bo‘lib, boy aristokratik oilaga tegishli bo‘lgan.

Birinchi arxeologik topilmalar XIX asrda qayd etilgan. Ammo 1966-yilda shag‘al qazish vaqtida kompleksning kichik qanoti topilgach, keng qamrovli tadqiqotlar boshlangan.

Markaziy bog‘ 450 kv/m bo‘lib, shimolda katta hovuz, janubda esa ehtimoliy marosimiy maqsadga ega favvora joylashgan.

Villada qabulxonalar, texnik xonalar, poldan isitiladigan hammomlar mavjud bo‘lgan. Uyning me’moriy murakkabligi uning oddiy dala uyi emasligini ko‘rsatadi.

Hozirgacha bir nechta qurilish...

AQSh prezidenti Donald Tramp Los-Anjelesdagi ko‘cha tartibsizliklariga qarshi kurash uchun milliy gvardiyani yuborishni buyurdi. Bu haqda Oq uy saytida xabar berildi.

Tartibsizliklar juma kuni immigratsiya reydlaridan keyin boshlangan. Namoyishchilar immigratsiya patrul mashinalarini to‘sib, mahbuslarni ozod qilishni talab etishdi. Politsiya ko‘zdan yosh oqizuvchi gaz ishlatgan. Namoyishchilar huquq-tartibot xodimlariga tosh otishni boshlagan va chiqindidan yasalgan barrikadalarga o‘t qo‘yishgan.

Paramount shahrining Latino chekkasidagi Home Depot binosi tashqarisida shiddatli to‘qnashuvlar sodir bo‘lib, tartibsizliklarda yuzlab aholi qatnashgan.

Tramp Kaliforniya gubernatori Gevin Nyusomni harakatsizlikda aybladi va qat’iy choralar ko‘rishga va’da berdi.

AQSh Mudofaa vaziri Pit Xegsetning aytishicha, departament tartibsizliklarni bostirish uchun Kamp Pendlton va boshqa harbiy...

BYD Seal 06 elektromobili bugun rasman sotuvga chiqarildi. Bu haqda ITHome texnologiyalar nashri xabar bermoqda.

BYD Seal 06 EV birinchi marta joriy yilning aprel oyida 2025-yilgi Shanxay avtosalonida namoyish etilgan. Yangi avtomobilning uzunligi, kengligi va balandligi mos ravishda 4720 mm, 1880 mm va 1495 mm, g‘ildirak bazasi esa 2820 mmni tashkil etadi. Seal 06GT bilan solishtirganda, tana uzunligi oshadi. Ammo har ikkala modelning g‘ildirak bazasi bir xil. Yangi avtomobil to‘rtta rangda mavjud.

Haydovchiga yordamchi tizimlar: BYD Seal 06EV avtomobili ilg‘or «Tianshen Zhiyan» (Osmon ko‘zi) C-darajadagi haydovchiga yordamchi tizim bilan ta’minlangan. U 29 ta sensor – shu jumladan, old...

O‘zbekistonlik sambochi A’zam Rashidov Yerevanda bo‘lib o‘tgan jahon chempionatida milliy terma jamoamizga ilk oltinini olib keldi. Bu haqda UzA xabar bermoqda.

Sportchi Rossiya, Gruziya va Turkmanistondan kelgan raqiblarini mag‘lub etdi. Finalda u qozog‘istonlik Jondas Beysenbayevga qarshi gilamga chiqib, 64 kilogramm vazn toifasida oltin medalni qo‘lga kiritdi.

Birinchi kun terma jamoaning 4 nafar vakili sovrinlar uchun kurash olib bordi. Ilhom Parmonov bronzadan bir qadam qolganda to‘xtadi. Uchinchi o‘rin uchun kechgan jang natijalariga ko‘ra, u gruziyalik sportchiga minimal farq bilan imkoniyatni boy berdi.

Musobaqaning ikkinchi kunida 71 kilogrammgacha bo‘lgan vazn toifasida o‘zbekistonlik Ro‘zmatboy Rahimberganov g‘oliblik uchun bahs olib boradi.

Avvalroq O‘zbekiston velosportchilari Osiyo chempionatida to‘rtta medalni qo‘lga kiritgani...

BYD Fang Cheng Bao Tai 3 modelini taqdim etdi. Bu haqda CarnewsChina nashri xabar bermoqda.

Fang Cheng Bao brendi ostida ishlab chiqarilgan Tai 3 – yosh avlodga mo‘ljallangan ixcham va g‘ayrioddiy dizayndagi urban SUV hisoblanadi.

Model narxi 133 800 yuandan (taxminan $18,6 ming) boshlanib, 193 800 yuangacha ($27 mingga) yetadi. Besh xil komplektatsiyada, orqa va to‘liq g‘ildirakdan tortuvchi versiyalarda taqdim etiladi.

Tai 3 o‘lchamlari: uzunligi 4605 mm, kengligi 1900 mm, balandligi esa dron moduli bilan 1930 mm gachani tashkil qiladi. Ushbu o‘lchamlar modelni yo‘ltanlamas va oilaviy krossoverlar orasidagi pozitsiyada joylashtiradi.

Tashqi ko‘rinishida keskin chiziqlar, to‘g‘ri burchakli shakllar va...

