Yangiliklar

Germaniyaning Amazone ish beruvchi tashkiloti va Migratsiya agentligi payvandchi, muhandis-mexanik hamda chilangar yo‘nalishlarida ish o‘rinlarini taklif etmoqda. Bu haqda agentlik rasmiy sahifasida ma’lum qilindi.

Unga ko‘ra, jami 70 ta bo‘sh ish o‘rni mavjud bo‘lib, ish haqi 1,8 ming yevroni tashkil etadi. Uy ijarasi va ovqatlanish xarajatlari nomzodning o‘z hisobidan bo‘ladi.

Ishga qabul qilinadigan nomzodlar 40 yoshgacha bo‘lishi, nemis tilini kamida A2 darajada bilishi va xalqaro sertifikatga ega bo‘lishi lozim. Shuningdek, metall texnologiyasi, qishloq xo‘jalik texnikasi yoki mashinasozlik sohasida kasb-hunar yoki bakalavr diplomi talab qilinadi. Soha bo‘yicha kamida 1 yillik tajribaga ega bo‘lish, sudlanmaganlik va jismonan sog‘lom bo‘lish ham asosiy...

Namangan va Nukus shaharlarida ekologik toza va zamonaviy jamoat transporti tizimini rivojlantirish maqsadida Yevropa tiklanish va taraqqiyot banki (YeTTB) bilan hamkorlikda yirik loyiha amalga oshiriladi. Bu haqda Transport vazirligi ma’lum qildi.

Loyiha doirasida xalqaro talablar asosida transport tizimini modernizatsiya qilish, zamonaviy avtobuslar xarid qilish va elektrobuslar uchun maxsus park tashkil etish rejalashtirilgan. Buyuk Britaniyaning «Atkins» kompaniyasi loyiha texnik-iqtisodiy asoslarini ishlab chiqadi.

YeTTBning Osiyo mintaqasidagi vakili Nadejda Klyuchnikova boshchiligidagi ishchi guruh Namangan shahar hokimi Anvarjon Otaxodjayev bilan uchrashib, loyiha bosqichlarini muhokama qildi.

Eslatib o‘tamiz, avvalroq Toshkent shahrida tramvay qayta tiklanishi haqida xabar bergan edik.

AQSh prezidenti Donald Tramp Yevropa Ittifoqining AQSh spirtli ichimliklariga qo‘ygan 50% bojiga javoban Yevropa Ittifoqidan kelayotgan sharob va shampanga 200% boj solishini e’lon qildi. Bu savdo urushining yangi bosqichiga aylanishi mumkin, deya yozmoqda CNN axborot agentligi.

Yevropa Ittifoqi esa Trampning po‘lat va alyuminiy tariflariga javoban AQShning qayiqlar, burbon va mototsikllariga boj qo‘ydi. Amerika spirtli ichimliklar sanoati bu choralar katta zarar keltirishini ta’kidlamoqda.

Tramp Ittifoqni «Amerikadan foyda olish uchun tuzilgan tizim» deb atadi va boj siyosatini qat’iy davom ettirishini bildirdi. Agar vaziyat keskinlashishda davom etsa, ikki tomon o‘rtasidagi iqtisodiy keskinlik yanada chuqurlashishi mumkin.

Eslatib o‘tamiz, avvalroq Tramp AQSh muzokarachilari allaqachon...

Toshkent shahrining Yashnobod va Olmazor tumanlarida ekologik monitoringni yaxshilash maqsadida ikkita avtomatik havo monitoringi stansiyasi o‘rnatildi. Bu haqda Ekologiya vazirligi ma’lum qildi.

Unga ko‘ra, ushbu loyiha Ekologiya vazirligi va «Zamin» xalqaro jamoat fondi tomonidan amalga oshirildi.

Yangi stansiyalar havo sifatini yuqori aniqlikda o‘lchash imkonini beruvchi zamonaviy texnologiyalar bilan jihozlangan. Ular turli hududlardagi ifloslanish darajasini kuzatib borishga yordam beradi. Stansiyalar joylashuvi aholi zichligi, transport harakati va ekologik ahamiyatga ega hududlar kabi omillar asosida tanlangan.

Mutaxassislar ushbu stansiyalar orqali olingan ma’lumotlarni tahlil qilib, atrof-muhitni muhofaza qilish bo‘yicha muhim qarorlar qabul qilish imkoniyatiga ega bo‘ladilar. Shuningdek, Gidrometeorologiya agentligi xodimlari stansiyalar bilan ishlash...

AQShda istiqomat qilayotgan O‘zbekiston fuqarolariga biometrik pasport bilan bog‘liq ogohlantirish berildi. Bu haqda Tashqi ishlar vaziri matbuot kotibi xabar berdi.

Unga ko‘ra, 2020-yil 1-yanvardan boshlab eski namunadagi (nobiometrik) pasportlar o‘z kuchini yo‘qotgan. Shu sababli muddati o‘tgan yoki hali amal qilish muddati tugamagan eski pasport egalari Vatanga qaytish uchun O‘zbekistonning AQSHdagi diplomatik vakolatxonalari orqali qaytish guvohnomasini rasmiylashtirishlari kerak.

Batafsil ma’lumot olish uchun fuqarolar O‘zbekistonning Nyu-York shahridagi Bosh konsulxonasi bilan bog‘lanishlari mumkin.

Murojaat uchun telefon raqamlar: +1917-539-4664, +1347-217-4406, shuningdek, diplomatik missiya telefonlari: +1212-754-7403, +1212 -754-6178.

Avvalroq Kursiv Uzbekistan Turkiyadagi fuqarolar ogohlantirilgani haqida yozgandi.

BMW o‘zining 5-Series va uning elektr versiyasi i5 uchun katta dizayn yangilanishini amalga oshirishga qaror qildi. Garchi ushbu avlod 2023-yilda taqdim etilgan bo‘lsa ham, kompaniya Neue Klasse korporativ uslubiga mos keluvchi katta restaylingni rejalashtirmoqda. Bu haqda 32cars.ru nashri ma’lum qildi.

«Akula burni» dizayni qaytmoqda

Ilk test sinovlari davomida olingan ayg‘oqchi kadrlar yangi BMW 5-Series old dizayni sezilarli darajada o‘zgarganini ko‘rsatdi. Dizaynerlar 70 – 80-yillardagi klassik «akula burni» uslubiga murojaat qilib, uni zamonaviy elementlar bilan uyg‘unlashtirishgan.

Fransiyaga davlat tashrifi doirasida O‘zbekiston Respublikasi Prezidenti Shavkat Mirziyoyev Parij shahri meri Ann Idalgo bilan uchrashdi. Suhbat chog‘ida tomonlar ikki mamlakat o‘rtasidagi hamkorlikni yanada kengaytirish masalalarini muhokama qilishdi.

Prezidentimiz Parij merini yozgi Olimpiya va Paralimpiya o‘yinlarini muvaffaqiyatli o‘tkazgani bilan qutlab, shuningdek, Parij ko‘chalaridan biriga Samarqand nomi berilgani uchun minnatdorlik bildirdi.

Ann Idalgo esa O‘zbekiston rahbariga olimpiada tadbirlari chog‘ida jamoat xavfsizligini ta’minlashda ko‘rsatilgan yordam uchun o‘z minnatdorchiligini bildirdi. Uchrashuv davomida O‘zbekiston va Fransiya o‘rtasidagi strategik sheriklik darajasiga ko‘tarilgan hamkorlik masalalari muhokama qilindi.

Toshkent va Parij o‘rtasidagi shaharsozlik, yashil hududlar barpo etish, jamoat transporti, raqamlashtirish va kommunikatsiyalarni modernizatsiya qilish bo‘yicha tajriba...

Joriy yilning uchinchi choragida oltinning narxi bir troya unsiyasi $3,5 mingga yetishi taxmin qilmoqda. Bu haqda Bloomberg Avstraliyaning Macquarie Group investitsiya banki prognoziga tayanib xabar bermoqda.