Xitoyda iPhone 5 hajmidagi mini-smartfon – Bluefox NX1 taqdim etildi. Bu haqda «Palach» nashri xabar bermoqda.

Smartfonning o‘lchamlari iPhone 5 bilan deyarli bir xil. Uning korpusi atigi 10 x 4,9 x 1,2 sm bo‘lib, 4 dyuymli IPS displey 1168 × 540 pikselli, 60 Gts chastota va 500 nit yorqinlikka ega.

Bluefox NX1 MediaTek Helio G81 protsessori bilan ishlaydi. Qurilma 4 yoki 8 GB operativ xotira va 64 yoki 128 GB doimiy xotira bilan jihozlanadi. MicroSD kartalar uchun slot mavjud.

Kameralar oddiy: orqa tomonida 21 MP, oldida esa 5 MP kamera bor. Operatsion tizim sifatida Android 15 o‘rnatilgan.

Telefonning...

Amerikalik tadbirkor Ilon Mask AQSh moliya vaziri Skott Bessent bilan prezident Donald Tramp kabinetidan chiqqanidan keyin janjal qilgani haqida xabarlar tarqaldi. Bu haqda The Washington Post ma’lum qilmoqda.

Ma’lumotlarga ko‘ra, Mask va vazir o‘rtasidagi mojaro yangi ichki daromadlar bo‘yicha komissar tayinlanishi sabab yuzaga kelgan. Skott Bessent Maskning davlat xarajatlarini $1 trln qisqartirish va’dasini eslatib, uni firibgar deb atagan.

Javoban Ilon Mask g‘azablanib, vazirning yelkasi bilan urgan. Bessent esa unga yuziga zarba berib, shundan keyin ular o‘rtasida janjal boshlanib ketgan. Boshqa Oq uy xodimlari darhol janjalni to‘xtatib, Maskni kuch bilan binoning chap qanotidan olib chiqishgan.

Sobiq prezident maslahatchisi...

GM kompaniyasi 2025-yilgi Chevrolet Silverado va GMC Sierra pikaplari uchun yangi dasturiy ta’minot yangilanishini taqdim etdi. Bu haqda 32cars nashri xabar bermoqda.

N25-250380 kodli yangilanish avtomobil egalari uchun mavjud bo‘lib, u multimedia tizimi va boshqa funksiyalarni yaxshilashga qaratilgan.

Yangilanishda asosan quyidagi o‘zgarishlar mavjud: dasturiy ta’minotning ishlash samaradorligi oshirildi, audio tizimdagi muammolar bartaraf etildi hamda Bluetooth ulanishining sifatini yaxshilash amalga oshirildi. Shuningdek, haydovchi displeyining faolsizlanishi muammosi hal qilindi, USB portlari va rul ustidagi tugmalar yanada samaraliroq ishlay boshlagani qayd etilmoqda.

Ushbu yangilanish «havo orqali» (OTA) o‘rnatiladi va taxminan 15 daqiqa davom etadi. Muhimi, o‘rnatish jarayonida avtomobil o‘chirilgan holda qolishi...

Xitoyda yangi koronavirus HKU5-CoV-2 aniqlandi, u odamga yuqishi mumkinligi haqida xabar berildi. Bu haqda Lifehacker nashri yozmoqda.

Vashington universiteti olimlari virusning kichik o‘zgarishi inson hujayralaridagi ACE2 retseptorlariga yopishishini ta’kidlagan. Bu virus nafas yo‘llari va ichakda ko‘payishi mumkin. HKU5-CoV Merbecoviruses guruhi vakili bo‘lib, unga MERS-CoV ham kiradi. MERS 35 foiz o‘limga olib keladi va u ko‘pincha tuyalar orqali yuqadi. HKU5 birinchi marta Xitoyda sutemizuvchilardan topilgan.

Virus hali odamlar orasida keng tarqalmagan, Sars-CoV-2 singari oson yuqmaydi. Olimlar virus odamga yuqishi mumkinligini, ammo hozircha bunga oid dalillar yo‘qligini bildirdi. Shuning uchun hozircha vahimaga tushishga hojat yo‘q. Tadqiqot natijalari Nature Communications jurnalida...

Shavkat Mirziyoyevning taklifiga binoan Slovakiya Respublikasi Bosh vaziri Robert Fitso 8 – 10-iyun kunlari rasmiy tashrif bilan O‘zbekistonga keladi. Bu haqda prezident matbuot xizmati xabar bermoqda.

Toshkentda O‘zbekiston va Slovakiya oliy darajadagi muzokaralari bo‘lib o‘tadi. Uchrashuvda savdo, investitsiya, innovatsiyalar, qishloq xo‘jaligi, sanoat, energetika va turizm sohalarida hamkorlik muhokama qilinadi.

Mehnat migratsiyasi, madaniy-gumanitar va ta’lim sohalaridagi aloqalar ham ko‘rib chiqiladi. Xalqaro maydonlarda o‘zaro qo‘llab-quvvatlash masalalari yuzasidan fikr almashiladi. Muzokaralar yakunida ikki davlat o‘rtasida hamkorlik hujjatlari imzolanishi rejalashtirilgan. Robert Fitso IV Toshkent xalqaro investitsiya forumida ham qatnashadi.

Eslatib o‘tamiz, Kursiv Uzbekistan nashri O‘zbekiston va Sloveniya diplomatik pasport egalari o‘rtasida vizasiz...