Bank tahlilchilarining ta’kidlashicha, oltin narxining yuqoriligi investorlarning kredit yoki kontragent xavfi yoʻqligi uchun toʻlashga tayyorligi tufayli saqlanib qoladi. Oltin bu yil beqaror geosiyosiy vaziyat va AQSh prezidenti Donald Trampning tarif siyosati tufayli 12 foizga oʻsdi.

Eslatib oʻtamiz, «Kursiv» Oʻzbekistonning oltin-valyuta zaxiralari rekord darajaga yetgani haqida yozgan edi.

11-mart kuni Parijda bo‘lib o‘tgan Fransiya – O‘zbekiston biznes forumi doirasida Surxondaryo viloyatining ichimlik suv ta’minotini modernizatsiya qilish loyihasining birinchi bosqichi bo‘yicha muhim hujjat – Termsheet (shartnomaning asosiy shartlari) imzolandi. Ushbu kelishuv Fransiyaning yirik Suez kompaniyasi bilan amalga oshirilmoqda. Bu haqda Uzsuvta’minot ma’lum qildi.

Forumda ikki davlatning tegishli vazirlik va idoralari rahbarlari, shuningdek, 100 ga yaqin yirik kompaniyalar, moliya va biznes tashkilotlari vakillari ishtirok etdi. Qishloq xo‘jaligi, energetika, yashil iqtisodiyot, shaharsaroylik, suv ta’minoti, transport, konchilik, sog‘liqni saqlash, ta’lim kabi ko‘plab yo‘nalishlarda hamkorlikni rivojlantirish bo‘yicha 20 dan ortiq bitim va shartnomalar imzolandi. Bu haqda batafsil ma’lumotlarni Uzsuvta’minot Kursiv Uzbekistan muxbiriga...

14-mart, juma kuni muborak Ramazon oyining oʻn toʻrtinchi kuni boʻlib, Toshkent shahrida saharlikning tugashi soat 5:20 ni tashkil qiladi. Iftorlik esa 18:30 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan.

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Eslatib oʻtamiz, Kursiv Uzbekistan roʻza tutishda salomatlik uchun qanday qoidalarga amal qilish haqida yozgan edi.

O‘zbekistonda Pepsi 7UP ishlab chiqaruvchi kompaniya asoschilaridan biri Holten Group Burger King Qozog‘iston franchayzini sotib oldi.

Franshizaning asoschisi «Verniy kapital» kompaniyalar guruhi va uning hamkori Anuar Utemuratov bo‘ldi. Bitim summasi oshkor etilmagan.

Korxona va tashkilotlarning yagona reyestri ma’lumotlarida 13-mart holatiga koʻra, Holten Group International Beverages Tashkent ustav kapitalidagi 0,1% ulushga egalik qiladi. Qolgan 99,9 tasi Holten Enterprise Holdings Ltd kompaniyasiga tegishli.

International Beverages Tashkent kompaniyasi Pepsi, 7UP va Mirinda, Mountain Dew brendlari ostida gazlangan ichimliklar ishlab chiqaradi.

2021-yilda Spot.uz Burger King O‘zbekiston bozoriga kirishi mumkinligi va Moskvadan kelgan kompaniya franchayzer bo‘lishi kerakligi haqida xabar bergan edi.

Avvalroq Kursiv...

«Poytaxt Bank» aksiyadorlarining 17-fevraldagi qarori bilan Abjalov Do‘stboy Abdurashidovich ushbu bankning boshqaruv raisi vazifasini bajaruvchi etib tayinlandi. Bu haqda Open info’da ma’lumot berildi.

Tayinlovga qadar Abjalov o‘tgan yilning avgust oyidan beri shu bankning boshqaruv raisi birinchi o‘rinbosari lavozimida ishlab kelgan.

Oldingi boshqaruv rahbari Raxmatov Xasan O‘tkirovich yanvar oyidan «Asia Alliance Bank» kuzatuv kengashi raisi etib saylangani uchun u bilan tuzilgan mehnat shartnomasi 17-fevraldan bekor qilindi.

Ma’lumot uchun, Abjalov 1984-yilda Samarqand viloyatining Nurobod tumanida tug‘ilgan. 2007-yil Toshkent moliya institutini tamomlagan. Bank sohasida 15 yildan ortiq tajribaga ega.

Avvalroq Kursiv Uzbekistan Aleksey Maksimov Humo toʻlov tizimi rahbari etib tayinlangani haqida yozgandi.

11-mart kuni Kambag‘allikni qisqartirish davlat maqsadli jamg‘armasini tashkil etish bo‘yicha hukumat qarori qabul qilindi. Bu haqda Adliya vazirligi xabar berdi.

Uning asosiy maqsadi «Kambag‘al oilalar reyestri»ga kiritilgan fuqarolarning bandligini rag‘batlantirish hamda tadbirkorlik faoliyatiga jalb etishdir. Shuningdek, ushbu shaxslarga va ularning bandligini ta’minlashga ko‘maklashuvchi yuridik va jismoniy shaxslarga moliyaviy yordam beriladi.

2025-yil 1-oktabrdan jamg‘arma mablag‘lari hisobidan subsidiya, grant va ssudalar bosqichma-bosqich ijtimoiy karta orqali taqdim etilishi rejalashtirilgan.

Avvalroq «Kursiv» O‘zbekiston – Fransiya universiteti tashkil etilishi haqida yozgandi.

O‘zbekistonda havo yo‘lovchi transport xizmatining narxi o‘tgan yilning shu davriga nisbatan 23,2 foizga oshdi. Bu haqda Milliy statistika qo‘mitasi hisobotida ma’lum qilindi.

Temir yo‘l chiptalari narxi o‘tgan yil fevral oyiga nisbatan 18,6 foizga ko‘tarildi. Avtomobil tashish xizmatlari esa 11,1 foizga qimmatlashdi.

Shuningdek, benzin narxi 2,9 foizga oshgan bo‘lsa, metan 20,9 foizga qimmatlashdi. Propan esa yanvar oyiga nisbatan 4,3 foizga, o‘tgan yilning shu davriga nisbatan 11,3 foizga oshdi.

Eslatib oʻtamiz, Kursiv Uzbekistan guruch va bugʻdoy uni narxi pasayishda davom etgani haqida yozgan edi.

Orano va «Navoiyuran» Janubiy Jongeldi uran qazib olish loyihasi bo‘yicha sanoat rivojlanishiga asos bo‘luvchi kelishuvni e’lon qildi. Bu haqda Orano kompaniyasi rasmiy saytida ma’lum qilindi.

Shartnoma shartlariga koʻra, Janubiy Jongeldi loyihasi loyiha operatori boʻlgan «Navoiyuran»ning mavjud sanoat bazasiga birlashtiriladi.

Shartnoma, shuningdek, Yaponiyadan yangi hamkor ITOCHU korporatsiyasining qoʻshma korxonada minoritar ulushga ega boʻlishini anglatadi.

«Ushbu loyiha guruhning ishlab chiqarish manbalarini diversifikatsiya qilishga yordam beradi. Bu yangi bosqich Oʻzbekistonda soʻnggi 5 yil davomida amalga oshirilgan ishlar natijasida amalga oshirildi. Orano oʻzining geologik va texnik tajribasini loyihaning keyingi rivojlanishiga olib borishni maqsad qilgan va bu bilan kompaniya faoliyatini...

14-martdan AQSh dollarining rasmiy kursi 18,11 so‘mga oshib, 12 938,11 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 860 – 12 930 so‘mdan sotib olayotgan bo‘lsa, 12 930 – 12 980 so‘m oralig‘ida sotmoqda.

Shu bilan birga, yevro 25,52 so‘mga tushib, 14 076,66 so‘mga yetdi. Rossiya rubli esa 0,47 so‘mga oshib, 149,99 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.      

Toshkent shahrida tramvay tizimi qayta joriy etiladi. Bu haqda Fransiya Tashqi ishlar vazirligida bo‘lib o‘tgan vazirlik-idoralararo hujjatlarni imzolash marosimida qatnashgan jurnalist Aziza Qurbonova ma’lum qildi.

Bu borada Toshkent shahar hokimi o‘rinbosari Sharof Rahmonov va Fransiya tashqi savdo va xorijdagi fuqarolar bo‘yicha vazir-delegat Loran Sen-Marten tramvay tizimini amalga oshirish bo‘yicha yo‘l xaritasini imzolashdi.

Mazkur hujjat Fransiya tashqi ishlar vazirligida bo‘lib o‘tgan rasmiy marosim doirasida e’lon qilindi.

Avvalroq Kursiv Uzbekistan prezident Fransiyaning Faxriy legion ordeni bilan taqdirlangani haqida xabar bergan edi.

2024-yilning sentabridan 2025-yilning fevraligacha Qozog‘iston O‘zbekistonga 2,2 mln tonna g‘allani eksport qilgan. Bu haqda Zakon.kz nashri xabar berdi.

O‘tgan olti oyda Qozog‘iston 7,4 mln tonna g‘alla eksportini amalga oshirdi. Shundan 1,6 mln tonnasi ichki bozorga, 5,8 million tonnasi tashqi bozorga yo‘naltirilgan.

Eng ko‘p eksport qilingan davlatlar orasida O‘zbekiston o‘tgan yilning shu davriga nisbatan 34 foiz o‘sish bilan birinchi o‘rinda turibdi. Keyingi o‘rinlarni Tojikiston, Eron, Ozarbayjon va Afg‘oniston egallagan.

Avvalroq Kursiv Uzbekistan respublikaga Qirgʻizistondan kartoshka importini uch baravar oshirgani haqida yozgandi.

Rossiyaning «Zarubejneft» kompaniyasi Andijon viloyatida quyosh elektr stansiyasini qurish loyihasi bo‘yicha arizalarni qabul qilishni yakunladi.

Tenderlarning umumiy qiymati taxminan 23 million rubl ($264,9 ming) atrofida. Kompaniya huquqshunos va texnik maslahatchilarni izlagan. «Zarubejneft» tanlov natijalarini 11-aprel kuni e’lon qiladi.

Eslatib o‘tamiz, Andijonda $100 millionlik quyosh elektr stansiyasi qurilishi bo‘yicha memorandum 2024-yil may oyida Moskvada imzolangan edi. Loyihani 2026-yilgacha ishga tushirish ko‘zda tutilmoqda.

Bundan tashqari, Rossiya kompaniyasi $100 million miqdorida Andijonda chiqindilarni elektr energiyasiga qayta ishlash korxonasini barpo etishda ko‘maklashadi.

Eslatib oʻtamiz, Fransiyaning Voltalia energetika kompaniyasi Oʻzbekistondagi yashil energiya klasteri uchun elektr energiyasini sotishi haqida yozgan edik.

Toshkent shahar sudi sobiq deputat Qobil Dusovga nisbatan chiqarilgan sud hukmini o‘zgarishsiz qoldirdi. Bu haqda Oliy sud matbuot xizmati ma’lum qildi.

Jinoyat ishlari bo‘yicha Yashnobod tumani sudining 2025-yil 24-yanvardagi qarori apellyatsiya bosqichida ham o‘z kuchida qoldirildi. Dusov Jinoyat kodeksining 140-moddasi (haqorat qilish) 3-qismi «a» bandi bo‘yicha aybdor deb topilgan. Unga dastlab bir yil-u ikki oy muddatga ozodlikni cheklash jazosi tayinlangandi.

Yashnobod tumani IIO FMB Probatsiya bo‘limi Dusov belgilangan tartib-qoidalarga rioya qilmaganini bildirgan. Unga kech soat 21:00 dan ertalab 07:00 gacha yashash joyidan chiqish taqiqlangan, internetdan foydalanish va ommaviy tadbirlarda qatnashish cheklovlari qo‘yilgandi. Shunga qaramay u cheklovlarni buzgan, internetdan foydalanishda...

Silk Avia samolyoti 13-mart, payshanba kuni ertalab Termizga qoʻna olmadi. Bunga noqulay ob-havo sabab boʻlgan.

Uzbekistan Airways matbuot xizmatining Kursiv Uzbekistan’ga ma’lum qilishicha, Silk Avia’ning Toshkentdan Termizga parvoz qilgan US751 reysi quyuq tuman sabab Samarqand xalqaro aeroportiga yoʻnaltirilgan.

Termiz xalqaro aeroporti reyslarini qabul qilish uchun tayyor boʻlishi bilan mazkur reys Samarqand – Termiz yoʻnalishi boʻylab parvoz qilgan. Yoʻlovchilar oʻz manziliga yetkazilgan.

Avvalroq Fargʻona aeroportida S7 Airlines samolyotining qoʻnish moslamasi shikastlangani haqida yozgan edik.

Tahlilchilar tomonidan o‘tkazilgan so‘nggi tadqiqotlarga ko‘ra, Shimoliy Koreya o‘zining Pxenyan yaqinidagi uzoq masofali raketa uchirish bazalaridan birini golf maydonchasi ko‘rinishida yashirgan. Bu haqda The Telegraph nashri ma’lum qildi.

O‘tgan yilgacha ushbu hudud Kim Chen Inning Qishki saroyi – Ryokpo qarorgohi sifatida tanilgan bo‘lib, u poytaxtdan 32 kilometr janubi-sharqda joylashgan edi. Biroq yaqinda saroy buzib tashlangan va uning o‘rniga yangi inshootlar, yo‘llar hamda tashqi ko‘rinishi golf maydonchasiga o‘xshash hudud barpo etilgan.

Midlsberi instituti qoshidagi Jeyms Martin nomidagi Yadro qurollarini tarqatmaslik markazi tahlilchilari tomonidan olib borilgan infraqizil tadqiqotlar bu hududda betondan mustahkamlangan katta maydon mavjudligini aniqladi.

Biroq mutaxassislar ushbu hududning...

Shu yilning 1-mart holatiga ko‘ra, O‘zbekistonda 15,5 mingta chet el investitsiyasi ishtirokidagi korxona va tashkilotlar mavjud. O‘tgan yilning shu davriga nisbatan korxonalar soni 8 foizga yoki 1,2 mingga ko‘paygan. Bu haqda Milliy statistika qo‘mitasi xabar berdi.

Jumladan, ularning 4 mingtasi qo‘shma korxonalar, qolgan 11,4 mingtasi xorijiy kompaniyalar hisoblanadi.

Xorijiy kapital ishtirokidagi korxonalar soni bo‘yicha Xitoy yetakchilik qilmoqda – 3,5 mingta korxona. Undan keyingi o‘rinlarda Rossiya (3 mingta), Turkiya (1,8 mingta), Qozog‘iston (1 mingta) va Janubiy Koreya (662 ta) joylashgan.

Avvalroq Kursiv Uzbekistan yanvar oyida 7,3 mingta yangi korxona tashkil etilgani haqida yozgandi.

Ayrim turdagi oziq-ovqat mahsulotlari boʻyicha iste’mol narxlari indeksi e’lon qilindi. Unga koʻra guruch va bugʻdoy uni narxlarida pasayish kuzatilgan.

Guruch va guruch oqshogʻi narxi oʻtgan oy bilan taqqoslaganda 3,9 foizga, oʻtgan yilning mos davriga nisbatan 10,4 foizga kamayganini koʻrish mumkin.

Bugʻdoy uni narxi esa oʻtgan oy bilan taqqoslaganda 5 foizga, oʻtgan yilning mos davriga nisbatan 7,6 foizga kamaygan.

Eslatib oʻtamiz, Kursiv Uzbekistan nashri 2024-yilda Oʻzbekistonda inflyatsiya darajasi 9,8 foizni tashkil qilgani haqida yozgan edi.